على ذكراك......(مجبور الفراق)

مجبور الفراق · #1 02-15-2008, 05:18 PM

[align=center]

هذي القصيدة كاتبها قبل يومين ويا ليت تعجبكم

على ذكراك

يقول الشاعر الي في خفوقه دارت الأفلاك

..........تحرك شي في صدره وجسمه ما قوى تحريك

دخلت المنتدى ما قصدي إني أنزع الأشواك
..........ولا أسعى إلى الشهره.. ولا أسعى إلى التشبيك

ألا يا من قريت البيت ولا فكرت ما أدراك
...........ليامنك قريت ولا دريت بشي... وش يدريك

إذا فكرت في إدراك وقتك تذبح الإدراك
...........وإذا ناظرت بأحوال البشر أحوالهم تعميك

أنا هذا أنا بس أنت يا سبحان من سواك
..........مثل ما قلت لك من قبل يا ويلي على حاليك

تفارقنا عسى بعد الفراق أكون في ذكراك
..........مثل ما الذاكرة فيني تذكّر كل حاجة فيك

عيونك حاجبك ضحكة شفاتك وقفتك ممشاك
........على هونك أشوفك والمصيبة ما قدرت أجيك

أشوف أسلاك وصلك بس مقدر أمسك الأسلاك
........ولا أقدر على التركيب ولا أقدر على التفكيك

أصك الباب من دون العواذل ينفتح شباك
........ولا أبغي سوى منهو يساعدني على التصكيك

أنا مديت لك يمناي أمانه مد لي يمناك
.......وش المغزى على تركك حبيب(ن) ما لبث يشريك

إذا هذا ترك هذي... وهذي همّلت هذاك
........فلا رحمة على هذا... ولا رحمة على هذيك

تقول أهواك.. وفي الداخل لقيتك ما تقول أهواك
.......تقول أبغيك.. وفي الآخر لقيتك ما تقول أبغيك

ومع ذك أبيك وما دريت إشلون أجي وياك
.......وتدري كيف تلقاني وتدري وش كثر أغليك

أنا ناسيك.. لاكني بتفكيري نسيت أنساك
........أرد أتذكرك وفي الحال أنسى أنني ناسيك

مجبور الفراق

وسلامتكم

[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شلة احمد الكيبالي مجبور احبك كيف ماكون مجبور	same	طلبات الاعضاء	9	03-16-2010 05:49 PM
مجبور الفراق ....راجع لكم	مجبور الفراق	تراحيب وتهاني	17	10-15-2008 09:23 PM
بنت قطر....لــ مجبور الفراق	مجبور الفراق	شعر و خواطر	31	10-02-2008 01:08 PM
(قلبي خظر)....مجبور الفراق	مجبور الفراق	شعر و خواطر	16	03-10-2008 04:40 PM
أنا ما تبت......مجبور الفراق	مجبور الفراق	شعر و خواطر	10	03-06-2008 01:28 AM