ﭑرسم خياله ڤي نظر عين #_مشٺاق ' ۈﭑسري بِ طيڤهہ بس ۈيني ۈ ۈينه♡ - الصفحة 2

بسمه وفا · 03-19-2013, 08:51 AM

المشاركة الأصلية كتبت بواسطة الريم المزروعي

ههههه اسسمينهم يضحكواا
وعطاري ليش يبون الشركة تحسرن ماعرف بس اعتقد لهم
مصالح فيها او انتقام شي جيه
واحسس حمدااان بيستاانسس
وااااايد وبعدييين ماحبييت موقف العنوود تظل سارة
من اقرب الناس لها مب تعاملها جيه عسبت وحدة غريبة !!
وفيييصل محد كااسر خاطري غيييره هههههه الله يكوون فعونه بسس
يعطيييج العافيه غلايه ونترقب كل يديد من صووبج ^^

مشكورة الغاليه ع المتابعه,, و ع المرور الطيب ..

وامم ثانكس بعد ع التفاعل,, انتي الوحيدة اللي تتابعين الرواية
لهذي الدرجه البارتين مش حلوات,, اذا مش حلو ما بكمل __DEFINE_LIKE_SHARE__

بسمه وفا · 03-23-2013, 10:46 AM

السلام عليكم ورحمه الله وبركاته

سوري ع التاخير بس كنت تعبانه واذا حسيت اني زينه رحت اسوي مشروعي >> ادري تقولون اي مشروع الحين الناس سلموا مشاريعهم وخلصو وبدو في الامتحانات ... المعلمه دقتلي وقالت مشروعي غلط ولازم اعيده قههر صح .. المهم ما علينا هذا البارت الثالث وان شاء الله يعيبكم وامم لا تنسون الردود

الــ part 3

\
\
مإ عاد باقي شي أعطيه وآعطيك ..
ما عإد باقي مني / الإ .. سكاتي !
حآولت أكون أكبر من الحق وارضيك

لكن " رضاك " أصعب من محاولاتي...♪♡
\
\

" جدام مدرسه العنود "
حمدان يالس في السيارة يتريا العنود وشما,, العنود وشما يمشن صوب السيارة

شما: لاا خلاص,, مابا

العنود: اييه,, لا تمين كل مرة راي
شما: اخاف,, لاخلاص بيي
العنود: اففف,, الحين انا اذا حبيت وقالي تعالي جي بسوي ><"
شما: ما عليه بنشووف
العنود: انا محد يسكن قلبي بسرعه
شما: يعني ما شفتي احد مني مناك !
العنود تذكرت منصور وتمت سرحانه فيه
شما: وااضح,, محد سكن قلبج .. [غمزتلها]
العنود: لا محد... "فخاطرها": ان شاء الله ما حبيته
وصلن العنود وشما عند حمدان,, حمدان اول ما شاف شما تم متيبس ما عرف شو يسوي,, بس تم يطالعها
يت العنود تبا تفتح الباب بس كان مقفول
العنود "تصارخ": حمدان,, ايييه
حمدان: وصممخ,, شو؟
العنود: حلف انته بس,, بطل الباب
فتح حمدان البيبان,, وسيدة نزل من السيارة
كانت شما توها تبا تفتح الباب,, بس حمدان سبقها وفتحه,, شما تم اطالع وهو يطالعها
شما "فخاطرها": هذا انت! اخخخ يا حمدان,, اشتقتلك واايد,, ههه صرت اجمل من قبل
حمدان "فخاطره": هذي شما! لا يمكن العنود تجذب علي,, لا هذي شما اعرفها,, ههه ما اصدق اخيرا شفتج,, اشتقتلج ,, شموه احببج
العنود: ايييه,, عنتر وعبله متى بتركبون,, ابا ارد البيت يوعانه,, لا حقين ع الرومنسيه
شما استوعبت انها كانت اطالع حمدان,, حست بفشله وركبت السيارة,, حمدان سكر الباب ولف عند باب العنود وفتحه,, ضربها ع راسها
حمدان: لقافه,, انتي شو يخصج؟,, بنشوف يوم تحبين شو بتسويين
العنود: افف,, شفيكم عليه كلكم تبون تشوفوني شو بسوي يوم بحب,,
شما: هههه
حمدان "ابتسم": فديت اللي يضحكون,, [غمزلها]
شما استحت ونزلت راسها,,
العنود: امره,, مرة وحده استسلمتي ورفعتي العلم الابيض
حمدان عصب من العنود,,
حمدان "راص ع ضروسه": عنود,, تبين تسمعين شي
العنود: هييه,, شو ؟
عطاها فونه وسماعات: مسكي,, حطي السماعات ع ذنييج وطولي,, ابا اسمع الصوت يطلع
العنود: ليش انزيين ؟!
حمدان: انتي سمعي الكلام وحطيهن,,
حطت العنود السماعات وتمت ادور غنيه حلوه
حمدان: ما اسمع شيء
حطت العنود غنيه بسرعه عشان تمشيه,, وطولت ع اخر شي,,
العنود "تصارخ": تسمع الحيين
حمدان: وصممخ,, مط السماعات وصرخ فذنها
حمدان "يصارخ": ترا نحن عدالج
العنود تمت ماسه ذنها: والعثرة,, يعور
حمدان: احسسن,, يلا حطي السماعات
العنود: اففف,, حطتهن وتمت تسمع اغاني وكانت مطوله ع اخر شي عشان حمدان
شما طول الفتره منزله راسها بس تسمعهم وتضحك,, حمدان شافها بس خلاها عشان ما تحس انها عند واحد غريب وتسكت ..

ــــــــــــــــــــــــــــــ

" بيت بو عبد العزيز "
ام عبد العزيز يالسه في الصاله عند حرمه ولدها نورة وتلاعب ولدها سيف

سيف: متى بنروح عند حمدان؟
ام عبد العزيز: ليش؟ شو تباه؟
سيف: ابا العلب عنده,, انتوا ما تعرفون
ام عبد العزيز: يا مسود الويه
نورة:ههه,, ما عليه خالتي وديه
ام عبد العزيز: يمكن اليوم اروح وباخذه عندي
صح ما عرفتكم ع نورة ^^"

ــــــــــــــــــــــــ

بو نورة: ريال والنعم فيه,, واللي ينطلب منه يسويه حتى لو ما كانت ظروفه تسمح,, يحب يساعد الغير,, بس ما يرضى بالغلط ..
ام نورة: حرمه طيبه وع نياتها ما تحب احد يغلط عليها او ع احد غالي عندها ..
نورة: عمرها 23 سنه,, حنطاويه قصيرة شوي,, جسمها مناسب ع طولها,, شعرها مايل للون البني,, عيونها سود وصغار,, هي وحيدة امها وابوها,, واممم هي بعد طيوبه وع نياتها ..

ـــــــــــــــــــــ

دخلت سارة معصبه وسكرت الباب بقو,, سوت طاف لامها ونورة وسيدة راحت فوق,, وسكرت باب غرفتها بقو

ام عبد العزيز: شفيها هذي,, اللهم سكنهم في مساكنهم
نورة: اكيد شي صاير في المدرسه خلاها تعصب
ام عبد العزيز: يمكن,, مدري
نورة: انا بروح اشوفها
ام عبد العزيز: لا لا خليها,, تلقينها تصيح وبعدين بتنزل ولا جنه شيء صاير

ــــــــــــــــــــ

" غرفة سارة "
سارة منسدحه ع كرفايتها,, وتصيح من الخاطر,, كانت تشاهق وهي تصيح ودموعها ينزل بسرعه ..

سارة " فخاطرها ": ليش تسوي فيني جي !؟ ,, ليش تبا تعذبني ؟!,, كل يوم اوعي واقول بيعدل اسلوبه,, بس انت تم مثل ما انت,, تنقمني وتكلمني وانت مالك نفس,, وكل ما تشوفني تلف عني,, حتى السلام ما تسلم,, ادافع عنك جدام امي وابوي,, وما ارضى لك بالغلط,, بس انت في المقابل تحب احد غيري وتفضله علي,, حمدان انا اباك لي انا بس,, ليش تحب تعذبني ؟!,, حمدان انا احبك وما ابا احد ياخذك مني,, اعشقكك

قامت ومسحت دموعها وطلعت دفتر صغير تكتب فيه اللي فخاطره,, فتحته وطلعت صورة حمدان ومسكتها بقو ..
سارة " فخاطرها ": اخخخ بس لو تدري فيني وبعذابي,, احبك وبظل احبك,, مستحيل اخلي بنت الشوارع تاخذك مني,, بخليها تندم ع اليوم اللي فكرت فيه انها تحبك,, انا احبك حمدان,, وبخليك تحبني وتربع ورايه وتلحقني وين ما اروح,, حطت الصورة ع قلبها: انت مكانك هنيه ..

ـــــــــــــــــــــــــــــــــــــ

" نرد قبل كم ساعه... في سيارة حمدان "
العنود حاطه السماعات وتسمع اغاني بس مقصره عسب تسمع شو يقولون,, شما يالسه وساكته ما تسوي شي,, حمدان يسوق السيارة وكل شوي يحط عينه ع المرايه عشان يشوف شما ..

