ۈش رجعگ لآيگون قلبگ يۈم حس آنہ جرحني آۈجعگ ؟ - الصفحة 95

3eƏπ ɑ̠lмɑ̠ƗƗɑ̠ ♥ · 11-23-2013, 10:49 PM

المشاركة الأصلية كتبت بواسطة شما المنصوري 7

البارتين يجنون الصراحه وايد اندمجت معاها احسس انيي من الروايه< وايد عايشه الجوو

اما روضه افف وايد مقهوره عليها اكرهه هالشي

وها عبدالرحمن علي شو شايف نفسسه ؟؟

وهنوف وذياب ثنائي جميلللل

واتربا الباررررتتتت

آنتي اللي تجنين بطلتج على الروآيةة فديتج . .

تسلمين فديتج لكتآبةة رآيجج بالشخصيآت

آتمنى طلتج المميزة تدوم فالروآيةة للآخير

آنرتي / كوني بالقرب دآئمآ جميلتي ~

المشاركة الأصلية كتبت بواسطة روحي مشتاقه

متى البارت ؟؟

- اليوم / بعد نص ساعه .

المشاركة الأصلية كتبت بواسطة عيناويه ططر

تأخرتي الغغلا

مب بآيدي وآلله ’(

شوي وبنزلهه

المشاركة الأصلية كتبت بواسطة Shamma_HA

Waiting ☺️

’)

المشاركة الأصلية كتبت بواسطة AmnaBS

Come on we're waiting😔💔.

I now wallah

آلسموحه تآخرت لكن مبب بايدي

شوي وبنزلهه

- آلسآعه 11 ونص ان شاء الله آلبآرت بينزل . .
+ لآ حد يرد عسب البآرت ينزل في صفحه وحده !
__DEFINE_LIKE_SHARE__

juntel · 11-23-2013, 11:24 PM

-صورتها وهي تتريا الكاتبه تنزل البارت- __DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 11-23-2013, 11:33 PM

المشاركة الأصلية كتبت بواسطة juntel

-صورتها وهي تتريا الكاتبه تنزل البارت-

هههه ي حيآتتتي

يلآ آلحين بنزله

+ لآ ححححد يرد الحين بنزلهه ’) ~
__DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 11-23-2013, 11:34 PM

آلبآرت آلسآبع عشر ..

طلعت عن ذيآب , حسيت بفرحه مآتنوصف وآلله , صعدت فوق بدلت ثيابي لبست مغربي لونهآ كحلي وفيهآ ذهبي , عدلت شعري شوي , الخصل اللي طاحت رفعتها , وعلى طول حطيت شيله على كتفي ونزلت عند خالوه ام ذياب وشمسه ..

آم ذيآب باست راسي : مبروك حبيبتي

آنحرجت : الله يبارك فيج

شمسه ابتسمت بتعب : مبروك حبيبتي الهنوف الله يسعدج

: آلله يبارك فيج , آمين , مشكورة

آم عبدالرحمن تطآلع آمي وقالت : وين عيل بنتنآ مآيآت ؟

قمت : بنآديهآ وبي " وعلى طول طلعت "

تميت ادور روضة مآلقيتها خفتهآ تهورت ورآحت سوت لها شي مني منآك , صعدت فوق لقيتها قاعده وعبدالله قآعد يرمسهآ , كآنت محمره آكيد معصبه , شوي وبتنفجر ..

روضة معصبه وتطآلعه : يكفي انا جبرت عمري عليه عشانكم , لي هني وبسس فاهمين ولآلآ

عبدالله لف ومآنتبه لي ولف يطآلعهآ : روضة الله يرضى عليج لا تنرفزيني وتوطي راسنآ ف الارض احترمي نفسج وانزلي

روضة : عبدالله , روح من هني ماباك تكلمني انا تخسي ارد له فاهم ولآلآ !

عبدالله يا صوبي وقال : تفاهمي وياها لو تميت معاها زياده بكفخها " ورآح عنآ "

دخلت : روضة شو اللي قاعده تسوينه ؟

روضة معصبه : مآيخصج , شعليج خذتي الانسان الزين وبيخليج تآج على رآسه , مب انا واحد من آولهآ يقولي شيفه ومادري شو

تميت ساكته عقب قلت : آنتي اللي سكتي عن هالوضع , كآن بآمكآنج ترفضي , تخبري يدي

روضة لفت ونزلت دموعهآ : وآبوي وكلمته !! , كل شي يدي يدي , انا كنت ابا اقول ليدي اني مابببببآآآ لكن يدي قرر " صرخت علي " تبين اكسر كلمممه يدي يا الهنوفففف , انا صغيرهه , عمري مآتعلمت كيف اجادل اللي اكبر عننننني " صرخت اكثر " آنآ مب مثلج على كل شي ادافعين عن حققققققججج " اشرت على قلبهآ " هننننني يععععورنننننني مآقدررر , اخاف اقول كلمممة وانزل راس ابوي بالحضيض .. " صرخت " كله منج ليش مآرفضتي ليش مآدآفعتي عني " صآحت " ليييش يالهنوففف ليييش ؟

قويت قبضه ايدي وقربت منهآ تميت اطآلعهآ ولمآ رفعت عينهآ آطآلعني صفعتها طرآققق بكل مآ ملك من قوه , انصدمت مني تمت مبهته ورفعت ايدهآ وحطتهآ على خدهآ من كثر الالم اللي كآنت تحس فيهآ .. دزيتها على اليدآر ورحت يودت كتوفهآ بقققوهه ..

صرخت عليهآ : لمآآآ رفضضضضت نزلتتتتي راسي بالحضيضضض رحتي قلتتتتي لابوييييه آنج رآضيه " عصبت " آنآ كنت بوقف معآج , حتى فيييي ويهه يدي كنت بوقف عشان سسععآدججج " طآلعتهآ " آنتي جببببآنننننه , اذا اتظني ان بسكوتج بتمين مستآنسه " صرخت اكثر " هذي نتيجته افعآلج وكتمآنج وانج تقعدين بغرفتج " ابتعدت عنهآ وقلت بصرخه سمعت فيهآ الكل " رآضية باللي يصييييير الححححيييييين رآضضضضيههه ؟؟؟ ششششو الفآييييده الحين تسمعععيينيي صصصصوتج وتعآندين ف اهلللج , مب انتي ماتبين تكسرين كلمتهم " اشرت على الباب " طلعععييي , يلآ مثلي دور القوية اكثثثر , روححححيي .. شو الفففآيييده الحين تعآرضيييين شو تبييين ينكتب ف جوآزج آنج وحدهه مطلققققققة !!

صآحت وهي تطآلعني : الهنوف انا خيفآنه

حضنتهآ بقوه : آصحي على عمرج , وتآكدي اني دوم ويآج يآ روضة بس لآتكوني بهالضعف ..

آنهآرت : كيف اكون قوييية كييف وهالحقير ناشب ليي , خرب لي حيآتتتتتتي !!!

رصيت في حضنيي : آششش عدلي مكيآجج وخلينآ ننزل .. بعد مآيروحون ردي صلي واقري قرآن بترتآحين

مسحت دموعهآ وقالت : لآ تخليني

: مآبخليج

قآمت عني : آلحين بنزل

آطآلع عيونهآ : كثري المسكره عسب لايبين انج صايحه

روضة : ان شاء الله " مسحت دموعهآ ومشت بطى لمرآيتها وعدلت مكيآجهآ على السريع ونزلت وياي " ..

.

.

ذيآب طلع من الميلس ورآح صوبه وشآفه سرحآن : سعود شفيك ؟

سعيد تنهد : متضايج ..

ذيآب رفع حيآته : من شو ؟ بسم الله اليوم ملجه آخوك وآنت جي عابس

سعيد : ذيآب سآلفة طويلة خلهآ على ربك .. عقب اذا تفيجت بخبرك

ذيآب : آلحين خبرني

سعيد : لآ روح عند آخوآنهآ آنآ بقعد هني برع بشم هوى عقب بي

ذيآب : آكيد ؟

سعيد : آكيد , لآ تحآتي يعني وين بروح وانا امشي بريل , توكل

ذيآب : آوك مآرآح آتآخر " ورآح عنه دآخل ف الميلس عند الريايل " ..

سعيد رآح على اقرب كرسي وقعد : يآربي شو اسوي , كيف الحين آخبرههآ آو اآبرر لهآ " مسح على ويهه " صعب موقفي وآيد

ذيآب دخل وسلم على عبدالرحمن وبارك له .. خآلد كآن توه يآي ومتغير شكله حآلق وكآشخ , سهيل آنصدم لمآ جآفه !

سهيل قآم ورآح صوبه : تخبلت

خآلد : شفيك ؟ ملجه ذيآب كيف مآكشخ ؟ وبعدين ملجه بنت عمي " دزه " روح خلني اسلم

سلم عليهم كلهم ولمآ وصل صوب عبدالرحمن مد ايده وسلم ورص على ايد عبدالرحمن وتم يطآلع عيونه عقب فتح ايده ورآح صوب ذياب ..

خآلد : والله وكبرنآ ..

ذياب : ههههههههه مآلت عليك , من يومي انا اعقل واكبر منك

خآلد : وآيد صدقت عمرك !

ذيآب : آحم آحم , اصلا مآحد قدي اليوم معرس اليوم تودوني وتعشوني

خآلد : خلآص تممم

ذيآب : آوكيه فمطعم رآقققي

خآلد ياشر على خشمه : على هالخششم , ومب بس انت كل الشبببابب لعييونك معرسنننآ

ذيآب : من متى خلود كريم ؟

خآلد : جببب من يومممي

قعدوآ يسولفوآ وخآلد حآول يتآقلم معآهم عسب مآيتذكر الشي وينعصر قلبه آكثر على حبيبه قلبه اللي صارت في هاليوم ملك شخص ثاني ..

.

.

مهره : غآيوه اقولج فجيييه شويي

غآية تشرب الماي ومسويه لهآ طآف

مهره شوي وبتصيح : عورلي شعريي بطليه يالحمآآآررررهه

غآيه وطت الماي وبطلت سوآرتهآ عن شعرهآ : ارتحتي الحين ؟ صدعتيني حتى المآي مآنعرف نشربه مثل النآس !!

مهره : هههههه مآلت عليج بدل لا تي تسآعديني مشغولة " تسويلهآ مآلت " آهم شي بطنج بالحيآة !

غآية طلعت وطبتهآ مهره صبت لهآي مآي وقعدت تشرب فجآه سمعت صوت من ورآهآ

: محلوه وآيد !

مهره رصت على الكوب واستحت تلف , مآتوقعت آبببد ..

محمد يآ من جدآمهآ وقعد يشوفهآ : آستآذنت منهم عسب اشوفج لآ تحآتين

مهره افتشلت : ليش مآخبرتني آنك بتي ؟

محمد : اكيد بحضر يعني ملجه آخوي وحبيبي وصديقي يعني المفروض اكون آول الناس هني !

مهره آطآلعته : آقصد ليش مآخبرتني آنك بترجع الاآمآرآت ؟ ليش عرفت من مآيد مب منك ..

محمد قرب منهآ : مآ علينآ , كل شي صار بسرعه , انتي مآبتتحسسين من هالموضوع

مهره : لآ مآتحسست بس تمنيت تكلمني وتقولي

محمد : خيرهآ بغيرهآ , شخبارج ؟

مهره : بخير وآنت شخبآرك !

محمد : آلحمدآلله

أحمد آخو ذيآب دخل يركض وسكر باب المطبخ ورآه : حلآميه يأين " ورآح ينخش تحت الطآولة "

الهنوف لبست شيلتها لمآ سمعت صوت فالمطبخ بطلت الباب وشافتهم : ماشاء الله عصافير الحب هني , شفتوآ آحمد آخوآ ذيآب ؟

آحمد يطلع من تحت الطآولة : آحمد مآحد لوحيي , حلآميه وحده

الهنوف رآحت وسحبته وشلته وقعدت تقرقطه : هالحرآمية بتعطيك حلآلآلآلآوة

آحمد : حوآوآه !!! " حضنهآ " لا تنذليني .. " آطآلع محمد ومهره وغمز لهم ورآح ممع الهنوف "

مهره : ههههه حبيبي ربي يحفظظه لآهله

محمد : آمين ويحفظج لي

مهره افتشلت وحطت كوبهآ على طرف : آنآ بروح " ورآحت على طول " ..

محمد قعد يطآلع كوبهآ اللي مهره خلته من ورآهآ , كآن متروس مآي يعني مآشربته , رآح شآف وين هي مطبعه روجهآ ابتسم وشرب من الطرف الثاني ..

.

.

برع البلآد ..

عذآري تدور ف آلسده ومآلقت الفايلآت بغت تتخبل نادت على النيرس تدور ويآهآ لكن للاسف مآلقوآ شي .. عقبهآ طلعت النيرس وردت عذآري تدور بين آلآورآق .. !

آم فهد دخلت عليهآ : شو تدورين " طلعت الفآيل " هذآ ؟

عذآري لفت وتطآلعهآ وعصبت : منو سمح لج تدخلين مكتبين وتاخذين فايلات المرضى عندي ..

آم فهد : آنتي تعرفين آني آقدر آوديج بدآهيه , لآنج خبيتي هالشي عن فهد ..

عذآري : آنآ مآخآف الا من اللي خالقني فاهمه ولآلآ , وهالشي لمصلحه نوف !!

آم فهد : آنآ بس ابا منج شغلة

عذآري : مابسوي لج آي شي

آم فهد كملت كلآمهآ : آبيج تقولييين لفهد آن نوف حآمل من غيره .. لآ آكثر ولآ آقل

عذآري بطلت عينهآ : آييييه آنتتتي شو تخربططييين " صرخت " على جثتي اخون الآمآنه والقسم اللي اقسمته بهالمستشفى ..

حمد يآ من ورى آم فهد ومط الفايل بقوه وقال بتهديد : لو مآطلعتي من هني انا اللي بسود عيشتج " عصب اكثر " ولو شفتج مقربه صوب حرمتي بعد اليوم بخليج تشوفين نجوم الليل بعز الظهر فآهمه ولآلآ

آم فهد : حلو وآلله , آفلآم حب وقصص في المستشفى تصير , آنآ بخبر فهد

عذآري عصبت : آلدرب اللي تودي روحي خبريييه .. !

آم فهد طلعت وهي تفكر كيف تنتقم من نوف وتبعدهآ عن ولدهآ عسب يتزوج وحده ثانية ..

عذآري تيود رآسهآ : حمد شو اللي يآبك ..

حمد طلع تلفونهآ : نسيتي تلفونج بالبيت قلت بحآتيج , تآخرت لين طلعت قلت بمرج آول , مآتوقعت في نآس بهالحقآرررة , خل تولي لا تحرقين اعصابج عليييهآآ ..

عذآري قعدت على الكرسي : حمممد هالعيوز مب هينه وآلله بتسوي شي يفرق بين نوف وريلهآ ..

حمد رآح وقعد فالكرسي اللي مجآبل عذآري : روقي , مآبطلع الا وآنتي مبتسمه

عذآري : حممد

حمد : قلبه

عذآري افتشلت : تستهبل وقت هالكلآم الحين ..

آندق الباب ودخلت وحده ..

عذآري قآمت : اهلين نوف فيج شي ؟

نوف تصيح : كآنت عنديي , خوفتننني قامت تقول كلآم قوي .. تقول آني خآينه , وآننني مآستآهله , وآنهآ بتفرقنآ بس انا ماعرف منو تقصد ؟

حمد مآطآلع نوف ابد لكن عوره قلبه على هالمسكينه اللي حتى ريلهآ مب متذكرته ولآ ولدهآ ..

عذآري رآحت صوبهآ : خلآص لا تصيحين , هاي وحده عيوز رآعية مشآكل

نوف ابتسمت : منو هاي العيوز ؟

عذآري تنهدت : نوف روحي غرفتج شوي وبيج

نوف : آنزين " ورآحت "

عذآري : وآنت روح شغلك

حمد : خيبه هذا امر ولا شو ؟

عذآري : هههههه لآ بس عسب ماتتاخر اكثر ..

حمد : لو يات مرة ثانية كلميني

عذآري : آن شاء الله

حمد قرب منهآ وباسهآ على خدهآ : يلآ مع السلآمة

عذآري مستحيه : مع السلآمة

.

.

ظآهر : ظبيه , نشي وصلنآ ..

ظبيه تيود ولدهآ وتعدله عسب لا يتعور : الله يهديك ضروري كنآ ني الآمآرآت ؟

ظآهر : اليوم ملجه وآحد آعرفه من جي يت , وبعدين احسن آن يينآ افكر استقر هني تعبت وانا اروح وارد

ظبيه مسحت على عيونهآ : آنزين يلآ " بطلت الحزآم "

ظآهر رد لبسهآ : هدي اعصابج , الحين بتنزل الطيآرة

ظبيه عطت آخوهآ ولدهآ وقآمت رآحت الحمآم *عزكم_الله* ..

ظآهر رقده على صدره وغفى ويوم هي ردت وشآفتهم ابتسمت وقعدت مكآنهآ , مآفدرت تشل جرآح عن ظآهر عن يقوموآ بآثنينهم ..

ظبيه تهزه بخفيف : ظهور , ظهور نش وصلنآ

ظآهر : مسرع نزلنآ

ظبيه : اصلا قربت تفضى الطييآرة , عطني جرآح وآنت نزل الاغراض

ظآهر : يلآ

نزلوآ من الطيآرة وخلصوآ آمورهم من المطآر ورآحوآ وحجزوآ لهم شقه , كآن ودهم ينآمون لكن ظآهر اصر الا يروح يبارك على ذيآب .. وقال لاخته تتجهز بيوديهآ ويآهآ ..

ظبيه : ظآهر استحي انا ماعرف هالناس

ظآهر : مآبنتآخر يلآ نشي

ظبيه : آممم آنزين ..

رآحت ظبيه بطلت شنطتهآ وطلعت لها دريس طويل لونه وردي ورصآصي , دخلت سبحت على السريع ولبسته , طلعت شنطه مكيآجهآ ورسمت عينهآ كآمله , وسوت لها روج وردي خفيف ورفعت شعرهآ بآهمآل ونزلت منه خصل ونزلت قصتها , رآحت صوب ولدهآ وبدلت له لبسه كآمل وعطرته وتعطرت هي ولما طلعت انصدمت , كآنت من زمآن مب شايفه ظآهر بهالكشخه كلهآ .. كآن متغتر ولآبس كندورة بيضه , وريحه عطره شآله المكآن ..

ظآهر لف يطآلعهآ وصفر : آييه شو هالجمآل من ورآنآ

ظبيه استحت : يلآ خل نروح مانبا نتاخر

ظآهر : يلآ

ظبيه دخلت وطلعت لها عبايه زينه مب وايد متكرفسه ولبستهآ وتحجبت , شلت ولدهآ وطلعت , قفل ظاهر باب الشقه وركبوآ تكسي ..

ظآهر يبطل البطآقة ويبدلهآ ودق لسهيل : هلآ وآلله

سهيل : ظهههوووررر آنت بآلآمآرآت ؟

ظآهر : هي والحين ياي ملجه ذيابو ..

سهيل : آححححلف " آستآنس " زين عيل بنترياك تعال بيت عمي بو مآيد

ظآهر : تمآم , بكلمك من آوصل

سهيل : تمآم , مع السلآمة " بند "

خآلد : منو متصل ؟

سهيل : ظهور الحين ياي

محمد وذيآب لفوآ : يآ من لندن !!!

سهيل : هي عشان يبارك لذيآب

ذيآب اونه خق : شفتوآ كيف انا شخصيه , آلنآس من لندن تيني

خآلد : مآلت عليك آي شخصيه آي خرآبيط تراه ربيع سهيل اكيد بي يبارك لك دام اندمج معانا

ذيآب : ههههههههه انته جب غصب تحبطني ؟ خل احس بهالشعور يلآ منآككك

بعد دقآيق وصل ظآهر هو وآخته ونزلوآ وتموآ وآفقين عند الباب ..

ظبيه : ظآهر يود شوي جرآح

ظآهر شله عنهآ , وهي سكرت فصم عبيها زين وتحجبت وتغشت ..

ظبيه : الحين عطني له

ظآهر : تفضلي

ظبيه ابتسمت من تحت غشوتهآ , وظآهر دق لسهيل وطلع لهم وانصدم لمآ جآف الياهل والحرمه ..

سهيل زعق : يآلخآيسس يالخووآنن عرست من ورآي

ظبيه ضحكت بصوت غير مسموع

سهيل : وانا قلت ان الياهل يشبهك وزعلت , قسم بالله انك حقير

ظآهر : خيييبهه هد اعصصصصآببببببببك , هآي اختي وهذا ولدههآآ شفيك انت مرة تفهم كل السوالف غلط !

سهيل افتشل وقرب من ظآهر : من صدقك ؟

ظآهر : هي يلآ دخلنآ

سهيل : يلآ تفضلوآ .. " ودخلهم واشر لها وين مكآن الحريم وهي راحت عنهم " ..

ظبيه فصخت غشوتها لمآ وصلت صوب ميلس الحريم وبطلت شوي شيلتها وطلعت قصتهآ , دقت الباب وتريت حد يفتح عنهآ لآن استحت هي تفتح بروحهآ وتدخل , طلعت لها غآية ..

غآية مستغربه : آهلين آختي

ظبيه : آممم آآ ..

غآية : هآ الولد يقرب ل ظهور ربيعه سهيل , آنتي المربيه مآلته ؟

ظبيه : هههههههههه آنآ آمه , انا اخت ظآهر

غآية افتشلت : وآآي ويهي , سآمحيني والله مآعرففففففففففففففففتج , حيآج حيآج تفضلي

ظبيه دخلت وسلمت على كل الموجودين وقعدت في طرف كآنت مستحيه تندمج معآهم , لطيفة آو مآيآت , يآهآ فضول تعرف منو هاي اللي شاله الولد اللي كان مع ظآهر ف لما سالت غايه خبرتها وراحت تقعد صوبهآ ..

لطيفة : شحقه مستحيه ترى عادي

ظبيه : آممم مآعرفف احس اول مرة اشوفكم من جي

لطيفة : ولدج عسل ماشاء الله شو اسمه ؟

ظبيه : جرآح

لطيفة : وآآآي يخخبل اسمه ربي يخليه لج

ظبيه استحت : آميين

شوي شوي كلنآ آتجمعنآ صوب ظبيه والحريم رآحوآ مع بعضهم وقعدنآ نسولف ..

: ليش خليتي ولدج كل هالمده عند ظآهر , رغم آنه قال لسهيل انه مآيعرف هالياهل ولد منو ؟

ظبيه تآلمت : آلظروف كآنت اقوى مني

: آوييه لا تزعلي مني والله مب قصدي

ظبيه اطالعتهم وابتسمت : لآ وآلله عآدي ادريبج بس تبين تعرفين فضولية , هممم , آبوي وآمي لمآ مآتوآ , دخلت انا في غيبوبه وقالوا ل ظآهر ان مامني امل وانا خلاص ميته سريريآ , بس بعد مآقمت , مآدري شو اللي صار كان ظاهر مب وياي ومرت آبوي زوجتني واحد بدوي ماعرف اصله ولآ فصله , كآن زين وياي بس من رحنا برع واستقرينآ كلنآ هنآك قآم يلعب لعوبه , طلقني ورفض انه يدفع مصآريف اليآهل آو يتعب عمره عليه ومرت ابوي كانت زطيه ماتعطيني وانا ماشتغل , فآخوي الثاني كان يصرف علينآ وماتحمل انه يدفع عن الياهل , خفت لآ يشلونه ويفرونه عند حد ثاني , بعدهآ بفترة اكتشفت آن ظآهر موجود , حآولت ابين له لكنه كان يرفض يكلمني بكل الطرق , فآتفقت مع كم وحده على اساس ان هالولد يكون لكيت لكنهم يحطونه صوب باب شقه ظآهر , وبجي ظآهر اعتنى بولدي , وهآك اليوم لمآ جفته خبرته كل شي ..

عوورنننني قلبي عليييهآآ ..

لطيفة : بس كيف ظآهر صدقج ؟

ظبيه : كآنت عندي صوره يوم ياهل وكنت انا وياه , نحن مآتغير شكلنآ وآيد وهو يعرف ملآمحي واسلوبي من جي صدقنني ..

لطيفة : وييه الله يعينج تعذبتي وايد

شمسه : ارحموآ البنت شوي عيب عليكم

ظبيه : هههههههههه عآدي ..

مهره شلت جرآحح ويلست تبوسه : فديييتتتتتت العسسسسسسسسسسل , علننني مآخخخلآ من هالششوففففهه ..

: آنزين آنتوآ شو بتسون الحين ؟

ظبيه : ظآهر يقول آحتمآل نستقر هني

غآية : ونآسسسه يعني بنشوفج

ضربتها على راسهآ : آنتي جب , من الله بعد فترة بتسافري

ظبيه : وين مآشآْء الله ؟

غآيه : آنكلترآ , بكمل درآستي هنآك أنآ ومثوله

ظبيه: هي ماشاء الله , " افتشلت " صح منو العروستين هني ؟

غايه تاشر علي واستحيت : هآي وحده والثانية بعدهآ مآيآت ..

روضة دخلت وسلمت على ام عبدالرحمن وقعدت تسولف ويآهآ ..

غايه تاشر على روضة : هاي الثانية

ظبيه : تستآهلون آلخير , مبروك حبيبآتي الله يتمم لكم على خير

مهره : تعآلي نحن من الصبح نسولف وياج ولآ نعرف اسمج , سآمحينآ لهتنآ آلسوآلف ..

ظبيه ابتسمت : آسمي ظبيه .. !

لطيفة : وآنآ لطيفة , وهاي غآية , وهآي مهآري , وهاي شموس , وهاي آلهنوف , وهذيك روضة , واللي هناك مشاعل وعواش وآيمآن .. وهاي مثايل .. !

ظبيه : ماشاء الله عآشت الاسامي جميعآ

لطيفة : عآشت ايامج وسنينج

ظبيه ابتسمت تدور يمين ويسآر : آويه نسيت تلفوني بالشقه !

لطيفة مدت تلفونهآ : تفضلي اذا حبيتي تتصلي لحد

ظبيه افتشلت : المشكلة مب حآفظه رقم ظآهر .. خلآص مب مشكله , بطلع بعد شوي بشوف لو بيروح ولآلآ .. !

يدوه دخلت وهي متضايجه ومعصبه , تمينآ سآكتين ..

قمت : يدوه وين كنتي ؟

يدوه قعدت : رحت اشوف حلالي ويت

غايه : هذآ وقت حلآلج الحيننن بنآتج آهم ؟

يدوه عصبت : صخخخي انتي نفس مآبآ آسمع منج

: يدوه حبيبتي شفيج معصبه ؟

يدوه : هزبت الهندي مال المزرعه هزآب مسود الويهه , رآقد صاير مخيسه رقاد ومايطالع حلالي انا برآويه شغله هذا الهرم

: خيبه لايكون ضربتيه ؟

يدوه : نصور مآخلآني ولآ جآن رشيته اسود الويه , هذا دواته الزود مب بس هزآب

: ألحمدآلله

غايه راحت وصبت ليدوه قهوه وعطينآهآ , طبعآ آم ذياب تعرف طبع يدوه ف سكتت اما ام عبدالرحمن كآنت مستغربه !!

يدوه : منو هالغوي اللي وياكن ؟

ظبيه استحت ورآحت سلمت عليهآ : آنآ ظبيه خآلوه

يدوه : هيي منو ظبيه بنت منوو ؟

ظبيه : بنت محمد آلـ ****

يدوه : والنعمم , منو آخوج ؟

ظبيه : ظآهر

لطيفة : ربيع سهيل اخوي ..

يدوه : آيوآ وآلنعم نزلن اتقهوين !

لطيفة : آن شاء الله

ونزلوآ كلهم وظبيه نزلت وحطت ولدهآ في حضنهآ ..

يدوه : هذآ الغآوي ولد منو ؟

ظبيه استحت : ولدي خآلوه

يدوه : آييوآ معرسه عيل , زين يا بنتي الله يطرح فيه البركة

ظبيه : آن شآء الله

وقعدوآ يسولفوآ ويتقهويوآ عقب ظآهر طرش سهيل يخبرهم ان هم بيروحون عسب ظبيه تطلع وفعلآ تحجبت وسكرت فصمهآ وطلعت ورآحوآ هم بيتهم يريحون والباقين قعدوآآ كملوآ سوآلف , وذيآب طلب رقم الهنوف من عبدالله وعطآه آمآ عبدالرحمن فمآطلب شي لان اوردي عنده رقم روضة ..

.

.

برع البلآد ..

حمدآن يتمشى بين الممرآت وقرر انه يروح ويشوف سوآف بلآه , ولمآ دخل مكتبه قاله : سوآف

سيف : هلآ

حمدآن : شفيك اليوم مب عايبني

سيف : لآ ولآ شي

حمدآن : لآ تجذب يلآ قوول

سيف تنهد : ادخل وسكر الباب .. !

حمدآن دخل وسكر الباب وراه : تحسسني انك بتقول شي خطير

سيف : لو بتم تستهبل مآبخبرك

حمدآن : خلاص يلآ بصطلب , غرد قول شعنددك ..

سيف قعد يحكيله عن المفتاح وعن المخزن الموجود ف الشركه : والغريب اني لقيت رساله بس حسيت بآتجآه غريب ف مآفتحتها مآقدرت اقرآهآ ..

حمدآن : آحس ورى هالمخزن سآلفه فضيعه لآزم نعرفهآ ..

سيف : حمدآن مانبا مشاكل ولا تخبر حمد لين مآنتآكد من كل شي موجود فيه

حمدآن : تمآم , لآ توصي , انزين لآ تم جي مكتآب تيب لي الاكتئاب معاك

سيف ابتسم : عشآنك بس

حمدآن : ههههههه آنزيييننن , تعال تغدى اليوم ببيتنآ مآ مليت من آكل المطآعم ؟

سيف : بلآ

حمدآن : خلآص عيل بخبر امي تسوي بريآني , وحركآت وجي عسب لما نخلص شغلنآ على طول نروح

سيف : تمآم , وسلم عليهآ ..

حمدآن : آوك , برخصتك بروح آكمل اشغالي " وطلع , دق لآمه وخبرهآ عقب راح يكمل شغله " ..

.

.
__DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 11-23-2013, 11:34 PM

مر الوقت سرعه وصآر الظهر , البيت قآم يفضى , ليت الوقت مآيمر بسرعه , آحس كل آوقآتي مع ذياب تكون فرح وونآسة وجي احس اني طايره واني مب عايشه على ارض الواقع , آحس ان في حد يحبني بضمير ومستحيل يتخلى عني لو شو ماصار .. وصلني مسج كآن من ذيآب ومكتوب فيه ..

" نظرة عينآك كفيلة بآن تشعل سراج الشوق في قلبي ف تضئ لك كل مشآعري .. " MySoul

آبتسمت من قلب , توه ف بالي , آحس آحيآنآ آنه يحس فيني ووقت مآفكر فيه يكلمني , تميت آطآلع الفون وتمتمت في قلبي دعوه " يآرب , لآ تذوقني فرآقه فيي يوم الايآم ولآ تكسرني بغيابه فهو اغلى مآ آحب وآملك " .. احترت شو ارد عليه , رحت ورديت عليه ..

" دآن منك الحب فرحه وآهتمآم , وش آبي فالنآس حتى لو يبوني , يكفي لآصآر في عيوني كلآم #آنت من يفهمني ويقرآ عيوني . "

الذيب طرش لي " يآلخبله , لآ تعيشين الجو بزيآدة , واقين لآ تسوين مكيآج طآلعه خسفه بس مدحتج عسب ماجرحج "

" آنت حيوآن وبتم طول عمرك حيوآن , من زينك عاد , ضحكتني وانت مسوي عمرك كآشخ وحركآت "

الذيب " ههههههههههه سبآله , كلي تبن كنت كاشخ "

: آويييييييييييييه شو ها تمآدى الحمآر آول مرة يقولي هالالفآظ " الله يسآمحك "

الذيب " هآ هآ هآ , الهنوف بنت علي , اعرفج اكثر من نفسج ترىىى "

" ولآنك تعرفني انا ماقدر اسبك , جي احس بتانيب الضمير "

الذيب " تعرفين انتي شو يبآلج ؟ قرصة قوية تعلمج قدري "

" آعرف قدرك , حشآي , آمم آييه الذيب ؟ "

آلذيب " قلبه ؟ "

" لآتروح بعيد في يوم من الايآم , يدي قالي شي وانا آحآتي هالشي "

الذيب " مآبروح , وودري عنج ولآ تهآذي بهآلآمور , خلصتي رصيدي , يلآ باي "

: حقييييييييييير " آنت ريال تشتغل ومن الحين مآمدخل تلفون في رصيدك يالحيوآن ؟ "

الذيب " ماشاء الله ماشاء الله حيوآن هآ ؟ آنآ آوريج يالهنوف "

: آبيه " اييه ترى اتمصخر "

الذيب " هههههه ادري , وانا ابا اخوفج بعد "

" آنت شو ؟ "

الذيب " انا خفوقج وفزه ضلوعج , شتتتتتتتت اسميني شاعر "

" هههههههههههههههههههه مينون جان هذا شعر , الله يعين لو كنت تكتبر اشعار جان دمرت القوافي الشعريه كآمله "

الذيب " آنزين انا بروح مع قوم خلود وهذيل آنتي اذا طلعتي من البيت خبريني , بآي "

" دير بالك على حآلك , بآيوهه <3 "

.

.

برع البلآد ..

آم فهد : يآ حبيبي طلآل ولدك محتآجك شو تبا في نوف خلها تولي " كانت بتقول له عن الحمآل لكن سكتت " آنت لآزم تشوف حرمه ثانية تعتني بهاليآهل لين مآتطلع نوف بآلسلآمة ..

فهد : حرمه غير نوف ماريد

بوفهد : خليه على راحته , لا تغصبيه على شي مايباه

آم فهد بلعت غصتها وقالت : هين يا فهد جآن تعصي شوري عسب هالمعثورة نوف , شو شايف انت هالغبيه ماتبا غيرهآ ..

فهد عصب : مآسمح لج تقولين جدآم ولدي ان امه غبيه , آمه بتصير بخير " شل ولده وطلع من الصآلة "

بو فهد : لا حول ولا قوه الا بالله , شفيج يآ آم فهد عليه مب حلوة حركآتج هاليومين , وآحس شي جآيد ورآج ..

ام فهد : ابا مصلحه ولدي حرآم ؟ هالبنت انا مب مطمنه لهآ وبعدين كيف بتربي طلآل ؟

بوفهد : كل مريض يصح

ام فهد عصبت : وآحيآنآ يموتوآ ومآيصحوآ " وقآمت "

بوفهد : بسم الله هالخبله شياها !

آم فهد راحت الغرفة وتمت تلف فيهآ : شسوي ويا هاي المينونهه , ماباها تقرب لا صوب ولدي ولا حفيدي !!

فهد شل ولده ورآحوآ المستشفى عسب يشوفون نوف , حس انه وآيد اشتاق لها ومحتآج يكلمهآ دق الباب عقب خلى طلال يدخل عقب بفترة هو دخل كانت اوردي الشيلة على كتفهآ بس بعض من خصلآتهآ طآيحه على ويههآ ..

فهد تنهد بتعب لما جافها راقده : اشتقت لج نوف , ردي لحيآتي .. تعبت من كلآم آممي , ردي وردي الفرح لحيآتي , محتآج لج وآيد

طلآل عفد ونآم في حضن آمه ..

نوف انتبهت ولمآ جآفت فهد توترت ولبست شيلتهآ : شفيك " جآفت طلآل وابتسمت " هذآ ولدك صح ؟

فهد ابتسم : هي ولدي

نوف : ليش يايبنه هني ؟

فهد : يبآ يشوفج

نوف استغربت : آيوآ " تمت تطآلع ويهه " شي مضيج بك ؟

فهد : مآتعرفيني كيف تساليني !

نوف : هي انا صح مآعرفك لكن يبين على ويهك .. ؟

فهد ابتسم , يعرف ان مآيبين في ويهه لكن نوف في شي بداخلهآ ينغزهآ بتجآهه فهد : ولآ شي تضاربت مع امي شوي

نوف شهقت : هئئ , شو اسمك ؟

فهد : فهد

نوف تاشر على الياهل : وهو ؟

فهد : طلآل ..

نوف : هي حلوة اساميكم ماشاء الله , وين امه عيل ؟

فهد : آمه مريضه نترياها تصح

نوف : آيوآ , آنزين يا اخوي فهد مايصير اللي تسويه مب زين تزعل آمك !

فهد : تباني اخذ غير حرمتي وانا مابا اخذ غيرهآآ ..

نوف : آممم موقفك صعب .. انا , ماقدر اواسيك لان حتى انا ماعرف انا بنت منو , مآعرف شي عني " ابتسمت " انا بس اعرف دكتورتي عذآري !

فهد ابتسم : آلحمدآلله على كل حآل

نوف نست كل شي وردت قالت بعصبيه : آنت شو يايبنك هني ؟

فهد : ياي اشكيلج الحآل

نوف : آنت منو ؟

فهد : فهد ..

نوف : هيي " ابتسمت " ياي تشكيلي لاني انسى بسرعه ولآني مآبخبر حد صح

فهد : صح ..

نوف لفت وحضنت طلآل وقعدت تكلم فهد وكل ساعه تنسى شو تقول لكن هو مآيآس وقعد يكلمهآ واستآنس انهآ مآطردته هالمرة ..

.

.

مآيد : موآزي تعبآنة ؟

موزة : شوي

مآيد : جهزتي اغراضج حبيبتي ؟

موزة : هي واغراضك بعد كل شي تمآم

مآيد : آنزيين " يلس حذآلهآ وحضنهآ " شو لو يانا ولد شو تبين تسمينه ؟

موزة : علي , واذآ بنت آنت آختآر اسمهآ ؟

مآيد : آممممممم محتآررر

موزة : فكرر خذ وقتك حبيبي

مآيد باسها على راسها : احس لما اكون وياج ارتآحح , ومآحآتي شي , حتى الشغل كله ينزآح من مخي

موزة بلعت ريجهآ : مآيد انا خيفآنه لما بولد شو بيصير , لما هاك اليوم فتحت النت وقريت عرفت آن وآيد نآس يموتون بالقيصريه آو بالطبيعي ..

مآيد خوزهآ من حضنهآ ويود ويههآ : آنتي عليج الرحمن , مآبتخليني صح ؟

موزة يودت على ايده ورصت عليهآ : آنآ ويآك دوم , حتى لو مآكنآ بنفس المكان

مآيد عصب : موزة لآ تخربطين ولآ تقعدين تقولين هالاشياء .. ترى مابخليج تولدين

موزة : ههههههههههه تخبلتتت , كيف بعد مآولد ؟!!

مآيد : موزة جد بزعل ماتمصخر تررى .. " سحب ايدهه " اذا بتمين جي تقولين بروح عنج

موزة يودت ايده : التوبه , خلك وياي

مآيد : مآبتقولين جي صح ؟

موزة قربت منه ونآمت على صدره : انا ويآك , ومآبقول هالكلآم , وبطلع بالسلآمة وربي ولدك وبكون ويآك .. جي زين ؟

مآيد : وآيد زين ..

يود ايدههآ ورص عليهآ وكملوآ سوآلف عن الياهل وعن حياتهم المستقبلية ..

.

.

عبدالرحمن دق على روضة , مرتين ومآرد والمرة الثآلثة ردت عليه ..

روضة كآنت راقده : هممم ؟

عبدالرحمن سكت : آنآ آبآ عآليآ لا تخربي علي كل شي بنيته من سنين !

روضة اعتدلت وتمت تسمعه : بس ..

عبدالرحمن قآطعهآ : مابي ادمرج , مآبي آظلمج ولا ابا تكونين مطلقة بهالعمر بس لا تتحكمي فيني , اذا تزوجنآ آنتي في حآلج وآنآ في حآلج , انا مابا اضرج ولا ابآ اسوي مشآكل بين العآيلتين ..

روضة : عبدالرحمن , آنآ آضطريت اوآفق عندي اسبابي الخاصه , لا تفكر اني موآفقه حبآ فيك , وكلآمك اللي قلته هاك اليوم لي مستحيل آنسـآه .. تبا تسوي هالشي سويه لا تفكر آني بتضايج , ممكن آكمل رقادي ؟

عبدالرحمن : نوم العوآفي , سلآمتج , مع السلآمة " بند "

روضة تمت تطآلع الفون وقالت : ليش حسيته طيب اليوم بزيآدة عن اللزوم ؟ بس انا مستحيل اسامحه على الشي اللي سوآه فيني هذاك اليوم , خلآني اضعف جدآم خآلد , خلآني آنحرم من خآلد ومن حب خآلد ومن كل شي يخص خآلد , الله ياخذك يا عبدالرحمن , ليش انا بالذات مآجفت غيري , جآن رحت لعاليا مآلتك !!

عبدالرحمن : شو يآلس اسوي انا ؟ ليش دقيت لهآ , آففف بس جد انا مابا مشاكل معاها ابا اعيش مع عاليا وبس , استغفر الله العظيم بس !!

.

.

برع البلآد ..

مريوم : آميييه " تصيييح " آميييـه

آمهآ يات تركض : بسم الله عليج شفيج يآ بنتي ؟

مريوم : رآسي .. يعورني وآيد

آمهآ شغلت قران وقعدت تمسح على راسها بس لما لقت انه مانفع وياها راحت يابت لها بندول وعطتهآ وخلتهآ اتنآم .. !

.

.

ذيآب دق لآمه : آلو الخفوق

آم ذياب : هييي هالدلع لانك خذت حبيبه قلبك هآ

ذيآب يود قلبه : وآيي فديت اللي فآهميني

آم ذيآب : خير قول شعندك , آكيد ورآك شي ؟

ذيآب : ابا اطلع معآهآ اليوم

آم ذيآب : اعوذ بالله , آكيد تخبلت !!

ذيآب : امي الله يخليج بقعد آرمسهآ واتفاهم وياها وبعدين ربيعتج اللي هي عموه اكيد مآبتعارض اذا انتي اللي طلبتي منهآ هالشي صح ولآلآ ..

آم ذياب : صح بس غلط ان تطلب هالشي من آول مرة صح ولآلآ , منقققود يآ مسود الويهه مآتوقعتك جي ملقوف

ذيآب : بليييز , بسوي لج اللي تبيه ؟

آم ذياب تفكر بمكر : اللي اباه ؟ خلاص الحين بدق لام مآيد وبقولهآ عن الطلعه , انت مع منو الحين ؟

ذياب : مع عيال عمي وحمود , ليش تآمريني بحآيةة ؟

آم ذياب : لآ سلآمتك , يلآ عيل انا بدق لها وبرد اكلمك " وبندت ف ويهه ودقت لآم مآيد " هلا وآلله

آم مآيد : هههه فديت المتصلين , علني مآنحرم من اتصالج ..

آم ذياب : والله هالعيال يخبلون بالواحد , ولآ منج يالغاليه , ذيابو يبا يشوف الهنوف برع يعني يتعشون مع بعض ويتفاهمون على بعض الامور بس مابيكونون بروحهم حتى محمد بيشل مرته وبيطلعون بس بعدهم يتريون موافقه الهنوف اول عقب بيكلمون مهره وبيشلون خت محمد ويمكن غايه تروح معاهم !

آم مآيد : دآم جي مب مشكله خل يخبرها متى تجهز ومآيصير خاطره الا طيب واكيد علي مابيقول شي

آم ذياب : الله يجبر خاطرج مثل ماتجربين خآطر هالعيال , باجر تعالي بيتنآ دورج انزين

آم مآيد : ان شاء الله , يلا عيل مع السلآمة

آم ذياب : مع السلآمة " بندت عنهآ ودقت لولدهآ " شو بتعطيني عسب اخبرك اذا وآفقوآ ولآلآ ؟

ذيآب : ههههههههه رفضوآ صح ؟

آم ذيآب : لآ طآعوآ , بس انا ماقلت لهم انك بتطلع بروحك ؟

ذيآب رآح بعيد عنهم : عيل شو قلتي آمي ؟

آم ذياب : قلت ان محمد ومرته بعد ويآكم , وبيروحون معاكم محارم مثايل وغايه وقالوا على طول انهم موافقين

ذياب : آشوآ اذا جي ماعليه ,

آم ذياب : كلم البنت الحين بروحك وخبرها متى تجهز عسب تمرهآ آنزين ؟

ذيآب : تمآم , مشكورة الغآلية

ام ذياب : العفو حبيبي , استآنس ولا تتمصيخ وتحرج البنت فآهم ..

ذيآب : هههههههه بالمرة الغاليه ادق لج وتسمعي كل السوآلف

آم ذيآب : يبآلي هههه , لالا خذوآ رآحتكم , يلآ بحفظ الله , ابوك ينآديني " بندت "

ذيآب استآنس ورآح صوب محمد : اقولك كلم حرمتك بنطلع اليوم

محمد صد : بسم الله وين ؟

سهيل : على وين ماشاء الله !

ذيآب : بنروح آنآ وحرمتي ومحمد وحرمته وغايه ومثايل بنحوط

سهيل : لنآس ونآس اشوف , عقبالي ..

الكل : آميين

سهيل : خيبه لهالدرجه تبون تفتكون مني ؟

ظآهر ياهم : السلآم عليكم

سهيل : تو النآسسس

خآلد : توه يا بسم الله عليك رد السلآم بدل لا تهآزه

ظآهر : صدع بي ولد آختي , مآعرفت آرييح آففف !

نآصر : آنآ ييييييتتت

ظآهر : عمكم هذآ ؟

سهيل : هي !

ذيآب : ولآ يبين ندري عقله اصغر من عقلنآ

نآصر ضربه على راسه : والله تعبآن .. سمعت في طلعه ..

ذيآب : لآ مب لك

نآصر قعد : صبولي شاي احمر

يوسف صب وعطآه نآصر عطآه بنظره وسحب الكوب وقعد يشرب .. يوسف تضايج كآن مآيبآ يستوي مثل هالموقف وجدآمهم كلهم لكن كلهم سوآ عمرهم مآجآفوآ شي وكملوآ سوآلف آمآ محمد وذياب خبروآ حريمهم وخبروآ مثايل وغايه عسب يجهزون لآن بيطلعون على المغرب ..

الهنوف صرخت لمآ قرت المسج وعلى طول نزلت عند آمهآ : آمي آمي " بتوتر " ليش وافقتتتتي !!

آم مآيد : بسم الله شياج ؟

مآيد : شفيها هالمينونه ؟

آم مآيد : كلمج ذياب ؟ ههههههه طلعي طلعي ويآه

مآيد : ههههههه مآلت الريال يبا يكلمج ومآينخاف منه ومآبتروحين بروحج حتى يدي عرف بالموضوع ..

انحرجت وصعدت فوق غرفتهآ عسب تدور لها لبس تلبسه !

.

.

سعيد : آسمعيني

شمسه : مآريد ..

سعيد : شمسه ..

شمسه سسوت له طآف !!

سعيد : على الاقل اسمعي مبررآتي

شمسه : مب مستعده لجذبآت زيآدهه آظن يكفي اللي سمعته هاليومين , هههه والله ضحكتني , وزعلت مني وانا اللي يتك بعد , وآيد حلو وآلله ..

سعيد : لآ آله الآ الله

شمسه : محمد رسول آلله ..

سعيد : آممم , شمسه استهدي بالله وقعدي

شمسه قعدت : انا مابا اسمع شي يخصك خلآص , مليت من الاشياء اللي تقعد تسويهآ , كرهتك وكرهت مروى فوقك آوك ؟

سعيد تم سآكت , حس آن حز في خاطره وآيد , كيف شمسه اللي قامت تحبه وتعآمله على اساس انه شي مامنه ثنين اللي ضحت رغم زعلهآ ويآته من لندن , الحين تقوله بآنهآ كرهته ؟

سعيد : اوك , آكرهيني , وسوي كل اللي تبينه بس سمعيني

شمسه تطآلع عيونه وسكتت تتريآه تتكلم , كآنت تحس آن النآر تحرق يوفهآ , تحس انهآ مخنوقه : تفضل آسمعك ..

سعيد : كنت انا ومروى نشتغل بنفس المكآن , كنت كل يوم اشوفهآ بس ولآ مرة تجرآت آكلمهآ لين مآتعآملت انا ويآهآ وكنآ لآلآزم نرمس بمشروع ونتعآون مع بعضنآ البعض , هني قدرت اكلمهآ وهي قدرت تكلمني , وخذنآ آرقآم بعض عسب نقدر نتواصل عشان الموضوع وغيرهه ..

شمسه كآنت سآكته وتتريآه يكمل , بلعت ريجهآ بصعوبه وهي تحلل الباقي من كيفهآ , بس تتريا تسمع الصدق منه !

سعيد : كلمنآ بعض وبعد مآخلصنآ المشروع وعدينآ مرحله الاختبار في العمل , كنت محتآر اصارحهآ بشعوري تجآههآ ولآلآ , لين لقيت آن هي اللي بدت وهي اللي طرشت تبدي عن مشآعرهآ وتخبرني شقد هي تعلقت فيني ماحبيت اخبي عنهآ وانا كملت وياها وخبرتها اني احبهآ " بلع ريجه " وآني آبآهآ ومآتخيل دنيتي بدونهآ ..

شمسه دمعت عيونهآ : عيل ليش خذتني ؟ آنت اللي يبت لها السلسلة صح ؟

سعيد : هي انا خذت لهآ السلسلة , خذتج لآن هي طلبت مني هالشي , لآنهآ قالت ان هي تحسج تنجرحي آحيآنآ من نغزآت امج وآنج صح آحلى عنهآ لكن بتكبرين بالعمر وماحد تقدم لج للحين وو " بلع ريجه ويوم كآن بيكمل " ..

شمسه قآمت وهي تدمع : آيوآآ , هههه يعني انت خذتني شفقه عسب تكبر في عين مروى اكثر صح !

سعيد : شمسه

شمسه : يسم شمسه وياخذهآ يآرب , سير لحبيبتك وطلقني مليت منك ومن اللي تسويهه , روح خذذهههآ " كآنت بتروح "

سعيد وقف ويود ايدهآ : مآكملت كلآمي , بعد مآخذتج نسيتها , وحبيتج آنتي مآحبيتهآ , ليش مب قادره تستوعبي هالشي ؟

شمسه سحبت ايدهآ بقوه وهي تصيح : لآ تجذذذببب !!!

سعيد : شمسه هدي اعصابج , شفيج ؟ لو اباها للحين جان طلقتج وخذتها من زمآن

شمسه : والسلسلة ؟

سعيد سكت ..

شمسه : خذتها ب فترة زوآجنآ صحح بعد مآ آنآ قلت هآك الكلآم !!

سعيد يودهآ من ايدهآ بقوه وسحبهآ لحضنه وتم رآص عليهآ وهي تصيح وتضربه لكن هو مآرضى يهدههآ ..

شمسه : جآن خليتني عانس ولا اعيش متعذبه انا ويآك , ليش جي تسوي فيني يا سعيد " صرخت وهي تصيح " حرآم عليك والله طعنتني والله والله كسرتننني يا سسعييييد , كل شي احبببه يكسسرننني ويدممممرننننني , اصلآلآلآ آنآ استتتآهههللل .. يآليتني ماخذتك يآ سعيد عسب لا يصير كل هذآ واتعذب بدل لا آفرح " آرتخت ايدهآ واغمى عليهآ في حضن سعيد " ..

.

.

ذيآب رد البيت وسبح وكشخ عقب على طول مر الهنوف , كآنت لآبسه تنورة وقميص وعبايه مفتوحه بس مسكرتنهآ لآخر شي ومتحجبه ومآكآنت مسوية اي مكيآج في ويههآ ..

ذيآب نزل وبطل لهآ الباب : تفضلي

افتشلت : يدوم فضلك يآرب " وركبت "

ذيآب سكر عني الباب ورآح وركب سيآرته توترت شوي مآتوقعت انا وياه جي بنكون انا يآه بروحنآ .. آحح ريحته شاله المكآن الحيوآنن , خآطري اكسر هالعطر عسب لا حد يشم ريحته غيري ..

ذياب : في شو سرحآنه ؟

: ريحه عطرك " توترت " آقولك وين غايه ؟

ذيآب : غايه بتي معانا بس مثايل مع اخوهآ .. عقب مثايل وغايه بيتمشون وانا وانتي بروحنآ ومهره وريلهآ بروحهم ..

: آهآ , آوك يلآ مر عليهآ عسب لا نتآخر

ذيآب : آن شاء الله " ورآح مر خذى غايه , يوم وصلنآ صوب بيتهم دق لها وطلعت بطل لهآ الدريشه " آخرتينآ يالخآلة

غآية : هئئئئ انآ خآلهه !!

ذيآب : يلآ ركبي

غايه تعرف ان عوق الاولآد حد يوصخ سيارة الاولاد ف دخلت بعنف سيارة ذياب ويلست تضحك

ذيآب : الله ياخذ دفاشتج يالحيوآنه يالكلببببة زين مآخربتي الكرسسسي

غايه ابتسمت : عسب تعرف ان الخاله مب هينه

ذياب : جد كلبة , آكرهج

غايه : هههههههههههههههههههههههههههههههههههههههههههههههههه ههههههههههههههه انقلع

ذيآب : هههههههههه حيوآنه , قلعه تقلعج انتي وريلج , سمعي هناك روحي آنتي ومثايل تمشوآ لا تاذونا انا ومحمد

غايه : تمآم , زين بعد بنفتك من شيفكم وبنشوف لنآ ثياب للسفر

ذيآب : تمآم ..

غآية : الهنوف ليش مستحيه مب من عوآيدج ؟

: لآ ولآ شي .. مب مستحيه عآدي

غآية : متآكدهه ؟

: هي

غآية : على آسآسس هاك اليوم الله لا يحرمني منه واحبه ومادري شو والحين مستحيه

قلت ف خاطري الله ياخذذججج يا غايييةةة : انا متى قلت هالكلآممم ؟

غايه : ههههههههههههههههههههههه نسينآ مآكليننننننآآآ !!!

قلت وانا آطآلع برع : افف غايوه انطبي

غايه : ليييششش !!

ذيآب : صبروآ شوي اسكتوآ " رد على التلفون وخبره سعيد " كيف جي تسوي يالاهبل , الله يهديك الحين بطرش لك حد يوديك ويوديهآ يلآ بند " وبند عنه ودق للدريول يروح يشل سعيد وشمسه المستشفى " .. آففف " دق لسعيد " آلحين بيكم لآ تبطون انزلوآ سرعه .. وطمني بعدين آوك ؟ , مع السلآمة " بند "

غآية : شو صاير ؟

ذياب : عقب عقب .. " جآف حآدث جدآمهم وعلى طول حد ايدهه على عين الهنوف يعرف انها وايد تخاف من هالسوآلف " لآ تبطلين عينج ..

: بخوف شو صاير ..

غايه ترجف : آوييه ذياب ؟

ذياب : آششش مآعلينآ خوف خلاص سكتي

الهنوف تحآول تشل ايد ذياب عنهآ لكن مب قادره : ذيآب خلني اشوف شو صاير ؟

غايه خافت وهي تطالع المنظر جدآمهآ ..

ذياب رص على عيونهآ : خلاص حبيبي صبري شوي بس

خفت : ذياب شو صاير ؟

غايه : ولآ شي ..

بعد مآطآفوآ الحآدث ووصلوآ المول نزل ذياب قبلهم ..

لفيت على غايه : حلفتج تقولين شو كآن صاير ؟

غايه تحاول تخوز المنظر من بالهآ : حآدث

ارتعش يمي , يالله شقد آخآف من هالسوآلف الله يستر ان شاء الله مآيصيبهم شي .. وصلني مسج من رقم غريب كآن مكتوب فيه ..

الا اقبلت كنّهـا الارهـاق بعـد السفـر
متثيقلـه مـن سـحـا والاتثيقلتـهـا

يدفّهـا الشـوق دف العاصفـه للشجـر
وتميـل لكـن تستـعـدل لاعدّلتـهـا

وساعة ماتزعل كن الزعلان منك بـزر
ياجعلـك تمـوت يامحمـدمازعلتـهـا

وياجعل مالش ياعيني غير فتنـه نظـر
والله يلعـنـك ياقلـبـيلا همّلـتـهـا

الله خلقهـا بشـر لكـن غيـر البشـر
الناس من تحتها والارضمـن تحتهـا

قالـت انـا الحمـدلله والثنـا والشكـر
قلت انتي اللقمـهاللـي مابعـد كلتهـا

قالت على الموت قلت انتي عذاب القبـر
قالـت لابالله يبـن الذيـب مصّختـهـا

همست في خآطري , الله ياخذ اللي مطرش هالمسج , توترت وآيد وذيآب شك آن شي بالموضوع , قفلت تلفوني وفريته بالشنطه عسب مآلتهي فيه واتذكر الموضوع لين مآذيآب قالي . . . . __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد	porshcia	عدسة الاعضاء , كاميرا الاعضاء	12	08-10-2010 12:26 AM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM