أراهہ الكون بما فيہ♡

authors · #1 05-15-2013, 07:00 PM

السلام عليكم و رحمة الله و بركاته .

نبذه عن الرواية:

هاي أول رواية لنا. نحن 7بنات فالثانويه وبنرمس ف ها الرواية عن وايد مواقف . الرواية خيالية و نتمنى ان الصفات اللي مب مرغوبة فمجتمعنا و موجودة فالرواية ما اطبقونها على ارض الواقع حبايبي . و ما اتضيعون صلاتكم و انتوا تقرون الرواية . نتمنى انكم تستفيدون من الرواية و تضحكون و تستانسون بقرايتها شرا ما استانسنا بكتابتها .
و اخيرا , بإذن الله كل بارت يديد بينزل لو شفنا انكم متفاعلين ويانا و تعطونا تعليقاتكم و توقعاتكم .
وإن شاء الله تعيبكم , واللي يبا يستفسر يسوويلنا فلو ف تويتر على هذا الاكاونت @__authors
وهاي الرواية كتبناها فالسكووول :$.

شخصيات الرواية:

مهاري : دومها تتحرطم وكله تسب ومدمنة روايات وتصيح بسرعة وهي وايد حبوبه , شعرها طويل واسود وحلوه وعينها حاره وتوأمها مريوم.

ريموه: عيوز صغيره حسبي الله عليها , كلا متعايزه ومالها بارض وما تبا تسوي شي فالحياة , شعرها طويل واسود وهي طيبه , جميلة وحاطه تقويم.

ميروه: كلا تعصب علينا وتهزبنا بس تتمصخر واتضحك, شخصيتها حلوه ولعوزتنا من كثر ما تبا تتزوج سفير , حلوه خشمها طويل وشعرها لا طويل ولا قصير.

حمدوه: ترمس بالانجليزي وتخق علينا بالانجليزي , احسن وحده فالدراسة , شعرها قصير وحلوه وايد حبوبه وعشقها وتحب تشوف مباريات وتعشق ريال مدريد. the voice US , عندها غمازه وحاطه تقويم.

علاية: قمممممممممممممة الفلسفة , كلا تحطم الشله , شعرها طويل واسود, جميلة وهي قصيره وتحب تكشخ وهي الرزينة فالشله.

نودي: حبووووبه هاي الانسانه حبتييييين كلا تغني ومستانسه , وماأظن في حد يكرها, وساعات تلعوز الشله وضربها يعور بس نحبها, شعرها قصير بني وسمارها يجنن, طويله وجميله وتلبس نظارات وصوتها يجنننننن.

مريوم: توأم مهاري شعرها طويل واسود وحاطه تقويم وكلا ويا ريموه وميروه وما تهتم فالدراسة و وكشيخه بس هي مسافره علاج برع البلاد وعقب بترجع تكمل جامعه. __DEFINE_LIKE_SHARE__

authors · 05-15-2013, 07:11 PM

Part 1
الصبح الساعه 4:30 الفير الكل واعي, صلينا وعلينا امتحان رياضيات عقب ما استوت الساعه 6:30 رممسنا فقروب الBBM

مهاري: صبااااح الخير بنات ,نشيتوووا ولا بعدكم؟

ريموه: هيه هيه

ميروه: استغفرالله ريموه كلا فيج رقاد , قومي ادرسي!

حمدوه: أصبحنا وأصبح الملك لله إزعاج إزعاج!

نودي (تغني): يا بنات يا بنات يا بنات ~ "نانسي عجرم يا بنات"

علاية: بنات أحس الامتحان بيكون صعب.

حمدوه: انتي كلا تحبطينا شو ها!

ميروه: انا عن نفسي ما ذاكرت , عندي ريموه.

مهاري: يلا يلا استوت الساعه 7:00 اتزهبوا آخر امتحان بنات انا متحمسه أخيراً بنتخرج!

حمدوه: هييييه والله !!! أحس بطيير من الوناسة

ريموه: هيه والله حماس ما صدقنا بنخلص ثانويه عامة

ميروه: يا حيكن بنات بتاخذون الليسن إلا انا , الله يهديها امي لين احين مب طايعه. بس والله حماس آخر امتحان.

نودي: هيييه وفالتخرج بغنيلكن هههههههههه

ريموه: وباخذ الررررررررنج!!

علاية(معصبه): أنا ما ذاكرت والامتحان بيكون صعب وانتو تفكرون شو بتسوون عقب الثانويه!!!

مهاري: خلاص يلا بنتشاوف فالسكول.

نودي(تغني, ورايقه) : مع السلامه بباي بالانجيليزي Goodbye, ولد ولد ولد عاشو.

