روآية يــا مآخذن قلبيٰ آرفق بدقآتھہ (♡⌣♡)! للكآتبه : دآهيھہ،، - الصفحة 3

Bora · #1 04-03-2013, 07:27 PM

البارت الخامس ..
.
.
يلسنا أسبوع في دبي .. نتشرى حق العرس .. و عقب ردينا العين .. عسب نحجز في الصالون حق الحنا و مكياج .. و نحجز صاله .. و كوشه .. و المسكه " باقه الورد " و من هالأشغال .. و سرنا بوادي نآخذ فساتين .. و نآخذ الماس و اكتسوارات .. و غيره و غيره .. تقريباً مرت 3 شهور .. و نحن نجهز عسب نلحق حق العرس .. قررنا العرس يكون شهر 4 تاريخ 13 .. كل شي ضبطناه على اساس ان العرس يكون بيرفكت .. و كأنن البنات وايد متحمسات .. ربيعتيه عطتني بن كوافيره لبنانيه .. يت بيتنا و عرفت المكان عسب تيي ف يوم العرس .. اتفقنا وياها و لين اليوم كل شي مثل ماا نحن نبااه ..

.
.
قبل العرس ب يوم ، الساعه 9 الصبح يايه الحنايه بتحنينا حناا اسود .. لان ماشاءالله انا و يزوي بشرتنا فاتحه .. ويت اللي بتسوي لنا حلاوه و تشقير و منكير و بدكير و غيره ..
.
.
مهاري : عنود سواااف حاشرني يبآا يشوفج من كم أسبوع ماا شافج ..
انا اطالعها : قوليه ماا اباا ..
نوري : ليش انزين ؟ يزوي تشوف نهيان ..
يزوي : متضاربين عنود ؟ متضاربين انتي وياه ؟
ريماني : اكييد لاا بس اختيه تتدلع ..
انا اسويلها فلاي كيس ..
مهاري : انزين رمسيه .. " اتصل سيف " .. خلته سبيكر و على طول حطته على أذني ..
سيف : شو قالتلج ؟ زعلانه ؟ متضايجه ؟ شو بلاها ؟
انا : ماا بلاني شي ..
سيف : آههءءء .. فديت هالصوت اللي يرد الروح ..
انا ابتسمت .. و البنات كانوا يطالعوني ..
سيف : ويت بسمعج شي .. " طول ع صوت المسجل . لانه كان يالس ف السياره ..

احبهاآ يــــا ناس كلي لها هيا ..
آسف يــــا كل من كان .. حط عينه عليا ..
هذي حبيبه قلبي .. و مااهو بإيديا ..

سيف : اهوواج ..
البنات صارخن : آاأاااأأأأأآآإأآأآ ..
سيف يغمض عينه : حسبي اللھّہ ..
انا ابتسم : والله هاي مهروه حاطتنه سبيكر ..
سيف : انزين يالله ببند ..
انا : اوك ..
سيف : برمسج اليوم فليل.. قبل ماا ترقدين دقيلي ..
انا ابتسم ؛ انشاءالله ..
سيف : فمان اللھّہ "بصوت خفيف" حياتي ..
نوري : فديته أخوي ..
يزوي تنفخ ع ايدها : يحرق هالحناا ..
انا اطالعها و احرك إيدي : واااايد .. يحرق بشكل مب طبيعي ..
ريماني تضحك ضحكه شر : حاطين فيه مواد كيميائية .. عقب بتنتفخ ايدج انتي وياها .. هاهاهاها ..
يزوي يفر عليها الكلينكس : حسبي اللھّہ عليج .. لااا تفاولين ..
مهاري : ابا اتحنا اسود .. بس مب حلو علي ..
الحنايه *باكستانيه* : هادا حلو منشان كلو بشره ..
مهاري تطالعني : اتحنا ..
انا اتدلع : لاآء بس نحن الحنا مالنا اسود عسب نكون سبيشل ..
يزوي : و لانه نحن العرايس و جي ..
نوري : خلاص مهاري عقب العرس بنتحنا انا و انتي و ريموه ..
.
.
.
سيف يالس ويا نهيان و ربيعهم عبود ..
سيف يمسك قلبه : معذبتني هالبنت ..
عبود يبتسم : ابا أشوفها ..
سيف اونه معصب : قصوورك ..
عبود : ههههههههه واللہَ استهبل .. شو اباا فيها انا ..
.
.
.
ف نفس اليوم الساعه 1 الظهر سرناا الصالون سوينا حمام مغربي اناا و يزويه و اميه و عمتيه .. و خذنا كم صابونه مغربيه و كريمات .. و عقب سرناا نييب الفساتين و فستان يزوي كان وسيع من عند الصدر .. و قالوا لنا تريوا نص ساعه لين ماا يعدلونه .. و عقب سرناا نظهر عبينا من المحل .. و سرنا المويجعي نظهر الجلابيات .. و عقب ردينا عند مال الفساتين و شلينا فستان يزويه و فستاني و فستان ريماني و مهااري و نوري .. و بعدين طرشنا الدريول يسير عند المخمريه "محل گله جلابيات مغربيه " عسب اييب جلابيه اميه و عمتيه و يدوه .. و ع الساعه 9 فليل خلصنا كل شي .. سرناا بوادي طلبنا من مااك .. وردينا البيت شفناا سيف توه ياي بيدخل بيتهم بسيارته وياا نهيان ..
سيف يطالع نهيان : آمنوه ذيلا ؟
نهيان : سياره اميه هاي ..
سييف اتشقق : عنود سارت ووياهم صح ؟
نهيان : عنود و ريماني و أمك و امي و يزوي و نوري و مهاري ..
سيف يطالع نهيان : يالله قم نسير عندهم .. نشوف حبيبه البي ..
قبل ماا ننزل شفت سيف و نهياان ياايين ..
انا ارمس البنات : اييه اقولكم تغشن انزين ؟
ريماني : ليش ؟
انا : مابا سيف يشوفني ..
يزوي : هيه انا بعد .. تغشن بلييز ..
كلنا تغشينا .. ونزلنا من السياره .. كان سيف يالس يطالع ..
سيف ف خاطره : اي وحده عنود .. كلهن نفس الطول .. بس في وحده أقصر عنهن شوي .. افف ..
اميه : تعشيتوا فديتكم ؟
سيف : هيھَ عموه ..
نهيان : الحمدلله تعشينا امايه ..
عمتيه : قوم سيف بنرد البيت .. شل وياي هالأغراض ..
اميه : يالله عيل فديتج شماا بتسيرين ؟
عمتيه : هيه غناتيه .. باجر بيي بيتكم من غبشه ..
انا : تعالي تريقي عندنا عموه ..
سيف استغرب : اي وحده حرمتيه ؟
اميه تطالعنا : انته دورها ..
سيف يحج راسه : اممم .. " تقرب صوبنا " انا على طول رديت على ورا و سحبني سيف ..
سيف يبتسم : شفتوا عرفتهاآ ..
انا اخوز الشيله عن ويهي و أطالع البنات : شسمه عندنا وايد اغراض يالله ندخلهم داخل ..
ريماني تزاعج : لييييييييييييننننناااااا "الخدامه " شوي و يت لينا و شلت الأغراض عنهم ..
اميه : يالله عنود دخلي اتعشي ورقدي عسب تنشين من وقت ..
يزوي تطالع اميه و بحيا : عموه برقد عندكم اليوم .. عادي ؟
اميه : يزوييه ؟ شهالرمسه ؟ البيت بيتج حبيبتي انتي مب غريبه ..
نوري و مهاري : حتى نحن ..
عمتيه : يالله سيف شل الاغرراض ساعدني ..
و سارت عمتيه ويا سيف ..
يوم العرس ..
.
.
البنات كانن راقدات عندي في الحجرة .. لانها اخر ليله برقد فيهاا في بيتنا .. نشيت قبلهن سرت الحمام غسلت ويهي .. و لبست لي قميص فيه عقم عيب أروم افصخه بدون ماا أخرب التسريحة .. نزلت تحت .. تريقت و سرت فوق اتريا الكوافيره .. نشت يزوي و عقبها ريماني و مهاري و نوري .. يت عمتيه بيتنا تريقت ويلست ترتب وياناا .. انشغلنا في ترتيب الأغراض و الفساتين و الاكتسوارات ..ع الساعه 1 خلصنا .. و بعدين تغديناا شوي ويت الكوافيره هي و 2 وياها وبدت تسوي حق نوري و مهاري و ريماني و كان طرر .. وااايد حلوو مكياجهن .. و سمبل و حتى تحسينه غير .. يوم خلصن سوت لي اناا و يزويه .. و عقب .. اميه و عمتيه .. و بعدين بدت في شعر ريماني و نوري و مهاري .. مهاري صبغته بني فاتح .. وااايد حلو عليها .. بعدين سوت لـي انا و يزوي .. بعدين شليناا فساتينا و عطورنا و اغراض الزهبه لان بنظهر من القاعه على طول بنسير الفندق .. ركبنا وياا نهيان و نهيان كانت عينه على يزوي مع انها متغشيه لكنه عرفهاا .. الساعه 7:30 وصلنا القاعه و بدينا نغير ثيابنا .… ريماني ظهرت ويا نوري و مهاري .. سارن ويا اميه و عمتيه عسب يشوفون المعازييم و جيييه .. اناا كنت يالسه وياا يزوي بعد ماا خلصنا من كل شي ..

يزوي ترجف : عنود خااايفه ..
انا اطالعها : اناا بعد ..
يزوي : واللہَ احس خلاص بموت من الخوف ..
انا ابتسم : لاا تخافين .. ترا شعور حلو انج خلاص الحين بتكونين حق اللي يحبج و تحبينه ..
يزوي تبتسم لي ..
.
.
ارتبشن البنات .. قوم مهاري و ريماني .. و ماا خلن اغنيه ماا رقصن عليها .. كانت القااعه واايد حلوه .. الكراسي بيض .. و الطاولات لونهن ابيض بعد .. بس في كل طاوله ورد احمر .. مكتوب على الباقه : العنود & سيف .. اليازيه & نهيان .. و الكوشه كانت على شكل تاج حللوو وايد شكله .. ييييللللمممع واايد .. و يتغير لونه .. ع اليمين تاج و ع اليسار تاج … الكل كان مستانس على رقص البنات قوم نوري و ربايعهن .. و الأغاني كانت تحمس الواحد .. كنا نسمع صوت الأغاني و نغني انا ويزوي ..
يزوي تطالع حناها : ماا خاب ظنج يوم قلتي بنتحنا حنا اسود و بيظهر حلو ..
انا : هههههه شو تتحرين حبيبتي ذوقي حلو انا ..
رن فوني و كان سيف اللي متصل ..
يزوي : ردي ..
انا : مابا .. اخااف ..
يزوي : هههههههه ردي ردي ..
انا : ان رمسته بيلس يتغزل ..
يزوي تبتسم : انزين لا تردين ..
.
.
بقولكم كل وحده وشو لابسه :
ريماني : فستانها رمادي ، ضيج من تحت و من عند الصدر عليه شغل ب ورود لونهن ابيض .. مكياجها كان رمادي فاتح ويا ابيض .. و روج فوشي .. كانت رافعه شعرها گلھَ ..
.
نوري : فستانها كان وردي فااااااااتح .. مسكر من عند الصدر و من الظهر شي دويره مفتوحه .. كان واايد سمبل و مكياجها كان گله وردي .. و مسويه فير و بماا انه شعرها طويل لين نص ظهرها كان وايد حلوو عليها ..
.
مهاري : كانت لابسه فستان آحمر بلون دم الغزال .. مخصر ع الجسم .. و بماا انه هي حنطاويه كان يجنن .. مكياجها كان سمبل .. وٰيـا روج احمر فاقح .. كانوا لامين شعرها گلھَ ع صوب ..
.
اميه + عمتيه : مغربيه من " المخمريه " .. عمتيه لبست مخوره عنابيه .. و فيهاا واايد شغل من عند الصدر و من عند الإيد.. و عمتيه لبست ذهبها .. اما اميه لبست عقد من داماس ..و لبست مخوره زرقااء بس نفس موديل العنابية ..
.
يدتيه لابسه ثوب اصفر فاتح و تاارسه عمرها ذهب .. من فوق لين تحت ..
.
يت الساعه 10 و دخلت اميه ويا عمتيه عندنا ..
عمتيه تبتسم لي ابتسامه عريضه : عللللللننننيي فداا هالزين و هالحلا كله ..
انا أبتسمت : تسلمين عموه ..
اميه تطالع يزويه : له له له له .. شهالجمال .. يزوي هاي انتي ؟
يزوي : هيه عموه ..
اميه يلست عدالي و مسكت ايدي : اباج تسمعين كلام ريلج و ماا تزعلينه وان ماا اهتميتي فيه بيآخذ غيرج ..
انا ابلع ريجي : إنشاءالله ..
.
.
.
شرايكم في البارت ؟ + اذا شفت ردود بحط البارت السادس و بييكون طويييل ..
.
.
.
__DEFINE_LIKE_SHARE__

