|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا09-19-2013, 07:00 PM | رقم المشاركة : [ 31 ] |
عضو جديد | Bart 6 محمد : رشود اناا بسير المسيد اللي فالمستشفى بدال ما اتم جيه رشود : ويت بيي وياك سارو المسيد صلو ركعتين و دعو ل ماايد و بعدين سارو صوب الشباب المهم اخر شي الدكتور قالهم انه النزيف وقف و العمليه نجحت و طبعاا استتتااانسوو من الخااطر خصوصاا محمد سجد سجود شكر من فرحته و عقب اسبوع و نص طلع من المستشفى و قررو فنفس الاسبوع يسوون العزيمه صوب البنات ميروه بخبث : شو قلتو موافقين و لاا !! مريوم : بصراحه اناا اخااف ميثوه : حتى اناا ميروه : شو اللي يخوف فالسالفه كملناا شهر تقريباا و نحن مب طالعين و الكل طالع من البيت و نحن ما بنتحير كلها ساعه و بنرد مريوم : بس انتي تعرفين تسوقين !! ميروه : نسيتي انه عندي ليسن ميثه : كلناا عدنا بس ما يخلونه نطلع مريوم : و اللي يقهر فالسالفه انه عدنا سياره و وجودهها و العدم واحد ميروه : عسب جيه بنطلع اليوم مريوم بتردد : اوكيه حتى اناا ابا اطلع بس اخااف حد يشوفنه ميروه : مريوووم دخييلج لتوسوسين ميثوه : مريوم بصراحه اناا بطلع ويااج ميروه : و انتي مريوم ؟! مريوم : اوووفف ,, خلاص بيي ويااكم دقايق تلبسو و ركبو السياره [ ] مريوم : ونااااااااسه و اخيرررا طلعنه من البيت ميروه : بس عسب تعرفين افكاري الجهنميه ميثوه : طالعه على بنت عمج ميروه : ههههههههههههههه ميروه : تبون تتشرون و لا سينما و لا تبون مطعم !! مريوم : كل شي ميثوه : لا نحن اتفقناا بس نطلع ساعه و نرد ميروه : اوكيه بصراحه اناا اباا اشتري قمصان مريوم : لا ياخي احسن شي مطعم ميثوه : حتى انا اقول جيه لاني يوعانه ميروه : كم بتمون فالمطعم !! مريوم : ممم نص ساعه ,, ساعه الا ربع ,, او ساعه ميروه : لاا شو سااعه بطولون ميثوه : اوكيه شرايكم نص ساعه نتسوق و نص ساعه مطعم ميروه + مريوم : اوكييه سارو المطعم طلبو و كلو و بعدين سارو عسب يتسوقون مريوم : اقول شرايكم نسير New Look ميثوه : بسير وياج ميروه : بس اناا ابا اسير Paris Gallery مريوم : ممم اوكيه انا و ميثوه بنسير المحل و انتي سيري باريس غاليري و يوم بنخلص بني عندج ميروه : اوكيه ,, بس لتتحيرون مريم + ميثه : اوكيه ميروه سارت باريس غاليري و اشترتلها كمن عطر و اول ما طلعت شافت ولد كيوت تقريبا عمره 7 او 6 سنوات يصيح ميروه سارت صوبه : حبيبي شو فيك !! الولد كان يصيح و ما يرد [ ] ميروه و هي تمسح دموعه : ممم انته ضايع !! الولد و هو يصيح : هي ميروه يودت ايده : اوكيه حبيبي لتصيح بتلقى اهلك ان شاء الله الولد : ........ ميروه : انته شو اسمك !! الولد : حمد ميروه ببتسامه : و اناا اسمي ميره " باسته " فديييتك حمد تعال بشتريلك سياره و باخذلك من باسكن حمد و هو يحرك راسه يعني انزين ميروه يودت ايده و سارت محل العاب عسب تشتريله ميروه : تباا السياره السوده و لا الحمره !! حمد وهو يأشر: الصفره ميروه : من عيوني >> حسبت السياره بعدين سارو صوب باسكن بس الاخ ما عيبه بعدين سارو ماكدونالدز طلبت حق حمد Happy meals و بعدين عطت فونها حق حمد عسب يتصل حق اهله حمد : الوو // انا حمد // ممم اناا هني // هني هني صوب ماكدونالدز // اوكيه ميروه سارت خذت الطلبيه من ماكدونالدز و عقب اكلت حمد و صورته عن خاطرهاا رن فونهاا : هااه ! // مريوم انا االحين مشغوله // ممم ما بطول حمد قام من الطاوله و سار صوب واحد ميروه سكرت من مريوم و شلت الجيس اللي فيه السياره و سارت صوبهم ميروه : حمد ما تباا سيارتك !! حمد وهو يشوف الشخص اللي واقف عنده : عمي مايد ,, ميره اشترتلي سياره عوده وااايد حلوه (( **** )) : اسمحيلنه اختي ,, تعبنااج ميروه : لاا عادي اخوي و لا يهمك حمد وهو ميود ايد ميروه : شكرا ميروه و هي تمسح على راسه : العفو حبيبي مايد : ممكن سؤال ميره : تفضل اخوي مايد : انتي ميره ال***** ميره : و انته مايد ال****** مايد : هيه ميروه : الحمدالله عالسلامه مايد : الله يسلمج ميروه بمستحى: ممم بصراحه مايد بغيت اعتذرلك على رمستي ف سيارة محمد [ ] مايد : هههههههههههههه عادي و لا يهمج اختي و انتي اسمحيلي اذا حمد تعبج ميره : لا فديته هادي " رن فونهاا " اوكيه فداعة الله مايد : ربي يحفظج صوب البنات ركبو السياره و توجهو للبيت ميروه : اقول تتوقعون منو شفت !! مريوم : اكيد اخوج رشود و عطااج طراق جدام الناس ميروه : فال الله و لا فالج ميثوه : هههههههههههه انزين منو شفتي !! ميروه : " خبرتهم كل السالفه " مريوم : اوووونه ميثوه : هااه امسات كان فالعنايه شو اللي يابه السنتر ميروه : خلاص سووله العمليه و قام بالسلامه مريوم: بس صدقيني يا ميروه لو رشود عرف بالسالفه بتموتين على ايده ميروه : ادري فـ نهاية اليوم الساعه عشر ونص فليل ميروه + مريوم + ميثوه كانو يالسين فالصاله و ياا راشد و عبدالله ميروه : غريبه يالس فالبيت مب طالع راشد ببتسامه : هي صح ذكرتيني بتصل حق محمد عسب اعرف اليوم وين بيتيمعون " شل فونه عسب يتصل بس فونه مفضي " اقول عبدالله وين مبايلك عبدالله : فوق راشد : ميره عطيني مبايلج عيل ميروه : يود راشد شل مبايلهاا عسب يتصل بس انصدم يوم شااف رقم ميود : هاااه رقم منوووو ؟؟؟ عبدالله بستغراب : شو فيك راشد ميروه : شوو !! اي رقم ؟؟ راشد بعصبيه : لتستهبلييين رقم ميووود اننننتوو بينكم علاقه !!!!! عبدالله : راشد شهالرمسه مستحيل مايد يسوي جيه !! راشد : عيل هااه رقم منو !! عبدالله بعدم تصديق : مااايد !!! بس .. ميروه : راشد صدقني اني ... راشد وهو يضربهاا : من متتتتى ترمسسيننننه !!!!! عبدالله بعد راشد عن ميره : راشد شو فيك اتأكد اول !! مريم : راشد هد اعصابك ميثه : حرام عليك راشد كرر سؤاله و بعصبيه اكبر : منننن متتتتتى ترمسسسيننننه ؟؟؟! ميروه عدلت شيلتهاا : اناا ما ارمسه شو ما تفهم !! راشد : بسج جذب محمد وهو يدخل البيت : السلام عليكم ,, شو فيكم !! راشد ,, عبدالله شو السالفه ؟؟ راشد : بنت عمك محمد : شو فيهاا !! راشد وهو يعطيه المبايل : شووف ترمس منوو ؟! محمد بصدمه: مــــــــااااااايـــــــــــد !!!!!!!!!!!!!!! لااااا مستتتتحيييييييل راشد بستهزاء : شفت اعز ربعك شو يسوي !! عبدالله : راشد لتحكم على الريال نحن لين الحين مب متأكدين راشد : انتي من متى ترمسينه !! محمد : راشد ,, مايد مستحيل يسويهاا مايد انا اعرفه زين مستحيل يسوي جيه مسسستتحيل راشد : شوو مستحيل !! لاا حبيبي ربيعك النذل طلع يرمس بنت عمك و الله اعلم من متى و شقايل ؟؟ ميره وهي تصيح: و اللله اني ما ارمسه ,, محمد لتصدقه راشد بعصبيه : انتي جاااااب لو واحد غيري جان رباج من اول ويديد بس اناا اعرف شو اسوي فهالحقير " شل سويجه عسب يطلع " محمد بعصبيه : رااااشد ,, رااااااااااااااااااااشد شووو ناااوي تسسوي ,, شو انته تخبلللللت !!! راشد : انته تسكت ما اباا اسمع صوتك مب كفايه حركات ربيعك الوصخه محمد وهو يصفعه: احترم نفسك مايد اشرف منك راشد وهو يتحسس مكان الصفعه : انته قد الحركه !! عبدالله وقف من بينهم عسب ما يضاربون : راشد انته ما عندك دليل عسب تتهم مايد انه يرمس ميره راشد : و الرقم !!!! عبدالله + محمد : ........ >> ما عندهم رد راشد : طبعاا ما بتردون لو ميره كانت اختكم بتسوون اكثر عن جيه محمد : شرات ما ميره اختك تراهاا بنت عمناا ميره : و اللله و فذمتي اني ما رمسته راشد : انتي جااااب عبدالله : ليش تسكتها خلهاا ادافع عن نفسهاا محمد : راشد ابصملك بالعشرة انه مايد و ميره ما بينهم علاقه لان اول شي انا واثق من ميره و مايد ,, و ثاني شي كلـ(ن) يرى الناس بعين طبعه راشد : شو تقصد محمد : فسر رمستي بكيفك راشد وهو يصفعه " يردله الكف " : ثمن رمستك محمد وهو يشده من قميصه : انته كفو تمد ايدك علي و جان يضاربون و عبدالله حايز من بينهم اما البنات سارو فوق و بالتحيد غرفة ميره ميروه وهي تصيح بحضن مريوم : انا شو سويت ,, كل هااه لاني ساعدت حمد اللي كان ضايع !! و انا شعرفني انه مايد يقربله ؟؟ وحتى يوم شفت مايد رمسته بـ كل احترام مريوم وهي تحاول تهديها : ميره صدقيني انه راشد بيعتذرلج و عبدالله ومحمد مب مصدقين انه من بينكم علاقه ميثه : اخر شي راشد بيندم على اللي سواه ميروه : بس عبدالله و راشد و محمد اضاربو بسبتي مريوم : شرات ما اضاربو بيتراضون بس انتي لتشلين هم ,,, تحت فالصاله عبدالله : اضاربتو ,, ارتحتو !! الحين شو استفدتو ,, قسم بالله حركات يهال محمد : فهم ولد عمك انه ما يرمسني جيه و ما اييب طاري مايد راشد : ارمس بالطريقه اللي ابااهاا انته ما يخصك عبدالله وهو يقاطع راشد : انزين خلاص اسكتو المهم شو ناوين تسوون عسب تتأكدون محمد : انا برمس ميره بهدوء عسب اعرف شو السالفه مب شرات بعض الناس على كل كلمه و الثانيه جب و جب راشد : انا اصلا متأكد انه بينهم علاقه ف ماله داعي ادورلهم اعذار يعني ب اختصار ميود و اشكاله يسوون جيه و اكثر .. محمد بتهديد : لتيب طاري مايد على لسانك قبل لا اقطعه لك راشد وهو يوقف : اقولك شي مايد حاله و حال الزباله واحد و بييب طاريه انته شو بتسوي !! محمد :عيل جيه السالفه !! تبا طراق ثااني ؟؟ عبدالله وهو يوقف فالنص : يااخي خلاص ,, ييلسو مكانكم فكوناا و الله انه اللي اصغر منكم ما يسوون هالحركات راشد شل سويجه : انا ما اتنزل ايلس ويا هالاشكال مع السلامه عبدالله محمد : و الله ياا راشد لو سويت شي ف مايد ما تلوم الا نفسك راشد بتستفزاز : بتسمع اللي يسرك ان شاء الله
__DEFINE_LIKE_SHARE__
|
| |
09-19-2013, 07:32 PM | رقم المشاركة : [ 32 ] |
عضو جديد | الباااارت رووووعه بس متحمسه ابا اعرف شو بيسوي راشد
وبلليز نبا باااارت طويل __DEFINE_LIKE_SHARE__ |
| |
09-20-2013, 08:10 AM | رقم المشاركة : [ 33 ] |
عضو جديد | السلام عليكم . البااارت واااايد حلو وتسلم ايدج الغاليه ., رااشد : قهرني وااايد انزين اسمعها عل الأقل , بس الله يهدي ., ميره : احس بيظلمونها وااايد ومحمد بيوقف وياها ., عبدالله .: حلو شخصيته و يبا يحل ما بينهم بس رااشد ينرفز ., مريوم وميثا : لازم يفهون حد من الشباب عن السالفه ., أبا اعرررف شو بيسوي رااشد في ماايد , وبس بانتظار الباارت ع احر عن الجمرا ♥♥ __DEFINE_LIKE_SHARE__ |
| |
09-21-2013, 04:43 PM | رقم المشاركة : [ 34 ] |
عضو جديد | ان شاء الله انا بنزل البارت فالويك اند ,, (= __DEFINE_LIKE_SHARE__ |
| |
09-21-2013, 04:50 PM | رقم المشاركة : [ 35 ] |
عضو جديد | مشكووره فدييتج عالباارت ولا ارووع . ولا تبطين علينا
__DEFINE_LIKE_SHARE__
|
| |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قلبـ[ن] سكنته كيف يقدر يخليك و روحـ[ن] تحبك كيف تحياا بدونك | maharu uaq | قصص و روايات | 4 | 12-27-2013 02:11 PM |
ارض سكنبه في القصيص | محروم.كوم | منتدى أخبار المواقع والمنتديات العربية والأجنبية | 0 | 08-12-2013 10:10 AM |
أبـــــــي شخصـ(ن).....قلبـ(ن)......روحـ(ن).... | ضحية زمانـــــي | شعر و خواطر | 6 | 03-19-2012 03:43 PM |
بحبك انا بحبك ... نغمة البوم باسكال مشعلاني الجديد 2009 | محروم.كوم | منتدى أخبار المواقع والمنتديات العربية والأجنبية | 0 | 07-08-2009 10:50 AM |