فائدة يمكن تهمك بخصوص الفرارات .. لا تغلط غلطتي ....

محروم.كوم · #1 01-03-2014, 11:20 AM

السلام عليكم ورحمة الله و بركاته

يالله ان تحيي المكشاتيين

الموضوع يهم اللي مركب فرارات او اللي ناوي يركب فرارات على موتره

واللي بيختصر على نفسه الموضوع يقرأ خلاصه الموضوع تحت ..

انا ركبت فرارات على موتري من 4 شهور او اكثر بقليل .. فرارات AVM البرازيلية النيكل

و موتري جكسار 2000 , الحاصل في البدآيه الفرارات ما مثلها و فكتني من الرجه و خف الموتر بشكل كبير

و بعد وقت من الاستخدام ومع كثره ما اشبكها و افصلها صار عندي صوت مزعج بالكفر الامامي الايسر , لدرجه اني امر بالشارع و العالم تلتفت وش هالصوت !؟

بالبدايه ما توقعتها من الفرارات قلت يمكن بالفحمات ولا غيره لأن الصوت صادف وقت امطار و طبيت بالطين وقطعت سيل و طبيعي تطلع اصوات .. غسلت الموتر بستم على اساس ان الصوت بسبب الطين و انتظرت اللحين 6 اسابيع ماتغير شيء

جربت افصل الفرارات اخليها على 4X4 لأني شكيت فيها

واللي صار ان الصوت رآح , يعني المشكله بالفرارات

فكيت الفرار الايسر و صار فيه مشكله بالسسته اللي فيه لفت على العكس و دخلت معه وصار لا فصلت العكوس يبدأ الفرار يدور وهالسسته تدور على العكس و تطلع الصوت المزعج !!

عالجنا الموضوع و شحمت الفرار ورجع اركبه ( للاسف ماصورت الخطوات المعذرة )

حاولت ابحث عن السبب اللي خلاها تلف على العكس وهو داخل و التوقع الاقرب اللي وصلت له هو اني اطلع من النفود و اوقف بعدين اطفي الدبل و بنفس الوقت انزل و اشبك الفرار اخليه 4X2 و العكس توه مابعد فصل و كلنا نعرف ان الدبل احياناً مايفصل على طول لازم تمشي شوي او ترجع ريوس و يفصل

فـ اللي استنتجته ان طريقتي في شبك الفرار خطأ و هذا اللي خلا السسته تلف على العكس و ينفصل العكس وتدخل و ممكن لو اني ما انتبهت لها تلفت سنون العكس و صارت الخساره اكبر

خلاصة الموضوع :

- الطريقة السليمه لفصل العكوس او شبك الفرار على 4X2 , توقف و تطفي الدبل او تطفيه وانت تمشي 60 و تحت اذا كان الدبل الخفيف و بعد ما تتأكد انه فصل توقف و تشبك الفرار على 4X2

لا توقف و تطفي الدبل و تحط الفرار على 4X2 و العكس مازال شابك

* اذا استفدت ولو فائدة بسيطه لا تبخل علي بدعوة
-

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بخصوص الفرارات	محروم.كوم	منتدى أخبار المواقع والمنتديات العربية والأجنبية	0	07-25-2013 01:30 PM
بخصوص الفرارات	محروم.كوم	منتدى أخبار المواقع والمنتديات العربية والأجنبية	0	05-12-2013 08:10 PM
بخصوص الفرارات	محروم.كوم	منتدى أخبار المواقع والمنتديات العربية والأجنبية	0	08-31-2012 11:21 PM
بخصوص الفرارات	محروم.كوم	منتدى أخبار المواقع والمنتديات العربية والأجنبية	0	11-20-2011 10:00 PM
استفسار بخصوص الفرارات	محروم.كوم	منتدى أخبار المواقع والمنتديات العربية والأجنبية	0	08-16-2010 02:20 AM