أنا والجني نويران

محروم.كوم · #1 10-30-2012, 06:00 AM

السلام عليكم ورحمة الله وبركاتة

صبحكم بالخير
بذكر لكم اليوم قصتي مع الجن يكفينا واياكم شرهم

في احد ايام الصيف اجتمعنا عند صديق لنا

في البر وكان خوينا هذا راعي حلال يعني عنده غنم علي شويه معزه

والله يجزاه خير كان داق له عرزاله خشب عن الهوام والعقارب

لانه كان نازل بأرض ينقالها الصبيه عندنا بالكويت وهذي معروفه

اول بكثره هوامها وعقاربها بس لحين قلت مو مثل اول كثر عليها

الدوس وكثرت مخيماتها

وبليله مهو كل الربع جايين انا وراعي الجاخور ومعانا خوي ثالث والبنغالي الراعي

جالسين فوق العرزاله ونتسامر ونسولف

شفت لي ضوء تقل سراج

قلت لخوي هذا جارك مولع سراجه

رد علي الراعي قال مني مافي جاخور يعني مافي جيران لهم

قلت بس سراج تشوفه

قال ايي اشوفه وردها علي بس مني مافي نفر نازل

لان بالصيف ولافي مخيمات واهل الحلال الي حولهم قليل

قلت شلون مافي احد وهذا سراجه

قال لي مادري

شكيت بالامر قلت للربع بروح اشوفه

وركبت السياره وطلعت علي اتجاه السراج بنص الطريق اختفي الضوء

ورجعت للعرزاله من نزلت من السياره ولا خوي يقول ها وشطلع

قلت له اختفي قبل ما اوصل له

رد علي وين اختفي هذا هو للحين نشوفه

قلت له دق علي بالنقال ) الجوال ( وصف لي يمكن انا ضيعت

ولا رحت من صوبه

وطلعت مره ثانيه ويمين ويسار ورح قدام بعد شوي

ولا خوي يقول هذا انت عنده

قلت بس ما اشوف شي

يقولي تراه يمينك وانت واقف جنبه

وحلفت له اني ماشوف شي

رجعت للعرزاله

قلت له امش وياي عشان تصدق اني ماشفت شي

وخل خوينا الثالث يوصف لنا بالنقال لو ضيعنا مكان السراج

طلعنا بنص الطريق اختفي السراج

قلت ها شفت صدقت انه السراج يطفي لو قربت عنده

وخوينا الثالث يوصف لنا قال لحين انتم عند السراج

قلت لمحمد ها تشوف شي

قال انت صادق وين راح السراج

وخوينا للحين يشوفه من العرزاله

مع كثره المناقشه ومع وين راح السراج نزلت من السياره

ادور هالجني الي من اليوم يلعب علينا

وامشي يمين ويسار اتلفت

ولا شنو اشوف

ولا هذا اللي احسبه سراج او جني نويران

طلعت ) تنكه ( صفيحه تعكس ضوء القمر علينا

لان كان القمر مكتمل بهذا اليوم

وانا احسبه جني نويران الي اسمع به الشيبان اول يطلع لهم بالبران

طلعت تنكه ياحيف

واسمحولي علي الاطاله

واتمني تكون السالفه خفيفه وظريفه علي قلوبكم

دمتم بخير __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طلب الفزعه يا اهل الكرم والجود	محروم.كوم	منتدى أخبار المواقع والمنتديات العربية والأجنبية	0	04-29-2012 03:00 AM
مابين عسير ونجران عطاءُ من الرب المنان (نشو ضخم - سيول - بروق) الثلاثاء 11/5/1433هـ	محروم.كوم	منتدى أخبار المواقع والمنتديات العربية والأجنبية	0	04-04-2012 04:50 PM
مجموعة تحري: أبها وجازان ونجران الأفضل لرؤية الهلال شهر شوال	محروم.كوم	منتدى أخبار المواقع والمنتديات العربية والأجنبية	0	08-21-2011 04:50 PM
مابين الوادي وتثليث ونجران : أليست جبال القهر قعسا مكانها *وأكناف عروى والوحاف كماهيا	محروم.كوم	منتدى أخبار المواقع والمنتديات العربية والأجنبية	0	05-27-2010 03:30 AM
المحشش والجني	اجمل انسانه	نكت , سوالف للشباب والبنات	14	04-10-2009 10:44 AM