سالفة:أبغض رحله رحتها..قوافي

محروم.كوم · #1 09-09-2013, 10:00 PM

مشرفينا الكرام
أخواني .. أخواتي المكشاتيه
زوارنا الكرام
السلام عليكم ورحمة الله وبركاته
اسعد الله /صباحكم / مسائكم بكل خير وبركه
((ترددت كثير بكتابة هذه القصه ولكن ما حصل للشابين وضياعهم بصحرائنا الغاليه ،،رحم الله الميت والحمد لله على عودة الحي،، جعلني افكر بطرحها ))

الولايات المتحده الامريكيه ارض شاسعه طرق وسيعه ،،جسور فوق الانهار ،،انفاق تحت الجبال ،،وعلى خطوط السفر لابد ان تجد مجمعات،، عباره عن محطة بنزين،، وغرف فندقيه للمبيت ،،مطاعم ،،يعني خدمات عامه وراقيه..
من ضمن التطور اللذي يخدم شعب الولايات وكل مقيم ((التربتيك)) خارطة الطريق داخل وخارج المدن وحتى مخططات للغبات وخدماتها ..
بعد ان مر على إقامتنا اربعة شهور بولاية بنسلفينيا،،قررنا ان نذهب برحله سياحيه لمدينة أورلاندو بولاية فلوريدا ..
جهزنا السياره بكل ما يلزم فالرحله طويله تقريباً1600 مايل،، وتوقفنا للمبيت ليلاً وأكملنا المسير فجراً،،تمت الرحله واستمتعنا وانتهت العشرة ايام وبدئنا خط العوده..
مشينا من أورلاندو باتجاه بنسلفينيا والخطوط شيئ لا يمل ولكن مخيف حيث انه كل حين وحين تمر سياره والاغلبيه تريلات كبيره لأننا بدينا السير الساعه عشر بالليل ..
مشينا والامر عادي إلى أن خرجنا عن حدود الولايه ..
على الخط فيه مزارع للبرتقال جميله شفتها بالروحه كانت رائحة الجو جداً جميله ولا يمكن نسيانها ((وهي اللي تنتج عصائر برتقال فلوريدا وعندنا هنا منها بالسوبرماركت))..
بعد ان تعدينا المزارع بكيلو وقف زوجي على جمب الخط وقال :
أنا تعبان وما أقدر أكمل سواقه،،فانتظرنا شوي تمر سيارة مرور او عائليه مامر أحد كل اللي يمر تريلات (مامعنا جوال ولا أي وسيلة اتصال ) بدا الرجال يتعب زود وارتفعت الحراره وشوي غاب عن الوعي ،،كل شي موجود بالسياره مويه اكل شرب لكن الاتصال لأ..
بداء الخوف وانتصف الليل ومافيه حيله فقررت اني اكمل مسير لأقرب مدينه بالأستعانه بالله أولاً وأخيراً وهو خير الحافظين ثم بالتربتك اللي هي (خارطة الطريق)..
سميت بالله وناظرت الخارطه وكنت من الأصل عارفه على أي خط حنا نمشي وميزتهم خطوطهم السفريه أرقام وإذا أتبعتها لا يمكن بعد مشيئة الله ان تضيع..
مشيت وتعديت عدة محطات استراحه ما وقفت من الخوف لا يصير مكروه إلى أن تعديت كرولينا الشماليه ووصلت مدينة تشارلستون لأن الخارطه كانت توضح مقر لمستشفى قريب من الخط ولا وقفت إلا عنده وعند الاسعاف ،،
الحمد لله أعانني ربي ومرت الامور على خير وألين الحين مدري وش اللي صار لزوجي والحمد لله هو من أكمل خط العوده من بكره..
المواقف اللي خلتني احس بخوف ماعمري حسيته بحياتي :
ان السواقه مب هاك الزود وماتعدت رمالي الحبيبه وطعوسها..
كانت مشكلة تبديل نمرة القير صعبه لأني ما أعرف اسوق العادي..
التربتيك ماعرفت اقراه زين لأني مريت بمراكز كثير للشرطه ومستشفيين بس الخوف أعماني..
كل ما تذكرت أقول الحمد والشكر لك يارب
((أنا عارفه انها مب سالفه من سوالف الخيمه الشعبيه ،،لكن أحيانن القرار ماتعرف تتخذه من الخوف وماتدري وش انت مقبل عليه أو اللي سويته صح او غلط لكن الله ستر ..
تحياتي لكم جميعاً
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:من خاف سلم..قوافي	محروم.كوم	منتدى أخبار المواقع والمنتديات العربية والأجنبية	0	01-20-2013 01:40 AM
سالفة:رسب ثمن سقط..قوافي	محروم.كوم	منتدى أخبار المواقع والمنتديات العربية والأجنبية	0	07-07-2012 01:20 AM
سالفة:عرس ليمونه..قوافي	محروم.كوم	منتدى أخبار المواقع والمنتديات العربية والأجنبية	0	05-20-2012 12:10 PM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM
سالفة:دجيجات.امي...قوافي	محروم.كوم	منتدى أخبار المواقع والمنتديات العربية والأجنبية	0	09-12-2011 12:00 AM