حمدان: اففف,, ملييت
شما رفعت راسها وطالعته بعدين نزلت راسها,, حست ان الكلام موجه لها
حمدان: رمسي قولي شي,, من شفتج ما سمعت صوتج
شما: شو تباني اقول يعني !
حمدان: اي شي,, اممم مثلا قولي احبك
شما: ههه,, ليش دوم هذي الكلمه
حمدان: لاني ولا مرة سمعتج تقولينها
شما: ولا مره !
حمدان: مره بس,, وكانت بالغلط
شما: من قال انها بالغلط
حمدان: اعرف انها بالغلط
شما: ليش مش متاكد من شعوري تجاهك
حمدان: لا
شما تمت اطالعه مستغربه,, ما توقعت يقول جي
حمدان: ههههه,, شفيج محد يسولف عندج انتي
شما "ابتسمت": لا عادي
حمدان: ههه,, اممم تذكرين اول يوم التقينا فيه ؟
شما: هههه,, مستحيل انساه,, اذكر انك ما كنت تبلعني
حمدان: ههههه,, ولا انتي كنتي تبلعيني

ـــــــــــــــــــ

" قبل 10 سنوات,, يعني يوم كانت اعمارهم 8 سنوات "
كان خالد ياي بيت بو فيصل ويايب اخته شما عنده لان محد في البيت ..
محمد: العنود,, خلي شما تلعب عندج
العنود: ليش؟ خلها تلعب عندكم
محمد: نحن اولاد,, لعبي عندها
العنود: انزيين,, بس اذا شافنا حمدان بقول انت قلت

حمدان في ذاك الوقت ما كان يحب البنات اللهم العنود لانها اخته,, وما كان اجتماعي وما يلعب الا عند العنود,, ويضارب اي حد يلعب عندها ويهزبها,, حتى عيال عمه ما كانوا يلعبون عندها لانهم كانوا يتروعون منه ..

مسكت العنود شما وراحت تلعب عندها,, في هذي اللحظه كان حمدان يدور العنود,, ويوم شافها تلعب عند حد غيره عصب واللي خلاه يعصب اكثر انها بنت ..

حمدان: كم مره قلتلج لا تلعبين عند حد ثاني
العنود: محمد قال العب عندها
حمدان: اييه انتي,, يلا روحي
شما: انت روح,, الاولاد يلعبون عند الاولاد,, والبنات عند البنات
حمدان: انزين هذي ولد,, يلا روحي
شما: لا مش ولد,, فيها شعر ما تشوف
حمدان: لا ما اشوف
مسكت شما شعر العنود وقربته من عيون حمدان
شما: الحين تشوف
حمدان: والعوق,, عيوني اباهن
شما: اوه عورتك ع عيونك,, تستاهل
حمدان: اييه,, بصفعج تراني
شما: يلا تعال
حمدان: عنود تعالي
مسكتها شما من ايدها ومطتها وراحت عنه,, حمدان تم واقف معصب,, راح عند محمد
حمدان: محمد,, اييه اكلمك انا
محمد: شو ؟
حمدان: شل هالبنت,, ماباها
محمد: شو بييك يعني,, روح لعب عندها
حمدان "عصب": لعب عندها انت,, هذي بنت
سمعتهم ام فيصل ويت
ام فيصل: شفيكم تصارخون
حمدان: محمد يايب بنت البيت وخلها تلعب عند العنود
محمد: شو بييك يعني لو لعبت عندها,, روح لعب عند حد ثاني
حمدان عصب وراح يضاربه
ام فيصل: حمدان بس خلاص,, محمد شل البنت وودها عند بنات عمك
محمد: شو بييه يعني لو لعب عندها
ام فيصل: ما عليه تحيده ما يداني البنات
راح محمد وودا شما عند بنات عمه,, وحمدان راح عند العنود وتم يلعب عندها
[كانت شما كل ما تيي بيت بو فيصل,, تروح تلعب عند العنود عشان تقهر حمدان لانها ما كانت ادانيه,, وهو مرات يروح يخبر اخوها خالد او محمد,, ومرات اذا ما طاعت تروح يضاربها]

ــــــــــــــــــــــــــــــ

" جدام بيت بو خالد "
حمدان والعنود وشما في السيارة,, شما مسكت شنطتها وفتحت باب السيارة ..
حمدان: شما
لفت شما صوب حمدان
نزل حمدان من السيارة ولف الصوب الثاني وطلع باقه ورود وصندوق حجمه جي متوسط,, الباقة كانت فيها ورود حمر كبار وكان حاط حلاوى مرسي فيها بس بطريقة حلوه,, اما الصندوق كان لونه وردي ومعدلنه بطريقه حلوه,, مسك الصندوق وعطاها ايها,, شما تمت اطالعه ..
شما: حقي !
حمدان: لا حقي,, حق من عيل,, كل عام وانتي بخير شمامه
شما: شمامه عاد
حمدان: ههه,, اوك خلاص كل عام وانتي بخير يا قلبي
شما "استحت وصار ويهها احمر": وانت بخير
حمدان: انزين قولي احبك
شما: ما اقدر,, يلا اركب السيارة اخاف خالد يشوفك
حمدان: يالله,, دوم شي,, راح يبا يركب السيارة
شما: حمدان
حمدان لف صوبها,, توقعها بتقول احبك
شما: امسك هالورقة
حمدان "وهو محبط": ورقة !
شما: ههه,, زطي
راحت شما ودخلت البيت,, وحمدان كان ماسك الورقة ويطالعها,, يت صوبه سياره مسرعه,, حمدان تم واقف مكانه,, لف صوب السياره " هذي السياره مب غريبه عليه " السياره كل ما كانت تتجدم كانت تسرع اكثر,, العنود طلعت من السياره ..
العنود: حمداان

في البارت الياي

.......: حمدان,, سياره,, حمدآآآآن
...: حمدان! اي مستشفى ؟
....: كل هذا بسبتي,, ما كان هذا بيصير بس انا ...."وبدا يصيح"
... "معصب": ليش كنتي راكبه عنده,, "دق ايده ع الباب وصارخ" شو كنتي تسوين ؟
...: شما ما فيها شي,, بس ايدها انكسرت
...: اذا كنت بتلوم حد لومني انا,, هي ما الها خص
...: عيل ليش عطيتها هذاك البوكس ؟
...: محمد,, تعال اباك فسالفه
...: انت تحب بنت ؟

بانتظار الردود
__DEFINE_LIKE_SHARE__

هاجر البلوشي · 03-23-2013, 03:46 PM

علاقة شما و حمدان كلللها غلط ف غغلط
يععني ترمسسه فون آلصرآححه ججد يعني غلط هالشي
آممما محمد عيبتني شخصيتته سوآلف

و مشكورة لا تبطين ف البارت الياي __DEFINE_LIKE_SHARE__

بسمه وفا · 03-23-2013, 04:22 PM

المشاركة الأصلية كتبت بواسطة هاجر البلوشي

علاقة شما و حمدان كلللها غلط ف غغلط
يععني ترمسسه فون آلصرآححه ججد يعني غلط هالشي
آممما محمد عيبتني شخصيتته سوآلف
و مشكورة لا تبطين ف البارت الياي

يب يبب علاقة حمدان وشما غلط بس هذا الوضع االحيين,,
مشكوره "هاجر البلوشي" ع المرور الطييب .. ومشكورة ع التفاعل ^^

لا تقطعين

__DEFINE_LIKE_SHARE__

بسمه وفا · 07-01-2013, 01:06 PM

هلا ..
اول شيء ابا اعتذر لاني قطعت فجاءة

شسمه غيبت المنتدى خخخ
لان في منتدى نفس اسمه بس الاستيال غير
المهم بعد شوي بنرل البارات اللين السادس ومن اخلص السابع بنزله

والسموحة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ﻣﺗﻋﻮ̃ډ ¸ ﭑﻣﺷيّ ﺑثقـہّ ۈ ﭑډڕَيّ ۈڕَﭑيّ ﭑلفّ {ﻋﯾڼ}..~	ŀДmô0Ņỷ fë 7฿қ	مدونات ويوميات الاعضاء Blog	1091	08-27-2015 01:04 AM
مـآ آ آ هۈ ۈ ۈ بڪَڤۈ ۈ ۈ آڷۈ ۈ ۈ قٿـ . . ح ب ڪَ [ يمَحييييييــہ ] !	» Ѯ η ą d	عدسة الاعضاء , كاميرا الاعضاء	19	06-23-2010 01:36 PM
ۈڤآة مۈآطنه حڒقآً عڷى يڍ زۈؤۈچهآ	ريم الشمالي	المواضيع المكرره	1	11-01-2009 05:14 PM
~{آخــآڤ آرمش مـטּ عيـۈنـﮯ ۈآپعــثر جيـﮧ ۈصآلــڪ..~	A7la brensisa	ملحقات وأحتياجات التصميم	37	10-21-2009 06:00 PM
ۈڤآة مۈآطنه حڒقآً عڷى يڍ زۈؤۈچهآ	difsha	اخبار محلية و عالمية	32	10-19-2009 03:54 PM