| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
| | LinkBack | أدوات الموضوع | انواع عرض الموضوع |
04-11-2013, 03:56 AM
| رقم المشاركة : [ 11 ] |
| عضو جديد  |  البارت الثاني عشـر: بتافف مستمر كان نواف جالس على سريره في جناحه الخاص بعد ما طلع من جناح ايمان ينتظر لميس او ميس ايا كان اسمها اللي دخلت دوره المياه ... حس ان الحريم صاروا واحد مافي شي غريب الزواج عنده كانت اهميته تقل تدريجيا في نظره حتى انه ما عاد يهتم لا شاف وحده حلوه في مكان مثل ما كان يصير اول ........ عنده الزواج الحين مثل المعامله ... هم يبون منه شيء وهو يبي منهم شيء ثاني مافي مشاعر متبادله... اكثر اللي تزوجهم حبوه بعد فتره لكن للاسف نواف ما بادل اي وحده منهم هذي المشاعر ... وحده بس هي اللي قدرت تكسر هذي القاعده لكن للاسف ما كانت تملك ذره وحده من المشاعر اللي املكوها زوجاته السابقات.. الكره الحقد الرغبه في الانتقام كان كل اللي في قلبها و عقلها... على صوت فتح الباب رفع نواف جسمه من السرير و تامل لميس اللي طلعت من دوره المياه تتمشى بدلع بعد ما سوت اللي طلبه منها نواف ... طبعا هي بعد ما وصلت كانت لابسه وكاشخه بس نواف اصر انها تغير كل شكلها بحيث تكون مثل ما قرر هو... لميس لبست باروكه شقرا فاتحه تنزل بس اول شعرها و الباقي كله مموج و تحط ورده حمره على الطرف و كحل اسود غامق و عدسات تركوازيه و احمر شفايف احمر .. وطبعا لبست الفستان الاحمر .. و تعطرت بعطر فيكتوريا سيكرت .. كانت مثل الشكل اللي كانت فيه ايمان لما دخل الجناح بالضبط.. لكن فكره وحده هي اللي كانت في بال نواف: مزيفه. لميس بدلع اخذت تدور وهي تستعرض شكلها قدام نواف: ايش رايك عجبتك؟؟؟ نواف غمض عيونه و رجع راس و جسمه للسرير و طلع نفس طويل.. لميس اللي استغربت انه ما داخ من شكلها الروعه : حبيبي فيك شيء؟؟ نواف من غير نفس: انا حبيبك؟ لميس جلست على طرف السرير بطريقه جريئه: اكيد انت حبيبي.. و روحي وحياااتي و كل شيء حلو في هذي الدنيا كلها يااا اغلى ما املك... نواف فتح عيونه بشكل جزئي حتى ماتكون الصوره واضحه تماما و تخيلها هي اللي تقول الكلام ماهو الانسانه اللي قاعده جدامه لكن للاسف بعد ثواني توضحت الصوره و عرف ان كل شيء وهم... قال في نفسه: اصلا هي لايمكن تقول مثل هذا الكلام... لميس مدت يده على كتفه: بيبي؟؟؟ نواف بعصبيه دفع يدها بقوه: لا تلمسيني..!! لميس انصدمت و بخوف تراجعت عنه: بيبي ايشفيك...؟؟ نواف بدا يتنفس بقوه من العصبيه اللي كان فيها: اخذي عباتك و اطلعي دامني لحد الحين متمالك اعصابي... لميس كانت الدموع تنزل من عيونها من الصدمه: انا ايش سويت ؟؟ نواف: اطلعي !!! ولا وقسمن بالله ورقتك توصلك بكرا!! لميس بخوف من تهديده ركضت بسرعه لعباتها اللي كانت معلقه و لبستها بسرعه حتى ما قدرت تمسح مكياجها على طول رمت الغطاء على وجهها و ركضت لبره .. ما كانت فاهمه ابدا سبب تصرفه لكنها كانت عارفه انها ان ظلت راح ينفذ تهديده و يطلقها... نواف ظل في مكانه فتره يتامل السقف احيانا و يحرك عيونه في زوايا الغرفه الكبيره... ما يدري كم مر وقت حسها سنين طويله فجأه انفحت عيونه على صوت رنت موبايله عرف انه غفى خلال تامله للسقف رفع نفسه بتعب من السرير و اخذه مثل ما توقع الشاشه كانت صورتها و اسمهـا ( سيده الحــب) نواف رد عليها: الو؟ ايمـان ببرود : صبـاح الخيـر.. نواف بابتسامه على نبره صوته رغم برودها و رد عليها بنفس كلمه لميس : صباح النور يا حبيبتي.. و روحي وحياااتي و كل شيء حلو في هذي الدنيا كلها يااا اغلى ما املك... ايمـان ضحكت: هههههههه حلوه هذي. النكته .. بس انت ما تملكني ولا نسيت .... نواف قهرته بس كمل:لو ما املكك ما كنتي اتصلتي تتطمنين علي.. ايمـان: اطمن عليك؟ واللي عندك الحين شنو فايدتها؟؟ نواف توسعت عيونه: ايش عرفك؟ ايمـان: من عاشر القوم صار منهم مثل ما لك جواسيس في كل مكان.. لي انا جواسيسي اللي قالوا لي وحده مثل القمر جت لعندك مع ادوارد... بمعنى انك ما صبرت ليله وحده من غير حرمه... نواف بقهر من كلامها : واللي قالك اني جبت وحده من حريمي هنا ما قالك اني طردتها بسرعه ولا لمستها...و ثانيا اذا كانت هي مثل القمر........ انتي شتطلعين يا قلبي ايمـان ببرود: ما في داعي تبرر لي انا مجرد وحده منهم و مصيري مرميه مثلهم.. نواف زادت عصبيته: انهبلتي انتي !!! من اللي قالك انتي مثلهم.. ايمان قاطعته: عمومااااااااا انا ما اتصلت الا حتى اصحيك على صلاه الفجر لاني ما اثق باحد غيري بهذا الشيء... نواف بضحكه ساخره : خايفه افوت الصلاه ولا وحشتك... ايمان وهي على سريرها مدت يدها لجسم كان جنبها: اشتقالك وانا جنبي الغالي!!! نواف رعص على اسنانه و زفر: وش قلتي !!!!!!! ايمان بدلع: وجهه يهبل وهو ناايم ضروري اسكر الخط حتى ما ازعجه... نواف بصراخ: ايماااااااان!!!! ايمان بابتسامه خبيثه: بااي يااااااااا حلو هههههههههههههههههه ايمان على طول سكرت خط في وجه نواف اللي انقهر : ايمااان .. ايمااااااان!!!!!!!!!!! رجع اتصل فيها مره و مرتين وثلاث بس ما كانت ترد و اخيرا اغلقت موبايلها و زاد قهره ، ما قدر يتحمل الانتظار ركض لخزانته و لبس اول ثووب و بسرعه طلع بره البيت وجهته وحده و لا يمكن يتراجع عنها ........ ايمان له ولا يمكن تكون لغيره.. - - الوقت الحالي... ايمان طلعت من غرفتها بتثاقل تاخرت بالنوم من كثر البكي اللي بكته اليوم اللي قبله بسبب معامله نواف القاسيه لها .. نزلت للطابق السفلي كانت ميته من الجوع تبي تروح المطبخ تاكل اي شيء تسد فيه الجوع اللي كان ذابحها مرت من جهه غرفه الاكل و انصدمت لما شافته يتفطر و يقرا له كتاب ايمان بلعت ريقها و برتدد قالت: صباح الخيـر.. نواف رفع عيونه لها بابتسامه وقال: صباح النور ... ايمان حست بشي من الراحه لما رد وقفت تنتظره يكمل : حسيتك تعبتي من امس فقلت لمدبره البيت تتركك ترتاحين لحد ما تصحين من نومك... و تجهز الفطور لك في الوقت اللي تبينه.. ايمان بتوتر جلست على الطاوله جنبه: يعني انت مو زعلان مني؟؟ نواف بابتسامه و نظرات هاديه: ازعل؟ و ليش ازعل منك ؟ ايمان باستغراب : امس عصبت علي فجأه و قلت لي ان بنرجع الرياض.. نواف ابتسم لها رغم انه ما كان له خلق لها : سوري مزاجي متقلب هاليومين خصوصا ان خاب ظني في رحلتنا.. حتى بعد ما فرغت نفسي من الشغل ايمان ما فهمت كلامه و قالت: شلون خاب ظنك؟ نواف: توقعت القى معك شيء مختلف عن رحلاتي مع زوجاتي بس للاسف نفس الشي تسوق العاب تمشي ما في شيء غريب.. ايمان ضحكت له: ههههه ليش ما قلت لي من البدايه ان المغامره هي هدفك .. كان طلعتها من تحت الارض... نواف بتحدي: تقدرين؟ ايمان رفعت يابهامها له بتاكيد: بالتاكيد انا وفواز اصلا دايما جذي.. نواف بابتسامه: فواز؟ ايمان: اي ولا يروح فكرك بعيد فواز ولد اخوي محمد اخو جسار... و اقرب ذكر لي في العالم كله.. نواف ضحك على كلمتها: حلوه اقرب ذكر هذي... ايمان: لان نوف هي اقرب انثى... نواف من غير نفس: اهااا..( وهو يقول في نفسها: اتمنى ما يكون ظنك في فواز هذا نفس ظنك في نوف ام وجهين يااا مسكينه..) ايمان طلعت نفس بعد فتره من التفكير و التفتت له: شرايك نركب سييييييكل... انا اخذ اللي عنده كرسي جانبي. نواف رفع حاجبه: سيكل؟؟؟ ايمان علشان توضح له : دراجه ناريه ..انا اجلس في المقعد الجانبي وهو يسوووق.. نواف وكان الشيء عادي: هذي مغامره؟ ايمان: لا طبعا انا و فواز نسوي اكثـر... مره واحنا في مصر سابقته نتسلق الهرم مثل لارا كروووفت... نواف بتعجب: من لارا كروفت هذي؟؟ ايمان وهي تمثل الصدمه: ما تعرف لااااااارااا كرووف معقوووله في رجال في الدنياااا ما يعرررفها!! لا و اكبر نسووونجي ما يعرفها ما اصدق.. نواف حط رجل على رجل و رجع ظهره: للاسف ما حصل لي الشرف .. هي حلوه.. ايمان بابتسامه خبيثه: ههههههههه تااااخذ العقل بس لا تحاول لانها رفيجها واحد احلى منك بمليووون مره .. البوفريند مالها اوسم ممثلين هوليوود... براد بيت اللي ترك جنيفر انستووون علشاانها... نواف رفع حاجبه : قصدك انجلينا جولي؟ ايمان بضحك: هههه يعني تعرفها... نواف: هي لارا كروفت هذي؟ ايمان بتوضيح: اي كان اسمها جذي في الفلم تومب رايدرد فلم مغامرات حلوووووو واااجد.. فواز رغم انه يموووت في افلام رعاه البقر و يقلدهم في كل شيء يحب افلامها مثلي.. نواف وهو يمسك ضحكه: مثل ما قلتي مافي رجال ما تعجبه انجلينا جولي......و بس اكيد انتي مثل لارا كروفت... ايمان: اكيد انا اقلدها بكل حركاتها.. نواف حرك اصابعه قدام ايمان باستهزاء: يعني بتفهمنين انك تشبهين انجلينا جولي... ايمان بثقه : اكيد... اصلا بابا كل يقووول جذي.. نواف ما قدر يتمالك نفسه و انفجر ضحك : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههه ايمان كانت مصدومه من ضحكته كانت اول مره تشوووفه يضحك بهذا الشكل ضحكته مهما كانت كان في شيء دايما يوقفها عن الانطلاق بكل حريه .. ايمان انقهرت من ضحكته اللي طالت وعلى طول صرخت: ليش تضحك؟ نواف وهو يحاول يمسك نفسه: ههههههههه القرد بعين اهله غزال.. ايمان عصبت و بدت تضربه على كتفه: جب جب جب جب جب ... نواف استمر بالضحك رغم ان ضربتها بدت تالمه لسبب ما فهمه حب انها تكمل: رجعني الريااااض ما ابي اجلس معك خلااااص... نواف وهو يحاول يوقف الضحك: زعلتي... ايمان بعصبيه: لا بس ابي ارجع انسان ممل مللتني من السفره كلها.. نواف بابتسامه: انا فعلا كنت مقرر اني اسافر معك اليوم.. ايمان وهي تقول في نفسها: يااا ربي هذا ما صدق...قلت رجعني.. نواف بابتسامه ساحره: بس محنا رايحين الرياض.. ايمان وهي تطالعه باستهزاء: وين يعني القمر؟؟ نواف بابتسامه : تقريباااا ايمان بصدمه: ايش؟؟ - - - بيت احمد : احمد كان جالس في مجلس الرجال و عندهم قهوه و شاي و حلا متنوع مع ولده مشـاري و كان واضح انه ينتظر له احد ، سديم دخلت لعنده بعد ما طرقت الباب و استغربت من الضيافه الغير معتاده: وناااااااااااااااااسه اكــل!!!!!!!! سديم بسرعه هجمت على قطعه حلا و اكلتها بسرعه ، مشاري عصب و قرص خدها بمزاح: انتي ما تتوبين عن هذي التصرفات...اخذي شوووي من ادب و هدوء ريم.. ســديم وهي تدفعه: ووووع اصير معقده مثلها لا ان شاء الله... احمد مات من الضحك على كلام سديم: خلها عندك يااا مشاري.. سديم ملح البيت و سكره... من غيرها البيت يصير هادي ومافيه اي اكشـن... سديم مدت لسانها لاخوها: حرررررررره موووت قهر... مشاري توسعت عيونه من كلمتها::: من فين تعلميتي هذي الكلمه؟؟؟ سديم بضحك: من قدوتي و مثلي الاعلى عمتي ايمان ههههههههه مشاري حاول يبتسم لانه انتبه على تغير ملامح ابوه من الهدوء الى العصبيه: اطلعي بره بيجون رجال.. سديم بعيون متوسعه: من؟؟ لا تقول ناس بيخطبوني؟؟؟؟؟ مشاري: ههه و منو الخبل اللي بيخطب وحده مثلك...والحين اطلعي دام النفس عليك طيبه.. سديم بتافف مشت لعند الباب بس ماهو قبل ما تسرق قطعه حلى ثانيه: اففففف لما جت بتسكر الباب وراها مشاري قال بنبره خبيثه: اول تخمين لك صحيح بس للاسف اجوا و راحوا... سديم رجعت فتحت الباب: تتكلم من جد؟؟؟ فعلا كان في ناس بيخطبوووون؟؟ مشاري ابتسم و غمز لها .. سديم ابتسمت بجنون و صارت تركض لداخل البيت بصراخ: رييييييييييييييييييييييييييييييييييييييييييييم عندي لك اخبااااااااااااار مهمه... مشاري بعد ما طلعت سديم ابتسم و رجع جلس جنب ابوه: ليش قلت لها يا مشاري.. مشاري بابتسامه: ما في اي سبب يمنعنا ان نقولها مثل ما قلت انت تعرف ابوه زين .. و مابقى الا نسال عن الولد و حتى ما نكون فكره زينه عنه ريم لازم يكون عندها علم بالموضوع كله... احمد بوجه حزين: المشكله ماهي في الناس اللي خطبوها انا....خايف عليها و خايف منها مشاري بعيون متوسعه وهو يمسح على كتف ابوه: خايف؟؟ ليش تخاف ياا الغالي؟؟ احمد بتنهد: خايف عليها تتحسس من الموضوع خصوصا انه ما مر الا اسبوع على موضوع فهاد.. و خايف بعد ان الولد ما يعجبها و تصير مشاكل احنا في غنى عنها مع نواف لا تنسى ان بو يعقوب واحد من عملاءه في الخارج.. مشـاري: انسى نواف و طلعه من بالك ... ريم اختي انا!! و محد له دخل في اللي ترفضه واللي تقبل فيه.. واذا في حاله تحسست انا بسال عن الرجال نفسه بشكل دقيق واعرف كل شيء عنه حتى اتاكد و بعدها بترك لها الاستخاره والخيره فيما اختاره الله... احمد: الله كريم... بعد دقايق فتح المقهوي باب المجلس ودخل جسار و فواز اللي ابتسم بسرعه لما شافهم: مرحبااا على الشباب.. مشاري ابتسم و سلم عليها: يااهلا يااا ولد العم.. فواز سلم على مشاري و بعدها مشى لعند عمه احمد و باس راسه: شلونك يا عمي ان شاء الله بخيـر.. فواز بابتسامه: والله الحمد لله .. ماشي الحال.. قلت اجي اريح اخوي جسار و ارجعه البيت عند الوالد بس راااسه يااابس مااا يرد على احد.. جسار بهدوء سلم على مشاري و احمد: شلونكم ان شاء الله بخيـر.. مشاري كان فاهم سبب برود جسار فحب بتكلم بهدوء : الحمد لله.. احمد بنظره ابويه تنهد و قال : جسار يا ولدي عسى ماشر فيك شيء.. جسار: ماشر يا عمي.. بس ان كنت منادينا حتى تتكلم بموضوع ايمان فاتمنى ما تبدي لاني ماعندي اي استعداد اسمع تبريرات.. فواز بابتسامه: حاولت اقنعه بالرجوع عن موضوع العصبيه هذي بس مافي اي فايده... مشاري: جسار مانت الوحيد اللي زعلان و مغتاض من موضوع سفرها مع نواف ... بس ايش اللي نسويه ما كان عندنا اي علم... جسار: الغلط الاكبر منا وماهو من نواف.. احنا اللي كان لازم نوضح طبيعه العلاقه بينهم... و الحقير سكرتيره يرفض يوصلني له... مشاري: هذا طبع ادوارد من زمان.. ينفذ اوامر نواف مثل الربوت و احنا في نظره كلنا ولا شيء... فواز بضحك: هههههه اكره هذي النوعيه.. جسار عطى نظره غاضبه احمد ابتسم: تدري انك تذكرني بمحمد لما كان صغير يا فواز؟ فواز بابتسامه : من جد؟ توقعت الوالد يشبه جسار لانه هادي و عصبي بعض الشيء... احمد بهدوء: ان كانت الظروف غيرته فاحتمال كبير يكون مثل جسار الحين بس لما كان في عمرك كان نسخه مطابقه لك بالاسلوب.. فواز ابتسم على كلامه في الوقت اللي ظل فيه جسار ساكت من غير سابق انذار و فجأه باب المجلس انفتحت و دخلت ريم بجنون وراها سديم: بابا صحيح اللي تقوووله سديم... مشاري و احمد انصدموا من دخول ريم المفاجأ و بسرعه حركوا عيونهم على ضيوفهم.. جسار ظل هادي بس فواز بعد ما انتبه على وجهها بابتسامه قال: مرحبى ... شلوونج.. ريم لما شافت ان ابوها عند ضيف انفجرت خجل بس في اللحظه اللي انتبهت ان فواز موجود انقلبت لطماطه حمرا و شهقت وبسرعه خارقه طلعت بره المجلس سديم كانت وراها انتبهت على الرجال و عرفت جسار بس ما عرفت الثاني و لهاذا تراجعت .. لانهم كان عادي ينكشفوون على عيال عمهم لكن غيره كان يرفض ابوها .. رغم انهم كلهم غير محجبات.. فواز ضحك: هههههه شكلها انصدمت من وجودنا... جسار ضرب كتف اخوه: اووووتش جسار ليش جذي... جسار: استح شووي هذوول بنات عمك... ماهم ايمان اللي كل شيء اوكي عادي... فواز عقد حواجبه وهو يصطنع البراءه: مافي فرق كلهم خواتي... نسيت عندي عقده اسمها الخوات... جسار و هو يقلده بسخاافه: حتى المضيفات اللي تتغزل فيهم خوات صح... مشاري و احمد انفجروا ضحك : هههههههههههه هههه فواز ضحك معاهم في الوقت اللي جسار احتفظ بتكشيرته. احمد بهدوء : الحقيقه ياا جسار انا ما طلبت منكم تجون علشان ايمان لان موضوعها لايمكن ينحل الا لما ترجع.. جسار رفع حاجبه له: اجل ليش طلبتنا. احمد: تعرف يعقوب انور الـ...... ابوه وكيل شركه سيارات في فرنسا و المانيا... جسار باستغراب: اي يعقوب اعرفه كان زميلي في الجامعه و اخذت معه كم دوره في الخارج... من وين تعرفه... احمـد: خطب ريم بنتي و يقول انه وافق على اختيار ابوه لريم لانها تقرب لك.. فواز عقد حواجبه و بنظره حزينه: يعني ما طلبتنا علشان تستقبلني اهي اهي .. احمد ضحك على تعليق فواز: يااا فواز ياا ولدي.. انت تستاهل عشاء كامل ماهو حلو و قهوه.. فواز: ههه ولو ياا عمي.. انا حاس انك متوتر بسبب خطبه البنت ... الله يوفقها... يعقوب يمدحه جسار كثير.. مو جسار.. جسار سكت لبعض الوقت و بعدها تكلم: عمي.. يعقوب رجال و النعم فيه.. محامي كبير و هادي و ملتزم بالدين و الاخلاق و من عايله كبيره مشاري ابتسم و كان حاس براحه كبيره في داخله: الحمد لله يا رب.. جسار تنهد و سبق احمد اللي كان بيتكلم: بس... احمد خاف و سال بسرعه: بس ايش ياا جسار يا ولدي... جسار: يعقوب مطلق... مشاري توسعت عيونه و حركها على طول لابوه: ادري... مشاري: كيف؟؟ احمد بهدوء: انا ادري ان يعقوب كان متزوج بنت خالته سنتين و بعدها طلقها و عنده منها ولد واحد... هو كان صريح معي و قال لي كل شيء.. وان كان عندي مانع مافي داعي للاحراج.. وانا قلت له ماشي.. مشاري: يعني ايش ماشي ياا ابوي... ليش ما قلت لي.. احمد عطى نظره قويه لولده و كان بيكمل بس فواز سبقه: عمي ما ابي اكون محضر شر بس بنتك ريم ما عليها قاصر حتى تتزوج واحد مطلق ومعيل بعد.. ولا انا غلطان .. مشاري: فواز كلامه صح.. انا ماني موافق على هذا الرجال... احمد بعصبيه: الكلمه الاولى لي و الاخيره لريم وانت مالك دخل يا مشاري.. مشاري بعصبيه: ليش ياا ابوووي ليش .. تسوي في ريم كذاااااااا... فواز مشى لعند مشاري و سحبه معه لبره يكلمه حتى ما يزيد في الكلام على ابوه.. جسار راقبهم وهم يطلعون و بعدها حرك عيونه لعمه: عمي في شيء.. احمد: لا احمد كان يتقطع من داخله وهو يقول: ما تبيني ارضى في واحد مثله و ريم ما يخطبها الا كل واحد فاسد و تعبان... الله لا يسامحك يااا دلال ياا مرت اخوي.. دلال زوجه منصور و مرت عم ريم ما تركت مكان ما تكلمت فيه عن ريم بالسوء كانت مقهوره منها و تكرها اولا لان زوجها يحبها بجنون و حتى بنات ساره يموتون عليها من كانوا صغار و بعدها كبروا و صاروا يقارونون دايما بين ريم و ديما... الكلام اللي كانت تقوله في ريم قدام الناس و جمعات الحريم ما يسر احد.. في شيء طبيعي انه محد يخطبها... يعقوب خطب ريم بسبب سمعة ابوها و جسار ولا لو على سمعه ريم بين الحريم اكيد لا.. احمد كان يموت قهر من الكلام اللي يوصله من زوجته عن هذي السوالف الشيء اللي خلاها تكره هذي التجمعات بس ما كان في اليد حيله لان ما كان في دليل ضد دلال ولا كان استخدموه ضدها و عاقبوها... احمد كان مسلم نفسه لربه و عارف ان ربه ما راح يخيب ظن عبده فيه و راح يعوض ريم خير.. - - في نفس الوقت وفي غرفه ريم .. ريم كانت تتنفس بسرعه و هي تحضن مخدتها بقوه : ايش اللي يسووويه هنااا.. سديم دخلت و بحلقت بعيونها على اختها اللي كان وجهها قالب لكل درجات الالوان: ايش هذا كله يااا ريم طلعتي ميته على الزواج وانا ما ادري.. ريم بتوتر : انـ....ـــاااااا للا..اااااا سديم انفجرت ضحك و رمت نفسها على سرير ريم الكبير بكامل جسمها: ايش هذاااااااا كله يااا ريم... اشوووف رجعت التأتأه... معي... ريم: سـ.......ديـ...م اطـــ.....ـــلعي بـ...ــره سديم قامت قبل لا تتلقى ضربه من مخده ريم و جلست شوي بعيد عنها : انا قلبى دليلي قال لي هتحبي دايما يحكي لى وبصدق قلبي انا قلبي قلبي دليلي ريم صارت تتنفس بصعبووبه : اه...اه... سديـ...............ــم عــــيــب سديم : هههههههههههه خطيبك مزيـــــــــــــــــــــــــــــــــــــــــــــــ ــــــــــــون ... قمر اربعتش .. اهو طول وهو جسم اهي عيووون تذبح... ريم كانت مقهوره ان سديم تاملت فواز بهذي السرعه القياسيه و من غير تفكير قالت: وانتي كيف شفتيــه بهذا الوقت القصـير.. سديم بدت تصفق بجنون: ههههههههههههههه غيرااانه ,,,,,,, عيش اليوم في حيرة ابيك تجرب الغيرة ابيك تصرخ و تتالم ابيك تحس و تتعلم ،، ابيك تشوف هالدنيا في عينك صارت صغيره ،،،، عيش و جرب الغيرة ريم رمت سديم بمخده ثانيه: سديييييييييييييييييييييييييييييييييييييييييييم... سديم انفجرت ضحك و راحت تركض بعيد تنتظر اي اخبار من مشاري او ابوها و تركت ريم تعيش الجو الرومانسي لوحدها: معقوله يااا فووواز.. معقوله ما صبرت الا يوم واحد و خطبتني.... و انت كنت جاي من الكويت حتى تخطبني.. ريم رمت نفسها على السرير و بدت تلعب باطراف شعرها باستمتاع بعد ثواني تلاشت ابتسامتها و قالت: هل خطبتني لانك تبيني ولا لانك حاس بالشفقه بعد ما سمعت اللي صر لي من فهاد و اهله... مشت لعند مشغل السيديات و اختارت اغنيه مناسبه لها و لوضعها و بعدها جلست تستمع لها .. مرتاح ولايتصنع قلبك الراحه.... شايل بخاطرك ولا البال متهني ... مجروح ولاشفى قلبك من جراحه ... زعلان للحين ولاراضي عني ... شخبارقلبك عسى مافارق افراحه ... ريم وهي تسمع الاغنيه صابتها ضيقه كبيره من داخلها ما عرفت ليش الكلمات زادت همها .... الحين يوم كانت مقهوره راحت تدعي و لما جاها الفرج رجعت للاغاني......