| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
| | LinkBack | أدوات الموضوع | انواع عرض الموضوع |
04-15-2013, 03:25 PM
| رقم المشاركة : [ 11 ] |
| عضو جديد  |  البارت الرابع و الثلاثون: في رحله العوده من نيوزيلندا واللي ظلوا فيها اسبوع بس .. اضطر نواف يتوقف عند فرعهم في تركيا حتى بتعامل مع المشاكل هناك و اللي تسببت في غيابه عن ايمان اربع ايام بعدها قرروا يرجعون للرياض.. ايمان تنهدت وهي تقرا لها كتاب من كتبها اللي اخذتها معاها ، ادوارد اللي رجع معهم كان يحرك عيونه من ايمان المتنهده الى نواف اللي كان مشغول في الشغل و بعد فتره من التامل قرر يتكلم.. ادوارد: سيدي انا اسف فعلا على ازعاجك.. نواف: لا تقل هذا .. كان من اللازم اخباري حتى اتصرف مع الشركاء و بعدها نبحث عن الشخص اللي تسبب بكل هذا .. ادوراد: لكن يبدو ان السيده غير مرتاحه.. نواف حرك عيونه من اوراقه و شاف ايمان بهدوء نزل الاوراق من يده و مشى لعندها ..: الحلو شقاعد يقرا ايمان اخذت كتباها و حطته وراها: سر نواف وهو يظهر لها علامات التحمس: افااا علي تخبين اسرار؟ ايمان: اكيد... نواف بنظره خبيثه: انتي لسى زعلانه لاني قطعت شهر العسل؟ ايمان بنبره ساخره: شهر؟؟؟ نواف انا وياك جلسنا اسبوع واحد بس و الاربع ايام الماضيه كنت ما اشوفك الا الصبح بعد ما اصحى من النوم و تكون انت تتجهز حتى تروح الشغل.. نواف حط يده على خدها: حقك علي يا حبيبتي .. الظروف كانت اقوى مني .. ولك وعد مني اعوضك عن هذي الرحله قريب.. ايمان ابتسمت له : انا عارفه وواثقه فيك و اعذرك لانك ما تقدر تبتعد عن الشغل.. لكن ما كان لازم الطيب حيييييل يكون معنا نواف ضحك وهو ينظر لادوارد الي كان يعطيه ابتسامه:هههههههههههه يااااااااا حلووو الغيييييييره ايمان: انا اغاااار و من هذاااااااااااا ليش ايش شايفني؟؟ نواف ضحك: هههههههه عادي .. كل زوجاتي السابقات غارن منه.. ايمان رفعت حاجبها و لفت وجهها لبعيد: اتمنى يا نواف ان ماتتم مقارنتي باي وحده سابقه.. نواف حس من نبرتها انها كانت غيره حقيقيه هذي المره ممزوجه بغضب و ضيق ابتسم و سسحب وجهها لجهته من جديد: لا تخافي يا حبيبتي انتي غير.. ايمان : اوكي. نواف: ممكن اشوف الكاتب اذا كنتي واثقه فيني. ايمان بضحك : الخبل ما يضيع هرجته ههههههههه ايمان مدت الكتاب له و نواف ابتسم بغرور لما قرا العنوان: طوق الحمامه؟.... كل هذا علشاني.. ايمان وهي تهز كتفها له: ومن تكون انت حتى احتاج طوق الحمامه علشانك...انا بنص مهارتي اقدر اخليك تسوي لي اللي ابيه .. بس انا محتاجه اقرا طوق الحمامه حتى اراجع معلوماتي السابقه خصوصا ان صار لي مده عن المنتدى.. نواف فتح الكتاب و بدأ يتصفحه باستمتاع و هو يقرا اول باب منه علامات الاعجاب و الحب و يقارنها في صفاته وايمان تضحك.. وصلت ايمان و نواف البيت وكل واحد حاط يده حول خصر الثاني و ايمان حاطه راسها على كتف نواف.. نواف بسعاده: السلام عليكم.. ساره بابتسامه: وعليكم السلاام.. الحمد لله على السلامه. ايمان بابتسامه: الله يسلمج يا الغاليه.. ايمان الصغيره اللي كانت تلعب ركضت باتجاه نواف و رمت نفسه عليه نواف رفعها بيده و باسها و بعدها نزلها و راحت سلمت على ايمان .. نواف اشر على ايمان زوجته: من اليوم هذي ماما يااا حبيبيتي.. ايمان الصغيره ابتسمت : بس انا عندي ماما... نواف كان بيكمل بس ايمان مسكته حتى يوقف ..و نواف قرر يطيعها .. فاطمه بمجرد ما سمعت صوت نواف ركضت لعنده مثل عادتها حتى تسلم عليه .. ايمان لما شافتها متجهه لعنده قررت ترفع يدها عنه و تبتعد بس نواف مسكها اكثر و اكتفى بس انه يحط يده على كتف فاطمه و يسلم عليها.. فاطمه حست بشيء من عدم الرضى من تصرف نواف شبه البارد: الحمد لله على السلامه ياااااااااااا نواافي نواف بابتسامه لها: الله يسلمك ياا حبيبتي فاطمه حركت عيونها لايمان و عطتها ابتسامه زائفه: شلون كانت الرحله ايمان استغربت انها ما سالتها عن احوالها و تحمدت لها بالسلامه بس سالت عن الرحله بكل دلع ردت: رحله مع نوافي حبيب قلبي شلون ممكن تكون غير ممتعه وكلها مغامرات.. فاطمه: اي حبيبي وانا اعرفه زين.. ايمان: بس ما راح يعود حبيبج بروحج يااا فاطمه .... نواف بضحك:ههههه حرام عليكم .. تتحكمون فيني وانا واقف... ههه فاطمه عقدت يدينها قدام صدرها و بتتكلم بس دخول ابوه و عواطف عليهم منعها .. مشت ايمان لعندهم و سلمت وبعد ما جلسوا وصارت تتكلم معهم عن الرحله كانت فرصه فاطمه حتى تسحب نواف معها.. فاطمه بعد ما سكرت باب غرفه جانبيه: خير يا فاطمه؟ فاطمه بكل برود: نواف ايش صار لوعدك لي؟ نواف بعيون شارده: اي وعد.. فاطمه: قبل لا تسافر وعدتني ان زواجي من جسار هو راح يكون اللي بعد زواجك على طول.. نواف وكانه تذكر اخيرا: اي صح... نسيت... ولا يكون بخاطرك.. هذا اللي بيصير.. فاطمه: والله؟؟؟ كيف يصير و فيصل زواجه بعد كم يوم من ندى... نواف: ماني فاهم؟ ايش قصدك.. فاطمه: فيصل و ندى اللي ملكوا بعدي بزمن طووووووووووويل بيتزوجون قبلي و اذا تزوجوا مستحيل اسوي عرس الا بعد فتره من الوقت.. نواف: والمطلوب يا فاطمه؟ عرس و راح يكون لك عرس اكبر من عرسهم و افخم و باقرب مده ممكنه.. فاطمه: لا يااا نواف ماهو هذا اللي ابيه..عرس ندى و فيصل لازم هو اللي يتاجل .. وانا يكون عرسي قبل .. نواف تنهد و بكل خضوع لرغبات دلوعته: صار.. انا راح اجبرهم ياجلون العرس.. و مثل ما اتفقت مع جسار راح يكون عرسك خلال هالفتره.. فاطمه طارت من الوناسه و ركضت لنواف تحضنه بفرح: ثاااانكيووووو حبيبي.. نواف تنهدت بعد ما طلعت فاطمه طايره من الوناسه و ما كان عنده الا انه ياخذ موبايله و يتصل على فيصل... - - ريم فتحت الباب على اختها و كانت بكامل حلتها ولبسها : انتي لسه ما لبستي؟ سديم رفعت راسها بعد ما ارسلت مسج لصديقتها : مالي نفس اروح.. ريم تنهدت و مشت لعندها: بس هذي عمتك و ضروري تكونين موجوده تسلمين عليها... سديم: ما ابي اروح لها في بيتهم .. ريم: ليش ما تقولين من البدايه ان هذا هو السبب .. انا نفسك ما ابي اروح بس احس احراج ان ما نروح نسلم عليها خصوصا ان ما حضرنا حفله الملكه.. سديم من غير نفس: وتسمين اللي سواه لها حفله ملكه؟ هو حتى دعوه ما دعى اهلها و لا خلاها تفرح مثل غيرها من العرايس........ انا ما ادري كيف وافقت عليه.. ريم: اللي صار صار و سواء وافقنا ولا لا.. نواف هو زوج عمتي ايمان الحين سديم يعيون حزينه: انا خايفه عليها..... عمتي ايمان ما تستاهل انها تتاذى كافي ان الباقي ما يحبونها .. تتزوج بعد واحد ما يحبها...و مليون بالاميه بيخونها.. ريم وهي تزفر: تمني لها التوفيق و من يعرف يمكن ينكتب لزواجهم النجاح ويصيرون احسن اثنين في الكون؟ سديم بسخريه : اي صحيح.. ريم كانت بتكمل بس اتصال من ندى اجبرها تقطع حوارها مع اختها : الو؟ هلاا ندى..... ندى بصوت متوتر: ريم فاضيه؟ ريم حست من صوت ندى ان في شيء: خير ندى فيك شيء؟؟ ندى: اول قولي لي انت مشغوله ولا فاضيه؟ ريم: كنت بروح لعمتي ايمان اسلم عليها بس اذا في شيء اجيكم.. ندى: لا مافي داعي ... انا بس كنت بستشيرك في موضوع.. بس خلاص.. ريم جلست على السرير و كانت سديم جنبها و من شافت نظره التوتر على وجه اختها قربت منها حتى تسمع: لا ندى قولي اللي تبينه احنا مثل الخوات ولا ناسيه .. ندى بتوتر: فيصل اتصل فيني من شوي و...... ريم: و ايش يا ندى.. عرسكم باقي عليه خمس ايام بس عيب عليه يتصل فيك .. ندى بصوت متالم: مافي عرس يا ريم ريم بصدمه: ايش؟؟؟؟ كيف ما في عرس؟ ندى وكان واضح انها بكت كثير : فيصل يقول ان نواف كلمه بخصوص موعد العرس و قال له انه ما يحق له يحدد العرس من غير موافقته لانه .. سديم اخذت الموبايل من اختها: واهو من يكون حتى يوافق ولا لا على موعد العرس ندى توترت لما سمعت صوت سديم.. ريم حست باحراج من تصرف اختها بس هذا ما منعها من انها تكمل سؤالها لندى اللي كانت لها اكثر من اخت و خصوصا انها كانت تعرف نواف زين و حبه في التحكم في غيره و حياتهم : ندى حبيبتي تكلمي ايش اللي قاله نواف بالضبط لفيصل.. ندى بالم: يقول انه ماهو من حقنا نحدد عرسنا قبل عرس فاطمه و جسار .. ريم: بس فاطمه ما تحدد عرسها .. ندى: انا عارفه هذا الشيء.. بس يظهر ان جسار قال انه يبي يحدد العرس قبل لا يمرض فواز.. واعتبروا ان تحديد فيصل قبلهم اهانه .. سديم بتذمر: اي .. حبيبه القلب فاطمه منقهره من ندى لانها ملكت من بعدها و بتتزوج قبلها.. ريم اشرت لاختها تسكت بس ندى سمعتها : انا عارفه هذا الشيء انا من و فاطمه من... اللي مزعجني هو انه بعد ما دعيت صديقاتي و معارفي اقول لهم انه تاجل..ويمكن ينلغي خصوصا ان ما نعرف متى بالضبط راح يحددون عرسهم.. وانا انسانه ما ابي اجبر فيصل على شيء او اضايقه و اسبب له مشاكل .. ريم : لا تقولي كذا يا ندى انا راح اكلم فاطمه و افهم منها الموضوع ندى بخوف: لا ريم بليييييييييز انا ما ابي...... سديم اخذت الموبايل من اختها و كلمت ندى: لا يا حياتي هذي حياتك كيف ممكن تسمحين لوحده مثل فاطمه تتدخل فيها.. ندى: بس يا سديم انا سديم: راح نتصرف تطمني.. ندى بدموع: شكرا........... - - وصلت ريم و سديم و امهم لبيت عمتهم ساره اللي كانت تنتظر وصولهم بفرح ما كانت موجود قبلهم احد غير مرت عمه اسامه .. ام فارس .. مرت عمهم منصور ام سعود تعذرت بانها مشغوله ايمان نزلت من غرفتها في احلى منظر .. كانت لابسه فستان اصفر ماسك على الجسم كله و طويل تجي نقشه على شكل قوس من جهه الصدر كانت فعلا مثل الاميره ,,سلم الكل عليها و بكل قصد قالت سديم : وااااااااااااااي ما شاء الله عليك يا عمتي ....... فعلاااااااا عرووووس ايمان بضحك: هههه ليش عندج شك؟ سديم: ههههههههههه فيك لا... بس في غيرك اي. كانت سديم تعطي نظرات لفاطمه وفاطمه فهمت هذا الشيء خصوصا انها كانت عارفه ان علاقه ندى في بنات خالها احمد كانت كبيره ..و متينه كثير.. من جهه ثانيه ريم كانت ملاحظه ان عواطف قطعتها بالخز من وصلت حتى سلام مثل الناس ما سلمت .. ريم : شلونك يا عمه.. ايمان: ايش هذي التكفله ياا ريم... قولي ايمان و بس..ولا نسييتي اتفاقي معج قبل ريم بتوتر: لا يا عمه ما يصير..اوضاعنا الحين غير عن قبل ايمان بضحك: قصدج لاني تزوجت؟ عواطف بتدخل : قصدها انك عمة طليقها اللي ما يرفض لها طلب.. ريم رفعت عيونها بانزعاج كبير من ردها اللي ماله داعي لما سالت ايمان : شنو قصدج يا عواطف؟ عواطف: سوري ما كنت اتمنى اضرب وتر حساس بس الكل يعرف انتي ايش بالنسبه لفواز اللي كان زوج ريم... ايمان بتافف: انا لحد الحين ماني فاهمه شنو قصدج.. فواز يحبني ادري و ما يرفض لي طلب و هو فعلا كان زوج ريم... شنو المطلوب؟ عواطف حست ان ايمان ضيعت الموضوع و جعلته سخيف ما كان بيدها الا انها تسكت .. بس من جهه ثانيه سديم اللي كانت مقهوره من موضوع ايمان و زواجها من نواف و بعدها تاجيل زواج ندى و الحين تحرش عواطف بريم ما قدرت تمنع نفسها من : عمه ايمان .. تدرين انا بنخطب لمشاري اخوي على ذكر اسم مشاري طارت عيون عواطف باتجاه سديم، ايمان ابتسمت و قالت: على البركه ان شاء الله ..منو سعيده الحظ ؟ سديم كان ودها تسوي الموضوع ضحك مثل عادتها بس رغبتها في قهر عواطف اجبرتها تكمل رغم ان امها كانت تعطيها نظره غاضبه: وحده .............زين و اصل و سنع و جمااااااااااااااااااااااااااااااااااال و ادب و اخلاق ايمان بفرح: ما شاء الله .؟؟؟ تعرفينها سديم بضحك: الا اعرفها... اغلى صديقه على قلبي .. و اعرفها احسن من نااااااااااااااااااس كثير.. عواطف فهمت من كلمه سديم انها تقصدها كان بودها ترد عليها بس ايمان سبقتها : واااووو ودي اشوووفها .. سديم: هههه راح تشوووفينها تطمني.. اصلا مو بس انتي حتى ندى تبي تشوفها... على ذكر اسم ندى رفعت ريم عيونها لفاطمه اللي كانت ساكته وكان مافي شيء صاير ..