|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا06-13-2009, 11:38 PM | رقم المشاركة : [ 6 ] | |
عضو فعال | تسلمين دبوووه ع القصة بس عندي لج طلب .. همممم لو اطولين البارت يكون احسن لانه البارت وااايد صغير بانتظار البارت الثالث^^ __DEFINE_LIKE_SHARE__ | |
| ||
06-14-2009, 02:32 AM | رقم المشاركة : [ 7 ] |
عضو برونزي | ننتظر الكملهـ ح ـياتوو ..
والسموحهـ .. __DEFINE_LIKE_SHARE__ |
| |
06-14-2009, 10:32 AM | رقم المشاركة : [ 8 ] | |
عضو جديد | البارت الثالث راحت دانة وخلت ماريا بحزنها ا ناهل ابوها ما يعرفون ان ولدهم عنده بنت وعقب نص ساعة رجعت ماريا البيت.. اليوم الثاني.. نشت ماريا على الساعة 12 وخذتلها شور سريع ، لبست بنطلون جينز سكيني وقميص كت اصفر ولبست اكسوارات صفرا ونعال اصفر وسحت شعرها اللي لين اكتوفها ولبست تاج اصفر وكان شكلها كيوت.. نزلت تحت فتحت التلفزيون وقالت للخدامة اتيبلها سلطة لان هذا فصوره+غداه.. الساعة 3 اتصلت ماريا لدانة وتمت تسولف معاه الين الساعة 4 ، وعقب سارت ماريا تلعب سبورت.. عقب سواله ابوه:- محمد:- شحالج ماريا؟؟ ماريا:- الحمدالله بخير..غريبة دادي مسوي لي تلفون؟؟ محمد:- حرام اطمأن على بنتي.. ماريا:- لا مب حرام بس مب من عوايدك ادق علي غالبا ادق على الحراس وهم يعطوني خبر اذا كنت تباني في موضوع.. محمد:- لا بس كنت ابي اقولج اني قلت لاهلي اني كنت متزوج امج البريطانية وان عندي بنت عمرها 18 سنة.. ماريا:- شو قالولك.. محمد:- اتفاجؤ.. بس فهمتهم اني ماكنت بقولهم بس انتي اصريتي علي اقولهم.. ماريا:- المهم هم الحين متقبليني ولا؟؟ محمد:- هم قالوا يبون يقابلونج واباج اتين باجر عشان تجوفينهم.. ماريا:- دادي انا احيد قلت قوللهم ان عندك بنت م بانا اسيرلهم اقابلهم.. محمد:- كيف يعني ما بتين؟؟ ماريا:- لا مابيي.. محمد:- لا بتين غصبن عل ويهج تفهمين.. ملريا:-دادي لكن... قاطعها محمد:- بدون لكن سيري الحين جهزي اغراضج عشان باجر اتين دبي وانا قايل حق الحراس ومخلص.. ماريا:- اففف..خلاص انزين بااااااااااااااي.. محمد:- باااااااااااااي.. سكرت ماريا عن ابوه وتمت تصيح ما تبي تسير عند اهل ابوه اتحس انه ما بيتقبلونه.. اليوم الثاني.. طبعا ماريا ما ياه النوم من كثر التفكير اذا اهل ابوه بيتقبلونه ولا؟؟ وبعض الاسئلة الثانية ادور في راسه.. سارت ماريا خذتله شور ولبست لها برمودا جينز مع قميص كت اسود مرسوم عليه جمجمه بالفضي ولبست اكسوارات سودا ونعال اسود وسحت شعرها وسوته من جدام بف وتجحلت وحطت بلاشر وقلوس وشلت نظارتها وخلتها على راسها وخلت موبايلها في جيبه ونزلت تحت وخلت الخدم يشلون شنطته يودونه السيارة وطبعا ما نست اللاب لانها لازم قبل ما ترقد تقرا رواية.. ركبت الرنج والسايق يسوقه وكانت سيارتين جدام وسيارتين ورى والرنج في النص المهم وصلو لدبي ودخلت بيت يده اللي مساحته نفس مساحة بيته اللي في راك المهم دخلت السياير ووقفت الرنج جدام باب الفلة نزلت منها ماريا وكانت لابسة النظارة الشمسية فيوم دخلت داخل الفلة اللي تشبه القصر ما فصختها ، دخلت فحصلت كم من باب فما عرفت وين تسير فتصلت لابوه:- محمد:- ها ماريا وينج؟؟ ماريا:- انا دخلت البيت بس وايد بيبان احيد الفلل اول ما يدخلونه تكون صالة مب مليون باب جدامج.. ضحك محمد وقال:- خلاص لا تتحركين انا ياي.. ماريا انصدمت اول مرة تسمع ضحكت ابوه عمرها ما سمعت ضحكته وتمت سرحانه الين ماياه ابوه.. استووووووووووووووووب.. توقــــــــعـــــــــاتكم.. __DEFINE_LIKE_SHARE__ | |
