.
.
.
البارت الثالث ..
.
.
.
كنت راكبة ويا سيف ف السيارة و أطالع الدريشة اللي عدالي .. كان الهدوء مسيطر ع المكان .. و صوت القرآن يهدي اعصاب سيف .. كان سيف وايد خايف على اخوه .. ها اخوه الوحيد !! و من زمان ماا جاافه .. كيف جي استوى وليش .. أفكار كانت تدور و تدور في بال سيف ..
سيف يقصر على صوت القرآن و يبتسم لي ..
انا حسيت انه يطالعني و صديت صوبه ..
سيف يمسك ايدي و كنت اناا ارججف .. اناا وياه برووحناا .. ف السيارة .. سايرين دبي .. برووحناا .. اول مره نتم بروحناا ..
سيف يبتسم لي : ليش ترجفين ؟
انا ابتسم له : ماا أرجف ..
سيف : متأكده ؟
اناا : هيھَ شو بعد ..
سيف : يشلج و بعقج في السيح .. و بسير عنج ..
انا اهد ايده بسرعه .. و أطالع الدريشة : خاااايييس ..
سيف : ههههههه واللہَ اني متسبح ..
انا اطلع له لساني : عبييط ..
سيف يبتسم ابتسامه خبث : يوم بنعرس جان فيج خير سبيني .. شوفي شو بييج ..
انا أنزل راسي : انته تطفر بي ..
سيف : انزين سبيني و. شوفي ..
انا اطالعه : خلاص اسسفه ماا بسب ..
سيف : قصورج بعد ..
.
.
اتصل سيف على عميه عسب يسأله عن المستشفى .. و عقب سرنا أهناك .. و يدوه يالسه تصيح و تدعي .. كان حمدان الحمدلله بخير و عافيه .. بس جروح بسيطه .. لان الحادث كان مب وايد قوي .. دخلنا عنده و تمينا يالسين وياه نتحمدلله بالسلامه .. يدوه تعبت علينا .. و إتصلنا على الدريول ايي و ايشلها هي و اميه و عمتيه .. بس عمتيه راسها يابس .. عاندت و عاندت لين ماا قرر عمي يااخذ جناح في فندق عسب نتم فيه .. و بما انه كان المغرب .. يلسنا شوي .. و عقب عمي و ابويه و عمتيه و اميه و يدووه ساروا الفندق .. و تمينا انا و ريمااني و نوري و مهروه .. و سيف و يزوي و نهيان ..

ريماني تدز جتفه : الحمدلله ع السلامه ..
حمدان : الله يسلمج يالرقيقه كسرتي جتفي ..
نهيان : اصلاً نسيبنا يتدلع ..
انا : هههههه الحمدلله ان الحادث بسيط ..
يزوي تحظنه وهو منسدح : يــــا حبيب ألبي .. اشتقتو لك جداا .. جداً جداً ..
حمدان : الحمدلله ان فيه حد يحبنيَ ..
سيف يطالعه : شو هالرمسه الله يهديك .. كلنا نحبك .. لو ماا نحبك .. جان ماا يينا عندك ..
نوري : انا اصلاً فتاه بأخيها المتكسر مغرومه :$
مهروه : نـي بعد مغرومه في أخويه المتكسر ..
حمدان يبتسم : يووعان ..
سيف يوقف و يوقف نهيان : يالله بنسير نييب العشا ..
انا : الساعه ثماان ..
نهيان : عادي ..
ريماني تفج ريولها : انا إنسانه لازم أتعشى مرتين ..
مهروه : قااالتها بنت عمي .. وانا شراتج بعد ..
سيف : بنسير نييب عشا و يوم بنرد الفندق اطلبولكم ..
انا اتثاوب ..
سيف : قلبيه اوديج الفندق ؟
انا انحرجت ..
يزوي : هيھَ ودني انا ..
نهيان : أفاا ؟ ليش ؟
يزوي : فيني رقاد ..
نهيان : انزينن تعشي و عقب بنرد سوا ..
يزوي تثاؤب : واللہَ فيني رقاد .. مب يوعانه ..
نهيان يتنهد : يالله تعالي ..
سارت يزوي ويا سيف و نهيان .. انا كنت 24 اتثاوب .. فيني رقاااد .. تعباانه .. منهد حيلي .. مرت ربع ساعه وانا اتثاوب و هم يسولفون ..
نوري : مهاري ..
مهره : عيون مهاري ؟
نوري : تعالي نحوط في المستشفى ..
مهروه تطالعني و تطالع ريماني : تعالن ويانا ..
انا : ماا فيني ..
ريماني تمسك بطنها : انا جييعانه ..
حمدان : ريم انتي نكته ..
نوري : تزوجها خلها تونسك ..
ريماني : سوري بيبي انا بعنس ..
حمدان : وانا بتم عزابي طول العمر ..
مهاري تمسك نوري : ماا عليج منهم تعالي نسير ..
سارت مهاري ويا ريماني ..
حمدان يقوم .. سرت على طول عدلته ..
حمدان يطالعني و ماا يحرك عينه ..
ريماني تردني على ورا : اييه شوو ..
انا ايلس مكاني بهدووء ..
حمدان يزاعج : اححححبببههااا ..
ريماني : منوه؟
حمدان يزااعج : ااححححببب اخختتجج .. " يصارخ " بس مصييرهاا تسير عند أخوي ..

انا كنت ساكته ماا انطق ..
ريماني : مب شي يديد ..
حمدان بهدوء : كنتوا تدرون ؟
ريماني تتنهد : هييه بس انا و عنود و خواتك .. و لو يدري سيف بيذبحك ..
حمدان يصارخ و يكسر كل شي جدامه : اححبببببههااا وف حييااااتي مااااا بحب غيييرهههااا .. " يصارخ بأعلى صوته " اااااااحححححححبببببب الللعععنننوووود الععاااااامررري .. تفهموووون ؟؟
سيف دخل علينا بسسرعه و فر العشاا ع الأرض .. و يلس يتجدم صوبنا ..
سيف يبتسم : حمداان أخوي الغاللي ..
انا ف خاطري : الحمدلله انه ماا سمع شي ..
سيف يحج راسه : شو كنت تقول قبل شوي ..
نهيان دخل ...
سيف يمسك حمدان من صدره : ششششوووو قلللت ؟؟
حمدان يبتسم : احب العنود .. و رقدت وياها ..
اناا شهقت .. و الكل يلس يطالعني ..
.
.
.
نهايه البارت الثالث ..
.
.
.
شو توقعاتكم + شو رايكم في البارت (ʃƪ˘˘.) ؟
.
.
.

.
.
.
البارت الرابع ..
.
.
.
انا أوقف بسرعه و أطالع سيف : واللہَ واللہَ انه يجذب ..
ريماني تمسك ايدي : مستحيل اختي تسوي جي مصدقتنج انا ..
سيف يلس يضرب حمدان و يصارخ علييه : ياااا حماااار ياااا حيوووواااان ياااا ***** كيييف تسسويييهاا وأنااا اخووك ياااااا كللب ..
نهيان يطالعني ب جديه : صح كلامه ؟
انا اصيح : واللہَ انه يجذب .. قسم بالله .. كيف تبااني أسوي جي يعني اناا مااا أخاف. ربي .. ؟
سيف يطالعني و يتقرب صوبي .. اناا ارد على ورا ..
سيف يزاعج : قوليها ..
انا اطالعه و عيني متروسه دموع : شو اقول ؟
سيف : ان كلامه جذب ف جذب .. طالعيني وقولي الصدق ..
انا اطالعه : والله واللہَ ياا سيف انه يجذب ..
سيف يتقرب مني لين ماا لصقت في اليدار اللي وراي ..
سيف يمسك راسه : ماا اقدر اصدقج مااقدر انا ابتعد عنه و ف عيني دموع : ياااا حمااار .. حررااام عليييك ..
سيف يسير عند حمدان و يكفخه لين مااا طلع دم من خشمه و عينه ورمت .. و طلع دم من حلجه بعد ..
نهيان : سيف قووم عنه .. حرام عليك هاآ أخوك ..
سيف يكفخ حمدان من الخاطر : لااا أخويه ولاآ اعرفه .. حاط عينه على حرمتيه .. و يجذب علي .. يخليني اعصب .. و يرتفع القيج عندي .. " يتفل عليه " تففووو علييه من أخو ..
حمدان يتنفس بصعوبه : ترا مب صدق اللي قلته .. بس حبيت اعصبك ..
سيف يتقرب منه بيصفعه .. نهيان يسحب سيف على ورا ..
ريماني سارت تزقر النيرس .. و يوم يت ..
النيرس : اووهمااايقااد وت ديد يوو دو فوور هييم ؟ " تمسك راسها " اوووهمااايقاااد ..
ريماني تأشر على سيف و هي فيهاا ضحكه : هاذا كفخ " تأشر على حمدان " هاذا ..
النيرس تطالع ريماني بطرف عينها : قوو اوت بلييز ..
نهيان يسحب ريماني : ظهري برا ..
ريماني : وين ؟
نهيان بنرد البيت ..
نهيان و ريماني كانوا بيظهرون برا الغرفة .. سرت وياهم انا .. و عقب رديت الفندق وياهم .. على طول سرت الغرفة اللي راقدين فيها مهاري و نوري .. و يلست اصييح .. يتني ريماني قالتلي يابوا العشاا في الصاله .. سرت هناك و انا افكر في بطني :') يوعااآنه بموت من اليووع .. و هاا سواف الجلب مب طايع يصدقني .. سرت هناك و الليت كان مبند .. دخلت و سكرت الباب .. و تجدمت لين ماا يلست ع الكرسي و صديت وراي .. شفته يالس يطالعني .. انا نشيت بظهر براا .. سحبني و يلسني فوقه ..
انا انزل : قووووم ياا الطفس .. قوووم ..
سيف : انزين بظهر ..

انا ضميت ايدي على ريولي و يلست اصيح : حمااار .. حيواااااان .. حييوااان .. تيييس .. جلللللب .. خاااااييس .. حييوان مااا حبه ماااحبه ..
سيف بهدوء : حرام عليج اتسبيني ..
انا صخيت مره وحده ..
سيف : انا ريلج حبيبج ..
انا يلست امسح دموعي : يارب يكون ها گلھَ حلم ..
سيف ايي عندي : مب حلم ..
انا أطالعه : اناا ماااحبك .. انته ماا تصدقني .. مب واثق فيني ..
سيف يمسك ايدي : مصدقنج .. و وااثق فيج وربي وااثق .. بس إبليس تربع ع راسي ..
انا اطالعه : يعني لازم اصفعك ؟
سيف : ليش ؟
انا : لكنك كنت بتصفعني في المستشفى ..
سيف يغمض عينه : سوي فيني اللي تبينه كلي اناا حلالج ..
انا تقرب صوبه .. و وقفت جدامه .. عسب استعد حق الشرده .. بست خده اليمين صوبه أذنه و قلتله : حيوان ، بس أحبك .. و شردت ..
سيف يلس مغمض عيونه .. لين ماا سرت .. صااااررووخ كنت سايره غرفه البنات .. تسدحت ع الكرسي الطويل و رقدت وانا مبتسمه ..
سيف يتنهد : فديييتهم اناا .. " ابتسم " علني مااا خلاا ..
.
.
نشيناا الصبح من وقت .. و لان كنا مب يايبين ثياب .. ماا غيرنا ثيابنا .. نشيت وانا متكسره .. ماا عرفت كيف ارقد ع الكرسي .. لان نوري و مهاري كانن راقدات ع الشبريه .. وانا ع الكرسي .. و ريماني عافده ف النص بين نوري و مهاري .. و يزوي راقده ف حجرة امها و اميه .. سرت الحمام غسلت ويهي .. شفتهم يالسين فالصاله يتريقون .. سرت يلست عدال البنات .. و كليت بهدوء .. يزوي يالسه ترمسني بهدوء ..
يزوي تبتسم لي : شوفي أخويه كيف يطالعج ..
انا اطالعه .. ابتسمت و هو ابتسم لي ابتسامه خبث ..
انا غصيت : كح كح كح .. حسبي … كح كح الله عليج كح يــــا يزوي كح كح ..
ريماني تعطيني كوب جاهي : صحه يــــا بعد جبدي ..
يدوه : واااابووويه ع المنكر .. وااابوي ..

عميه : اي منكر اللھّہ يهديج امايه .. غصت البنت ..
عمتيه : أشوفك هالايام وايد اتدافع عن عنود ..
نهيان : ماا عليج منه عمتيه شما ترااه يحبهاا شو بعد ..
عميه يضحك : هههههه خس الله هالويه لك يــــا نهياان ..
ابويه : العنود دلوعه ابوها ..
ريماني تحيس ثمها : الحب كله صوبها واناا جني مب بنتكم ..
سيف يبتسم : اصلاً العنود حقي اناا .. حق سيف و بس ..
نهيان : حتى يزوي حقي اناا ..
يدوه تزخ راسها : اللھّہ اللھّہ ع المنكر ياا سيف. و ياا نهيان ..
نوري : ابا أعرس ..
مهرة : حتى انا ..
عميه : يوم ربكن بيكتب لكن نصيب .. ذيج الساعه خير ..
اميه : يالله خلصوا علني فداكم .. بنسير عند حمدان ..
سيف يوقف : الحمدلله .. هيھَ صح ابويه .. رشود امس فليل اتصل لي قالي انه مسافر عنده شغل برا البلاد ... و حرمته عند أهلها ..
.
.
انا قلت حق ابويه بنرد البيت .. بس ابويه قال لازم أخلص الزهبه و آخذ من دبي لان ماشي وقت .. انا كنت متشريه و مب ناقصني الا النعول .. و العطور .. و الأكتسوارات… اميه ردت ويا ابويه و طرشوا الدريول اييب لناا اناا و ريماني ثياب من البيت .. طبعاً الخدامات اللي بيرتبن .. و نوري و مهاري و يزوي نفس الشي .. نهيان و سيف بيتمون ويانا ف دبي .. و حمدان رجع العين ويا عميه و عمتيه و يدوه .. كنت فاجه شعري و طايحه ع ريول يزوي .. و نوري و ريماني و مهاري يجوفون فلم في ام بي سي 2 .. دخل سيف. و نهيان وياه ..
سيف يطالع يزوي : قومي ..
يزوي : وين ؟
سيف يشل يزوي و يفرها ع نهيان .. و يلس مكان يزوي .. و يلس يلعب بشعري ..
يزوي عصبت : سييف انتت انسسان حيوان ..
سيف يبوس يبهتي .. و عاطنها طاف ..
نهيان يرش عليها مااي : ريلاكس حبيبتي ..
يزوي تطالعه بنظره ..
نهيان : خيييبه .. مب زين تعصبين هالكثر ..
انا أضحك : ههههههههههههه تعالي حياتي زوز تعالي ..
نهيان : منو زوز هاي بعد .. اسمها اليازيه ..
انا أقوم عن سيف : تعالي يزوي يلسي وياي ..
سيف يطالعني بنظره بريئة : وانا ؟
انا اطالعه : سير عند نهيان ..
سيف يطالعني و يتقرب ..
انا ادز صدره ؛ ايييي شوو ..
سيف يشلني من خصري و يوديني الحجرة ..
اناا ازاعج : سسوواااااااافف .. رييمااااانيي انقذيييينييي ...
سيف ؛ هههههههه شوو انقذيني هاي بعد ..
انا أطالعه : نزلني ..
سيف يدخلني الحجره ويقفل الباب ..
انا : اييه فج البباااااب ..
سيف يتجدم صوبي لين ماا لصقت ف الباب ..
انا أدق الباب بريلي ..
سيف يبتسم لي : لا اتدقين ..
انا أطلع له لساني : بدق كيييفييي ..
سيف يبتسم ابتسامه خبث : لاا تخليني افترسج الحين ..
انا انخطف لوني ..
سيف : اشوفج سكتي ..
انا أطالعه و اقرب صوبه .. و عقب فجيت الباب بالمفتاح بسسرعه و شردت ..
سيف يبتسم : شششتتت .. واللہَ لروايج ..
انا ابتسم له ؛ ههههههههه يــــا حليلك ..
.
.
.
.