،، اايمان ابتسمت و حركت عيونها لام فارس: فعلا زين ما اختار فيصل يا ام فارس..ندى غير كل البنات.. والله يوفقهم.. ام فارس بابتسامه ناقصه من خبر سمعته قبل لا تجيهم: جزاك الله كل خير يا ايمان.. ايمان بابتسامه: الا ما قلتوا لي متى عرسهم بالضبط؟ سديم بكل جرأه رغم ان ريم كانت تاشر لها بعيونها تسكت: كان المفروض بعد كم يوم بس تاجل.. ايمان: ليش؟ فاطمه بكل وقاحه: لان المفروض يكون عرسي انا قبلهم.. مو كذا يا ماما.. ساره كانت خجلانه لانها فهمت سبب تاجيل العرس ,, فاطمه لها دخل في الموضوع: ماهو مهم عرس من اول.. المهم انه يتم بخير و من غير اي مشاكل.. ريم: هذا كلامي بعد يا عمتي.. و اتمنى ان عرس ندى ما يتاجل لان التاجيل ماهو زين و فاطمه وقفت وصرخت: هو بكيفك؟ يعني عرسي انا يتاجل علشانها سديم كانت بتصرخ بس ايمان مسكتها : فاطمه اهدي بليييييييييييز...ما راح يصير الا كل اللي تبينه.. فاطمه بغرور جلست و هي تناظر خالتها : الحمد لله انكم عارفيني ان ما يصير الا كل اللي انا ابيه ..... و بسسسسسسسسس انا هههههههه ايمان ابتسمت لها : هذا الكل عارفه من زمان ههههه ريم حست باحباط شديد كلام فاطمه و اسلوبها ان ما في مجال للنقاش ايمان هزت براسها لريم .. رغم ان ريم ما كانت فاهمه قصدها الا انه عطى شوي امل.. - - من رجع نواف و على طول طلع للشركه يراجع اخر الحسابات و اخر التعديلات على المشاريع و ما وجد اي شيء غريب فيه غير عقد واحد متعدد المصادر و رغم انه كان تمت مراجعته من اكثر من مراجع كيف توقع عليه ..وهو غلط ادوارد: سيدي... الا تريد ان ترتاح... تبدو متعبا؟؟ نواف بتنهد وهو يتامل الاوراق: مستحيل.. ان اردت شيئا ان يتم عليك ان تقوم به بنفسك... ادوارد تنهدت و جللس يراجع معه لما رن موبايله نواف على طول لما شاف الرقم ابتسم و ردت : هلا وغلا.. ايمان بكل دلع: حبيبي شلونك؟ نواف بابتسامه: بخير دامني اسمع هذا الصوت.. ايمان ضحكت بدلع: هههههه حبيبي... لا يكون ازعجتك؟ نواف بعد الملف عن وجهه و رجع ظهره: للكرسي: ابدا يااا حياتي ما ازعجتيني .. كنت اطلع على الشغل بس .. ادوارد كان يخفي ضحكته على كذب نواف ، لما قالت ايمان: يعني ما راح تتاخر اليوم؟ نواف استغرب السؤال فرد: ليش في شيء؟ ايمان بدلع : لا بس بسال؟ نواف وهو يتنهد من منظر الاوراق: احتمال ارجع شوي متاخر بالليل ايمان: اهاااا... مو مشكله اخذ راحتك حبيبي... نواف بضحك: هذا بدل ما تقولين لي لا تتاخر .؟ ايمان بضحك: هههههههههه لا عادي انا عارفه انه مشغول... نواف: ماشي ياا ايمان ايمان كانها مستعجله : مع السلامه حبي.. نواف بكل خبث: مع السلامه... ولا تنتنظرين ترا بتاخرررررر كثير.. ايمان ضحكت: مع السلامه وما راح انتظرك.. نواف: مع السلامه نواف سكر الفون و حرك عيونه لادوارد: تستطيع ان تكلم العمل؟ ادوارد باستغراب من تغير مود نواف و كلامه عن قبل شوي..: بالتاكيد نواف على طول رمى اغراض و طلع : مع السلامه.. ادوارد ضحك على طول: هههههه سيدي تغير كليااااااااااا.. العمل كان فوق كل شيء عنده.. - - ايمان كانت لابسه فستان حريري تركاوزي علاق لفوق الركبه و عقد صغير على شكل ديور و منزله شعرها كله ستيرت و حاطه ميك ابد تركوازي و عدسات رماديه .. كانت تنفخ في بالونات و تحط شيء داخلها و بعدها تربطها لما حست باحد عند الباب على طول مدت يدها على الروب بتلبسه لما شافت انه نواف : ما شاء الله ايمان بتوتر: انت شنو تسوي هني؟؟ مو قايل بتتاخر.. نواف وعيونها طايره من منظرها: قلت اكيد عندك شيء..ايش هذا الزين.. ايمان وهي ترمي البالونه اللي كانت تسويها : اوووف منك خربت المفاجاه نواف حرك عيونه للبلونات اللي كانت ورديه و ابيض و ازرق: حركااات ياا سيده الحب..افكار طوق الحمامه؟ ايمان بغرور: ههههههه لا هذي من عندي ثانيا طوق الحمامه ما يعطي افكار.. لما وقفت ايمان ومشت لعنده نواف على طول حوطها بيده: يا عمري انتي.. ايمان سحبت نفسها منه و مدت له الدبوس: لا... ماكو شيء قبل لا تلعب .. نواف : وايش هي اللعبه.. ايمان بضحك: هههههه تفجر ثلاث بالونات تختارها انت.. بنفسك و داخل كل بالونه سؤال او طلب لازم تنفذه نواف : متاكده ماهي كلها اشياء محرجه.. ايمان ضحكت: حرام عليك.. نواف رمى البلونات على جنب و مشى للمكتب و رجع بمجموعه اوراق و قلمين ... ايمان : ايش هذا ؟؟؟ نواف اخذ ثلاث اوراق و عطاها ثلاث: حتى نكون متساويني كل واحد يكتب ثلاث اسئله و نغلق الاوراق و نخلطها بعدها نرميها و كل واحد يسحب ثلاث ايش رايك؟ ايمان عطته نظره عدم تصديق: ماني موافقه!!! لانك اكيد بتطلب اشياااء اباحيه هههههههه نواف انفجر ضحك من مصطلحها: هههههههههههههههههههههههههههههههههههههههه مافيها شيء ان طلبت اشياء اباحيه من زوجتي ايمان تلونت احمر و ضربت كتفه: نوووواف بلييييز نواف بضحك:هههههه سوري ما راح اعيدها و لا راح اكتب اشياء اباحيه.. ارتحتي..؟ ايمان و هي تاخذ ثلاث اوراق و قلم و بدت تكتب... و بعد ما خلصوا اغلقوهم صغير و خلطوهم مع بعض و بعدها رموهم : انت اول نواف بضحك اخذ اول ورقه و ضحك لانها كانت احد الاشياء اللي اقترحها ..: اوقف على رجل وحده خمس دقايق........ سهله نواف وقف على رجل وحده و ايمان عقدت حواجبها لانه طلع له شيء سهل بسرعه اخذت لها ورقه : دور ثلاث مرات و قول انا خبله...... اووووووووووووووووووووووف نواف انفجر ضحك و اشر لها تبدي ايمان سوت المطلوب وسط ضحك نواف: من قالك تكتبين كذا... ايمان : لا تضحك .. و اسحب بسرعه .. نواف اخذ ورقه ثانيه و كانت ورقه لايمان : ايش اكثر ثلاث اشياء تحبها ...ومهمه على قلبك نواف عطى ايمان نظره و كانت مبتسمه : قول ولا تخجل ... ضحك نواف و اشر ثلاثه بيده : الاول ايمان و الثاني الشغل و الثالث ايمان ... ايمان بنظره خبيثه : ما يصير تكرر الاجوبه.. نواف بضحك بس انا ما كررت : الاولى هي انتي و بعد الشغل و بعدها ايمان بنتي.. ايمان انحرجت من صراحته و اخذت ورقه و توسعت عيونها و كانت ورقه لنواف : ايش هو اول اطباع تكون عني في اول نظره لي عندك... ايمان انحرجت و رجعت الورقه : سخيف نواف بضحك : بس انتي وعدتي انك تلعبين بصراحه و ما توقعت انك تكذبين يا ايمان...هل هذي الحقيقه.. ايمان بانحراج: الحقيقه.. اول نظره لي لك كنت اقول انك امير من قصص الاطفال.. االطول و العيون الزرقاء و الوسامه.... نواف حس بنوع من الغرور : يعني كان حب من اول نظره ايمان وهي تمد لسانها له: بس بعد خمس دقايق بس قلت انك نسونجي.. نواف ضحك: هههه بس انا فعلا كنت ابي اضبط الجهاز.. ايمان: تضبط الجهاز وعيونك طايره للوحه الارقام.. ما علينا اخذ ورقه... نواف اخذ ورقه و فتحها: يظهر اني انا وانتي نفكر بنفس الطريق... اجب على االسؤال السابق ... ايمان بضحك : ههه احسن تستاهل الحين قول لي شنو اول انطباع عني .. نواف: غريبه اطوار ايمان: هاا؟؟ شنو غريبه اطوار هذي؟؟ نواف: كنتي لابسه بدله من الستينات و شعرك و نظاراتك رغم انا كنا في الداخل و اسلوبك .. حتى موبايلك و الصور اللي كنتي ملصقتها عليها من ورا و... ايمان بقهر: والله !!! انا امدح وانت تعيب علي مااااااااالت زعلت .. نواف ضحك و ضرب انفها : زعلتي ولا خايفه من اخر ورقه كانت اخر ورقه من كتابه نواف لهذا السبب ايمان كانت خايفه يكون فيها شيء كبير بعد ما كانت الاول سخيفه والثانيه وسط: لا نواف قرب منها و قال ايش رايك اسئلك اياه قبل لا تفتحينها ..اصلا هي طلب.. ايمان: وايش هو الطلب؟ نواف: قولي احبك ايمان انحرجت : خييييييييييير ؟؟؟ انا قلت من غير اسئله اباحيه نواف بضحك: وهذا اباحي؟؟ اجل لو طالب .... ايمان : بسسسسسسس ياااا منحرف .. نواف ضحك: يالله عادي ايمان.. قولي ايمان بانحراج ووجها احمر: احبــك نواف بخبث: ما اسمع ... بصوت اعلى ايمان بانحراج اكثر : احبك احبببببببببببببببببببببببببك نواف كان وده يضمها بس حس بتانيب ضمير اشر على الورقه: افتحيها .. ايمان على طول اخذت الورقه وكانت بتضربه : يااا حقير.. نواف ضحك:ههههههههه ثلاث اشياء تكرهينها ايمان بعصبيه: نواف و نواف و نواف نواف هز يده: ممنوع تكررين الاجوبه ايمان لوت وجهها عنه و نواف ابتسم وقرب منها: حقك على يا حبي.. لاتزعلين ايمان بدلع: بعد عني زعلت .. نواف : افاااا ..انزين كيف ممكن اراضيك.. ايمان حست انها اخيرا الفرصه اللي تنتظرها: وانت تظن انك تقدر تحقق لي هذا الشيء.. نواف : اكيد.. ايمان وهي تسند راسها على صدره بدلع: نواف لا توقف عرس فيصل وندى نواف رفع حاجبه: ايش؟ ايمان وهي تعطيه نظرات متالمه: نواف علشان خاطري.. ندى و فيصل ما يستاهلون انهم ينحرمون من السعاده نواف علشان خاطري.. نواف: بس يا ايمان انتي تدرين ان عرس جسار و فاطمه من المفروض يكون خلال هالفتره و .. ايمان: جسار ما قال لي انه بيحدد العرس و ثانيا مافيه شيء لو يكون عرسهم بعده.. فيصل و ندى جهزوا نفسهم وكل شيء جاهز بعكس فاطمه و جسار.. نواف الله يخليك.. نواف : بس انا قلت لفيصل يكنسل كل شيء.. ايمان نزلت راسها: كنت عارفه ان كلمتي في مواجهه كلمه فاطمه ما تساوي شيء عندك نواف عصب و مسك كتف ايمان: كيف تقولين كذااااااا ... انتي كل شي بالنسبه لي و اذا على فيصل.... نواف ترك ايمان و مشى لعند موبايله على طول و اتصل : الو ... هلاا فيصل شلونك.. فيصل من غير نفس: هلا نواف .. بخير نواف بضحك: لحد الحين زعلان فيصل وهو يتظاهر بهدوء: لا .. ليش ازعل.. نواف: هههههههه انزين ايش رايك اكشف مفاجأتي و مفاجأه عمتك و اقولها الحين .. فيصل: مفاجأه؟ نواف: انا بغيتك تكنسل كل شيء حتى اقدر انا احجز اللي افخم منه.. ايمان انصدمت و بعدها فهمت كيف قدر يحقق كل شيء و يسطير على ناس كثيره في نفسها قالت: كذااااااااااااااااااااااااب محترف فيصل كان مصدوم وماهو عارف ان كان نواف يمزح ولا جاد: انت تتكلم جد يا نواف؟ نواف وهو يضحك: اي اكيد اتكلم جد و هذي عمتك كلمها بعد تراها فكرتها ايمان انقهرت من تحويله عليها بس اخذت الفون وقررت توريها مهاراتها هي بعد: هلا فيصل حياتي فيصل: هلا عمتي .. شلونك.. ايمان: بخير جعلك دايما بخير ياا قلبي انت اخبارك ايش .. وايش رايك في المفاجأه فيصل وهو حاس نفسه ماهو فاهم: انت من جد تتكلمون ولا ايمان: افاا يااا فيصل.. انا امزح في موضوع مثل هذا ... اي نتكلم جد.. واتمنى تكون ما بلغت احد ان العرس تاجل.. فيصل: لا انا بلغت ندى و امي بس .. ايمان وهي كانت عارفه الناس اللي عرفوا بالضبط: اجل روح قولهم انك فهمت الموضوع غلط... الله يهيدك كان ما استعجلت و قلت لهم فيصل: خلاص يا عمه .. الحين بقولهم .. مشكورين بس ما كان في داعي .. ايمان : علشان جذي احنا قلنا اللي قلناه .. حتى نمنعك ترفض الهديه.. فيصل: وايش ضمنك اني ما اقدر ارفضها ايمان: ههههههههه اذا كنسلت كل شيء .. كيف بتحصل حجز هههه فيصل: وانت عندك حجز؟؟ ايمان بغرور وهي تعطي نواف نظره حقيره: اي نواف بحجز لك افخم قاعه في الرياض كلها ..و ضيافه و فوقهم مايباخ هديه العرس..هخخخخخخ نواف حقد و اشر لها انه بيذبحها ... فيصل: ما يصير يا عمه هذا كثير و انا... ايمان: مالي شغل ..هذي هديتي و هديته..ومالك حق ترفضها اوكي.. نواف اخذ الفون من ايمان: فيصل .. اشوفك باجر بالشركه حتى نتفق على كل شي.. والحين قول لزوجتك و مع السلامه فيصل : مع السلامه نواف سكر الخط على طول و عطى ايمان نظره غاضبه: كل هذا من حساب من ؟؟ ايمان بضحك: هههههههه من حسابك طبعا حبيبي نواف: كم مره قلت لك ممنوعه كلمه حبيبي و حياتي و قلبي .... الخ الخ ... لاي احد غيري.. ايمان : ما اقدر ... هذي دايما على لساني.. نواف: خلاص هذا وعدك و نفذته ووالحين نفذي وعدك لي .. ايمان وهي تصطنع البراءه: اي وعد نواف وهو يقرب منها ..: انتي تعرفين اي وعد يااا سيده الحب.. +@#$%^$#%$#$%^$#$%$# مشفر@#$%$#$%$#@#$%$# نواف كان غاط في النوم بعكس ايمان اللي كانت تنتظر اي لحظه تخف فيه مسكته على خصرها حتى تقوم تتصل في ندى ..او ريم اللي كانت متاكده انه المتصلات اللي كان يرن موبايلها فيهم طول الووقت .. بعد ساعه كامله حست ان يد ترتخي سحبت نفسه بصعوبه و على طول اخذت موبايلها و اتصلت في ندى اللي كانت مكالمتها اكثر من ريم: الو ندى بصوت واضح انه كان باكي: عمتي ايمان... ايمان: هلا حبيبتي... سوري تاخرت في الرد .. نواف نايم ندى حست باحراج انها كانت تتصل فيها وهي اكيد كانت مشغول: انا اللي اسفه اني اتصلت فيك في هذا الوقت ايمان : لا عادي يا حياتي.. انتي تتصلين في اي وقت .. وان ما رديت اتصل عليك متى ما كنت متفرغه.. ندى: فيصل بلغني بالهديه.. ايمان بضحك: لا عادي ما سوينا شيء تستاهلون.. ندى: بس ريم هما قالت لي ان فاطمه تصرفت بوقاحه و.......... وانك عطيتها امل في الموضوع..بمعنى ان موضوع الهديه ايمان: ندى.... انتي وفيصل ما تستاهلون ان فرحتكم تنوخذ منكم بسبب غرور فاطمه اللي جسار ما حدد عرسه منها اصلا .. ندى: بس.. ايمان: انتي بنت اخوي يا ندى.. سعادتك تهمني.. مثل ما ييهمني فيصل تماما و تاكيدي انه طول ما كان ممكن بيدي ادافع عنكم و اسعدكم.. راح اسوي هذا الشيء ندى: الله يخليك لنا... ولا يحرمنا منك.. ايمان ابتسمت : ااااااامين يالله الحين مضطره اسكر حتى ما يصحى نواف ندى: سوري على الازعاج من جديد... مع السلامه و تصبحين على خير ايمان: وانت من اهله.. ايمان سكرت الخط و رجعت على اطراف اصابعها لسريرها و حطت راسها حتى تنام.. الشييء اللي ما كانت عارفته ان نواف مجرد ما باتعدت عنه صحى و حس بيغيابها و سمع حوارها.. نواف في نفسه: تحبين ناس ما يحبونك.. و تحاولين تساعيدنهم على حساب سعادتك... عرضتي نفسك لمجال المقارنه مع اختي و قرارها علشان ندى.. لو كان شخص ثاني كان رفض ان زوجته الجديده تطلب شيء يتعارض مع سعادته اخته الغاليه.... بس انا..... نواف حط يده يمسح على شعر ايمان اللي غطت في النوم: احبك يا ايمان.. - - على طاوله الفطور الصباحيه كانت كل العائله مصدومه ان نواف نازل مبتسم في نفس وقتهم المعتاد وماهو قبلهم بساعات يتفطر.. عواطف تهمس لاذن امها: الشمس من وين طالعه؟ ساره ضحكت بخفه: هذي عمايل الزواج فاطمه سمعتهم وبوزت : بس هو متزوج كثير قبلها نواف عقد حواجبه لانه سمعها و حرك عيونه لايمان اللي كانت مبتسمه و كانها ما سمعت شيء.. نواف: صباح الخير الكل: صباح النور ايمان : صباح الخير ساره و عواطف ردوا اما فاطمه فتظاهرت انها تاكل وما ردت.. نواف على طول جلس على اول كرسي حتى تجلس ايمان جنبه..: اجلسي حبي.... فاطمه عقدت حواجبها: بس هذا ماهو مكانك نواف نواف كان المكان اللي اختاره مقابل لفاطمه و على يمينه امه و على يساره ايمان.. في الوقت اللي كان مكانه سابقا جنب فاطمه و جنبه ابوه: عادي لوازم الزواج فطومه فاطمه انقهرت: بس انت تجلس جنبي؟؟؟؟ ايمان بابتسامه: فاطمه مافيها فرق جنبك او مقابلك.. فاطمه بكل وقاحه: انتي مالك دخل.. نواف عصب: فاطمه ايش هذا الكلام عصبت فاطمه و قامت لعند امها: ماما غيري مكانك معي. ساره حست انها ان ما غيرت مكانها راح تسبب بنتها مشكله على طول استغفرت ربها و بادلت معها و اخذت مكان عواطف حتى تصير جنب زوجها اللي دخل و شافهم موجودين كلهم قبله بو نواف: ما شاء الله نواف معنا اليوم نواف باتسامه: صباح الخير ابوي... اكيد وياكم و كل يوم ان شاء الله بونواف: كل يوم .. اشك.. ايمان عطت عمها نظره سعيده: لانه خايف اخس لازم يظل موجود حتى يتاكد اني اكل.. فاطمه : ليش انتي بزر لازم يراقبونك؟ ايمان بخبث: لا انااااا دلوعته.. فاطمه عصبت : نووووووووواف يرضيك كلامها؟؟ نواف بتنهد: لا تزعلين انتي دلوعتي الوحيده.. اما ايمان... فهي اميرتي ايمان حطت راسها على كتفه : حبيبي.. فاطمه انقهرت من جيد بس ما بغت تكمل بكلام وانما بافعال... ايمان كانت تقطع الاكل و تعطي نواف على طول و فاطمه من جهه ثانيه كانت تسوي الشيء نفسه له حتى لما طلب كوب ماي فاطمه على طول عطته قبلها..ايمان كانت تحس وانها جالسه مع شريكه و ماهو مع اخته .. وحتى نواف بس كان متوقع رده الفعل هذي من فاطمه خصوصا انها تعتبره جزء من املاكها الخاصه و ما يحق لاي وحده تشاركها فيه نواف على طول بعد ما انتهى قرر يطلع للشغل: يالله مع السلامه فاطمه قبل لا تقول ايمان شيء: حافظك الله يا نوافي.. ايمان رفعت حاجبها و شافته و هو يعطيها نظره اكتفت بالابتسامه و فاطمه حست انها انتصرت بس هذي الفرحه ما اكتلمت لانه بعد ما طلع نواف من غرفه الاكل قامت ايمان و نادته: نوااافي حبيبي.... و طلعت وراه على طول .. فاطمه حقدت و كانت بتقوم بس امها: فاااطمه: انتي ايشفيك؟؟ مجنونه؟ فاطمه: مجنونننه ؟؟؟ صرت مجنونه علشاني ادافع عن حقي؟ ساره بصراخ: اي حق.؟؟؟ ايمان زوجته؟؟ من حقها تدلعه وهو من حقه يسوي الشيء نفسه لها.. فاطمه : لا ... نواف لي انا فاطمه قامت و كانت بتلحقهم لما مسك يدها ابوها: مافي طلعه و بتظلين هنا سحب بونواف يد بنته بقوه و اجبرها تجلس: ايييي عووورتني ... انتوا ايش تبونن مني ساره: لما نشوفك تتصرفين غلط من حقنا نوقفك يااا فاطمه فاطمه انقهرت و ظلت جلسه و يد ابوها ماسكه فيها تنتظر تسمع بابا البيت يتسكر حتى يترككها.. اي لما يطلع نواف من جهه ثانيه نواف اي لما يطلع نواف من جهه ثانيه نواف وقف لما سمع صوت ايمان اللي ظلت تتامل ثوبه و تتاكد انه مرتب و تعدل شكله : حبيبي.. ترا بابا عازمنا على الغدا .. مو تنسى.. نواف بابتسامه: حبيب القلب موجود.. ايمان بضحك: هههههه اي اكيد موجود.. اصلا انا متشوقه اروح لانه موجود.. نواف مسك يدها وحطها على خده: اجل ما راح اروح ايمان بدلع: حرام عليك انا فعلا مشتاقه لهم..