صاحب الابل.والراعي ،،قصه من المؤروث الشعبي ,,مــــحـــمد الـــظـاهـري

محروم.كوم · #1 05-16-2013, 04:40 AM

السلام عليكم ورحمة الله وبركاته
اخواني...

اعضاء .وزوار .ومشرفين
منتديات مكشــــــــــــات
هلاً ومرحباً بكم
وعدنا لكم بعد الانقطاع عن الكتابه
لظروف ابعدتني عنكم
سالفه يرويها احد الرواة
يقول كان فيه رجال من الباديه هاوي للبل
وهو يملك الابل في وقته لكن له راعي مع الابل
والرجال يحب الابل وخاصه اذا جاء وقت الربيع
تزود الطرب عنده وعند غيره
مرت السنين وفي احد السنوات قل الرعي
والحلال في جوع وتتعب الابل ووافقة سنة قحط عاى ما يقولون
والابل كل فتره في جوع وفي ضعف
وقال صاحب الابل للراعي اي ناقه تولد اذبح ولدها
خايف على الابل من الجوع اكثر وخايف انها تموت
قال الراعي ان شالله
مرة الايام وإلا الابل بعضها ولدت وهو ماوده يذبح الحيران
راح فصل له شبك صغير من عمدان الشجر وكبرها شوي
اذا اصبح فك الحيران على امهاتها واذا امساء ردهن للشبك الي هو مسوي
وكل بين يوم ويوم الابل يولدن
يقولون لين صار عدد الخلفات 18
وباسنه هاذا جاهم خير وامطار والناس فرحت بالربيع بعد القحط الي جاهم
وصاحب الابل متحسف على ذبحت الحيران
ويقول فلان ياليتنا ماذبحنا الحيران
وهو يحسب الراعي يذبح على كلامه
والراعي يسمعه ويسكت وما كلمه
ومن بكره يروح الراعي يطلق الحيران مع الابل
ويوم جاء العصر الطويل صاحب الابل ولا هاك الحيران مع الابل
ويورح للراعي من له الحيران قال هاذي من الطرش
انا ماسمعت كلامك وسويت لي شبك وعلمه بالسالفه كلها
وإلاصاحب الابل استانس من سوات الراعي
وقال له ابيك تعلمني الي تبي
الي تتمناه قلي وش
قال الراعي :
ليت الليالي كلها قمرا
والعمر مايفنى وأنا متعافي
والذود خلفاته ثمان وعشرا
والبال منشرح والنظر صافي
والبيت فيه العيطموس العفرا
لاناشنا البرد قرونها إلحافي
والخرج به دليك(ن) وتمرا
والمزون دايم ترهف إرهافي
.........................
وسلامتكم
ارجو كل ما اسرده ينال على احسانكم
وانتظروني في روايه قادمه بأذن لله
وتحـــــــــــــــــــــــياتـــــــي لـكم
محبـــــــــــــــــــــكم
مـــــــحـــــــمــــد الـــــظــــــــــاهـــري
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ذاك الزمان .وقصه من الموروث الشعبي **مـحــمــد الـــظــاهـري	محروم.كوم	منتدى أخبار المواقع والمنتديات العربية والأجنبية	0	12-19-2012 03:40 AM
قصة عشق انتهت بألم 00 من الموروث الشعبي ( النبهاني )	محروم.كوم	منتدى أخبار المواقع والمنتديات العربية والأجنبية	0	10-29-2012 08:50 AM
قصص من الموروث الشعبي .	محروم.كوم	منتدى أخبار المواقع والمنتديات العربية والأجنبية	0	02-22-2012 12:10 PM
قصه من قصص الوصيا من الموروث الشعبي العريق*محمد الظاهري	محروم.كوم	منتدى أخبار المواقع والمنتديات العربية والأجنبية	0	01-18-2012 01:30 PM
من الموروث الشعبي	محروم.كوم	منتدى أخبار المواقع والمنتديات العربية والأجنبية	0	06-05-2009 06:00 PM