~ رح للذي خلاك تاج على الراس .. و اعلم اني تاج راسك و راسه ~ - الصفحة 11

دااانه غير · #1 08-24-2014, 06:27 PM

المشاركة الأصلية كتبت بواسطة forza alain

دوم حطي اسأله 😁 ع بارتات

من عنوني الكبار __DEFINE_LIKE_SHARE__

3la Hoonk · 08-24-2014, 08:34 PM

الباارتت ححلو حماس فيهه و غموض
منو هذا المتلثم؟؟ اتوقع منصور
ميثه منو تعتقد هذا المتلثم ؟؟؟ منصور
مايد شو بتكون ردت فعله اذا عرف المتلثم والورود اللي وصلتها؟؟ اكيد بيعصب و بيأذي الميث

رايكم بالشخصيات:
ميثه: احسها انسانه طيبه م يخصها باللي استوى وشخصيتها فيها غموض
مايد: انسان م دري شسالفته احسه عصبي و شخصيته فيها غموضض بالقو وعقب ف احداث بتستوي حلوه بين الميث ومايد

سعود: انسان طيبب ويحب الميث وبيوقف وياها دومم

ف انتظارججج لا تطولين

__DEFINE_LIKE_SHARE__

دااانه غير · 08-25-2014, 12:31 PM

المشاركة الأصلية كتبت بواسطة 3la hoonk

الباارتت ححلو حماس فيهه و غموض
منو هذا المتلثم؟؟ اتوقع منصور
ميثه منو تعتقد هذا المتلثم ؟؟؟ منصور
مايد شو بتكون ردت فعله اذا عرف المتلثم والورود اللي وصلتها؟؟ اكيد بيعصب و بيأذي الميث

رايكم بالشخصيات:
ميثه: احسها انسانه طيبه م يخصها باللي استوى وشخصيتها فيها غموض
مايد: انسان م دري شسالفته احسه عصبي و شخصيته فيها غموضض بالقو وعقب ف احداث بتستوي حلوه بين الميث ومايد

سعود: انسان طيبب ويحب الميث وبيوقف وياها دومم

ف انتظارججج لا تطولين

جد جد اعجبتني توقعاتج
مشكوره على رايج فالإبطال
بنزل الحين بارت ان شاء الله

الله يحرمني من طلتج هني

دمتي

دانه __DEFINE_LIKE_SHARE__

دااانه غير · 08-25-2014, 01:02 PM

البارت العاشر:

للعين والقمرا,وحسنك مواعيد...

وليل الهوى شرع للأحباب بابه

ياما زعجت الصوت بإسمك تراديد

وياما نسيم الوجد صوبك سرابه!!

.

قامت بإنزعاج وقالت بملل للخدامه اللي واقف جدامها:شوو تبغين

الخدامه بالإنجلزيه:يقول السيد مايد بأنك تقومين العمل مع مايك اليوم واذا لم تقومين بالعمل سوف يأتي غدا

ميثه:استغفر الله قلنا سافر وافتكينا منه للحين مطاردين استغفرك ربي بإنزعاج اوكي اوكي

الخدامه طلعت وهي مستغرب من تصرفات ميثه الهمجيه

ميثه قامت وهي تستغفر وتسبحت ولبست بدله بنطلون جنز ازرق فاتح وقميص نص كم ابيض وطالعت البلكونه كان الجو بارد ولبست فوقه جاكيت صوفي اسود ولبست شيلتها ونزلت

تفكر بالورقه وبالكلام اللي كاتبنه المتلثم

(جميليتي ....اني انتظرك تحت ضوء القمر لإراك ياجميلتي)

ميثه:اليوم يعني بيكتمل القمر زين والله بسير جهت اللي يكتمل فيها القمر ابتسمت بحماس الله بعرف منو وان شاء الله ظنوني تطلع كذب

طلعت من القصر وشافت سعود نفس منصور نفس الأسلوب نفس الإناقه ابتسمت الإفكار تهاجمها مرتن اخرى

,,

صرخ عليها وعيوونه دم:انتييييييييييييييييييي يالقذره شوو مسويه

وهي ترجع على ورى بخوف ودموعها تنزل:ماسويت شي منصور

منصور وعيوونهه دم:ليش ماوصلتي البضااعه

ميثه صرخت فويهه:انت تعرف ان حرام انا مابي ذنب عليه

منصور مسكها بقووه من شعرها ومسك السوط وضربها وهي تصارخ وتتلوى

منصور فر السوط:تعرفين انج اكبر مصيبه فحياتي

طالعته وهي تصيح والدم يطلع من حلقها

منصور تم يطالعها وعيونها تشع منها البرائه مسك منديل ومسح على شفاتها وباس شفتها بوسه طويله

خاذت عنه وهي مصدومه

وقف بإرتباك وعلى طول طلعع

,,

راحت صوب سعود وملامحها احتدن:هلا هلا

سعود:اهلين وبروقان صباح الخير

ميثه يلست مثله:صباح النور

سعود:ان شاء الله ارتحتي بالرقده

ميثه تلوي بوزها:مدام الدب اخوك مب موجود فإنا مرتاحه

سعود ضحك:صح صح كلامج

ميثه:تصدق قايلل للخدامه وهي تقلدها يقول السيد مايد بأنك تقومين العمل مع مايك اليوم واذا لم تقومين بالعمل سوف يأتي غدا....سخيف اخوك

سعود:خلج عنه هذا الإهبل عندي لجج خبر

ميثه:شوو

سعود:ماشي

ميثه كفخته بالمجله

سعود يضحك:ههههههههههههه

ميثه:سعوووووووووود

سعود:خلاص خلاص المهم بنروح باجر قبر سلطان ومنصور

ميثه بإستغراب:ليش

سعود:تعرفين كملوا واايد على وفاتهم يبالنا ندعي لهم وبعد بنروح نوزع صدقات وجي يعني

ميثه بوناسه:يعني بطلع من هالبراري

سعود هز راسه:هي

ميثه:هذا كلام ولابلاش بسرحان تدري محد افتقدته مثل منصور

سعود انصدم:ليش

ميثه بسرحان كبير وهي تتذكر ابتسامت منصور جمال الفاتن:مادري معني اكرهه وللحين اكرهه ماودي اشووفهه اتمنى لهه الرحمه من ربي بس هو الوحيد اللي رباني ووداني عند اهلي هو الوحيد اللي حسسني ان هالحياهه لها امل انج تعيشي مرتاحه وبألم صحت عشت ثلاث سنين مرتاحه بس الحين رد الألم يزورني من اخوك ماتغير الألم كأن عايلتك تبي تقضي عليه

مسك سعود اييدها بحنان وقال:لاتخافينن انا بكون وياج

ميثه طالعته بحنان وطلعت هي وياه بعد ماخلصوا فطور وبدوا بتنظيف

شافت حصان روعهه اسود وعيونه دمم احمر طالعته بسرحان:يشبهه مايد

ابتسم سعود:هي هذا حصانه

ميثه بحماس:بروح بنظفهه

سعود بدون اهتمام:اوكي

ميثه راحت وهي تمسح عليه وتداعبه فجأه سمعت صوت اطلاق نار

والحصان قام يهيجج وميثه تصارخ تبي تبتعد وتركض ويركض وراها الحصان ويهيج عليها طاحت على الأرض ويا الحصان بيدوسها خلاص سكرت على عيونها وهي تصرخ بدون حاسيه:مااااااااااااااااااااااااااااااااااايد

ماحست الا انها بالهوى فتحت عيونها وشافت مايد ينزلها ويركض للحصان ويهديه

ميثه مصدومه هذا مايد معقوله؟؟ ياا متى؟؟ وكيف؟؟

دخل الحصان

مايد يصرخ عليهم باللغه الغير مفهومه

ميثه مصدومه من اللي صار

مايد قرب منها وشلها

ميثه بهدوء غريب:متى ييت

مايد بهمس ساحر:البارحه الفليل

ميثه الجمتها الصدمه يمكن شاف الورد:امم قلت وايد بتم

مايد:نقلت شغلي هني وييت المناطق اللي فريف تخوف

ميثه هزت راسها وهي ساكته مصدومهه

دخلها غرفتها وقال:ارتاحي

وطلع بهدوء تام

ميثه تطالع الباب ويمر على بالها الإحداث المساعه

نزلت دمعه حزينه ودها ترجع لإهلها يحبونها ويشوفونها ويضحكون معاها كل ماقالت هانت زادت المشاكل قررت تنام والفليل تتجهز الساعه 12:30 وتروح للمتلثم

.

صوب اهل الإمارات

.

ملت من هاليلسه ومن ذاك اليوم ماحتكت ابد فسهيل

دخل سهيل وهي ماسوت لهه سالفه

سهيل وهو مايطلعها ويرتب اغراضه:اليوم بنروح لندن

طالعته بصدمه:شوو

سهيل بإستهزاء:مب عايبنج

مناير بإستخفاف:انت تعرف لندن

سهيل ببرود:تعرفين ليش اعاملج جي ورويتج اني غصبن بدوي لأن اعرف انج استهزئتين فيني يوم قالولج اني بتزوجج

مناير مصدومه وتطالعه

سهيل بغرور:انا المليونير سهيل ولد محمد ال.................. انا ساكن نص حياتي فبريطنيا ماسألتي نفسج وين اهله وين خواته حبيبتي انا اهلي كلهم فبريطنيا

مناير باقهه عينها

سهيل قرب منها وهممسس:وازيدج من الشعر بيت متزوج وعندي عيال وراح عنها

مناير مصدوممه مب قادرهه تتحمل الصدمه

.

الفليل

.

تجهزت وهي تطالع عمرها تأكدت ان الكل راقد

لبست فستان اسود يوصل لركبه ولبست كعب اسود وفيه سيور يتربطن على الريول وحطت مكياج روعه دخاني وربطت شعرها الكستنائي ولبست حجاب انيق وحلو

طلعت بسرعه وهي تطالع يمين ويسار وطلعت من الفله وصلت لمكان شويه بعيد عن القصر وهناك القمر يسطع

وقفت وهي تلتف وتدور المتلثم وقالت:اوووف ليكون هذا يتمصخر

فجأه طلع وهو متلثم مره ثانيه وعيونه الوساع تلمع

تمت تناظره وقلبها يدق وهو يطالعها بهدوء

ارتعدت السماء وبدى المطر بالهطول

تقربت منه وهو يقرب منها وكل واحد خطواته بطيئه

تم يطالعون عيون بعض وكل واحد فعيونه كلام

مسك اييدها وبدوا يرقصون بهدوء وكل واحد يرقص وهو مب حاس بنفسه

قبل اييدها وقاموا يتمايلون بهدوء

طوقت اييدها برقبته وقالت بصوت حلو:منو انت

مارد عليها وهو يمسك خصرها ويتمايل معاها

طاحت القباعه اللي على راسه ونزل شعره الحريري الأسود غامق مثل لون عيونهه

ميثه ذابت على شكله الروعه همس بإذنها باللغه الغير مفهومه بصوت جميل ورائع:

ti amo

طالعته بسرحانها وهي ودها تعرف معنى كلمته

ابتعد عنها وهو يبتسم لها

غمضت عيونها وفتحتها محد وشافت الباقه مره ثانيه

::

شكرا لكي بإنك اتيتي لإمسيتي

عزيزتي انني جداا احبك واعشقك

اريدك بحب اريدك بعشق

اريد ان ارتوي من شفاتك العذبه

اريد ان اهمس لك بالكلمات العذب

اريدكي

اريدكي

تحياتي

المتلثم

الليله الثالثه

(a(

.

رجعت البيت وقلبها يدق بقووه للمتلثم الذي اغناها عن مايد وطوافيه

دخلت وتفجأت يوم شافته واقف جدامها ببجامه

مسكها بقووه من زندها وقال بحده:وين كنتي

ميثه ماعارفه شوتقول:ااااا

مايد رص بقووه على زندها وبحده كبيره:وين كنتي

ميثه وهي تخوذ اييده بقرف وبحده:ماايخصك

مايد بعصبيه:لا والله تروحين تسرحين وتمريحين بروحج

ميثه حمدت ربها ان خبت الباقه فالغرفه ولا بيقتلها مايد:كيفي ولا بعد تبي تحرمني من العالم اللي برع

