ﭑرسم خياله ڤي نظر عين #_مشٺاق ' ۈﭑسري بِ طيڤهہ بس ۈيني ۈ ۈينه♡

بسمه وفا · #1 03-16-2013, 08:09 AM

السلام عليكم ورحمه الله وبركاته

هذي تجربتي الاولى في كتابة الروايات واول مرة انشر كتاباتي
اممم روايتي مدموجه بين الخيال والواقع
بعض المواقف من الحياة وابطالها موجودين لين يومكم هذا ومستمرين بالقصه

حبيت انقل المواقف اللي تصير عندنا واصيغها باسلوبي

اخليكم مع القصه,, وابا ردودكم وتفاعلكم ورايكم في الروايه,, استقبل الانتقادات

الـــ PART 1

...: احبج
..: وانا بعد
..: وانتي شو؟
..: اللي قلته انت
..: شو قلت؟
..: حمدااان ><
حمدان: عيون حمدان.. يلا عاد قوليها
...: تصبح على خير
حمدان: طلبتج
...: آمر .. تدلل
حمدان: ابا اسمعها منج قبل لا انام
..: .. " ساكته "
حمدان: وينج؟!
..: انت قولها اول
حمدان: احببج احببببج .. تبيني اصرخ بععد احبـ..
..: لا .. بس يكفي
حمدان: اوك.. يلا دورج
..: اممم .. ما اكرهك
حمدان: شو يعني ما تكرهيني
..: حمداان !!
حمدان: ترا احب وحده غيرج
..: لاني ما قلت احببك !
حمدان: وانا بعد اعشقج
.. استوعبت انها قالتها وسكرت فويهه ... ضحك وغمض عيونه وحط راسه ع المخده وهو يتذكر صوتها وهي تقول احبك تنهد بقو: والله احبببج

نعرفكم ع حمدان واهله ,,,

ام فيصل: انسانه متفهمه تحب عيالها وتهتم ببيتها اكثر من نفسها ..
ابو فيصل: عنده شركة يحب عياله ويدلعهم واكثر شي التوأم بس عند الغلط يصير عصبي ومحد يقرب صوبه ..
فيصل: عمره 26 سنه طويل معضل شوي خشمه عادي لا طويل ولا قصير عيونه سود حنطاوي متزوج حصة بنت عمه وعندهم ولد اسمه حمد.. يشتغل في شركة ابوه ..
محمد: عمره 20 سنة بشرته سمراء يعني سماره حلو طويل ومعضل شوي خشمه طويل شوي عيونه عسلية متعايز يشتغل او يكمل دراسته بس يفكر يشتغل في شركة ابوه ..
العنود: توأم حمدان عمرها 18 سنه بشرتها بيضاء خشمها طويل شعرها اسود لين تحت جتفها عيونها عسلية رموشها طوال ثمها صغير اكبر من حمدان بنص ساعة ..
حمدان: توأم العنود عمره 18 سنة بشرته بيضاء خشمه طويل شعره ناعم لين فوق الجتف مسوي تقويم اسود عيونه سود اصغر من العنود بنص ساعة هو اخر العنقود ..

