السلام عليكم ورحمة الله وبركاته


اخواني الكرام قدر الله علي وخربت طرمبة الزيت لموتري جمس 2003 دفرنسين " دبل " المهم اني رحت بصلحه وكل ورشه تصلخني بالسعر .. واحد يقولي بـ 1500 وواحد يقول بـ 1000 ريال واسعار تضيق الصدر والله وطبعا هالاسعار هذي شغل يد فقط بدون قطع " طرمبة زيت ووجه كارتير وصوفة كارتير وزيت مكينه وسيفون "


عاد ابي استشيركم من الي قد غير الطرمبة ؟ وبكم غيرها ووين غيرها ولا عليكم امر لاني متوهق وموتري واقف والميزانيه مضروبه وودي اخلصه قبل العيد ودي اعيد به .. ودي تساعدوني الله يجزاكم كل خير

ياليت تذكرون لي سعر شغل اليد ووين الموقع الرياض القصيم ..الخ ويرجى ذكر نوع السياره وهل هي دفرنسين او لا ..

يفضل لو تكون الورشه بالرياض ..

سؤال جانبي .. انا موتري مثل ماقلت لكم دبل دفرنسين .. ولما اسال الورش ليه شغل اليد غالي ؟ كل واحد يعطيني اجابه .. بعضهم يقول لازم نفك الدفرنس ونطلع الكارتير وبعضهم يقول لازم نفك صدر المكينه كامل ونطلع الطرمبة وواحد يقول لازم نرفع المكينه ...الخ .. والله اني احترت وضاق صدري وكرهت هالموتر تبهذلت معه ومتوهق مادري شلون بيجي العيد وانا بدون موتر .. الحقوني الله يجزاكم كل خير يالاخوان