|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
هذي اول مشاركه لي اتمنى تحوز على رضاكم وهالسالفه صارت لبوي ايام العرب بدو يقصها علينا دايم وليتكم تسمعونها منه والله ماتنمل جعل عمره طويل ابوي وهوصغير كان يرعى الغنم غنم ابوه وعمانه كانت توصل الى 300 او 400 راس وعشانه اصغر اخوانه كان هو اللي يسرح بها يقول وعيت الغنم وانا راسي عند راس العنز يعني من صغره وهويرعاها المهم يقول ابوي وبحكيها على لسانه يقول مره يومني جذع (عمره17-16)هالحدود كانوااهلي شديد مشملين وهم على مواتر دوج يشيلون البيوت والنسوان يقول ابوي قالو لي اسبقنا عشان ممشا الغنم يقول ابوي وامشي مع اغنمي ولااعرف الخوف الامن شيين الذيب والداب والاغيره منيب اخاف من شي يقول وانااشدعلى حميري واحط زهابي واممشي ثلاث ايام وانا بالبر لحالي مغير معي هالغنم موثنتني يقول واجي للدهناء الا والقى مكان مابه اثر اوادم وبه ربيييع طيب يقول واستغرب ان مافيه ماطى احد ولا اثر للناس لاضو ولاجره ولاشي يقول قلت الليله ابيت هنيا واخلي الغنم تعشي ويوم جاالمغيرب ناعاد الاتغيب الشمس يقول اركز مخيالي واربطحمارتي تكرمون وانزل عزباي وازين لي غوري حليب وقرص يقول يوم غابت الشمس الا والله اسمع صوت شاه يقول ابوي واناغنمي معزا وهالصوت صوت شاتن نجديه يقول الصوت من شرق وغنمي قبله متعشيه ومربضه يقول اتسمع اتسمع قلت يمكن شاه ضايعه والاحولي عرب المهم اشوي الاتحول صوت الشاه صخيل معزا وللحين ابوي يقول اظن انهم مراح عرب وهذا حلالهم لان ذلحين الوقت حول العشاء يقول ابوي اشوي ويروح الصوت الا صوت دبيك خيل ويقول اتشوف واتشوف ولاشفت حصان قال ابوي يمكنه بعيد والهواءجاب صوته للحين يطمن نفسه ولاطراله طاري اشوي يقول عندي شمعتن عوده يقول احفر تحتها برقد في قاعتها يوم انسدحت الاذرير التراب على وجه ابوي قال ابوي بسم الله الرحمن الرحيم لاتتعب نفسك منيب خايف لامتك ولا من غيرك انقلع مني هناك يقول ابوي الاصوت لهيث كلب على راسي كنه ورا الشمعه يقول وانااقوم واسمي واهلل واتشوف ولاشفت شي يقول ابوي قمرا تعاين ظلك بالارض يقول ابوي واذن عشان كان بالارض بلا يروح يقول ابوي الاصوت الكلب يلهث قال ابوي حجلان يقول والله اني اسمع صفيق اذانه يهز راسه بسم الله الرحمن قال ابوي امحق ليل مطوله ويغير مكانه من عند ذالشمعه يقول ابوي الا الغنم يوم هجت ومركزتن اذانه يقول ابوي احسب جانا ذيب يقول ابوي واهج مع الغنم واجي وسطها كانه ذيب لانه ياكل اللي يبيه من الغنم وانااسلم بعمري لامعه سلاح ولاشي يقول وتركض الغنم لييين طلعنا من الارض المربعه مشت مساااافه يقول ابوي واهمل الحمار وعزبتي واناخايف لايجي الحمار ذيب همن اهلك من التعب يقول ابوي واطيح من التعب وارقد وسط الغنم ولاحسيت الاوقت طلعت الضو يقول وارجع لحماري لاهوفاتن وخايف يقول وافكه من الوباط واخذ عزبتي وامشي انا وغنمي الا يقابلنا شايب قال وين ممساك ويشر ابوي على المكان اللي جله الجني فيه قال الشايب كيف ممساك فيه قال ابوي ابد ازين مكان قال الشايب ماصدقت ماطلع عليك شي والا اونست شي ضحك ابوي قال وشدراك قال هذا المكان الفلاني سجيت الحين من اسمه هذا جنه يطلع بالنهار ماتشوف الخد طيبه والبدو مايجونهالان البدويعرفونها ويتجنبونها وابوي عشانه صغير ماعرف المكان وهذي السالفه وزانت علومكم اتمنى تنال اعجابكم اذا اعجبتكم فيه قصص لابوي واجد بحط هنا __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أنا والجني نويران | محروم.كوم | منتدى أخبار المواقع والمنتديات العربية والأجنبية | 0 | 10-30-2012 06:00 AM |
طلب الفزعه يا اهل الكرم والجود | محروم.كوم | منتدى أخبار المواقع والمنتديات العربية والأجنبية | 0 | 04-29-2012 03:00 AM |
جيتكم يا أهل الكرم والجود ........... ابو كليب | محروم.كوم | منتدى أخبار المواقع والمنتديات العربية والأجنبية | 0 | 08-17-2009 10:30 AM |
المحشش والجني | اجمل انسانه | نكت , سوالف للشباب والبنات | 14 | 04-10-2009 10:44 AM |
قصه حزت فخاطريه (( استاذ هذا ابوي هذا ابوي....)) | كنت احبك | قصص و روايات | 14 | 03-19-2009 11:55 AM |