من غير تفكير سكرت مشغل السيديات : استغفر الله... انا بايش و لا بايش... مشت ريم بسرعه للحمام و توضت و بعدها اخذت المصحف و بدت تقرا من سوره البقره كانت مع كل ايه تقراها تختفي همومها و تتبدل بمشاعر سعيده و راحه نفسيه... الم (1) ذَلِكَ الْكِتَابُ لَا رَيْبَ فِيهِ هُدًى لِلْمُتَّقِينَ (2) الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنْفِقُونَ (3) وَالَّذِينَ يُؤْمِنُونَ بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ وَبِالْآَخِرَةِ هُمْ يُوقِنُونَ (4) أُولَئِكَ عَلَى هُدًى مِنْ رَبِّهِمْ وَأُولَئِكَ هُمُ الْمُفْلِحُونَ (5) - - على الطائره الخاصه كان نواف يقرا و يوقع بعض الاوراق و قدامه ادوارد في جسله دائريه مخصصه للشغل المهم و طبعا كان يستعجل بما ان ايمان ما كانت موجوده لانها نبهت عليه ما يشتغل خلال الرحله.. المضيفه التركيه قربت من عند نواف و بدلع قالت: سيدي تريد المزيد من القهوه.. نواف اللي كانت عيونه تتفحصها قال و باعجاب: ما اريده شيء غير القهوه لكن ليس باليد حيييييييييله... المضيفه وهي تنزل اغلب جسمها قربه واللي كانت مبين بالتفصيل بسبب قميصها الضيق و تنورتها القصيره لربع الفخذ: انت تعرف اني لا ارفض طلب سيدي.. نواف نواف حرك عيوونه و أشر باصبعه على ايمان اللي كانت نايمه وهي جالسه على الكرسي و تشخر بكل حريه: لا استطيع بوجودها... المضيفه وهي تتصنع الدلع: دعنا نذهاب لمقصوره النوم وفي حال استيقظت من نومها نقول لها انك كنت في دوره المياه.. نواف ابتسم لها و بصعوبه قاوم اغراءها: دعيها في الرحله القادمه.. الان فعلا لا استطيع... المضيفه وهي تحرك اصابعها على شفايفها: لن انتظر الرحله القادمه.. ساللعب معك في رحله العوده الى وطنك... هزت المضيفه كتفها و مشت بدلع لمقصوره المضيفات .. نواف تنهد بقوه و عض شفايفه و بعدها حرك وجهه لادوارد اللي كان يطالع مكان ثاني: الى اين وصلنا ادوارد نواف بسرعه حرك عيونه للاتجاه اللي كان يتامله ادوارد .. كان يتامل ايمان: ما بك ادوارد قل.. ادوارد بسرعه حرك عيونه لنواف: لاشيء سيدي.. نواف: لاتخف قل ما الامر ولن اغضب ايا كان.. ادوارد تنهد و بعدها قال: اني احسـدها!!! نواف باستغراب: ايمان؟ لما تحسدها ياا ادوارد... ادوارد: تستطيع ان تعيش حياتها كيف ما شاءت .. تاكل ما تريد تلبس ما تريد و تنام في اي مكان ولا يهمها اي احد... بعكسنا جميعها ... نواف عقد حواجبها: انك افضل منها بكثيــر .... فهذي الانسانه لن تعرف السعاده ابدا فيما بعد... خصوصا ستذبح مرتين... ادوادر باستغراب: تذبح مرتين؟؟ لم افهم.. نواف بهدوءه: الموته الاولى ستكون عندما تعذب صديقتها الحبيبه و تموت بسببها و بعدها سوف تعذب حتى تموت لان هويتها الحقيقه حينئن سوف تكشف.. ادوارد: هويه حقيقه؟؟ عن اي شيء تتكلم ياا سيدي.. نواف بابتسامه: اه نسيت ان اخبرك... ايمان التي جاءت بقدميها الى بيتنا هي الحقيقه... وليست من قابلناها في الكويت... ادوارد: يااا الهي...... لكن لماذا مازلت تعاملها بطيبه رغم انها ابنت ذلك الرجال.. نواف بنظره حنان لايمان: اريد ان اعيطها بعض الذكريات السعيده قبل لا تختفي كلمه السعاده من حياتها... ادوارد: سيدي... ايمان صحت من نومها بعد ما تثاااااوبت بقوه و قطعت حوارهم : اههههههههههههههههههههههههههههههههههه.. حركت عيونها لنواف و ادوراد بكل خمول: صباااح الخيــر... نواف بضحك: قووولي مساااء الخيــر انا ماني عارف انتي من ايش مصنوووعه في احد يقدر ينام في الطياااره لا و ست ساعات متواصله وهو جالس.. ايمان ضحكت : هههههههههههههههههه جسار كان كل يقول عني.... تنام في اي مكان... حتى وان بغت تنام وهي واقفه هههههههههههه نواف ضحك عليها: فضيعه... ايمان وكان شيء استوعتبه من كلامه: صاااري لي ست ساااعات نااايمه!!!!!!!1 نواف بهدوء: اي!!! ايمان فزت من مكانها بجنون: وليش مااا صحيتني؟؟ نواف: ليش اصحيك؟؟ ايمان بعيون مصدومه: مااا صليت الظهر ولا العصـر.. نواف ببرود: عادي صليهم لاوصلنا... ايمان انقهرت منه و من بروده: ماا يجووووز تاخير الصلاه .. ركضت ايمان للحمام بسرعه حتى تتوضى نواف كان مستغرب منها تصرفها كان كل شيء عندها عادي من عرفها .. ليش يعني الصلاه مهمه... هو اصلا كان يجمع صلاتين ان كان فاضي و احيانا كثير يفوتها و ماهي مهمه عنده بشيء... ايمان صلت و خلصت و بعدها رجعت و جلست عند نواف: نواف قم صل!! نواف : بعدين.... ايمان بعصبيه: نواااف قوووووم صل!!! نواف بعصبيه: قلت لك بعدين.. ايمان استمرت تقووول بجنون : قووم صل قوووم صل قووم صل قوووم صل قووم صل قوووم صل قووم صل قوووم صل قووم صل قوووم صل قووم صل قوووم صل قووم صل قوووم صل قووم صل قوووم صل قووم صل قوووم صل نواف اللي ازعجته التفت لها بعصبيه و صرخ : بسسسس اسكتي... ايمان خافت انه يعصب مثل اليوم اللي قبله عليها بس ما سكتت و كملت : ما راح اسكت حتى تتعدل و تقووم تصلي!!! نواف كان بيصرخ عليها بس حب يختصر الموضوع بما انها كانت مصره على العناد... وراح صل بسرعه و رجع... ايمان ما كان عاجبها انه صلى بسرعه بس ما حبت تعلق ... لانه كافي جرعه وحده الحين و بعدين بتعطيه جرعه ثانيه... نواف وحتى يغير المود قال: ما سالتيني وين رايحين احنا... ايمان بتنهد: سالتك و قلتي لي انه مكان حلو وبس... نواف: بنروح جزيره كوزمو... ايمان عقدت حواجبها باستغراب: هااا؟؟؟ شنوو هذي جزيره كوووزموو ما عمري سمعت فيها نواف ضحك عليها : هههههههههه لانها ملك للتاجر الكبير الكسسندر كوزمو .... صاحب شركات الالعاب ايمان: اهاااااااا فهمت.... بس احنا ليش بنروح لها.. نواف بتوضح: الكسندر صمم الجزيره حتى تحتوي على كل انواع المتع الغريبه في العالم المسموح فيها و غير المسموح ... و كل سنه يسوي حفله يجمع فيها شركاءه و التجار اصدقاءه ايمان توسعت عيونها: واحنا بنحضر هذي الحفله؟؟؟ نواف هز راسه كتأكيد: تلقيت الدعوه اليوم الصبح.. ايمان بعصبيه: ليش يااا نووواف احنا اتفقنا انك ما تشتغل!!!! نواف: الحفله ماهي للشغل.. مثل ما قلت لك... الحفله يستعرض فيها الكسندر الالعاب الجديده اللي يخترعها .. بس مافيها شغل...فاطمه تحضر الحفله معي دايما... ايمان بوزت: انا ما احضر حفلات مختلطه.. نواف بابتسامه: لا تحضرين... بس استمتعي في الجزيره انا متاكد انك راح تشكريني اني اخذتك راح تكون ايمان لا تنسى ... ايمان بعصبيه: نشوووف.. نزلت الطياره الخاصه في مهبط الطيارات و اللي استغربت ايمان من وجود عدد كبير من الطيارات الخاصه فيه و اللي كان دليل ان الناس الموجوده في الجزيره ماكون بيسيطين .. كانت سياره الماي باخ تنتظرهم مع سواق خاص ينقل كل الضيوف للقصر اللي كانت في منتصف الجزيره ايمان كانت مبهوره من المناظر اللي تشوفها الحدائق الاستوائيه و الاشجار الغريبه و بعدها انتقلت لمجموعه كبيره من مدن الملاهي و مباني واضح انها مجماعات ترفيهيه واضح ان كلام نواف كان صحيح لما انها جزيره لك انواع المتع.. قربوا من القصر و اللي كانت مبني على ارض في وسط بحيره ايمان كانت مبهوره من شكله و في نفس الوقت خايفه... خايفه من دنيا ما عمرها شافتها .. خايفه تتعود على شيء مصيره الزوال... وصلت السياره و قربوا الخدم يستلمون حقايب نواف و ايمان و سحبتهم المرافقه الخاصه مشوا من عند اللوبي الطويل و بطريقهم للصعود للجناح المخصص لهم لما سمعت ايمان صوت انثوي عربي.. ...................: يا مرحبتين و سهلين و الف بوسه على الخدين.. ايمان حركت عيونها و انبرهت من الحرمه اللي كانت تمشي لعندهم كانت جميله حيل طويله و رشيقه فاتحه وشعرها بني طويل مموجته بس رابطته على جنب عيونها عسليه فاتحه و رموشها كثيفه و شافيفها حمرا من القلوس الفاتح .. لابسه فستان اخضر فاتح طويل وعليه جاكيت افويات بكم ثلاث ارباع ... نواف ابتسم بخبث و مد خده: انتظر الالف بوسه ... حبيبتي.. الحرمه بخفه صفعت خده: قليل ادب.. امك ما عرفت تربيك... ايمان من غير لا تحس ضحكت : هههههههههه الحرمه بغرور حركت عيونه العسليه لايمان: ليش تضحك؟ نواف حارسك الجديد وقح وما يعرف مستواه.. ايمان انفجرت قهر نواف انفجر ضحك: هههههههههههههههههههههههههههههههههههههههههههههههه ايمان قرصت يده: لا تضحك... الحرمه: صوته... انتي بنت؟؟ ايمان بعصبيه: يظهر ياا مدام انج محتاجه فحص نظر متخصص لان عندج قصر نظر كبـير الحرمه ابتسمت: اه سووري ظنيتك حارس .. والظاهر انك مهرجة نواف صح.. ايمان انقهرت : احسن منك .. يا عجوز... الحرمه عصبت فاضطر نواف يوقف بالنص بينهم : ايمان هذااا يكفي.. ايمان: الحين من اليوم تهزأ فيني و انت ساكت ولما تكلمت سكتني!!! نواف بنبره منخفضه: بصراحه ما الومها شكلك مثل الصبيان و لبسك كانك مهرج ... ايمان انقهرت و حركت وجهها لبعيد..الحرمه ابتسمت لايمان وقالت بهدوء: حقك علي ياا ايمان... ما كان قصدي اضايقك.. بس فعلا ان ضنيتك حارس لاني اعرف ذوق نواف بالحريم و بصراحه و من غير زعل انتي ما تملكين اي صفه من صفاتهم.. ايمان بسرعه: تتكلمين بثقه ليش انتي وحده من صديقاته السابقات اللي تخلى عنهم نواف غمز للحرمه حتى تسكت وهي سوت اللي تبيه: ارتحتي كاهي سكتت.. ع العموم هذي ايمان خالتي..... ايمان هذي السيده جـــوري جوزيف... صاحبه شركه الجوري اكبر شركه في العالم للمجوهرات و شريكتي المفضله و العزيزه و الوحيده اللي اثق فيها من التجار.. ايمان توسعت عيونها حركت عيونها للعقد اللي كانت لابسته جوري و تاكدت انه رمز الشركه حست باحراج ومدت يدها لها : تشرفنا.. جوري ابتسمت لها و مدت يدها لها بعد: الشرف لي اكـثر يااا ايمـــان ... - - في بيت منصـور.. دخل منصور غرفه المكتب الخاصه اللي كان ينتظره فيها اسامه و سعود و فارس ... اسامه تنهد و قال بهدوء: ايش اخبار ديما؟ منصور تنهد باسى على بنته: مسكينه رغم ان الطبيب عطاها ابره مسكنه مازالت تفز و تبكي في نومها... اسامه ضحك في داخله بس قال: الله يكون في عونها فارس من غير نفس: مسكينه... انصدمت لما عرفت ان نواف تزوج وحده بهذا القبح... منصـور: اللي ماني فاهمه هو شلووون تزوجهاااا!!! سعــود: احتمال يكون فهمها طبيعه العلاقه او انها فاهمه حقيقه العلاقه بينهم بس تستهبل .. اغرته و تزوجها طبعا تعرفون نواااف شلون عيونه زاايخه.. فارس انفجر ضحك : ههههههههههههههههههههه اعذروووني بس ما اعتقد نواف تزيغ عيوونه على وحده مثل عمتنا المزيفه وووع تخرع.. اسامه ببرود: وليش ما يكون كل اللي كانت تسويه قدامنا تمثيل وتكون من تحت لتحت... منصوور بضحكه ساخره : اصلا انتوا كلكم مانتوا فاهمين شيء... سعود: ايش قصدك يا ابوي.. منصور قرب من عندهم ومد صوره: تعرفون هذي اللي في الصوره... الصوره كانت لنوف حاضنه يد عامر و تتمشى معه بابتسامه، اسامه: ايمان الحقيقه بس هذاا اللي معاها.. فارس بسرعه: عامر!!! كيف؟؟ ماني فاهم... سعود بخبث اخذ الصوره من ابوه و قال: انا فهمتك ياا ابوي... سلين مستحيل تكشف اسرار نواف وهدفها كان تضليلنا وبس... منصور: ممتاز ياا ولدي... جاسوسي اللي ارسلته ورا نواف التقط هذي الصوره و كشف لي مؤامره خبيثه ما كان ندري عنها... عامر جزء منها.. اسامه: قصدك ان عامر متفق مع ايمان الحقيقه وهو اللي مرتب اللي قاعد يصير... منصور: ايش تسمي وجودهم كلهم في باريس يااا اخوي العزيز؟؟ صدفه؟ اسامه: ما خطرت ابدا في بالي... فارس: هذا يعني ان سلين بكلامها كانت تبي تظللنا لما حست ان اتصال ديما من وراه شيء... منصور: حتى اتأكد من اللي صار رحت لسلين و طلبت منها الصور اللي ارسلت لها.. هي ارتبكت و قالت انها اتلفتهم علشان كذا ان تاكدت ان الصور لا وجود لها سـعود: ايش اللي لازم نسويه الحين يااا ابوي... اسامه : راح اجاوب انا على هذا السؤال...غباءنا هو السبب في كل اللي يصير...ركزنا كل اهتمامنا على المزيفه و تركنا الحقيقه تلعب بذيلها من ورانا و تخطط و تنجح في التنفيذ... سعود: قصدك نحول تصرفنا كله للحقيقيه؟؟ اسامه: اكيــد... فارس: بس كيف يا ابوي؟؟؟ اسامه حط اصبعه على صوره عامر: عامر عنده اخت صغيره ...............هند.. - - __DEFINE_LIKE_SHARE__ |
|
| |
 |
| مواقع النشر (المفضلة) |
« آهديت لك قلبي وارخصت الاهداء ؛ و مع مرور الوقت قل آهتمامك ')
|
بنات عز وقلبهم ماعزهم >>رواية رومنسية جريئة (سعودية) »
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تعرف على الموت وجنة ونار القبر مع حدائق الموت للشيخ محمد العريفى | محروم.كوم | منتدى أخبار المواقع والمنتديات العربية والأجنبية | 0 | 03-07-2013 11:00 PM |
| الموت لآل سعود الموت لآل خليفة -القطيف 23 ديسمبر | محروم.كوم | منتدى أخبار المواقع والمنتديات العربية والأجنبية | 0 | 12-23-2011 10:10 PM |
| القطيف : الموت لاسرائيل الموت لآل خليفة - يوم القدس العالمي | محروم.كوم | منتدى أخبار المواقع والمنتديات العربية والأجنبية | 0 | 08-16-2011 12:10 AM |
| أول أقول الموت فيني ولافيك...واليوم جعل الموت ياخذ حياتك | قـلب دبـي | الشعر المنقول | 7 | 09-28-2008 01:28 PM |
| اول اقول الموت فيني ولافيك == واليوم جعل الموت ياخذ حياتك ..... | غرور اماراتيهـ | الشعر المنقول | 23 | 09-17-2008 05:29 PM |
الساعة الآن 02:04 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227