بنات عز وقلبهم ماعزهم >>رواية رومنسية جريئة (سعودية) - الصفحة 3

ياعمري · 07-26-2010, 09:10 PM

الفصل الرابع

وصلوا البنات بيت عمهم ابو هتون وفالين أم أمها والله يستررررررر

(أبو و أم ريما ورنيم لبسو عشان يروحو لبيت العم والأم طبعا ما اقولكم دمها محروووووووق من بنات وحركاتهم وطول الطريق وهيا تتوعد لبناتها لين ماوصلو ودخلو البيت)

ريما ورنيم : يســـحبو يد الام والابو ويسلمو عليها بكل ادب واحترام

ريما ورنيم >> كيفك ماما

الأم من تحت ضرسها >> الحمد لله

باقي البنات : كيفك ياخاله..؟

ام رنيم وريما : اهلا حبايبي كيف حالكم انتو..؟

البنات: طيبين الحمد الله

هتون تتدحلس عند مرت العم : اتفضلي ياخاله ع الغداء

أم ريما و رنيم : هيا يابنات تعالو اتغدو عشان نروح البيت خرجتو من البيت وتركتوه زي حراج بن قاسم

البنات : يتغامزو ع على السوق بعد العصر

ريما لهتون : اتكلمي الله يحرقك والله البيت طفش مانبغى نرجع معاها

هتون : بما إني زعيمتكم مالك شغل خليكي ساكته انا اعرف ادبرها

(انتهى الغدا والام تأشر للبنات عشان مايحرجوها)

رنيم لريما : ماعليكي منها ساوي نفسك ماتشوفيها هتون بتدبر أم أمها

(وتمسك هتون جوالها وتحط نغمتها كأن جوالها يدق)

يااسود ياسواد الليل يا اسود يالون .... >> جوال هتون يدق

هتون: الو.. اهلين ..هلا هلا جوري.. والله كلنا تمام

لا ياشيخه ..بالله عليك.. خلاص بشوف بنات خالي وارد لك >> طرق << سكت الخط

هتون لأم رنيم وريما : خاله ممكن اطلبك طلب..؟

أم رنيم وريما : اطلبي حبيبتي..؟ << ونفسها تقتلها>>

هتون : صحبتي دوبها كلمتني وتقول مسويه حفلة تخرج وتبغاني اروحلها وما ابغى اروح لوحدي خلي البنات نروح سوا.... واوعدك مانتأخر الساعه 10 يكونوا في البيت

أم رنيم وريما : لا لا معليش خليها مره تانيه والله البيت حايس ووراهم شغل

البنات :>> بصوت واطي : لحي لحي يا دلخه ماعليكي منها

هتون : الله يخليكي ياخاله البنت اول مره تطلبني والله وعد مايتأخرو واذا تبغينا نجي معاهم نساعدهم نجي بس خلينا نروح الحفله...

الام : خلاص براحتهم.. ها يابنات ايش رايكم..؟ > وتعطيهم نغزه

ريماورنيم : ايوه خلاص نروح شويه ونرجع

الأم : ولا ايش رايكم تجو البيت وتلبسو ويعدوا عليكم..؟ >> أهم شي تهزئهم

ريماورنيم : لا لا ايش لو داعي المشوره نلبس من عندهم
انا البس من شهد

ورنيم تلبس من خلود

خلود : الله يستر اغراضي حتتفرتك

ملاحظه: ( خلود : كريمه بس ماتحب شي من اغراضها يضيع او ينقطع )

(ورنيم: ماتقصر في تخريب الاغراض والاهمال)

الام : طيب خلاص بس لاتتأخرو ولاتكثروا من المكياج شوفو وجهكم كيف صاير

البنات : ههههه بصوت واطي

رنيم : نفسها ترد عليها بس ساكته عشان القعده

الام: هيا يابنات انتبهوا لنفسكم والحشمه ثم الحشمه ثم الحشمه وإنتو فاهميني .. مع السلامه

ريماورنيم : إنشالله و يسحبو اليد ويبوسها قبل ماتروح

باقي البنات : باي ياخاله

رنيم : ايش هوه دا ياسوده مانبغى نروح حفلات وسخافات نبغى شباب مو بنات

هتون : وانتي صدقتي ياهبله هذي تمثليه عشان تقعودوا

(ويدخل عليهم العم)

العم : اهلا اهلا بتنتون وتنتن اكيد اخذتو تهزيئه

البنات : هههههههه لااااا عدت على خير

العم : وليش ما اخذتكم معاها..؟

رنيم وريما : اشبك ياعمو ماتبغانا..؟

العم : ايوه ما ابغاكم حيلووو عننا شويا لاتجوا عندنا

ريما ورنيم : عادي تطردنا من الباب ندخلك من الشباك نياهاهاي

(وهتون تدخل في الموضوع ع طووول)

هتون : ابويا اليوم عندنا خرجه

الابو : على فين انشاء الله..؟

هتون : نبغى نروح السوق نجيب ملابس للجامعه في تخفيضات

الابو : يصير خير..

( وراح على غرفتو)

البنات : شكلو والله مافي خرجه

هتون : لا لا لا عيب عليكم تقولو كذا انا تكو والاجر ع الله ههههههههه

وتلحق هتون ابوها للغرفه : وشوية دحلسه على ملعقتين دلع ورشة إلحااااح

الابو : يابنتي اليوم لسه معطيكم 500 انا ماعندي مال قارون

(هتون اتذكرت سالفة راكان وجاء ع بالها تعيدها مع واحد جاد وطبعا مع شوية قطه من البنات)

خلاص خلاص مو مشكله اعطيني أي شي وانا بروح مع بنات عمي اتفرج واذا ماكفت الفلوس اخليها يوم تاني

الابو : افف الله يهديكم بس طيب خلاص أقولك البنات قالو لأمهم ولا لا مو ناقصني مشاكل

هتون :ها .. إلا قالولها بس ماقالولها سوق قالولها محل واحد بس

الابو : ليش الكزب إنشالله

هتون : مو كزب ولاشي بس لو قلنالها سوق حتقول لا ولاتتاخروا ولا لا لا.. فقلنا نختصرها أحسن

الأبو : طيب خير إنشالله بس هالله هالله بالحشمه

هتون : طيب إنشالله

( ويعطيها الفلووس .وهي .جرري ع باقي البنات)

هتون : والله وجبت ابو امها وبنطلع السوق لااا مو كذا وبس وهذي 300 ريال كمان

البنات :يا سلااااام عليكي والله شااطره يابت

خلود : الله يستر... طلعه للسوق ومرتين في اليوم والله مدري ايش نهايتها

شهد : بالله بالله سكتوها.. ماتسيب الفلسفه حقتها

رنيم : خلود عندي سؤال يقرقع في خاطري ليش ماتحبي الفله والبسطه انتي..؟

خلود : والله مو قصدي شي بس انا ما احب احد يشوه صورتنا وبعدين ما احب المصخره الزايده ننبسط ونفلها من بيعد لبعيد محد قالكم غمضو وانتو ماشين شوفو بس لاتتكلمو والله كذا يلحقوكم وانتو بكرامتكم

هتون: يوووووووووه لو بيلحقونا يا أمي كان لحقونا من زمان اليوم واحنا في السوق شفتي ايش صار طلع لنا راكان و وقت الحساب هرب إللهي يفتقوا

خلود : احسن شي ايش دراكي امكن لو اكلنا بفلوس حرام ربي ينتقم مننا ويجينا مرض

البنات : اووووووه ماتسيبي فلسفتك الزايده أوص أوص

ريما وهيا تتثاوب : امشو ننام شويه للمغرب عشان نروح واحنا مصحصحين

رنيم : لا لا يلا دحين نروح

هتون : يلا بلا هبل شمس دحين والعصر لسه ما اذن بعد المغرب يتملى السوق

خلود : >> اهم شي يتملا السوق عساكي البلاء

شهد لنوارا: خير ليه ساكته يا اخت من اول احنا بنهرج وانتي مالك حس

نوارا بتنهيده : اااااه راكان مو راضي يروح من بالي

البنات : ياحراااااااااااام

خلود : بلا هباله ننبسط ايوه بس نتعلق لا خلو هذا شعاركم .. بعدين تقدري تقوليلي فينو دحين والله مايدري عنك هرب وقت الحساب قومو بس ننام شويه

نوارا تهمس لرنيم : مسكينه خلود والله ماتدري عن شي

رنيم : ليش ايش صار عساكي شبكتيه..؟

نوارا : مو انا اكتر وحده جلست معاه اعطاني الرقم وانتو ماتدروا

رنيم : طب كيف كتبتيه يامفتريه وخلود كان جنبك..؟

نوارا : الله ياخدك ياهبله انتي لسه على زمن اكتب وارمي من غير محد يحس ياماما احنا اتطورنا..
رسلي هوه بلوتوث وانا جالسه جنب خلود ولا حست

رنيم : الله ينعن ابو شكلك طب يلا نكلمو

نوارا : لا لا انا اخاف ماعمري سويتها اخاف انفضح ولا يصير شي

رنيم : هاتي الرقم وانا اتصرف

نوارا : اخاف تاخذيه مني ههههههههههه هيا خذي بس زبطيني

وتاخذ رنيم الرقم وتدق طبعا من شريحة سوا مو جوالها العام

(طوط....... طوط .......طوط)

رنيم : يدقن بس محد يرد

نوارا : خلاص قفلي عشان يرجع هوه يدق

وفي الوقت هذا باقي البنات راحوا ينامو عشان يخرجو بعد المغرب

(<<الحب خالد وحبي خالد وباقي >>جوال رنيم يدق)

رنيم : نوارا راكان يدق

نوارا : ردي ردي يلا بسرعه قبل مايقطع

رنيم : طيب طيب >> تك << ردت

رنيم : بكل دلع >> الووووو

راكان : الووو نعم ..؟؟

نهاية الفصل الرابع __DEFINE_LIKE_SHARE__

ياعمري · 07-26-2010, 09:11 PM

الجزء الخامس
راكان : الو .. نعم .؟؟

رنيم: هاااي

راكان : هايااااات

رنيم : ماعرفتني ..؟؟

راكان : في أحد مايعرف القمر

رنيم : ههههه <<< ضحكه مرقعه

راكان : فديتها وما أدل بيتها

رنيم : لا والله يابكاش

راكان : حررام عليكي ليش بكااااش

رنيم : لا والله عشان كم ريال تهرب والله شكلك حضرمي

راكان : ههههههههه حضرمي لا والله بس جاتني مكالمه وقمت ع طول مستعجل

رنيم : اهااااااااا طيب طيب نمشيها هذي المره

راكان : خلا ص وماعليكي إلا بالتعوووويض

رنيم : اهاا تعووووويض طيب شوف بعد المغرب حنروح السوق ها إيش قولت ..؟؟

راكان : أمممممممم طيب مواافق

رنيم : كفشتك يابكااااش يعني لاسفره ولاشي

راكان : ها ..

رنيم : من قال ها سمع

راكان : ههههههههههههه هههههههههه ههههههه

رنيم : طيب حمشيها المره هذي بس اليوم حتجي معانا .. اوك

راكان : طيب ياقمر ولايهمك وكمان اطلبي إللي تبغيه ومايردك إلا لسانك

رنيم : ياهووو طيب ماشي ياقمر بس اقولك كأنك شفتنا بالصدفه أوك

راكان : هههه ياخوافه طيب ماشي ولا يهمك ,, بس ماقولتيلي أي سوق حتروحوا .؟؟

رنيم : أمممم بصراحه ما ادري لمن دحين خلي القائد حقنا يقوم وأردلك بمسج

راكان : طيب ماشي ياقمر

رنيم: يلا باااااااي <<< طبعا بدلع ومرقعه

راكان : فديتهم ياناس بااي

( رنيم ونوارا هههههههههههههههه ههههه ههه )

نوارا : ها بالله كيف ..؟؟

رنيم : والله شكلوا مررررره أهبل

نوارا : ههههه ليش ..؟؟

رنيم : تخيلي ههههه تخيلي هههه تخيلي هههه

نوارا : بلاء بلاء اهرجي وجع قهرتيني

رنيم : تخيلي نسي أنو كزب علينا وقال بسافر

نوارا : من جد أأأأأأأأهبل .. طيب وإيش قال بيجي ولا لا ..؟؟

رنيم : حبيبتي أنا حس حس والأجر ع الله

رنيم ونوارا : نياهاهاهاهاهاهاهاهاي

هتون وشهد وريما وخلود : ووووووووجع بلاء روحو أضحكو هناك نبغى ننام لو إنتو ماكان ساوينالكم كذا

