رواية قال:انتي الغلا الروح ياروحي قالت: وانت العذاب يابعد قلبي وروحي

دااانه غير · #1 10-13-2013, 03:34 PM

[

align=center]

اليوم حبيت انزل لكم روايت ربيعتي:.............
هي قصه عن فتاة عاشت الفرح والحزن والعشق والألم وغيره
عندي الورايه كامله بنزلها لكم يوميا
مع تحياتي:دااانه غير
[/n]

كان تقوم من النوم وهي منزعج من الحلم اللي حلمته:اوفف شوو هذا الحلم اللي يخلي المزاج يتعكر
وبزيغ:والله يروع يلست تتذكر الحلم كانت تصيح بقوة واهلها يبتعدوو عنها وكانوو يودعووها وكانوو يحركوو يدينهم من بعيد على انه مع السلامه وكانت تصيح تركض صوب اهلها وبعدين شافت نور وبعدين نشت من الرقاد
أستغفرالله أستغفرالله بسم الله شو هذا الحلم من ثلاثة ايام يراودني هالحلم استغفرالله كان تقووم وشافت الساعه كانت 7:00 بتوقيت المنيا راحت الحمام تسبحت وتلبست لبس الجامعه ونزلت تحت شافت امها وابوها
....:صباح الخير
امها وابوها بحب:صباح النور لأحلى ميثة
ميثة:صباح النور والجوري صباح الورد المتفتح صباح لاحلى ام وابووو في هذه الدنيا
امها وابوها :هههه تسلمين حياتي
ميثة:الله يسلمكم شخباركم
امها وابوها:تمام ربي يسلمج من صوبج
ميثة:بخير دامني شفت هالويووه السمح
امها وابوها:فديتج والله الله لايخلينا منج
ميثة:امين
امها:حبيبتي متى اكلاسج
ميثة:والله ياامي الساعه 8:00 وعلي امتحان نسيت انه فترة امتحانات
امها:لا مانسيت بس كذا اسأل
ميثة:اها امي وين شواخ وكايد
امها:راح كايد توه وشواخ بعدنها مانزلت اخفها راقد
ميثة:لا لا ماعليج هي الدافوور كيف ترقد عليها امتحان ولا اخر سنه بعد
امها:بسم الله عليها قولي مشاء الله
ميثة:مشاء الله بتاكلين على زلمه
سمعت صوت من فوق:انتي الزلمه يالخال
ميثة:جب جب انا ماارمس يهال
شواخ:اونج اونج عاد مسوي فيها الاخت الكبيرة اليوم
ميثة:شرب يور ماوث احسن لج
شواخ:شو شو شرب يقلون شتب يور ماوث مب شرب ابوي يبالج تعليم انجلزي مرة ثانية
بدون اهتمام قامت ميثة من على كرسيها متوججها صوب الباب:مع السلامه الغالين
الكل:الله يحفظج
راحت ميثة وركبت سيرتها رنج اللي اهدها لها ابوها بعيد ميلادها
بقولكم شوية عن الشخصيات اللي قراتوه
الاب:زايد ريال طيب محترم شخصيته بارد وعصبي ووايد رسمي وجذابه وايد مايبين عليه الكبر له مكان مرموق في المجتمع يملك شركات كبار تتوزع على الدول ومع هذا طيب وحنون
الام:مريم حرم طيب محترم وايد وجميلة لابعد حدوود وشخصيته واايد راقي واايد هادية وحبوب وهي ربت بيت تحب واايد عيلها اكثرهم البكر بس مب موجود وياهم
اكبر اخو حمد:هذا يعيش بالامارات متزوج مستقر هناك هو يشتغل في الجيش (الجوية) وله رتب عاليه بسبت ابوه شخصيته شوية غامض وهو من النوع الحنون والهادي وعصبي بس مب واايد يحب يتافهم ومايتسعجل بالشي هو جميل عيونه كبير وناعس ورموشه كثيف لون عيونه بني وخشمه كالسيف سله وطويل وجسمه عريض فيه جذابية ابوه وملامحه وايد حلوة عمره 25 بيكون له دور كبير بالقصه
