لستُ بحـآجهةة إلى ألمٍ جديدَ :ف‘بي من ( الـألمِ ) مَ يكفي # ! - الصفحة 26

bnat ad · 01-24-2014, 01:06 AM

شو هالحقققآره اللي على ابراهيم سم يسمهه

وحليلهآ سلامة لا آم شرآ الخلق ولا ريل
آنا اللي الحين مب فاهمهه محمد هو يحب عنود ولا ؟
ومشكورةة على البآرت __DEFINE_LIKE_SHARE__

S3ad · 01-24-2014, 08:29 PM

اكرره إبراهيم نحس وايد __DEFINE_LIKE_SHARE__

وحدآويه مغروره · 01-26-2014, 03:15 PM

المشاركة الأصلية كتبت بواسطة bnat ad

شو هالحقققآره اللي على ابراهيم سم يسمهه
وحليلهآ سلامة لا آم شرآ الخلق ولا ريل
آنا اللي الحين مب فاهمهه محمد هو يحب عنود ولا ؟
ومشكورةة على البآرت

ههههه بعدين بتعرفين اذا يحبها ولا ؟
تسلمين فديتج ع الرد
نورتي وكل يوم تعالي !

المشاركة الأصلية كتبت بواسطة s3ad

اكرره إبراهيم نحس وايد

هههههههه كلنا نكرهه ! حتى انا الكاتبة وايد اكرهه !!!!!!!! __DEFINE_LIKE_SHARE__

وحدآويه مغروره · 01-26-2014, 05:45 PM

#11
.
.
.
محمد
رجعت الى المنزل اليوم مبكرآّ , اشتقت الى عنود كثيرآ قالت لي قبل نصف ساعه انها ستنتظرني في الغرفه , ولكن عندما دخلت فوجئت بهآ وصرخت : عنووود
ركضت اليهآ : عنود حبيبتي صار لج شي تعورتيي !!
قالت بتعب : بموت
حملتها بيدي والبستها عبائتها وذهبت بها الى المستشفى :

الدكتور : كيف طاحت حرمتك ! ممكن توصف لي
: ماعرف بس الاغلب زلقت فالحمام ! لاني شفتحها طايحه صوب الباب وراسها دم ,
الدكتور : آوكيه مشكور
: انزين دكتور ما خبرتني شصار عليها
الدكتور : هيه بخير , بس هي لانها طاحت ع ظهرها فتأثر شوي , لازم ما تتعب ولا تتحرك لان احتمال يعورها بزيادة فلا تتحرك وخلها مرتاحه ,
: اوك مشكور دكتور
ذهب عني , ودخلت غرفتها
: حبيبتي عنود انتي بخير الحين ! في شي يعورج !
عنود : انا بخير , بس ظهري !
: لا تحاتين بتكونين زينه , وبيخف عنج العوار
عنود : ان شاء الله
امسكت بيدها الصغيره وابتسمت لي بحب
: احبج والله اني احبج , صح اني عصبي , بس ها طبع فيني وانا ماقدر لازم اعصب ع أي شي
عنود : عادي بتحملك شسوي
: اذا قمتي بالسلامه بتصل لابراهيم وبنروح صوبهم عسب تشوفين سلامه
اغمضت عيناها بالم يبدو ان شيئا ما يؤلمها
خفت كثيرأ : ارتاحي حبيبتي ارتاحي خلاص
.
.
.
سلآمه ّ
صرخ : سسلامممه قوومييي !
فتحت عيناي بصعوبه لأراه من جديد ,
لآكرهه من جديد . .
ابراهيم : قومي سويلي ريوق
دمعت عيناي وصوتي متعب من كثرة الصراخ من الضرب : انزين انا ماقدر اقوم من مكاني جسمي كله يعورني , ابراهيم انا بردانه تعبانه , قومني ساعدني خلني انش . شوف جسمي شوف ويهي , انا مابي الوقت يمر , مابي تيي الساعه 11 عسب تضربني , اذا ما تباني وياك وما تبا تطلقني اذبحني اجتلني بس لا تخليني جي اتالم بسبتك
نزلت دموعي اكثر وكل ما تنزل تحرق وججهي بسبب الكدمات
ضحك باستهزاء : يعني بتكسرين خاطري جي ! بعطف عليج وبقولج لا لا تموتين وانا بساعدجج ! ويعني بوقف ضررب , انا بضربجج لين تمونين
صرخت بصعوبه : موتنني موتنيي
حضنت رجلي عندما رايته بقترب مني : شوفي بعد شوي بتستوي 11 الظهر , لا تخليني اضربج مرتين فاليوم ونفس الساعه , واكرهج فرقم 11 ههههههههههههههه
ذهب عني وهذا ما اراحني , اغمضت عيني بهدوء , بعد لحظات سمعت صوت خطواته تقترب مني , رفعت راسي لآراه
ابراهيم : قومي وقفي !
: ماقدر , ماقدر اقوم من مكاني
صرخ : قووومميي وقفييي قلت لجج !!
حآولت الوقوف , وقفت لثوانن , ولكن خانني الالم وسقطت
صرخت من الالم : آآآآآآآآآآآآخخخخخ
صرخ : يعورج صح !
لم اقل شيئا . .
آكمل : نفس الالم اللي تحسين فيه الحين انا احس فيه الحين لما ماقدر اعاملج ك حرمتي وزوجتيي !!! لاني ماقدرر احببج ! ماقدر اتقبلج فحياتيي , اطلعيي من حياتيي , سلاممه انا اكرههججج !!
: وانته تتحرى انا ميته عليك ! ماقدر اعيش من دونك ! هالكلام يعني يأثر فيني ! ترى الله فوق , وانا ودي تطلقني اليوم قبل باجر ! لكن مابا ارد بيتنا , لان ما يفرق , اللي تسويه انته فيني الحين , ماما كنت تسوي نصه وياي قبل لا تسويه انته !
ذهب عني , ولم يؤثر به الكلام ! استسلمت للبكاء وانا اسمع عصافير بطني تبدآ بالصراخ من الجوع
.
.
.
فطوم
: نواف بتوديني المقابله !
نواف : أي مقابلة بعد هاي !
: مادري طرشت اوراقي فشركة وقبلتني وقالت بتسوي وياي مقابلة ! بتوديني ولا !
نواف : وين الدريول !
: آوففف يعني ما بتوديني !
نواف : والله مب فايج لج ترا
غضبت : شسالففه كلل الناسس صايرةة عصبيييه !! آخيييه الله يهديككم
ذهبت وتجهزت وذهبت مع السائق الى المقابلة . .
******* : الاسم ؟ فاطمة صح !
: آ أ أأ هيه فاطمة
****** : شهادتج ثنوية عامه صح !
: هيه
****** : آوك , دام ان ما عندج خبرات بس تعرفين للكمبيوتر وايد , بخليج سكرتيرة المدير , لانها اصلا تقاعدت وانتي احسج مناسبه
: هاا ؟
****** : شو ما عيبتج الوظيفه !
: عيبتني بس يعني شسمه , احس الوظيفه وايد كبيرة علي وما بروم اتحمل المسؤوليه
****** : لا تحاتين , اول اسبوع من الدوام بنخلي أي موظفه تعلمج الاساسيات اللي فالشركه !
: آوك مشكور
****** : لو تبين خذي اوراقج لان خلاص ما بنحتايها !
: آوك مشكور اخوي
خرجت من الغرفه , فرحت كثيرا لانه تم قبولي بسرعه كبيرة ! ومن فرحتي !