ــــــــــــــ

الصبح الساعة 7 في بيت بو فيصل
بو فيصل: وين حمدان والعنود؟
ام فيصل: حمدان تعرفه ما يحب حد يدخل غرفته غير العنود وتوني دقيت عليها عشان توعي
بو فيصل: انزين شوفيها يمكن مريضه ولا فيها شي
فيصل و محمد يطالعون ابوهم ومنقهريين
محمد: لو انا اللي ما قمت جان يتني وكسرت الباب عليه بس للآآآ هذيلا {مسوي قوسين بصبوعه وبصوت يضحك} "العنود وحمدان"
بو فيصل: هيه هذيلا {يقلد محمد} "العنود وحمدان" .. انته اخر من يتكلم اول شي قم اشتغل وبعديين تعال ارمس
محمد: اصلا عادي ختامها مسك عشان جي تبوني اخر من يتكلم
فيصل: انزين صدقه محمد ما قال شي غلط بس تدلع هالاثنين نحن شو ناقصين
بو فيصل: يلا انته قم وصلني الشركة
محمد: هههه شفت بدال لا يدلعك جلبك دريول عنده هههههه
فيصل: اضحك اضحك عادي ع الاقل انا عندي شغل مب مثلك ما تقول الا حريمة يالس في البيت
محمد: محد حريمه غيرك وبعدين كيفي مرتااح كل شي يوصلني بدون ما اتعب
بو فيصل: فيصصل ... وينك لين الحيين.. يلا تاخرنا
محمد: ههه يلا رووح .. بعديين بيخخصم من معاش الدريول
ياي فيصل يبا يرد عليه بس يته ضربة ع راسه
فيصل: اخخخخ
بو فيصل: تستاهل ابالك عشان يوم اقولك تعال تيي بسرعه
محمد: ههههه
فيصل {في خاطره}: ما علييه يا محمد والله لردها لك

ـــــــــــــ

{فوق عند العنود وحمدان} حمدان مايبا يقوم ومغطي ذنيه بالمخده عشان ما يسمع العنود
العنود: يلا حمداان بعدين بنتاخر
حمداان: اففف قومي ابا ارقد
العنود: عيل من بيوصلني
حمدان: شو تشوفيني دريول.. ابا ارقد امس ما رقدت
العنود {تبتسم}: ليش كنت تكلم الحب
حمدان يوم سمعها تقول جي لف صوبها وتنههد
العنود: شو صار ؟!
حمداان تذكر وضحك.... العنود اطالعه وتترياه يقولها
حمدان: نععم !
العنود: شو صاار؟ ليش ضحكت؟
حمدان: لقافه انتي شو يخصج.. يلا طلعي وسكري الباب وراج
العنوود: حمداان.. عندي امتحان اليوم شوف اذا قمت الحيين ووصلتني بخليك تشوفها
حمدان: حلفي!! كييف؟!
العنود: بفككر.. بس يلا انت قم وصلني
حمدان: اوك روحي انتي وانا بيي وراج
العنود: لا ترد ترقد
حمدان: اوك اوك بس انتي طلعي وسكري الباب وانا بيي وراج
طلعت العنود .. حط حمدان راسه ع المخده وتذكر اخر مرة شافها ويتخيل كيف بيكون شكلها
دخلت العنود فجاءه: توك تقوول بتطلع وراي اشوفك ردييت ترقد
حمدان: ههه الحيين بيي بس طلعي

العنود اطالعه بنضرات
حمدان: والله بييي ما بتتاخريين

ـــــــــــــــــ

{جدام مدرسه العنود} حمدان والعنود في السيارة وحمدان محتشر يبا يشوف الحب
العنود: اففف... انا بروح تاخرت
حمدان: روحي يلا وردي بسرعة ابا اشوفها
العنود: نعععم !! وين عايشين .. انت عبالك عادي
حمدان: هيه عادي حبايب يشوفوون بعض .. ولا نموت من الوله
العنود: خف علينا ... وبعدين هذي مدرسه مب كيفي ادخل واطلع
حمدان: يلا يلا روحي انتي شعليج منهم
تمت العنود اطالعه بنضرات بعدين لفت وفتحت باب السيارة بس قبل ما تطلع مطها حمدان صوبه..
العنود: ايييي
حمدان: والله اذا ما يبتيها عندج .. اخليج تعفنين هنيه
تمت العنود اطالعه ابتسمت تباه يضحك بس هو كان معصب صدق
حمدان "يصارخ": يلا ... شو تتريين بعد !!
نزلت العنود وهي مش مستوعبه " صدقه هذا معصب ... ما يسوا علينا شوفتها مسويلنا دراما"
دخلت المدرسة وسيده لقت شما فويهها... مسكتها من ايدها ومطتها بعيد عن البنات,,
الحيين نعرفكم ع شما واهلها ,,,

ابو خالد: متوفي من 3 سنوات ..
ام خالد: دوم برا البيت عند اختها وما تعرف شي عن عيالها ..
خالد: عمره 20 سنه ربيع محمد طويل ومعضل بشرته حنطاويه ثمه منفوخ شوي.. اذا استوت سالفه ما يحب يتفاهم كله يضارب ..
شما: عمرها 18 سنه بشرتها بيضاء خشمها طويل شعرها اسود وناعم طوييل عيونها عسلية مسويه تقويم (جميله),, وامم هذي البنت اللي يحبها حمدان ..

نرد للقصه ,,
العنود: شمووه بلييز
شما: انزيين الناس يسلمون
العنود: اففف .. هلا شمووه ^^" شحالج؟ علومج؟ شخبارج؟
شما: ههه تماام,, يلا الحيين قولي شو تبيين ؟!
العنود: فرقت يعني... المهم بترديين عند منو؟!
شما: تونا مداوميين حتى ما بدينا الحصه الاولى
العنود: اففف يلا فكينا
شما: بنات عمي,, ليش ؟
العنود: بلييز شموه تعالي عندي
شما: ليش؟ شو مسويه ؟!
قالتلها العنود شو صار "ان حمدان يبا يشوفها" ... شما كانت مستغربه ومستحيه في نفس الوقت
[يستهبل هذا كيف يشوفني في المدرسة,, انزيين انا اشتقتله بعد وابا اشوفه.. لا عيب ما يصير اركب عند واحد غريب.. اففف]
العنود: ايييه ويين رحتي ؟!
شما: انتي الحيين عادي عندج !
العنود: لا بس عادي شو اسوي اذا ما شافج بعفنن هنيه ليين باجر بعد يمكن ما ارد البييت ابد
شما: هههه ليش مهددنج !
العنود: اكييد دام السالفه فيها شما
شما استححت وصار ويهها احممر : عييب شو هالكلام
العنود: ههه شوفي ويهج شو صار ... المهم فكونا يالهنود بتيين ولا اعفن هنيه
شما: مدري,, بس هالشي مب داخل راسي
العنود: شدراني انا .. تفاهمي ويا الهندي المعصب
شركة بو فيصل:
بو فيصل معصب لانه خسر صفقه مع شركة كبيرة
بو فيصل: شو هالفوضى,, ما تعرف تسوي شي بدوني رحت نص ساعه ولقيت الشركه بـهذي الحاله ..
فيصل: اهدا ما صار شي
- هذا كله وما صار شي الله يعينك ع حياتك انت بس ..
- اهدا خلاص,, العصبيه مب زينه لك,, بعدين بدوخ علينا ..
- كيف تباني اهدا ونحن بهالحاله ..
- اوك انت استريح وانا بتعامل ويا الوضع ..

