[العنا وش هو العنا .. غير أنتيـﮯ وجروحك وأنـا ! ] - الصفحة 39

6ominko0o · 05-09-2008, 12:03 PM

NiiiiiCe endinG ^^, mashkooor u5ooyh 3aL story __DEFINE_LIKE_SHARE__

~شمس الغروب~ · 05-09-2008, 03:20 PM

يالله اخوي وين القصة
ملييييييييييييييت

لاتبطي عليناا __DEFINE_LIKE_SHARE__

ملانه · 05-10-2008, 02:12 PM

مشكور اخوي ع القصه الصراحه انا وايد اندمجت فيها __DEFINE_LIKE_SHARE__

x. روح الوفا .x · 05-12-2008, 09:45 PM

سنكحيوووووووو __DEFINE_LIKE_SHARE__

هيمـان يالمنصوري · 05-14-2008, 10:07 PM

لووووول ... وصل الباااارت .. وانا عند كلمتي .. احط اخر بارت بين ايدكمــ ..

طبعا خلصت القصه .. وها البارت .. بسميه [ فلسفة وخرابيط ]

اولا احب اشكر كل من وقف ويايه ورد على القصه وفيه نكات مميزه وعيني دوم عليها وللامانه وخاصه للنكات اللي حافظتنهن ما انزل البارت الا لين ما اشوف كل النكات اللي عيني اتعودت تشوفهن ..

اخاف اقول نكات وانسى نكات .. فتجنبا للاحراج مابقول لوول

بداية لقصتي [ مع خالص احتقاري محبوبتك لعام 2007 ]

ها العنوان تقريبا مركب وانا اتخذته شعار .. يوم كنت صف ثاني ثنوي شفت مكتوب ع كرسي في المدرسه
( مع تحياتي انا والعالم ) تمت ها الكلمات عالقه في بالي ..

وعقبها بفتره كنت اجلب فولدر بني جديم عندي من سنة الف وتسعميه وحطبه لول .. وفيه خواطر شهرزاد كنت ايمعهن لفتت نظري من بين الخواطر خاطره بعنوان " مع خالص احتقاري .."

من عقبها سرت اكتب في نك نيمي وع الدرج في المدرسه .. " مع خالص احتقاري انا والعالم .. "

لين ماسافرنا في الصيف النمسا والمانيا ..

وبدت تيني الافكار الصراحه يتني الافكار فجأه مره وحده .. من الناس اللي حواليه الصراحه كانو وايد وفيه ناس اول مره اعرفهم وشي طبيعي دام انه نحن في سفر بنختلط بهم .. ومن ها الاختلاط حسيت انه الناس اصناف ..

بداية بعلايه بطلة قصتنا ..

علايه هي انا .. وانا هي علايه .. ههههههههههههههه .. شي طبيعي اني بخلي البطله وحده قريبه مني ومن شخصيتي علايه خليتها مجسم صغيرون مني انا على ورق .. اوه سوري قصدي صفحات الوورد لول ..

الشكل تقريبا وصفته من شكلي بس فيه شي واحد غير وحبيت اوضحه فيها الطول .. ولاني افتقد الطول واقوول انه الطول هيبه والقصر خيبه .. صح انه طولي معقول بس اطمح للطول اللي في بالي ههههههه

ماعلينا

صفات علايه هي اانا .. انا بطبيعتي اتم ارمس عمري بتقولون خبله بس انا احب جي .. احلل المواقف والشخصيات وكل شي .. عشان جي حللت كل شخصيه خلت بصمه في نفسيتي ..

عايلة قوم حمد للامانه هم عايله سافرت ويانا وسويت لاساميهم الصدقيه كوبي بيست عشان جي ياخوفي يقراها حمد ويسفرني .. صح انه كان يرفع لي الضغظ وماكنت احتك بهم وايد بس حطيت ببالي شخصيته المعقده والصعبه وبديت ارسمها في بالي لين ماحطيت افكاري فكره .. فكره عن حمد ..