ريما: أطلعي بره إنتي وهيا

رنيم : لمن تكون غرفتك ديك الساعه أتحكمي يلا أوص ها أوص

ريما: هتون طلعيها بره مو هيا غرفتك بالله طلعيها والله تعبانه أبغى أنام

نوارا : رنيم قومي نطلع بره نورح جناحنا دحين هتون تزل أهلنا بغرفتها

رنيم : طيب قومي بس وربي لو جاء المغرب وماصحيتو وربي بالمويه ع وجهكم

ريماوهتون وشهد وخلود : طيب يلا يلا بره انت وهيا

( في هذا الوقت البنات الاربعه نايمين ... رنيم ونوارا يخططوا للدشره لا وقاموا يغسلوا عباياتهم ويكووها .. أم رنيم وريما دمها فاير ورايحه وجايه في البيت لا وتسب وتلعن والأبو يعٌسل ويتفرج ع روتانا سينما ومديها طناااااااش .. أبو هتون وشهد وخلود ونوارا نايم وأمهم ماسكه التلفون من الساعه 3 العصر لمن دحين ع فكره دحين الساعه 6 يعني باقي نص ساعه ع أذان المغرب )

الله أكبر الله أكبر

رنيم : نوارا أذن يلا قومي نصحيهم

نوارا : قومي أول شي نصلي بعدين نصحيهم نعطيهم فرصه 5 دقايق

رنيم : طيب يلا بسرعه قومي نصلي

(( صلوا وخلصوا ))

رنيم : يلا يلا يلاااااااا قوموااااا بسرررعه

طاااخ طباااخ طربااااخ طااااااااخ

ريما: وجع بس خلاص

رنيم : يلا قوموا شوفوا الساعه كم وربي حنتأخر

رنيم : هتون يلا قومي والله مايمدينا ننبسط ونفل أمها

هتون: طيب يلا يلا أأأأأأأه

شهد : أووووووف ع الريحه ديري وجهك وأتاوبي ع هناك وجع كأنك ماكله خروف ني

وقاموا البنات ولبسوا واتصلحوا طبعا البلاش << أحمر الخدود مملي الوجه غير الغلوس والماسكارا تقول رايحين زواج لا ومو أي زواج إلا كأنو زواج واحد من أخوانهم << من كتر الميك اب

ونزلو على السيارة

سبايدرمان << إسم سواق هتون وشهد وخلود ونوارا

هتون : سباااااايدرمااااااااان ,, سبااااااايدرمااااااااااان

سبايدرمان : ها نأم أيش يبجى

البنات : يلا أخلص نبغى نخرج

سبايدرمان : طيب يلا روه سياره مفتوخ

هتون : >> للبنات تخيلوا أخينا في الله يبغانا نروح بالهايلكس >> الونيت

رنيم : لا والله وربي ما أروح هذا اللي ناقص سبايدرماان سبايدرماان سبايدرماان

سبايدرمان : نعم نعم بس كلو صرك صرك << صرخ

رنيم : شغل بسرعه بي ام ولا الــلكزس

سبايدرمان : لا والله ايش رايك روه ايشتري بورش أحسن هي هي

البنات : تنكت انت ووجهك

هتون : أخلص شغل أي سياره

سبايدرمان : أنا في كلام روه أركب سياره بره في مفتوح أنا دحين في إجي حمي

هتون : تستخف في دمك نبغى سياره تاني بسرعه أتأخرنا

سبايدرمان : بالله ايش في ونيت والله مرره كويس واحد في إركب قدام سوا سوا انا و إتنين في ورى و تلاته في ورى مفتوح والله هواء كويس

البنات : أوص أوص الله ياخدك أخلص شغل السيارة بسرعه أتاخرنا

((( وركبوا البنات ال بي ام وهاتك يامصخره ومرقعه وفالين أم أمها وطبعا رنيم ونوارا طول الوقت مسجات مع راكان أفندي ))ملاحظة عم البنات مرة مبوط مدير بنك وتاجر جملة

سبايدرمان : دهين فين يبجى روه ..؟؟

هتون: ميجا مول

البنات : يس يلا بسرررررعه روح ميجا مول

(والبانورما على اعلى صوت واغاني وراى اغاني لين ماوصلو)

طبعا مليون ألف سياره وراهم ...

شهد : سبايدرمان إنت روح أتعشى وع طوول تعال ياويلك لو تتأخر

سبايدرمان : طيب هات 10 ريال

خلود : طيب خد بس لاتتاخر

ودخلوا السوق وطبعا راكان قاعد يتلكع وراهم ومحد منتبه غير رنيم و نوارا

هتون : ريما ريما هي عساكي الصقع ماتسمعي

ريما: ها ها ايش تبغي

هتون : أقولك أنا حاسه بمصيبه و ...

ريما: وه مصيبه ..!!

هتون: أستني بلاء في شكلك خليني أكمل كلامي أقصد نوارا و رنيم وراهم بلوه أنا حاسه من البيت بس قولت لا يمكن يتهيألي

شهد : ايشفي إيش بتقولو

ريما: أشتغل اللقف

هتون : بس يابله إنتي وهيا شوفوا شوفوا ..!! هذا هذا

ريماوشهد وخلود : ايش ايش في ..؟؟

هتون: تعالي يارنيم إنتي ونوارا

رنيم ونوارا : ها .. ايش تبغي بسرعه نبغى نطلع فوق ابغى نكتار

هتون: نكتار ولا راكان ..؟؟

ريماوخلود وشهد : راكان ..!!؟؟

نوارا ورنيم : ههه ههههههههههه هههه بالله كيف شوفتيه ..؟؟

هتون : شغلك في البيت وعناد فيكم كلنا حنمشي مع بعض

خلود : كيكيكيك أحسن هذا اللي ابغاه

هتون : يلا مو تبغي نكتار ياهانم يلا أمشي نطلع

( وفي محل نكتار)

هتون : هاي

اللبناني : أهلين .. كيف فيني أخدمك ..؟؟

هتون : أبغى عطر بس ما أعرف إسموا بس لونو أخضر وعلبتوا شفافه و و و و ..<< أصلا ماعمرها شافت عطر بهذا الشكل

البنات : يالله ع الكزب لا والتاني مصدقها

اللبناني : والله كان في وخلص مالحقتي عليه يا أمر << قمر .. والله لو بعرف إنو الأمر << قمر .. بدو يجي لعندنا لاحجزوا شهر بحالوا

هتون : تسلم الله يخليك .. يالله مالنا نصيب يعطيك العافيه

اللبناني : لك الله يعافيكي

البنات : هي ياسوده مانبغى محل في لبناني ياسعودي يابلاش

هتون: أمممممممممم أفتكرت في بودي شوب في تلاته سعوديه كل واحد أحلى من التاني

البنات : جوووو

شهد : وبعدين مع راكان كل مادخلنا محل ورانا وبعدين يعني وربي الكل يطالع فينا

ريما: إخص إخص يالمؤدبه بس إللي يسمع يقول جايه تشتري

((بودي شوب))

البنات : هاي مساء الخير

السعودي : هلا والله بأحلى مساء وأروع مساء و و و و..

رنيم : بس بس بس ترى مانقدر

السعودي : أمووت أنا ع النعومه

هتون:بصوت واطي >> مايمديني أنا ع النعومه تعال شوفها في البيت ولا أقولك خليها تفتح وجهها وربي لاتقفل المحل بكبره

ريما: كيكيكيكيك

رنيم : أعتقد إنو مافي شي بيضحك طيب ياريما

السعودي : هههه ايش فيكم عسى ماشر

خلود : لا مافي شي .. ممكن أشوف عطر مون فلاور او الياسمين

السعودي : بس مون فلاور ,, والياسمين ياشيخه فداكي المحل وراعي المحل والله

خلود : طيب ممكن أشوف العطر بسرعه ******في نفسها تقول لو درا عنك كمال جمجوم رحلك للديرة