ـــــــــــــــــــــــــ

في مدرسه العنود
العنود كانت تمشي في الممر,, ما تعرف شو تسوي وما فيها تحضر الحصه,, وهي تمشي شافت واحد واقف وجنه يدور شي ولا احد
العنود: من متى يخلون الاولاد يدخلون داخل المدرسه ! لفت عنه تبا تروح بس هو سبقها
.......: لو سمحتي
العنود توترت وما عرفت شو تسوي مب متعوده تكلم واحد غريب,, لفت وتمت اطالعه
العنود "فخاطرها" : يخرب بيته جمييل ,,فخاطري اعرف اخو من هذا..
- هلا اخوي بغيت شي
- امم.. ضيعت المكان لان اول مره ايي هنيه,, وكنت قاعد ادور اختي
- امم انت قولي اسمها وانا بروح ادورها,, بس لو سمحت ممنوع تيلس هنيه
- انا اسف بس هذي اول مرة فعشان جي ماعرف وين اروح
- انت تريا داخل "اشرت ع المكان وخبرته"
- مشكوره اختي تعبتج وياي
- لا عادي,, امم شو اسم اختك؟
- موزه ....
- اممم هذي الخبله اللي فثاني
- ههههه,, حتى هنيه خبله,, اعتقد هذي هي
راحت العنود وهي متقفطه منه العنود "فخارطها": ائئئ يالفشله,, مالت علي فشله,, فشله,, فشله اففف الحيين وين بلقاها هذي كل مرة صف... بس المشكله هذا الجميل طلع اخو هالخبله مالت ..
وهو بعد نفس الحاله كان يفكر فيها: اففا هالبنت حلوه,, اممم اضمها للقطيع ولا يكفي,, بس هالقطيع كله ما يساوي جمالها.. تغرم ><"
عقب ما حصلتها قالتلها ان اخوها يترياها,, راحت تمشي وراها عشان تعرف اسمه
موزة: ليش تاخرت؟
..: ضيعت المكان
- انزيين يلا يالصرصور
- شو اسمي
- ههه صرصوور
- اوك زيين,, خلي الصرصوور يوصلج
- خلاص خلاص والله,, اييه انا ما صدقت من الله تيي
- شو اسمي
- منصووور,, زين جي
- هههه هيه يلا تعالي يـالبنانا المعفنه
- لا والله انته عادي تسب وانا لا
- انا غير,, هنيه بنات لازم هييبه
- مالت
- شو قلتي
- اففف يلا عاد
- ههههه

الحيين بعرفكم ع منصور وموزة واهلهم

ابو منصور: ريال عصبي محد يقدرله يوم يعصب ويدوخ ..
ام منصور: ماتفوت ولا عرس ولا أي مناسبات يعني دوم برا البيت وفنفس الوقت مب مقصرة ع عياالها ..
منصور: عمره 20 سنه عيونه أحلى من عيون أخوانه كبار شوي لونهن اسود أبيض وطويل,, هو واخته موزه دوم يتغايضوون بس غياض سوالف,, مغازلجي واييد ولانه جميل فهذا يساعده ان البنات ينجذبن له ..
موزة: 17 سنة قصيره شوي بيضاء وعيونها مب كبار وايد جسمها مناسب ع طولها شعرها يوصل لين خصرها بني غامج,, تحب تغايض منصور ودوم تقولها صرصور وهو يعصب ..
عبد الله: عمره 14 سنة,, عيونه كبار شوي لونهن اسود حنطاوي وطويل اطول من موزة ..
سلامة: عمرها 9 سنوات طويله بس مب اطول من عبدالله حنطاويه عيونها صغار لونهن اسود ..

رايكم,, ردودكم,, انتقاداتككم وامم توقعاتكم للبارت الياي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ﻣﺗﻋﻮ̃ډ ¸ ﭑﻣﺷيّ ﺑثقـہّ ۈ ﭑډڕَيّ ۈڕَﭑيّ ﭑلفّ {ﻋﯾڼ}..~	ŀДmô0Ņỷ fë 7฿қ	مدونات ويوميات الاعضاء Blog	1091	08-27-2015 01:04 AM
مـآ آ آ هۈ ۈ ۈ بڪَڤۈ ۈ ۈ آڷۈ ۈ ۈ قٿـ . . ح ب ڪَ [ يمَحييييييــہ ] !	» Ѯ η ą d	عدسة الاعضاء , كاميرا الاعضاء	19	06-23-2010 01:36 PM
ۈڤآة مۈآطنه حڒقآً عڷى يڍ زۈؤۈچهآ	ريم الشمالي	المواضيع المكرره	1	11-01-2009 05:14 PM
~{آخــآڤ آرمش مـטּ عيـۈنـﮯ ۈآپعــثر جيـﮧ ۈصآلــڪ..~	A7la brensisa	ملحقات وأحتياجات التصميم	37	10-21-2009 06:00 PM
ۈڤآة مۈآطنه حڒقآً عڷى يڍ زۈؤۈچهآ	difsha	اخبار محلية و عالمية	32	10-19-2009 03:54 PM