Bora · 04-03-2013, 07:28 PM

ترآ نزلت ثلاث بارتات ،،!
ابي تفااعل !!! عشان انزل البارت الي بعده ،
__DEFINE_LIKE_SHARE__

Bora · 04-03-2013, 10:17 PM

[B]
الآسك مال الكاتبه ,,,, my new ask http://ask.fm/xCandyella
[/] __DEFINE_LIKE_SHARE__

ليمونه 44 · 04-03-2013, 11:28 PM

بليز بليز اتحمست ابا البارت نزلي *_* __DEFINE_LIKE_SHARE__

Bora · 04-04-2013, 11:03 AM

ليش مافي تفااعل ؟ بس ليمونه ! __DEFINE_LIKE_SHARE__

مشاهدة نتائج الإستطلاع: عيبتكم الروايه ؟
حلوه	37	100.00%
مب حلوه	0	0%
سخيفه	0	0%
مب شي	0	0%
المصوتون: 37. أنت لم تصوت في هذا الإستطلاع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
∞ حبگكّ تمگنْ في قلبِيِٓ ۆ استحلھَہ ۆ آلغلاآ وٰ الشووٰق سيطرَ فيھَ كلھّ '♡♡ ♪	Fox Almzro3i	استراحة قصص وابداعات الاعضاء	0	12-15-2012 10:47 AM
عُرض جَديدِ على خَدمات التصميم + مُفآجئه اخرّ المَوضُوع♡♡	محروم.كوم	منتدى أخبار المواقع والمنتديات العربية والأجنبية	0	11-12-2012 03:10 AM
ليه آلعطر #' وانتي انفاسكك دخون ليه آلكحل .. وآنتي مم مثلك ‹$ = عيون ♡♡♡	وتر القلب	عدسة الاعضاء , كاميرا الاعضاء	5	08-07-2012 01:00 AM
*هَل أخّبرتگ يَومًا ﺑ/ أنْنِي ؛ أتشّبعَ ‹ عِشّقًا ♡♡ › بگ گل يّومَ !	porshcia	عدسة الاعضاء , كاميرا الاعضاء	5	07-25-2012 03:11 AM
ミ♡彡ミ♡彡كيف تختم القرآن اربع مرات في شهر رمضان المباركミ♡彡ミ♡彡	محروم.كوم	منتدى أخبار المواقع والمنتديات العربية والأجنبية	0	08-20-2011 05:30 AM