| ||
06-16-2009, 12:28 PM | رقم المشاركة : [ 9 ] | |
عضو جديد | البارت الرابع محمد:- هلا والله ببنتي توه ما نور البيت.. ماريا:- منو بوجودك دادي.. محمد:- تعالي بعرفج على يدج وعمومج.. ماريا:- اوكي.. سارت ماريا ورى ابوه الين الميلس وقبل ما تدخل الميلس فصخت النظارة وخلتها على راسها ويوم دخلت كلهم بهتو لانها كانت مب لابسة عباة وشيله وكانوا هناك عيال عمه فعشان جيه افتشلت ، فابوه عرفه على كل شخص عقي سارت وسلمت على يده بس بالايد ، فهو استغرب انه ليش ما حبته على راسه فقال اليد:- ليش ما حبيتيني على راسي؟؟ ماريا:- ليش لازم يحبون على الراس بعد؟؟ اليد:- هيه.. فسارت ماريا وحبت راس يده ، فعقب قاله ابوه:- تعالي بنسير عند يدتج.. ماريا:- اوكي.. فسارت ماريا ويا ابوه عند يدته ، فيوم كانو بيدخلون ميلس لبحريم.. قال محمد:- هود..هود.. اليده:- بطنك عود..ادخل محد غريب.. فيوم دخل سارعند اليده وسلم عليه وباس راسه ، فعقب خمس دقايق دخلت ماريا كلهم استغربو منو هاي الاجنبية اللي دخلت عليهم.. اليده:- أي انتي منو سمح لج تدخلين؟؟ محمد:- يمى هذي بنتي ماريا.. في ميلس الريايل عقب ماروحت ماريا أحمد ومحمد يتساسرون.. احمد:- شفت كيف داخلة لا عباه ولاشيله.. محمد:- لا وبعد برمودا.. احمد:- ابى اعرف كيف عمي مخلنه جي فري.. محمد:- والله ما اعرف.. جان حمد يدخل بينهم ويقول:- لا يتناجى اثنان دون الثالث.. محمد:- قال لايتناجى قال ما اعرف منو توه يتساسر ويا حمدان.. حمد:- لكن ما كنى انحش.. محمد:- اسكت بس اسكت.. في ميلس الحريم اليده:- وليش حظرتج مب لابسه عباه وشيله؟؟ ماريا:- شو يعني عباه وشيله؟؟ اليده:- وبعد ماتعرفين شو يعني شيله وعباه.. ماريا:- لا.. اليده:- محمد ليش مب معلم بنتك انها تلبس عباه وشيله؟؟ محمد:- يمى انا قتله بس هيه رفضت.. اليده:- وليش ما غصبته انه تلبس تراه اناراتية.. قاطعنها ماريا:- بس انا ما عندي جواز اماراتي.. استووووووووووووووب تــــوقـــعــــاتــــكــــــم.. ادري انه وايد صغير بس ظروف.. __DEFINE_LIKE_SHARE__ | |
| ||
06-17-2009, 03:00 AM | رقم المشاركة : [ 10 ] |
عضو برونزي | اممم كيف ما اتعرف شو يعني عباه وشيلهـ مدام انها عايشهـ فـ الامارات لازم اتعرف
وبث هاي ملاحضتي ^^.. والثموحهـ .. __DEFINE_LIKE_SHARE__ |
| |
مواقع النشر (المفضلة) |
الكلمات الدلالية (Tags) |
دبـــــــــــــــــــــلومـــــــــــــــاســــــي, ــــــــة.. |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
..~!! قــــــلّـ ذَوْقْ ــــــــة !!~.. | حمامـ الوادي ــة | الإستراحه العامة | 7 | 10-28-2009 09:05 AM |
الزيــــــــــــــــــــــــــــــــــــــــــــــ ــــــــت | محروم.كوم | منتدى أخبار المواقع والمنتديات العربية والأجنبية | 0 | 09-09-2009 06:10 AM |
جنـــون الــــــ ح ــــــــب!! | » βỊη άℓ đόόŁα « | شعر و خواطر | 9 | 06-21-2009 07:37 PM |
نـــــ ك ــــــــت | ήoOήY | نكت , سوالف للشباب والبنات | 17 | 09-24-2008 08:31 AM |
((× اصــــ ع ــــــــب ؛؛×؛؛حب؛؛)) | بنوتة عيناوية | الإستراحه العامة | 10 | 03-28-2008 01:59 PM |