ۈش رجعگ لآيگون قلبگ يۈم حس آنہ جرحني آۈجعگ ؟ - الصفحة 89

Bantnasser · 11-14-2013, 01:10 AM

كاتبتنا الجميلة ، اتمنى لج كل التوفيق في دراستج ♥️
و مشوقين للرواية الجنااان ، و متى بتنزليها الحين *فيس يصيح* ؟؟ __DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 11-14-2013, 02:24 AM

المشاركة الأصلية كتبت بواسطة bantnasser

كاتبتنا الجميلة ، اتمنى لج كل التوفيق في دراستج ♥️
و مشوقين للرواية الجنااان ، و متى بتنزليها الحين *فيس يصيح* ؟؟

تسلمين حبيبتي آنتي آلآجمل . .
آمييين , آنتي اللي جنآن بطلتج ع الروآيةة
آممم البآرت بينزل اليوم - بعد صلآة العشآ ان شاء الله ~
__DEFINE_LIKE_SHARE__

ms:3ba6 · 11-14-2013, 07:58 PM

نترياج ع احر من الجمر

*فيس مستانس ويرقص * __DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 11-14-2013, 08:12 PM

المشاركة الأصلية كتبت بواسطة ms:3ba6

نترياج ع احر من الجمر

*فيس مستانس ويرقص *

5 دقآيق وبينزل آلبآرت
آتمنى مآحد يرد عسب آنزل الدفعتين ف نفس الصفحه
ترقبوني ~
__DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 11-14-2013, 08:23 PM

آلبآرت آلسآدس عشر ..
بعد مآطلعت شمسه من الحمام *عزكم_الله* , كآنت مخلصه لبس , فرآحت حطت كريم على ايدهآ وقعدت تمسح ايدهآ وتم تطآلع شكلهآ بالمنظرة , تحس عمرههآ بتصيح مآتعرف شو تسوي ؟ مآتعرف شو تسوي بعمرههآ .. لمآ خلصت مسح الكريم مشطت شعرهآ وخلته مفتوح لآن بعده فيه مآي , قآمت وطلعت شآلهآ من الكبت ورآحت صوب البلكونه تطآلع , جآفت آن ذيآب وعمر وعمير وسعيد كلهم قآعدين تحت , بعدت عن البلكونه لا حد يجوفهآ , حست بالوحده مآعندهآ بنآت , تمنت لو سعيد عنده خوآت يمكن وحده منهم تطلعهآ من هالموقف وتقربهآ من سعيد مرة ثانية وتعيش مستآنسة مثل مآكآنت ؟ , من الملل قعدت تطآلع الغرفة , هي مآعآشت وآيد في بيت آم ذياب من جي مآتعرف وآيد للآشيآء الموجوده في غرفه سعيد , لمحت صندوق فوق الكبت رآحت ونزلته وقعدت تطآلع وابتسمت من قلب , جآفت آن فيه اغراض وآيد وصور من طفوله سعيد , دخلت ايدهآ وطلعت اشياء من آخر آخر الصندوق , تمت سآكته , سعيد دخل الغرفة وتم يطآلعهآ و سكت لمآ جآفهآ ميوده الصندوقق مآعرف شو يقول , آمآ هي مآتنبهت لسعيد ف طلعت السلسلة وتمت مصدومةة , بلعت ريجهآ وتمت سآكته لفت وجآفته ف ويهآ , نزلت دموعهآ ..
شمسه : يعني جي الموضوع من البدآية !! " بدت دموعهآ تنزل " كنت تحسسني بالذنب عسب تغطي فعلتك " رآشت السلسلة " جي الموضوع " صرخخخت " جييي من البببدآييييية , كيفف " دموعهآ تنزل بقوه " كيييففف كنت غبيييه كل شي كآن جدآمي !!
سعييد : شمسسسسه !!
شمسه صرخخت : ليييش كنت عمييييآآ , ليششش ماجفت كل شييي
سعيد سكت مآعرف شو يقولهآ ..
آم ذيآب يت تركض ودقت الباب : سعيد ..
سعيد : دخلي آمآيةة
آم ذيآب دخلت وجآفت شمسه تصيح وسعيد وآقف وعصبت : سعيد شو مسوي لهآ !!
سعيد : آمآية خلاص سكري الموضوع
آم ذيآب تطآلع الصندوق والسلسلة : شو هذآ
شمسه مسحت دموعهآ : سوري عموه وعيتج آكيد كنتي راقده
آم ذيآب : لآ فديتج كنت بالغرفة بعدي مآنمت
شمسه : خلآص مآعليه حصل خير روحي نآمي عسب لا تتعبين باجر
آم ذيآب تطآلعهآ : متآكده مآفيج شي ؟
شمسه : هي
آم ذيآب : تصبحون على خير .. " وطلعت عنهم "
شمسه بطلت شآلهآ وحطته على الكرسي ورآحت تلحفت ونآمتت ..
سعيد تم يطآلعهآ , كآن ودهه يقول شي لكن مب قآدر , تم سآكت وطلع من الغرفة بهدوء عسب لآ يزعجهآ !!
.
.
و و و مآقدرت آكمل لآن يوسف سحبني بقوهه وركبني السيآرة غصبن عني , كآن يبآ يتكلم بالسيآرة حذآل بيتنآ بس لمآ جآفني معصبه وآحآول آبطل البآب حرك السيآرة وكل مآ آصآرخ عليه زيآدة كل مآيعآند فيني زيآدة ويسرع آكثر , حسيت رآسي بينفجرر , يستهبل يعني يوسف ؟ يعرف اني اخاف من السرعه قلت له ..
: يوسف لآ تستهبل خفف من السرعه
يوسف : يوم بتهدين وبتخليني اتكلم مثل العآلم والنآس وقتها بخفف
حآولت ابطل الباب لكنه سرع اكثثر , حسيت نفسي برجع خلآص مب قادره ايود عمري قلت له بتعب
: يوسف خفف من السرعه احس اني برجع نزلني خلاص
يوسف : صبري شوي
صرخت عليه بتعب :, آكرررهههككك !!!