بلييييييييييييييييز نواف نواف ضحك: هههههه وانا اقدر ارفض وانتي تقولين بليزز نواف اخذ يدها و حطها على شفايفه: حبيبي انت نواف: اوكي اشوفك على الغدا ايمان : انزين يصير اسبقك؟ نواف ضحك: ههههههههههههه حدك مشتاقه لهم.. اوكي روحي وانا بحصلك ايمان قربت منه و باست خده : ميرسي حبيبي نواف طلع و على طول ايمان رجعت غرفتها تبدل و تتعدل حتى تروح لبيت اهلها رعم ان الوقت كان بدري دخلت البيت و لقتهم يفطرون : يظهر ان حماتي تحبني محمد بضحك: هههههههههه دامها ساره اكيد بتحبك ايمان على طول مشت لعند ابوها و حضنته: وحشتني باابا جسار بضحك: اللي يشوفك يقول صار لها سنين غايبه..تراهم بس اسبوعين فواز: واقل من اسبوعين بعد ايمان عقدت حواجبها: جب انت وياه سخيفين .... جسار عطى ايمان نظره تفحصيه: محلوه؟؟ ايمان خجلت و نزلت راسها: جب جسار ضحك وضرب كتف فواز: هههههههههههههههههههههههه تشووووف انا مو قادر اصدق.. ايمان تستحي ؟؟ فواز بعد يد اخو و مشى يضم ايمان له: انا بصف ايمان... ياا جسار دايما و ابدا ايمان مدت لسانها له: حرررررره جسار: يعني ما اعرف ..انا محمد حتى يقطع حوارهم السخيف: ايمان قلتي لرجلك عن الغدا؟ ايمان هزت راسها : اي يا بابا قلت له و هو يقول انه بيجي اكيد.. جسار بعيون جاده: شلونه معج؟ ايمان: من نواف؟ فواز بضحك: لا عمه هههههههههههههههههههه ايمان: هههههههههه يع لا ان شاء الله جسار: بلا سخافه فواز؟ ايمان: لا تخاف يا جسار.. نواف حبيب و طيب كثيييييييير معي فواز حطت وجهها بوجهها: عيني بعينج؟ ايمان بعدت عنه: عن حركات الافلام هذي فواز ضحك: مادامها قالت جذي اجل صادقه محمد : الله يوفقج يا بنتي و يستر عليك ايمان وهي ترجع تحضنه من جديد: الله يسمع منك يا الغالي.. جسار و فواز رغم كلام ايمان لهم الا انهم كان لازم يتاكدون بنفسهم و لهذا السبب كانت عزومه الغدا.. بعد كم ساعه على الغدا مثل الريوق بالضبط كانت ايمان تقطع الاكل و توكل نواف .. جسار و فواز كانوا مصدومين بس محمد فرحان فواز: ما شاء الله ... لازم تبينون للكل انكم عصافير غرام؟ نواف بضحك وهو ياخذ قطعه ثانيه تعطيه اياه ايمان: اكيد ... واللي يكون مع ايمان .. ممكن يصير شيء ثاني غير عصفور غرام.. جسار بسخريه: عن الغلط ايمان مو عصفووور.. ايمان نسره ههه ايمان نزلت الشوكه و السكين: تسمع يا نواف ... جسار دايما جذي معي.. نواف عطى جسار نظره قويه: ايش رايك تترك ايمان حبيبه نواف بحالها ولا اسكر فمك بقطعه الدجاج هذي فواز صفق: وااااااااوووو توووم وجيري.. ايمان.. خربتي عقل الرجال حرام عليج نواف ضحك:هههههه اكيد يخرب عقلي بعد ما شفت هالجمال و الاسلوب و... فواز: والتخطيط انها تسمنك نواف رفع حاجبه: خيييييييييييير؟ فواز: اهي ما توكل الا حتى تسمن و تطلع لك كرش تنفر اي بنت منك هههههه جسار وهو يعطي نواف نظره تفحصيه: اي انا اقول كانك سمنان ايمان : حرام عليكم نواف اخذ قطعه ثانيه منها: عادي.. و انا ليش ابي البنات يتبعوني ... وانا عندي ايمان ايمان بدلع: فديييييييييييتك يااا حبيبي.. اصلا انا ما اوكل نواف الا لاني ما ابي اكل و اسمن بس ان وكلته كاني انا اللي ماكله و بجذي اضرب عصفوين بحجر.. حبيبي يتغذا و يصير قوي وانا اشبع معنويا هههههههههه جسار باستهزاء : اقول هرجج لا يكثر.. وعن السخافه.. سديتي نفسي للاكل ايمان و نواف ضحكون و محمد حس براحه شديده كان واضح على نواف انه يحب ايمان كثير..و انها اخيرا بتكون سعيده ... - - بعد ما رجع نواف و ايمان تفاجا نواف بفاطمه اللي كانت ثايره و غضبانه ان عرس فيصل رجع لوقته .. نواف قرر ياخذها على جنب و يفهمها ان هذي كانت رغبه جسار و ما قدر يجبره على شيء.. فاطمه ما صدقته وظلت تصرخ و تبكي نواف تركها و بعد ساعه من البكي فهمت ان كلمتها في مواجه كلمه ايمان خساره لها...و كان لازم تحط حد لهذا الشيء باي شكل من الاشكال ومهما كان الثمن و النتائج.. بعد كن يوم و قبل عرس ندى .. قررت سديم انها تسوي حفله مصغره لهم في بيتهم حتى يتسلوا خصوصا ان ندى بتنظم الى قائمه المتزوجات و بتقل طلعاتها و زياراتها عن اول و منها تستغل الفرصه و تعرف روان على ايمان اللي اصرت انها تشوفها قبل لا يخطبونها .. كانت الدعوات الاساسه هي لروان و ريم و ايمان و ضيفه الشرف ندى تحت تنظيم من سديم.. لكن بعد اصرار من ريم و خوف من الاحراج من امها .. اضطرت انها تدعو فاطمه و عواطف و في نفس الوقت كانت خايفه من ان دعوتهم ممكن تسبب مشاكل خلال الحفله .. روان دخلت و جلست مع باقي البنات وهي حاسه بشيء من التوتر الشخصين الوحدين اللي كانت تعرفهم هم ريم و سديم.. وما كانت تعرف احد غيرهم من عائله سديم.. سديم بضحك حاولت فيه تخفف توتر صديقتها عرفتها عليهم: ريم اختي تعرفينها عدل .. صح و العروس ندى بنت عمي الحفله كلهااااااااااااااا مقامه على شرفها ... ندى ابتسمت و سلمت عليها روان: مبروك يا ندى الله يوفقك ان شاء الله.. ندى بابتسامه عذبه: تسلمين يا حياتي و مشكوره على جيتك و على الهديه ما كان لازم هذا تتعنين.. روان بهدوء: لا ما يصير هذا واجب وانتي تستاهلين يا حياتي.. سديم سحبت صديقتها و مشت فيها شوي لعند الشخصين اللي ما كانت متوقعه انهم يجون : فاطمه بنت عمتي ساره الكبيره... و ( من غير نفس قالت سديم) عواطف اختها الصغيره.. فاطمه من غير نفس وهي تراقب ملابس روان : تشرفنا عواطف تنهدت و هزت راسها لها .. روان بعد ما قابلت فاطمه و عواطف حست ببعدها عن العالم اللي هم فيه ... فاطمه كانت اجدد فستان لويس فيتون قصير للركبه و صاير قصته من فوق مثل رقم السبع لكن جزء كان كم طويل و الثاني علاق .. اما عواطف ما كانت اقل منها كانت فستان كوكتيل من شانيل طويل لنص الساق و لابسه عليه عقد من الزمرد..حتى باقي البنات شكلهم كان راقي كثير اما هي فكانت لابسه فستان عادي كحلي طويل لنص الساق و باكمام طويله الشيء الوحيد اللي كان مميزه هو حزام شوارفيسكي كحلي .. سديم حست ان صديقتها ماكان عاجبها حالها فقررت تسحبها لعندها : اجلسي جنبي لا ياكلونك.. فاطمه من غير نفس: وليش ناكلها ان شاء الله؟ سديم وهي تمد لسانها في وجهها: اي تاكلونها ... هي حلوه حيييييييييييل وانتوا مو متعودين على كذا حلااااه.. عواطف بنفسيه: والله عااااااااااااد ريم لما حست بعقيده حواجب سديم اختها .. خصوصا انها تنتظر لحظه شجار مع عواطف من سنين قررت تتدخل: فاطمه؟ وين عمتي ايمان؟ ليش ما جت معكم.. فاطمه زفرت: ما ادري عنها .... قالت اسبقوني .. لانها بتااخر .. تعدل في خلقتها. ريم انصدمت من رد فاطمه كانت متوقعه يكون حوار معها اقل احراج من عواطف بس ليش تتكلم عن عمتهم كذا لا وهي فوق هذا زوج اخوها ... من جهه ثانيه و بره البيت.. كان واقف بطوله العالي و كتوفه العريضه يتامل باب البيت و ياخذ خطوه ليمين و خطوه ليسار بتردد .. يطرق الباب ولا لا... لما وقفت سيارتها و نزل السواق يفتح الباب لها حتى تنزل.. نزلت ايمان بكعبها العالي و تاملت الغريب اللي واقف قدام الباب و بكل جرأه: من حضرتك؟ التفت بعيونه العسليه و صارت عيونه بعيونهاا التركوازيه ( ما صارت تترك عدستها مهما صار ) خصوصا ان وجهها كان مكشوف: سوووري على طول نزل راسه باستحياء شيء ذهل ايمان من وصلت لعائله البدر ما شافت احد يستحي لما يشوف حرمه و ينزل راسه غير جسار و فواز...: لا عادي.. في شيء؟ الرجال بتوتر: روان بنت اخوي نست موبايلها في السياره و كنت ابي اعطيها اياه بس ماني عارف كيف.. ايمان توسعت عيونها وههي تتامل الرجال الوسيم و تقول في نفسها : ما شاء الله هذا عم روان.. اذا كان العم جذي شلون البنت.. ايمان مشت بخطوات واثقه لعنده و مدت يدها : انا ممكن اعطيها اياه لا تخاف.. عم روان : اسف بس انا ما اقدر اعطي شيء شخصي مثل الموبايل لشخص ما اعرفه.. ايمان بنفسها ضحكت: ما الوم سديم ان قالت عنه معقد. عم روان انتبه على ابتسامه ايمان اللي بعد ما ابتسمت ضغطت الجرس و دخلت : راح انادي روان حتى تستلم موبايلها يا عم روان.. بعد دقيقتين طلعت روان وهي شوي مرعوبه: اناااا اسفه نسيته سااامحني عمي مشعل.. مشعل صحى من سرحانه و مد موبايلها لها: لا تعيدينها انا لو ماكانت خايف تحتاجين شيء من رجعت علشانه ...صار لي نص ساعه واقف بالشمس بسببه . روان بضحك: تستاهل .. لو تترك عنك هذي القوانين و القواعد اللي تستعملها .. خجلان من انك تطرق الباب على بيت كله بنات و هذا انت في النهايه استلسمت و ضربت الباب.. مشعل وهو رافع حاجبه : انا ما ضربت الباب.. البنت اللي قبل شوي هي قالت بتناديك.. روان وهي تضحك : اي بنت.. الشغاله جت و قالت في واحد بره معه موبايلك.. مشعل بعيون متوسعه: شغاله؟ روان : اي شغاله..يالله مع السلامه عمووو.. اخاف اتاخر على البنات.. روان باست خد عمها و رجعت لداخل البيت ..مشعل مشى لسيارته و جلس فيها : كل هذا الجمال و الطول و شغاله؟ - - روان دخلت لعند الصاله اللي كانت فيها جلستهم .. و استغربت وجود شخص زياده ما كان موجود لما طلعت .. ايمان كانت جالسه جنب سديم ... لما دخلت طلبت من الشغاله تنادي روان وهي راحت حتى تفصخ عباتها و تعدل شكلها ..ز سديم ابتسمت و سحبتها ...: و هذي هي روووووواننن.. ايمان وقفت بطولها العالي و اللي زاده الكعب و ابتسمت لروان اللي كانت مذهوله منها و سلمت: تشرفنا ياااا روووان ما شاء الله عليك... سديم تاملت وجه روان اللي كانت مصدومه من شكل ايمان اللي كانت لابسه فستان موف لفوق الركبه و عليه شال على شكل اكمام من الشيفون العنابي و فيه نقشات عنابيه : هلااااااااااا انا وران... سديم : هذي عمتي ايمان يا روان .. تعرفينها.. عمتي الغبيه.. ايمان عقدت حواجبها بضحك: انا ماني غبيه ياا ملكه الغباء.. روان في نفسها وهي تسمع صديقتها سديم و ايمان يتناجرون وهي تقول في نفسها: هذي ايمان اللي تتكلم عنها سديم دايما.. العمه اللي تشاركها نفس الطباع بس هذي شكلها صغيره حيل انا لما كانت تقول انها عمتها كنت اظنها كبيره في العمر .. ايمان جلست جنب ريم و ندى : سديم كانت دايما تتكلم عنج و تمدج كثير.. روان وهي منحرجه لانها تاملت ايمان كثير: صحيح .. حتى انا كانت تكلمني عنك كثير وانكم نفس الطبايع... ايمان بضحك: اي كلنا اغبياء هههههه سديم : غبيه انتي بروحك ايمان : هيييييييييييييي سديموووووووووووووو .. ندى بتنهد: بليييز ما نبي نقلب الحفله حرب من البدايه. سديم بضحك: هههه اي اول شيء بنحتفل فيك و بعدها بلعب مع ايمان اخر شريط حروب اشتريته.. ايمان حست قلبها فز على ذكر الاشرطه و الالعاب اللي كانت تاخذ فيها كلها الوقت قبل : لاااا كبرت على هذي الاشياء.. سديم: هههههههههههههههههه متاكده.. خلاص بلعب روان وانتي تفرجي علينا.. روان حست باحراج: بس انا يا سديم سديم بتافف: اوووف منكم خلاص بلعب بروووحي.. عواطف من غير نفس: انتي لسى تلعبين بهذي الاشياء؟ تراها صارت.. سديم بسرعه: محد طلب رايك.. عواطف بصراخ: خيييييييييييييير سديم: سمعتيني.. ايمان بتدخل: سديم عواطف بسسسسسسسسس... عواطف وهي تعطي ايمان نظره قويه: ما سمعتيها ايش تقول؟؟ ايمان: سديم خلاص كيفي... اعتذري لعواطف.. سديم وقفت و طلعت من الصاله و على طول ركضت وراها ندى: سديم ايش فيك...؟؟ سديم بقهر مسحت دمعه كانت بتنزل من عيونها: ما سمعتيها ايش قالت.. اصلا من جت وهي تدور لها سالفه حتى تتهاوش معي... ندى وهي تحاول تخفف عنها : سديم ياا حياتي .. ما عليه ان كان هذا اللي تبيه احنا لازم نلقى طريقه نتجنب نحرج نفسنا قدام ضيفتنا... سديم: هذا وهي ما تدري ان بنخطبها لمشاري.. اجل لو عرفت شكانت بتسوي.. ندى: و كان عواطف هامها مشاري..لو كان هامهما كان قبلت فيه يوم خطبها قبل.. سديم: اللي مثل عواطف عندهم مرض حب امتلاك كل شيء .. هي ما تبي مشاري بس ما تبي ياخذه تبي يظل طول عمره ينتظر تقبل فيه.. اخذي اخوها كمثال..ركض ورا عمتي ايمان لحد ما اخذها... ندى باسى: و نفس الشيء سواه في ديما اختي.. سديم من غير قصد فتحت جروح في قلب ندى: اسفه ندى ما كان قصدي اذكرك فيها.. ندى بابتسامه مصطنعه : لا ابدا. صحيح اني كنت اتمنى تكون معي في تجهيز عرسي و حفلتنا هذي بس ..... الله عوضني فيك انتي و ريم و عمتي ايمان... ديما الله يشفيها محتاجه تجلس في الطبيب تكمل علاجها حتى تتشافى.. سديم: الله يشفيها و تحضر عرسك و عرسسسسسسسسسسسسسسسسسسسسسسسسسسسسسسسسي يااا رب.. ندى ضحكت : ههههههههههههه مستعجله على العرس...؟؟؟ منو سعيد الحظ... سديم بتوتر غير معتاد منها : اااياايايايايا اي سعيد حظ.... هو لازم في سعيد حظ ؟؟ ندى : ههههههههه توترك هذا اللي عمرنا ما شفناه لازم يكون وراه شيء.. سديم: اقووول هرجك لا يكثر.. خل نرجع للبنت لا ياكلونها ندى: ههههههههه تهربك ... اكبر دليل على كلام.. سديم بضحك: بسسسسسسسس... ترا بتهور و بضربك وما يهمني عرسك بعد يومين ولا لا... ندى: ههههههههههههههههههههه من جهه ثانيه ايمان وريم حاولوا يفتحون حوار مع روان حتى يغيرون من الجو اللي صاب القعده عندهم.. سالت ايمان: روان ليش دخلتي هذا التخصص؟ روان: بصراحه عاجبني و.. ايمان بمقاطعه: ولا علشان سدييييييييموووو مختارته.؟ روان: لا ابداااا انااا ايمان كانت حاسه باستمتاع و هي تكلم روان وكانها كانت تكلم نوف صديقتها هذا الشعور قطعته ريم: ههه و سديم تعرف تختار يا عمه؟ ايمان وهي تطلع من افكارها اللي غرقت فيها فجاه: ليش ..ريم؟ ريم: الله يجزاه خير عم روان وهو اللي اختار التخصص له لانه يناسب ميول كل وحده منهم و اكيد بيبدعون فيه و لا سديم ... هههههه كانت تبي تجلس في البيت و تلعب طول الوقت هههه ايمان بابتسامه: ما شاء الله عليه .. عمك دكتور؟ روان هزت راسها : اي عمي دكتور.. عواطف: اكيد عجوز.. ايمان انقهرت و كانت بتتكلم بس روان سبقتها: لا .. عمي عمره 35 سنه.. ريم: ما شاء الله .. عليه عم روان اخذ الدكتوراه بسرعه.. ايمان بضحك: اي ما شاء الله عليه وحده مثلي اكيد بصير عمرها 1000 سنه وهي ما قدرت حتى تحصل الماجستير.. روان ابتسمت بس عواطف قررت تقطع الحوار بسخف معتاد منها: لا تتكلمون وكان الدكتوراه شيء مستحيل... اصلا الدكتوراه صارت شيء عادي اي واحد يقدر ياخذها.. فاطمه حتى تايد اختها : صحيح اخوي نوافي .... صار رئيس مجلس الاداره لمجموعه شركاتنا وهو في اول العشرينات و قدر يرفع مستوا العاااااااااااايله كلها قبل لا يوصل الثلاثين و صارنا من اغنى اغنيا العالم كله.. ايمان ما عجبها ان دخلت سيره نواف في الموضوع و فاطمه لاحظت هذا الشيء و استعدت للضربه الثانيه.. فاطمه: الا ما قلتي لي يا روان..عمك متزوج؟ روان هزت راسها: لاا ما تزوج.. عواطف بغرور: اي الحين فهمت.. اصلا لما الواحد يتزوج ما يقدر يركز في شغله فمثلا لو عمك تزوج و كان عنده عيال كان ما قدر يحصل الدكتوراه بهذا الوقت السريع.. فاطمه بتكلمه: بعكس نوافي .. اللي رغم انه قبل لا يوصل الثلاثين كان متزوج اكثر من عشر نسوان ههههههههه ايمان وهي ترسم على وجهها ابتسامه مزيفه: قصدك اكثر من 100 وحده... ما الومه ... زير نسوان... فاطمه عصبت : ايمان انتي كيف تقولين عن نوافي كذا؟ ايمان: اولا انا ما جبت شيء من عندي هذا الشيء الكل يعرفه .. و ثانيا انا دايما اناديه جذي .. و هو عاجبه هذا الشيء.. فاطمه انقهرت و ما عاد فيها تقول شيء الا انها ارسلت مسج لنواف.. - نواف حبيبي.. اليوم في حفله ندى.. ايمان اللي ما تستحي على وجهها قالت عنك انك زير نسوان حتى تضحك صديقه سديم.. انا ما رضيت و دافعت عنك.. بس هي اللي ما تستحي ظلت تضحك... فاطمه ارسلت المسج و ابتسمت و تنتظر اي رده فعل كانت من نواف .. اي شيء يطفي غليلها من ايمان.. سديم و ندى رجعوا بعد ما حطت ندى لسديم قلوس احمر حتى تغير فيه لوكها.. ريم بابتسامه: تاخروتوا.. ندى : شسوي .. ساعه حتى اقدر ارسم لها قلوس على شفايفها.. سديم: محد طلب منك.. ندى بضحك: لا والله.. ما كانك كنتي تترجيني احط لك ..هههههه سديم : اوبس نسيت هههههههههههههههههههه ضحك الكل على روح سديم اللي رجعت من جديد ما عاد فاطمه و عواطف اللي اكتفوا بالابتسامه و سارت الحفله ساعتين على هذا الحال.. كيك و حلى و معجنات و عصاير و غيره .......وهو ايمان وهي تسكر عيونها ..: لااااااااا لا تجيبونه قدااامي بليييييييييز سديم وهي تمد حليب الكاكاو ( الفرابتشينو) المثلج قدام وجهها : ههههههههههههههه يااا حلوووه ياااا انه لذييييييييذ بشكل... __DEFINE_LIKE_SHARE__ |
|
| |
 |
| مواقع النشر (المفضلة) |
« آهديت لك قلبي وارخصت الاهداء ؛ و مع مرور الوقت قل آهتمامك ')
|
بنات عز وقلبهم ماعزهم >>رواية رومنسية جريئة (سعودية) »
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تعرف على الموت وجنة ونار القبر مع حدائق الموت للشيخ محمد العريفى | محروم.كوم | منتدى أخبار المواقع والمنتديات العربية والأجنبية | 0 | 03-07-2013 11:00 PM |
| الموت لآل سعود الموت لآل خليفة -القطيف 23 ديسمبر | محروم.كوم | منتدى أخبار المواقع والمنتديات العربية والأجنبية | 0 | 12-23-2011 10:10 PM |
| القطيف : الموت لاسرائيل الموت لآل خليفة - يوم القدس العالمي | محروم.كوم | منتدى أخبار المواقع والمنتديات العربية والأجنبية | 0 | 08-16-2011 12:10 AM |
| أول أقول الموت فيني ولافيك...واليوم جعل الموت ياخذ حياتك | قـلب دبـي | الشعر المنقول | 7 | 09-28-2008 01:28 PM |
| اول اقول الموت فيني ولافيك == واليوم جعل الموت ياخذ حياتك ..... | غرور اماراتيهـ | الشعر المنقول | 23 | 09-17-2008 05:29 PM |
الساعة الآن 02:27 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227