وصلنا المدرسه, شفنا بعض وتفاهمنا ... بدا الامتحان *
عقب الامتحان, وكلنا طالعين , كل وحده يبين على ويهها شي , ساااكتييييين ولا حد يرمس (مصدومين من الامتحان)! ...... __DEFINE_LIKE_SHARE__

authors · 05-15-2013, 07:17 PM

Part 2

يوم الخميس النتائج !!!!!
فقروب الBBM ,

حمدوه: بنااااااااات!! اليوم الشهايد!! انا ف دبي شو اسوي؟! ابا شهادتي وما عندي ID مالي عسب أشوف نسبتي فالموقع.

مهاري: أوووووونه!! اليوم؟!!!

ميروه: قولي والله!!!

علاية: بنات يقولون إن موقع الوزاره ما يتبطل مادري ليش؟!

ريموه:أويييه حمدوه انتي ف دبي !! , مدرستنا خرره ما يعطون الشهايد إلا لو انتي ييتي !

نودي: آآآآه يا قلبي والله إني زايغه من الشهادة.

ميروه: انزين حمدوه احينه شو بتسوين؟

نودي: هييه شو بتسوين؟!

حمدوه: مادري ووالله مادري , احس بصيييح, قوم ماما يبون يسافرون اليوم وما أقدر اي 

علاية: سكولنا زق ولا جان خذتها.

مهاري: انزين حد من عيال عموتج.

حمدوه: لا قوم عموه سافروا بس اعتقد حميد ولد عموه موجود بس مابا مابا ما دانيييييه انا.

(حميد: طويل وعريض اسمراني وسمارته حلوه ,جميل عيونه كبار وناعسات , ينرفز الواحد بس قلبه طيب)

ميروه: مب ع كييفج!! بتروحين وياه!!

ريموه: حمدوه شهادتج هاي لتستعبطين

حمدوه: افففف خلاص عقب عقب!

نودي: هيه والله يا علاية صدقتي

مهاري: ويت ويت فوني يرن (بعد ثواني)
مهاري: أوييييييييييه مريوم اختي ردت وما في حد اييبها!!

حمدوه: أويه منو بيبها..

ميروه:دام ولد عمتج يشتغل فالمطار خلييه اييبها وايون عندج وعقب تاخذون الشهادة.

ريموه:شوفي حمدوه لا تقولين لا , لانه مب وقته بيسكرون السكول وانتي بعدج مب ماخذه شهادتج .

نودي: حمدوه مب وقت مصخرتج اونج ما تدانيييين حميد , إلا هو يوم واحد ما بيستوي شي.

حمدوه: افففففف خلاص احينه برمسه

ع الفوووون......
حمدوه (بنفس خايسه): حميد مر على اربيعتي فالمطار, ومرني عقب عسب اخذ الشهادة.

حميد: عثثثثثرة!! الناس اتسلم اول شي! منو ربيعتج؟

حمدوه: مرهاااا وانته ساكت , الساعه 11:00 الصبح ها .

حميد: انز.......
طوط طووووط طووووط

حميد (يرمس بروحه فالسياره): حسبي الله عليها سكرت فويهي !! والله لا راويها!!

(الساعه 11:00 الصبح مطار دبي) , توأم مهاري وصلت وكانت كاشخه وحميد يدور فالجوازت فعرف انها هيه الانه حمدوه عقب خبرته شو اسمها.

حميد ساير صوب مريوم: اختي انا ولد عمة حمدوه بوصلج .
مريوم ساكته وتطالع الشنط بمعنى "يالله شلهم"

حميد في خاطره: انا مب خدام ابوج عشان اشلهن, عشان خاطر حمدوه بس بشلهن !! __DEFINE_LIKE_SHARE__

shmo5666 · 05-15-2013, 07:35 PM

واااااااي الرواية حدها غراااام كمليها تكفيييييييييييييييييييين:') ف انتضارج غلايه♥ __DEFINE_LIKE_SHARE__

authors · 05-15-2013, 07:45 PM

Part 3

مريوم ركبت ويا حميد الموتر ويلست ورا.

حميد: شو دريولج انا؟

مريوم: تشوفني حرمتك !! ولا حلالك عسب ايلس جدام؟

حميد: اففف انزين جب جب خلاص , بنمر على حمدوه .

"فالدرب سايرين بيت يدة حمدوه" و وصلوا
حميد يتصل على حمدوه

حميد: يالله اطلعي انا عن الباب.

حمدوه: انزين ...طووط....طوووط..طوووط

حميد (يتحرطم): هاي كلا اتسكر فويهي خلها تركب الموتر وبتشوف.

مريوم(اطالعه بنظره ) وتقول: فكنا من حشرتك

حمدوه تدخل الموتر وترقع الباب وراها!!

حمدوه: يالله بسرعه حرك قبل لا يسكرون السكول ابا اشوف شهادتي.

حميد يرمس مريوم: بلاج اطالعين!

مريوم ساااكته واطالعه بنظرات (صامدون)

حمدوه: شو تتريااااا حرررررررررررك !

حميد: انزين فكينا من حشرتج !

"عقب ساعه وصلوا بوظبي"
فقروب ال BBM ....

حمدوه: بنات انا فالدرب ها وصلتوا؟!

حميد يطالع حمدوه ترمس فالبي بي عقب رمسها و قالها: ترمسين منو؟
حمدوه مسويتله طاااف وتكمل ..

حميد : ارمسج انا !!

حمدوه:...............

حميد : يوم ارمسج اتردين!!

مريوم: أقول ردي عليه وفكينا من حشرته.

فقروب ال BBM..

مهاري: نحن كلنا فنفس الموتر وصلنا السكول ,, بس نترياج.

حمدوه: اوكيه انا عند الباب.

حمدوه نازله من السياره (تتحرطم) : افففف , اونه ردوا ويا ربعكم !! منو قاص عليك وقايل نباك توصلنا!!!

ريموه: انزين بس جب ترا انا زاااايغه من الشهادة.

ميروه: آآآآآآآه يا قلبي

مهاري: تشوف مريوم نازله من الموتر

الشله كلها إلا حمدوه يصارخون: مريووووووووووووووووووووم .. ويحضنونها

مريوم: حبااايبي تولهت عليكم

"عقب دشوا السكول" وكل وحده قلبها يدق وزاايغه !! استلمووا الشهااايد.

مهااري: تسعيييييييييييييين!!!

ميروه: انا 92!!!

ريموه: انا 91 الحمدالله 

علاية: 85 يالله الحمدالله ولا اني تحت ال 80

نودي: انا 90.5 

الشله كلها اطالع نودي : شوفيج!!

نودي: مابا أعرس نسبتي حلوه ومب وقته العرس

مريوم: بنات وين حمدوه؟!!!

حمدوه (اتصارخ ع مس الدين): تستهبلييييين !!! اطلعين شهادتي من تحت الارض!!

مس الدين: استغفرالله يا بنتي استهدي بالله اذكري الله !

حمدوه: شهادتي اباها احينه اذا ما طلعتيها بذبحج!!!!

مس الدين: بلا قلة أدب!

مهاري (سايره عند حمدوه): شو السالفه؟!

مس الدين ترمس مهاري: هاه هاه اندوج شهادتج ! حصلتها السكرتيره , اعوذ بالله منج

مهاري (تقل أدبها على المس): هبله انتي ترمسيني انا توني ما خذه شهادتي

حمدوه(بعصبيه): هاااتييييهااااا , الله ياخذ بليسج.

الشله كلها يرمسون حمدوه: بشري كم نسبتج؟

حمدوه بحماااااس مب طبيييعي: سبعه وتسعيييييييييييييين OMG !!!!

البنات يصفقون ويصارخون من الوناسه ونودي تغني.

ميروه: يالله بنات العزيمة علي. __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية : يمممھ انآ هالإنسسآن مَ أتحمل كلآمه المعسسول ♡♡	7mdoOwh	قصص و روايات	2	04-24-2013 05:00 PM
عُرض جَديدِ على خَدمات التصميم + مُفآجئه اخرّ المَوضُوع♡♡	محروم.كوم	منتدى أخبار المواقع والمنتديات العربية والأجنبية	0	11-12-2012 03:10 AM
ليه آلعطر #' وانتي انفاسكك دخون ليه آلكحل .. وآنتي مم مثلك ‹$ = عيون ♡♡♡	وتر القلب	عدسة الاعضاء , كاميرا الاعضاء	5	08-07-2012 01:00 AM
*هَل أخّبرتگ يَومًا ﺑ/ أنْنِي ؛ أتشّبعَ ‹ عِشّقًا ♡♡ › بگ گل يّومَ !	porshcia	عدسة الاعضاء , كاميرا الاعضاء	5	07-25-2012 03:11 AM
ミ♡彡ミ♡彡كيف تختم القرآن اربع مرات في شهر رمضان المباركミ♡彡ミ♡彡	محروم.كوم	منتدى أخبار المواقع والمنتديات العربية والأجنبية	0	08-20-2011 05:30 AM