ملاحظه بسيطه(حبيت اقولكم فالهبارتات بس بركز على ميثه لأن قصه قصتها بس هذيلا مجرد ابطال عاديين فبركز اكثر عليها وبسرد لكم اللي يصير معاها ومع الإحداث بينكشف واايد اشياء)


البارت التاسع:


مدام قلبكـ لــ غيري ليه تسكنيه


فضحتني في كتاباتي وتعبيري


ياكثر ماني تمنيتكـ ولكنيـ


اموت لامن تذكرت انكـ لغيري


.


راحت تتجهز غصبن عنها خافت من ليلت البارحه وهي تتذكر منصور وسلطان


تبي فون تبي ترمس ابوها وتطمن قلبه اللي يحترق عليها اكيد بيشتاقون لها اهلها وايد


واكيد ابوها قال انها رايحه تدرس برع!!


بس اكيد بيدورون عنها ومابيخلون ابوي بحاله ضحكت ههههه ياحبني لهم وياحبني لإهتمامهم لي


قطع تفكيرها صوت الكوافيره وهي تقول باللغه الغير مفهومه:SIE bella


(انك جميله)


ابتسمت ميثه وهي مب فاهمه عليها بس عرفت ان قصدها انها جميله


طلعت لكوافيره وقفت تطالع شكلها الملائكي والمحتشم


لابسه فستان اسود ليلكي بطراز فاخر وناعم يستر اييدها كامل ولابسه فوق الإيشريب (نفس الشيله بس هو يغطي بس الراس لكن مايغطي الرقبه )


وتشليت كانت فمنتهى الروعه


ابتسمت لذكرى جميله


,,


واقفه وهي تدور بفستانها الجميل الأبيض كانت قمه فالجمال


وقف وراها وابتسم ونزل لمستواها:عيبج


ميثه بفرحه:وايد شكرا منصور وباست خده


ابتسم منصور:يوم بتكبرين بيب لجج فستان شراته بس اكبر


ميثه بتساؤل:ليش


منصور:عشان انا بتزوجج


ميثه:بتتزوجني هههههه من صدقك انت


منصور:هيي ليش ماتبغني


ميثه بزعل:لاء ماباك انت كلهه تضربني وتبغني اسوي مشاكل


منصور مسك اييدها بحنان ويطالع عيونها الوساع العسليه الفاتحه:وعد مني اني ما اضرجج فيوم


,,


نزلت دمعه حزينه


على كثر التعذيب والمشاكل الا ان منصور هو اللي رباها هو اللي اعتنى فيها


راحت فعالم ثاني وتفكر لو منصور حي الحين بتكون زوجته نفظت هالفكرهه من راسها ولفت وتشوف مايد بكامل اناقته


بالبدله الرسميه الرائعه واقف


مايد يتفحصها:لا مشاء الله اليوم قمر


ميثه طالعته بقرف:مايحق لك تعلق وانت مب محرم لي


مايد ابتسم بغموض وسحب اييدها بقووه:اشتري راحتج


ومشى هو وياها وهي ميته منه ومن تصرفاته وكرهه جملت (اشتري راحتج)


شافت سعود واقف وهو كاشخ ضحكت:ايييههه الجمال دهه كلوو


سعود ضحك:هههههه صدق جميل


ميثه تتذكر كلمت الكوافيره:bella


ضحكوا سعود ومايد


سعود ويهه استوى احمر


ميثه شاتته بدبت ماي:يالحيوان ليش تضحك


سعود مسك اييدها:ياعمري انتي تعني bella جميله مب جميل تشوفين جميله
ميثه بغرور:كل وااحد وبعصبيه اياني وياك تضحك عليه مره ثانيه وطالعت مايد بإستفزاز اللي يضحك من سره بلى


وطلعت عنهم وهم يتبعوها


تضايق مايد من اسلوبها وياه بس طنش بوريها الأدب


.


وصلوا الحفل وكان اكثر من رائع منتهى الروعه


جمال الفتيات اللي يتراقصن بتمايل في ساحت الرقص


اناقت الشبان اللي يلبسون البدله المميزه والرسميه


اناقت السيديات بالفساتين السهره الجميله


تقرب مايد من ميثه لكن سرعان مامسكت معصم سعود وابتسمت بعذوبه لهه


وهو ابتسم وتقدموا


انقهر مايد ومشى بهدوء لصاحب الحفل واشر لهم اييون وقاموا يسلمون


صاحب الحفل اسمه (علي) صديق قديم لمايد تعايش فالهبلد وصار مايقدر يغادر منه


علي ابتسم بتفاجأ وانجذاب لميثه وقال باللغه الغير مفهومه:من هذه الفتات الحسناء


ابتسم مايد وهو يحطي اييده على اكتافها وهي ساكته بس عشان علي:انها زوجتي


علي انصدم:زوجتك ومن متى وانت متزوج ايها الخائن


مايد ضحك:تدري بسرعه


علي:هي وطالع ميثه شحالج سنيورا


ميثه طالعته ببرود:بخير ومشت وهي تسولف ويا سعود


علي ابتسم:لا حرمتك عصبيه نار شابهه


مايد:افا عليك هذي حرم مايد لازم جي تكون


بعدين يلسوا يسلفوا


نبذه بسيطه عن الحفله (هذي الحفله تقام فيها عروض كبيره مثلن يسوا مسرحيات ويرقصون ويسون عروض غريب على تقاليد هذي البلاد)


ميثه وقفوا والطاوله كانت دائريه صغيره


ميثه:حشى ماعندهم كراسي


سعود يضحك:شوو نسوي بخلهه


ميثه:هيي والله صدقت يحسسون ان فبريطنيا


سعود ضحك على هبلها


بدى العرض الأول


كان لرقص تقليدي لسكان هالبلد


ودها تعرف اي رقصه لهذي البلده تسمع التصفيق لهم


والشباب شادين الهمه ويدخلون مع البنات ويرقصون وكانوا يتقنون الرقص بشكل رائع


شويه خلصوا وقالوا بيسوا مسرحيه


دخل واحد وهو دايخ ويصارخ باللغه غير المفهومه:اريد مخدرات


ميثه سألت سعود:شو يقول


سعود:اونه يبغي مخدرات


ميثه سكتت وهي تتأمله وقلبها يدق بقووه


راح لين ربيعه وعطوه بعدين اتفقوا معاهه ان يروح المصنع


ودخل عاد المصنع شويه احترق المصنع وقام يصارخ وسط النيران


ميثه دار راسها وحط اييدها على اذنها والذكرياتت تتصادم فراسها


زعيق منصور يبغيها تطلع من النار )


صوت طلقت النار وتشوف حمد اخوها يبجي وهو صغير وسلطان يطيح على الأرض


المخدرات اللي احترقن)


ركضت برع وصرخت بقووه وبغت تطيح حست بحظن حد رفعت عيونها وشافت


عيون سود جميله تلمع تمت تناظر هالعيون عمرها مانست هالعيون عيون ياما عذبتها ياما قتلتها


ابعدها عنه وطالعته عدل كان متلثم مايبين الا عيونه


يلسها وعطاها كوب ماي ومشى عنها


ودها تصرخ وتقوله ارجعع ارجعع دخيلكك بس ماقدرت مااقدرت تحس ارتبط السانها


مسكت الماي تشرب منهه نزلن دموعها بقووه هالعيون مستحيل تنساها بس كيف كيف


موجوده هالعيون


وهو


وهو


وهو


وهو


ميت!!


تبي تروح مب مستوعبه اللي صار


حست بحد وراها شافت سعود وركضت وحظنته بقووهه وهي تتأتت بكلام غير مفهوم


سعود خيفان عليها


طلع مايد وهو منصدم من حالها قرب يبي يمسكها


قالت بحده:لاتمسني


سعود مسكها ومشى وياها ومايد اللي قلبه يحترق مشى وراهم وودوها البيت


مايد مسكها بقوه ودخلها الغرفه وسعود راح غرفته بأمر من مايد


مايد:انتي بلاج


صارخت بإنهيار:دخيلككككككك لاترمسنيييييي اللي فيني مكفيييني اخووك وعمككك ماايهدووني يامايد ماايهدووني انا تعبت تعبت سحبت سكين وفرتها لمايد اذبحنيييييييي يامايد اذبحني مثل المجنونه تدق راسها باليدار


مايد منصدم من حالها


مايد مسكها بقوهه وحظنها وهي تصيح وتصارخ وتضربهه على صدرههه:اذبحنييييييييييييي دخيلككككككككك اذبحنييييييييي وتصيح بموتتتتتتتتتتت بموتــــــــــــــــــــــــ


مايد مصدوم من حالها واجزم 100% ان البنت يتها صدمه من الماضي ومب قادره تبعدهه


تم حظننها ويسمي عليها


رقدت وهو يمسح على راسها


فجأه نطت من الرقاد وقامت تتنفس بقوه كأن التنفس خلص وتشوف بعيونها سلطان وهو يضحك بشناعه


وتصارخ وهي تلصق فاليدار:مااااااااااااااااااااااااااايد سلطاااااااااااااااان دخيلككككككككككك يا سلطان سامحني سامحنييييييييي


وتصيح وتبتعد بقوههه وقامت تركض برعع ويركض وراها بقووهه مايد


وميثه تركض وهي تصارخ مثل المجنونه


والمطر يهطل بالشدهه


طاحت بقووهه على الأرض وهي تزحفف بعيد ومايد يركض وشلها بحظنه وركض فيها فوق ومايد


مسك حبال وثبتها وهي تصارخ بقوه


ركض بسرعه وركب سيارته وراح المستشفى اللي قريب منهم


ملاحظه (مايد دكتور والمستشفى ماله بس هو اعتزل الدكتوراه)


ركض وياب المعدات كلها وزقر نيرس وركضوا على البيت


وهو يشوفها تصيح وتصاارخ مثل المجنونه سحب الإبرهه وضربها بقووه فإيدها ماهي الا دقايق رقدت


أمر النيرس تبدل لها ملابس يوم بتخلص تزقره بغير غرفتها


خلصت النيرس وهو خذها وودها غرفته ورقدها وهو مستغرب من حالتها وخلى النيرس تروح المستشفى


يلس وهو يطالع ويمسح على راسها بهدوء وحنان وقال وهو يهمس فإذنها:ارحمني


.


مرن يومين


.


وميثه حالتها جي تقوم وتصرخخ المسرحيه اللي شافتها كشفت اوراق الماضي وبدتت تطلعع المساوي


ميثه حالها يوم عن يوم يتردى


وسعود حزنان على حالها


مايد قرر ان يسافر الإمارات ويخليها مع سعود يمكن تصير زينه وهو بيرجع بعد عشرت ايام وهو عنده شغل


.


سعود دخل وشاف ميثه يالسه بهدوء وتطالع برع


سعود:الميث


ميثه طالعته بهدوء


سعود:ترى مايد راح الإمارات


ميثه ببرود:عساه مايرد


سعود انصدم ميثه قلبها مب قاسي:انزين,,ميشو قومي بنطلع


ميثه سكتت بعدين قالت:اوكي


سعود استانس:يالله تلبسي وخلصي بنروح


ميثه:دقايق وانا نازله تحت


ميثه راحت ولبست بنطلون استريج ابيض وفوقه قميص اكمامه طويله يوصل لركبه لونه ابيض وبرتقالي لبست شيله ملونه برتقاليه حطتت قلوس برتقالي وكحلت عيونها بإبيض


نزلت تحت وهي تغني بصوتها الرايق


ابتسم سعود:اخقق على الروقان


ميثه ابتسمت بحنان له:يالله نروح


سعود غمز:مسوي لج طلعه ولا احلى


ميثه رفعت حاجب وابتسمت على طرف:بنشوف


وطلعوا


دوت صرخت ميثه:الله بنركب سياكل


سعود هز راسه وابتسم:هي بنركب وبنسوي جولهه فريف وبعدين بنروح ناكل ايسكريم بوديج مكان واايد حلوو


ميثه بحماس:يالله


وركبوا السياكل وقاموا يغنون ويسقون وكل ساعه يتحدون بعض والضحكه ماليه المكان


احلى شي فريف ان هادي والمناظر الطبيعيه تعطي طابع الراحه


وكان الجو خوقاقي وبارد وحلو


ميثه وسعود وقفوا فمكان روعه عليه شويه


وكان الريال اللي يسوي ايسكريم يعطي طابع انه انسان مرح


ويالس يغني ويستهبل


سعود قرب منه ورمسه باللغه الغريبه:CIAO