جاني خبركم يا طلال العيد والبال اكتوا=هذا قضى رب الملا يرضى به القلب القوي
ونيت مع ذيب الفلا لعدا لولاح وعوا=اليا طواه الجوع باقصى موحش الخلا طوي
وانا نفسي تضايقت والخد بالدمع ارتوا=يالله تجير احوال عبدن بالعقيده مستوي
دلا فؤادي ينحني مثل النصي لجا هوا=يميل في هبوب ريحن من جنوب ويلتوي
هذي هي الدنيا تقافت بين فوقات وخوا=ترينا من جمالها واحوال تزوينا زوي
عساها عنكم تنجلي وتحول براسن غوا=الكافر العاصي كريهن في لضى النار يهوي
وانا على عهد الصداقه كالنسيم اللي ضوا=يابو فهد مثلك جعلته ليي على الصحبه خوي
فلا والله طرا لي طارين ولا البال انزوا=لكنها مسافتن تحول دون المهتوي
حتى غشانا هالليالي لافحن فوحه شوا=حدانا قيضن يا رفيقي بالضحى يشوي شوي

ما فادنا ظل الشجر زاهي بريضن ما ذوا=ولا وقانا وادين ولا نفع نخل قروي
لكن رجانا في عظيم الشان فالق النوا=اللي فرش على الوطا حصبا الحماده والجوي
رب السماوات العلا عالي على العرش استوا=سبحانه الواحد جعل رعيد المزن له دوي