وش سبب تخبيط المكاين عندنا بالسعوديه مع اننا نغير الزيت ؟

محروم.كوم · #1 03-02-2014, 07:12 AM

السلام عليكم

ياشباب عندي تساؤل اثار قريحتي
تعود القصه في البدايه عندما كنت في امريكا مع الوالد (رحله علاج)
استاجرت سيارة هناك و جلست معي حوالي 6 شهور كامله بلياليها
السيارة كانت نيسان التيما 2011
مشت معي تقريباً في اول 3 اشهر 5000 ميل يعني حوالي الـ8000 كم
طبعاً نظام التأجير عندهم تاخذ السيارة و تسلمها زي ما اخذتها
يعني تخيل أن الخماجه على قوله ابو عبدالرحمن قبل لا يسلم السيارة
يوقف بجنب مكتب التأجير (ايفيز) و حاط لهم لي و سطول و صابون في ( المرآب الخلفي )
و تقعد تغسل السيارة لهم اذا كانت وصخه انت بشحمك ولحمك DIY () مافيه ذلك الشخص اللي يدور
على السيكل معلق السطل و يغسل لك الموتر بخمسه اريل شمر عن ساعدك الله لا يهينك

الزبده ماعلينا من هذا كله .. انا يوم شفت الموتر مشى هالممشى بدون مايتغير الزيت
خفت لا تطق مكينته و ابلش به عاد هناك تخاف من ظلك لزوم تباري الساس :j
فـ نشدت الخماجات هناك عند محل اغير عنده الزيت , يطالعوني و خششهم تسذا ( )
ياجماعه اتضح لي انهم يشترون الموتر ولا يفكون الصرة نهائياً ابد يعاير الزيت اذا نقص زاده و يمشي ,
و الولايه اللي كنت فيها انا تعتبر ولايه حاره (فلوريدا) شبيهه باجوائنا يعني حر مع ذلك مايغيرون زيوتهم
و تشوف سيارات كلاسيكيه تمشي في الشارع موديلات 1955 و عليها والله انهن يتمشن مافيهن الا العافيه و البودي كأنه مرايه
سياراتهم نظيفه في المده اللي جلستها كامله 9 اشهر ماشفت دخنه زرقاء ولا بيضاء ولا سوداء تطلع من سيارة !!

طيب اللي اثار قريحتي

حنا نغير الزيت كل 5000 و نغير السيفون باستمرار

مع ذلك التوضيب عندنا على قفى من يشيل و المكاين المخبطه
تقدر تقوم لك مدينه كامله من حديد هالمكاين اللي خبطت من كثرها
وش السبب مع حرصنا على الزيت مشاكل التخبيط عندنا بكثره ؟
اذا صارت اجوائنا زيهم ؟
القيادة عندهم صحيح هاديه لكن بعضهم والله رجله حارة وانشدوني
و عندنا شيبان الله يطول اعمارهم و مافيه اروق من سواقته و بعضهم تخبط معه السيارة

الموضوع نقاش و سواليف و تبادل خبرات .. اذا المشرفين يسمحون .
طبعاً (هاج من خيمه الجيران جاي هالخيمه تراني بوجهك يابوعبدالرحمن ) .
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ماسبب تخبيط القير عند تغير الزيت	محروم.كوم	منتدى أخبار المواقع والمنتديات العربية والأجنبية	0	01-03-2014 02:10 PM
هنا .. أسباب تخبيط القير العادي عند البعض ( بعد تغيير الزيت ) ؛ من واقع خبره	محروم.كوم	منتدى أخبار المواقع والمنتديات العربية والأجنبية	0	01-24-2013 09:40 PM
الي سبق وغير طرمبة الزيت للجمس ياليت يدخل ولا عليكم امر	محروم.كوم	منتدى أخبار المواقع والمنتديات العربية والأجنبية	0	09-02-2010 07:00 AM
الي سبق وغير طرمبة الزيت للجمس ياليت يدخل ولا عليكم امر	محروم.كوم	منتدى أخبار المواقع والمنتديات العربية والأجنبية	0	09-02-2010 06:50 AM
تخبيط القير بعد تغيير الزيت	محروم.كوم	منتدى أخبار المواقع والمنتديات العربية والأجنبية	0	08-22-2010 09:10 AM