ۈش رجعگ لآيگون قلبگ يۈم حس آنہ جرحني آۈجعگ ؟ - الصفحة 126

3eƏπ ɑ̠lмɑ̠ƗƗɑ̠ ♥ · 01-16-2014, 10:17 PM

آلبآرت الـ22 ..

بوصآلح : دلوعه ابوهآ شفيهآ ؟

مهره : مآفيهآ شي , اليوم وين بنروح ؟

بوصآلح : بنروح السوق النهري

مهره : كيف يعني ؟

بوصآلح : بتشوفونه لمآ بنروحه

مهره : آوكيه ..

بشآير دزت كرسيهآ صوبهم : صبآح الخير يبه , صبآح الخير مهآري

آبوهآ ومهره : صبآح الخير

بشآير : مهآري فيج شي ؟

مهره : لآ مآفيني .. بس تعبآنة البارح مآنمت عدل , نمت مع الهنوف في شقه غآيه ولطيفة

بشآير : آيوآ , يبين من ويهج آنج تعبآنة

مهره سكتت .. صآلح يآ وصبح عليهم وقآل !

صآلح : مهور ابا اكلمج تعآلي شوي

مهره استغربت منه ورآحت ويآه وطلعوآ برع ..

صآلح : شكلج تعبآنه ؟ فيج شي !

مهره ابتسمت , آول مرة صالح يهتم فيهآ ويسآلهآ : لآ انا بخير

صآلح ياشر على الكراسي اللي صوب بوآبة الفندق , كآن في 4 طآولآت وفي نآس آجآنب قآعدين على طآولة ف هم قعدوآ بالطآولة البعيده ..

صالح : بصرآحه آنآ .. " تم يطآلع عيونهآ وقال " اسف

مهره قعدت عدل وتمت تطآلعه : على مصعب ؟

صآلح : هي , آحسج كرهتيني

مهره : ههه صآلح انت شو تخربط ؟ انا مستحيل اكرهك , صح حقدت عليك لكن بتم احبك لانك آخوي وسندي من بعد ابوي , انا ماحب تصرفاتك وياي انا وبشاير , وهذيك المرة جرحت بشاير بكلآمك وآيد ..

صآلح : كنت معصب

مهره : لآني عرفت ؟

صآلح سكت عنهآ ..

مهره : على العموم لو بغيت تآخذهآ , خذهآ .. ترى يمكن تكون احسن منه

صآلح : بس لو خذتها جي مصعب بيتم ورآج

مهره بحده : مصعب مايهمني لاني مرتبطه بولد عمي , اما انت لو ترتبط سعآدتك بآخته ف خذههآ !

صآلح آطآلعني بعمق : متضاربه مع محمد ؟

مهره سكتت عنه ..

صالح : يعني متضآربه ويآه !

مهره قآمت : وليش اتضارب معآه ؟ كل مآتشوفوني تعبآنه ومتضايجه بتقولون هو السبب .. لآ مب متضاربه معآه

محمد من ورآهآ قآل : عيل اثبتي كلآمج , آثبتي آنج مب زعلآنه مني

مهره تطآلع صآلح : عسب جي يايبني برع ؟ عشآن تخليه اي

صالح يود ضحكته : يعني صدق زعلآنه منه ؟ انا مايبته انا ياي عشان اكلمج هو طلع فجآه

مهره عليه : زعلآنه منه ولآ مب زعلآنه منه هذا مب شغلك " لفت على محمد وقالت بعصبيه " وآنت لآ تكلمني , يوم بتعرف قدري زين تعرف وين بكون " ورآحت عنهم دآخخل "

صآلح : ول ول , شكلك مزعلنهآ زعل كبير

محمد قعد : آختك وآيد حسآسة !!

صآلح بطرف عينه : آشك وآلله , شكلك شي مسوي لهآ

محمد : آنت خلهآ علي انا براضيها

غايه تدزني وانا سرحآنه ..

: شتبين ؟

غايه : مهور خطفت ورآحت فوق شكلها قومي نلحقها

: يلآ

قمت آنآ وغآية ورحنآ فوق ندق عليها الباب لكن مآترد ..

غايه : مههههههههههرررررررررررررررره ترى والله العظيم اسوي شي مآيعيبج

مهره بصوت متكدر وهآدي : روحوآ من هني مابا اشوف حد

: انا بروح وبرجع

غايه عطتني بنظره ولفت تضارب مهور . . مهور كان صوتها بعيد من دآخل , يمكن قآعده على الكرآسي , نزلت تحت مآخذت 5 دقايق ورديت صعدت فوق عند غايه !

غايه بتعب : مآرضت تفتح

: وآلله ؟ عيل نحن بنفتح " طلعت البطآقة وبطلت الباب ودخلنآ "

غايه : آوف , وآلله مايات في بالي انزل ايب بطآقة ثانية

غمزت لهآ : افا عليج , عادي انا وانتي واحد

مهره لافه عنآ : شو تبون , ليش تسون كل هذآ ؟

غايه : لآنآ نحبج يا غبيه , نحن مب حمود ومانبا نفرط فيج

مهره صاحت لمآ سمعت آسمه .. رحنآ وحضنآهآ !

: مهآري ليش اتصيحين ؟

مهره بصوت بخنوق : لآن كلآم غايه صح , هو مآيحبني مثل مآنتوآ تحبوني ..

غايه : لآ شو مهآري , انا غبيه تعرفيني اقول احيانا اشياء ماعنيهآ " رن تلفونهآ " منو بعد بيتصل فيني " ردت " آلو

آليده : مسوده الويه , وينج مآتتصلين بي ؟

غايه : شت " خوزت السمآعه عنهآ " لحقوآ العيوز متصله

: هههههههههههههههههههههه كلميهآ لآ تتنآزع علينآ

غايه : هآ هآ آمي , لآ كنت مشغولة

اليده : مآلت عليج , سود الله ويهج .. مشغولة بشو ان شاء الله ؟

غايه : اقرب ظبيه من نصور لآه

اليده : لآ خلآص مآله دآعي نصور وافق وكلمته

غايه : شوووووووووووووووه ؟

اليده : يالصمآآآآآآ اقول ان نصور واااااااااافق لا تزاعقيييييييين لا اقص لسانج ..

غايه : ههههههههههههههههههههه اهون ؟

اليده : تهونين ونص , انتي ردي بالسلآمة وشوفي شو بسوي فيج , عيل تقولين مشغوله في نصور وانتي مع البنات هاا , هين يا غايوه .. حسابج عسير ..

غايه شهقت : هئئ , آمييييييه وقسم بالله كنت اقرب من بينهم وكله ايب جراح عند نصور وجي ..

اليده : خفتتي لما قلت حسابج عسير هاا .. اصلا انتي ماتين الا بالعين الحمرا

غايه : يدوه الهنوف تبا تكلمج " فرت علي التلفون " بتذبحني لو تميت اكلمهآ

خذت التلفون : هلآ وآلله

اليده : بعد شو هلآ , بعد ماياج ذياب ونسيتي اللي ربتج ولا سالتي ولا تخبرتي عنها

: والعثره , يدوه شفيج ؟ كنا بنتصل بج اليوم

اليده : هي باين انكم بتتصلون بي ..

حبيت اغير جوهآ : يدوه , حتى لو مآتصلنآ بج ؟ منو اللي ربتنآ !

اليده : آنآ

: خلآص عيل , بتبقين الغاليه اللي مانستغنى عنهآ ووقت ضيقنآ نلجأ لهآ .. لآ تكدرين خآطرج ولآ تعصبين , شو بتستفيدين من هذا كله ؟ ماغير يرتفع ضغطج وتتعبين ..

اليده : أنزين خلاص انا راضيه عنكم لكن زعلت انكم ماتسالون عن امكم

: لآ افا عليج , آنتي امنا حد ينسى الايد الحنونه اللي ربته ؟ يخسي والله فيها قص رقاب هاي يالغالية

اليده : فديتكم , ديروا بالكم على بعضكم

: ان شاء الله وانتي ديري بالج على حآلج وعلى يدي

اليده : لا تتخربطين وايد مع ذياب ..

: ههههههه لا شو اتخربط الله يهديج ؟

اليده : خبريني شو صاير معاكم شو يديدكم !

تضايجت : بصرآحه مهاري تصيح يدوه , وانتي دقيتي بوقتج

اليده يودت قلبهآ : شفيهآ ؟ يآ بنت تكلمي لا توقفي لي قلبي

غايه سحبت التلفون : آمآية زعلآنه مني ؟

اليده : يا عفريته , مب زعلانه منج بس خبريني شو صاير

غايه : حمود مهملنهآ , ومآيهتم فيها , من اول مايا وهو لآهي مع الشباب , وبصرآحححه , آممممم !

اليده : تنطقي

غايه : تضاربوآ عشان , مصعب اتصل في مهاري

اليده : حسبي الله ونعم وكيل على عدو مصعب , شو يبا هذا في حياه هالمسكينه .. وها حمود مينون انا اربيه لكم من يرد

غايه : لآ يدوه مانبا مشاكل خليهم يتراضون بروحهم ..

اليده تنهدت

غايه : بسم الله عليج شفيج يدوه ؟

اليده : ولآ شي بس اول مرة اشوفج عاقله وهالشي مكدر خآطري !

غايه : ههههههههههههههههههههههههههههههههههه

اليده عصبت : صصصصصآه , شو اللي يضحك !

