أنا ما تبت......مجبور الفراق

مجبور الفراق · #1 03-05-2008, 03:33 AM

السلآم عليكم ورحمة الله وبركاته

وزي ما عودتكم بين حين وحين لازم أحط شي جديد

وهذي من آخر كتاباتي

(أنا ما تبت)

بدون أسباب هذا الي تسوينه بدون أسباب
..........أمانه إقري الأبيات وبتعرفين شتسوين

نلاقي بعضنا بسمّ الجفا وقلوبنا أحباب
..........ولين الحين ما بين الجفا والصد لين الحين

تحت رمز القصيد أفتح معاج الباب بعد الباب
..........وبنيت أبيات في وصلج وأشوفج للجفا تبنين

قهرتيني أحسب إنج حسبتي للقصيد إحساب
..........وأثاري ما دريتي لا ولين الحين ما تدرين

طحنتي قلبي بغيابج وصار إغياب بعد إغياب
........ويوم إغيابج أطول من غياب إسنين بعد إسنين

رعاك الله يا نزف القصيد اللي يثير إعجاب
..........من أول ما يقولونه من الخاطر ليوم الدين

من أول بيت لآخر بيت.. من فخر، وغزل، وإعتاب
...........يا رب آمين.. يا رب الخلايق أجمعين آمين

اذا كان القصيد أخلاق اذا كان القصيد آداب

.......علي أكتب من الأبيات لجلج بين حين وحين

ترى بعض القصايد لا جفيتي مثل سم الداب
........وطعنات الجفا منج تظاهي طعنة السكين

بعيدين الجسد لاكن أحس إن القلوب إقراب
........أنا ما تبت لين الحين أبي لو مره إتحسين

تحت رمز القصيد أفتح معاج الباب بعد الباب
........وبنيت أبيات في وصلج وأشوفج للجفا تبنين

مجبور الفراق
__DEFINE_LIKE_SHARE__

أسير الحزن · 03-05-2008, 07:45 AM

قصيدة رائعة __DEFINE_LIKE_SHARE__

εïз~اَلِمَيّث}● · 03-05-2008, 11:44 AM

~---{ تبنـــيــــن .~

صح منطوقك الشــاعر ..~

قمه من الابداع ماشاء الله عليك

رووعه القصيده وكل بيت احلى من الثاني ..~~

~~. كح كح مادري ليش احسها تناسب نكنيمك امم [ مجبور الفراق ] ؟؟!!

ماعليك زوود الصراحه القصيده قمه من الروعه والابداع

ربي يعطيك الف الف عافيه ع الطرح المتميز

ولاهنت الشيخ

نترقب كل يديد من جداك

ودومك منور الاستراحه بيديدك ودومنا مقصرين بالردود

اسمحليه الشيخ ع القصور البادر منيه

اختكم

غ ـيمه فـ سماكم { م ح ج و ز .~ }---~

__DEFINE_LIKE_SHARE__

يتيمه زايد · 03-05-2008, 01:03 PM

تسلم اخويه الغالي ع القصيده

ونتريا يديدك __DEFINE_LIKE_SHARE__

مجبور الفراق · 03-05-2008, 07:42 PM

المشاركة الأصلية كتبت بواسطة أسير الحزن

قصيدة رائعة

أنت الرائع
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شلة احمد الكيبالي مجبور احبك كيف ماكون مجبور	same	طلبات الاعضاء	9	03-16-2010 05:49 PM
مجبور الفراق ....راجع لكم	مجبور الفراق	تراحيب وتهاني	17	10-15-2008 09:23 PM
بنت قطر....لــ مجبور الفراق	مجبور الفراق	شعر و خواطر	31	10-02-2008 01:08 PM
(قلبي خظر)....مجبور الفراق	مجبور الفراق	شعر و خواطر	16	03-10-2008 04:40 PM
على ذكراك......(مجبور الفراق)	مجبور الفراق	شعر و خواطر	20	02-17-2008 03:06 AM