: ههههففف انته ما تششوفف !!!
خالد : آسف آختي !
آخذت اجمع الأوراق , ومشيت بسرعه !
.
.
.
خالد
آوه ! لقد نسيت احد اوراقها , حملت الورقة وقرأت اسمها !
: معقوله تكون اخت نواف ! اوفف الحين شبسوي فالورقه ! اخليها عندي يعني , هيه هيه بخليها , اكيد بتي مرة ثانيه فبعطيها !
.
.
.
فطوم
صرخت : باركوليي باركوليي ! نجحت فالمقابلهه !! يسس وآخيرآ
بو سيف : وشو شغلتج !
: ههههههه شغلة م تليق عليه ابد , سكرتيرة
سيف : هاا ! ههههههههههههههه الحين انتي سكرتيرة ! انتي حدج فراشه !
: نعم نعم , ترى انا عندي خبرات وجي احسن عنك !
نواف : انتي سكرتيرة وجي متفلسفة علينا , عيل لو مديرة شبتسوين !
: لا تعرفوني ولا اعرفكم ,
ام سيف : ههههههههه انا بسير اشوف الغدا لو يلست اسمع سوالفكم م بخلص
ابتسمت لها , وامسكت هاتفي واتصلت بآبراهيم
: الو ابراهيم
ابراهيم : هلا فطوم
: شفيه جي صوتك !
ابتعدت عنهم لكي لا يشكوا ويسألوا
ابراهيم : م فيني شي !
:برهوم بقولك شي ! الصراحه امايه وايد متضايجه منك , لا اتصلت فيها , وكل ما تبا تزورك انته تتهرب , وسلامه فونها مغلق . ومستحيل في ولد ما يبا يخبر امه هو وين ساكن عسب تزوره هو وحرمته !
ابراهيم : استغفر الله ! وين تزورونا كفايه نحن نزوركم , بعدين انا هالفترة مشغول و مديري وايد مشدد علي !
: ايواا , جي السالفه يعني , ع طاري المدير والشغل باركلي ههههههه
ابراهيم : ع شوه !
: الوظيفه ي حبيبي الوظيفه
ابراهيم : قبلوج هييج الشركه يعني !
: هيه
ابراهيم : وشو شغلتج ؟
: آحم سكرتيرة المدير
ابراهيم : اوف مرة وحده !
: هيه نعم
ابراهيم : زين مبروك تستاهلين !
: انزين انته وين ؟
ابراهيم : فالبيت والله
: انزين عطني سلامه والله اشتقت لها وما اعرف اخبارها ! برمسها بس دقايق
ابراهيم : اوك , شوفي انا بسكر وبعد خمس دقايق هي بترممسج من فوني
: آوك انا اتريا !
اغلقت الهاتف , وذهبت الى الصاله
: نواف تعال ششوي بقولك شي يهمك
اتى الي وذهبنا الى باحة منزلنا
نواف : شسالفه ؟
: الحين برمس سلامه
نواف : والله
آحسست بلمعان عينه من الفرحه !
: هييه , انا سماعه وانت الثانية ! , لا ترمسس , حتى نفس ما تتنفس
نواف بحزن : اصلا هي اكسجيني
حزنت عليه كثيرآ ! حبه لها لم يكن بالحسبان !
.
.
.
ابراهيم
: سلامة نششي !
رايتها تفتح عينها بصعوبه لتراني !
بعصبيه قلت : شوفي فطوم الحين بترمسج من فوني ! لا تبينين لها أي ششي ! اضحكيي وكأنج عادي , ولا والله لو عرفت انها تعرف اللي يصير والله بجتلجج فاهمه !
مدت يداها لي كالطفله التي تطلب النقود !
اعطيتها : بعدين تعالي بنفسج وعطيني اياه ! تحركي شوي هه !
مشيت عنها واغلقت الباب بقوة !!!!
.
.
.
سلآمه
لم آصدقّ م قاله ّ
آه كم اشتقت لها "(
: الو فطوم !
فطوم : سسلامممه حبيبتييييي ! اشتقت لججج ي حيوانه ! ليش م تسالين عنيي انا مب ربيعتج وبنت خالتجج , يعني شوه نسيتي العشررة !
: لا ما نسيت بس والله
فطوم : ويت ويت انتي مزجمه شوه ! مريضه فيج شي !
: لا ما فيني بس صوتي مروح من البرد !
فطوم : اهاا , انزين كملي شو كنتي بتقولين !
: أأ أ السموحه منج والله , بس هالايام مشغوله وما احصل وقت
فطوم : ااهاا ! انزين فونج وينه كل ما اتصل بج مغلق
: فوني انكسر
فطوم : اهاا , وحليله والله ! انزين انا كيف اتواصل وياج الحينه !
: ماعرف والله
فطوم : انزين ممكن اسالج سؤال وتجاوبين بصرآحه !
اعرف انيّ سآكذب ومع ذلك قلت : هيه اسألي
فطوم : انتي مرتاحه !
اغمضت عيناي بشده ! اين الراحه في كل ما اعيشه ؟
قلت بخوف : هيه الحمدلله !
فطوم : ما اصدقج ! ع العموم يوم اشوفج لنا موضوع ثاني !
: آوك
فطوم : يالله مع السلامه
: الله يحفظج
اغلقت الهاتف , وقفت بصعوبة ! توازنت , بدآت رجلي تؤلمني من ذاك اليوم الذي حرق فيها رجلاي بالشموع الحمراء , فتحت الباب ! اغمضت عيناي وشعرت بالدوخه
قلت بهمس : يارب عونك !

عندما رأيته جالسه , شعرت اني ارى له نسختين !
قلت بتعب : أأ أ أ برا هيم
لم تتوازن يداي ! سقط الهاتف من يدي ! شعرت انني التقط انفاسي الاخيرة !
لم اشعر بشي ! فقط اسمع صوته ينادينيي ! بعدها اغمضت عيناي وكانني اودع دنياي ,!
.
.
.
العنود
: حبيبي ليش تعبت عمرك ويبت لي الاكل لين فوق !
محمد ابتسم لي : مابا اتعبج لازم ترتاحين ويرتاح ظهرج
: انزين كل وياي !
محمد : لا انا مابا , كلت فالدوام شوي , واحسني شبعان ! قال بحماس : هاتي انا بأكلج !
: هههه محمد عاد ! مب ياهله انا ! تحسسني اليوم اول يوم متزوجين !
محمد : انزين بعدنا معاريس ! ما كملنها 3 شهور بعدنا
: خلني بآكل روحي
محمد : طع
: ههههههه انته ارتاح انا باكل ! والله عمري 18 واعرف كيف الناس تاكل !
محمد : عنود عاد, انا شرطت اول , خلاص يالله اسمعي كلامي لا تعاندين
: انزين لا تعصب خلاص !
محمد : تعرفين هالكلمه تعصبني اكثر فلا تقولينها !
: ههههههه اوك حبيبي يالله
ابتسم ليّ بدّآ يؤكلنيّ , شعرت ولأول مرة انني طفله معه ّ , فآهتماممه يزيد حبي له ّ هيامي به
.
.
.
سلآمه
فتحتّ عيناي ! ورآيت الخادمه امامي ! عندما رآتني الخادمة افتح عيناي ركضت تنادي به !
رآيت نفسي في الفراش , بعد ثوان رأيته ات لي مبتسم بسخرية !
ابراهيم : زين نشيتي !
لم اقل له شيئا فقط نظرت اليه !
ابراهيم : الحين كلي أي شي تبينه! وزهبي روحج الساعه 11 ! ههههه اليوم في طريقة يديدة ! غير الشموع والظرب والحديد !
بدأت دموعي بالنزول هذه المرة بكيت امامه بشدة : ارحمنييي , ليش انا ذليله فالوقت اللي المفروض اكون فيه مدللـه !
صرخ : لا تصيحين !
صرخت ودموعي تنزل كالشلال : لا تصيحين ! لا تصرخين ولا ترمسين , ولا تقولين آه يوم اضربج ويوم تتعورين ! شو تباني اسوي بعمري ! اسكت واسكت واسكت لين اموت ! تباني اموت بسبتك !!!
ابراهيم : هيه موتيي ! هههههههه يعني بتكسرين خاطري وبعطف عليج ! انتي بينج وبين قلبيي يدارر كبيرر من حدييد ! وبينج وبين اني احبج ! مساافهه بعييييييددده , يعني لا تفكرين اني اعطف عليج او ششي من بالج , ولا تسوين هالمسلسلات عسب تكسرين خاطري !
ذهب عني , ومازالت دموعي تنزل كالشلال !
لماذا انا ذليله ّ !
لماذا لا استطيع ان افعل شيئّأ
نعم ّ انا سلامه ضعيفة الشخصية ّ
رقيقه القلب التي لا تستطيع الدفاع عن نفسهآ
آنّآ التي دخلت عالمّ ابرآهيم , ولن استطيع الخرّوج منه ّ آلأ بالموت !
.
.
.
نواف
اشعر آنني من اسعد رجال العالم ! , لانني سمعت صوتها ولكن اعلمّ انها ليست بخير آبدّآ تنهدت وامسكت بهاتفي واتصلت بابرآهيم !

ابراهيم : هلا نواف
: هلا ابراهيم شحآلك ؟
ابراهيم : والله تمام وانته شحآلك ؟
: انا بخير ! انته وينك فبيتكم !
ابراهيم : هه لا شو بيتنا ! هاللي ناقص اجابلها الملعونه !
: حرام علييكك !! ارحمهاا الله يخلييكك لا تسويلنا مشاكل , انته تعرف خالوه شوي شديدة
ابراهيم : ترى انا مب غلطان ولا ششي ! امايه محد قالها تخطبني , وخالوه محد قالها توافق !
: تراهاا مجبووررة !!
ابراهيم : اعرف هالشي ّ! بس هي ليش م تروح تقول لامها انها ما تباه !
: يمكن ما تبا تزعل امايه ! ابراهيم والله حرام عليك ! تراك تتحاسب ع هالشي ! بعدين لا تحط عقلك فعقل سلامه الياهل !
ابراهيم غضب : انتو ليشش كلكمم تدافعوون عنهاا ! انزين واناا !!!! ما فكرتوا كيف بعيش وياها ! وخطبتوها من دون ما ادرري , هي بتروم تتحملنيي ! بس انا مستحييل اتحملهأ ! الود ودي اطلقها لكن هي يم
قاطعته : لا تكمل خلاص فهمت ! انته ما عندك قلب شوه ! والله حرام والله !
ابراهيم : مب حرامم , وخلاص سكر السالفه , انا مرتاح وانا اضربها !
: ع راحتك لكن بيي اليوم اللي بتندم فيه قد شعر راسك
ابراهيم : انا بمر الحين عليكم !
: اوكي نترياك , اكيد امايه بتفرح
ابراهيم : فديتها والله
.
.
.
ابراهيم
ركبت سيارتي , وذهبت الى منزل امي وابي ! فتحت الباب ونزلت ! ذهبت اليهم !
بعد بكاء امي , واحتضان شديد من ابي وفطوم !
آمي : عيل وين سلامة ليش م يبتها !
ارتبكت كثيرآ ورآيت نضرات نواف تلاحقني : فالبيت والله , هالايام مريضه !
امي : بسم الله لا تكون حامل !!
ضحكت : لا امايه شو حامل ! بعدنا شهر واحد ! واصلا ما نفكر فالعيال !
امي بغضب : ليش ان شاء الله ! واحد ما يبا اييب له عيال , والثاني ما يبا يعرس !
نواف : استغفر الله ! انا ما بعرس الا لما انا اقولج !
امي : اصلا كلكم ما تبون تصيرون شرات سسيف !
صمتنا , رأيت موزة تنزل ! لم يلفتني جمالها بقدر ما لفتني بطنها !
موزة : السلام عليكم !
كلنا : وعليكم السلام
موزة : شحالك ابراهيم
: بخير ربي يسلمج
جلست هي بجانب امي ! رآيت نضرات فطوم تنظر الي بكره كبير , بعدها وقفت بسرعه وذهبت !
بعدها رن هاتفي برساله وعندما فتحتها " انته اصلا انسان وقحح , ظالم سلامه ومدلل موزة "
ارسلت اليها " انزين براويج فطوم , صدقيني بسوي فيج مثل م سوو فيني وجبروني أخذ وحدة م احبهأ والله بتشوفين عسب تحسين فيني "
ارسلت الي " انا اختكك ! لا تخليني افضحكك واقول حق سلامه "
ابتسمت بسخريه " سويها وشوفي شبسوي وقتها "
لم ترسل أي شيء !
نزل سيف واخذني بالاحضان وبعدها !
سيف : عيل وين سلاممه !
: فالبيت والله , شوي تعبانه
سيف : هييه سلامتها م تشوف شر ان شاء الله
مرت اللحضات بسرعه , بعد صلاة العشاء !
: يالله امييه انا بروح الحيين
امي : لا شو ترووح ! تعشى وروح
قلت لاشعل نار الغيرة في قلب موزه : حرام سلامه بروحها حليلها !
امي : انزين هاتها بنتعشى سوا !
: لا امايه , مابا اتعبج , ان شاء الله المرة اليايه
رايت ملامح الحزن على وجه امي , ذهبت اليها وقبلت راسها : يا امايه لا تزعلين , هالفتره كلنا مظغوطين !
اميه : مسموح ي ولديي ! وسلم ع سلامه , اسميني تولهت عليها شرات بنيتي
: ان شاء الله يوصل
ذهبت عنهم . .
.
.
.
سلامة
ستاتي الساعه الـ 11 قريبآ
ذهبت الى المطبخ واحضرت السكينة !
ذهبت الى الزاوية وانا اشعر بان رجلاي متكسره ذابله هشه !
رفعت اكمام يدي وعيناي تدمع بلا توقف !
ادخلّ نار جهنمّ ولا اعيش بين ضربهّ وظلمه
بدآت بقطع يدي وانا اتآلم بصمتت ! واخر مرة اقطع بها صرخختتتتت , شعرت ان السواد يقتحم الغرفه , اغلقت عيناي واخر شيء رأيته الورقه التي كتبتها لأبرآهيم . .
.
.
.
نواف
ها هي اتت السآعه الـ 11 !!!
اتصلت بابراهيم ورد قائلا : استغفر الله ! شو تبا نواف , الساعه 12 اتصل فيني ! تعرف اني فهالساعه اكون مشغولل
كنت اريد ان اتحدث ولكن اغلق الهاتف بوجههي !!
.
.
. __DEFINE_LIKE_SHARE__

وحدآويه مغروره · 01-26-2014, 05:49 PM

السلام عليكم والرحمه ..
شحآلكم حبايبي ,
هذا البارت وبين ايدكم :*

.
.
رآيكم فالبارت , والشخصيات ؟

#سلامة ؟
# ابراهيم ؟
# محمد ؟
# نواف ؟

واتريا ردودكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اشراف ] : من جديدَ عرض إششرآف على المنتديآت	محروم.كوم	منتدى أخبار المواقع والمنتديات العربية والأجنبية	0	12-11-2011 03:50 PM
نغمات جوال بصوت رقيق وحنون رنة 2012 تحميل يكفي ألم يكفي عذاب قوية جدا mp3 رائعه	محروم.كوم	منتدى أخبار المواقع والمنتديات العربية والأجنبية	0	11-08-2011 06:20 PM
(( أنا لستُ بشاعر ))	حبوب الوسمي	شعر و خواطر	15	09-03-2009 06:35 PM
[Style] : (قٍنـٍبلـٍه ) آلآسٺآآإيلآٺ آلرمضآنـية ~ آلآسٺآيل آلآحٺرآفي آلفلآشي من جيل هوسٺ لن ٺٺر	محروم.كوم	منتدى أخبار المواقع والمنتديات العربية والأجنبية	0	08-15-2009 06:50 AM
لستُ للعشق ..	بوالجازي	الإستراحه العامة	13	09-07-2008 04:02 AM