رواية:ان كان زواجك لي لعب فلا ياحبيبي لاتعب معايا - الصفحة 3

دااانه غير · #1 05-11-2013, 06:49 PM

الريال:الوالد الوالد
الاب:سم ياولدي
الريال:سم الله عدووك ياابوي طلبتك
الاب:تم
الريال وهو يبتسم:تخطب لي بنت عمي مهره على سنة الله ورسوله
الاب:وانا كم سيف عندي خلاص اعتبرها وافقت
سيف وهو طاير من الفرح:مشكووور الوالد
الاب:ولووو انت ولدي الكبير كل اللي تباه تحصله
سيف:مشكوور الوالد وجزاك الله خير
ابو سيف ابتسم وطلع سيف من المجلس
سيف:الله واخيرا واخيرا يامهره بتكوني لي حلم حياتي انتي الحمدالله ليك يارب الحمدالله
سيف"طويل عريض ابيض خشمه شيوخي عيونه ناعس وكبار عسلي شفايفه صغار وشعره هب طويل بني فاتح طيب عصبي رومنسي
ترن ترن ترن
سيف بلكاعه:الوو
صوت انثوي:هلا سيف
سيف وهو هيمان:اهلين براعية الصوت هلا والله بحبيبت قلبي مهاري
مهره:ههههه لهدرجه انت تحبني
سيف:وزوود وزوود يامهره
مهره:وانا بعد
سيف:شوو شوو وانتي بعد شوو
مهره بضحكه ناعم:اموووت فيك
سيف:ا هانا بكم بعيش
مهره:ههه خلاص وبدلع حبيبي
سيف:سكتي لا تقوولي حبيبي لا ايي الحين اشلج من بيتكم
مهره:ههه
سيف:تسلم لي هالضحكه
مهره:شكرا شكرا
سيف:انتي وين
مهره:بالبيت وشوية حبيبي سيف ببند مامي تزقرني
سيف: اوك
مهره بندت من عند سيف وهي طاير من الفرح على ولد عمها تحبه حب صادق نابع من قلب
مهره تنزلت تحت وهي تغني:لمني بالشوق واحضني بعادك عني يبعثرني
امها:الله يدووم الفرحه حبيبتي
مهره:تسلمي ماما
امها:الله يخليج لي
مهره:ولا يحرمني منج
امها:حبيبتي انا بروح بيت عمج بتروحين وياي
مهره وهي مستانس:يب يب
امها:بسرع البسين وتعالي
ملاحظه:ابو مهره توفى بحادث ومهره ماعندها خوات ولا اخوان هي وحيدت امها
وسيف عنده اختين حصه وريم وعنده ثلاث اخوان علي ومروان وسيف وبس عندهم عم ثاني بس بعدين بنتعرف عليه لانه مسافر برع البلاد
راحت مهره ولبست بنطلون سكني اسود وقميص علاقي اخضر وعباه فوقها ساده مافيها شي مسكت الفرشاه وتمكيجت على الخفيف مهره كانت تحمل الجمال الطفولي والناعم هي ليست بملكة جمال لا بل جمالها ناعم وطفولي جدا عيونها خضرا وكبيره خشمها صغير وويها صغير وشفايفها صغيره واايد ناعم ودلوعه وشعرها بني الى نص ظهرها كان دومه سيف ينازعها عسبت شعرها لان يحب الشعر الطويل وطوله اوك يوم يشوفها الواحد يقوول هذي ياهل كشخت وجي وطلعت وتوجهت صوب بيت عمها

حبيتك من صغر سني لين بلغت يوم ميلادي
وصلوا بيت عمهم ونزلوا دخلوا وشافت بالصاله عمها وعمتها وسيف وحصه
مهره وامها:السلام عليكم
الكل:وعليكم السلام
وسلمت علىى الكل
حصه:يات جووليت انا بروح الصراح مبا اشووف مواقف دراميه
ضربها سيف:جب ياحيوان يياللي ماتستحين
الكل:هههههههههه
حصه وهي تقوم وتسحب مهره:قومي بنروح غرفتي بقوولج سالف مابي ناس تسمع
طالعها سيف بنص عيت وهوو يمسح على لحيته:صبري علي
حصه:خشمها طويل عيونها كبار سود شفايفها وسط
راحوا فوق ودخلوا الغرفه
مهره:اخبارج حصووص اخبار الجامعه وياج
حصه:تمام ربي يسلمج ذكرتني بسالف حلوه
مهره:شوو هي
حصه:البارح كنت رايح جامعة الشارجه التقتيقت ويا بنت عسل عسل يامهره

مهره:من اي ناحيه
حصه:كل النواحي جميله جميله يامهره
مهره وبلقافه:اوصفيها لي
حصه:جي طوويل اطول مني واطول منج مشيتها مثل عارضات الازياء خشمها خيال طويل وملامحها مرسوم رسم عيونها وساع وارصاصي
مهره:من صدقج ارصاصي
حصه:هي ارصاصي اقوولج تخبلت عليها قلت لو سيفوه مااخذج يا اخذها عسل والله عسل حتى رمستها اسلوبها كل ذوق معنا عيالتها هب غني يعني مستواهم المادي حلو وكشيخ
مهره:انتي لازم تعزمينها ابي اشوفها شوقتني لمعرفتها
حصه:ماعليه
مهره سكتت بعد فتره:شووو اسمها؟؟
حصه:ميثة
مهره:ميثة حلو اسم ميثة واايد احب هذا الاسم لو استوت عندي بنت بسميها ميثة
حصه:ياصير خير ياحرم اخوي
مهره بحيا:آمري
حصه:هههه شكلج يضحك
ترن ترن ترن
حصه تشووف فونها
حصه:مهوور هذي اتصلت ميثوه
مهره:ردي وسوي سبيكر ابي اسوولف وياها
حصه:اوقي
حصه:الووو
ميثة:مرحبا الساع
حصه:مرحبا ملايين ولاهان
ميثة:اخبارج الغلا
حصه:تمام ربي يسلمج من صوبج حبيبتي
ميثة:الحمدالله بخير دوووم هب يوم حبوب
حصه:وياج
ميثة:اميين
حصه:اخبار الدراسه وياج
ميثة:الحمدالله باقي لي كوورس واخلص وبرقد بيبت
حصه:وتتريين الريل
ميثة:حشا علي مباه خلي يتم ببيته ابرك له
حصه:ههه وهي ناسي ان مهوور عندها
ضربتها مهره حصه تذكرت:ميثاني
ميثة:هلا
حصه:بنت عمي تبي تسلم عليج
ميثة:عطيها انا ابي اروحي ارمسها
حصه:اوك يلاارمسي
مهره:السلام عليكم
ميثة برسميه:وعليكم السلام
مهره:اخبارج
ميثة:تسرج اخباري من صوبج
مهره:تمام دوم هب يوم
ميثة:وياج
مهره:امين الصراح عجبتني شخصيتج من عند حصوص قالت انج ملكة جمال

ميثة:ههه مب لها الدرجه ماعليج حصوص تحب تبالغ
مهره:ههه ادري ادري ماعليه بس خلينا نتلاقا ونتعرف بعض
ميثة:صح انا ليش متصل ابا اقوول اني بوظبي
حصه:صدق
ميثة:يب ابيج تيين ابوظبي موول انا الحين فيه
حصه وهي طاير من الفرح:اوك بي انا ومهور
ميثة:اوك انا اترياكم من توصلوا المول اتصلوا لي بقولكم انا وين
حصه:اوك يلا باي
ميثة:بااي
مهره:وناااسه ابا اشووفها والله وناسه
ميثة:خشمها سيوفي طويل ضعيف جسمها مثل عرضات الازياء عيونها كبار ارصاصي وشفايفها صغار انسان بارد وذكيه وجدية وفنفس الوقت مرح
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
[ لاتعب بعد اليوم مع العفريته الكهربائيه ] ...	محروم.كوم	منتدى أخبار المواقع والمنتديات العربية والأجنبية	0	03-06-2012 04:50 PM
الرجال ماتعب ولاقص اثر	محروم.كوم	منتدى أخبار المواقع والمنتديات العربية والأجنبية	0	06-24-2010 04:50 PM
الريس مبروك زواجك وبالرفاه والبنين	محروم.كوم	منتدى أخبار المواقع والمنتديات العربية والأجنبية	0	12-24-2009 12:50 AM
الريس مبروك زواجك وبالرفاه والبنين	محروم.كوم	منتدى أخبار المواقع والمنتديات العربية والأجنبية	0	12-24-2009 12:30 AM