ميثة (البطله):انسانه هادية وذكية ولها فطن عالية وايد رافع خشمها مؤدب محترم وايد تحب اتضارب على اي سبب عليها حركات شباب بس هي ماتقصد بس كذا حركتها يعني ترفع كمها وكذا يعني وعليها شخصية قوية شخصيتها مقارب من ابوها هي وااايد جميلة ملامحها مرسوم رسم عيونها نفس العيون المها لونها عسلي وخشمها كالسيف سله وشفيفها مرسوم رسم ولها غمزات وشعرها طويل لين اخر ظهرها وبني وبس هي شبيهت امها بالشكل بس الصفات ابوها عمرها 20 سنه تدرس بالجامعه دكتور وايد شاطرة بالحسبات تصلح مديرت اعمال لها خبرت في ادارة اعمال من ابوها
كايد:انسان فرفوش وكله سوالف ومصخر وعليه حركات ودنيته مصخرة×مصخرة وهو طيوب جميل عيونه كبيرة لونها اسود غامق رموشه كثاف خشمه كالسيف سله وشفايفه صغار 22 سنه يدرس هندس معماري ابوه واعدنه بشركه كبير له يوم بيخلص الدراسه
شواخ:هذي البنت خبله خبله وهبوول وعليها حركات عجيب وسولفها مصخرة صح انها دافوور بس صج صج انها سووالف حلوة وطيوب وايد هي احلى وحدة فالبيت بس ميثة احلى منها عيونها كبار ولونها اخضر وشفايفها صغار وخشمها كالسيف سله وشعرها لونه كستنائي طالع على يدتها عمرها 18 سنه بتخلص الدراسة هذا الاسبوع ويا الكل
راحت ميثة بسيارتها وصلت الجامعه دخلت توجهت صوب الكانتين جافت ربيعتها الاماراتية مها من بعيد يالس وتذاكر ومبين عليها متضايق توجهت صوبها
ميثة:السلام عليكم
مها وهي متضايج:وعليكم السلام
ميثة:بلاج
مها:بموت احس اني اذاكر واذاكر ولافهما شي
ميثة:ماعليج انتي استهدي بالله وعطني الكتاب
مها:بس.....
ميثة:لابس ولاشيء تعالي نتمشا في الحديقة صبري بروح اطلب وبيج لاتتحركين اوكي
مها بانصياع:اوكي
ميثة ابتسمت لها كانت تمشي بخطوتها الواثق انتبهت ان الشباب يطالعوونها ويناضروها بنضرات حقارة مشت ولكنها شافتهم راحت وطلبت كروسون جبن اثنين وموكا اثنين مشت صوب مها وعطتها
ميثة:يلا قومي
مها:يلا
راحن ميثة ومها كن يتمشن كانت كل وحدة تفكر منهن كان يلسو بالحديقة تحت على العشب
ميثة:شو فيج شوو بداخل قلبج
مها:ماشي
ميثة:انا ادريبج مهوي ادري ان مستحيل يستويلج جي شو داخل قلبج قووليلي مب انا ربيعتج
مها ابتسمت بحزن ويلست تطالع العشب و هي تقول:ياميثة في يوم من الايام عشتي تجربت الحب
ميثة:حب ليش انتي تحبي
مها:هي كنت والحين صرت مااحب
ميثة طالعتها باهتمام
مها:كنت احبه حب مثل اليهال كنت احسبه مب بس حبيبي نفس ابوي كان يدافع عني وكان دومه وياي ويسولف وياي وكان على بالي انه يحبني بعدين انقطعت صلتي به لاني كبرت ومااقدر ايلس وياه قرر انه يعطني رقم فونه فوافقت تم يسولف وياي وكان يحسسني بالحب والاهتمام يوم اصيح هو يهديني كان دومه بعد يشتكي عن حاله وكان مب مثل البلسم كان مثل العسل على جروح قلبي كان وايد يخفف عن جروح قلبي ياميثة ويا اليوم الشنيع هو البارح يوم كان يصيح ويصيح سالته بلاك شوفيك
مها:بلاك بلاك محمد
محمد وهو يصيح :مها مها انا بمووت
مها:ليش محمد بلاك ارجووك تخبرني حموود بلاك
محمد:تم ساكت وهو يصيح
مها بنبرة هدوء: خلاص هدي خلاص استهدى بالله وقول لا الاه الا الله
محمد وهو يتنفس: لا الاه الا الله
مها:قوم روح الحمام اغسل ويهيك واشرب ماي وصل لك ركعتين وتعال رمسني انا ببند عنك
محمد بهدوء:خلاص بس يوم اتصل تردي
ممها بابتسام:ماعليه برد سكرت عنه بعد ماخلص صلاه اتصل ليها ردت بلهف بس تكلمت بهدوء:ابدا
محمد:انا كنت احب وحدة اسمها ريم كنت احبها شرى المينون كنت اموت فيها كنت اعشقها بس للحظة يت وقالتلي "محمد تراني انخطبت وباجر ملجتي فاسمح لي لاتتصل مرة ثانية على هذا الرقم" انا انصدمت ماتوقعت هالشي بس بينت ليها اني مااحبها ورديت عليها بجفا وسكرت بويها يامها هاي حب سنتين حبيتها يامها وهي وايد طيب بس اللي حست فيها غريب انها ماتتعدل ولاتتمكيج عادي انسان بسيط وايد كان اشوفها مرة فالمول صح انها ماتحطي شي بويها بس كانت غاية بالجمال كان جملها يصرخ وجسمها كله جاذبية لكن مع الوقت اختفى كل شي بلحظة ورد يصيح بس بهدوء
تمت مها منصدم ماارامت ترمس تمت تطالع الفون كان تقول بدخلها "هذي الرمس صج ولا حلم" انا بحلم ولا واقع تمت فتره منصدم تم محمد يزاقر عليها واخر شي استوعبت شافته بعدنه يزاقر باسمها ردت:نعم
محمد:بلاج
مها ببرود:ماشي بس انا ببند
محمد باستغراب:اوكي
بندت مها ويلست تصيح من الخاطر يلست تسب وتلعن الساعه اللي حبت فيها محمد وهو يفكر في وحد غيرها .....
همسه"صعب انك تفقد انسسان كنت تكأبر بحبك له لانه جرحك ,, وتيي فيوم من الايآم تسسمع منالناس انه حب غيرك
وكانت تصيح مها وهي تتكلم
ميثة بحنية:ماعليج حبيبتي انتي استهدي بالله وكل شي بينحل باذن الله
مها:امين الله يسمع منج
ميثة:مها ليش ماخبرتني ليش استشرتني او عطتني فكرة عن الموضوع
مها:كنت مااحس بعمري كنت ارمسه وارمسه وماكنت ابا اخبرج عشان ماتخذي فكرة سيء عني
ميثة: افا افا يامها انتي العاقل جي تقولي مستحيل اخذ فكرة سيء عنج انا ربيعتج فنفس الوقت اختج ليش كذا
مها:لا انا مب قصدي كذا انتي يعني مهما يكون لج حياتج الخاص مااقدر اتفوه برمس يمكن ماتعيبج
ميثة:لا لا انتي ربعتي واكثر على فكرة لو خبرتني كان بتفهم الوضع بساعدج
مها:صدق
ميثة:هي انا الحين اباج تسوين شي وتنفذيه بالخطوات
مها:شوو
ميثة:انج تقطعي صلتج بمحمد اذا سال ليش قوليله انا فكرت وكذا واخر حل استنتجت اني اقطع صلتي بك لان هذا حرام ورب العالمين ميرضى اوكي
مها:اوكي وبعدين
ميثة:بعد كم يوم ردي الامارات لان خلاص بنخلص السنه صح نسيت اسالج شوو يقرب لج محمد
مها:ولد عمي
ميثة:اها روحي بيت عمج كوني بارد وسلمي عليه بالهدء ماتعطيه ويه كاني بروودج الغامض هذا اللي يروع الناس
مها:هههههه حيوان اوكي اوكي
ميثة:وبس واتمنى انج تنفذيه بالحرف وتخبرني النتايج
مها:توووكي فديتج والله احبج
ميثة:افداج حياتي مي توووو امووت فيج
مها:ههههه قمنا نغازل بعض
ميثة:هي اقوول الساعه كم
مها وهي اطالع ساعت الفون:الساعه 7:30
ميثة:اووه ماباقي الا نص الساعه الحين براجع لج وبعدها انتي راجعيلي
مها:اوكي
كان يلسوا يذاكروو وخلصو على طول راحوو الكلاس وامتحنوا بعد نص الساعه طلعوو
مها:الحمدالله حليت زين الامتحان واايد سهل
ميثة:هي صدقج واايد سهل اليوم انا عازمتنج على الغدى شو رايج
مها:هههه ومنوو بيرفض ماادامج بتدفعين
ميثة:هههه يالزط
مها:مب احسن عنج
ميثة:والله انا هب زطية مثلج
عند شواخ
شواخ:اوه الحمدالله حليت زين بالامتحان شوية في صعوبات
ربيعتها خولة:هي صدقج بس الحمدالله حلينا زين
شواخ:هي صدقج
خولة:اليوم بتطلعي مكان
شواخ:لاوالله نسيتي انا باكر علينا امتحان فيزياء ولا احنا في المنيا اكيد بيكون صعب برد بريح شوية على طول بذاكر
خولة:اوه نسيت سالفة فيزياء الله يعينا
شواخ:الله يعينا
عند كايد
كايد:والله اني مشتاق لحموود ابا ارد للبلاد
عمر:هي صدقك يحلات البلاد مب اهنا تحس انك في بلاد غريب غير عنك
كايد:صدقتك بس شوو نسوي
عمر:خلها على الله يااخوي
كايد:انا يبالي ارمس ابوي بالموضوع واستشير اختي الكبير
عمر:ميثووه
كايد:هي منوو غيرها
عمر:والله اشتقت لها
كايد:عفوو
عمر:لا تفهمني غلط ترى هي اكبر عني اعتبرها اختي
كايد:اها
عمر:ههههه مالت عليك ضنوونك نفس مخك
كايد:جب ترى واايد عطيتك ويه
عند ميثة &مها
يالسين يتمشون يا واحد ودز ميثة دز خلتها تفقد السيطرة على عمرها وطاحت هو تم مكانه
ميثة:عمي ماتشووف ولا قاصد
الولد:احترمي عمرج انتي العمي
ميثة:هههه ضحكتني اي انت لاخلاني اسوي فيك شي تندم عليه
الولد وهو واقف ومغمض عينه:وريني شطارتج يااااحل.....
بكس على ويه خلى الدمان يطلعوو من خشمه
الولد:الكريه يالحقير انتي تضربيني
ميثة:واكسر راسك بعد يالوصخ
وقاموو يتضاربون ويا السكيوورتي وعلى الطول المغفر
الظابط:شوو مستوي
الولد:هذي عطتني بكس
الظابط وهو يطالع ميثة بتفحص:هذي مستحيل
الولد:والله انها هي هذي حيوان كريه ملقوع
الظابط:حسن الفاظك ياولد احنى في مكان محترم وانتي الشيخه عطتيه بكس
ميثة بهدوء:هي
الظابط بصدمه:مستحيل
ميثة:"وليش مستحيل
الولد:شفت هذي مب مرباية اصلا يبلها تربية مرة ثانية
ميثة:اسكت لا اييك بكس ثاني
الظابط:عيني عينك تهددين
ميثة:وانت اشلك
الظابط وهو مفول:احترمين عمرج احنى بمكان محترم شو هذي الالفاظ البذيئ
ميثة وهي تيلس وتحطي ريول على ريول:انزين متى بنخلص ترى ماعندي وقت
الظابط بهدوء وهو راص على اسنانه:استاذة ميثة اوقفي باحترام ورمسني باحترام
ميثة ولا كنها تسمع يالس تتعبث بفونها طرشت مسج لين كايد اييها المغفر
الظابط وقف ونفذ صبرووه:صدق يوم قال الولد يبالج تربية من اول ويدي شوو هذي الحركات حركات يهال
ميثة تطالعه ببرود بعدين قالت:كيفي وانت ليش تتدخل بشي مايخصك
الظابط:لا السالف زادت عن حدها يبالج مب قضية تنرفع عليج قضيتين بعد
ميثة بدون اهتمام:اقووول انجعم خلني اتصل للبوودي قارد بيب لك فلوووس وانجعم
الظابط:ليش تشووفني احب اييدج عسبت فلوس اقووول احترمي عمج صوني المكان اللي يالس فيه
ميثة:بلا بلا بلا حشرتنا و**هي تقلده** مكان محترم واحترمي المكان اللي يالس فيه يااخي عورت راسي ليش تعكر مزاجي
الظابط وهو مفول ويطالع الولد:انتا روح بيتك خلاص وانتي اهنا يلسي بعلمج الادب من اول ويديد
كان يروح الولد وتموو ساكتين دخل الشرطي:استاذ في واحد يقول انه اخوو المدعو ميثة ممكن يدخل
اطلعها الظابط اللي شفها تتبتسم بهدوء:ممكن يتفظل
دخل كايد وهو ويهه احمر من العصبي يا ويلس على الكرسي:شوو مستوي ياحظرت الظايط وهو يوجه شرار من عينه على ميثة اللي ماهمها الموضوع
عند مها
راحت البيت وهي خايف على ميثة معقول يستوي لها شي لا بسم الله مبا افاول استغفرالله استغفرالله اروح اصلي لي ركعتين انشاءالله تطلع ربيعتي من السجن راحت تصلي
في بيت قوم ميثة
كانوو موجودين على السفر ابوها وامها وشواخ
ابوها:غريب مايت ميثة ولا كايد بعد
امها:يمكن عندها شغل او شي اظطرو انهم يتموو
ابوها:بس من عوايدهم انهم يتصلوو ويخبرووني انهم بيتاخروو
امها:مااعليه لاتشغل بالك يمكن نسووا
ابوها:هي ليش لاء يمكن نسووا والله الوسواس يلعب بمخي الاعيب
الام:ماعليك انت استغفر وكمل اكلك
الاب:ماعليه استغفرالله
كانت شيخة تعرف انوو راحو المغفر ترى خبرها كايد
في المغفر
الظابط:السالف ومافيها انو في واحد ريال يركض كان عنده محاظر وكان مستعجل فالبغلط دز اختك وهي طاحت بعدين قاموو يتضاربوون وضربته على خشمه وطلع الدم بس هي منها الغلط مب الولد
كايد وهو مغيظ:ماعليه السموحه منك سيدي واختي ماكنت تقصد بس هالفتره عندها ظغوط وكذا وخلها تنفعل
الظابط:اها بس لازم توقع تعهد على انها ماتضارب مرة ثانية
كايد وهو يتوعد لميثة:اوكي وهو يطالع ميثة تعالي وقعي
يت وفردت جسمها ووقعت وقالت بهمس:صدقني بتندم بخليك تي وتتعذر لي
الظابط اطالعها وابتسم بغروور
ردت له ابتسام بهدوء ومشت ويا اخوها
كايد:انتي شوو ماتخلصي من ضرايب هانت بعد كم يوم بتخلصي الجامعه بنفتك من ضرايبج
ميثة اطالعته ببرود:ومن انت عسبت تكلمني جذا
كايد:اخوج ولا ماعلي حق عليج
رفعت حاجب وثاني منزل:اكيد ماعليك حق علي لانك بالمختصر اخوي فقط مب ولي امري
كايد:سكتي لا اييج كف
ميثة:هههه جرب بس وهو يرفع ايديه يعطيها كف مسكت اييده وقالت وهي مسكر على اسنانها:ماعاش اللي يمد اييده علي فهمت ولا لاء
تم ساكت كايد يعرف طبع اخته واايد عصبية لدرجه محد يقدر يتحكم فيها حتى ابوها مايقدر يتحكم ابها وهي دلوعت ابوها وكلمتها تمشي بالبيت
وصلو البيت نزلو اثنيناتهم دخلوا الصاله :السلام عليكم
الكل:وعليكم السلام
الاب:وين انتو تأخرتو
كايد بتبرير:لا بس كانت عندي محاضر وااتخرت وميثة بعد انا ييت وشليتها من الجامعه
الاب:ليش ماعندها سيرتها
كايد بتوتر:لا بس هي شوية تعبان فقالت ماقدر تسوق سيرتها ووصيت واحد من الربع اييب سيرتها
الاب:اها زين ميثة حبيبي بلاج؟؟؟!
ميثة:لا ابوي بس شوية مصدع بروح انام شوية بعدين بذاكر
الاب:زين بس تغدي قبل ماتروحي تنامي واباكم بسالف
ميثة:من عنوني بروح البس بنزل تحت
الاب ابتسم
ركبت فوق شافت فونها مطرش لها مها مسج ابتسمت طرشت لمها "انا بخير لاتخافي علي انا الحين في بيت ابوي مااقدر اكلمج لان ابوي يبنا كلنا بسالف وباي مع تحياتي ميثاني خخ"راحت الحمام اتسبحت لبست بنطلون جنز ازرق غامق وقميص رسمي ابيض وله احزام ازرق على الخصر رفعت شعرها مثل الكب كيك وطالعت شكلها كانت واو تكحلت بابيض وازرق وحطت روج وردي ونزلت تحت
ششواخ تصفر:مانروم عليج يالقووو طررتينا كلنا
ميثة بغرور:ههه ادري
الاب:مشاء الله عليج يابنتي جميله
ميثة:مشكوور ابوي لا تجاملني ولا والله بيكبر راسي هههه
الكل:هههه
الام:هذا اللي ناقص بروحها خقاق وتبوو تزيدووه لا لا لحد يمدحها
الكل بدون ميثة:افا عليج ماطلبتي يابنت سعيد
ميثة:هههههه
الاب:يلسواا *الكل يلس
الاب:انا اليوم ياينكم هني عسبت موضوع والله الموضوع حلو بتسانسوو عليه باكر اخر يوم امتحنات صح
الكل بدون الام :صححح
الاب:انا قررت ويا امكم انا بنروح الامارات بنتم الاجازة وبنرد مرة ثانية المنيا
الكل:واااااااااااااااااااااااااااااااااااااااااو
كايد:والله والله ابوي ترمس جد
الاب هو يضحك:هي ارمس جد
كايد:والله اني مساتنس المساع اقول ياليت انرووح الامارات وتطلع صج انا بنروح فديتك ابوي
الاب:ههههه
ميثة:والله طرر اشتقت لحمودي وشتقت لبنات عمي
الاب:والله كلنا اشتقنا لهم
ميثة:والله وناسه فديتك ابوي وراحت باست خده وبدلع لايق عليها:احبك
الاب:اموت فيج ياعمري
الام:قومي من على ابوج بتكسريه ماتشووفي عمرج كيف ناقه
ميثة:وقامت العيوز تغار الله على غيرت العيايز
الام بعصبية:عيز حيلج انشاء الله يلي ماتستحي يلي ماتخيلي
ميثة:ههههههه العيوز تغار بابابي
الام: انتي ماتستحي زايد شوف بنتك اللي ماتستحي ادبها
الاب:هههههه عيب بنتي لاتقولي عيوز بس احسها كبرت بسير اتزوج وحدة ثانية دبري لي وحدة امج ماتنفع
ميثة بتفكير :اممممممم معليك بيبلك وحدة تونس
الاب:احححححححح
الام بصراخ:ابييك عون صرت فرعون وقامت وهي متغيظ
ميثة:ابوي
الاب:ها
ميثة:مكنا المدام زعلت
الاب:هي والله منو يروم يراضيها عاد هذي زعلها كبير
ميثة:ههههه ماعليك انت حبيبها زيوود
شواخ:خخخخ امي تحف
ميثة:هي صدقج واايد تزعل سبحان الله ماطلع فيني طبعها
الاب:سكتي سكتي طلع فيج طبعي
ميثة:فديتك يالغاوي يالجميل انت بس انا مااشبهك
الاب:هي من الشكل لاء بس خشمج نفس خشمي انتي تشبهين امج
ميثة:وتوني مزعلتنها سير رضها
الاب:ماروم اخفها تفر علي شي
ميثة وهي تقوم من حظن ابوها:يلا قوم زيوودي
الاب وهو يبوس خدها:فديتج والله
ميثة بمستحى بدلع يهال:افداااك
راحوو الاب وميثة للام وياهم شواخ رززززه
عند مها ربيعت ميثة
شافت المسج ابتسمت سجدت شكر لله
فديتها والله ماتهون علي بس هي مشكلتها عصبيتها الزايد الله يهديها الفليل بتصل بها بروح ارقد احين لي حطت راسها على الوسادة رن فونها ترن ترن ترن خذته عبلها ميثة بس خاب ضنها وشافت ولد عمها *محمد*
كانت مابترد بس ردت عسبت تقوله الكلام اللي قالته ميثة
مها ببرود:الو
محمد:هلا والله ببنت عمي
مها:اهلين
محمد:اخبارج
مها:تمام
محمد:مديم حالج
مها:وياك
محمد:امين
مها ساكت
محمد:اخبار دراستج
مها:الحمدالله باجر بخلص امتحنات
محمد:زين الله يوفقج
مها:امين محمد ابي ارمسك بموضوع
محمد بقلق:امري
مها:يامحمد انا مااقدر ارمسك
محمد:شووو شوو تقولي انتي تتمصخرين انا مارمسنج من سنه ولا سنتين انا ارمسج من اكثر من خمس سنوات
مها ببرود:اسمعني بقولك اخر كلامي واباك تسمع زين بعده ماشي رمس
محمد بغيض:ارمسي
مها:احنا اللي نسويه غلط البارح يلست افكر ويا عمري واخر شي استنتج ان هذا الشيء هب زين وانا رب العالمين مابيوفقني ولا بيوفقك اذا تمينا كذا وهذا حرام اصلا بتقول ان توج عرفتي هالشيء بس انا اعرف من زمان بس كنت انت في مرحل حرج فانا ماقلت شي وخليتك براحتك الحين اقولك واخر كلامي لك انا مااقدر ارمسك واسمح لي وماعاد تتصل لهذا الرقم مرة ثانية
محمد:مستحيل انتي مها القبلية الطيب الحنون الحبوب مستحيل ليش شووسيت لج بظبط ضريتج ضريت اهلج قلت لج كلمه تجرح قلبج ليش ابا افهم ليش ماحرام جاوبني ماحرام؟؟!!
مها ببرود:هذا قراري وخلاص ماعاد تتصل لي بتشوفني في بيتنا وبي بيتكم وانته علقتنا انا وياك انت مثل اخوي وانت تتعتبرني مثل اختك وبس ويلا مع السلامه من دون تسمع رده بندت تمت تصيح وتصيح وتصيح على حظها الخايس وتسب حظها
عند العائلة ميثة

راح ودخلو عند الام كانت ترتب الحجرة وهي مغيظ يوم شافتهم :نعم خير شوو تبون تبون بعدكم تتمصخروا
الكل ساكت ومحد يرد
الاب:مريووم والله احنى اسفين مب قصدنا
الام:شوو هالرمس رمس واحد عاقل يقولها
الاب:والله احنى يعني نسولف نتمصخر
الام سكتت ماجاوبت
ميثة:والله امي السمووحه منج والله مب قصدي اسوولف وياج امي والله احنى نتمصخر
الام ببابتسام:خلاص خلاص عفوت عنكم
ركضو صوب الام وحضنووها وكل واحد من صوب باسوو خد الام وهي مستحية
ميثة:فديتج اماي الله لايخليني منج
والاب بصوب الثاني حضننها:الله لايخلينا منج يالغالية
الام:امين فديتكم
ابتسموو وقاموو من على الام
ميثة شافت الوضع كله رومنسي الام مستحية والاب يبتسم لها سوت حركتها المعتاد انها تمسح على شعرها وتضحك:انا بروح اريح وبعدها بذاكر عن اذنكم
راحت ميثة حجرتها وطرشت مسج لين مدير اعمال ابوها اييها على المغرب وراحت ورقدت
حست بشي يتحرك عليها قامت وشافت في ويها فاعي حقيقي صرخت صرخه على فكره اكثر شي يخوف ميثة الحيوانات الصراصي السحالي والضب والافاعي
طاحت شيخوه من زود الضحك :ههههههههههه شكلج تووحف
ميثة وهي مفول:يالحيوانه شو هذا حقيقي
شيخواه:هي حقيقي حول شوو هذا غووول خخخخ دواج يالدوب
ميثة:صبري صبري علي وتقوم من على الفراش قامت شيخوه وشلت الفاعي وهي تركض وميثوه تركض وراه زختها ميثة تحت لان ميثة واايد طويل فزختها شلت الفاعي من اييدها وحطت في ملابسها وقام يدغدغها وقامت تضحك شيخووه وتصرخ
وميثة:ههههههههههههه دوااج تستاهلين تبين زيادة اوكي شلت غرشت الماي وصبته عليها ويوو امها وابوها وكايد ركض يشفوو ميثة تضحك وشيخووه تصرخ وتضحك وكلها ماي
الاب:بلاج شيخووه
شيخوه:ابوي ههههه ابوي ههه ابوي ميثوه العله ههه حطت اللي الفاعي في ملابسي ههههههههههههه
الاب:ميثوووه شوو هالحركات
ميثة:دواها عيل تيي وتقعدني بغيت امووت وانا اشووف الفاعي بويهي
الاب راح لين شواخ وشل الفاعي وزقر الخدامه توديه فقفصه
وكايد ميت من الضحك هو امه
كايد:ويييييي دوااج شوواخ تستاهلين بردتي حرتي ياميثة
ميثة:احم اعجبك هههه
شيخووه:حيوانات انتوو اصلا انتي هي ليش تصبي علي مااي
ميثة:جب جب يالجيكرة
شيخووه:عدال يالناقه
ميثة:اطول عنج يالجيكره انجبي
شيخووه:هههه على قولت المثل الطول طول نخله والعقل عقل صخله
ميثة:مادامني انا صخله انتي الثووور يالجلب
شيخوه:انتي الثور والصخله ياويه الثور
ميثة مشت عنها ولاكنها تسمعها بس ردت :ابوي الحين ساعه كم
الاب: الساعه 6:00 بتوقيقت المنيا
ميثة:اها ابوي انا قلت لمدير اعمالك ايي
الاب:لييش؟؟!
ميثة:اباه بالموضوع
الاب:اها يوم بي بخلي حد يزقرج
ميثة:اوكي
صعدت فوق راحت تسبحت لبست جلابية محترم مافيها زخرفات وشيله ساده ولبستها دقايق يت الخادمه
ميثة:نعم
الخادمه:الانسه ميثة طال عمره يقول روحي تحت يترايج استاذ احمد
ميثة:اوكي انتي روحي وانا بعدج بطلع
__DEFINE_LIKE_SHARE__

forza alain · 10-21-2013, 10:35 PM

الروايه تجننن كمليهااااااااااااا __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة خيالية : رواية من عرفتك وانا حياتي تنبض بكلمه وحده هي (اه من العذاب)	دااانه غير	قصص و روايات	12	10-30-2013 07:55 PM
رواية : انت الغلا ياكبره ب قلبي غلاك	-.-Anonymous	استراحة قصص وابداعات الاعضاء	1	02-03-2013 10:00 PM
^^ شيلة :جتني رسالة من صدى خافق الروح ... قريتها باحساس قلبي وروحي .. بصوت اخوكم ^^	محروم.كوم	منتدى أخبار المواقع والمنتديات العربية والأجنبية	0	05-09-2012 12:50 AM
أخذت قلبي وروحي واشلك بعيني..(حارب واليازيه	♥ روحي تحبك♥	قصص و روايات	55	01-18-2012 05:59 PM
قصة واقعية : اخذت قلبي وروحي و اشلك بعيني(حارب و اليازية)	ملكة جمال العالم	قصص و روايات	22	01-14-2012 07:24 PM