غايه : آحبببج آنزييييييييييييييين

اليده ابتسمت : خلآص يلآ جلبي ويهج , وانا بعد احبج , سلمي على مهاري وقوليلهآ حساب هالوغد عني لآ توصي عليه

غايه : يوصل حبيبتي , مع السلآمة

اليده : مع السلآمة " وبندت "

غايه : مهآري يدوه تسلم عليج وتقولج حساب حمود الوغد عندهآ لآ تحآتين

مهآري مسحت دمووعهآ : آوييه يدوه بتزيد الطين بله

غآيه : لآ مآظظن

: هممم ليش كنتي تضحكين ؟

غايه : مآعرفنآ لهآ آمييه اونه احسج عاقله وهالشي كدر خاطري

: ههههههههههههههههههههههههههههه حبيبتي , متعوده على خبالج من جي

مهآري رآحت الحمام وغسلت ويهآ وطلعت : خلونآ ننزل لآحد يشك فينآ

غايه : يلا

نزلنآ بثلآثتنآ ومآحد سوآ سالفه لاي حد من اللي موجودين , وكنت كل مابا اكلم ذياب غايه تسحبني اونه لآزم اازر مهآري عسب لا تضايج وتذكر حمود , طرشت مسج لذياب وخبرته عن الوضع واني ماقدر ايه الا عقب , لان الحين بنكون مع مهاري وشقد نفسيتها دآون . . قدر الوضع , ورآح هو مع الشباب , ركبنآ 4 سيآير وتوكلنآ , رحنآ السوق النهري , كآن وآيد بعيد من فندقنآ , قعدنآ نسولف عسب لآ نحس بطول المسافه .. يعني بلغه ثآنية نلهي عمآرنآ !

.

.

برع البلآد ..

فآرس رآح الصبح المكتبة وخذآ آلكتب , يآبوآ منهآ كمية محدوده وهو لآنه مخبرنهم من البارح خذآ , رآح صوب لوكره عسب يطلع اقلآمه , لآنه مآيحب يآخذ شي ويآه البيت . . لمآ رآح صوب اللوكر شآف مصآصه عوده ملزقه على اللوكر بشكل معوآي شوي وتحت نفس الورقة مكتوب فيهآ " شكرآ وآيد .. ت " ابتسم عرف انه منهآ , بطل المصاصه من اللوكر وخلآه فاللوكر من دآخل وشل كم قلم ورآح المحاضره استغرب انها مب موجوده .. بدى الكلآس وهي بعدههآ مآيآت !

*بالترجمه*

الاستاذ : من هذه الفتآة ؟

اللي حذآلهآ تهزههآ وقآمت ترفة بتعب

الاستاذ : ماذا تفعلين ؟

ترفة تخرط عليه : كنت أسترجع بعض الامور قبل البدء فيه

الاستاذ : ولكننآ بدئنآ بالدرس

ترفة تطآلعه : آدري يا استاذ ولكن انا اكمل ما انت تبدءه لكي اتفآعل معك

الاستاذ يطآلعهآ وكآنه مب مصدق ترفة طلعت الكتآب من حضنهآ ورفعته , مآقآل شي ورد يكمل الدرس ..

تطآلعهآ اللي حذالهآ : آحقآ كنتي تدرسين ؟

ترفة : وهل تريين اني كنت آدرس , آنظري إلى عينآي , كنت نآئمة !

كآترينآ : آنتي حقآ مجنونه , ان رأك هكذا سيطردك ..

ترفة : آعفيني كآترينآ من محآضرآتك اليومية , لم آنم طوآل الليل ..

كآترينآ كآنت بتسالهآ ليش بس الاستاذ هزبهم وقال لترفة بمآ آنهآ كآنت تحضر الكمية اللي بعدهآ ف تقوم تشرحهآ ..

كآترينآ عضت شفايفهآ : يآ إلهي , ماذا ستفعلين الان ؟

ترفة سكرت الباب بقوه , هي مآردت على كآترينآ , ولآ قالت لهآ ليش مآكآنت نآيمة طول الليل وتمت تشرح للاستاذ والاستاذ منصدم .. كآن يتوقعها تجذب عليه !

ترفة : والأن يا استاذ هل لك ان تكمل !

الاستاذ ابتسم : بالتآكيد ..

ترفة لافه وآطآلعت كآترينآ : مآبك تهتزين , آحسستني اننا في ديسكو

كآترينآ : لقد آخفتني يآ مجنونه , كيف لك ان تفعلي هذا ؟ كيف قمتي بذلك رغم انك كنتي نائمة ؟

ترفة تسآندت وحطت راسها بين اياديهآ : لم اقل لك لماذا لم انم طوآل الليل , كنت فعلآ آحضر لدرس اليوم .. كنت اريد ان اكون مجتهده من البدآية , ولكني فعلآ لا استطيع مقآومه النوم , لا اعلم ماذا سافعل في المحاضرات القآدمه

كآترينآ تطآلعهآ بآعجآب : آظن بآنك ستكونين دكتورة متميزه , لآن لآ اضن ان آحد فكر ان يدرس لمحاضره اليوم بما انه سيكون اول درس ..

ترفة ابتسمت وغمضت عينهآ وغفت ..

فارس ابتسم عليها , ورد لف وانتبه على الشرحح وبعد مآطلعوآ شافها طآلعه , مآحب يحرجهآ بموضوع المصاص فرآح على طول ..

.

.

سعيد : شمسه ..

شمسه لفت الصوب الثاني وهي متضايجه وردت كملت رقآدههآ ..

سعيد ابتسم ومآحب يزعجهآ لبس ونزل تحت شاف امه وباسها على راسها : صبحج الله بالخير

آم ذيآب : صبحك الله بالنور والسرور , وينهآ شموس عيل ؟

سعيد : نآيمة ..

آم ذيآب : هي , عوافي عليهآ .. وآنت حبيبي شخبار ريلك الحين ؟

سعيد : بخييير وسهآلة !

عمر دخل معصب ووراه عمير ..

سعيد : شوفيكم ؟

عمر : آميييه انا مب قايللج ماتخلين ذياب يروح مع حرمته ليش طرشتيه هنآك ؟

عمير : نحن مآقلنآ لج انه منقود يروح , واذا راح لازم نحن ويآهه ؟

ام ذياب : ههههههههه وشحقه تكونون ويآه ؟

عمير قعد من يمين امه وعمر يسارها : يآ آميه فهمي , منقود يكون عندهآ الحين , بعدهم مآتزوجوآ الناس شو بتقول عنا

عمر يود ويه أمه ويلفهآ صوبه : هي شو بتقول عنآ , اصلا عمي علي شو بيقول وقتها ؟ بيقول ذياب ياي يبا يكلم بنتنا ويطلع معاها مب قادر ايود عمره كم شهرر لين مايتزوجهآ ..

آحمد نزل وباس امه وقعد في حضنهآ : مآمآ ثو مثتوي ؟

عمير نزل احمد ودزه صوب سعيد : سير انت عند سعيد شوي نحن مشغولين

احمد دلع لسآنه لهم بكره , وراح قعد عند سعيد وقعد يسولف !

عمير بقهر : آمي وديني مآيخصصصنييي

أم ذياب : آنت تخبلت ؟ وين تباني اوديك ؟

عمر : يقصد سفرينآ آنآ وييـآه

بوذيآب دخل : مب بايعنكم عشان اطرشكم بروحكم لبلآد غريبه مآتعرفون فيها شي ..

عمر بضيج : آبويييييييييييه نبغي نسافر

بوذياب : بسفركم بس تروح بروحك انت وهالخبل اللي يسمونه توامك , تحلمون

عمير : آهم شي نسافر سواء كنت وياه ولآلآ

عمر : هي صدقه !

بوذياب : على هالعين , بنسافر كلنآ شو تبون آكثر من جي .. حتى سعيد ومرته بيون !

سعيد : آبويه انا مابروح ولا بودي شمسه , هي حامل ومافيني تتعب ولا يصير شي هي بعدها ببدآيه حملهآ

ام ذياب : خلاص مب مشكله , انا وياك والتوام واحمد بنسافر .. وبنرد على الاقل يغيرون جو

بوذياب : خلاص تم ..

عمر وعمير سوآ حفله وتموآ يزآعقون وكل ساعه يبوسون احمد وهو يبوسهم .. شوي ونزلت شمسه !

شمسه باستغراب : شو صاير هني ؟

بوذياب : هههههههههههههههههه اكيد ازعجناج

شمسه : لآ بس خفت , زعيق تحت قلت صايره ضرابه شي ..

ام ذياب : لا فديتج الا متحمسين ابوهم قال بيسفرهم

شمسه ابتسمت : عيل جي السالفه , يلآ زين بيغيرون جو شوي من قعده البيت ..

احمد : هي بنثافر وانتي مآبتلوحين بتمين هنيي

شمسه باسته : هههههههه فديته انا اللي يغايض , شو بتيب لي وياك

احمد شق الابتسآمه : بته

شمسه : لآ بطه ماباها

احمد قام عنها : مابيب ثي عيل ..

شمسه : افا !

احمد رآح عند آمه وقعد يغصص فيها , آمآ البآقين تموآ يقررون وين يسافرون .. !

.

.

آم فهد : هي فديتهآ آدريبهآ عآقل وجميلة الله يرزقهآ ..

هي : هي فديتهآ , لآ وتعرف تطبخ بعد

آم فهد : مآشآءآلله

هي : خلنآ من بنتي , الا اخبار فهد ولدج ومرته ؟

آم فهد بحقد : مرته للحين مريضه , خلها تولي بس هو بخير ..

هي : آلله يعينه , جيه مآتقوليله يعرس عليها ؟ حرمه ثانية تعينه وتسآعده على تربيه طلآل ولده

آم فهد : دخيلج عيزت وانا اقوله , هالولد مآيسمع مني !!

هي : بس لآزم تشدين عليه , لما بيجوف مرة يمه بيستآنس وبيعرف ان كلآمج كآن فيه حق وآنه بيرتآح من الهم ..

آم فهد ردت تدخل آلفكرة في رآسهآ : رآح آكلمه وآمري لله ..

هي : خلآص زين عيل فديتج انا رايحه عند عيالي , ديري بالج على نفسج

آم فهد : وآنتي بعد , وسلمي على العيال , مع السلآمة

هي : مع السلآمة " وبندت "

آم فهد تلعب بالفون : شسوي فيك يآ فهد , بنتها مآتتعوض وانا ابيها لك .. كيف اقنعك " يودت تلفونهآ وآتصلت لهآ " آلو

عذآري مستغربه من الصوت : آلو

آم فهد : شخبارج يا دكتورتنآ ؟

عذآري : بخير بس السموحه خالتي ماعرفتج منو آنتي ؟

ام فهد : مب انتي الدكتورة عذآري !

