السلام عليكم ورحمة الله وبركاته


الأسباب بأختصار :

1) إستخدام زيوت غير مناسبه بتاتاً :no: :alarm: :no2: .

إما أن يكون زيت ثقيل جدا 140 أو يكون زيت GL-5 وهذا يحتوي على مواد كيميائيه EP additives تسبب تآكل نحاسات القير (السنكروميش synchromesh ) الموجود بالقير العادي .

زيت GL-5 يستخدم لبعض الدفرنسات ؛ ويحتوي على كمية كبيرة من المواد الكيميائية الضارة و الغير مناسبه بتاتا لنحاسات القير العادي ( تخرب نحاسات القير بسرعه )

زيت GL-4 المواد الكيميائيه الضاره للنحاسات ( السنكروميش ) تقريبا أقل بالنصف من GL-5

ولكن اذا كان القير عندك ما يناسبه GL-4 .. ممكن زيت GL-4 يسبب تآكل وتخبيط نحاسات القير على المدى البعيد

تدرون أن بعض قيور السيارات يستخدم فيها زيت مكينه 10W40 ؟

وبعض القيور لها زيوت خاصه

طيب كيف تعرف الزيت المناسب لقير سيارتك ؟
بسيطه .. أقرأ كتالوج سيارتك .. الكتالوج فيه عربي وانجليزي .. بتلقى كل شيء عن الزيت المناسب والنوع المناسب واللزوجه المناسبه
واذا كان الكتالوج العربي اللي عندك ضايع ولا عندك إلا الإنجليزي اذا ما تعرف تقرأ إنجليزي صوّر لنا صوره من الكتالوج وأرفعها وبنترجمها لك
لأن قيور السيارات تختلف .. يعني صعب نحدد زيت مناسب لكل القيور

2) إهمال تغيير الزيت والمشي عليه لمسافه طويله جدا .. ثم تغير الزيت فجأة :no: :alarm: !

ممكن يخبط القير أو ممكن يطلع ونه حنه .. وممكن ما يصير شيء للقير

لكن لو أنت منتظم بتغيير زيت القير كل 40 ألف :good: ؛ وتستخدم النوع المناسب واللزوجه المناسبه من الزيت :good: .. بتحافظ عليه وبيدوم لأطول فتره ممكنه :good:


أغلب اللي خبطت قيورهم بسبب إستخدام زيوت غير مناسبه بتاتاً

ما يعترف بشيء اسمه كتالوج / دليل المالك

ويروح للبنشر ويقول غيّر زيت القير وعبّ أحسن زيت عندك ؛ والبنشري ما عنده خبره بالقيور والزيوت المناسبه ؛ هو يترزق الله ويبيع الزيت ؛ والزيت المناسب والخ ... ليس من إختصاصه

المهم ممكن يعبي لك زيت شاحنه 140 ؛ ممكن يعبي لك زيت GL-5 ويخبط عليك القير .. وهو يظن أنه حاشمك وفاعل لك خير

الغلط بصراحه من راعي السياره ؛ لأن البنشري ما يدري ولا عنده خبره .. جاي يترزق الله ويبيع زيت .. ويحسب ان كل ما كان الزيت اثقل كان أفضل .. ويحسب ان GL-5 أحسن من GL-4

يعني ممكن يضرك ويضر سيارتك ( بدون قصد )

اذا نويت تغير زيت القير
لا تنسى تحتفظ بالزيت القديم في علبه كبيره ؛؛ للاحتياط ؛؛ علشان لو لا سمح الله واجهت مشاكل ؛؛ ترجع الزيت القديم ويرجع القير مثل ما كان
واذا ما تغير الزيت بس تزيده اذا نقص ..
اذا جيت تزيد زيت القير ؛ لا تستخدم GL-5

ملاحظه :
أنا لا أجبر أحد على تغيير زيت القير أو الخ ... ؛ انا كتبت الموضوع هذا عشان افيد الناس عن اللي ناويه تغير زيت القير أو الناس اللي تستغرب ليش يخبط القير بعد تغيير الزيت ؟؟

الموضوع هذا ليس للنقاش عن مع أو ضد تغيير زيت القير


وللفائده .. هذي بعض صور زيت القير العادي




مواصفات زيت تويوتا
75W90
GL-4
حدّه 40 ألف كيلو ويصير أسود وحالته حاله !!

فيه زيت ثاني اسمه موبيل GX
80W90
GL-4
سعره 40 ريال












تحياتي