سالفة :السماوه..قوافي

محروم.كوم · #1 02-01-2013, 06:10 AM

مشرفينا الاعزاء
أخواني واخواتي الافاضل
زوار مكشاتي الغالي وخيمتي الحبيبه
اسعد الله صباحكم ومسائكم بكل خير وبركه
اجواء جميله هذااليوم الخميس19/3/1434 ه ،،نعيشها مع رشات المطر وجو يعشقه الكثيرين وانا اولهم جعله الله مطرأً متبوع وغير مقطوع وجعل فيه فرجاً لكل مسلم ومسلمه..
من العادات القديمه ومازال القليل منها موجود لكنه على وشك الاحتظار،، السماوه ..
على وشك الاحتضار موب على شان قطعت لأ،هي موجوده لكن ما قارب على الاحتضار هو الاطعام منها بمعنى ارسال للجيران من ذبيحة السماوه قطعه من اللحم المذبوح للطفل المولود عند تمامه 7 أيام ،،ومع غلاء الاسعار صارت السماوه توضع بالثلاجه واحيانن يقام عليها مناسبه كاجتماع العائله واللذي اعرفه ان للولد ذبيحتان والبنت ذبيحه ..
إحدى قريباتي جابت توئم بنات وحده تعبانه ووحده سليمه والحمد لله ،،ويوم تمو اسبوع ذبح ابوهم ذبيحتين على اساس وحده لفلانه والثانيه لفلانه والحي معظم سكانه من الاقارب فارسلت الجده انا ووحده من بناتهم نوزع لحم السماوه وحنا نمشي ونوزع ،،انا معي كيس سماوة البنت السليمه وبنتهم معها كيس سماوة البنت التعبانه،، ويوم انتبهت لقيت هذي وزعت اكثر يعني سبقتني اثرها توزع اثنين اثنين عشان تخلص وانا واحد واحد لكل بيت مثل ما قالو لي والين الجده قالت: اللي تخلص من التوزيع ابعطيها 4 قروش يعني كنز علي بابا ..

وقبل مانقضي جا يركض واحد من البزران ترى فلانه اللي هي التوئم التعبانه ماتت (جعلها الله شفيعتاً لوالديها)..

عاد الناس بأيش وأنا بأيش واركض على البيوت واوزع اللي معي واقول لا تخذون من فلانه لأن البنت اللي هي توزع سماوته ماتت ولا فيه اسم ولا شي ،،وأجي راجعه ولا،ام التوئم تصيح والجده تصبره وتهديه والحال غير موب يم 4 قروش ولا حتى قرشين ..

عاد تبون الصراحه انا اسكت ما قلت عطوني لأني اخاف يجين شي انا ما نسيت طاست الثلج وراحت الـ4 قروش..
تحياتي
اختكم
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:من خاف سلم..قوافي	محروم.كوم	منتدى أخبار المواقع والمنتديات العربية والأجنبية	0	01-20-2013 01:40 AM
سالفة:دلع عنزه..قوافي	محروم.كوم	منتدى أخبار المواقع والمنتديات العربية والأجنبية	0	10-15-2012 02:50 AM
سالفة:الدنيا دفى..قوافي	محروم.كوم	منتدى أخبار المواقع والمنتديات العربية والأجنبية	0	09-14-2012 05:50 AM
سالفة:رسب ثمن سقط..قوافي	محروم.كوم	منتدى أخبار المواقع والمنتديات العربية والأجنبية	0	07-07-2012 01:20 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM