أرز مجبوس مع مضبي دجاج ع الحجر

محروم.كوم · #1 03-23-2013, 03:20 PM

خلال الاسبوع الماضي قلنا بنغير جو نشوفلنا مكان نرمس فيه وبنطبخ فيه بأنفسنا تكون لمتنا حلوه وسوالف ونعيد ذكريات أول لما نطلع للبر والحمدالله الكل يعرف بلادنا الحبيبه سلطنة عمان تتمتع بطبيعه خلابه ومتنوعه وحتى أجوائنا متنوعه من منطقه لمنطقه

المهم اعذروني عاد على النقل يمكن تكون التغطيه ما مكتمله واتمنى من الاخوه المراقبين أظهار الصور عن بدل رابط لاني اول مره اشارك في هذا القسم.

طلعنا وقت العصر

أشترينا خمس دجاجات الصفاء عماني طازج حجم 1000

http://www.imgur.com/Tpz3rsr.jpeg

قطعنا الدجاج بالنص من دون لا نفصلهن عن بعض وقمنا بضرب الدجاج باليد حتى فرشناهن مثل اللي يمعلوه بالمطاعم ودعكناهن بملح بعدين صبغة أكل برتقاليه من ثم فلفل أسود وبهارات هنديه متنوعه وخليناهن 3 ساعات لحد ما يتشبع الدجاج بالبهار .

http://www.imgur.com/yDgmmUi.jpeg

خذينا موقعنا وقمنا بتشعيل الحطب

http://www.imgur.com/5eKnrS9.jpeg

لحد ما يطيح الحطب صرنا نلقط حجر ويكون عريض شوي وما سميك عشان يكتسب حراره بسرعه بعد ما جمعنا الحجر قمنا بغسله وتنشيفه

http://www.imgur.com/Mbk0KII.jpeg

بعدها قمنا بغسيل الارز وتقطيع طماط وبصل نص حق الشوي ع الحجر ونص حق الارز

http://www.imgur.com/cEJE9xs.jpeg

قمنا بوضع قدر الطبخ وشعلنا تحته النار وصبينا فيه زيت وبصل وثوم وجزر مبشور وفلفل رومي

http://www.imgur.com/HxHOJBj.jpeg

من بعدها عملنا قياس الماي وصبينا به الارز وورق غار وقرنفل وفلفل وبهارات هنديه متنوعه بعد ما طلع الارز شوي فوق صكرنا ع القدر وقصرنا النار ع آخر شي

http://www.imgur.com/kboXEkL.jpeg

بعد ما طاح الحطب اللي اشعلناه حق الشوي خلينا فوقه الحجر ووزعناه بتساوي وشكل متراص وخليناه ربع ساعه لحد ما يسخن وبعد ربع ساعه قمنا بدهن الحجر بزيت عشان الدجاج والطماط والبصل ما يطبق على الحجر

http://www.imgur.com/7GAfpoo.jpeg

وهذا شكل الدجاج والطماط والبصل بعد ما وضعناه تقريبا 35 دقيقه مع التقليب ع فترات صار خلاص جاهز حق الأكل

http://www.imgur.com/esrlt5A.jpeg

رجعنا لقدر الارز بعد ما اكمل 20 دقيقه على نار هاديه وهذا كان شكله

http://www.imgur.com/38ftv3O.jpeg

صبينا الارز في صينية كبيره ووضعنا الدجاج الطماط والبصل

http://www.imgur.com/hA4AXuD.jpeg

وهذه صوره تبكي الحجر

http://www.imgur.com/PAryc0H.jpeg

ماشاءالله كان طعمه لا يقاوم

وسلااامتكم المره الجايه التغطيه بتكون أن شاءالله أحسن __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للبيع دياي محلي دياي باكستاني دياي كيرلي دياي فرنسي دياي كويتي	محروم.كوم	منتدى أخبار المواقع والمنتديات العربية والأجنبية	0	09-15-2011 06:20 PM
للبيع دجاج منوع (باكستاني اعمار متفاوته مع دجاج بلدي مع دجاج كيرلي دجاج كويتي	محروم.كوم	منتدى أخبار المواقع والمنتديات العربية والأجنبية	0	08-13-2011 12:40 AM
مضتد الفيروساتالأحدث و الأقوى على الإطلاقSymantec Mobile AntiVirus Corporate 5.1.0.54	محروم.كوم	منتدى أخبار المواقع والمنتديات العربية والأجنبية	0	07-01-2010 11:40 PM
الشيف ارنوب... يقدم لكم احلى كبسة دجاج بالكوارع في قدر الحجر	محروم.كوم	منتدى أخبار المواقع والمنتديات العربية والأجنبية	0	01-08-2010 06:30 PM
دجاج مخبوز في تنور غاز	محروم.كوم	منتدى أخبار المواقع والمنتديات العربية والأجنبية	0	09-06-2009 07:50 PM