|
على ذكراك......(مجبور الفراق) [align=center] هذي القصيدة كاتبها قبل يومين ويا ليت تعجبكم على ذكراك يقول الشاعر الي في خفوقه دارت الأفلاك ..........تحرك شي في صدره وجسمه ما قوى تحريك دخلت المنتدى ما قصدي إني أنزع الأشواك ..........ولا أسعى إلى الشهره.. ولا أسعى إلى التشبيك ألا يا من قريت البيت ولا فكرت ما أدراك ...........ليامنك قريت ولا دريت بشي... وش يدريك إذا فكرت في إدراك وقتك تذبح الإدراك ...........وإذا ناظرت بأحوال البشر أحوالهم تعميك أنا هذا أنا بس أنت يا سبحان من سواك ..........مثل ما قلت لك من قبل يا ويلي على حاليك تفارقنا عسى بعد الفراق أكون في ذكراك ..........مثل ما الذاكرة فيني تذكّر كل حاجة فيك عيونك حاجبك ضحكة شفاتك وقفتك ممشاك ........على هونك أشوفك والمصيبة ما قدرت أجيك أشوف أسلاك وصلك بس مقدر أمسك الأسلاك ........ولا أقدر على التركيب ولا أقدر على التفكيك أصك الباب من دون العواذل ينفتح شباك ........ولا أبغي سوى منهو يساعدني على التصكيك أنا مديت لك يمناي أمانه مد لي يمناك .......وش المغزى على تركك حبيب(ن) ما لبث يشريك إذا هذا ترك هذي... وهذي همّلت هذاك ........فلا رحمة على هذا... ولا رحمة على هذيك تقول أهواك.. وفي الداخل لقيتك ما تقول أهواك .......تقول أبغيك.. وفي الآخر لقيتك ما تقول أبغيك ومع ذك أبيك وما دريت إشلون أجي وياك .......وتدري كيف تلقاني وتدري وش كثر أغليك أنا ناسيك.. لاكني بتفكيري نسيت أنساك ........أرد أتذكرك وفي الحال أنسى أنني ناسيك مجبور الفراق وسلامتكم [/align] |
صح لساااانك واعتلى من شانك ^_^ قسم بالله طررررررر وايد حلوهـ بس عندك مشكله << الا ما ينقش القصيده نقش فهالشطر أصك الباب من العواذل ينفتح شباك.. >> فيه كـــــسره وانا خوك ^_^ لو تصير اصك الباب من عاذل ينفتح لي الشباك اتوقع اضبط جيه ^^ اما صراحه عيبتني صراحتك في البيت الي تقول فيه دخــلت الــمنتدى ما قصدي إني أنزع الأشواك ولا أسعى إلى الشهره ولا أسعى إلى التشبيك وبعد هالبيت ذكرني بـ خليل الشبرمي فقصيدته الأخيره فشاعر المليون عيونك حاجبك ضحكة شفاتك وقفتك ممشاك على هونك أشوفك والمصيبة ما قدرت أجيك وما اقول الا صح لسااانك والله ^_^ |
السلام عليكم ورحمة الله وبركاته صح لساااانك تسلم اخويه القصيدة الرئعه صراحه وااايد روووعة يعطيك العافيه نترقب .........................يديدك تقبل.....""""""""".....مروري بوالجازي |
[align=center] مجبور الفراق \\ صح لسانك اخوي ولاهنت قصيده رائعه[/align] |
اقتباس:
[align=center]بنو غيلان صح بدنك والصراحة إنك خطير يوم نقشت الخطاء الي ذكرته لن القصيدة كنت كاتبها في جوالي ونسيت كلمة (دون) يوم كتبتها عـ الكيبورد:) ....كنت مستعجل أشوي وقتها وما قريتها بعد ما نزلتها صح بدنك بنو غيلان ومشكور عـ الطلة الي نورت القصيدة [/align] |
| الساعة الآن 09:41 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir