رواية أييه أحببك لو تسوي مَ تسوي.. للكاتبة:MahraA - الصفحة 5

MahraA · 09-18-2013, 09:03 PM

البارت الخامس..

نشو الساعة 11:30 و تسبحوا و لبسوا المخور

انا لبست مخور اخضر فخم كان ديزاينه وايد حلو و جحلت عيني بجحال اخضر فاتح و حطيت مسكارا و حطيت بلاشر وردي خفيف على خدي و حطيت قلوس شفاف..<<ماحب احط وايد مكياج

و فاطمة لبست المخور الاصفر ديزاينه حلو و فخم حطت جحال اسود بس على الطرف و حطت مسكارا و روج احمر المائل للوردي

و لبسنا شيلنا و نزلنا تحت قعدنا عند ابوي (محمد) و حمدان..

مهرة:وين وليد ؟

حمدان:فوق يتسبح

وليد ينزل..وليد:خلصت

و قعد ويانا

كلنا كنا قاعدين نتريا العايلة الكريمة تحضر ..

على الساعة 12:30 الكل وصل و أذن الظهر الكل راح يصلي و الاولاد راحوا فوق مع وليد و حمدان و البنات راحوا غرفة اليدة فاطمة..

بعد ماخلصوا منى <الي هي امي .. راحت المطبخ تشرف على الاكل الي يودونه للسفرة

و كان علي ماسك ايدي و يسحبني .. يبي يصعد فوق

و انا امشي وراه اشوفه وين يبا يوديني

و توني ابا اصعد الدري و اسمع صوت حد يطيح رفعت عيني اشوف الاولاد يبون ينزلون بس الي وقفهم طيحت شخص و انا احترق ابا اعرف منو الي طاح .. و مايد ما شاء الله عليه يوم يضحك صوته ينسمع للبيت كله

مايد:ههههههههههههههههههههههههههه

و انا واقفة ابا اعرف منو و كيف طاح

وليد:مهرة سيري داخل

مهرة:منو طاح

وليد ميود ضحكته :مابقول سيري بسرعة

شليت علي و دخلت غرفة يدو فاطمة

حمده شافتني :شو فيج

مهرة:في حد طاح من على الدري

حمده:!!! منووه!

مهرة:بروحي ماعرف اسأل وليدو مايخبرني

حمده:اتريي

طلعت برع دقيقتين رجعت

حمدة:حمادة الي طاااح!

فاطمة على طول التفتت :منووه!!

مهرة:طاح قلبج عيل هاا!

فاطمة:جب انتي حمده قولي شو السالفة

حمده:بس قالو لي ان حمادة طاح كيف محد خبرني

مهرة:خلاص انا بعرف كيف بس مو الحين خلنا نخلص الغدا

منى:يلا تعالو الغدا جاهز

كلنا طلعنا و قعدنا على السفرة الرياييل في صوب و الحريم في صوب
و مع السوالف و الضحك الكل خلص الغدى و راح غسل

بعد فترة اذن العصر الكل راح يصلي
انا تميت مع علي لين ما مرت خالي تخلص و انتو طبعا تعرفون كيف يطولون الحريم في الصلاة الكل كان مخلص الا حمد و حمادة كانو في غرفة حمدان يصلون و الكل كان تحت في الصالة
مرت خالي يت و شلت علاوي ...
و انا صاعدة فوق كنت ماسكة الايفون و عيني عليه ماكنت اشوف جدامي كنت ارمس سارووه و ميمو<<منى>> على كيك
و الحين اخر دريين ما شوف عمري الا طايحة ع ظهري ، رفعت راسي شفت حمد متلوم و جمبه حمادة ياسيين يشوفوني
في قلبي: شكلي دعمت واحد منهم اففف ظهري يعورني
حاولت ما اظهر صوت عسب ما يعرفون الي تحت
حمد: حمادة انزل تحت لا تخليهم يشكون و قول لهم بعدني اصلي
حمادة: اوك ، لا تسوي شي فيها
حمد:بتحصل كف !
حمادة: هههه انزين انزين
حمادة نزل
وانا بعدني طايحة نص الدري ما اروم اتحرك
حمد نزل لمستواي بغى يمسكني عسب يساعدني
:انزل بروحي اروم امشي
حمد:لا تعاندين يلا
:لا تخلني اصرخ روح
حمد:بلا دلع !!
:بتروح و لا اتصل في فاطمة
حمد:خلاص خلاص بروح و هو نازل

من كثر ما ظهري كان يعورني ماكنت اروم اقوم ... كنت ازحف عسب اوصل لغرفتي و انا ازحف وصلت نص الصالة ماحسيت بعمري الا و حد شلاني

------

مع مرور الاياااام و المدارس قربت الكل ملتهي الي يفصل وو يشتري شنط و اقلام و دفاتر و غيره ...

مر تقريبا شهر ع الاحداث الي مضت...

يوم السبت الساعة 6:00 pm

مهرة:وليد تعبت والله
وليد:انتي مو مال طلعة
مهرة:نحن من الساعة 3 هني 3 ساعات و نحن نفتر
حمدان:رايح بريطانيا تبين يروح بالكندورة
مهرة:افففف من ثلاث ايام و. هو يتشرى ماتعب
فاطمة:بسج تحرطم انتي لين ما اشتريتي شنطة حق المدرسة
مهرة:اففف لا تفتحين الجرووح

---
طبعا مثل ماتعرفون قربت سفرت وليد لبريطانيا و يمكن انا ما وضححت هذا الشي بس وليد متزوج و حرمته حامل في الفترة الي ماكنت ارمس عنها كانت بيت اهلها لانها بتسافر ويا وليد ما بتشوفهم .... و هي في شهر السادس
---

خذنا لنا عشا وو رجعنا تعشينا كلنا بعدين كل واحد راح غرفته

اليوم في غرفتي
مهرة+روضة+حمدة+فاطمة=سكايب

حمدووه:يا الله اخر سنه و بنفتك من المدرسة
فاطمة:حمدووه شدي حيلج
حمدة:لا تخافين
فاطمة:خو انا اخاف لما تقول لاتخافين
مهرة:فاطمة انتي ثالث ثنوي انا مابي اتحمل نزولج
فاطمة:شو نزولي ! اول شي رمسي عدل ثاني شي لاتفاولين جلبة
مهرة:ماما سمعي !!
حمدة:ها ماما
مهرة:قالو اذا الفصل الاول بنت العلمي مايابت فوق التسعين بيسكرون عنا خدمة البيبي انا شو ذنبي
حمدة:تحملي ماما اخر سنة و بعدين انتي فاطمة واايد معطينج ويهه !!
فاطمة:اححسن اخر سنة اتم وياهم بعين بروح بوظبي..
حمدة:لاتدكريني اخر شي بيي ويااج بوظبيي

.... تمو يرمسون لين دقت الساعة 6 و الكل سكر راحو يتسبحون و بتحهزون للمدرسة

دخلت المدرسة كان وليد موصلنا انا و فاطمة

و ركبت الدري شفت ساروه جدامي جان ارركض ارووح عندها و احضنها
مهرة:ياا الكلبة اشتقت لججج وااايد اففففف
كنت راصة عليها بالقو و هي بالمثل
ساروه:هذي السنة بعد انتي في صف و انا في صف
جان اخوز عنها
مهرة: لاتجدبين !!
ساروه:والله!!
مهرة:اففف شو هذا الحظ النحس !! تعالي انا تاسع كم ؟
ساروه: انتي 2 و انا 1
مهرة:انزين يلا نسير ابا اشوفهم .. هي صح ميمو مابداوم ؟
ساروه:قالت اسبوع الياي بداوم.
مهرة:بعدها هاي و الغيااب اففف
وصلنا 9-2
دخلت الصف
شيخة:مهوووور !!!
لفيت:شيييخوووه !! يا الحيوانهه
... و كل ما الاقي بنت احضنها و اسبها سبب من اشتياقي لهم
بنروح شوي بعيد عن مهرة

افراح : فطوم شو جهزتي لعلمي !
فاطمة:اذا مايبت فوق ال95 بينحروني !!
افراح:شدي حيلج عيل
حور تركككض : فطوووووم
فاطمة نشت
و من كثر ما تركض حور مانتبهت للسراميك المكسور
افراحح تصارخ : حووووووور شووووفي تحتجج
و قبل لا تكمل كلامها افراح حور طايحة ع ويهها و طلع صوت و كككل بنات المدرسة لفوا عليها و تموا يضحكوون حتى المعلمات
افراح و فاطمة راخوا عندها و هم ميودين ضحكتهم
فاطمة:كل ها بس لانج شفتيني !! واي واي استحي
حور: سكتي الله يخليج ريلي تعورني
افراح : اتريي اتري شوي
رفعت مريولها شوي و اتفاجؤه بالدم الي ينزل
افراح: اووي حوور جرح صار
وطلعت من جيبها كلينكس و ياسة تمسح الجرح
حور تصارخ : ااااااااااااااخخخخخخ ببسس يحررررق !! اففففففف الله يلعن الساعة الي شفتج فيها فطووم
فاطمة: بببللل انا شو يخصني !! اصلا انتي تتريين انج تشوفيني !!
افرااح : يلا نروح عند النيرس خلها اطهر لج اياه و تلفه
حور: و منها بيلس عندها لين الحصة الخامسة بعدين بطلع
فطووم: طااع تفكيرهاا ككيف !!

و عند حمدووه

حمدووه:والله والله و انا احللف اذا ما وديتوني صف مهووور بجلب الادارة عليكم و انا حلفت
ابلة زينب:خلاص يا بنت لا تصارخين هذا الشي مب كيفج !!
حمدة: اصلا انتو ........ و ....
و تمت تسبهم لين رضوه بنقلونها صف مهوور ربيعتها و بت وياها اموون..

و عند روضة
روضة: اففف مريووم فرقونا شو هل الحاله !! شو اسوي في الصف بروحي !!
مريوم:انتي مو عمتج اخصائية سيري رمسيها قولي لها ماعندج حد و جي لين توافق تنقلج صفنا !
روضة: يبالي والله برمس مهور ترمس امها !!

....

بوظبي!!

عليا:ابلة مب ع كيفج !! انا ابا اقعد هني عند اسراء ! و مابغير مكاني !
الابلة: يا عليا قطعي الشر و تعالي جدام !!
عليا قعدت على الكرسي : و هذي قعدة و لا بتحرك
الابلة: انتي لازم نتفاهم معاج في اسلوب ثاني
عليا: سوي الي تبينه بس انا بقعد عند اسراء يعني بقعد عندها !!

و تمت تضارب ويا الابلة ..

و بعد اسبوع من الاحدااث !!
يوم السبت!!
منى تصيييح !! (
وليد يبوس راس امي : شفيج تصيحين برجع لج لا تخافين !! الا هي سنة و شهر 12 بيي بعد !! لا تصيحين مافي شي يصيح
و يلف يطالع فاطمة الي تصيح بعد ! و يحضنها : خلااص لا تصيحين خلااص !!
و حظن خالو شيخة و لف يحظني و انا اضحكك : مو تنسى الي قلت لكك !! بذبحك تراني و مابي شي ع ذوقكك !! صور و طرش و انا بختار !!
وليد : طرارة و تشرط بعد
و لف على حمدان
و يحظنه : اخخي العزيز
حمداان : اخوووي
و انا اضحكك و ولا على بااالي !!
و سلمنا على حرمة وليد
بعده ركبوا السيارة و رااحوا المطار هو و مرته حمداان لان بيوصله من اول ما طلع انا شردت فوق و دخلت غرفتي و قفلت الباب
و فريت عمري على السرير و يودت المخدة و تمييييت اصيييييييحح !! لا بعد اسابيع حمدان بيروح بوظبي و مابنشوفه لانه جامعه و ابوي ما بيقدر ياخذ اجازة لان كل الاجازات خذاها في اجازة الصيف و هذا وليد سافر و فاطمة اخر سنة و بتتخرج و بتروح بوظبي بعد الجامعة هنااك
و تميييت اصيييح لييين رقدت ....

انتهى البارت ...
__DEFINE_LIKE_SHARE__

MahraA · 09-18-2013, 09:06 PM

اسفة طولت عليكمم اتمنى يعجبكم البارت اعرف انه قصير..
سامحوني على القصور ..

و ان شاء الله البارتات الياية اطول و اطول .. __DEFINE_LIKE_SHARE__

MahraA · 10-06-2013, 08:55 PM

البارت السادس

شعور واااايد حلو يوم الكل يعتمد عليج و يحسسج بوجودج و ان الكل يدور عليج بس صعب وااايد يوم الضغط كللله يكون عليج هذي حالتي الحين ... من اول 3 اسابيع و كل الشغل على رااسي في المدرسة و في البيت ..
بما ان اختي ثالث ثانوي فمايخلونها تسوي شي , ف كل شي عليه انا ..

في المدرسة
مس عاطفة:مهرة اجتمعي مع البنات يوم الثلاث و رمسيهم عن المشروع..
مهرة: ان شاء الله ابلة..

ميرووه:مهااري انا ابيي اكون من الخمس الي بيمثلون الصف..
زينب:لا لا مهرة بس انا و انتي خليها اتولي
مروة:شو خليها اتولي مهوور انا بعد ابا
و الابلة ساااكتة
مهرة:بسسسس سكتواا يوم الثلاث بنتفق خلوني انقل الحين
ميرة تطالعني
مهرة:لا تطالعيني جيي قلت لج بعدين خلنا نخلص مال الحج بعدين بفضى لهذا
راوية:هي صح مهرة شو بنسوي للبورد الي برع
مهرة:بعد مهرة بعد مهرررة اففففف مهرة مااتت ماااااتت ترحموا عليها..
لطووف:مهوور انا شو اييب ؟؟

>> و تمو يلعوزوني شو اييب و متى اييب و شو بنسوي و انا ابي اكون ,, من ثامن و انا متعودة على هذا الشي بس هذي السنة بزيادة شوي لان من اول يوم داومنا فيه و كل المسؤولية على راسي...
__
:حمدوووووووووووووووه..
ابلة عليا معصبة:من هذي الي تصاارخ..
الصف صخخ
ابلة عليا:حمده نشي
حمده نشت:ابلة مب انا !!
ابلة عليا: قلت انتي صرختي ؟؟ لااء .. منو الي ناداج ؟
حمدووه: انا شو اسوي داام الكل يبا يقعد عندي
ابلة عليا: هذا مب موضوعنا
حمدووه قعدت: والله انا مايخصني وقفي الي صرخت لا توقفيني
ابلة عليا:بفصلج من المدرسة تراني !!
حمدووه:لو في ابووج خيير سويها!!>> كله ولا حد يهددها
مهااري; ربيعت حمده:يااااا الققققووو منو قدج.
حمده ترمس الابلة:مب انا اتهدد..
ابلة عليا: خلاص سكتوا خلوني اكمل الدرس..
حمده:طبعا لان ماترومين تسوين شي كملي كملي الله يخليج متى تخلص هذي السنة و افتك من ويوهكم..
ابلة عليا:احترمي نفسج عرفنا انج بنت علي ال***** بس واايد زوديتها الصراحة..
حمده عطتها طااااف و تمت ترسم على الورقة
راحت عندها الابلة و سحبت الورقة
ابلة عليا:قومي معاي الادارة
حمده مارفعت راسها بس رفعت عيونها عطتها بنظره خلت الابلة تسكت و ترجع مكانها..

>> مب هينه قققوو

__

فاطمة:حوووووور يلا نشييي افففففف
حوور:شو تبين قولي شو تبين ؟؟؟ واايد تحنين ترااج
فاطمة:من ساعة اقولج قومي خلينا نذاكر عنا امتحان و انتي و لا على بااالج
حوور:شو درااج انتي انا حافظة المنهج كاامل
فاطمة:هي هي سمعتج تقولين هذا الكلام بس شو طلع من وراج غير تقولين " اووووي متى خذنا هذا الدرس" و ترسبين هذي ثالث ثانوي يا حبيبتي مب لعبان السنة الماضية تسوينه هني !!
حوور:اففف فطوووم عورتي رااسي كل يوم نفس الموال!!
شافوا افراح تمشي ياية صوبهم
حوور:افرااااااح حبيبتي شلييها عنني
افراح:شو مسوية بعد
فاطمة:اصلا حوور سخييفة
و نشت عنهم و راحت عند الرريم
___

رووضة:افففف مب قااادرة خلااااص اففففف صج صج مااالي خخخلق خلااص مليييت تعااالييي صفنااا
مريم: ول ول كل هذا علشاني احم احم فديتني والله
روضة:موووول مب وقت خقتج الحييين
مريوم:نشي نرمس عمتج
روضة:اخااف ماترضى
مريم:انتي رمستي مهرة ترمس عمتج؟
روضة:لااء
مريم:خلاص عيل يلا نشي
>> نشو متوجهين عند الاخصائية الي هي عمة روضة و امي..

رجعت البيت و انا منهد حييلي
شفت اممي رحت بست راسها و شليت شنطتي ابي اصعد
منى:مهرة يوم بتنزلين اباج تسوين شغلي
مهرة:امممماااااه لاااااه عندي واايد اشغال مال مدرسة والله تعبتج
منى:خلااص عيل اليوم دوور اختج سيري حبيبتي سيري
مهرة:امااه انا قلت لج اسبوعين مابقدر اسوي لج شي خلاص الا هو اسبوع و العيد..
منى:خلاص عيل في اجازة العيد بتسوين..
مهرة:بروحج تقولين اجازة بعد شغغل
منى:يلا سيري ارتاحي
رحت قعدت يمها و فريت شنطتي على الغنفة:ماما خبرتج خالو وين بنروح ثالث يوم العيد؟
منى:لااء ليش وين بتروحين ؟
مهرة:بوظبي بتين ؟؟
منى:اممم ماعرف والله
مهرة:طبعا بتين بتمين بروحج هني ؟ بابا و حمدان بيروحون الحج و وليد بريطانيا بتمين بروحج؟؟
منى:تدرين نسيييت خلاص عيل بروح معاكم..
شليت شنطتي و ياية اركب الدري
منى:و انا اقوول ليش تبيني اروح وياكم عسب ماتشتغلين لاتخليني اشل اشغالي معاي و اشغلج هناااك!!
مهرة فتحت عينها و فرت شنطتها و ركضت عندها:لاه لاه لاه لاه اماااه والله تعبااانه ابي آخذ اجازة ارتاح فيها
منى:ماكسرتي خاطري بتسوين حتى لو قبل المدارس بيوم
مهرة نشت مرة ثانية و شلت شنطتها و هي تصعد الدري:يصير خير
دخلت غرفتي فريت الشنطة على الارض انسدحت على السرير بتعب
:افففففف
دخلت اتسبح على السريع طلعت لبست و نشفت شعري..
و اقول فخاطري"مب متفيجة اسوي شي شكلي ببخها برقده"
ضربت يبهتي:اففففف باجر امتحان تااريخ الله يلعن التااريخ و ابووه بعد..
وصل لي مسج
فتحت: (( مهووووووور من شهر ماشفتج اشتقت لج!!))
ابتسمت..و فريت الفون..
:خل الامتحان يوليه بذاكر في البااص .. و دخلت الايبود في الجرج و رقققد..!!
على الساعة 10
طططقطقطقطقطقطقطقق قطقطقطق قطقطقط قطقطقق
نشيت و انا احس قلبي بيوقف من الدق ركضت عسب افتح الباب و انا انش دخل صبع ريلي في الربطة الي يربطون فيها على البرموده و اطيح على ويهي ..
بصوت خفيف طلعت منيه:ااااخخخ
و نشيت فتحت الباب و انا اصارخ :شووو تبيييين !!!! ماتعرفييين ادقين البااب مثل الناااس!!!!يااارب الله يبليج بريل كله يزيغج لين مايدخل فييج يننيي !!!
فاطمة بكل هدوء:ليش جي ويهج احمرر؟؟!!
مهرة:و تستهبلين حضرتج!!! بسبج جلبت على ويهي الله ياخخخخذج وافتكك منج
فاطمة:ههههه , لا تخافين بتفتكين السنة الياية
مهرة: خوزي عن ويهي
و دخلت الحمام (اكرمكم الله) و تغسلت و طلعت و انا انشف ويهي مسكت فوني شفت 10 مسجاات
:بببلللل
وفريت الايفون مسكت البيبي شفت خدوي مرمستني
خدوي:ابي ارمممسسسج بسااالفة عبيييير الننحححسة
مهرة:باجر و لا الحين ؟
خدوي:في المدرسة احسن
مهرة:خلاص تماام
و شليت ايفوني و طلعت من الحجرة رحت عند فاطمة دخلت عندها قعدت معاها و فتحت سكاايب و اتصلت في حمدووه
مهرة:هلوووو يا الحيوانات اشتقت لكم من شهر و انا مب شايفتنكم !! منو ايي العيد بسس
حمدووه:اعصااابج اعصاابج الا هو اسبووع!
فاطممة:هاا شو المستجداات؟
حمده:حبيبتي انتي الي لازم تعطينا مب نحن الي نعطيج !
فاطمة:كل شي تعرفونه عني !!
حمده:مهوور تدرين ان اختج الززفته مامخبرتنه انها كانت ترمس حماده!!
لفييت على فاطمة:يااا الحيواااانه!!!!!! ليش ماخبرتيني !! و انا اقول ليش كله تشرد مني يوم ايلس عندها و في ايدها الفون
فاطمة:كنت ابا اخبركم في الوقت المناسب بس مالقيت و بعدين حمدوه انتي كيف عرفتي ؟
حمدوه:فتحت فونه و شفت اسمج و قريت المحادثة بعد!!
فاطمة:حماده عرف؟
حمدوه:و حياتج بغى يضربني لو ماشردت!
مهرة:ههههه, روضة وين ؟
تبطل الباب
مهرة:حطيني سبيكر خليني اهزبها
حمده حطت سبيكر
و انا على نياتي :ياا الحيوااانة ماتقوولين عند بنت عمة ترمسينها تسألين عنها حية و لا ميتة !! متعذبة و لا مستانسة !! و لا كأني موجودة .. روْضة وحده!
:روْضة الفردوس و لا المنهل؟
مهرة:مووووول مايضحك <عقب استوعبت الصوت!!
مهرة:منوووه؟ بسم الله
حمده و روضة اشروا له ان يسكت
روضة:مهووور ماااحب لا تناديني روْضة لا اروضج عددل !!
مهرة:جب جب ,, بغيت اقول لج عن الرواية اليديدة الي اقراها!
روضة:انزين و بعدين ؟ يعني بقراها مثلا
فاطمة:ههههههه فنص الجبهة
مهرة:مااعليه بطلعه منج ويا هذا الويه المعفن عطيني اممي فديتها انا!!
حمدوه:مهور سكتي خلا صابي ارمس فاطمة في موضوع مابي اسمع صوتج!!
مهرة:شفيكم عليه عفان الله افففف منكم " لفيت على فاطمة":اتصلي فيهم من فونج " بااي
و سكرت و شليت فوني و طلعت رجعت غرفتي
دخلت و سكرت الباب بالققوو و قفلته
:مب حلوة جي يرمسوني جني ماكلة حلالهم !! والله!!!
و فتحت المنبهات و حطيت الفون في الجرج ياية اسويه صامت شفت مسج وصل لي
: (( مهرة لا تزعلين!!))<<من روضة
مهرة:هه بعد شوه ؟؟
و حولته سايلنت و مسكت البيبي فتحت قعدت جي اشوف البيسيات و جي .. شفت اضافة الاسم (.) استغربت جان اقبل و اترييت و اترييت ..

.:هلا
مهـرة:اهلين,, امم منوو؟؟
.:شحالج؟
مهرة:تممام و انتي ؟
.:انت مب انتي !
مهرة:اعرفك ؟ تعرفني ؟
.:هي انا اعرفج
مهرة:شو الي تعرفه ؟؟
.:انتي مهرة!
مهرة:تدري والله قلت معلومة يديدة و ماكنت اعرفها!,, يعني الاسم وااضح ! تستهبل حضرتك؟
.: اعصابج !!
مهرة:خلصني منو انت؟
.:حمد!
مهرة:...؟؟!! اي حمد يا حظظي !!
.:ولد خالج!
مهرة:حموود؟؟!
حمد:اصغر عيالج تقولين لي حموود؟
مهرة:صج انت حمد؟
حمد:هيه بعد شوه!
مهرة:كيف خذت بني بعد؟؟
حمد:بني و لا اسود ككككك
مهرة:تباني بييب لك موز والله من غير هذا كله !
حمد:تشوفيني قرد
مهرة:انا ماقلت انت قرد بس ماشاءالله عليك تعرف عمرك!
حمد:خلج من هذا الموضوع ,, ليش ماتردين عليه يوم اطرش لج مسج ؟
مهرة:اممم تعرفني ماحب ارمس و تباني ارمس غصب؟؟
حمد:بس مسج وااحد في الاسبوع انزين !!
مهرة:مب لازم مسجات بخليك عندي في اللستة ! بس انا ما امسك البيبي واايد عااد انت و حظك!
حمد:خلااص مواافق
مهرة:ه ه ه ه !!
حمد:شو هذا بعد ؟
مهرة:ماعرفت شو اطرش جان اطرش هذا!
حمد:ايوااا,,
حمد:مهوور انتي زعلانه من خواتي؟
مهرة:ليش ازعل؟
حمد:على الي صار قبل شوي ؟
مهرة:و انت شو عرفك ؟ تتسمع علينا ؟
حمد:لا كنت قاعد اجرج فوني عندهم و هم حاطيين اسبيكر و سمعتج !
مهرة:ايوواا ,, طاااف
مهرة:يلا بخليك عندي امتحان بااجر لازم انش من وقت عسب اذاكر
حمد:و ليش مب مذاكرة؟
مهرة:موووول مب متفيجة اذاكر , بذاكر في الباص .ز
حمد:لا تتعودين جي !!
مهرة:ان شاء الله ! يلا باي
حمد:تبين الفكةة اصلاا!!

مهرة:لا والله بس فيني رقااد , بعدين برقد و انا ارمسك
حمد:عاادي انزين !
مهرة:لا لا ماحب , يلا باي
حمد:باي
و جطيت فيس الي راقد عند نكي و حطيت الفون على الطاولة و رقدت ......
__DEFINE_LIKE_SHARE__

MahraA · 10-06-2013, 08:58 PM

حااولت كثر ما اقدر اضغط على روحي عسب اكتب لكم البارت ..
و ان شاء الله قبل العيد بعد بنزل لكم بارت ..
بس انا ما احصل ردود تشجعني عسب اكمل ..
بس انا بكمل و ان شاء الله احصل ردود.. __DEFINE_LIKE_SHARE__

shwa5M · 10-08-2013, 05:56 PM

ماشاء الله الروايا عجيبة ....

ونتريا البارتات الياية ....^.^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة خيالية : رواية : بشويش ضمّينـي علـىَ الصـدر تكفيـن ..وإذاا طلبـتـك شــيّ .. لااا تمنعيـنـي للكاتبة :Broken Dream R3	L_almuhairi	قصص و روايات	5	06-15-2013 01:59 AM
رواية : بعيد عني لكن أحس أنفآسه هنآ ..~ للكاتبة : حلوة ومخترشة ~	F 6 A M Y	استراحة قصص وابداعات الاعضاء	10	02-16-2013 05:27 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
نقاش رواية مدينة النجوم للكاتبة فرح الصُماني	محروم.كوم	منتدى أخبار المواقع والمنتديات العربية والأجنبية	0	03-27-2012 07:50 AM
[.. بسوي مثل ماشوفك تسوي وفعل افعالك \\ من صنع مزاجي الحب ..~	»●مزآجيئےآلحـب●«	تصاميم الاعضاء	11	11-18-2009 01:43 AM