روضه والصغار كلهم كانو ويانا .. فعلا روضه كانت نفس الطبع بااااارده برود الثلج ودوم وياخواتها وماخذه الحياه ببساطه احس انه مالها خص في هاا الدنيا ونادر ماتتدخل ودوم ويا خواتها الصغار من يوم سافرنا لين ماروحنا عشان جي قلت بدخلها كعنصر بارد ولها تاثير وتغير في الاحداث بس بشكل طفيف ..

حمدان الصراحه الصراحه .. احلى شي حمدان في السفره والقصه .. بس طبعا ها مب اسمه الصدقي .. بس هو يقرب لنا من بعيد واول مره التقي به في السفر حتى هو استغرب ماكنا نعرف بعض قبل بس صدفه حلوه .. الشي اللي كان يميز حمدان هو طيبته وقسم بالله ماشفت في حياتي كلها اطيب من ها الانسان لو شو مايستوي يكون بارد وساكت ويبتسم .. على عكسي انا على اتفه الاسباب تحصلوني لابجه ومنتفخه .. كنت اشوف ها الانسان وهو ساكت ويبتسم اقول صدق انه مثال " للكاظمين الغيظ " يروم يتحكم في اعصابه بشكل كبير اتعلمت من حمدان في القصه وخارج القصه اشياء وايد كنت فاقدتنها في حياتي وكنت محتاجه لها .. هو الصبر والطيبه ..

تعلمت وايد اشياء . وهو علمني وايد اشياء .. واحلاها الغولف لوول .....

أحمد .. هو الــ ..........

ههههههههههههه لحظه يالسه اكتب ودش عليه خاليه .. اللي هو اصلا حاطتنه عم علايه في القصه بس في الاساس هو اصلا خالي .. لحظه برمسه وبرد لكم ..

دش عليه خالي وهو يايبلي اوراق المراجع حق التقرير .. الله يخس المدرسه لوول المهم هذا مب موضوعنا .. خاليه مسولي كل شي امره .. يعني مدلعني لوول هو اكبر عن بسنتين عشان جي من يوم كنا صغار ونحن مانتفارق لين ماكبرنا ولو انه حاله مب عايبني من دش التقنيه بس بطوفها له لانه انشغل عني  ..

خالي ما ارضى عليه باي شي .. وتخسي والله انه تخسي اي وحده من ربيعاتي ولا وحده تغلط عليه ولا تقول له " اق " .. ولو في خاطرهم يحشون فيه اقولهم انا بداله لكن هو لاتقولون له شي .. لانه صدق احبه .. من خااااااااطري .

غايه .. في غايه جسدت كل معاني الشر والحقد والانانيه ها الروح في كل نفس بشريه وفيني انا بعد بس تختلف .. في شخصية غايه جمعت شخصية بنتين كانو ويانا .. كانو يكرهوني من خاطرهم ويحقدون عليه عشان سالفه انا مالي خص فيها من الاساس بس اللهم اني كنت شاهد عيان عليها .. ماتتصورون كيف يحقدون عليه ويكرهوني وانا مسويه طااااااااف واكبر طاف .. واسكت عشان اقهرهم .. تبون الصراحه انا ما اكره حد بس كرهت اسلوبهم وتعاملهم ويايه جنه اشتغل عندهم او شي دون المستوى كرهت ها الشخصيه كرهت الجذب والانانيه .. صورت مشاعرهم الخايسه صوبي في غايه وخليت الشر اللي في قلبهم لي .. في قلب غايه ومثل ماكانو يكرهوني خليت غايه تكره علايه .. بس في النهايه .. اتمنى انهم يطوفون على القصه ويقرون ها العباره بالتحديد ..

" ان حكو فيني بوجهي او حكو بي من وراي مالقو غير ( البياض ) اللي قهر ( سود ) الظنون "

عند غايه توقف الشخصيات الصدقيه في حياتي .. ويبدا الخيال ياخذ مجراه ..

سعيد .. وقصت سعيد .. تقريبا كانن في القصتين الاول والثانيه .. ماعرف ليش احط ها القصه بس يكون لها هامش وطرف من قصتي ..

سعيد شخصيه ضعيفه ماتروم تاثر .. بس تتاثر بالظروف اللي حولها .. يعني شخصيه سلبيه ..  علم النفس اثر فيني لوول

عبود .. شخصيه حلوه وحبيتها وسالفة ( ايش ايش ..) كل ما اتذكرها انقع من الضحك على عام 2004 تقريبا كان شي مقلب مال التيلفون وفيه بنات يتضاربن ورمستهن مخبقه .. يعني مب لين هناااك هههه وفيه وحده كانت تقول " ايش ايش " بطريقة فكاهيه وغبيه فكنا نعلق عليها لين مانشب ها اللقب .. وهاي سالفة ايش ايش ..

فيصل .. الصراحه ماشفته في مكان ولا احب اني اشوف شرات فيصل ..لاتسالوني ليش ..؟؟ بس جي مع انه كنت اكتب شخصية فيصل وانا مرتاحه وايد .. بس الناس الحلوييين بالشكل اللي يلفت النظر انا غالبا ما احبهم .. او بالاحرى بمعنى ثاني .. انه الشخص اللي يحصل اهتمام كبير من الناس سواء لشهرته او لجماله انا تحصلوني اكثر وحده اكرهه ليش .. ماعرف ؟؟ عافانا الله شو ها الشخصيه .. بس جي غباء .. عشان جي ما اتمنى اشوف من نوعية فيصل ..

عنود .. بنت حبوبه وطيبه وفيه منها وايد وانا احب اللي يكونن من ها النوع .. اللي من تشوفينها اول مره ماتحط من بينج وبينها حواجز بالعكس هي اللي تبدى وتسولف .. وتحسين انج مرتاحه لها ..!
سلطان .. اسم مب متواجد في مجتمعي اللي اعيشه .. لكن خليت سلطان الشخص المحب الرومانسي رغم مرضه .. صح انه المرض مب نهاية العالم .. او انه المرض مب سبب رئيسي يتحكم في حياتنا .. لازم نحن نتحكم في مرضنا وفي حياتنا .. والقرار يكون بيدي انا .. ومب بايد اختي .. او بنت عمتي .. او اي كان .. من خلال سلطان حبيت اوضح الحب ممكن يروح بسرعه ولو كان حب قوي وعنيف .. وانه مب اي كلام نسمعه نصدقه .. وياكثرهم ها الناس .. انا الصراحه يوم كنت اصغر من جي ماكنت اتعرض لمواقف ويا شخصيات مختلفه ماكنت اروم ادرس الشخصيات اللي حولي لانه تقريبا كلنا عارفين بعض بس يوم اتفحت وعشت ويا العالم الخارجي بشكل اكبر .. حسيت انه فيه ناس زينه وشينه ولكل منهم نواياه .. بس اهم نقطه ما نثق في اي كان .. زين او شين .. وفيه نقطه ثانيه .. مانسمع اي كلام منه والدرب .. تراه ياما اختربت بيوت واستوت مشاكل والسبب زلة لسان ولحظة طيش .. واخرتها ماينفع الندم ..

ع العموم لو ماكنت حابه سلطان وشخصيته جان في النهايه ماخليته ياخذ عليا .. وخليته ينفد بعيد عنها لوول

عمر .. بعد شخصيه من خيالي .. احب ها لنوع من الدفاشه والخراشه .. امم ماعندي تعليق عليه وايد لانه ماكان له دور كبير في القصه

اما نوره من البدايه خليتها شويه متسلطه ولها كلمه على اخوها .. وها النوع من الخوات اكرهـهم .. ما احب الاخت اللي تدخل في حياة اخوها وتمشي حياته ع كيفها تحت مسمى .." احب اخويه " وتراه ها النوعيه موجودات وبكثره وخاصه يوم يعرسون اخوانهم يمارسون عليهم تسلطهم وبعد خاصه لو كانت الاخت مب معرسه ..

مابا اعلق على الابو والام .. لانه ماعندي كلام لهم .. ماعرف ليش ؟؟

المحل حلم من احلامي ماتحقق في الواقع بس حققته على ورق او بالاصح على صفحات الورد بين طيات قصتي .. ها المحل حلم حلمته من صف اول ثنوي اتمنى انه يتحقق في المستقبل القريب ..

الميني كوبر .. حلم حلمته من يوم انا صف ثالث اعدادي .. اتخبل ع سيارة اسمها ميني كوبر احلم انه اسوقها .. كل ما اشوف ميني كوبر اصورها بتقولون عافانا الله بنت فقر .. بس والله انه ها السياره دشت خاطري وتربعت فيه .. ههههه اسميني اغازلها .. بس والله احبها وان شالله اول ما اخذ الليسن بظهر لي ها السياره وبيكون لونها احمر بعد لوني المفضل ..

باخذ جزء منسي من قصتي الا وهي .." وصيتي " وصية ميت مب مرحوم . هالعنوان اثر فيني بشكل مب طبيعي ... قام يشغل فكري فتره طويله .. انا قريت العنوان في روايه اسمها " عيناك ياحمده .. " للكاتبه / آمنه المنصوري .. ها الوصيه شغلتني .. وايد كنت افكر في ها العنوان لدرجة اني مسميه فولدر في كمبيوتري وصية ميت مب مرحوم .. واحس اني ابا اسويه عنوان لقصتي اليديده بس بعدني افكر !!

جمعت اهم باقة من شخصيات اللي تعايشت وياهم وحطيتهم في اطار الحياه المزيف اقصد في اطار الخيال على صفحات الوورد في كمبيوتري ..

كنت اكتب القصه باندماج كبير لانه الجزء الاكبر مني انا .. ومني انا .. اكبر جزء فيها ..

هاا لقصه كتبتها بداية في ارض النمسا .. ومن عقبها سما النمسا .. ومن عقبها سما المانيا .. ومن عقبها سما دبي .. وارض الامارات ..

يعني كانت بداية اوروبيه ونهايه خليجيه ..!!

مثل ماتعرفون انه ها السنه انا ثنويه عامه .. ويقوولون انه لازم اشد حيلي .. وايب نسبه بس خلها على الله ..

مابقول النهايه لانه ببشركم لانكم وقفتو ويايه ها الفتره كلها وحبيتو قصتي مثل ماهي حبتكم قمت اكتب قصه يديده – ولا جني ثنويه عامه ..

ع العموم القصه اليديده فيها افكار غريبه شوي بعد جزء ثاني من حياتي ووجه اخر من شخصيتي ماظهر في ها القصه بس بيظهر في القصه الثانيه بس حبيت قبل لا اتعمق واندمج في كتابتها ؟؟ تحبون اسلوب الـ " انا "

او اسلوب السرد .

اسلوب الـ " انا ." بنت عمتي ماتحبه واتقول انها ماتندمج فيه ؟؟ الصراحه انا احب ها الاسلوب وايد برغم من صعوبته ويحتاج الى يلسه دبل اليلسه القبليه عشان التفصيل والتحليل .. ولكن احس بمتعه وانا اكتبه لانه احس اكتب عني انا ..

بعد حبيت اسلوب السرد .. ولكل اسلوب فيه عامل جذب وجمال .. !!

ع العموم طرحت عليكم ها السؤال وان شالله تجاوبوني اي اسلوب احلى .. @@

اااااخ ما اتخيل اني خلصت قصتي .. اتمنى انكم استمعتو وانتو تقرونها وفهمتو كل شخصيه وحبيتوها وعشتو وياها ... مثل ما انا حبيتكم وحبيت ردوودكم الحلوه ..

ان شالله في قصتي الثانيه عقب الثنويه طبعا .. احصل مثل ها التفاعل وزياده عليه حبتين لوول ..

تقبلو تحياتي وبرائة مشاعري في نهاية ها البارت الاخير .. اسمه بارت فلسفة فواغي .. صدقوني وللاحتقار بقيه //

ادري بعمري تراني لسان نوعا ماا .. – خلي عنج جذابه ..

هههههههه حبيت كلمة احتقاري اللحين بيقولون لي اختاري الفاظ ارقى .. بس الاحتقار مشاعر وعاطفه ماتختلف عن الحب والكره .. لكن الاحتقار فرع من الكره .. وياحلاة الاحتقار للي يستحقونه .. امثال " غايه " ..

شكلي وايد طولت واتفلسفت عليكم وادري اخر شي بحصل تكفيخ .. بس اسمحولي ع كل شي ..

اسمحولي ع الاخطاء الاملائيه ..

اسمحولي ع التاخيــــــــر ..

اسمحولي .ع القصــــــور ..

اسمحولي لاني اثرت اعصابكم ..

اسمحولي لاني حمست فضولكم ..

اسمحولي لاني هدرت دموعكم .. – طبعا البعض لول ..

اسمحولي لانه النهايه ماكنت عند حسن ظنكم
بس ان شالله تكون القصه اليايه في مستوى ها القصه واحسن عنها ونهايتها احسن ...

تقبلوني ضيفه خفيفه خطفت عليكم قبل كم شهر وتودعكم لمدة 9 شهوور ...

والسموحه من الكــل ..

[glow=CC3333]أودعكم بأبياتي .................. وبعض من حكاياتي
نسجت القصه من ألم .......... وفيض من معاناة
ومن حب ومن عشق ...... ومن سحر الجميلات
أذا اسعدتكم حقا .......... وأحسنت اختياراتي
وان انتم كما أرجو ..... أفدتم من كتاباتي
أكون بذلك الانجاز قد حققت غاياتي
وان اخطأت معذرة ........... وخانتني عباراتي
فليس المرء معصوما ..... من الاخطاء بالذات

أودعكم وفي قلبي .... أنين حزن دقات
وفي الاجفان والعينين جمر نزف دمعات
وهذي حالة الدنيا ......... أعزائي عزيزاتي
فعبد راحل منا ........ وعبد قادم آتي [/glow]
طووط طووط طووط .. ان العضو [ فواغي ] خارج نطاق الخدمه حاليا .. يرجى الاتصال فيما بعد .."

Sms من القلب للقلب .. [ سبحانك اللهم وبحمدك واشهد ان لا اله الا انت استغفرك واتوب اليك !!]

كانت هنيه . في يوم من الايام ..

.

.

فوااااغي

لكمـ [ التحايا ] مرضوفهــ .......!!!!!

[glow=66CCFF][size=2]وسمحولي انا على التأخير

ونتظرون في القصه اليديده

اخوكم هيماني[/siz[/glow]e] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الفقع والفياض الغنا .........................؟	محروم.كوم	منتدى أخبار المواقع والمنتديات العربية والأجنبية	0	02-21-2010 10:30 PM
شتات العنا روجيه فيت ليجندري	jnoon	اغاني , شلات , هبان	0	06-14-2009 10:07 AM
اه العنا - محمد المزروعي	@ العامري @	نغمــات للهــواتف	29	07-10-2008 08:58 AM
اهـ العنا بيـ طاليــ....	@ العامري @	تصاميم الاعضاء	35	05-23-2008 02:58 PM
راشد الماجد_اه العنا	عسوولة ترتووب	المواضيع المكرره	4	05-15-2008 07:38 PM