نوارا : حمدلله ع التخلف .. معليش هيا عندها حساسيه من الكلام الحلو

السعودي ,, والبنات : هههههههههههههههههههه

السعودي : طيب حصل خير .. ايش غير العطر

هتون: أنا أبغى غلوس لونو بنكي بس مو مره بنكي يعني بيبي بنك

السعودي : أوكي والقمر إيش يبغى >>> الرنيم

ريما: تقول لهتون خليها تكشف الوجه وربي لا يكره القمر هههههه

أخدوا الاغراض وطبعا الفاتوره مكتوب عليها

ماجد
050563
رائد
0555524

هتون : ياهو رقمين وفي وقت واحد

خلود : إللي يسمعها يقول اجمع وأربح

هتون: يادمك .. ها فين تبغوا تروحوا

خلود : أنا أبغى أروح سترادي فاريوس

رنيم : لالالا وعع كلهم يمنين

خلود : والله أنا رايحه أشتري مو أخطب

البنات : نياهاهاهاهاهاهاي حلوه حلوه بس لاتعيديها

((سترادي فاريوس))

شهد : شوفي إللي هناك سعودي

هتون: رنيم رنيم تعالي بسرعه نروح للسعودي قبل مايلصق فيكي اليماني

رنيم : جوووو

هتون : بميااعه ودلع >> لو سمحت أبغى جينز السايز حقو 38 ويكون ميدي

الرجال : عفوا أنا مو بياع أنا زي زيك جاي أشتري

هتون : أوووووبس طيب سوري سوري

رنيم : كاكاكاكا ههه من جد موقف خطير

هتون : أنطمي وأمشي لا بالجزمه ع راسك

خلود : والله مالكم غير اليمنين خلو الفشخره والمرقعه حقتكم أحسن وربي أبغالكم من كل قلبي

طبعا أشتروا بكل أدب و إحترام وخرجوا من المحل بس لااااااازم يكون في رقم ورى الفاتوره

ريما: هذا الناقص

البنات : ايش في ..؟؟

ريما: اسمعوا علي سالم محمد هاتف أرضي 63272 ..!!

البنات : ههههههههههههه خيرههههههههههههه خير ههههههههههههههه

شهد : ترى والله تعبت وجعت المحل الواحد نقعد فيه نص ساعه يلا خلونا نروح نشرب شي ولا نتعشى

نوارا ورنيم : ايوه ايوه

ريما: بسم الله ايش فيكم

رنيم : هههههههه

خلود : وربي عندكم مصيببه

هتون : أخلصوا ايش في ..؟؟

نوارا : بصراحه راكان يقول حيعشينا ع حسابه والاكل اللي تبغوه

البنات ..؟؟!! خير خير

هتون : أنا ابغى صيني

شهد : أنا أبغى موكا

خلود : أنا بطلب بفلوسي

ريما: وأنا أبغى هندي

نوارا ورنيم : بس بس بس يامفاجيع كأنكم أول مره تسمعوا بأحد يبغى يعزمكم

ريما: يلا دقي عليه بس حركات أدب و إحترام ماعندها بنديها فله

رنيم : طيب ياقرو بس لو سمحت خلي شويه كلامك هاي كلاس

هتون : طيب طيب بس يلا دقي عليه

نوارا : يس يس

هتون : يلا أوص أوص دقي يلا

رنيم : الو ...!!! وش دا

البنات : ايش فيه ..؟؟ اهرررجي ..؟؟

انتظرو الفصل السادس __DEFINE_LIKE_SHARE__

ياعمري · 07-26-2010, 09:13 PM

الفصل السادس

هتون : يلا أوص أوص دقي يلا

رنيم : الو ...!!! وش دا

البنات : ايش فيه ..؟؟ اهرررجي ..؟؟

رنيم: ابن البساس مقفل جوالو وربي اقصها من هنا لو ماكان حضرمي

البنات >>كاكاكاي هههههههههههههه نيهاهاهاه كسحكم

نوارا >>معصبة :رنيم أمكن جوالو مافي تشارج >>>شحن

ريما: ترقعي لحبيب القلب يلا يلا سرينا وربي بمووووت جوع

رنيم: وربي قهر كان نفسي ااتعشى على حسابو ماعندي قرنقش بس الله يخلي بنات عمي بعزمونا صح ريما

ريما::لالا ياختي اهم شي الكرام بس بنات عمي مصرين يعشونا خلاص مطرين نوافق

باقي البنات >>فاتحين فمهم من بنات عمهم

شهد: طول عمرك يابنات عمي مصفرين مو منكم من ابوكم ابو شيشة وروتانا سينما هههههههههههههههههههههههه

رنيم : اقول لاتزلي ابونا ترى الفلوس الي معاكم فلوس عمممممممي يعني من حقنا

خلود >>دفشة شويا في الكلام : شين وقوي عين على حسابنا ويتفلسفو

هتون : اشوف مافي احترام للقائد كل واحد يهرج على كيفو خلاص بنات عمي الشحاتين بياكلو على حسابنا الأمر والحيلة لله

>راحو البنات عشان يطلبو الطلبات وفي نفس الوقت ام هتون وشهد وخلود ونوارا على التلفون ملاحطة الساعه 8 ونص ياساتر ماتفتر هرج من فلانه لعيلانه <<<

شهد وريما مررررررررررررررة مع بعض بزياده يعني لو وحده تحك التانية تدري

شهدتتكلم مع ريما بصوت واطي والباقين طايحين بالأكل الي تحط كاتشب والي تحط مايونيز : ريما ابو سرهد ايش في شكلك مو صح اليوم عسى ماشر حبيبي فيكي شي

ريما: لا بس تتذكر الولد الي كنت اعرفو من سنتين على الماسنجر وكلمو ماسنجر سنة وقطع سنة متزكرتو

شهد : ايوا قصدك انس ايوا اشبو يالله لين دحين وانتي مانسيتي ياقلبك ماتنسي

ريما: قولي ماشا الله بعدين انتي تدري اني انا مرة ارتاح لو

شهد : طيب ايش جاب طاري على بالك مو ماتدري عنو سنة

ريما: ايوا انا كل يوم انتظرو يدخل وامس الليل دخل وجلست اهرج معا تخيلي ماعرفني

شهد : عادي تلاقي يعرف 100 وحده

ريما: شهد اقولك شي وماتقولي لاحد انا انا ...........

شهد : ادري تحبيه والله كنت حاسة ياريما

هتون وفمها كلو اكل وشكلو وووووووووع
هتون : ايش عندكم من اول واتنو تتساسارون على قول البد وينز

شهد : بس الله يقرفك قفلي فمك كلي بعدين شغلي الأريل حق اللقف

ريما : وربي العبيد لما يلتقفو يجيبو المرض هع هع هع هع سوفااااااااااااااااج

وفي نفس الوقت الساعه 9 ام ريما ورنيم جالسة ترتب الفوضة الي مسوينها عيالها الصغار وهيا تدعي عليهم دعاوي الدنيا والأخره هع هع هع هع

خلصو البنات العشا ومسحو يدينهم وطبعا صلحو الميك اب قبل كل شي

هتون : بنات ها تبغو شي ولا خلاص نروح البيت

ريما : لاهتون خلاص دحين امي ممكن تت......

وجولها يدق >يعني تحسبين اكبر همي انتي <<

ريما : يالله امي هذي على السير اوص >> تيك رتدت >> الو ايوا ماما

الأم : مو لم يمو دمك إلاهي فينكم إلى الأن وانتو برى >>وطبعا ما اقولكم على صوتها عبر القارات ههههههههههههه

ريما : لا ياماما خلاص دحين بنات عمي راح يجبونا على البيت دوبنا خارجين

الأم : بسيطه بسيطه يابنت البساس وعزة جلال الله لو ماوصلتو بعد 10 دقايق لااكون فارمتكم

ريما : طيب ياماما حاضر يلا مع السلامه

الأم : الله لايسلم فيكي ولاعظمة

ريما قفلت الخط واتنهدت من وصت امها

ريما : ياساتر هذي مو ام هذي جاكيي شان ههههههههههههههههههههه يلا بليز ودونا البيت

رنيم : لالالا لسة بدري تو الناس ماشبكنا الشباب الطيب

ريما : لا يامك لو ماسمعتي صراخ كان قلت ماعليش بس اوروبا سمعتنا

هتون ::: خلااااااااااااااااااااص خلااااااااااااااااص >>تقلد ام ريما ورنيم << يلا حنروح البيت

البنات كلم ضحكو ومشيو لبرى السوق ووفقو عند الباب

نوارا : رنيم هذا موراكان ؟

رنيم : فين ؟ ايوا إلا هوا ابن اللزين فسو بس ايش مركبو جمس الهيئة ههههه اللهم لاشماته

نوارا: عشان كده جوالو كان مقفل

هتون : الو ايوا سبايدر مان انت فين

سبايدر مان : انا هنا بره يلا انت فين

هتون :: خلاص خلاص شفتك يلا طس

جاب سبايدر مان السيارة وركبو البنات وهما مبسوطين بالأرقام الي جمعوها

وداخل السيارة والبانورما على أعلى صوت وأغنية عبد المجيد عبد الله الف مرة وكل وحده دخله جو مع ذكرياتها

مع وصوت عبد المجيد عبد الله الي يلمس إحساس أي عاشق

لاخلص كلي الكلام الي مانخجل نقوله
مابى غير الليذي مابين السطور ومابين السطور
الف مرة قلتلك بعيوني لامن قلت ابسري عاي أمنعني
ترى ودي اقضي العمر ياعمري معاك الف مرة
قلتلك لاقلت ما اقدر قصدي ما اقدر احيا ياجاهل بلاك

وريما مع انس الي ملك قلبها وماتعرف ليش مو متذكرها كل الي تعرفو انها ترتاح لو وتحبو

وهتون مع عبد الرحمن الي تركها من غير سبب بعد حب 6 سنين

وخلود مع احمد ولد خالتها الي ماتدري هوا يحبها زي ماتحبو ولا

وشهد بالها مع ريما حبيبة قلبها اكثر وحده تفكر فيها وتشيل همها

ورنيم ونورار يتفرجو على الشباب الي بالشارع ويضحكو

وصلو بيت ريما ورنيم

سبايدر مان : يلا يابنت انزل يلا بسرعه

هتون : هاي انت لاتحسبها سيارة أبوك بعدين انا كم مرة اقولك ماتتلكم مع بنات عمي كده كم مرة قلت لك قول عمتي ريما ورنيم

سبايدر مان :: ههههههههههه هلو امتي ليش مايقلو خالتي كمان ههههههههههه

خلود : يالله تصدق دمك خفيف يلا بس اسكت

شهد : ريما لما اوصل بدق عليكي اوكي >> الي يشوفهم يقول ماكنهم كان مع بعض من الصباح

ريما : اكيد ياعمري

نوارا :: شوفو ريما وشهد لما يحبو بعض يموت ضحك تعالي رنومه نسوي زيهم هههههههههه

رنيم : ايوا ياعمري تعالي ياحياتي هع هع هع

خلود : خلاص يلا اسري انتي وهيا

هههههههههههههههههههههههههههههههه الكل ضحك ونزلو بنات عمهم عشان يستعدو للتهزيئ المحترم من امهم بعد الفلته يوم كامل

واول مادخلو البيت كانت امهم في انتظارهم بالملعقه الخشب والقدر ههههههههههه

تكلمة الأحداث في الفصل السابع __DEFINE_LIKE_SHARE__

ياعمري · 07-26-2010, 09:14 PM

بــث تعبيت باجر ان شااء الله بكمل لووول

__DEFINE_LIKE_SHARE__

عقربة راك · 08-05-2010, 12:17 AM

يسلموو حبوبة

نترقب يديدج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
][§©¤اسئلة جريئة جداا. *¤©§][	‏ღ قـلب خقـاق ღ	الحوار والنقاش - الرأي والرأي الآخر	10	11-23-2009 07:13 PM
اسئلة جريئة	محروم.كوم	منتدى أخبار المواقع والمنتديات العربية والأجنبية	0	09-06-2009 08:00 PM
سعودية 23 سنة تكتب قمة المنطق والعقل عن بنات الإمارت وأتمنى نكون مثل ما كتبت وأحسن	محروم.كوم	منتدى أخبار المواقع والمنتديات العربية والأجنبية	0	07-09-2009 11:50 PM
بنات الأمس ....و....بنات اليوم...الله يستر....حياكم......	الرهيب القطراوي	المواضيع المكرره	3	06-04-2009 05:37 PM
رسائل حب رومنسية مسجات حب غزل رومنسية لكل العاشقين جديد 2009	محروم.كوم	منتدى أخبار المواقع والمنتديات العربية والأجنبية	0	04-21-2009 03:00 PM