يوسف ابتسم من طرف وسوآلي طآف وصلنآ صوب البحر وبطل عني الباب ونزلت , اسميه هالانسان غبي شآلني نص الليل من بيتنآ عسب ايبني البحر ؟ آففف الله يستر ماحد يجوفني واروح وطي بالموضوع !!
مد لي دبه مآي وقال : شربي يمكن يخف عنج الويع
شليت الدبه وشربت , حسيت نفسي احسن لكن مب لذاك الزود بعدي احس راسي يعورني وابا ارجع : آختصر كلآمك شو تبا مني ؟
يوسف : هو بشو احسن مني ؟
بملل : منو هآ بعد !
يوسف : ذيآب
: ذيآب يفرق عنك بمليون مرةة , كآن يعآملني ك آخت ويحترمني ويقدرني وعمره مآ آحرجني جدآم حد عكسك آنت احرجتني جدام اخوك محمد وجدام غايه وجدامه بعد , سويت حركآت وآيد مآكآن لهآ دآعي , رحت وخليت روضة تتعلق فيك اكثر واكثر عسب تتقرب مني انا على بالك يعني بتنهمني وبرد لك ؟ انا والله مب هامني الحين غير روضة ماعرف كيف بتتزوج هذآك !
يوسف : شو رآيج اتقدم لروضة وانقذههآ منه ..
قلت له بتهديد : آنت خلك بعيد , ولو فكرت تتقدم لروضة بخبر يدي يرفضك وبخبره كل شي صدقني
يوسف : هههههههههههههههه خوفتيني ..
سويت له طاف ومشيت عنه , حقير هاليوسف ياربي كيف يرفع الضغط , خفت بصرآحة حسيته مب طبيعي , آففف وينك يآ ذيآب , تعآل شلني من هالمصيبه اللي طحت فيهآ آنآ .. سترك يآرب , والله ياخوفي حد يشوفني معاه ويفهمني غلط !!
يوسف يمشي وراي : هممم بشو تفكري ؟
لفيت : آنت شو لك " صرخت " شو يخصصصك " ضربته على صدره " يآلحيييوآن يالحقققييير شو تبا توصل له !!
يوسف ابتسم وقرب : الهنوف اهدي
بعدت عنه بخوف : شو تبا يايبني هني نص الليل " وتميت ادعي حد يطلع وينقذني "
سمعت زعقه من ورى يوسف تيبست من بعدههآ , يآ وييلييي ,, بلعت ريجي بخوف !!!!!!!!
عمي ناصر كفخ يوسف كفخه على ويهه مايبا بعدههآ , وقرب صوبي والشرار يطلع من عيونه , مآعطآني فرصه حتى ابرر .. على طول لقيت كف محترممم لدرجه آن آصآبع ايده علمت على خدي , دمعه وحده ماقدرت آنزلهآ وقتهآ , رفعت ايدي وحطيتها على خدي .. عمي قال وهو معصب ..
عمي نآصر : بآجر بتتزوجين ذيآب وتسوين هالحركآت ؟
تميت سآككتتتته , طآحح من عيني عمي نآصصصصر , آكرهه مثل كرههيي ل يوسسسف !
عمي يودني من آيدي : شو تسوي مع يسوف نص الليل !
يوسف عصب : يعني شو بتسوي انا يايبنهآ بكلمهآآآآ
عمي معصصب ومآيشوف جدآمه : آنت جببب , وحسآبك بعدييين هين يآ يسوف دآم آخوي سآكت لك انا مابسكت لك " زعق علي " سالتج آنآ وآبآ ججوآب ..
رفعت عيني وطالعت عيونه وقلت : لو تعرف شقد آكرهك .. مآكآن تتجرآ تسال سؤالك " دزيته " خوز عني .. ردوني البيت
يوسف : بسس
صرخت عليه : آنت اخر واحد تتكلم , من مشكله لمشكله تدخلني في موآقف سخيففففه وفوق ها انضرب وانضر من ورآك , روحح من حيآتتتتي فكننني من شششششششششرك , آكرهكككم كلكككم " وسبقتهم " ..
عمي ناصر مر صوب يوسف وقال : بينآ حسآب وكلآم طويل يآ يوسف وهالسآلفه مآبتعدي مني والدرب !
عمي يا صوب سيارته وفتحتها ركبت ورى عنآدآ فيه مآقال شي , وصلني البيت على طول نزلت وصعدت فوق , الكل كآن رآقد ومآحد حآس فيني , آول مآدخلت الغرفة قفلت الباب ونزلت قعدت صوب البباب وقعدت اصصصيييح , كله من يوسف الحيوآن الحين طحت من عين عمي والله يستر اذا بيخبر آبوي ولآ ذيآب , آففففف .. قمت ورحت بدلت وانسدحت على الشبريهه , مآقدرت استحمل اللي قاعد يصير لي , احس اني مضغوطه من كل صوب , حطيت على ايدي على ويهي واطلقت العنآن لروحي وقعدت اصيح لين نمت ..
.
.
خآلد : سآعآت وتروح له , انا لازم اسوي اي شي عسب انساها
سهيل يا من ورآه : مب ضروري
خآلد فز : بسم الله الرحمن الرحيم , من وين طلعت ؟
سهيل : آعرف وين تقعد من جي يت هني
خآلد : آفف امي قالت لك صح !
سهيل : هي قالت لكن انا مايت وقت ماهي قالت
خآلد : فكني سهول خلني قاعد جي بروحي
سهيل : لآ مآبخليك وبقعد ويآك
خآلد : آممم محتآر شو اسوي ..
سهيل : هي تعرف ؟
خآلد : عن شو !
سهيل : عن حبك لهآ
خآلد : تعرف
سهيل : عيل ليش رفضتك من البدآيةة ..
خآلد : خلهآ على ربك
سهيل : ليش ما تبا تقول السبب ؟
خآلد : لآني آحبهآ , ومآرضى عليهآ بشي شين على العموم آنسى آلموضوع
سهيل : ليش عصبت مسآعه ؟
خآلد : آمي وآيد تضغط علي تبا تعرف شو فيني انا ماحب هالحركه مآحبهآ
سهيل : آممم سوآ طآف
خآلد : ههههههه يالحيوآن هآي آمك
سهيل : آدري بس امي ماينفع وياها الا هالاسلوب شسوي لها , آلمهم
خآلد : ليش مآتقدمت لبشاير للحين لو تحبهآ ؟
سهيل : لآنهآ تتعآلج .. ومابا الهيهآ بالزوآجج وشغل الزهبه عقب بتلتهي وبتنسى العلآج
خآلد : صدقك
سهيل : وبعد لآني اباها تفرح وتلبس فستآن حآلهآ حآل البنآت مب آتم قآعده على كرسي
خآلد مآعرف شو يقول تم سآكت !
سهيل : لو تحبهآ لآ تتخلى عنهآ ..
خآلد : مب كل شي نحبه لآزم نحصل عليه " ابتسم " ..
.
.
ذيآب قعد يتريآ فالمطآر لين لمح وآحد يشبهه محمد وقرب منه ..
ذيآب : حمود ؟
محمد لف : هلآ وآلله
ذيآب حضنه : آهليين نورت دآرك
محمد يكمل : يآ غلآي وحنيني
ذيآب شل شنطته : ههه مرة لهالسوآلف جآهز , شخبارك يآ ريآل ؟
محمد : بخير وسهآله , وآنت شخبارك وحشتني ياخي
ذيآب : وآنت اكثثثر , شو صار !
محمد : تعورت ف ايدي ف ردوني وواحد عندنا مصاب ف حولوه المستشفى ..
ذيآب : بوديك المستشفى يشوفون ايدك عقب بردك البيت
محمد : لآلآلآ اليوم مابا ارد البيت , ودني فندق !
ذيآب : يخسي , شو فندق وآنا موجود ؟ شو رايك تي بيتنآ بنآم بالملحق بنعدله وبنلعب عقب بنام
محمد : حمستني يخرب بيتك , يلآ عن نتآخر
ذيآب : يلآ
طلعوآ ثنيناتهم من المطآر عقب ودآه ذياب المستشفى وطمنهم الدكتور آن ايده سليمه بس لآزم يرآجعه مرة ثانية , طلعوآ من المستشفى ورآحوآ بيت بوذيآب ودخلوآ الملحق وعدلوه ورتبوه ودخل ذياب البيت وطلع كل الالعاب ونزلها تحت عقب رد فوق عسب ايب لابتوبه عسب بيشوفون فلم لمح ليت الصآله اللي فوق مفتوح رآح وشآف آمه قآعده ..
ذياب : آميه شبلآج غريبه للحين مب نآيمه ؟
آم ذيآب : آحآتي آخوك سعيد ومرته , اليوم شفتها تصيح قلبي مآطآوعني انام
ذيآب : آلله يهديج اماية هاي مشاكل عاديه يمكن هو زعلها وهي تحسست
آم ذيآب : يمكن , بس ذياب الوضع مآيطمن قلبي يعورني , هي كانت تصيح , وكآن في بكس فيه صور وسلسله طآيحه ومآدري شوه مافهمت شو المعنى وشمسه تقول مافيها شي .. بس في شي صاير وانا ماعرفه دخيلك ذياب لو تعرف خبرني
ذيآب : صدقيني مآعرف لو آعرف آنتي آول وحده بخبرج " باسهآ على رآسهآ " لا تقعدين توسوسين نص الليل روحي ريحي
آم ذيآب : آن شاء الله بس انت وين رايح جي نص الليل ؟
ذيآب : آممم حمود رجع ومايبا حد يعرف لي باجر
آم ذياب يودت قلبهآ : محمد رد ؟ شي صاييير !!
ذيآب : تعور ف ايدهه من جي ردوه
آم ذيآب : بنزل اطمن عليه اخاف اختي تزعل مني بعد مآخبرتها على الاقل اطمن عليه ..
ذيآب : تعآلي ..
نزلوآ تحت ودخلت آم ذيآب وسلمت على محمد وتحمدت له بالسلآمة عقب خلتهم ورآحت تنآم آمآ هم قفلوآ عليهم الملحق وقعدوآ يلعبوآ ولمآ ملوآ شغلوآ لهم فلم وقعدوآ يطآلعوه لين تعبوآ ونآمو ..
.
.
برع البلآد ..
عذآري : حمممد ..
حمد : هممممم
عذآري : حمد نش
حمد سحب ساعته ويوم شاف الساعه انصدم : عذآري نآمي شو موعنج هالوقتت !!
عذآري : مب يايني رقاد ..
حمد : من شوهه ؟
عذآري : آفكر بمريضتي !
حمد : عذآري آنخمممدي .. بلآ مرضى بلآ شي ..
عذآري تلعب في شعره : حمد لآ تنآمم
حمد : يآربييه يآ عذآريي ..
عذآري : آمم خلآص نآم نآم بخليك .. " وقآمت عنه , شلت جآكيتهآ ورآحت الصآلة "
عذآري من الملل رآحت المطبخ وسوت لها كوفي , يآبت نظآرتها الطبية ولبستها وشغلت الابجورة وحطت الكوفي جدآمهآ ويودت روآية " آحببتك اكثر ممآ ينبغي " وقعدت تقرآهآ .. آندمجت وآيد وفجججآهه شهقققت ..
عذآري : هئئئئئئئئئئئئئئئئئئئئئئئئئئئئئئئئئئئئئئئئئئئئئئئئئ ئئئئئئئئئئئئئئئئئئئئئئئئ
حمد : هههههههههههههه مآتوقققعتتتج خوآففففه
عذآري خذت نفس : حمد الله يخسك شو وعآك ؟
حمد : مآهنتي علي تقعدين بروحج ف قلتت بي بقعد معآج ..
عذآري نزلت راسها : اشتقت لاهلي .. ابا اشوف اخوي !
حمد : مآعليه جريب آن شاء الله بننزل وبتشوفينهم , آممم شو فيهآ مريضتج ؟
عذآري تضآيجت : خلآص مابا ارمس عنهآ آحس ماعرف شسوي موضوعهآ يحير والله ..
حمد : آتوكلي على ربج .. كل شي بينحل واولهم موضوع مريضتج
عذآري : آن شاء الله ..
حمد شل الكوفي : هذآ حقي " طآلعهآ " مشكورة وآييييد
عذآري : ههه ههذا مالي بس يلآ بالعافيه عليك الحين بقوم اسويلي واحد
قآمت عذاري وحطت الروآية على طرف , سوت لها كوفي ثاني وردت قعدت حذال حمد وطاحت على كتفه وقعدوآ يسولفوآ , وبعد مآتعبوآ رآحوآ ينآموآ لآن بيكون ورآهم دوآمآت ..
.
.
آلصبح ..
يدي : سلآمممة , يوووه سلآممممة
يدوه : خير محمد شو تبآ ؟ نسيت آني زعلآنه منك
يدي : وشعنه زعلآنه , آنتي الا تتدلعين تتحرين عمرج ف صباج , قومي زهبي بنروح للعيال اليوم ملجتهم لازم نكون معاهم
يدوه : الله يستر من اليوم واللي بيصير فيه ..
يدي : يلآ روحي وكشخي عسب يستآنسون عليج وتغدين غآوية ..
يدوه تمشي وتتحرطم : من يومي غاوية , وانت لآ تآخرنآ يلآ قوم
يدي : يلآ قآيمم ..
.
.
آم ذيآب آدق الباب على غرفة سعيد وشمسه , وبطل سعيد ..
سعيد باس امه على رآسهآ : صبآح الخير يالغآلية
آم ذيآب : صبآح النور , شخبار شمسه ؟
سعيد : بخير بعدهآ مآنشت
آم ذيآب : آنزين وعيهآ عسب بنروح انا وياها بيت بومآيد , بنشوف عروستنآ ..
سعيد : آن شاء الله
آم ذيآب نزلت عنه ..
سعيد هز شمسه : شمسه .. شمسه
شمسه بطلت عينهآ بتعب : شو تبآ ؟
سعيد جآف التعب في عيونهآ وقال : مآنمتي صح ؟
شمسه غطت ويهآ ف اللحآف : مآلك خص
سعيد تنهد : آمي تباج تروحين معاها بيت بومآيد بس لو مآبتروحين عآدي
شمسه قآمت ورآحت آلحمآم : لآ بروح احسن من القعده هني .. !
سعيد : لي يريحج " رد نآم " ..
شمسه بعد مآطلعت وجآفته تنهدت رآحت طلعت لهآ لبس ولبست ولبست عبايتها مرة على المرتين وحطت جحآل خفيف عسب لآيبين آنهآ صآيحة آو شي وتحجبت , وشلت غشوتها وشنطتها وتلفونهآ ونزلت تحت ..
آم ذيآب صوب الملحق تدق الباب لكن مآحد يرد عليهآ وصرخت : حسبي الله ونعم وكيل على عدوكم من عيال , حد يقفل الملحق , من الله مآحد بيخطفففكممم , فتححححوآآآآ يلآلآلآلآ
محمد قآم وفتح : هلآ خآلوه
آم ذيآب : لآ وآلله , صبحك الله بالخير يالحبيب , يلآلآه وعععييي هالرخمه اللي وياااك اليوم بيملججج الحبيب ناسي ولا شو موضوعه
محمد فتح عيونه : اليوم بيملج !!!!!!
آم ذيآب : الله يطولج يآ روح , روح روح وعآآآآهه ويلآ تجهزوآ !!
محمد : آن شاء الله ..
محمد قآم وتغسل عقب رآح يآب كوب من المطبخ التحضيري الصغير الموجود في الملحق ورآح شوي بعيد وعق الكوب ذيآب قآم بخوف ..
ذيآب: آيييه شو مستويي ؟
محمد : لآ بس حبيت اوعيك بطريقة شنيعه لانك مآخبرتني ان اليوم ملجتك
ذيآب : اقسم بالله آنك احقر وآحد عرفته " ورآح الحمآم تغسل عقب طلع " يلآ خل نجهز عسب نروح
محمد : يلآ ..
.
.
مهره تتصل فيني تلفون بس كله يعطيهآ مغلق , خآفت وآيد ف على طول يات بيتنآ ..
مهره : صبآح الخير خآلوه
آمي : صبآح النور والسرور , شخبارج بنيتي ؟
مهره : بخير وسهآله وآنتي شخبارج خآلوه ؟
آمي : بخير الحمدالله
مهره : آححح يآريحهه الكرك تسلم ايدج
آمي : تعآلي تريقي
مهره : لآ آول شي بوعي الهنوف , خوفتني عليهآ مآترد على مكآلمآتي
آمي : هي زين وعيهآ عسب بعد تلبس لان بيروحون المحكمه من وقت عسب بيون يتغدون هني
مهره : آن شاء الله ..
صعدت مهره فوق وتمت تدق علي الباب لين قمت وفتحت لهآ ولمآ جآفت شكلي خآفت , على طول دخلت وسكرت الباب وقالت بخوف
مهره : شفيييج ؟ آكيد البارح كنتي تصيحين ؟
تذكرت الموقف ونزلت راسي : تعبآنه مهره , مابا املج مابا اسوي شي !!
مهره : شو استوى ؟
خبرتهآ عن اللي صار البارحه عقب قلت لهآ : يعني لو ذيآب ولآ آبوي عرف شو موقفي " رحت على الشبريه وقعدت ويودت رآسي " آحس آن راسي مب قادر يستوعب شي من اللي قآعد يصير , تعبت مهروه تعبت
مهره مصدومه : يوسففف ؟ وعمممي ناصصصر !!!
: آففف " رحت الحمآم تغسلت وبعدين طلعت لهآ " شو اسوي ؟
مهره : مآ بآيدج شي , لآ وبعد ابشرج اونه بتروحون من وقت المحكمه عسب الغدا بيكون فبيتكم
قلت بصدمه : منو خبرج ؟
مهره : خآلوه
: آففففففففففففففففففففففففف .. انا بتغشى يوم بروح المحكمه وبتشوفي مابا ذياب يشوفني وانا جي ماباه يتخرع
مهره : ههههههههههههه عساس كل يوم مآيتخرع من شكلج ؟ من الله مآكنتي تحطي مكيآج ..
: جب جب وآيد تحمسين ماشاء الله عليج .. !
مهره : قومي نتريق يعت , ريحه الاكل في بيتكم تشهي
: هذا اللي يهمج انتي بطنج وبس
مهره : يلآ والله بوآسيج بعدين بس يلآ
نزلت معآهآ تحت وتريقنآ عقبهآ بشوي نزلت روضة وقعدنآ نآكل , كنآ هآدين مآكآن لنآ مود نسولف لكن مهره ماشاء الله من دخلت وهي تسولف , يمكن تبا تخوز جو الكآبه اللي صآير بالبيت ..
مآيد : مهره هنييي ؟
مهره خقت : هي والله شسوي ولد عمي قلنآ نصبح عليكم
مآيد : لآ كنت بقول ان عرفت الحين سبب الازعاج
مهره قفطت : حيوآن ميود ..
موزة : صبآح الخير
مهره : هلآهلآ بالغوي , صوبنآ ..
مآيد يهمس لموزة : مهره شاذه ولا فيهآ شي اليوم ؟
موزة : ههههههههههههههههههههههه حرآم عليك
مهره : والله سخيف ميود بعطيك وآححححد رآششدي يسكتك ترى ..
موزة : خيييبه مب بنت
مهره : شسوي يختي , الآنوثه تروح لمآ حد يغلط علي ..
رن تلفون مآيد واستغرب وتم يطآلع مهره وقال : محمد رجع من السفر ؟
مهره : مآعرف !
رد على التلفون : هلآ هلآ , آنتوآ وين ؟ من الصصصببح ؟ يآ حيوآننننآت منو بي ؟ آهآآ شخصيه شو نسوي بعد , ههههه مآلت عليكم يلآ شوي وياي .. مع السلآمة " بند " والله هذآ حمود سوآهآ ورد , اسميه مينون ..
.
.
برع البلآد ..
آم عبدالرحمن : يلآ خلونآ نطلع نروح المطآر ..
عبدالرحمن : انا مآجهزت اغراضي ..
ام عبدالرحمن : وبعدين ويآك ؟ متى نآوي تخلص اغراضك ؟
عبدالرحمن : آحس مآلي خآطر اروح
بوعبدالرحمن عصب : مب كيفك , هو مب بخاطرك ولآلآ , بتروح غصبن عنك , اوننه اليوم ملجته ويقول مآله خآطر !!!
عبدالرحمن قآم وهو معصب , مايعرف شو يسوي , ودهه يذبح روضةة ويفتك من هالسآلفه بآسرع وقت ممكن ..
عبير نزلت بسرعه : انا خلصصت ..
آم عبدالرحمن : مآبغيتي آلغآلية
عبير ابتسمت : سوريي عسى مآتآخرت !!
بوعبدالرحمن : يلآ خلصونآ خلونآ نروح ..
عبدآلرحمن حط له كم لبسه آحتيآط على السريع ورآح يود تلفونه وطرش لهآ مسج " آنآ رآيح الآمآرآت بكلمج من آوصل هنآك " قال عقب : آففف هاي الحين شقولهآ لو سالتني ليش رايح ؟ ياليت قلت وفكيت عمري من هالوهقه ..
عبير صعدت : آبوي يتريآنآ بالسيآرةة !
عبدالرحمن : يلآ , قومي ننزل ..
" شل تلفونه وشنطته ونزل هو واخته وركبوآ السيآرة وتوجهوآ للمطآر " ..
.
.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد	porshcia	عدسة الاعضاء , كاميرا الاعضاء	12	08-10-2010 12:26 AM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM