منتدى استراحات زايد - فائدة يمكن تهمك بخصوص الفرارات .. لا تغلط غلطتي ....

السلام عليكم ورحمة الله و بركاته

يالله ان تحيي المكشاتيين :)

الموضوع يهم اللي مركب فرارات او اللي ناوي يركب فرارات على موتره

واللي بيختصر على نفسه الموضوع يقرأ خلاصه الموضوع تحت ..

انا ركبت فرارات على موتري من 4 شهور او اكثر بقليل .. فرارات AVM البرازيلية النيكل
http://www.kolos-ms.com/files/pic_pr...a3a41c9ca2.jpg
و موتري جكسار 2000 , الحاصل في البدآيه الفرارات ما مثلها و فكتني من الرجه و خف الموتر بشكل كبير

و بعد وقت من الاستخدام ومع كثره ما اشبكها و افصلها صار عندي صوت مزعج بالكفر الامامي الايسر , لدرجه اني امر بالشارع و العالم تلتفت وش هالصوت :D !؟

بالبدايه ما توقعتها من الفرارات قلت يمكن بالفحمات ولا غيره لأن الصوت صادف وقت امطار و طبيت بالطين وقطعت سيل و طبيعي تطلع اصوات .. غسلت الموتر بستم على اساس ان الصوت بسبب الطين و انتظرت اللحين 6 اسابيع ماتغير شيء

جربت افصل الفرارات اخليها على 4X4 لأني شكيت فيها

واللي صار ان الصوت رآح :D , يعني المشكله بالفرارات

فكيت الفرار الايسر و صار فيه مشكله بالسسته اللي فيه لفت على العكس و دخلت معه وصار لا فصلت العكوس يبدأ الفرار يدور وهالسسته تدور على العكس و تطلع الصوت المزعج !!

عالجنا الموضوع و شحمت الفرار ورجع اركبه ( للاسف ماصورت الخطوات المعذرة )

حاولت ابحث عن السبب اللي خلاها تلف على العكس وهو داخل و التوقع الاقرب اللي وصلت له هو اني اطلع من النفود و اوقف بعدين اطفي الدبل و بنفس الوقت انزل و اشبك الفرار اخليه 4X2 و العكس توه مابعد فصل و كلنا نعرف ان الدبل احياناً مايفصل على طول لازم تمشي شوي او ترجع ريوس و يفصل

فـ اللي استنتجته ان طريقتي في شبك الفرار خطأ و هذا اللي خلا السسته تلف على العكس و ينفصل العكس وتدخل و ممكن لو اني ما انتبهت لها تلفت سنون العكس و صارت الخساره اكبر

خلاصة الموضوع :

- الطريقة السليمه لفصل العكوس او شبك الفرار على 4X2 , توقف و تطفي الدبل او تطفيه وانت تمشي 60 و تحت اذا كان الدبل الخفيف و بعد ما تتأكد انه فصل توقف و تشبك الفرار على 4X2

لا توقف و تطفي الدبل و تحط الفرار على 4X2 و العكس مازال شابك

* اذا استفدت ولو فائدة بسيطه لا تبخل علي بدعوة
-