مايد بحده:اذا شفتج مره ثانيه بالهوقت برع بتشوفين شي ماشفتيه ياميثه

ميثه طالعته بتحدي:انت مايخصك فيني

مايد قرب منها وانفاسه الحاره تضرب بويها:يخصني مدامج فذمتي

وراح عنها وهو يفتح لها باب غرفتها

ميثه دخلت وهو سكر الباب وراح

ميثه بتفكير عميق:شو قصده فذمته انا جاريه لهه يعني عبيد مب فذمته يعني زوجته وهي تتنهد اووف من هالإنسان بيخبل فيني

راحت تسبحت ولبست بجامه

وطاحت على الفراش وغطت فنوم عميق ماتبي تحس الا بالراحه

.

صوب إهل الإمارات

.

يالسه وتطالع برعع يا غيث

غيث:هلا اللي باللي لافني ياهلابه

ضحكت:انت خبل

غيث:انجعمي انا زعلان

منوي:ليش

غيث:ليش ماسرتي وياي البارحه الفيستفال سيتي

منوي بدون نفس:مالي نفس غيث

غيث مسك اييدها وقال بهدوء:حبيبتي منوي انا حتى حزنان على ميثه وانها راحت بس مع هذا متصبر وعايش حياتي حبيبتي لازم تعيشين هالحياه لو كانت ميثه موجوده بتزعل منج

منوي دموعها طفرن من عيونها المشكله انها حيه وانتوا تترحمون عليها

غيث تنهد من حالت اخته وطلع وهو يشوف محمد اللي مثل الميت يالس ويطالع برع ضعفان وعظام ويهه بارزات كأنهه مومياء

تنهد لحال اخوانه ماتوقع ان بيصير جي لفراق ميثه صح هو واايد يحب ميثه ويعتبرها اخته بس ما حزن لهدرجه وكمل حياته وتوكل على الله

.

في اليوم الثاني

.

قامت الصبح وتسبحت ولبست بدله سبورت ازرق غامق وصلت وتشيلت ونزلت تحت وهي تسوي رياضه خفيفه

شافت مايد يالس مثل العاده بإناقه

محطي ريل على ريل ويشرب من كوب القهوه (التركش)

ميثه مشت وطنشت اللي يالس وتزقر:سعوووود سعيدااااان

سعود طلع وهو لابس شورت ابيض وقميص نص كم اصفر:هلااا الميث

ميثه:اووف لا اليوم غرشوب

سعود وهو يسيح شعره القصير:هههه فديتني دوومي

ميثه:مالت عليك يالخقاق

سعود قرب من مايد وباس راسه:شحالك اخوي

مايد بهدوء وهو يقوم:بخير ...اسمعوني انت وياها اليوم ابيكم تروحون الإسطبلات وتنظفون

ميثه بخوف خفيف:لا لا مارايحه بيعفد عليه الحصان

مايد:لاتخافين بيطلعوهن كلهم انت بس بتدخلوون الإسطبلات

ميثه بشجاعه:انا ماخاف

مايد بهدوء:واضح ورفع حاجب انا بروح عندي شغل فالمدينه وبرجع

سعود:متى بنزور قبور عمي ومنصور

مايد:ان شاء الله العصر

وطلع وركب مع السواق وتحركت السياره

سعود غمز:عيل اليوم بنتخبل انا وياج

ميثه ضحكت:افا عليك

دخلوا غرفت الإفطار وفطروا وطلعوا من الغرفه وراحوا الإسطبل وبدوا بالتنظيف وكل ساعه يتوصخون وسعود وميثه يتحرطمون

سعود:الميث شويه بروح وراجع

شويه ميثه يالسه تنظف روحت شي يحترق وبدت الريحه تزيد ميثه خافت وطلعت وشافت سعود يصارخ ويركض برع الإسطبلات والنار تشب ميثه تبي تطلع بس ماقادره النار محاوطتنها

ميثه تصارخ وتصيح:سعوووووووووووووووووود سعووووووووووووووود

وتركض تبي تطلع ويطيح الصقف وهي تركض برع عن لا يطيح عليها والنار تشتعل تكرهه النار وقامت تصارخ

تسمع صراخخخ منصوور فالنار اللي تشتعل تسمع صوت طلقه نااريه

فجأه انكسر باب الإسطبل ودخل

دخل

دخل

دخل

دخل

المتلثم

انصدمت ميثه

ركض صوبها وغطاها بلحاف وطلع وركض فيها برع واختفى

دقايق ويي مايد وشلها بحظنهه وهي مغمي عليها وعلى لسانها:مايد مايد

مايد بسرعه ركض فيها داخل وحطاها فماي بارد عشان بعض النار تعلقت عليها

وبسرعه فصخها جاكيت وبدى يحطي لها كمدات باردهه

ميثه تنفسها استوى واايد ضعيف

سعود بخوف:مايد شوو صار لها

مايد:تنفسها واايد ضعيف

سعود:بروح اشووف اذا في جهاز الإكسجين

وركض برع

مايد يطالعها وهي مب قادرهه تتنفس قام يظغط على صدرها ماشي ماتقدر وظغط وظغط اخر شي

اطبق شفتيه على شفايفها وسوى لها تنفس اصطناعي

وقام ميثه توعى وتشوف مايد مسكت اييدها واجهشت ببكاء مرير:مااااااااااااااايد لاتخليني اسمع صوت منصور وهو يصارخ فالنار

مايد يطالعها بهدوء وببرود قاتل حظنها وخلها تهدى لين مارقدت لحفها وصك الليت وخلى ليت الإبجوره وطلع عنها

شاف سعود اللي للحين خيفان

مايد:ميثه زينه روح غرفتك انت تأذيت

سعود:لاء انا طلعت

مايد هز راسه وفعيونه معلقه صورت ميثه وهي تصارخ بإسمه

.

بعد ساعات طويله ميثه فتحت عيونها وقامت تسبحت ولبست بجامه قطنيه وشافت الساعه كانت تشير على السابع مساء

انتبهت ان البلكونه مفتوحه ولفحها هواء بارد راحت تسكرها بس

لفتها شي

Cute

انتهى البارت

(10)

طحت من عيني بعد ماكنت عالي حبك ارخصته

بعد ما كان غالي كل شي برضاه منك الا الخيانه

بعدها يحرم على حبك وصالي كم سهرت ايام

في حبك مولع ما دريت انك بتمثيلك خيالي

اشتكي منك واشكيك لعدالة كل منهم

قال قلبك ماصفا لي كنت مالي كل قلبي وكل عيني

وكنت احسب اني

وسط قلبك لحالي واثري قلبك كل يوم له حبايب

واثري قلبك من احساس الحب خالي
__DEFINE_LIKE_SHARE__

دااانه غير · 08-25-2014, 01:08 PM

عند وعدي سدحت لكم بارت وكتبت احداث

ليش سهيل تزوج مناير وهو بالإصل متزوج ؟؟

ميثه تظنونها بتقدر تشرد من عند مايد؟؟

شو اللي شافته ميثه فإخر البارت؟؟

رايكم بالإبطال:

مايد:

سعود:

ميثه:

مناير:

سهيل:

تحياتي

الدانه
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشاريع تخرج لطلاب الجامعات " ريح راسك من وجع الراس "	محروم.كوم	منتدى أخبار المواقع والمنتديات العربية والأجنبية	0	01-11-2013 09:20 PM
مشاريع تخرج لطلاب الجامعات " ريح راسك من وجع الراس "	محروم.كوم	منتدى أخبار المواقع والمنتديات العربية والأجنبية	0	01-11-2013 09:20 PM
مشاريع تخرج لطلاب الجامعات " ريح راسك من وجع الراس "	محروم.كوم	منتدى أخبار المواقع والمنتديات العربية والأجنبية	0	01-11-2013 09:10 PM
مشاريع تخرج لطلاب الجامعات " ريح راسك من وجع الراس "	محروم.كوم	منتدى أخبار المواقع والمنتديات العربية والأجنبية	0	01-11-2013 09:10 PM
مشاريع تخرج لطلاب الجامعات " ريح راسك من وجع الراس "	محروم.كوم	منتدى أخبار المواقع والمنتديات العربية والأجنبية	0	01-11-2013 09:10 PM