| ||||||
 |
| | LinkBack | أدوات الموضوع | انواع عرض الموضوع |
08-25-2013, 08:02 AM
| رقم المشاركة : [ 96 ] | |||||||||||||||||||||
| عضو جديد  | 
. و عليج السلام و الرحمةة ... يعطيج العافيةة على هالرد الجميل فديتج .. ما بطول عليكم *--*.. __DEFINE_LIKE_SHARE__ | |||||||||||||||||||||
|
| ||||||||||||||||||||||
 | ||||||||||||||||||||||
|
08-25-2013, 08:03 AM
| رقم المشاركة : [ 97 ] |
| عضو جديد | البارت ال22 ...
. . . . الشوق زايد والوله فيني بحور والله يعلم ياغلا كيف نهواك ياللي خفوقي لك مرابيع وقصور كلمه وخذها عنود تفداك.. . . . . . . مريوم سارت بيت عمي سعيد الله يرحمه ... دخلت و تمت يالسه ف الصاله تدور حمدان .. حمدان توه كان راد من الصلاه و اول ما دخل البيت شافها ف ويهه فز .. حمدان : بسم اللہ الرحمن الرحيم .. مريوم : ليش شو شايف يني! حمدان : لا حبيبتي موريم .. مريوم شهقت : شو هاي موريم بعد؟ حمدان : حلو الاسم صح ؟ خلاص بزقرج جيه كل يوم .. مريوم : والله حمدان بخبر عليك حمد بقوله يعيب ع اسميه .. حمدان : لا تصيحين أنزين .. مريوم تفكر : امممم خلاص ازقرني موريم و بزقرك حمدون .. "ابتسمت" حمدان : وووووع .... شو حمدون ؟ مريوم : انت اللي جنيت على عمرك .. تحمل عاده .. حمدان يسوي بـ ايده مالت : مالت عليج موريم وحده .. مريوم : ع ويهك الودر ... خلصني قول شو كنت تبا ؟ حمدان همس : بقولج سر .. مريوم : سر شو ؟ حمدان : شرايج نسوي بيق بارتي حق روضه بنت عنود .. مريوم : هيه والله حلوه الفكره .. حمدان : بس مب تسيرين تنشرين الخبر ؟ ولا اقول سيري خبري بس عنود لا تخبرينها ... مريوم : خلاص تم .. بس متى الحفله ؟ حمدان : على حسب ... بس يعني هالاسبوع ... مريوم : انزين .."وقفت" حمدان : وين ؟؟ وين ؟؟ تعالي ... مريوم يلست : شوو ؟ حمدان : شاورما ... مريوم : اففف ... حمدان : انزين سمعي والله ان دريت انج خبرتيها ب دوسج ب الكروزر .. مريوم : ايييه تعقب والله بخبر عليك حمد .. حمدان يقلدها : بخبر عليك حمد ... خبري شو بيسوي فيني يعني ؟ مريوم وقفت : اكرهك .. حمدان : اموووووووت في هواهم آنا .. مريوم فرت عليه قوطي الكلينكس : جب انزين .. حمدان عصب : اييييه انتي .. مريوم : خلاص ريلاكس ما بخبر حد اوكيه ؟ جي اتفقنا ؟ حمدان : لا ي غبيه خبري .. بس خليهم يدسون السالفه عنها ... مريوم : انزين أنزين "وقفت" شي أوامر ثانيه ؟ حمدان ابتسم : 2 جاهي كرك بليز ... مريوم شلت جهاز التلفزيون و فرته عليه بس ما صوبته عدل .. حمدان ضحك : ههههه فاشله .. مريوم : اكرررههك ... "سارت" . . . . . . . . سعيد مسك ايدها ...... ميره ابتسمت .... تحس ان سعيد مب هو الاولاني... تغير للأفضل .... استوى يحبها و يخاف عليها بعد ... سعيد : ها بتردين البيت ؟ ميره : لا .. خل نتمشى ع البحر شويه ... سعيد : اوكيه ... مشوا ع البحر و ميره مستانسه وااايد ... ميره : سعيد ... سعيد طالعها : آمري ؟ ميره : اذا البيبي اللي ف بطني بنت .... شو بتسميها ؟ سعيد : بسميها عليا ... ميره ابتسمت : وإذا ولد ؟ سعيد : انتي اختاري.. ميره : ابا اسميه سعيد على اسم ابويه بس اسمك انت بعد سعيد ... سعيد : امممم .... سميه راشد .. ميره : خلاص تم ... سعيد ابتسم و قرص خذها ... ميره : يوعانه ... سعيد : وين تبين تسيرين ؟ ميره : اي مكان وياك بسيره.. سعيد ابتسم .. . . . . . . . اميه تطالع روضه : فديتها انا القمر ... انا ابتسمت لها : فداج امايه ... اميه : تعالي بقولج ..... انا سرت صوبها : أمري امايه .. اميه : بعد شوي بييون حريم عسب يسلمون عليج و اباج تقرين على عمرج و على بنتج .. عاد تدرين انتي العين تكسر الحصى .. أنا بلعت ريجي : حاضر امايه .. اميه وقفت : خلاص سيري حجرتج لأني بسوي دخون و الدخون هب زين ل بنتج .. انا : ان شاء اللہ.. سرت حجرتي و سبحت رواضي و كشختها .... و عقب خليتها تلعب و سرت أتكشخ … لبست لي مخوره بيضا فيها ورود … حطيت ل رواضي دهن عود و تعطرت ب عطر Versace ..... رسمت عيني و جحلت رواضي ...... حطيت لي قلوس وردي و لبست شيلتي رضعت روااااضي و شليتها و نزلت ….. مريوم ابتسمت : الله الله وين حمدان عنج ؟ انا : منو حمدان ؟ مريوم ضربت راسها : شت .. زلة لسان والله ... يالله نعيد "ابتسمت" الله اللہ وين علي عنج ؟ انا ابتسمت و عطيتها رواضي : مشغول .... شوي و يــــوو الحريم بيتنا و اميه تمت ترتب الفواله و تبخر البيت ...... شلوو رويض عني و تموا يقرون عليها و يسمون .... غبيشه : ماشاءالله عليها ماخذه شبه من امها .. اميه : اللہ يحفظها .. ساره : بذبحها بنتكم مب حلوه ... انا احلى .. انا ابتسمت : بذبحج انا .. ساره : مب حلوه بعقها ف البالوعة .. مريوم : بفرج ف الزبالة انا … ساره : لالا خلاص ..... الحرمه ال1 : ماشاء الله ماشاء الله عليها .. الحرمه ال2 : بنت علي ههاي ؟ اميه : هيه بنت علي سالم .. الحرمه ال2 : ماشاء الله .. كثروا من الجحال عسب تروم تفج عينها ... انا : ان شاء الله خالوه .... الحرمه ال1 : مب زين مقمطينها جذه جيه بتختنق... روضه صاحت .... اميه : الله يهديج ما عيبتها رمستج .. انا : بسم اللہ هاتوها .... يزوي شلتها و عطتني إياها .... و روضه بعدها تصيح ..... انا شليتها وياي فوق ف غرفتي ... قريت عليها و رضعتها بس بعدها تصيح ..... حسبي اللہ عليها من حرمه جانها جيه سوت فـ بنتيه ... يزوي : هههههه بنتج حلوه يوم تصيح .. انا عصبت لان روضه مب طايعه تسكت ... مريوم : هههههه واافديتهم اللي معصبين .. آنا زاعجت : ظهرووووووااا بررررراااااااااا .. يزوي زاغت : بنظهر ان شاء اللہ .... "طالعت مريوم" قومي ... مريوم بعدها يالسه و تطالعني .. انا : ظهههروووواااا بررراااااااااا مااااا تفهموووووون !!!!! يزوي ظهرت بس مريوم تمت ف الحجرة تطالعني شو اسوي ....... قريت عليها و تميت اهزها لين ما سكتت ..... رضعتها و رقدت ..... تنهدت ب راحه ….. و غمضت عيني .. مريم : فديتها انا .. يزوي دخلت ب هدوء و تمت تطالعني .. انا طالعتها : سوري لأني صارخت عليكم بس أذتني وهي تصيح ... و فجيت حرتي فيكم .. يزوي مسكت ايدي : عادي فديتج انتي ام الحين ولازم تستوين جيه .... مريوم لوت عليهّ : كبرتي ف عيني والله ... انا ابتسمت لها : حبيبتي ... مريوم : والله وايد كبرتي ف عيني .. قبل العرس كنت اشوف عنود الدلوعه الحساسة .... اللي تهتم فـ لبسها و كشختها و الحين عنود الأم الطيبه القويه اللي بتسوي كل شي و بتضحي عشان بنتها .. انا اثر كلامها فيني واايد و عيني امتلت دموع ... مريوم ابتسمت : تونا تقول الام الطيبه القويه .. شحقه تصيحين ؟ انا : خلاص جب .. مريم : فديتج ... اتصل لي علي و سرت بعيد شوي عنهم .. علي : الو .. انا : هلا حبيبي .. علي : ها جاهزه ؟ انا تحت .. انا : لا بعدني ... علي : شو تسوين طول هالوقت حبيبي ؟ انا : كنت ارقد رويض .. علي : خلاص عيل خليها هنيه عند يزوي و مريوم .. انا : انزين ... علي : يالله بيي فوق عندج .. انا : لالا .. اختيه و يزوي هنيه .. علي : خليهم يظهرون بيلس وياج .. انا : انا خلهم برأيهم هنيه .. عسب يشوفون روضه .. علي يركب الدري : اوكيه .... خلج ع الخط لين ما أوصل .. انا سمعت صوت ريوله : آنزين .. "سرت عند مريم و يزوي و قلتلهم ان علي بيدخل" علي دق الباب و دخل : السموحه عاد.. يزوي : مسموح ولد عمي ... انا سرت صوب غرفه تبدل الثياب و طلعت لي ثياب … اتسبحت ع السريع مال 5 ، 10 دقايق و ظهرت ب الروب ..... سرت غرفه النوم و تفآجأت يوم ما حصلت حد غير علي ... انا ب استغراب : وين ساروا ؟ علي ابتسم : رغتهم .. انا : فذمتك ؟ علي : هيه ... انا : وين رويض ؟ علي : شلتها مريوم ... أنا : زين والله .. علي ابتسم اكثر : أبا ايلس وياج .. انا : تراك كنت يالس وياي .. "ابتسمت" مكاااار .. "سرت صوب الكبت و ظهرت لي ثياب … طلعت ملابس داخليه لول و فستان عنابي مخصر قصير ... يوصل لين الركب … علي لوى عليه من ورا و ضحك .. انا : شوفيك ؟ علي مسك خصري : ماشي ... "حب خدي" حرام احب حرمتيه ؟ انا : لا فديتك حلالك .. علي ب خبث : شو لابسه تحت ؟ انا صديت صوبه : تستهبل صح ؟ لا صدق تستهبل ؟ علي ابتسم ب خبث : ههههه والله ما استهبل .. انا شليت ثيابي بس الملابس الداخليه طاحن ع الارض ..... تفشششششششلت من الخاااطر …. علي نزل اييبهم لي و حط ايده صوب وين يفجون الروب وابتسم لي ... . . . . . Cut . . . . . انا رديت ع ورا : بس حبيبي ... علي : خلاص انزين يالله تجهزي .. انا : ان شاءالله … سرت صوب التسريحه و لفيت شعري رفعته ع فوق ..... حطيت شويه كريم اساس يناسب بشرتيه ........ وحطيت لي شدو ذهبي و رسمت عيني .....كثرت من الروج العنابي . . . لبست ساعتي و كنت بلبس طقم بس علي رمسني ... علي تقرب صوبي : واو .. فديتج والله فديتج ..... ياحظي فيج ... انا ابتسمت .... علي طالعني من فوق لين تحت : كل يوم كشخي لي ب فستان وانا بيلس اجابلج .. انا : هههه ... علي ظهر طقم الماس من محل المجوهرات اللي عنده ... انا طالعت عيونه : حلووو .. علي ابتسم لي : عيبج ؟ انا : وااااايد . . . دش خاطري قسم بالله .. علي شل الطقم و لبسني .... عطيته ظهري و هو سكر لي اياه … حب رقبتي وانا من المستحى مارمت انطق ... غمض عيني و سكت .... لبسني الشغاب و حب خدي ... علي ابتسم لي : جاهزه ؟ انا : هيه ... بس صبر بلبس عباتي و شيلتي .... "لبست عباه مفتوحه ويا شيلتها و تعطططرت وااايد" لبست كعب اسوود و عدلت شيلتي ... علي ياب غتره من الغتر اللي عنده .. انا فجيت عيني : حق شو ؟ علي : بلفها على عينج .. انا : بيخترب الايلاينر و الشدو ... علي : ماعليه حبيبي ... عدليه عقب .. انا غمضت ..... و علي لف الغتره على عيني ... انا : زخني عدل بطيح .. علي : لا تحاتين حبيبي ... انا مسكت جتفه ... علي ابتسم و مسك خصري ... نزلني شوي شوي ... انا : علي ماروم ... احسني بتعثر ب شي و بطيييح ... علي شلني ... انا استحيت بس زين انه ما يشوف عيني ولا جان رحت فيها .. ابويه ابتسم : اللہ اللہ ع الأجواء الرومنسيه .. محمد : ترانا ف دبي مش ف باريس .. انا : اييه لا تطنزون ... حامد : خلاص ريلاكس بو الشباب ... علي حب يبهتي و نزلني ... مريم صفرت : ياااااي .. زوجووني ولا بنحرف .... محمد : تراني أسجل عسب اطلع فضايحج عند حمد ... حامد : اوب اوب كااااششخه .... لمنو انزين ؟ علي ب خقه : عن العبط النسيب ... تراها كاشخه لي ....... مريم : انزين ممكن سؤال ؟ ليش مغطي عيونها ؟؟ حامد : ياخي الريال و حرمته متفاهمين .. انا : روضووه وين ؟ محمد : ويا يزوي فوق .. انا سويت بوسه ف الهوا : وصلها ل رواضي و ديروا بالكم عليها .... مريوم : لا تحاتييين .... انا : وين ابويه .. ابويه ابتسم و مسك جتفي : انا اهنه .. انا لويت عليه ... ابويه حب خدي : استانسي ماا اوصيج .. انا ابتسمت : لا توصي .. مريوم شافت الدريس : يخخرب بيتج شو لاابسه ؟؟ انا غطيت عمري ب العباه : مب لابسه شي .... محمد : علني فدا اختيه انااااااا ... لاخلى ولا عدم ........ مريوم : انزين شلوووني وياكم .. علي : ما نشل يهاااال ..... مريوم : خلاص بخلي حمد يشلني .. حامد : هاي بدت ترمس خلاص مالك فرصه عسب تشرد ... اللہ يعينك بس .. علي : يالله مع السلامه .. انا مسكت ايده .. و ركبني السياره ... انا : حبيبي وين سايرين ؟ علي : سبرااااااايز ..... انا ابتسمت .... الساعه 7 ب الضبط وصلنا ... انا : خلاص عاد فج ها اللي ف عيني .. علي : بس اوعديني انج ما تفجين عينج .. انا : وعد .. علي فج الغتره و فرها ف السيت اللي ورا ..... مسك ايدي و نزلنا .... مادري وين نحن بس وايد مشينا ...... ركبنا مصعد و علي مسكني من خصري ..... حسيت انه دخلنا غرفه و علي قفل الباب .. انا : افج الحين ؟ علي : هيه ..... مجابلني وين واااقفه انا شي عششى على طاوله في بلكونه فندق من فناادق برج خليفه . . . . و شي طاوله طويله فيها كل أنواع الاكل مزينينه ب شموع و ورد احمر متناثر … و السرير عووود وفيه باقه ورد ........ و شموع على الارض حذال السرير على شكل جمله A +A = ♥ ابتسم لي علي و قال : احبج ... انا ابتسمت ب حيا : انا بعد … فصخت عباتي و شيلتي و بطلت شعري .. علي غمض عينه : والله اني ماروم جيه .... انا ابتسمت اكثر .. علي مسك ايدي : تعالي بنتعشى .... تعشينا ف البلكونه و يوم شبعت قلت : الحمدلله ..... علي : شبعتي حبيبي ؟ انا : هيه ... علي وقفني و مشى وياي لين طرف البلكونه ..... انا رفعت عيني مابا اطالع تحت ... لاني اخاف من المرتفعات ... علي : شو فيج حبيبي ؟؟ انا : ماشي .. علي همس لي : احبج .... انا مشيت داخل : و بعد ... علي مشى وراي : و اعششقققج .... انا جابلته : وبعد ؟ علي : و اموووت فيج ... انا : وبعد ... علي ابتسم لي : و الله ما انخلق اللي يحبج كثري ...... انا ابتسمت ب حيا ..... علي مسك خصري : تدرين شو ودي اسوي فيج الحين ؟ انا : شو ؟ علي مشى وياي و شلني مره ثانيه .... يلسني ع الشبريه و لوى عليه .. . . . . . . . . مريوم تزاعج : حمممممد ... حمد : و عثثثثثره .. صمختي أذنيه .. مريوم : اسسسفه بس من الحماس .. حمد : و ليش متحمسه ؟ مريوم : اباااا ااععرررس ... حمد : ترا ما بجى شي غير الشهر هاذا وكم أسبوع .. مريوم : وااايد .... حمد ابتسم : مستعيله عليه ؟ مريوم : لا ... حمد : عيل ؟ مريوم : والله اليوم اشوف اختيه عنود هي و ريلها مستاانسين .... متى بتسانس وياك ؟ والله لو تشوف علي كيف يدلعها و يحبها جدامنا ..... اففففف .. حمد : يعني تبينا باجر نعرس ؟ مريوم غمضت عينها : ياليت .. حمد : اوعدج اني ادلعج و اسويلج اللي يسويه علي بس خل نعرس اول ... مريوم : وعد ؟ حمد : هيه والله اوعدج .. مريوم غمضت عينها و تحس ان قلبها بيظهر من مكانه ...... هذا حمد اللي سحرها بـ أسلوبه و طيبته : احبببببك... حمد ابتسم : وانا بعد .... والله الشاهد عليه اني احببببج ..... مريوم : يالله باي ... حمد : ديري بالج على نفسج ... مريوم : ان شاء اللہ .. حمد : مع السلامه .. مريوم : ف حفظ الرحمن ..."سكرت" حامد يقلدها : احببببك.... مريوم ب خوف : شو سمعت ؟ حامد : كل شي ... مريوم : كريييههه .... حامد : محد الكريهه غيرج ..... انا مستغرب من حمد شقى يحب وحده شيفه .... كريههه .. مريوم : مشكور اخوياا .. حامد ابتسم : افا عليج .. . . . . . . . منى : سكيوزمي .... الريال : يس مدام ؟ منى : وير إز روم 184 ؟ الريال : فوولو مي بلييز .. منى مشت ورآه لين ما وصلت ... الريال : ذس إز روم 184 .. منى : ثانكس ... "طلعت بيزات من شنطتها و عطته" . . . . . . . زايد : عمي انا ياي هنيه عسب أخطب بنتك ... بو حمد : بانه ؟ زايد : هيه عمي ... بس لايكون محيره ل حد .. بو حمد : لالا ... بالعكس نحن نتشرف فيكم .. زايد ابتسم ... حمد : عاد بانه حطها ف عيونك ... زايد : ان شاء اللہ ... بو حمد : الا ابوك وينه ؟ زايد ابتسم بحزن و نزل راسه .. حمد همس ل ابوه : ابويه ابووه متوفي .. بو حمد : زايد .. زايد : هلا عمي ؟ آمر ؟ بو حمد : ما يآمر عليك عدووو .... خلاص انا موافق .. زايد : صدق والله ؟ حمد : البنت موااافقه ... زايد : وانته شدراك ؟ حمد غمز له : تخبرني كل شي .. زايد وقف و حب راس بو حمد : مشكورريين .. بو حمد : يالله عاد لا تقطعنا .. زايد : ان شاء اللہ ... يالله فمان اللہ .. حمد : شوي شوي ف الدرب .. . . . . . . . دقت الباب بخفيف .. انا خزت عنه : منو ها ؟ علي مسك ويههي : برايهم خل يولون .. أنا : شوف منو ... علي باسني بسرعه : دقايق .... سار صوب الباب . . . وانا قلبي مؤول مب مطمن . . . . : حبيييبي علاوووي وينك ؟؟؟ علي استغرب وفج الباب .... . . . . . . . __DEFINE_LIKE_SHARE__ |
|
| |
| |
|
08-25-2013, 12:59 PM
| رقم المشاركة : [ 98 ] |
| عضو جديد | الباارت واايد حلو . . منى : اووف تقهر نعم يعني الريال متزوج شو تبين فيه . ، زايد& بانه : الله يخليهم لبعض . ، وبانتظار البارت __DEFINE_LIKE_SHARE__ |
|
| |
| |
|
08-25-2013, 03:37 PM
| رقم المشاركة : [ 99 ] | |
| عضو فعال  | شوكرن على هـالباارت♥ لا لا لا ليش وقفتي هنيي؟؟؟  و هااي منى تقههر سخيفه رزه دبه ليش تلحقه يعني الرياال ما يحبج و متزوج و عنده بنت و يحب بنته و حرمته اففففففف بانه و زايد الله يهنييهم مريوووم خبلهه هههههههه و فانتظاارج ؛) __DEFINE_LIKE_SHARE__ | |
| ||
| |
|
08-25-2013, 05:00 PM
| رقم المشاركة : [ 100 ] |
| عضو جديد  | لالالالا ما صدقنا انهم اتراضو .. حسبي الله على بليسها هـالمنى =( نتريـــا البـــارت اليـــــاي __DEFINE_LIKE_SHARE__ |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عٰعِرُوٰضْنٌاٰتٌبـِدّابعّدِ ثًلٰاّثّةٍ اِسٌاٍبٍٍٰبٍيُعّْ آًنًتٌظٍرُطٌلِبٍـَتٍكُمٍ | محروم.كوم | منتدى أخبار المواقع والمنتديات العربية والأجنبية | 0 | 05-19-2012 01:20 PM |
| ❤ شِٰفْتْ آڷسِٰعآدهْ « يۋمٰ عينـِي |[ شِٰآفْتڪ ]| | ششوآققه غغير ! | الأناقة والجمال والموضه والطفل | 13 | 04-28-2012 10:38 PM |
| مُّطٰـلوُبَ فٰرْخ حَّـرٰ اشَّٰـقْـر صٰـافِي الرٰاسّٰ بٰسّٰعَـر مٰعْقُـوُل | محروم.كوم | منتدى أخبار المواقع والمنتديات العربية والأجنبية | 0 | 03-27-2012 01:20 PM |
| قولوا مبروٰوٰوٰوٰوٰوٰگ ~ | غرور الحميري | الإستراحه العامة | 6 | 12-12-2011 01:22 AM |
| يا موتري ريحتك القيض كله ٰٰٰ ٰٰٰ [عدستي] | محروم.كوم | منتدى أخبار المواقع والمنتديات العربية والأجنبية | 0 | 10-15-2011 05:10 PM |
الساعة الآن 01:27 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227