يقولون بالصين مطازيز من الشيف علي (م.بندر)

محروم.كوم · #1 05-19-2009, 01:50 AM

الشيف علي شقيقي الصغير من الشباب المبتعثين بالصين
والصراحه حايفين مطازيز هو الشباب الي معه
اترككم مع تفصيل الطبخه
بصراحة من زمان وأنا نفسي اسوي مطازيز كل الأغراض متوفرة والمطازيز جايبها من السعودية جاهزة وش حليلها صغيرة , ولله الحمد الطعم لا يوصف أبد .... الي مهب مصدق يدق على عبيد الله هههههههههههه

المقادير لشخصين :

1- نصف كيلو لحم
2- خضار : بصل - طماطم - ثوم ( كوسة - قرع - لوبيا - جزر ) الي بين قوسين تقدر تستبدلها بأي نوع من الخضار , على فكرة الكوسة كلها كبيرة ماشفت صغير ابدا , اما اللوبيا الحبة نصف متر يعني اربع حبات تكفيك .
3- معجون طماطم
4- بهارات منوعة ( واضحة بالصورة )

الطريقة :

قبل ما أسوي المطازيز لفيت على الأنترنت وأخذت فكرة وطلعت بهالطريقة ,حمست اللحم والبصل والثوم (الثوم - الهيل - الدارسين - ورق الغار , لازم استخدمها مع اللحم عشان يعطي ريحة ونكهة , خبركم لحم الصين ) والطماطم مع بعض لفترة 5 دقائق تقريبا ثم أضفت البهارات كاملة والصلصة مع لترين ماء تقريبا , ثم أضفت كامل الخضار مع بعض على حرارة عالية , الأن يجي دور وضع أقراص المطازيز الجاهزة( تستطير أعدادها بنفسك والله يعينك على العجن والبهذلة ) عند وضع الاقراص لازم تكون الحرارة عالية جدا توضع حبة ورى حبة عشان ما تلزق مع بعض , بعد ماتنتهي خفض الحرارة وانتظر 30 - 40 دقيقة فقط بما أني مستخدم كاتم , بعدها أستمتع بالطعم وانت بالصين ودعواتكم .

الي مايضبط الطريقة تمام لا يحاسبني ترا الطباخ له دور .. هههههههه

اهم ما بالطبخة (ديو - عصير تروبيكانا )

اخليكم مع الصور براحتكم ... وبالتوفيق للجميع

الصور تتحدث عن نفسها
واعتقد ان الطريقة واضحه من الصور

يتبع يالغالين
الصبر مفتاح الفرج

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
* مطازيز على حطب بالقفره والفقع والعراجين طبخ الاولين *(موضوع مشارك)	محروم.كوم	منتدى أخبار المواقع والمنتديات العربية والأجنبية	0	03-30-2010 08:30 AM
(((( مطازيز الكايف1 مع الحمام والسمان والحم والخضار )))	محروم.كوم	منتدى أخبار المواقع والمنتديات العربية والأجنبية	0	12-26-2009 02:10 AM
(((( مطازيز الكايف1 مع الحمام والسمان والحم والخضار )))	محروم.كوم	منتدى أخبار المواقع والمنتديات العربية والأجنبية	0	12-26-2009 02:00 AM
+_+ مطازيز أهل القصيم +_+ تفضلوا حياكم	محروم.كوم	منتدى أخبار المواقع والمنتديات العربية والأجنبية	0	08-01-2009 07:10 PM