سالفة:اصدقاي وعيالي البعارص..قوافي

محروم.كوم · #1 07-28-2013, 08:00 AM

بسم الله الرحمن الرحيم
أفاضِلُنا ،،أخواني ،،أخواتي ،،زوارنا
السلام عليكم ورحمة الله وبركاته
اسعد الله صباحكم ومسائكم بكل خير
أحيانً تجلس تفكر تستغرب هواياتك وانت صغير ،،أهمها لين صارت مقرفه(تقرف)..
كان عندنا مجلسين واحد دايم فيه ضيوف وواحد نادر لين قلط به احد لا تسئلون ليه لأني مدري..
المجلس فيه زوليه صوف إيراني ومع الحر عششت به الارضه(عثه) وصارت ساكن مستديم ،،والمساند ذيك القديمات أم عصفور الحمراء..
مع هجرنا للمجلس صار ملجأ للحشرات والعناكب شوي ويصير عشهن من كبره زوليه ثانيه بس على الجدار مب الارض،،وغيره وغيره من الفئات الزاحفه واهمهن البعرصي او الوزغ..
مع الوقت صارن البعارص يبيضن ورى المساند وتكونت حمايل وصار عندهم عروس واستراحات يتجمعون به والزوايا صارت دور حضانه (للصغار بعد التفقيس)..
صار بيني وبينهم صداقه ،،كل ما دخلت المجلس طيحت المساند اتفرج على البيض اللي لازق واشوف اللي انكسرت يعني فقشت،، واقعد ادور وين البسباس الجديد،، وش شكله ومن يشبه..
و اتفرج عليهن واتفقنا نصير اصدقاء ،،مدري وشلون يفهمون ،،غريبه،، وتعودو علي صرت من الربع ما عاد ينحاشون وبصراحه الكبار منهم صارو بمعزة بنات الجيران والصغار عيالي..
وقعدت اسولف عن اصدقاي بكل مكان نروح واللي حولي مابين مصدق ومكذب..
مدري وشلون وصل الخبر لهلي..
جيت من المدرسه وكنت بصف اول ابتدائي ولا بيت عيالي مهدوم وبرا بالحوش كل القش (المساند والزوليه ) واصدقاي فيه اثنين لازقتهم نعله بالارض( الله يكرم اللي يقراء) وعيالي تشتتو وضاعو ما اشوف احد بالمجلس ..

زعلت وقعدت اصيح واخذة المتوفين ودفنتهم حدر شجره بالحوش وياويل اللي يصب ماء يغرقن وهن ميتات،،
المشكله مب هذي
المشكله عجزت انسى لأن مافيه أحد إلا ودرا عن الحادث اللي صار وصارت تشبك الامور !! اقولكم وشلون؟؟
كل مانشد احد وشلون عيالتس ياقوافي (يقصدون عيالي ،الأوادم) تنقز بعارصي قدامي واقول بقلبي:
عسى مب يذكرونه لين الحين همن ياصل الخبر لعيالي وش يفكن وانا مسويه وزير الصحه عليهم،، (صعبه شوي )..
تحياتي وتقديري واحترامي للجميع
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة :السماوه..قوافي	محروم.كوم	منتدى أخبار المواقع والمنتديات العربية والأجنبية	0	02-01-2013 06:10 AM
سالفة:من خاف سلم..قوافي	محروم.كوم	منتدى أخبار المواقع والمنتديات العربية والأجنبية	0	01-20-2013 01:40 AM
سالفة:رسب ثمن سقط..قوافي	محروم.كوم	منتدى أخبار المواقع والمنتديات العربية والأجنبية	0	07-07-2012 01:20 AM
سالفة:سوق حلة القصمان.قوافي	محروم.كوم	منتدى أخبار المواقع والمنتديات العربية والأجنبية	0	10-20-2011 01:00 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM