|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
حياكم الله مشرفينا اخواني اخواتي ثياب او فستان العيد له معزه خاصه ومنفرده عن باقي ايام السنه ،والغريب كأننا بعمرنا ما شرينا إلا ذالثوب،، انا أذكر اني كنت اشم ريحته واحس انها غير كنه مسك موب قماش.. تعرفون الاعدادات بليلة العيد يقلب البيت من فوق لتحت عقب الحوسه، وخذ ياتمسيح وكنس وتلميع لين تنمسح معالم الاصابع ،تدرون أحيان(ن)استنكر بيتنا الصبح وشلون صار وكالعاده من التعب ودي يقولون ترى العيد عقب بكره عشان انام واشخص للعيد بكامل قواي العيديه.. جا أخوي الصغير (دلة الملوحي) والوناسه تشع من عيونه ،،قوافي : الله يخليتس اكوي لي ثوبي ابي البسه بكره كان بعمر 6سنين ،،حاولت اقنعه اني تعبانه لكن اصر انه يبيه بالذات للعيد يوم شفته ملزم رحمته وقلت خلاص بكويه واعلقه لك على الشماعه .. قضيت شغلي وكلش طافي العيون والشعور ولا عاد ابي اعيد ولا شي ابي انام ،،واتذكر الطلب المستعجل ،،تمنيت اني مغسله ذيك الساعه بطلب 100ريـال للمستعجل.. واجيب الثوب وشكلي أخذة غطه أو غطيطات ويوم تنبهت إلا الثوب موسم ولزق بالكوايه وبمعنى اصح ماع القماش من الحراره ،،كملته وعلقته ويادار ما دخلك شر وكن ما صار شي.. جا صبح العيد واخوي (دلة الملوحي) ما يشوف من الوناسه يوم لبس الثوب وتطلع اذانه وباقي الكشه من الحرق بدل الرقبه ،،وشغل الونان ،،واقنعته يابن الحلال موب مشيوف الحرق حدر الشماغ (مسئله مميته لأقناعه ولا الثوب محروق من الرقبه لين نص الظهر ).. بعد جهد اقتنع ان الشماغ يغطيه وحلفت اني لأشري له ثوب لين فتحت المحلات عقب العيد وأهم شي لا يعلم أحد ولا ما أشري،،مشى الحال ورحنا لصلاة العيد .. سمعنا خطبة العيد وصلينا وعايدنا المصليات معنا من حريم الجيران اللي نعرف واللي مانعرف ،،يطلع الطيب ذيك الحزه والوعد باتسر(قضى رمضان ).. المهم ضاع (دلة الملوحي) وينه ومن شافه ولد صغير ويلبس كذا وشعره كذا وتكرمون نعاله كذا ما حد شافه كلن يقول لأ،،يالله الخيره وين راح وابطينا ندور،،يوم مليت قلت تراه لابس ثوب محروق ظهره من الرقبه لنص الظهر ،،ويرد ولد بعمر 10 سنين قال اييييييييييه هذا ولد كم ،،راح يشري طرطعان من ولد الفلان يبيع ،،ابرده الله بالعافيه والوسام جابفايده ،، ترى مافيه احد قال : حسبي الله عليتس ياقوافي وش انتي مزينه بمقطع الولد .. تحياتي وتقديري لكم جميعاً ..قوافي.. |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة:من خاف سلم..قوافي | محروم.كوم | منتدى أخبار المواقع والمنتديات العربية والأجنبية | 0 | 01-20-2013 01:40 AM |
سالفة:الــــشــــاهــــد..قوافي | محروم.كوم | منتدى أخبار المواقع والمنتديات العربية والأجنبية | 0 | 09-13-2012 02:50 AM |
سالفة:رسب ثمن سقط..قوافي | محروم.كوم | منتدى أخبار المواقع والمنتديات العربية والأجنبية | 0 | 07-07-2012 01:20 AM |
سالفة:خرفان العيد..قوافي | محروم.كوم | منتدى أخبار المواقع والمنتديات العربية والأجنبية | 0 | 04-16-2012 09:40 PM |
سالفة:طين جدي.قوافي | محروم.كوم | منتدى أخبار المواقع والمنتديات العربية والأجنبية | 0 | 10-11-2011 08:30 PM |