عذآري : هي نعم

ام فهد : زين عيل انا ام فهد , عمه نوف

عذاري عوت بوزهآ بعدم رضآ عن هالاتصال : آهلين خآلتي , آمري بغيتي شي ؟

ام فهد : بس بغيت اتخبر عن حآله نوف ..

عذآري : حآله نوف ماشي حالها للحين ماشي يديد

آم فهد تمثل انهآ مسكينه : يآ بنتي انا اخاف عليه , خليه يتزوج على نوف

عذاري مصدومه من كلآمهآ

ام فهد تكمل : يعني نوف الحين بيطول علآجهآ صح ولآلآ ؟ طلآل منو بيربيه ! فهد كله دوآم ولآ تنسي هالشي

عذاري عصبت لكن يودت عمرهآ : بس انا مايخصني في هالسالفه , عندج ولدج وكلميه , حد قالج اني خرآبه بيوت ؟ شكلج مآقريتي اسمي عدل , انا دكتووووووووووورة يآ خآله , يعني بس اساعد الناس في نطآق المستشفى لا اكثر ولآ اقل .. ومثل ما انا ماحب حد يدخل في حياتي الشخصية , انا ماسمح لنفسي ادخل في حيآة الاشخاص الثانين ..

آم فهد بتهديد : شكلج مب هينه وآلوآحد مآينفع يتكلم معآج بالطيب !

عذآري : وآنتي شكلج مآينفع وياج الا اني اشتكي عليج عند ولدج واحضر مكالمآتج من المستشفى نهآئيآ ..

آم فهد : مآتقدرين

عذآري بتحدي : الا اقدر ونص , شو عندي اخسره !

آم فهد : بتخسرين آخوج ..

عذآري باستغراب : وآنتي شو عرفج بآخوي ؟

آم فهد : اللي يسال مآيتوهه ..

عذاري : آيوآ , عيل اللي مآطوليه بلسآنج طوليه بايدج , آتمنى بعد آدلين بيت اخويه , روحي وخبريه .. الغاليه , نحن عآيلتنآ فيهآ شي اسمه ثقه وبعدين اخوي مش مسؤول عني , عندي ريل وهو اللي مسؤول عني تمآم ؟ ولآ عآد تغثينآ من صبايح الله خير , وآبشري , رقمج ترى بينحضر من المستشفى نهآئيآ , مع السلآمة " وبندت "

آم فهد : هين يآ عذآري .. تقولين اساس عايلتكم الثقه ؟ بنشوف آخوج شو رايه بموضوعج !!

.

.

لندن – شركة حمد !

حمد : حمدآن بيوصل اليوم صح ؟

سيف : هي باقي شوي ويوصل لان طيارته كآنت الفير

حمد : زين يوصل بالسلآمة

سيف : ترآه يسلم عليك

حمد : آلله يسلمه من كل شر ..

سيف : خلآص عيل انت كمل شغلك بالمكتب وانا بروح عندي اشغال شوي " وعلى طول طلع عشان مايساله حمد "

حمد تم يشوف الاورآق عقب ابتسم ورفع تلفونه وآتصل لهم ووصآهم على شي . . . .

سيف رآح وبطل المخزن وشغل الليتآت وتم يطآلع المكآن , سحب له كرسي وبدى من الرف العلوي , نزل منه صندوق كبير وبطله ..

سيف تم يكح من الغبآر : استغفر الله .. ماحد منظف هالمكآن شكله من سنين !

بطل الفآيلآت لكن مآلقى شي .. ولمآ سمع صوت وآحد من الموظفين ينآديه على طول طلع عسب لآ حد يلاحظ آنه ينبش شي بالمخزن وقآل بيرد يرجع مرة ثانية لمآ آي حمدآن !

ستيفن : الكمبيوتر لآ يعمل , كيف يمكنني القيام بجميع هذه الملفآت ؟

سيف تنهد : ولكن ؟ متى تعطلت جميع هذه الكمبيوترآت ؟

ستيفن : لا آعلم !

سيف : خلآص بروح اشوف شو السالفه وبرد

ستيفن يطآلعه ..

سيف : سآتي إلى هنآ لأحقآ يمكنك المغآدره الان " وطلع عنه "

حمدآن يشوف سيف يمشي وصفر سيف لف وانصدم , كيف وصل بهالسرعه ؟ ..

سيف : كيف يت هني ؟ " يطآلع الوقت " يآدوب توك تكون وآصل المطآر

حمدآن : خلصنآ بسرعه !

سيف : آنزين وخآلوه منو وصلهآ ؟

حمدآن : قوم خآلتي ياين ياخذونآ من المطآر , خلك من هالموضوع شو صار

سيف : مآشي يديد , حتى الكمبيوترات الحين خربآنه , خليت ستيفن يروح احس ماله داعي يقعد دام ماشي شغل يسويه

حمدآن : وحمد ؟

سيف : ف مكتبه , يكمل الشغل ..

حمدآن : آنزين والحين ؟

سيف : خل موضوع المخزن بآجر وآنت روح ريح ويهك تعبآن ياخي اكيد مب نايم بالطيآرة

حمدآن : يآربآهه , تحسسني يدتي , بروح اسلم على حمد عقب بروح جي تمام ؟

سيف كفخه على كتفه : تمام ونص وبعدين يزآتي صديقك اخاف عليك , آنقلع " ورآح مكتبه "

حمدآن : ههههههه مغبآه " ورآح وبطل المكتب وشافه غايص يطآلع الاوراق ويدقق " شوي شوي عيونك بطيح

حمد رفع راسه وابتسم : ههههههههههههههههههه حمدآن يييييييت , نورت الشركه ياخي !!

حمدآن : شسوي , أدري بدوني انت ضايع لكن الله كريم

دخل وسلموآ على بعض وطمنوآ على حآل بعض واسترخص حمدآن قال انه بيروح يريح , وبآجر بي وخلآه حمد على رآحته ..

.

.

وصلنآ السوق النهري , وتمينآ واول مآنزلنآ كآن في جي نفس القعدآت , توزعنا على الطآولآت وآبويه وعمآمي يابوآ لنآ كوكونآد – نآريل عشان نشربه , كلنا شربنا الا غايه , عاد انا بالذات تلذذت بطعمه , يمممي , ماشربه بالبلآد آبد وهني احسني بدمن عليه ..

: غايوهه لا يفوتج " قربت منها مالي " جربي

غايه تدز ايدي بعيد : قلت مابا جربت وماعيبني شربيه انتي بالعافيه عليج

: كيفج , انتي الخسرآنه

غايه : مآبخسر شي .. شربي وانتي سآكته

سويت لها طاف وكملت شرب , يآربييه طعمه يجنن , من اطلع باخذ لي واحد ثاني وواحد للدرب , وواحد لما اوصل الفندق ..

مهاري : نوننننآ في شو تفكرين يلآ الكل ركب القآرب الا نحن

رفعت راسي اشوف الصريخ والضحك , كآن آبوي يساعد آمي تركب والباقين يتمصخرون , آبتسمت حلوة الشغله تصدقون ؟ المهم كل مآدفعه منآ ركبت القآرب تحرك , ف القارب آلوآحد يآ يركبون 4 يآ 6 .. من جي ماشاء الله كآنت قوآرب وآيد تتريآنآ بمآ آنه عآيله كبيرة , ذيآب ومحمد قآلوآ بيركبون معاي انا ومهره لكن غايه احتشرت ومارضت .. سهيل يا وسحبها وركبهآ وياه وهي تتنآزع تبا تكون وياي انا ومهور , بيني وبينكم ؟ حتى مهور رفضت يوم عرفت ان محمد بيكون القارب .. وعشان مانسبب حساسية زيآدة ركبت انا حذال مهره وذيآب ومحمد جدآمنآ , كنت مستآنسه على الاقل اشوف ذيآب , لكن مهره مزآجهآ متعكر 180 درجه مب راضيه تتقبل اي شي , رن تلفون مهره وردت كآن عمي نآصر متصل ومعصصصصصب !

مهره : انزين شو فيك تتنآزع ؟ غايه مب ويانا ..

نآصر بعصبيه : قولهآ حسآبهآ عسير , كيف تفر هالياهل عندي وين تبا هااااي , لا وبعد الكل رآح !!!!

مهره يودت ضحكتهآ : انزين انا شو يخصني

نآصر : حد اي ياخذ هالياهل , ماعرف بعد خاله في اي قارب راكب

مهره : آنتوآ آلقآرب اللي جدآمنآ ولا ؟

ناصر لف وشافها : هي خله هذا الغبي اي صوبنا عشان تاخذينه

مهره : زين " وبندت وساسرتني عشان اخبر ذياب وخبرته وخبرنآ اللي كآن يسوق فينآ القآرب وبالزور رضآ "

ذيآب يشل الياهل عن ناصر : هالجمآل كله ماتباه وياك

ظبيه تلف وشهقت : آييييييه لططططططططططوف شوفي شوووو مسسسسويننن في ولديي !!!!

لطيفة لفت : ههههههههههههههههههههههههههههههههههههههه لاعبين لعوبهم بولدج وانتي ولآ دآريه

ظبيه عصبت : وينها غايه ؟

لطيفة : مع سهيل

ظبيه : كله منها هي اللي شلته قبل لا نركب القوارب , حسبي الله على عدوههآ

لطيفة : مآعليه خوف ..

ذيآب شل جرآح : خلآص يلا باي

وقآرب نآصر واللي وياه تقدم !

ذيآب حط جرآح في حضنه وقعد يلآعبه .. كآنت القوآرب جي تمشي في نفس النهر لكنه مب نظيف طبععآ , وعلى يمينآ وعلى يسآرنآ بيوت , آنصدمت بصرآحه كيف الناس عايشه هني , يعني انتوا متخيلين كيف ؟ مآبيقدرون يروحون مكآن الا بقآرب المنطقه كلهآ مآي .. ومب انه ماي يعني يقدرون يمشون فيه لا بالعكس عميق يعني لازم قوآرب , بصرآحه قلبي عورني على حالتهم , وكآنت البيوت مب انها وآيد آوكيه , بالعكس من الخشب , ولمآ لفيت الطرف الثاني ابا اشوف شفت جي قارب حذالنآ , كآنت حرمه وآيد كبيرة في السن وفي القارب مالها خضار شكلهآ كآنت تبيع , همتني وآيد لكن بالنهآيه انا شو بايدي اسوي ؟ شفنآ النآس كيف عايشين هنآك والله جد آلوآحد يحمد عمره مليون مرة على النعمه اللي هو عايش فيهآ , على الاقل نحن عندنآ بيت يحمينآ آمآ هذيل المساكين , جد مآقول غير الله يعينهم ويصبرهم .. كنآ نمشي بالقآرب عقب تم يلف فينا يمين ويسار عقب جي يعني خلصنا من صوب البيوت ويينآ صوب السوق , كان على اليمين واليسار سوق , سوق مش انه فخم ووآو لا بالعكس صنع ايدهم وكل شي جديم وبسيط موجود عندهم , استانست وانا اطالع الاشياء , كنآ اذا نبا نوقف في مكان يوقفنآ القارب قريب من المكآن , والحريم أو الريايل اللي هناك يكون عندهم مثل العصاه يسحبونا فيهم لعند المحل عسب نشوف , انا خذت شنطه جي هي مب مال طلعات وجي لا لو بحط فيها كتبي او شي يعني مستقبلآ , كآنت حلوة ومن صنع ايدهم , آمآ مهره مآرضت تآخذ شي وماشي عيبها ..

ذيآب : الهنوف

: سم

ذيآب : شوفي جدآمج

لزيت مهره على طرف وقعدت ف النص وانا اطالع المنظر , غايه كل ساعه توقفهم عند مكان وتتصور مع اللي في المحل وماتشتري والله اني هلككككككككككككت ضحككك ..

ذيآب : مش صاحيه هاي

: هههههههههههههههههههههههههه خلها على ربك ..

مهره لما شافت المنظر بعد قعدت تضحك .. تميت آطآلع محمد يعني من آول مآركبنآ مآتكلم ليش مايرآضيهآ !

ذيآب : هنوف , يودي شوي جرآح بتصل تلفون

: آوك

يآيه بشل جرآح عضني في ايدي , مآعنده غير ضرسين لكن عورني وبنفس الوقت قرقطني كنت بطيحه على الارض لكن في آيآدي ثانية يودت جرآح عدل , لفيت عشان اشوف شو ذيآب آطآلعني ولف يسوي اتصاله .. يعني ذياب متعمد يعطيني جرآح ولآ شو السالفه ؟ الايدتين اللي انمدت عشان تزخ جرآح مآطيح هي ايد محمد وايد مهره , ويعني لمآ بغوآ يزخوآ جرآح زخوه ولآمسوآ ايادي بعض .. لفيت الصوب الثاني ومهره سحبت ايدهآ وقالت ..

مهره : مرة ثانية انتبهي تراه ياهل نآويه عليه شو , والله لو ظبيه عرفت عن اللي صار بتآكلنآ

: مآكنت اقصد عظني ..

مهره يودت ايدي ولما شافت الضرسين ماله شوي باينين ضحكت : هههههههههه فديته اننننآ مآيبآج

محمد شل جرآح ووده قدآم وحطآه في حضنه ..

ذيآب فجآه زعق : شوووووه ؟ جذآآآآآآآبينننننننن , عطني امي اقولك , يالخايس منو معلمنك جي تقول ؟ عطني امي لا اصفعك الحين

عمر سحب التلفون : آلو هذا ذياب

ذياب : اهلين , منو معلم احمد هالكلآم ..

عمر : شمسه حرمه سعيد

ذيآب : هههههههههههههههههه تتبلون عليها يالحيوآنآت

عمر : هههههههههه نبا نطلع من التهمه , المهم انت ليش متصل شو تبا نحن مآنكلمك ترا

ذيآب : وليش ؟

عمر : نحن مآقلنآ لك مآتروح تآيلند معاها

ذيآب : انت جب وعطني امي

عمير سحب التلفون : ذيآب نحن بنسافر وانت بتقر بتيود الشركة , ها عقاب لانك خونت فينآ

ذيآب : الله يطولج يآ روح , سافروآ وين مآتبون عطوني اكلم امي .. ترى الفون مافيه رصيد

ام ذياب سحبت الفون : عيال منو يالسين تكلمون من الصبح " حطت السمآعه ع اذونهآ " آلو

ذيآب : صبحج الله بالخير

ام ذياب : صبحك الله بالنور والسرور , حي الله ذياب , فديتك والله احييت مسآمعي من على هالصبح

ذياب : فديتج , شخبارج وشخبار ابويه عساكم بخير ؟

ام ذيآب : كلنآ بخير , علك بخير ؟

ذيآب : انا بخير ..

ام ذياب : والهنوف وينهآ , لو عندك عطني بصبح عليها

ذياب : هي هذي موجوده دقيقه " عطآني الفون " الحكومه تبا تكلمج

يودت الفون : صبحج الله بالخير عموه , نحن كلنآ بخير لآ تحآتين , هي الحمدآلله " اتغير لونهآ " لآ تحآتين بدير بالي على الكل ان شاء الله , آنتي ديري بالج على حالج وسلمي على شمسه , هي , ونحن بعد وآلله , ماتوصينآ بشي ؟ " آنحرججججت " ان شاء الله , مع السلآمة " وبندت وعطيت ذياب التلفون "

محمد : ليش مستحيه هالكثر شو قالت لج ؟

ذياب لف وشاف لوني : هههههههههههههههههههههههه ياربااااااااااااااااااااااااااااه , يبالي ارد اتصل بها عشان اعرف شو قالت

: لا ذياب حلفتك ماترد تتصل , يآخي شو يخصكم سوالف حريمم

لفيت عنكم وانا اتذكر عموه , طول مكآلمتنآ توصيني على ذيآب . . بعد مآتمشينآ ف السوق ردينآ للقعده اللي موجوده وريحنآ شوي كنآ نتريا شوي السياير تحر , طبعآ غايه كانت تتحرطم من صوب , ونآصر يهزبهآ من صوب ثاني , والصوب الثالث ظبيه تتحرطم وتحضن ولدهآ وقآعده تبوسه , طبيتهم كلهم ورحت طلبت لي نآريل , ييآربيييه حسيت بآنتعآش مب طبيعي , لما اشرب اغمض عيني عسب اتمتع بالطعم اول مآبطلتها لقيت يوسف في ويهي وشرقت !

يوسف : صحه

طآلعته : على قلبي

يوسف خذ له نآريل ورآح قعد , آحس هدوء يوسف وراه عاصفه كبيره ومآبتهدآ آبد , ان شاء الله مايتهور ويسوي شي عشان لا تصير مشاكل بين الاهل ونفترق بسببه هالسخيف .. بعد مآخلصنآ ركبنآ السيآير وردينآ الفندق ونزل الكل , كنت مع غايه , آول مأنزلت من السيارة حسيت بحد يسحبني بقوه وكآنه كآن يبي يفصل ايدي عن جسمي وسحبني وراه , سمعت شهقات غايه لفيت آطآلع ويهه لقيته يوسف .. خفت , هذا مينون ؟ شو نآوي عليه .. غايه تركض ورآي وهي معصبه وتسب يوسف سبات فضيعه وانا مصدومه ماعرف شو اسوي , آحس كل جسمي تخدر ماقدر اضربه ؟ مآقدر اسحب ايدي حتى , هني عاد صدق حسيت اني بصيح ..

: يوسف هدني عورتني شو اللي تباه مني

يوسف : نتفآهم

صرخت : شو اللي نتفاهم عليه يالغبي انا مرتبطه وماباك آكرهك مآحبك ..

يوسف : لآ تعلين صوتج

غايه : يالخسيس يالـ**** يالـ***** , هدهآ لا الم عليك العآلم " وترفسه بريلها وتضاربه بايدهآ وهو دزهآ بقوه على اليدار وركبني التكتك مآل تآيلند وتحرركنآ وهي خيفآن وتركض ورى التكتك تبا تنزلني " الهنوف , لآ تروحححين معااااه هذا حقير " صرخت بقوه " لآ ترووووووووووححححححيننننننننننننننن !! " ركضت الفندق ودخلت وتمت تضغط المصعد وهي ترتجف ورآحت صوب شقه ذياب ومحمد , وتقول بصوت يملآه الخوف " ذييآآآآآآآآآآآآآآآآآآآآآآآآآآآآآب , حمممممممممممممموووووووووووووووود

تبطل باب شقه ناصر وكآن خآلد : شفيج ؟

غايه صاحت : وينه ذيآآآب ؟

خآلد : دآخخخل " يآ صوبهآ ويودهآ " شفيج ؟

الكل طلع ويشوفها تصيح صوب خآلد ..

نآصر : شو صآير ؟

غايه تصيح : خذآهآ , الله يخليكم روحوآ لهآ

ذيآب : غآيه شو تخربطين ؟

روضة طلعت من شقه مشاعل وخواتها كانت تبا ترد شقتها بس من شافت المنظر راحت صوبهم ..
__DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 01-16-2014, 10:18 PM

روضة بخوف : شو مستوي ؟

غايه تصيح وتشهق ..

روضة لفت غايه صوبها بقوه ويودتها من كتوفهآ وهزتهآ : تنطققققققققققي شو صصصصآير

غايه تشآههق : يي..وو..سفف

روضة تطآلعهآ بخوف : شوفيه يووسسسف شو مسسستويي !

غايه تصصصيح بقوه : خخ..ذ الهه..نو..ف مع..آه و..رآآ..ح

ذيآب عصب : شو يعني خذاها وين رآحح ؟

غايه تصيح ورصت على عمرها عسب ماتشآهق : خذآهآ , مآعرف وين , سحبهآ لما كنا بننزل من السيآرة , قال يبا يكلمها ويوم كنت ابا اسحبها منه ماخلآني وركبها تكتك وراحوا

سهيل حضن غايه : خلآص اهدي غايه بتي ..

روضة لفت وتمشي بانكسار لغرفتها .. كل المشاكل تي ورى بعض , الحين هي ماتعرف شو تسوي ووآيد خيفآنه على الهنوف ..

ذيآب مشى بخطوآت سريعه والكل ينآديه وهو مسوي طآف ومتحلف ليوسف .. نآصر ركض ورآه وعبدالله ويأهم لآن هالاثنين من بعد ذياب يعرفون شو صاير , اما خالد وسهيل قعدوآ يهدون اختهم ويطمنوهآ آن كل شي بيكون زين !

عبدالله : ذيآب استهدى بالله وين بتروح الحين ؟

ذيآب معصب : مآحد له خص , اللي مايبا اي لا يلحقني

ناصر : لا حول ولا قوة الا بالله , يسوف حركآته زآدت بزيآدهه

ذيآب زعق : آخرته على ايدي هالكلب " ويمشي سريع وهم ورآه عسب لآ يتهور ويصير شي " ..

.

.

برع البلآد ..

عذآري : آيوه , آحضروه تمآمآ , مابا اشوف هالرقم فالمستشفى ابد .. خلآص تمام , شكرآ , مع السلآمة " بندت وقآمت ورآحت غرفه نوف عسب تتطمن عليها لقتها وآقفه وتطآلع من الدريشة " صبحج الله بالخير

نوف لفت بخوف : خوفتيني

عذآري : السموحه , بس قلت بدخل اطمن عليك من زمآن مآشفتج

نوف ابتسمت ولفت : حلو المنظر .. أنتوا وآيد تهتمون في حديقه المستشفى

عذآري : هي ..

نوف بتردد : دكتورة انا ابا اسالج شي , في ريآل كآن دوم يزورني , هذا واقع ولا انا اتوهم واتخيل ؟

عذاري ابتسمت : لآ , وآقع

نوف : آنزين وينه ؟ هذآ منو !! انا وين اهلي ؟ ليش ماحد منهم يا للحين

عذآري : لانهم مب هني , اهلج بالامارات

نوف : ليش نحن وين ؟

عذآري : فلندن !

نوف بطلت عينهآ : شو آسوي هني , انقليني الامارات مابا اتم عندكم

عذآري : مآقدر , هني اضمن حياتج وراحتج هناك ماضمنها بوجود ام فهد وياج

نوف : منو هاي ام فهد ؟

عذآري : عمتج , آم ريلج !!

نوف ردت على ورى ويودت راسها : آنتي منو , آطلعي برع " قعدت تصيح وتكورت على نفسهآ "

عذآري رآحت صوبها وحضنتها وهي قلبهآ يعورهآ : آهدي , مب زين اللي تسوينه في روحج

نوف ترافس وماتبا حد وياها , وبخوف : ماباج , طلعي ماباج انا ماعرفج , آكرهكم كلكم " وكآنت بتشرد بس عذاري يودتهآ ودقت جرس للمرضآت "

عذآري بشده : ثبتوهآ جيدآ , سأعود الان ..

الممرضه : هل نعطيهآ مهدئ لكي تهدأ من ثورآنهآ

عذآري : لآ " وطلعت ورآحت يابت آيبآدهآ وخلته حذآل الطآولة اللي عند راس نوف وشغلت قرآن " آتركوهآ الان

خلوهآ الممرضات طلعوآ , وشوي شوي بدت نوف تهدا , بس تمت تصيح ..

عذآري بحنيه : لآ تخآفين ماراح اعطيج ابره ولآ شي , بس خلي القران هني يشتغل عندج بالغرفه عسب تهدين آنزين ؟

نوف تصيح ولافه الصوب الثاني , عذآري طلعت عنهآ وخلتها ولمآ تمشي بالممر شافت مهند قآيم ويمشي ويسحب وياه المغذي ..

عذاري ابتسمت : الصحه احسن الحمدآلله ؟

مهند : آلحمدآلله

عذآري تحجبت عدل ومشت تبا تروح مكتبها نآدآهآ وآحد

هو : عذرآ , هل توجد هنا طبيبه اسمهآ عآآذآآآري

عذآري ضحكت على نطق اسمهآ : ههههه نعم لمآذآ ؟

هو : تم إرسآل شي لك .. من حمد

عذآري آنحرجت لان مهند وآقف ويطآلعهم : نعم إنه زوجي

هو : لقد وضعنآه في الاستقبال يمكنك القدوم ورؤيته " ورآح جدآمهآ "

عذاري مستغربه يعني حمد شوبيكون مسوي لها , ولمآ رآحت جآفت الكل متجمع مآقدرت تشوف عقب اللي كآن موصل الشي سوالها درب وآول مآوصلت رفعت عينهآ وآنصدممممت وآنحررججت وآيييد .. كل المستشفى يرمس واللي يصفر واللي حسدهآ عذآري .. كآن حمد مطرش لهآ بآقة عودة بحرفهآ حرف " الاي " وكلهآ كآنت ورود حمرة , تقدمت صوب الباقه وهي منحرجه من اللي في المستشفى , جآفت كرت فتحته " هآف أأ نآيس دآي حبيبتي " ابتسمت كآن ودههآ تصآرخ من الونآسة .. يآ صوبهآ مآل التوصيل

هو : هل لك توقعين هنآ , لكي يتم تاكيد الاستلآم ؟

عذآري : حسنآ " وقعت وخلت العمآل ايون باقه الورد غرفتها ودقت له مآرد عليهآ " آآهه منه !

شوي ورد رن تلفونهآ وابتسمت وردت : آلو

حمد : هلآ بالحب , شخبآرجج !

عذآري آنحرجت : آلحمدلله , حمد تعبت عمرك

حمد : آششش يآ روح حمد مآبينآ ترى ..

عذآري آبتسمت : الله لآ يحرمني منك

حمد : ولآ منج , كيف كآن الدوآم اليوم ؟

عذآري : وآلله تحمست للشغل من بعد مفآجآتك, لكن تغصصت شوي بسبب ام فهد , آحسهآ نآوية على مشآكل

حمد : شو تبا هاي ؟

عذآري : تقول بتسويلي مشاكل وبتخبر علي اخوي ومادري شو

حمد : خلهآ تولي , وآستمتعي بيومج

عذآري : آن شاء الله وآنت بعد مآوصيك آستآنس ..

حمد : عذآري اليوم متى يخلص دوآمج ؟

عذآري : الظهر ..

حمد : زين ربعي بيون اليوم بتقدرين تطبخين ولآ نطلب من برع ؟

عذآري : آنت شو حاب ؟

حمد : آكل بيت مليت من اكل المطآعم

عذآري : خلاص لي تآمر فيه , من ارد بطبخ لكم ..

حمد : مآتقصرين , ديري بالج على حآلج ولآ تخلين شي يكدرج انزين حبيبتي , !

عذآري : آن شاء الله حيآتي وآنت بعد , مع السلآمة

حمد : مع السلآمة " وبند ورد لشغله " ..

.

.

مهره طلعت من شقتها ولما راحت صوبهم عرفت اللي صار من غايه وقبل تمت ساكته وتحاتي الهنوف وايد , قطع تفكيرهآ محمد اللي سحب ايدهآ ونزلها تحت ف الاستقبال كانت تطالع لبسها وتطالعه , شكله مب حاس انها بدلت لبسها وتآمه بجلآبيه بيت وشيله عاديه , انحرجت لان الكل كان تحت بس هو مسوي لهم طآف كلهم ودخلها المطعم مال الفندق وقعدوا على طاولة بروحهم ..

محمد : شو اللي قاعد يصير ؟ يوسف شو يبا بالهنوف !

مهره نزلت راسها وتمت ساكته ..

محمد : ممكن تكلمين عسب لا اظلم حد فيهم , ماحب اكون غشيم بنفس هالمواضيع

مهره رفعت راسها وآطآلعته : يوسف يبا الهنوف , وعشان الهنوف رفضته , علق روضه فيه وآوهمهآ بحبه والحين رد للهنوف وذياب عصب .. حتى مره تضاربوا لما كنت مسافر , وذياب بغى يذبح يوسف جدام آمك .. لكن هو فعلآ مصخهآ !

محمد دق بالطآولة بقوه : ليش انا ماعرف عن كل هذا ؟

مهره خافت : محمد

محمد معصب : خير ؟

مهره بتوتر : ماباك ادخل عمرك ولا تقول شي الا اذا ذياب قالك

محمد تنهد قآم ورآح صوب المصعد كآن يبآ آيب تلفونه عشان يطلع يلحقهم وهي راحت وراه .. ويوم تبطل المصعد ونزل محمد تمت فالمصعد تفكر عقب نزلت ووقفت طالعته يمشي قالت بحزن ..

مهره : لو ماتباني طلقني .. جفآك هذآ مآطيقه

محمد تم وآقف ولف : آطلقج !

مهره : انت ماتبا تطلقني عشان انا بنت عمك يعني ؟ وعسب لا تعيد اللي سوآه مصعب فيني

محمد عصب : آنتي شو تخربطين ؟ وآعيه للي تقوليلنه ولآ بعتي عقلج " قرب منهآ " اقين لا تفكرين كلآم آنتي مب مثمنتنه

مهره صآحت : تعبت , خبرني ليش تعآملني جي شو سويت لك ؟

محمد يبا يحضنهآ ويهديهآ لكنهآ دزته ..

مهره بتعب : لآ , لآ تقرب خلك بعيد , بس خبرني شو سويت , متى بترد لي محمد اللي عرفته ؟

محمد تم يطآلع عيونهآ وقال من قلب : آنآ آسف

مهره تمت تطآلع عيونه ودموعهآ تنزل : آشوف الصدق فعيونك لكن ليش قلبي مب راضي يصدق ماعرف ..

محمد : الايام بتثبت لج

مهره يا في بآلهآ لمآ مصعب قالهآ " محمد لعآب , الزمن بيثبت لج " مسحت دموعهآ وقالت : آتمنى

محمد تنهد : مهره

مهره طآلعته : عيونهآ

محمد يحس بآلم في جسمه : انا بروح انام

مهره كانت بتقوله اوك لكن طاحت عينهآ على قميصه اللي في بقعه حمرآ قربت منه وقالت بخوف وهي ترجف : محمد شو هآ ..

محمد عرف ان الجرح تبطل شوي : انا رايح المستشفى

مهره صاحت : الله يخليك خذني معآك

محمد يطآلعهآ : بهاللبس ؟

مهره : لآ لآ الحين بروح مآبتآخر " رآحت لبست على السريع بنطلون وقميص طويل ولبست جآكيتها وتحجبت وحطت شنطتهآ على طرف " انا يت تآخرت ؟

محمد : لآ بس دخلي شقتنآ ويبي تلفوني لو سمحتي

مهره : آنزين " ركضت غرفته ويابت تلفونه وجآفت ظبيه " قوليلهم اني طلعت مع محمد

ظبيه تاشر لها : روحي ولا يهمج , الله يحفظكم

مهره : آمين " مشت حذآل محمد ونزلوآ " من شو هذآ ؟

محمد : آنجرحت لما كنت برع

مهره بخوف : يعني ..

محمد قآطعهآ : يعني كل شي بيكون بخير , لآ تحآتين

مهره نزلت راسها : آن شاء الله

ركبوآ سيآرة التكسي وتوكلوآ على المستشفى وهنآك ردوآ سكروآ له الجرح وغيروآ له الضمآده ووصوه يدير باله اكثر على نفسه

مهره مبتسمه : آلحمدآلله على السلآمة ..

محمد : الله يسلمج !

طلعت هي ويآه عند باب المستشفى , على طول حصلوآ تكسي وركبوه وردوآ .. كآن الهدوء طآغي على السيارة لي هي قالت

مهره تلعب بصبوعها : انا اسفه , يمكن مآكآن لآزم آرد عليه

محمد : مب مشكلة , انا اصلا انفلعت بزيآدهه , ممكن طلب

مهره تلعب بخاتم ملجتهآ : آمر

محمد : لآ تردين عليه مرة ثانية

مهره : آن شاء الله , ولو عرفت انه هو ببند على طول !

محمد : وبعد شي ثاني

مهره لفت صوبه بآهتمآم : شو هو ؟

محمد : لآ تطرين الطلآق مرة ثانية .. لآني آحبج ومستحيل اتخلى عنج , وقبل لآ تكونين بنت عمي ترآج دشيتي قلبي

مهره آنحرجت ولفت الصوب الثاني , تحس عمرههآ طآيره من الونآسة .. سرح فكرهآ صوب الهنوف وتمت تفكر لين قآطع محمد تفكيرهآ وقعد يسولف وياها , عشآن ينسيهآ كل شي حسته , ويعوضها !

.

.

لطيفة كآنت بالجمعية اللي حذال الفندق يالسه تاخذ لهآ حلويآت وآيس كريم , ولمآ رآحت صوب الكآونتر مافهمت عليه شو يقول .. شوي ودخل ظآهر خذآ له آيس كريم وردبول وطلع ويوم يآ بيحسآب شآفهآ وآقفه ومتوهقه !

ظآهر يطآلعهآ : شي صآير ؟

لطيفة آنحرجت : مآعرف ها شو يبآ " طلعت بيزآتهآ " آي وحده من هذيل !

ظآهر ابتسم وحاسب عنها وعنه : خلآص خلصنآ يلآ طوفي

لطيفة بطلت حلجهآ : شو يعني حآسبت عني ؟

ظآهر : لآ آنتي دفعتي

لطيفة تيود الكيسه بشك : انا دفعت " بطلت عينهآ ولفت صوبه " يالحيوآن تبا تشككني بعمري

ظآهر : ههههههههههههههههههههه يلآ يلآ جدآممممي طوفي !

لطيفة طلعت جدآمه وقبل لا يتحركون : لحظة

ظآهر لف : شو ؟

لطيفة طلعت خرده وعطته : هذي بيزآت الآغرآض مآلي

ظآهر يطآلعهآ : تعرفي هاي كم يعني ؟

لطيفة : كم ؟

ظآهر : 10 الاف

لطيفة شهقت وخشت الورقة ورى ظهرهآ

ظآهر : ههههههههههههههههههههههههههههههههههههههههه يالزطييييييييييييييييييييييييييه

لطيفة تتحرطم : عشر الاف عشان اغراض , من دكآنآ ب10 يلآ منآك بشتري لي فيهم اغراض واشياء جميلة

ظآهر : قسم بالله مب مثل اخوج , يآربيه كيف زطيييه

لطيفة بآحرآج : انا مبب زطييييييييييييييييه

ظآهرر : عيل ليش ماتبين تعطيني هالبيزآت ؟ عطيني انا دفعت عنج البيزآت فآلجمعيه

لطيفة طلعت عمله ثانية : هآ يود خلآص خذه ولا تخبرني كم يعني

ظآهر يود العمله من الطرف الثاني عسب يسحبهآ : يووه مشكورة وآيد , بسآفر فيهم لندن وبرد

لطيفة سحبت الورقة : كم هذيل

ظآهر : نص مليون

لطيفة شهقت : ظآآآآآآآآآآآآآآآهر يالحرآآآآآآآآآآآآآآآآآآآآآآآآآآمي

ظآهر : افا انا حرآمي شو سويت لج ؟

لطيفة دخلت الفندق وطبته ويوم دخلت عند ابوهآ خبرهآ كم البيزآت تسوى وانحرررررررررررررجت وظآهر عرف انها عرفت وهو ميت ضحك عليهآ في الطرف الثانننننني .. !

.

.

برع البلآد ..

1 : آلآورآق لآزم توصلنآ , لو حد درى بهآ بنروح وطي

2 : آلآوراق ضيعنآهآ ..

1 : آلآورآق موجودهه " دق آلطآولة بقوه " موجودهه والله يستر مايكون حد قرآهآ

3 دخل في دله ف ايده : قهوه ؟

1 رفع حيآته : نحن ننقآش موضوع مهم

3 : روق , الاوراق بنيبها ولآ يهمك

1 : تتكلم ببرود

2 : عآدي شو بيستوي يعني !

1 عصب وزعق عليهم : فيهآ اسامينآ بنروح السججن يآ حممممير " فر كل شي على المكتب "

3 : لكل شي حل

2 : لازم نبدأ ندورهم هني واذا مآحصلنآهم بنبدا ندور برع ف الاماكن القديمه اللي كنا نشتغل فيها

3 : المشكلة ان نحن اشتغلنآ في اكثر من مكآن , بس مآعليه ماشي يصعب علينآ بنحصلهآ ان شاء الله !

2 : آن شاء الله

3 : قهوه ؟

2 : بس تحآتي بطنج

1 : الآورآق نطلعهآ من تحت الارض " لف عليهم وتم يطآلعهم " واللي بيقرآ هالاورآق , يودع روحه " طلع عنهم "

.

.

رن تلفونهآ واستغربت , يعني هي صح فآتحه رقم الامارات لكن مآحد يعرف رقمهآ رآحت وردت ..

ظبيه : آلو ؟

سليمآن : هآ يآ حلوة ..

ظبيه ارتجفت بخوف : شو تبا ؟

سليمآن : ابا ولدي , ولا نسيتي ان عندي ولد

ظبيه : ولدك آنسآه

سليمآن : تزوجتي ؟

ظبيه : مآلك خص ..

سليمآن : مرتآحه !!

ظبيه : آكثر ممآ تتخيل

سليمآن : نسيتي ؟

ظبيه : الله ينتقم منك ..

سليمآن : آهم شي آنج مآبتنسين وهذا اللي كنت اباه

ظبيه سكتت عنه وكآنت بتبند بس سمعته يقول

سليمآن : بتريآج لين تتزوجين وبعدين ولدج ودعيه

ظبيه : عيل نجوم السمآ اقرب لك من ولدي " وبندت في ويهه " قآل اتزوج قال عشان ياخذ ولده , آنت حتى مآتتذكر اسم ولدك يالخسيس .. !

ظآهر كآن صآعد وشافه نآًصر : هآ نصور على وين ؟

نآصر : ولآ على مكآن بروح عند اخواني شوي وبرد اسولف وياك

ظآهر يخوز من الدرب وياشر له : بتريآك مب تنسآني

نآصر : آفآ عليك ..

ظآهر رآح شقه الشباب فوق و ناصر راح ونادى اخوانه كلهم وجمعهم في شقه بومآيد وتم يكلمهم ..

بومآيد : بس انت متآكد ؟

ناصر : هذآ قرآر آمي وانا احترمه , واذا هي تشوف ان الحرمه مناسبه لي فمالي من بعد كلمتها كلآم

بومآيد : شرآيك تسال الحريم بمآ آنه معآشرينهآ ..

ناصر : مآله دآعي ,, انا اثق بقرار امايه .. ودام هي تبيها وياها بالبيت انا باخذها

بوصالح : آلزوآج مب لعبه .. اذا بتاخذها خذها لانك تباها مب عشان امي تبا

بوخآلد : صح يآخوي لا تغلط ولا تتهور

ناصر : انا عطيت امي كلآم , انا يت اخبركم آتمنى تساعدوني ولو شوي عسب اتخطى المشاكل مع امي ..

بومشاعل : لي تشوفه يا اخوي ونحن كلنآ ويآك والله يتمم لك على خير

بومحمد : تبانا نكلم ظآهر ؟

نآصر : لآ مآعليه الحين انا رايح وبقعد اسولف وياه عقب بخبره ان شاء الله

بومآيد : الله يوفقك , كبرت عآد بتصير ريال الحين ومسؤول

ناصر رفع حياته : ليش علآوي شو كنت ؟

بومآيد : هههههههههههههههه علآوي اونه العب وياك بالسكه

ناصر : ههههههه علني مآخلآ من هالضحكه " قآم وحب راس اخوآنه كلهم " مشكورين , يلآ فزوآ عند حريمكم عن يدعون علي

بومشاعل : لالا يالله الحرمه تبا الفكاك

ناصر : اعوذ بالله , شكلك مطفشنهآ ياخوي , خذ الثانية تونس

بومشاعل يفكر : صرآحه افكآرك حلوة

بومحمد ياشر بالعصا : روووححح , روحح لا ارشك , اونه اصغرنآ وهو اللي يخربنآآ ..

نآًصر : هههه خلآص خلآص رآيحح " طلع عنهم ورآح عند ظآهر " ظهور قوم بنتمشى

ظآهر يشرب رد بول ويطآلع تلفزيون : متفيييييييييييج , آنثبر هني

سهيل : اقص ايدي اذا نصور ما وراه سالفه ولا هو شو يبا بك

خآلد : حركآت نص كم مانباها , قول جدآمنآ ..

ظآهر : محمد وذيآب ؟ وعبدالله وينهم !

ناصر : بصرآحه انا رحت معاهم عشان ندور يوسف لكن ردينآ .. مآحصلنآه لكن ذياب وعبدالله مآرضوآ يردون !!

صآلح : يوسف مآيتوب , نآوي على عمرهه !

خآلد : يستآهل , اللي سوآه مب شوي

ناصر : خلاص فكونآ , ظآهر تعآل

سهيل : ترآني خويه

ناصر : آنت قر هني شوي وبرده لك لآ تخآف , عنبوه لو حرمته مآطلبت وجوده هالكثر يمبهآ

سهيل : ههههههههههههههههههههه انقلعععععععع , انا بملج اصلا عسب املي هالفراغ العاطفي , لآ من خوي ولا من عم

ناصر : حآلتك مستعصيه , بخبر اخوي يزوجك البنت سرعه

ظآهر قآم : خلآص يآ جمآعه , حسيت اني محبوب الشعب , يلآ ناصر تعال

ناصر ضربه على راسه : جدآمممي

ظآهر يمسح على راسه : يلا

طلعوآ برع وتموآ يتمشون .. وبعد هدوء طويل كسره ظآهر !

ظآهر : يآخي قول , تحسسني ريال وحرمته يحآولون يدورون شي يسولفون عنه

نآصر وقف في ويه : انا ابا اقولك آني . . .

ظآهر يشجعه على الكلآم : آنك شو ؟

نآصر يلعب بشعره : آني شسمه , يعني ابا اتزوج

ظآهر : ههههههههههههههه ولايكون انا العروس ؟ ليش مستحي مني هالكثر يلآ تنطق

نآصر شجع عمره : لآ ابي اختك .. والكل يعرف ف قلت بكلمك

ظآهر بطل حلجه بصدمه : تبا ظبيوه ؟

نآصر آنحرج شوي حس انه قال الموضوع كاش خذآ نفس وقال : هي اباها

ظآهر : بس . . . مآعرف نصور احس ظبيه مآتنفع لك

ناصر رفع راسه : انت شآورهآ ولو مآرضت ترى الدنيآ نصيب ..

ظآهر : وجرآح ؟

نآصر : ولدي ومآعليه خوف .. آنت شآورهآ ورد علي خبر !

ظآهر : خلآص تمآم

نآصر مشى عنه جدآم وظآهر يمشي وراه ويضحك وناصر معصب !!

ناصر : بس جب !

ظآهر : اثاريك تباها وساكت هههههههههههه ياخي قول جي من زمممآننن

نآصر عصب منه ودزه ورآح الفندق ودخل غرفته بقوه وهو ومعصب وظاهر دآخل يضحك ..

ظآهر : لحققققوآ الخببببررر لحققققوآ

صآلح : شو مستوييي قوووووووووووول

نآصر يزآعق من دآخل الغرفففه : آنقللللللللوآآآآآآآآآ من ششششششششششقتي !

سهيل : آوف شكلك مزعلنه

خآلد : هههههههههههههههههههههههههههه قول قول

ظآهر : لآ عآد مب خوآن لهالدرجه عقب بخبركم , شوي وبي اسهر معاكم وبنآم معاكم بعد اليوم " رآح شقته " ظبييييييييوه

ظبيه طلعت : هلآ هلآ ..

ظآهر : وين جرآح

ظبيه : دآخل عنن..

ظآهر سحبها من ايدهآ وقعدهآ وقآطعهآ : ابا اخبرج شي لاني مستعيل

ظبيه خافت : خوفتني , فيك شي ؟

ظآهر : لآلآ لآتخآفين بس ..

ظبيه يودت ايده : تنطق

ظآهر : في وآحد خطبج

ظبيه سحبت ايدهآ بمستحى : شوووه

ظآهر : هي ناصر .. عم سهيل ولطيفة

ظبيه آنحرجت وآيد وكآنت بتقول لآ لمآ تذكرت كلآم : ظآههرر .. آننن..

ظآهر قآطعهآ : فككككريي .. وفكري وآيد زين انا بسهر مع الشباب خذي راحتج بالتفكير , وتآكدي اني مابغصبج على شي مآتبينه " رآح غرفته طلع بدله سبورت , بدل الجينز اللي كان لآبسنه ولبس هاي وتعطر ورآح وقبل لا يطلع قبل " فكري عدل انزين أختي !

ظبيه : ظآهر

ظآهر طبهآ وطلع .. غايه تركض وبحضنهآ جرآح ..

غايه : آنتي لآزم توآفقين لآزم

ظبيه بآنحرآج : وآنتي تتسمعين يالسه !

غايه : هي , والله ترى ناصر حبوب ويحترمنآ وآيد فمآبآلج حرمته

ظبيه : مابا .. عندي اسبابي برفضه " وقآمت تبا تروح "

غايه مطتها من ايدهآ بقوه وقعدتهآ : مآبسمح لج ترفضين

ظبيه مستغربه من تصرفات غايه : شفيج انتي تخبلتي ؟ مستحيل اظلمه وياي واخليه ياخذ وحده مثلي مطلقه ولا بعد عندهآ ولد عمج صغير ماباه ..

غايه : آووووووووو عمرج كم انتي 60 سنه , أنتي اصغر عنه ..

ظبيه : لآ تحآولين ..

غايه تغصص بجرآح وتكلمهآ : وصدآقه ظآهر وسهيل شو تتوقعي يصير فيهآ ؟

ظبيه قعدت وتسمع لها بانصات

غايه : اكيد لما بترفضي ناصر سهيل بيزعل وعادي ترى يتضارب مع ظاهر ويتفارقون ..

ظبيه : لآ مستحيل

غايه تخرط : آمبله , وعاد تعرفي يحليلهم شقد هم آخوآن عقب بيفترقون .. قلبي يعورني

ظبيه قلبهآ يعورهآ : غآيه لآ تكوني ضدي

غآية يودت ايدهآ : اظن يا الوقت اللي تردي تعيشي حياتج مع شخص قادر انه يسعدج .. وصدقيني يدوه مآبتقصر ويآج

ظبيه : آدري وآلله بس ..

غايه : بخليج آنآ آلحين وانتي فكري بروحج .. آكيد تبين تقعدين بروحج وعشان جي هالنتفه اليوم بينآم وياي !

ظبيه : لآ وآلله مآله دآعي تعبين عمرج بيقوم فليل يصيح

غايه : مآعليه خليه منسيني شوي من اللي انا فيه

ظبيه : شوفيج ؟

غايه : الخسيس يوسف عقب بخبرج عنه شل الهنوف وراح وذياب متخبل ها المختصر " قامت وشلت جرآح " انا بروح الحين وانتي فكري عدل , برد فليل عشان اخذ ثياب لنتفتي الجميل آوكيه ؟

ظبيه : مشكورة ..

غآية : آلعفو , يلآ بآي

ظبيه : ديري بالج على ولدي

غايه : لآتوصين " وطلعت من الشقه وهي في حضنهآ جرآح " . . .

ظبيه انسدحت ف الصاله وبطلت شعرهآ : شسوي الحين .. اذا تزوجت سليمآن بيآخذ جرآح عني , واذا مآتزوجت آخآف تستوي مشآكل بين سهيل وظآهر , شسويي .. يآربي سسسآعدننني , مآعرف آحآتي منو مصلحه ولدي ولا اخوي اللي حصلته عقب سنين " ضمت نفسهآ وغمضت عينها مرة ثانية بعذآب " ولآ آحآتي ونآستي اللي .. " غصت وسكتت " يآرب .. آخترلي ماترآه خير لي !

.

.

دخلت آنآ ويآه مطعم وقعدنآ .. كنت يوعآنه لكن كآبرت , صار فليل وهو مآخذني بعيد اخاف يسوي فيني شي هالغبي , يآ ويلي من ذيآب آكيد بيذبحححه , نزلت راسي بضيج لما تذكرت غايه , آكيد تعورت , يتني الضحكه لكن يودت عمري وانا اتذكر سباتها القوية اللي عمرها ماكانت تقولهآ , كيف كانت تضرب يوسف دفاعا عني . .

يوسف : ترى والله العظيم مب خآطفنج

قلت له بكرهه : آسكت مابا اسمع حسك ..

يوسف : انا يبتج هني عشان آكلمج

قلت وانا راصيه ع اسنآني والود ودي اشل السكينه اللي قدامي واحطها بقلبه : عشان شو ؟ وبعدين حتى لو كنت تبا تكلمني جان كلمتني جدآم الكل , آنت تبا تينني , تبا ذيآب يذبحك !

يوسف : هدي اعصابج .. اذا تميتي جي مستحيل نتفاهم

: قال نتفاهم قال ..

يوسف : انا ابا روضة

بطلت عيني , لآ خلاص يوسف فعلآ بايع عقله , يايبني ويسحبني بهالقوه عسب يقولي انه يبا اختي : انت مش صاحي صح ؟

يوسف : مآتمصخر تراني ..

: ليش تباهآ آلحين ؟ ليش مآكنت تباها لما كانت تحبك وتحترمك وتقدرك , ليش بعد مآطحت من عينها بتي ترد لهآ !

يوسف : لآني حسيت بقيمتها الحين وآبآهآ

: لا حول ولا قوة الا بالله , آنزين ليش سحبتني بهالطريقة , الحين اكيد الكل متخبل يدور علينآ !

يوسف : قصدج ذيآب يدور عليج ؟ عندج تلفونج طلعيه وكلميه

صححح , كيف مايا ف باااليي ..

يوسف قال بصدق : ياي اكلمج وبس , وانا اعرف انج مآبتسمعين لي ولا بتعطيني مجال لو كنا وياهم وفوق ها ذياب مابيخلينا على راحتنآ نتكلم !

: صبر لا تكمل بكلم الذيب

يوسف باستهزآء : الذيب ؟

: لآ مب الذيب " قلت بحده " ذيبي انا وبس " يودت تلفوني واتصلت فيه وسمعت من حسه اللهفه والخوف وبنفس الوقت العصبيه "

ذيآب بخوف : وينج ؟ سوآلج شي !!

قمت من على الكرسي وانا اشر بايدي انه دقيقه ورحت شوي وهو يطآلعني لفيت عنه عسب اخذ رآحتي : ذيآب

ذيآب قلبه يدق : لآ تخوفيني سوآلج شي هالخسيس ؟ " عصب " آخرته بايدي

: هدي اعصابك , ماصار شي

ذيآب : آحلفي

: وآلله , هو بس يبا يتكلم وانا بسمعه عقب بنرد

ذيآب : ليش مآتكلم هني ؟ ويآنآ , آلهنوففففف خبرييينييي الكلب شو يبا منجججج

: الله يهديك يا حبيبي , هدي نفسك آول " عضت ع شفايفها "

ذياب ابتسم : آول مرة

: ذيآب هو مايبا شي بس يبا يتكلم

ذياب : لا اشوفه الليله عسب ماذبحه

: يكلمني عن روضة ..

ذيآب : الحقير الـ*** الـ****

انا فتحت عيني : ذيآآآآآآآآآآآآآآآآآآآآآآآآآآآآب

ذيآب حس على عمره : ديري بالج منه .. !

: حط ايدك على قلبك واقرا المعوذات , مرة لي ومرة لك ورد الفندق وتعوذ من بليس نحن ماراح نتاخر

ذيآب : كوني بخير عشاني , آحبج

: بكون , وآنت كون بعد عشاني , آحبك , مع السلآمة

ذيآب : مع السلآمة " وبند . . آطمن قلبه يحس ان حمل ثقيل طاح من قلبه بعد ماسمع حسهآ ورد الفندق وهو يتعوذ من بليس ويقرا المعوذات "

رديت قعد على الطآولة : كمل ..

يوسف : انا قررت

قلت بهدوء : وشو قرآرك !

يوسف : آنـآ . . . . . . . . . .

.

.

ياكحيل الطرف ياذاك الجميل = جوّك الصافي علّي اش كدره

تنتظرك العين من وقتن طويل = لا ولا منك نديبي تخبره
كم تقول الناس محبوبك يميل = صوب غيرك .. هاجرنـّك .. واهجره
قلت انا مـَسمْع لكم قايل وقيل = بانتظاره لين عيني تنظره
ياحبيبي ليش في وصلي بخيل = شم تعذبني ولالي مغفره
ارحم اللي عاش في حبك عليل = قبل مايخسرك وانته تخسره
المحبة تتلف الجسم الثجيل = لاتفكرها لعوب ومسخره
اسال اللي جربوا كم من جتيل = في بحرها راح ماحدّ اظهره
ياقمر وقتي .. وعقلي والدليل = والامل اللي انا بتصوره
انت راحتي وعن شمسي ظليل = وانته اللي للشدايد بذخره
احلف اني لك ولااطلب بديل = لو معاك اعيش في ظل اشجره
اذكر الماضي عسى عمرك طويل = والوداد اللي انا بتذكره
مابقي الا الذكر منك والجميل = في حياتي .. وانت ماتتذكره
عودي لي شانك على العهد النبيل= او تسامحني وعطني المعذره
من كلامك اقتنع لو بالجليل = لو تطيـّح من كلامي اكثره
وان نسيت الحب كله والجميل = مالي الا الصبر لونا مااقدره

كلمات الشاعر الاماراتي الراحل / احمد علي الكندي

.

.
__DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 01-16-2014, 10:31 PM

آلسلآم عليكم ورحمةة الله وبركآتهه *

آخبآركم قرآئي ؟ آتمنى تكونون بآلف صحة وسلآمة ..

طبعآ مثل مآوعدتكم ببآرت طويل , عآد , الحين اللي بتقول

آن آلبآرت قصير ومآفي آحدآث جد *يآويلهآ* !!

شكرآ من قلب لجميع اللي ردوآ وتفآعلوآ بالبآرت اللي طآف

للبنآت اللي شآركوآ بالمنتدى عشآن روآيتي واللي ردوآ

ترى والله ردودكم جي تونسني وآيد . . . .

طبعآ يآ حلوين الكل يعرف ان بعد اسبوع نحن بنرد ندآوم

ف الاعلان او الشي اللي بقوله هو , , , ,

آن من الاسبوع الياي خلآص البارتآت كلهآ بتكون بالويك آند

لآن جدولي طلع مب هين

وبعدين انتوا عليكم درآسه آدرسوآ ولآ تخلوآ الروآية تلهيكم

آتمنى الكل يكون موآفق لهالقرآر , لآني بصرآحه مب مستعده

آخآطر باغلى شيئ في حيآتي " مستقبلي " !

طبعآ يآ قرآئي الكل يعرف ان هاي اخر روآية لي بتكون ف عآلم الروآيآت " حآليآ "

فآتمنى آنكم تدعموني دآيمآ !

آلمهم , بالنسبه للآخطآء الاملآئية ترآني مشيت عليها خطآفي عسب

لآ ابطي بتنزيل البارت عليكم , لو كآنت في وآيد آخطآء يآليت حد يكتب عسب

ارد آعيد ترتيبه , آمآ اللي ورى البارتات اللي قلت بعدلهآ آنسوهآ " ماشي وقت "

و و و بس آتريآ ردودكم بفآرغ الصبر

آحبكم قرآئي / آترك المسآحه لردودكم المفرحه ..

مرآقبه بصمت ’ لكم وديي جميععععآ ֆ' ♥♥
__DEFINE_LIKE_SHARE__

Amooon_Alnahdi · 01-17-2014, 12:10 AM

السلام عليكم ورحمة الله وبركاته
لا عاد هالمره البارت كان طويل وجميل واستمتعت فيه بصراحه وكان فيه وايد احداث وحماس جي
حزنت وايد يوم قلتي انه هاي اخر روايه لج ليش انزين احس اني تعودت عليج وعلى كتاباتج بس الي تشوفينه زين حقج سويه

اممم بالنسبه للتوقعات احس يوسف بيقرر انه يتقدم حق روضه
محمد احس انه طايح في مشكله و شي جي وخايف على مهره او يمكن مهددينه بمهره
لطوف وظاهر كتكوتين ان شاء الله يكونون من نصيب بعض
ظبيه ونصور :احس ظبيه بتوافق عليه ونصور بيوقف وياها بخصوص سليمان طليقها

اممم وبس فاأنتظار البارت القادم

-البارت الياي بيكون بالويكند الياي يعني ولا شو ؟

__DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 01-17-2014, 03:13 PM

المشاركة الأصلية كتبت بواسطة amooon_alnahdi

السلام عليكم ورحمة الله وبركاته
لا عاد هالمره البارت كان طويل وجميل واستمتعت فيه بصراحه وكان فيه وايد احداث وحماس جي
حزنت وايد يوم قلتي انه هاي اخر روايه لج ليش انزين احس اني تعودت عليج وعلى كتاباتج بس الي تشوفينه زين حقج سويه

اممم بالنسبه للتوقعات احس يوسف بيقرر انه يتقدم حق روضه
محمد احس انه طايح في مشكله و شي جي وخايف على مهره او يمكن مهددينه بمهره
لطوف وظاهر كتكوتين ان شاء الله يكونون من نصيب بعض
ظبيه ونصور :احس ظبيه بتوافق عليه ونصور بيوقف وياها بخصوص سليمان طليقها

اممم وبس فاأنتظار البارت القادم

-البارت الياي بيكون بالويكند الياي يعني ولا شو ؟

وعليكم السلآم ورحمةة الله وبركآتهه *

يلآ آلحمدآلله آهم شي آلبآرت عيبكم وآنه حمسكم آكثر

للبآرتآت اليآيه . . .

مآرآح تكون آخر روآية للآبد , يعني حآليآ فقط [ لآني ببدآ تخصص خلآص ] !

ف مآبي الروآيآت تلهيني عن درآستي , آكيد بعد سنتين

آو سنه برد آكتب لآن هاي هوآيه جميلة وآحس آني مآقدر آيوز عنهآ

تسلمين فديتج لكتآبةة رآيج بالشخصيآت آو التوقعآت

آتمنى طلتج المميزة تدوم فالروآيةة للآخير

هي البارت بيكون الويك آند الياي ان شاء الله ,

آنرتي / كوني بالقرب دآئمآ جميلتي ♡♡

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد	porshcia	عدسة الاعضاء , كاميرا الاعضاء	12	08-10-2010 12:26 AM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM