| ||||||
 |
| | LinkBack | أدوات الموضوع | انواع عرض الموضوع |
06-28-2013, 11:06 PM
| رقم المشاركة : [ 26 ] | |||||||||||||||||||||
| عضو دائم  | 
آهآ آوك عآدي بس بآنتظآر ردج فديتج . . . × × × × ثوآني وبينزل البآرت والسموحةة آني تآخخرت بس التهيت =) ~ | |||||||||||||||||||||
|
| ||||||||||||||||||||||
 | ||||||||||||||||||||||
|
06-28-2013, 11:13 PM
| رقم المشاركة : [ 27 ] |
| عضو دائم | آلبآرت الثآني .. انزعجت من صوت المنبه ومهره وغاية كانهم جثث ولا وحده نشت تبنده , قمت وتميت ادور التلفون وجفت انه تلفون مهره , من زود ما مقفلة خلاص وتعبانه رحت وقلعت البطآرية وحطيت التلفون بصوب والبطارية بصوب , قمت وتغسلت وجفت الساعة بعدين , ابتسمت هذا وقت صلآة الفير , رحت وتوضيت وصليت عقبها قريت قران شوي دعيت لكل آهلي ولي , ولذيآب , ولكل شخص انا احبه سواء كانوا من ربعي ايام الدراسة او ربعي اللي للحين وياي , دعيت ان سهيل يرجع ويخف الحمل من قلب بشاير , وان الله يخفف من الم محمد كلنا نتالم , بس شو نقول غير " الله كريم " .. فصخت شيلة الصلآة وقومت غآية سيدة فزت وهي خيفانة تميت امسح على ويهآ .. : بسم الله عليج شفيج غآية : يدي وين ؟ : يدي راقد ! غآية تيود آيدي : حلفتج بالله تخبريني ليش يدي جي كان يكلمني البآرح شي فيه ؟ : لآ يدي جي دوم حتى انا قبل وصآني عليكم وجي لكن سكت , يدي دوم يحآتيكم ويبا مصلحتكم لا اكثر ولآ اقل حسيتها ارتآحت نوعآ مآ وقآمت تتوضى وبدت تصلي ومهره للحين مآقآمت وآيد حشرتها لين قررت تقوم وراحت تغسلت وصلت بعد ماصلوا وقفوا حذال بعض هي وغايه وكل وحده سكرآنه اكثر عن الثانية , طبعآ هم ردوآ ينآموآ اما انا لآ , رحت تسبحت , المآي البآرد عذآآب , خلصت ولبست لي جلآبية عآدية مآل البيت وحطيت الشمد على راسي وتعطرت ونزلت , مخيسة الرقاد هذيل ما دواهم غير يدي .. خلني اوعي الريايل يصلون احسن , دقيت اول شي على غرفة ذياب انا ادري ان ذياب ينام بروحه لكن الغريب ان ذياب مافتح الباب مع ان رقاد ذياب خفيف .. كآنت الغرفة هآدية خفت لآ صار فيه شي لكن انصدمت ان الباب تبطل وهو مبتسم ابتسآمة عبيطة طيحت لي فوادي : صليت ؟ ذيآب : آلحمدآلله توي مخلص : آهآ يت اوعيك للصلآه ذيآب يطآلع ومستغرب : وليش محد منهم وآعي استحيت والله شقوله انا يايه لك انت اول واحد ؟ : آآممم بعدي الحين بوعيهم ذياب ابتسم : اووه يعني انا اول واحد طبيته , اعرف حركآته مآبيسكت الحين وبيخليني طماطه اروح احسن لي رحت ودقيت على مآيد ومرته ووعيتهم للصلآه عقب رحت صوب غرفة عبدالله وخالد ويوسف ومحمد كسرت الباب من كثر الدق لكن للاسف ماحد راضي يفتح احمرت ايدي وانا ادق تميت ميودة ايدي بالم وصرخت صرخة وعيت فيها كل اللي فالمزرعة : قسم بالله يآ حيوآنآت لو مآنشيتوآ مآتلوموآ الا نفسكم صالح : بنت عمي شو صاير ؟ : ابا اوعيهم للصلآه قلت بمر على هذيل اول لكن ولا واحد منهم راضي ينش الشباب الباقين كلهم طبعا قاموا على زعيقي بالمزرعة حتى معظم الحريم نشوآ خيفآنآت لكن يوم عرفوآ طنشوآ وقالوا زين ان حد وعاهم للصلآه وجي .. صالح تكفل انه يوعي الباقين .. وعقبها انا صعدت وكملت عسب اوعي البنآت اللي مانشوآ بعدهم ! : آمم " دقيت الباب " روآض روضة : دخلي دخلت راسي : صليتي فديتج ؟ روضة : هي حبيبتي خلصت ابتسمت : آلحمدآلله , تقبل الله روضة : منا ومنج صالح الاعمال : آمم قومي بشاير وساعديهآ لو مآعليج امر بروح اوعي الباقين روضة : ان شاء الله رحت صوب غرفة مشاعل والبنآت وعيتهم يصلوآ نشوآ يصلوآ وردوآ نآموآ ورحت صوب غرفة يدي ويدتي كانوا يصلوآ ابتسمت على اشكآلهم .. حلوين كبار السن مادري ليش احس فيهم ملآمح آليمة جميلة عريقة , دعيت الله لآ يحرمني منهم هذيل عزوتي وقدوتي وكل شي بالنسبة لي هذيل بالنسبة لي اكسجين .. آم محمد : بنتي ؟ وعيتي البنآت : هي عموه وعيتهم كلهم ومادريبهم بس اتوقع انهم صلوآ وردوآ نآموآ كلهم ام محمد : روحي انتي بعد ريحي : لآلآ مآفيني نوم حد ينآم في هالجو الغرآمم ام محمد : ههه صدقج يآ بنتي , يلآ عيل انا بروح عند الحريم عن برخصتج : مرخوصة الغالية رحت عن ام محمد ونزلت تحت جو المزرعة غرآم مآدري كيف البنآت ينآموآ في هالوقت , تذكرت , اليوم بنطلع ؟ الشي حمآسس ان شاء الله مآيد وموآزي ايون ويآنآ , آنصدمت بايد تنحط على ظهري .. عبدالله : آيييه شهالصريخ اليوم ؟ : هههههه حيوآن والله " رفعت ايدي " جوف جوف يزآتي يايه اوعيكم للصلآه ؟ محمد يا ويلس جدآمنآ ويبين على ويه التعب : الهنوف سويلنآ جآي راسي يعورني عبدالله : هههههههههههههههههههه لازم لازززززززززم بيعورك : شو صاير ؟ محمد : آلخنآزير سهروني وياهم وانا مب متعود احس اني مدوخ عبدالله : خنزيره حرمتك محمد يدور شي يفلع فيه عبدالله لكن للاسف ماحصله , صدق شكله محمد مب مال سهر وصباحي وجي : آوك الحين بسويلكم كم وآحد آنتوآ عبدالله يرفع صبوعه وياشر لي : 10 : متى آزدآد العدد يوسف : افا تنسينآ : مآنسيتكم يلآ ثوآني وبيبه رحت فوق اول شي غرفتي اذكر اني يبت وياي كوفي كنت احب اشربه دوم , شريته من محل كوفي بس ماذكر شو اسمه , نزلت تحت بعد ماحصلته وبديت اسوي لهم وزعت 10 اكواب حسب كلآم عبدالله وتريت المآي الحآر اللي فالبويلر لين يخلص وقعدت اوزع الكوفي فآلآكوآب ومن خلص الماي الحار صبيته فالاكواب وحركته على السريع وبعدها وديته لهم في الصينية وطلعت وهم يضحكون ويسولفون ومروقين حطيت لهم الصينية .. : شرب العافية يارب الكل : آلله يعآفيييج , مشكورة , مآقصررتتي محمد : مشكورة بنت عمي سوري تعبناج : تعبكم راحة اذا احتجتوا شي انا ورى انزين آلكل : آنزين رحت وشوي في ويهي مايد ومرته مآيد : سويتي حسابي وياهم : افا عليك اخوي انت اولهم " يودت ايد موزة " باخذها عنك وانت روح عندهم مآيد : آوك ديري بالج عليهآ : آوك من عيوني " ورحنآ انا وموزة ورى البيت نمشي ونسولف ونضحك وبحمآس " خبريني شو صار البارحة موزة دزتني خفيف : عيب استحي سوآلف كبارر هاي : ههههههههه طاع مالت عليج وين مهور بس عنج موزة تلف يمين ويسار : صح وين البنآت ؟ : مالت عليهم ردوآ نآموآ .. موزة : هيي , البارح مآيد رآضآني وتم يسولف وياي عسب ينسيني , ومآشي ها اللي صار كنت اسولف وياج لما قلت سوالف كبار : هي زين الحمدالله , الله يخليكم لبعض موزة استحت : آميين : تبين اسويلج كوفي ؟ موزة : هي يكون زين : قعدي هني ثوآني ويايةة رحت المطبخ وتميت اعابل وتريت الماي الحار لين يجهز مرة ثانية فجآه دخل ذياب وهو ميود آيده , خفت وآيد شصاير فيه بخوف : شو ففييك ؟ ذيآب : الحيوآن يسوف يمزح وياي وصب علي الكوفي خفت وآيد لآيكون حرقه وآذآ انحرق ياترى بيعلم له قربت صوبه بدون لآ آحس وخوزت ايده كآنت محمرة وآييييد رحت وطلعت له ثلج وحطيتها في قطعه ولفيتها وحطيتها على ايده وقلت له : لآ تتحرك الحين يايه " صعدت فوق دورت مآل الحروق في الشنطه مآلقيته وعيت غآية وخبرتني انه في الكبت مفرور رحت وخذته ونزلت تحت وخذت بصبعي شوي وبديت امسح على المنطقة المحمرة " بيصير احسن بس لا تلعب فيه ولآ تخوز الثلج " قمت عنه بعيد قبل لا حد يجوفنآ مع بعض او يسمعنآ " ومرة ثانية لو سمحتوآ آنتبهوآ هاي مب مصخرة ! ذيآب ابتسم : تخآفين علي ! : آوفففففف ذياب انت تستعبطني ولا شو ذيآب : لآ ولآ شي : هي آكيد بكون آخآف عليك يالعنز يوم انك ياهل وماتهتم لعمرك وانا اللي قلبي يعورني شسوي فيك .. ذيآب : هههههههههههههههههه هدي هدي : خلآص ذياب اطلع عن حد يجوفنآ ذيآب ابتسم ووصل صوب الباب : صدقيني دامج لمستي الجرح بايدج بيبرى بدون ثلج حتى " وطلع " استآنست بس احرجني بنفس الوقت اسميه مغآزلتي .. سويت الكوفي ورحت وموزة تمت تتحرطم علي ليش تاخرت عليها .. قعدت اسولف وياها لكن للامانه عقلي ماكان وياي , كآن عقلي ويا ذياب وكنت آحآتي لو آيده للحين تعوره ولآلآ .. الحريم نآدوآ موزة عسب يسولفون وياها وانا صعدت الغرفة فوق قعدت على الكرسي وانا اتذكره كلآمه في هالزآوية صوته يتردد في اذني , يالله شقد احب هالانسان .. اتمنى آنه مآيصير مثلهم ولآ يخذلني , ولآ يتخلى عني , تذكرت , اليوم بيطرشون مسجآت عن نسبنآ ف الثآنوية .. كيف انسى هالشي المهم , كيف نسسسيت ضربت راسي مليون الف مرة , فتحت الفون وجيكت مآشي مسجآت , تذكرت آن يستوي ندخل الموقع ونجوف درجآتنآ , طلعت برع ملهوفة اكيد واحد من الشباب يايب لابه وياه تميت آطآلعهم وقربت منهم : آممم حد منكم يايب لابه وعنده وصله نت ؟ كلهم صخوآ آنحبطت نوعآ مآ شكلي مابعرف نتيجتي اليوم ذيآب : آنآ يآيب ليش ؟ : ابا اجيك على نتيجتي اليوم بيطرشوهآ ذيآب : بتلآقينه في الغرفة رحت عقب رديت : آممم عليه باس ؟ ذيآب : لآ ابتسمت وركضت داخل ابا اعرف النتيجة الا النتيجة , ليش ماحد ذكرني , دخلت اركض داخل دخلت غرفة ذياب اللي كان ينام فيها وبطلت الاب على السريع , استغربت فيه باس يعني الحيوان جذب علي , قعدت احاول كذا مرة كله يكتب لي غلط .. غلط .. غلط , يآ ترى هالغبي شو باسه , بعد محآولآت كتبت اسمه بعد مآستوى , فكرت اكتب اسمي مع اني ياسانه منه لكن صدمتي كانت آكبر , فتح الااااب , يعني هو يعرف اني بعرف الباس عسب جي ماحب يقولهم .. ابتسمت من قلب , ودشيت الموقع على السريع , آنحبطت , خلاص اعصابي انحرقت ليش للحين مب منزلين النتآيج شليت الاب ماله وصعدت فوق وهزيت غآية هز وانا متوترة : ايييييييييييه نشي اليوم نتآيجنآ غآية فزت : آححلفي , آويييه اكيد انا يايبه العيييد كم يبت قولي .. : شعرفني كم يبتي , نشششي يلا غآية تطآلع الاب : وآآو نونا متى شريتي هالاب " تطآلعه " آبل بعد يآ جآممد : هذا مب لابي , هذا لاب ذياب غآية : هئئئئئئ ذياب !!! والله ليذبحنآآآ : لا مابيذبحنا مستاذنه منه عسب نجوف نتايجنا نشي شوفي انا مالي مانزلت غآية فتحت والصدمةة آن نتيجة غآية نازلة بغيت اصيييح غآيةة يابت 86.6 انزين وآنآ , ليش انا مب نآزلة للحين كآنت اعصابي محروقة على الآآآخخخر رحت صوب غرفة مثايل وبطلت الباب ودخلت الاب وقعدت ووعيتها وانا خيفانة , قامت وهي مسطلة كتبت الباس مالها ورقم جلوسها اللي كانت حافظته وطلعت نتيجتهآ كآنت 89.3 انزين وآنآ وآنآآآآآآ يآ عآلم ليش مآ حد يحس فيني بغيت اصيح والله لكن يودت عمري مب جدامهم , نزلت تحت وكنت احس بضيج بكتمةة , كلهم كآنوآ ف الصآلةة ويتريوني انزل مآيد : بشري اختي كم ؟ قلت بخنقة : مآنزلت مالي لكن غايوه ومثايل عرفوآ محمد : بشريينآ كم يآبوآ : غآية 86 و مثايل 89 محمد : آلف مبروووك : الله يبارك فيك " دخلت غرفة ذياب حطيت الاب وطبعا طلعت من الموقع خذت نفس عميق عسب لا تطيح دمعتي وطلعت " صآلح : على وين رايحة تبشرين آلحريم ؟ : همم لآ بطلع شوي برع " وطلعت " مآلي نفس اكلم اي حد , والله اني على اعصابي , يكفي اني نسيت شي مهم في حياتي وفوق ها يوم تذكرته ماتكون نتيجتي ظاهره , صدق صدق مخنوقة على الاخر تنهدت وتميت استغفر ربي , لفيت وراي من بعيد وانا اجوف واحد يرمس بالفون سويت له طآف وتميت قآعده مكآني , كآن يبين آنه مستآنس من صوته , كنت آدعي ان انا بعد اكون مستآنسة بنتيجتي .. ذياب قرب صوبي : آلهنوف شفيج ؟ بغصه : ولآ شي ذيآب : آكيد تحآتين النسبة : هي ليش نسبتي مانزلت يعنيي شوو ها آوف جد حرقة اعصاب ذياب يجوف فونه : ويت " رد " آلو , آهآ , متآكدة ؟ آنزين مشكورة آختي مآقصرتي , لآلآ فيج الخير , يوصل ان شاء الله , مع السلآمة آطآلعته بعمق : منو تكلم ذيآب : وكيلتج شهقت : شوووووووووه ! ذيآب : هههه مبروك نسبتج 92.4 تستآهلييين وتسلم عليج وكيلتج وتبارك لج آطآلعت ذيآب هذا شو يقول بلعت ريجي : آحلف ذيآب : وآلله استآنست وآيييد : الله يبارك في حيآتك سوري تعبتك ويآي , والله يبارك فيها والله يسلمها ذيآب : همم انا ماخبرت حد اني دقيت لج فاذا ممكن اونج تسيري تسوي عمرج تجيكي مرة ثانية وخبريهم : مشكور وآيد عمري مآبنسآهآ لك ذيآب : آلعفو " رآح عني " هذآ ذيآب بنفسه يا يبشرني بنتيجتي الحلوة , الله يخليه لي , ركضت داخل اوعي البنآت وانا اصارخ والشباب يضحكون تحت والكل استآنس لي وبآركوآ لنآ نحن البنآت طبعآ كلنا كنا علمي , دحيحات لآه ؟ ههه مع آني حسيت اني وآيد لعبت هالسنة , الله كريم , والله هالمدرسة فيها ذكريات عمري ماراح انساها .. يدي اليوم قال بيكلمنا عن النوق ؟ شكله نسى مابذكره عسب لا يتعب عمره معانا .. وطبعا انا نسيت ان ذياب قالي اذا حد سالني اقول فتحت الموقع وجي لكن طاف اذا حد سالني بقول رديت اجيك من الموقع , جذبه عابرة عآدي .. نزلت ليدي وبسته على راسه : آلحلو مآسال بنته كم يابت ؟ يدي : بدون لآ اسال , اعرف ان بنتي مثل ماهي بنت اصول , آكيد بتكون شاطرة استآنست : يدي انا يبت 92 يعني انقبل ف اي مكان يدي : آلحمدآلله لك يارب قعدنآ نسولف ونضحك .. غآية دخلت المطبخ ونحن مستغربين منها لكن هي كانت تغني وتطبخ لكن ماعرفنا هي شو تطبخ بالضبط .. من طلعت كآنت شآلة جي نفس القواطي الزجاجية ومعبية كل وحده منهم كوكيز استغربت من وين يابت كل هذآ ؟ بس طلعت القوآطي موجودة من قبل في بيت المزرعة ومحد يستخدمهم لكن صدمتي الاكبر ان الكوكيز كانت غاية مسوتنهم , كآن لذيذ بشكل فضيع : غآيوه والله لذيذ تسلم ايدج غآية : ربي يسلمج : آول مرة اعرف انج تطبخين غآية : بس حلويآت وكوكيز اما غير لا : آهآ الله يعطيج الصحة والعافية عطيت يدي يجرب آكل غآية وعيبه وتم يمدح فيهآ وآيد .. يدي قال ان لكل وحده منا , انا ومثايل وغاية هديه خاصه منه .. استغربنآ آول مرة يدي جي يقول , لكن هو تعلث بان نحن ناجحين , بس هو اصلا مآكلف عمره يسالنا عن نسبنا لو نحن مآقلنا له يعني ؟ سويت طآف يدي كل شي منه حلو حتى لو يبوسني على خدي انا راضية دخلت يدوه وهنتنا وفرت علينآ نثور والاولآد اغبيه صايرين كانهم يهال كل واحد نزل ويلقط ووانا وغايه ميتين ضحك , لفيت ادور بعيوني على مهره ؟ مهره وين هي نشت وباركت لي لكن ليش للحين مآنزلت .. نزلت بعدهآ وكآن شكلهآ غير , هي مب تعبانه لانها مانامت عدل لالا اكيد شي صاير .. غآية : مهور شفيج ؟ مهره : ولآ شي لآ تحآتون انا بخير رن تلفون مهره وجلبته ,, حسيت ان حد يتصل فيها واكيد اللي يتصل فيها هو اللي مضيج بهآ غآية آطآلعتهآ : منو اللي يتصل ؟ مهره : ولآ حد خلاص انسي غآية سحبت التلفون وطلعت برع ردت وتمت سآكته .. : مآبغيتي الشيخة تردي , نعم يعني قلنا انج مالجه على اخوي بس مب تتكبري , ليش يوم آمي دقت لج مارديتي عليها باسلوب غآية تمثل انها مهره : كنت تعبانة وتوني واعية من الرقاد .. : آهآ سبحآن الله , آقول حبيبتي تعودي عيل من الحين تنشين من وقت , آنتي بتآخذي واحد كبآري هه من طبقة مخملية هب شراتكم غآية تحآول تيود عصبيتهآ : شتقصدين بكلآمج هذآ ؟ .. : آقول آن مصعب مآآيحب هالحركآت المآيعه اللي تسوينهآ , وكله ولآ آمي عنده فآهمه ولآلآ , آممم تقدرين تقولين بمعنى ثاني بنكفلج شغالة عند مصعب لا آكثر ولآ آقل غآية تمثل انها مهره وبحزن : آهآ انزين مصعب يعرف انج جي تكلميني .. توترت : هي يعرف وليش مايعرف وهو يسبج كل يوم ويغربل الساعه اللي اتقدم لج فيها غآية : عيل ليش مآيودرني ؟ .. : آبوي حآلف عليه غآية حست بغصه وبندت في ويهآ وهي معصبه ودخلت وراشت التلفون على الكرسي وتمت معصبه وتهز ريلها والكل لاحظ توترهآ .. مشآعل : شفيج غآيوه ؟ غآية : ممكن تسكتين عني يدي عصب : غآية شهالاسلوب بعد غآية سكتت تعرف ان يدي مايحب اسلوبها لما تعصب ام صالح دخلت وقالت ان مصعب واهله راح ايون المزرعه اليوم , غآية صدق عصبت ولفت فهمت من صدتها ان الموضوع يخص مصعب او اهله لكن هي ليش مب راضية تتكلم للحين .. طلعنآ نحن البنآت برع من ورى لكن اليهآلو تموآ دآخل , كنت انا وموزة وغآية ومهره ومثآيل قآعدين , والشباب طلعوآ وقعدوآ في القعده لان حسوآ ان الاجواء تفجير ومابيقدروآ يرمسوآ عن الطلعةة خاصه آن آهل مصعب بيوهم وعصبية غآية اللي لآحظوهآ .. غآية بعصبية : هذآ اللي مكدره نفسج عليه " تصارخ " فهميني , يرضيييج ! : شو صاير ليش جي تصارخين عليهآ , غايه احترمي نفسج نحن مب يهال غآية : انتي شتخربطين لو سمعتي اللي سمعته جان مآتم فيج عصب واحد في هآلمخ التنك يالهنوففف تعرفي شو سمععععت اخته الحقيرة اخت مصعب اللي جريب بيصير ريل مهره مثآيل : شفيه ! غآية : بكل دلع ومياعه تقول , آن مهره مآرآح تكون مرت مصعب , هي بس خدامه كآفلينهآ وانهم من طبقة مخملية ومن هالكلآم الفآرغ " آحمرت غايه من كثر مآتصآرخ وعصبيتها اللي من حقهآ تعصب عليهآ " واللي يقهرج آكثر من هذآآآآآ تقوووول آن مصعب يعرف بكل هالاشياء حتى يعرف باتصالهآ ومعصبه اخته ليش انتي ماكلمتي امها مثل الناس لان كنتي توج واعية من الرقآد يا ست الحسن والدلآل .. مهره بهدوء : غآية , لآ تتدخلين في حياتي الشخصية , لو سمحتي انا راضية بمصعب غايه صرخت صرخة جمعت علينآ كل اللي في المزرعة : شووووووووووه , راضيه فييييييييييييييييييه انتيييي شووووووو من النآسسسسسسس روححححي له , موووووووووووووووتي عليه يا مهره مووووووتي طبعآ من صرخة غآية كل الاولآد تجمعوآ صوبنآ على آمل آنهم يهدون الوضع ويعرفون السبب .. مهره عصبت : لآ تدخلين في حياتي ولو ادخلتي لا تعرفيني ولآ اعرفج خآلد جاف الاوضاع متوترة ويود غايه : شو اللي تسوينه يالمينونه غآية بعصبيه سحبت ايدهآ من ايد خآلد : عيل من الحين اعتبري انج لآ تعرفيني ولآ اعرفج يكون افضل " ورآحت " مهره قعدت تصيح ورحت اههديهآ , الكلآم اللي قالته غآية صح ليش مهره ترخص بعمرهآ , آكيد ورى هالسالفه ابوهآ ولآ آخوهآ , صآلح طبعآ مآكآن يعرف بالسآلفة ولآ كل الشباب , كنت مسوية طاف للكل كنت بس محطية عيني على محمد اللي يطآلع مهره وهي تصيح جدآمهم محمد في خآطره " انا شو فيني ؟ ليش انتي بتروحي له ؟ ليش يوم حطيت عيني عليج بتكوني من نصيب ريال ثاني , يرضيج اللي يصير لج تكوني حليلة ريآل ثآني , آآه يالزمن " وفجآه اختفى تميت آدوره بعيوني لكن المصيبة اني مالقيته , قلت هذا وين بيروح من الصبح .. يدي يا وكآن هآدي وآيد يدي : بويه مهره شحقه تصيحين مهره : مآشي يدي يدي : آكيد غآية , بس انتي لا تزعلين منها تعرفي قلب هالبنت كبير مهره مسحت دموعهآ : ولآ يهمك يدي حصل خير " ورآحت عنآ " يدي يود آيدي : تعالي ويا يدج بيعطيج هديته رحت ورى يدي مادري ليش حسيت بخوف , حسيت بقلق فضيع يدي وآيد هآدي ليش احس اني اسمع دقآت قلبي ؟ لآلآ يمكن دقات قلبه , الامر صار مايفرق وياي , يآربيي شسوي , وصلنآ صوب صندوق , بطله يدي كآنت فيه سلحفآه صغيرة , استآنست عليها احب السلآحف بعتني فيهآ زين لكن سلحفآه هاي هدية نجآحي ؟ هذآ الشي اللي استغربت منه وآيد .. بس بعد كل شي من يدي حلوو خذت السلحفآة وكآنت ويآهآ كل المعدآت حطيت لهآ ماي وحطيت لها اكل شوي آذآ ياعت بتآكله .. : شو تباني اسميها يدي ؟ يدي : سميهآ حرمآن انصدممممت شهالاسم ؟ لالايدي اكيد فيه شي : يدي شهالاسم ! لا الله يهديك اختار اسم زين يدي : وانا يدج اقول سميها بهالاسم ابتسمت : خلآص عشآنك بسميهآ حرمآن بس ممكن اعرف ليش ؟ يدي : على جدآم بتعرفين ليش وانا يدج " ربت على كتفي " الحين بروح عنج يا وقت اععطي مثايل هديتها " ورآح " يدي شوفيه اليوم ؟ شهالاسم الغريب , تميت افكر شو اللي رآح احصله على جدآم ؟ وكيف في يوم من الايام راح اعرف سبب تسميته للسلحفاة بهالاسم , حآولت آطلع من آفكآري سبب لكن عيزت , مآقدرررت , حسيت الموقف صعب , يدي شو يبا يوصل من كل هاي السوآيآ ؟ يوصيني , عقب يب لي سلحفآه ويطلب مني اسميها حرمآن , ليشش انزين لييش ! آوف تعبت من التفكير .. يدي رآح صوب مثآيل وقرب منهآ : مثآيل مثآيل ابتسمت : هلآ يدي يدي : شريت لج هديتج بابا اللي كنتي تحبينهآ وانتي صغيرة ؟ مثآيل صرخت : خيل ! يدي : هي خيلج في الاصطبل مثآيل يودت ايد يدي وراحت هي وياه واتخبلت على الخيل عيبها وآيد لكن يدي مافرض عليها اسم ولآ اي شي خلاها وهي مستآنسه بخيلها وطلع من الاصطبل وراح يدور غآية لين لقاها قآعده ورى صوب كلبها وتسمح عليه يدي : تحبين كلبج وآيد صح ؟ غآية تنهدت : هي احبه وآيد , ورآح آوديه آنجلترآ وياي ان شاء الله ! يدي : ان شاء الله , آحسن لج عسب يحميج من الحسآد واللي يبون لج الشر غآية : ههه يدي حبيبي هو لآ فلم ابطآل الديجتآل يدي : انا مابسالج ليش زعلتي مهره لانج كبيرة وعاقل , لكن انا يايب لج شي غآية بحمآس : شو يدي ؟ يدي بطل آيده وعطآني سلسلة , ذهب كآنت على مآظن كآن مكتوب فيهآ آول حرف من اسم غآية واول حرف من اسم سلآمة ومكان فاضي .. غآية : منو حرف " الاس " يدي ابتسم : سلآمة غآية : يدي تباني اعرس ؟ يدي : على جدآم الحين درآستج اهم غآية : ليش هالمكآن الفاضي يدي : اول حرف من اسم ريلج بتحفرينه هني .. غآية انصدمت : يدي يدي : آشش , لا صار شي , لآ تضيعين هالقلآده أببد يا غاية لبسيها لبنتج , ابا اشوف بنتج لآبستنها في المستقبل غآية مآعآرضت يدي ولبستها على رقبتها : آوعدك آني ماضيعها ومن تي بنتي بتلبسها وبتشوفها على رقبتها بعد " باست يدي " مشكور يالغالي على الهدية يدي : آلعفو " ورآح عنهآ " غآية يآت وحكت لي كل شي صار وياها هي ويدي , استغربت , يدي لشو نآول يوصل , وعقب يات مثايل وخبرتني عن يدي , وشو عطآهآ , آبتسمت لهآ , ليش يدي بس قال لي اسمي سلحفآتي اما مثايل ما خلاها , زفرت هالهموم وهالتساؤلات كلهآ وابتسمت : هدآيآ يدي فريده من نوعهآ غآية : هي وآلله فديته دخلت مهره الغرفة وغآية سيدة طلعت ماتبا تكون وياها بنفس الغرفةة .. مهره : بعد شوي بيون شو البس ؟ ابتسمت : كوني مثل مآنتي بلبسج العآدي , مب مضطره تمثلين آنج هآي كلآس بلبسج عشآنهم ! مهره تنهدت : انا ماقلت اني بمثل يا الهنوف ابوي يباه انا شسوي .. مثايل : مش ضروري توآفقين مهره : آقولج ابوي يباه وموافق عليه يعني انا ارد ابوي , مابا آكسر كلمته وبعدين العرب اليوم بيون سآعدوني بدل لا تزيدون همومي .. قمت انا ومثايل وساعدناها باللبس وهي دخلت تسبح ونحن طلعنا من الغرفة عقبها لبست وكشخت على الخفيف بحيث جمالها الطبيعي يبرز اكثر من المكيآج , كآنت فنانة وآيد , نحن بعد بامر من يدوه كل وحده فينآ سبحت وبدلت لبسها ولبسنآ مخور كلنآ وصروآل بو دق , آآه عششق هذا , يدوه كل ماتفصل لها تفصل لي وياها , لبسنآه المهم كلنآ ونزلنآ تحت نتريآ ست الحسن وآلدلآل آم مصعب تشرف ! يات آم مصعب وقعدنآ نسولف , كآنت متكبره جي حسيت من سوآلفهآ , كل شي عندهآ فلوس ؟ شهالنآس , شهالعقليات آطآلعت مهره شقى منزله راسها وانا افكر كيف مهره بتعيش مع واحد شرات مصعب ؟ آكيد بتتعذب وآيد .. ام مصعب مانزلت عينهآ عني وانا بلعت ريجي من الزيغه هاي على شو نآوية مآدري .. آم مصعب : ماشاء الله منو هآي ؟ آم مآيد : هآي بنتي الهنوف توهآ مخلصة ثآنوية آم مصعب : هي ماشاء الله مبروكين كم يابت ؟ آم مآيد : 92 آم مصعب متعجبة : هي ماشاء الله , مبروكييين , آمم شو رايكم نخطب الهنوف مع مهره نعععععععععععععععععم ؟ كآن خآطري اقولهآ واصصصصرخ آنتي يايه عشان مهره لا تقعدين تتنقين بين البنآت .. يدوه قالت : لآ حبيبتي , الهنوف مآ مرخصينهآ ومآرآح تعرس فديتج , هآي آوآمر من يدهآ , من تخلص دراستها الجامعية يصير خير آآآه يدوه انتي عشششق لج بوسه لالا عشرين الف بوسة بعد مآيروحون هالعلل اللي بطوآ جبدي بعلومهم الخايسه ! دخلت غآية وسلمت عليهم كآنت وآيد تنغزهم بردودهآ خاصه اخت مصعب .. : آنتي مخلصة ثآنوية ؟ غآية : جيه بتخطبيني ؟ آتوقع آنج يايه عشان مهره .. : اعوذ بالله , اسالج لا اكثر ولآ اقل غآية : احتفظي بهالاسئله لنفسج وللي بتاخذ اخوج , هه يا قوم الطبقة المخملية .. : مسرع الفتانه خبرتكم غآية : الغبي بيتم غبي .. : شتقصدين ؟ غآية قربت منهآ وآيد ورصت على اسنآنهآ : انتي لو ذكية جآن لآحظتي ان اللي رمستج بالتلفون مب مهره هي انا , لكن شقول , الله يسآمح هالمخ التنك .. عصبت : آحترمي نفسج غآية تلعب باظآفرهآ : شفيج الغآلية مب عايبتنج .. : آطلعي برع الميلس لا افضحج غآية ضحكت بصوت عآلي : ههههههههههههه عشتو , البيت بيت آبونآ والقوم نآشبونآ الله يغربل غاية , يودت ضحكتي لا اطلعها , جد تعطيهآ كآآآآآآآآآآش ! تعجبني هالانسآآنةة .. .. : لآ تخليني اخرب كل شي على مصعب ومهره غآية : بآلطقآق آنآ مش خسرآنه شي .. : ومهره ؟ غآية تبتسم : مآ تهمني .. آنصدمت : آنتي شو ؟ غآية : كآئن بشري .. ابتسمت غآية : هالابتسآمآت العبيطة احتفظي فيها لنفسج " وقآمت عنهآ " .. : عجبتني هاي مب سهله يبالي اخطبهآ لآخوي .. غآية طلعت وهي مغتآضه على الاخير تاخذ نفس وتطلع نفس , حسيت آنهآ لو مآكآنت بشر عآدي تطلع نآر من حلجهآ من كثر عصبيتها يآ وآحد من ورآهآ .. .. : والعثره كل هاي عصبية ؟ غآيه لفت وتطآلعه من فوق لتحت : أنت من وين طلعت لنا بعد ؟ .. : انا ريل مهره مصعب غآية بعدم اهتمآم : ويعني ؟ مصعب الشيخ مثلآ , حآلك حآلك رآجوآ اللي ينظف خيل مثايل " ابتسمت " تتحرى عمرك ريال ؟ مصعب عصب ولزقهآ ف اليدآر غآية صفعته طرآآآآآآآآآآآآآآآق وصرخت صرخةة لمت كل اللي في المزرعة خآصة انها كانت تصرخ باسم يدهآ غآية تصرخ : هذآ اللي بتزوجوه لمهره ؟ هذا الحقير اللي يبا يمد ايده علي آم مصعب افتشلت : مصعب شو اللي قاعد تسويه ؟ مصعب يبا يرمس قاطعته غآية غآية : شينك قوآه عينك بعد تبآ تبرر , تبرر شو بعد مآجآفوك بعينهم !! يدي عصب وقلبه عوره وتم ميود صوب قلبه : سلآمة يبي دوآي يدوه ركضت دآخل , كآن الموقف فضيع انا اللي قلبي عورنننننني .. : مصعب شو اللي قاعد تسويه ؟ مصعب ماقآدر يرمس غآية ابتسمت بخبث لكن سرعآن مآخوزتها عسب مآحد يلآحظهآ غآية : آنآ مآقلت لكم ان هذا مب ريال عبدالله عصب : غآية حشمي غآية صرخت : تعرفون شو ؟ انا بخبركم قصة حلوة قصيرة , الاخ مصعب موصي اخته تتصل لمهره وتخبرها انهم بياخذوهآ بشكآرة كم يوم وبيفروهآ فرت جلآبب , لانهم ليش " تقلد صوت اخته " طبقة مخملية " رجعت صوتهآ " فهمتوآ ليش ؟ الاخ مآتفرق وياه لو مد ايده ولآلآ .. غآية تصرخ : رآآآججججوآآآآآآآآ رآجوآ يا وغاية يلست تبتسم : ماشاء الله اليوم جميل غادي رآجوآ استحى : شو يريد ؟ غآية : مآسلمت على مصعب , تحريتك تبا تخآشمه ولآ شي خآلد ميود ضحكته آم خآلد : غااااااااية غآية : مشكور رآجوآ رووح رآجوآ ابتسم ورآح وهو مب فآهم شي غير انها قالت له انه حلو ! يدي بعد مآشرب دوآه شد حيله وقآل : مزرعتي تتعذركم , ومهره مآ بنعطيهآ لكم لو تنطبق السمآ على الارض ابو مصعب وآيد افتشل على الموقف اللي صار , مآكآنوآ يعرفون آن غآية هي اللي استفزته بكلآمهآ , ومحمد فرححآن وده يبوس غايه على راسها .. وبعد مآعتذروآ النآس وهم مفتشلين طلعوآ من المزرعة واخت مصعب كانت وآيد هآدية جد مفتشلة انها كانت تغتر باخوها واخر شي جي بغى يسوي ,, طبعآ مآحد بيصدق مصعب حتى لو رمس لان اللي جافوه اكبر من الكلآم اللي راح يقوله .. ام صالح بخوف : بنتي شي قالولج ؟ مهره : لآ " ودخلت دآخل " وكلهم شكروآ غآية وهي مستآنسة وتخق دخلوآ كلهم دآخل وآنآ رحت صوب غايه وحضنتها من قلب .. : مشكورة على اللي سويتيه غآية : آلعفو بس هو صدق كآن بيصفعني : ليش ؟ غآية خبرتني السالفة , مآقدرت آمنع نفسي آني اضحك زود وزود على حركآتهآ , رغم زعلها من مهره لكن مآيهون عليها تفر بنت عمها عن وآحد مآيسوى ولآ رآح يسعدهآ .. محمد هاي فرصة محمد ان يعوض مهره عن كل شي عاشته في هالفترة وهالكلآم اللي حصلته من مصعب .. مآدري كيف يابوآ رقمها واتصلوآ لكن برآيهم , آلحين مهره تحتآج لوآحد يسعدهآ صدق , آتمنى محمد يكون قد هالمسوؤلية .. محمد دخل ودق الباب ونآدى آمه وطلعوآ في القعده , عقب يدوه لحقتهم لانها خافت شي صاير وياهم وخبرهم محمد انه يبا مهره وهو يبا يملج عليها قبل لا يسافر .. بس مايبا حفلة وخرآبيط عسب الناس لا تقول انها ماصدقت تخلت عن مصعب ومآصدقت آي وآحد خطبهآ وتسوي حفلة ؟ مهره بروحهآ مآبترضى اصلآ , خبر اهله وآلكل مستآنسين ويدوه وآيد فرحت ودخلوآ دآخل لكن محمد طلع مع ربعه وقال بيرجع عقب وخبروآ مهره كآنت مصدومة ان محمد تقدم لهآ .. ام صالح قالت انها مابتغصبها بس تمت تمدح لها محمد وقالولها تصلي استخاره وترد عليهم خبر هاليومين ,, بعد ماراحت ام صالح عن مهره ياتها يدوه وتمت تنصحها مب عن الزوآج عن اشياء ثانية , مثل السعآدة , الحب , آلآمل , القوة .. حبيبتي يدوه دآيمآ مآتبآ تشوفنآ متحطمين او شي يكسرنآ في يوم من الايآم حسيت مهره قوت شوي من كلآم يدوه لهآ .. وهي صعدت الغرفة تريح ونحن رحنا برع نقعد ونسولف .. خبرنآ صآلح نتجهز على العصر عسب مآنتآخر واذا نبا نمر مكان مني مناك هم عآدي عندهم لكن نكون جآهزين الساعه 4 مب نبدا نتعدل على الاربع ومحمد موصي عبدالله يقول لنا شعره وحده مايبا يجوفها طآلعه , آلحمدآلله آحلى شي فيهم ينصحونآ مآيغصبونآ ؟ كنت آتريآ هالطلعة على آحر من جمر , مودي اليوم وآيد زين خاصه بعد مآعرفت آن مصعب ماراح يكون لمهره .. الحمدالله الحمدالله , بس ابا فرحتي تكتمل لما نعرف ان مهره موافقه على محمد ويعيشون بسعادة ابدية مثل سندريلآ وآلآمير .. |
|
| |
| |
|
06-28-2013, 11:14 PM
| رقم المشاركة : [ 28 ] |
| عضو دائم | قررت انزل تحت عند البنآت ونآديت مهره ونزلنآ كلنآ كنآ مستآنسين الا غآية بعدهآ زعلآنه من مهره ومآتطآلع فيهآ آبد لطوف : شو رآيكم نلعب صرآحة ؟ بحمآس : يلآ وقررنآ كلنآ ندخل في اللعبة ونلعبهآ .. لطوف تسآل غآية : آنتي متى بتعقلي ؟ غآية : يوم بشوفج حآمل الكل ضحك آلآ لطيفة انحرجت , آجوبة غآية غبيه وآيد .. يآ دوري اسال بشآير بس اتبهدلت مآعرفت شو اسالها لكن قلت لهآ : لو شخص عزيز على قلبج قرر انه يدخل حياتج مرة ثانية بعد مآجرحج بتسآمحيه ؟ بشآير ابتسمت : لو كآنت الاسباب مقنعه هي رديت لهآ الابتسآمة , آنآ آدري انهآ تقصد سهيل , وآدري انها تقصد ان اسباب سهيل مقنعه لكن هي مآبآيدهآ تسوي شي الحين موزة دخلت علينآ وهي مبتسمة وشآلة آكيآس استغربنآ موزة شو بتيب الحين الظهر ؟ آصلآ هي وين اختفت فججآهه ! صح انا ماجفتها لما يوآ قوم مصعب .. حتى مآكملوآ غدآهم مسآكين بسبب اللي سواه مصعب آو بآلآحرى بسبب غاية .. موزة : شسمـآهه بمنآسبةة نجآحكم يبنآ لكم آنآ ومآيد غدآ لكم كلكم وجييي ولكم ان شاء الله هديه ثانية انتوا الثلآث استآنسنآ وآيد كآنت مفآجآه حلووووة كآنوآ يايبين مشآوي وجي من صدف , حطوه وكآن منظر الاكل يشهي وآيد , وعآد لآزم تصوير عواش ولطوف وشلتها الماصخه مآخلونآ نآكل الا للانستقرام واللي بتحطه فالديبي مآلهآ وحآلتهم حآلة , كآنت موزة مستآنسة لنا .. من خلصوآ الشلة تصوير بدينآ نآكل , آلآكل مآعليه كلآم كآن لذيذ وآيد .. : مشكورين وآيد موآز تعبنآكم ويآنآ موآز : ولآ يهمج تستآهلين آكثر من جي : فديتج آنتي وفوقج آخوي الله لا يحرمني منكم موآز : آمممييين عقبهآ قعدنآ نسولف ونضحك .. يآ العصر سالت موآز بتطلع ويآنآ قالت لآ بتطلع مع مآيد , يلآ زين احسن عسب اخذ لها هديه على رآحتي بمنآسبة حمآلهآ , رحت صوب ابويه وخليته يعطيني بيزآت , وامي ماقصرت عطتني وانا اوردي عندي من قبل .. صعدت فوق وتجهزت عسب ما آآخرهم , لآن الكل كآن يجهز , لبست بنطلون وقميص ولبست عبايتي المسكرة وتعطرت على الخفيف ماسويت شي بويهي طبعآ وجهزت شنطتي اللي بشلهآ وحطيت فوناتي من الحين عن انسى شي .. ابتسمت وطلعت ورحت جفت غايه تتعدل في غرفة مهره اصلآ نحن عندنا غرف وآيد كل وآحد له غرفة في المزرعة من زود مآهي كبيرة لكن البنآت مآدري ليش ينآموآ بالغرفة آلمعطآية لي .. : مسرع رضيتي .. غآية : آنتي تعرفين آني مآزعل من هلي لكن اغتضت من كلآمهآ مهره تصرخ من دآخل غرفة الدريس : آييييه آنطبي الهنوف بالزور راضيتها لا تتفلسفي غآية : شرآيج بمحمد توآفقي عليه , آحسه رزه : آصلآ محمد يبآهآ من الله حسيته استآنس لمآ آنتي خربتي عليهم غآية لفت : شتقصدين : غآية حمود من قبل حآط عينه على مهره فهاي فرصة جميلة لهم مآلآحظتيه كيف يضحك يوم تصرخين في ويه مصعب ؟ حسيت آلود وده يبوسج على ايدج وراسج ههههههه سويتي له معروف كبير ! غآية : ويت يعني هو هآك اليوم يوم عصب جدامنا ويدي راح له مآكآن معصب عشان الشغل على قوله يدي كآن معصب عسب مهره انخطببببت , انا غبيه كيف مآفكرت فيها مهره طلعت وهي لابسه بنطلون وقميص ورافعه شعرها بآهمآل ومستحيه : آيه بسكم عآآد على الله لو صار بيني وبينه نصيب تكلموآ : وليش لآ , محمد ريآل رزه وكل بنت تتمنآه وفوق ها عليه جمآل مب طبيعي غآية : صح صدقهآ , وبعدين من العايله ومآينخآف عليج اذا انتي عنده وفي كل جمعه بنشوفج , مب هذاك اللي بيخليج بشكاره ويمكن تستوي مطوعه قوم بو قفاز وزلآغ : ههههههههههههههههههههههههههههههههه زلآغغ !!! آتخخخخخييييل .. غآية : هههههه يآحبج لهآلسوآلف يآ نونآ , آلمهم آنآ جآهزه مهره : وآنآ بعد : آنآ من مساعه حتى شنطتي في الغرفة جآهزه مهره : آنزين مع منو بتروحون ؟ آنآ وغآية بنفس الوقت : طبعآ معآج .. ابتسمت هي ولبست عبايتها ونزلنآ كلنآ مثآيل رضت تركب معانا هالمرة تمنيت موزة ويانا لكن مآيد مب راضي غصب يطلعها بروحه ويدلعها , من عرف انها حامل وهو مب مخلنها في حالهآ , فديت نبض اخوي اكيد متشوق لهاليآهل اكثر من الكل , من حقه , والله وتستآهل موزة شيخة الحريممم هاااي ماحد يسوآهآ , يلست افكككر شو ايب لها اذا انا ماعرف شو جنس البيبي من الحين ؟ قررت ايب لها بوكس واحط فيه لبس يهآلو واكتب لها دعوة طيبة واكتب اسمي تحت , جي بتكون هديتي مميزة وبسيطة مثلي .. ركبنآ السيآرة خلآص تعودت انا جدام وغاية ومثايل ورى , ما كنا نعرف تقسيم باقي السياير لان انشغلنا في السوالف مع بعض وخبرتهم عن هديتي اللي لموزة وعيبتهم السالفة وهم قالوآ بيحآولوآ يشتروآ اشياء مختلفةة وغاية مصرة الا تشتري مصآصة بلونين وردي وآزرق , مآعرف ليش ؟ وحلفت مآخذهآ , قلت لها آوك .. آمآ مهره ومثايل عصروآ مخهم وقالوا يوم بيوصلون هنآك بيختآروآ , لمآ جفنا ان سيارة محمد وصالح وعبدالله تحركت طلعنآ ويآهم وقفنآ في نص الشارع بسبب الاشارة الحمرآ , لفيت يميني انصدمت كآن وااحد كآشخ من الخآطر وفوق ها رآكب سيارة سبورتيه , هآ شكله قوو آحب السيارات السبورتيه , تميت ادقق في شكله واقول في خاطري هذا مب غريب كآنه مآلوف , سويت طآف وصلنآ آلمول بسلآمة ووقفنآ كلنا حذال بعض والآغرب ان السبورت وقفت حذآلنآ ونزل منهآ اللي رآكبنهآ .. وعبدالله سبه سب .. عيني مآخآزت عنه لكن لفيت مهره وهي تقولي اغطي شعري عدل , غطيت شعري عدل ولفيت بغيت اصرخ , هذآ ذيآب ؟ شكله غيييييييييييييييييييييير مآعرففففففتتتتتتتتتتتتتتتته آلله يغربله كيف جي ايي المول , والله ودي اذبحه , ليش يتعدل للبنآت , بغيت اصيح انا حتى مآعرفته والحين البنآت بيتخبلن علييه , جد آنه حيوآن وكلب , روحت وانا معصبه منه وتجدمتهم ولحقوني البنآت عقب افترقنآ اللي راح الالعاب يبون يصورون ويلعبون واللي راح للمشآري واللي راح لمحلآت العطور بالذات .. ذيآب لآحظ آني معصبه وهو مبتسم كآن ودي انجلط , يعرف ان ابتسآمته تذبحني لكن تخسي استسلم له الحيوآن .. طلع وآحد من ورى ذيآب , يآآآآآآآآآآآآآآربي كآنه ذيآب مصغغغغغغر نفس اللبس نفس العيون نفس آلملآلآمممح بس لآنه صغير , طآلع كيوت وآحححلى من ذيآب بوآيد .. ذيآب يمشي وهو يمشي حذآله بس هذآ الكآئن جممميل ياربي كآن خآطري اشله واحضنه , اعشق اليهآل يارب تصبرني ماروح واخطفه .. آحمد : ذياب تعال ودني الالعاب ذيآب نزل لمستوآه : حبيبي نحن ماياين عسب العاب احمد بغى يصيح : ذياااااااااب ذيآب يته الغصه : نحن شو متفقين ؟ مآنصيح صح احمد يمسح عيونه : صح ذيآب : خلآص عيل .. تقربنآ نحن من قوم عبدالله ومحمد كنت انا ومهره ومثايل وغاية .. آحمد كآن يبين انه زعلآن غآية : حبيبي شفيك ؟ آحمد استحى وانخش ورى ذياب غآية : شفيه ليش مزعلينه ؟ عبدالله : يبا يروح الالعاب وذياب مب راضي يوديه مب فاضي له لان بنروح الكوفي : عآدي نحن بنوديه عبدالله يفكر : صدق ؟ : هي صدق شوي وبنرده عادي محمد : خلآص شلوه ودقوآ لنآ لو صآح ذياب تم يوصي احمد وعطآه فلوسس ورآح مع الهنوف وهو ميود آيدهآ ويضحك مستآنسس دخلوه الالعاب وبدآ يلعب وكله يسوي لهم بآي .. مهره ومثآيل وغايه خلوآ الهنوف بروحهآ ورآحوآ يتشرون اغراض .. ذيآب : برخصتكم بروح بطمن عليه ورآد محمد : آوك لآ تبطي ذيآب رآح صوب الالعاب ووقفته بنت ترقمه وهو يطآلعهآ بآحتقآر وكمل دربه وهي بعدها تغازله ضربتني غصصصه , بنت تلآحقه وتغآزله ؟ مآتنلآم دآم متعدل كل هالتعديل , حسيت بكتمة وضيج فضييييييييييع .. ذياب قرب مني : آممم صآح ؟ لفيت : لآ " لفيت شيلتي عدل " ذيآب يلف : عيل وين البنآت ؟ : رآحوآ شوي وبيردون ذيآب : آهآ عطيته ظهري ادري انه بيعرف ضيجي من عيوني .. ذيآب : لو العب عليج جان سويت لها سالفة : شو يخصني بالموضوع تقعد تبرر لي ذيآب : لآ تنكرين يبين والله سكت .. ذيآب : يبين من عيونج آحمد قرب من ذيآب وحضنه : مشكور ذيآب حط ايد احمد على شنطه الهنوف وحط ايده فوق ايد احمد وسحب شنطه الهنوف بقوه على تحت عسب تلف وتنتبه له ولفت صوبهم احمد غطى على عيونه آونه مستحي ابتسمت له وعلى حركآته اللي يسويهآ , ذيآب حط ايده على اذن احمد وقآل ذيآب : آحبج آنتي وهم هوآمش في حياتي مآيعنولي شي " خوز ايده بعد ضرابه من احمد " احمد : شو قلت ؟ ذياب : اقول لا اتعب خالوه الهنوف وتعال بسرعة احمد يهز راسه : آنزين ذياب : ويود ايدهآ لا تضيع تبا فلوس ؟ احمد يطلع الفلوس : لآ عندي وآيد ذياب : زين " وقف ورآح " ابتسمت , آوف هالانسآن شويبا يسوي فيني , عقبها تميت العب احمد وطلعنا من الالعاب ورحنا المحلآت وخذت الهدايا اللي كنت مفكره اخذها لموزة وخذت البوكس كان جممميل وآيييد .. ونحن نمشي اعترف لي احمد ان ذياب هو اللي مط الشنطه وجي استحيت اتلخبطت مشاعري وانا اتذكر كلمه " آحبج " منه , يالله يهالكلمةة شقد كبيرة وتعنيلي وآيد اشياء خاصه اذا يات من ذياب .. بعدهآ قآلوآ آن نحن بندخل السينمآ وحجزوآ فلم , طبعآ الفلم كان من ذوق محمد وذياب , الله يعين كيف بيكون ,, هم قعدوآ في الكوفي ونحن كملنآ مشاري عقب ودينآ الاغراض السيارةة وذياب بنفس الوقت كآن طآلع عسب ياخذ تلفونه الثاني من السيآرة .. يا واحد صوبي انا ومهره وتجدم لي وهو ماد كلينكسة تيبست ها شو يبا .. : خذيها , يمكن تحتاجيني عقب سكت عنه يالله شهالبلوه .. وبعدها بكل وقاحة قرب مني وفتح ايدي وحط الورقة فيها وهو مبتسم , كنت بس اطالع عيونه , كنت ارتجف شو اللي يسويه هالغبي سحبت ايدي بسرعة وطآحت الكلينكسة وقرب ذيآب واتحرطموآ مع بعض وروح الريال خيفان من ذياب , انا اللي خفت من ذياب , ذياب شو بيقول عني الحين ؟ كان خاطري اصفع عمري على الحركة اللي سويتها كيف سكت عنه , يمكن من خوفي ماعرفت شو اسوي لكن ذياب اكيد بيفهمني , مهره سحبت الاغراض وراحت وركبت السيارة حسيت ان شي مب زين بيستوي .. ذيآب بنرفزه : وبكل بسآطة يفتح ايدج ويحط الورقة , آنتي شو من البشر ؟ وتقولين آجرحج لا بنت رقمتني وانا ودرتها !! : آآ ذيآب لآتظلمني انا كنت ذيآب : شو كنتتتتتتتتتتتتتتتي ؟ لآ تقوليلي كنتي بتفري الورقة لان لو كنتي بتفري الورقة جآن سويتي جي من البدآية مب تريتي لين مآ آنآ يت .. هذآ مب عذر , ولو سمحتوآ دخلي انتي وياها داخل بسرعة ! طآوعته تريت مهره لين بندت السيارة وسكرت الدبة ورجعت صوبنآ , كنا نمشي وهو ورآنآ كآن وايد معصب وزعلآن , بس مآبين جدام عبود او الشباب ان هو جي , دخلنآ السينمآ وآنآ مب متهنيه اببببد بالفلم ولآ آندمجت فيه ولآ حسيت باي حد صوبي كنت احس بضيج وكتمه من اللي صار .. اكيد ذياب زعل مني وايد لكن انا شذنبي والله والله ماكنت ابا رقمه ولا كنت اباه بس كنت خيفانه من جي مايتني ردت فعل سريعه اني آصده .. خلص الفلم بعد المغرب بشوي الكل طلع مستآنس من الفلم حتى ذياب يمثل انه مستآنس الا آنآ كآن ويهي معتفس ويبين على ويهي , مهره حست آن ذيآب ضايقني بكلآمه لكن انا نفيت هالشي وقلت لها اني كنت متضايجة من روحي .. طلبنا عشنا من ماك وخذت لمواز يمكن خاطرها وردينآ , من اول ماركبت سيارة مهره وانا مب قادره انطق باي شي , احس بغبنه , شقول , شبرر , ذياب زعل مني احس الدنيا مسكرة في ويهي , تميت استغفر مليون الف مرة .. غآية بخوف : نونآ راسج يعورج ؟ : هي غآيوه مثآيل : بسم الله عليج تبين بندول ؟ : مآبآ بندول مهره سآكته ماحبت ترمس بالموضوع جدام البنآت , وصلنآ آلمزرعة ومن آول مآوصلت سيدة رحت الغرفة حتى العشا اللي طالبين لي اياه ماكليته , الكل كان متجمع تحت الا آنآ .. كآلعآدة لازم اكون مختفية .. محمد : وين الهنوف ؟ يدي انتبه اني غايبه : هي وين ضنآي ؟ ليش مب قاعده ويآكم لآيكون مزعلينهآ ! عبدالله : غآيه قومي نآديهآ غآية ركضت فوق ودقت الباب وصرخت : يدي يقول لو مانزلتي عندنآ آلحين بيج بالقب المنقعه بماي وملح اعرف انها تجذب , اعرف ان يدي يباني تحت لكن الكلآم الباقي تزويد من عندهآ عسب انزل بسرعة , لبست جلآبية بيت بدل البنطلون والقميص وحطيت على راسي الشمد ونزلت , مآدري ليش يدي شاف ان ويهي اصفر مع اني طبيعيه يدي بخوف : منو مزعلنج ؟ شقولك ؟ آني آحب ذياب بس كله مشآكل بيني وبينه يا هو يزعل يا آنآ تنهدت : ولآ شي يدي ولآ شي يدي : قولي تعبانة انزين ؟ .. : صدقني يدي مب تعبآنة .. يدي يطآلع عيوني حسيته ارتآح نص نص , غمضت عيني , يدي يعرف اني مخبيه عنه شي لكن مابا ارمس , مآقدرت اقوله اني زعلآنه واني متحطمه غياب ذياب وزعله مسبب لي آزمه نفسيه كبيييييييييييييرة , ليش هو جي سوآلي ليش هو جي آحرجني جدام مهره , آكيد الحين بتعرف اللي بيني وبينه , قعدت اوسوس , انا مابا مهره تعرف , واذا عرفت .. انا ماخبرت حد يعني مابا حد يعرف , لكن مهره شو سمعت من آلكلآم اللي انقال يوم كآنت بالسيارة ؟ يا ترى سمعت شي .. سمعت يدي يقرا قران ومحطي ايده على راسي , بطلت عيني بشويش وانا احس بتعب , آقرى يا يدي اكثر واكثثثر , اقرى على هالرووووححح , يالله يا يدي صوتك العذب يريحني لكن انا زعلآلآنننننه يآ عآلمم خلوهه يرضى .. لآحظت هو كيف مهتم يوم جآف آني صدق تعبت من اللي صار , بس هو يكآبر .. حتى نظرة عيونه قاسيه تحسسني انه زعلآن آنه مكسور , وآنه وآيد آشيآء , رن تلفونه وانا عيني بعدهآ معلقه عليه مآهمني منو يطآلع ومنو بيلآحظ نظرآتي اهم شي هو , هو الدنيآ ومآفيهآ .. ذيآب تنهد : متآكدين ؟ آهآ آنزين يلآ آلحين يآي , لآ ولآ يهمكم , آوك , مع السلآمة " بند وآطآلع محمد " آنآ بروح عمي تعبان شوي ولازم اخلص معاملات وآيد بدآله " قآم ورآح الغرفة وبدآ يرتب اغراضه .. ليش احس روحي بتطلع اذا ذياب طلعع , كآن ودي اصرخ واقول ذيآب انا احببببك لكن سكت مخنوقة وانا اجوفه يطوف جدامي وهو شال شنطته , الكل ودعه الا انا بس كنت اطالع نظراته اما انا نظراتي كانت تدل على اني اسفه واني ماباه يروح لكنه ابتسم للجميع وطلع .. وبطلعته طلعت روحي وتعبت اكثر .. ! |
|
| |
| |
|
06-29-2013, 12:12 AM
| رقم المشاركة : [ 29 ] |
| عضو جديد | رووووووووووووووووووعه
__DEFINE_LIKE_SHARE__
|
|
| |
| |
|
06-29-2013, 12:29 AM
| رقم المشاركة : [ 30 ] | |
| عضو دائم  | كمليييييييييييييي والله طررررررررررررررررررررر ياخي عيبني ذياااااااااااااااااااب خلاص حجزته ونونا فديتها احسها وواااايد تعاااااني والله حرام ومهوررررررررر حمدلله م اخذتت مصعب اف شهالناس وححمود ان شاء الله يسعد مهور وغايو حبيبتي هالبنت احبها ياخي هي شراتي تسوي جو ف البيت واليد واليده حبيتهم ياخي احس انهم صج موجودين حقيقين ياخي نصايحهم حلوووووووووووووووووووه وتسلمين ع هيك بارت يجن شراتج واهم شي انا قريت رواياتج الاولى والثانيه وهذي الثالثه كل رواياتج تجنننننننننننننن ونتريا البارت الياي
__DEFINE_LIKE_SHARE__
| |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري | alna3ma | عدسة الاعضاء , كاميرا الاعضاء | 34 | 07-23-2011 03:03 PM |
| شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد | porshcia | عدسة الاعضاء , كاميرا الاعضاء | 12 | 08-10-2010 12:26 AM |
| شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ ! | * мя. άl-мansooᴚi | سيارات و دراجات | 13 | 12-11-2009 07:40 AM |
| .،|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ |/.، | « ݕڨـﭑﯦﭑ בـطٱم ™ | المسنجر وملحقاته , توبيكات , ماسنجر بلس , msn | 69 | 07-13-2009 02:18 PM |
| { ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري | alna3ma | عدسة الاعضاء , كاميرا الاعضاء | 14 | 04-17-2009 09:49 PM |
الساعة الآن 12:18 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227