قصة خيالية روايه"حتى ف منامي تزورني بكل الاحلام"

الحب لا يكفي احيانا · #1 12-23-2013, 08:01 PM

حٓتّى فْ مٓناميِ تُزورِني فٓكلّ الأحْلام

البارت الاول

كان في قلبي مكان ؛ للغرام و الحنان ؛ كنت في قلبي الوحيد ؛ كان هذا من زمان ؛شوف هذا لو تقدر تشوف غيري و غيرك ألوف كل قلب و وله *شريك ؛ اه قول اه و الف اه و اعتبرني في الحياه فرصة وراحت عليك ؛ روح لو تحبني صدق روح و أنا مثلك راح اروح كل منا خذ نصيبه في المحبة و الجروح ؛ روح روح و أنا مثلك راح اروح ،،كانت عذبه تطالع *ضوء القمر وهي تغني هالاغنيه *اللي كل ماتضايجت تغني بصوتها العذب اللي يسحر كل من يسمعه سبحان الله عذبه اسم ع مسمى جماااال سبحان من سواهاا خلقهااا العيون الوساع ،والبياض والوسه الدواري الشعر الاسووووود اللي يغطي ظهرها وشفايه الي متناسسقه مع ويهها يعني الي يجوفها يقول ملاك ماشي ع الارضض وقعدت تذكر شصار لها مع اعز الناس لها

عذبه ودموعها تارسسه ويههاا: يالخاييييييييين يالحقيير كيف تسوي فيني جذي انا شسويت عسب تكسررر قلبي ...وقعده تصيح وهي ماسكه الفون

حارب :يا بابا انا احببجججج والله احبجج
عذبه تقاطعه وتعلي صوتها :لاتحلفف باسممممم الله ...جدد اكرهههكك حارب بعد ماكنت لي اقرب ناسي
حارب متوهق :يعني خلاص ماتبين حبيبج ؟ماتبيني عذبهه؟
عذبه باستهزااء وبقلب مكسور :رووح عند هالششقره الي كنت ويااهااا وانساننييي ..فداعه الله
-

تدرون شنو الشعور الي يعور صدق ؟ لما تحبين أحد حيل وتعلقين فيه و مع الايام يصير هو اغلى ما عندكك و يصير روتين يومي ما تعيشين بدونه ، اول ما تقومين من النوم تلقين منه رسالة او اتصال ، لما يحسسك بـ أحلى شعور بالدنيا ، لما يحسسك انه انتي في احد عايش عشانكك ، لما تشكين له من الناس تشكين له من مشاكلك تشكين له من كل شيء يقول أنا معاكك و تشدين ظهركك فيه و تحسين انكك ما تبين احد معاكك بالدنيا الا هو ، وفجأه يقل الاهتمام و فجأه يصير بارد و فجأه يمر يوم و يمر يوم ثاني وهو ما يكلمكك و لما تقولين لأحد يقولكك *عادي كل علاقه تمر فيها فترة برود* بس انتي تحسين انكك قاعده تفقدينه ؟ هناا يبدأ اوجع شعور يمر على القلب ، لما تنامين من دون صوته ، لما تقومين من دون كلامه ، و لما تنامين بالليل ومخدتكك كلها دموع ، ولما تقومين اليوم الثاني على أمل انكك تلقين كلام منه بس للأسف ، لما يمر يومكك ومايسأل عنكك *، واذا سألتي يكون الرد بعد ساعات ، يعني شعور يعور حيل ، والي يعور أكثر ؟ لما يكونون الي حواليكك مو حاسين فيكك ، وتبكين ومو قادره تتكلمين من الخنقه ، والي يعور أكثر وأكثر وأكثر انهم ما يحسون فيكك .....هذا كان شعور عذبه قبل سنه ...قبل سنه كان تحب واحدددد ،،،تحبههههه؟؟؟ لا مو بسسس تحححبببههه تعشقققهه تمووووت فييهههه صارت ماتناديه غير بابا لانه كان يحسسها انه هو الامن والامان اللي تحس فيه وفجأه تركها وراح بسبب الخيااانههههه .......

:1711

{بعد سنه }
:
كان الشتاء يجمع شتات المحبين
وكان اللقاء في حضرة الصبح وارد

بس الشتاء هذا - جرحني ب ثنتين
الصبح بارد وأنت ف الوصل بارد

عذبه،،،،يالله محلاااته الجووو من بعد ماينززل المطططررررر ياليت كل ايام السنه جي تكوووون احبب الشتااا مادري ليشش احبههه مافي اي سبب يمكن للانه يجمع القلوب العاشقهههه او *لانه كل الناس تستانس وتتم تدعي كل الي تتمناه ...حسيت بالبررررد ف سكرت الدريشه اللي كنت فاتحتنها وكنت حاطه ايدي وينزل عليها المطررر كان الجووو عجيبب..فجاأه جان اسممع حس حد يدق الباب جان اقوم افتح....

فطوم:انتي قايمه ؟ وانا اتحرااج نايييمهههه ! يلا يلا بسرعه قومي اجهززي عسب نوديجج الصالووون
عذبه والدمعه فعينها :ليشش انا فطامي اللي انجبر اخذ واحد ماحبهه ؟ ليش ابوي يغصبني ؟ هو مايحبني؟...ودفنت ويهي بايدي وقعدت اصيح
فطوم : يالله حبيبي شو تقدرين تسوييين ..جوفي انا اختج ويوم غصبوني ع ولد عمي محمد شقا مرتاحهههه الحين وياه
عذبه بصوت عالي:بسس انا ماحححححببه مابيييههههههه مابيييييييهههه ....امسك ايدها دخيلججج لا تخليهم يسوون اللي ف بالهم

ماقدرت فطوم اختيههه غير انها اطبطب ع راسي وتهديينييي ليننن ما امييه زقرتها

وراحت وخلتني تميت ادعي بالمطررر انه كل شي يعدي على خيير مابي اتزووج *كيف اتزووج وانا ماعرففف غيررر اسمههه
كيف بتكون حياتي وياك يا خليففهه ؟ هل بقدر اسعدك !!بس انا قلبي انقفل من بعدكك يا حارب،،صح انك خنتني بس بعدك غالي علي

ليش جي حظ البنت فهالدنيااا ؟؟؟ ليش تبيه مايصير ؟ واللي ماتبيهه يصير غصبن عنهاا ؟؟ بس اخوي جي يبيعني بسهووله ؟؟ وينك يا ابوييههه تعال جووف شو يسووون ف دلووعتكك !! الله يرحمك يا رب ويغفرلك
جان اقومم اسبح عسب ارووح الصالون خواتتيي

فطوم اكبر عني وعمرها 24 سنه متزوجهه ولد عمي وعندها تؤام بنات عاليا وغاليا حيااااتيي هالبنناااتتت اححسهمم بناتي من كثر ماحبهممم وعقبها ايي احمد اكبر عن فطومم بسنتين وهو المتحكم ف البيت مرااتت احسس اني اكررره بس هو من داخله طيب يمكن لانه يخاف علينا ويحسس روحه المسؤول علينا من بعد ابوويه

وعقب حمدان اكبر عني بسنتين *وايدد طيب ومايدرس لانه من يوم انولد توقف مخه عند 10 سنين * هو الوحيد الجريب مني العايله واييد ارتاحله اقول له كلل شي ويفهمني من نظظره عيني او من طريقه كلامي جنه طفل حلو احساس الطفل لانه يصولج الصدق مايجذب عليجج او يجامللجججج تنهدت ونزلت اسلم ع امايه وبستها فوق راسها

امايه :حبيتي الكعبه اميهه ،،شحالج العروس؟؟

عذبه بحسره :هه اي عروس امييه عروسس مغصوبه ،،،وجان اقومم *لاني سمعت اختي فطيم ادق هرن تترياني وتقرب مني حمداني

حمدان يمسح دمعتي اللي نزلت :عذووووبي ليش تصيحين ؟

عذبه: ماصيح حبييبي عيني تعورني

حمدان *يبتسم :ماما قالت بتستوين عروسه حلوه

عذبه مبوززه :هيہ هيہ عروسههه ،،يلا حبيبي *بروح الصالون ،،وجان ابوس خده واطلع ....

وزقرت حرمت اخوييههه احمددد سلامه عسب تيي ويانا،، __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نداء ل ((ذراع الذيب )) محبينك ينادونك """""""""""""""""""""""""""""""""""	محروم.كوم	منتدى أخبار المواقع والمنتديات العربية والأجنبية	1	05-10-2024 05:34 PM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
الشاهد الله مانسيتك دقيقه ،، حتى بمنامي تزورني بكل الاحلام	غلا البحرين	كلمات الاغاني	8	07-27-2011 09:40 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM