فتحت عيونها بالقو و هي طالع االسقف
عآيشه " اليوم خطوبتي ببدآ أأسس حياتي الخاصة " يلست " إن شاء الله يكون كل شي زين مع ان قلبي مقبوض ما ادري ليش "
قامت تسبحت و لبست للجامعة
.
.
.
أم أحمد : يا ويلي عليك يا وليدي عين ما صلت ع النبي
أحمد : ههههههههههه و آنتي امايه كل شي عندج عين لا تخافين حادث بسيط
مريم تدخل و تشوف ريل أحمد مجبسة وو يبهته لآفينها
مريم : بسم الله الرحمان الرحيم , شو بلاك ؟
أحمد يعقد حياته : شايفة شيطان جدامج إن شاء الله
مريم تصد صوب أمها : آمي شفيه ولدج
أم أحمد و هي تصيح : حسدوه يا بنتي عين ما صلت ع النبي
أحمد : يالله يا امي ما ستوا شي ترى أقولج خادث بسيط
مريم : سويت حادث سيااارة !!
أحمد : لا بالدراجة
مريم : لا تستهبل
أحمد : انززين صدق بالدراجة أمس كنا ف البداير
مريم : الحمد الله ع سلامتك
أحمد : الله يسلم جيلا ذلفي ع المدرسة
مريم : مالت عليك اليوم مستوية لك مؤدبة و انت حضرتك تطنز
أحمد : فارجي يلا يلا
.
.
.
حصه : صباح الخير خالوه فتحية
فتحية : صباح النور يا حبيبتي
حصه تثاوب : يلا بسير المدرسة انا
فتحية : الله هو انتي ما بتفطري الصبح و لا إيه
حصه : عقب محشي امس متروسة ما اقدر احط شي ف بطني
فتحية : هو امس انتي ما أكلتيش حاقه
حصه : لا فديتج مشكورة بتأخر خلاف
تسمع صوت هرن
حصه : ها مريم يت يلا باي
و طلع
.
.
.
منصور ينش ع صوت فونه يرن
منصور : آففف آفففففف
و قام شاف نفس الرقم إلي تصله أمس بالغلط و استغرب
منصور : آلوو ؟
........ و هي تصيح : ساعدني الله يخليك ضروري
منصور ستغرب : شو فيج ليش تصيحين
........: آسفه بس ما اعرف ل منو أتصل أختي تعبانة
منصور : انتي من بوظبي صح
........: هيه
منصور : وين انتي بالضبط
........: آنآ ف شارع ............ واقفه برع و يا بنت صغيرة عمرها حوالي العشر
منصور : زين ليش واقفة برع
........ تزيد صياحها : تعالني سرعة
منصور قام : يلا دقايق و بكون عندج
قام بسرعة و غير ثيابه و طلع
.
.
.
: يدوه ليش توعيني الصبح توها 7
يدوه : آحسن عشان تفتكين من السهر
: انزين تعرفيني برقد الظهر
يدوه : لا ما بترقدين بتتعلمن تطبخن الظهر انتي و عويشوه
بستغراب : اطبخ
يدوه : هيه فديتج ليش ما تطبخين بنات آخر زمن يوم كنت كبرج ف زماني كنت اسوي كل شي و حرمه بيت بس بنات هالزمن ما فيهن نفع
سيف يدخل : هوود
يدوه : هدآ قرب محد غريب
رفعت شيلتي إلي كانت ع جتفي و انتبه لي
سيف : السلام عليكم
آنآ و يدوه : و عليكم السلام
حب راس يدوه : شحالج الغالية
يدوه : طيبه فديتك ما تقصر و الله انك أحسن واحد و لا هذيلاك الهروم كل واحد لاهي و لا يتخبرون عن يدتهم
سيف : ما عليج يدوه خليني بس اشوفهم بهزبهم
يدوه : يالله فديتك
" الدلع ل سيف و الهزاب لنا "
سيف : يالله انا بسير عنج الحين يدوه بغيت اسلم بس
يدوه : تريق انزين
سيف : متريق فديت جيلا بسير عن خلاف بتأخر عن الدوام
يدوه : الله يحفظك
قام و حب راسها و طلع
نقهرت منه و لا كنيي موجودة قمت و لحقته قبل لا يطلع من الباب
: سيف
سيف وقف و صد صوبي
تقربت منه و جابلته
يدوه تزقرني : ييييييييييييييزاييييييييييه
: دقيقة يدوه و بي
سيف : فيج شي ؟
: آنت مضايق مني
سيف : لا ليش اضايق
: امبلا مضايق
سيف يتكتف: ليش رفعتي الشيله ع راسج يوم دخلت ما اظن أنا غريب أنا ريلج
نزلت الشيله و خليتها ع جتوفي : هاه خلاص و الله إلا جي رفعتها
سيف : و بعد انتي ما تسمعين الرمسه
: ليش شو سويت بعد ؟
سيف يرفع حاجبه : ما تدرين شو سويتي ؟
: عن حسنا صح ؟
سيف : هيه قلتلج لا ترمسينها يعني لا ترمسينها هالإنسانة بالذات ما ابيج ترمسينها
تنهدت : خلاص ما برمسها "رفعت عيوني و طالعته" في شي ثاني
سيف : يوم بقولج تسوين شي يعني تسوينه و تسمعين الرمسه
"بتسمت" : خلاص أي شي تطلبه بسويه
سيف يقرصني ع خدي : هي جي آبآج
: زين يلا عن تتأخر تحمل ع عمرك
سيف : و انتي بعد
تقرب مني و باسني ع خدي و طول فالبوسه , ما فزيت غير ع صوت يدوه
يدوه : وآبويييييييييييه عليكم
سيف بعد : ههههههههههههههههههه
يدوه : ما ترمون تصبرون لين العرس "طالعني" انتي يلا سيري حجرتج
سيف : ههههههههههههههه زين يدوه حرمتي حلالي
يدوه : عقب العرس
سيف : زين يدوه مع سلامه "صد صوبي و غمز لي ببتسامه "
يدوه : وآبوييه عليك اسميك ما فيك مستحى
سيف طلع و هو يضحك و انا كالععادة مفتشلة الحين يدوه بتمسك عليه عالسالفة آخخخ يالفضيحة
.
.
.
منصور شافها و نزل كانت متغشية طولها متوسط و ضعيفة
منصور : السلام عليكم
........: و عليكم السلام
منصور صد صوب البيت إلي ماسك إيدها كانت بنت العشر سنوات كانت جمييله و ضعيفة و شعرها ناعم يوصل ل نص ظهرها كانت خايفة وايد و ماسكة عباة أختها
منصور : آختي تعالي ركبي السيارة
ركبت هي و أختها ورى وركب منصور و حرك السيارة
منصور : وين تبين تسيرين ؟
........: ................."ما ردت عليه"
منصور : انززين اختي وين بيتكم
........: ما عندنا بيت "من صوتها يبين انها بنت صغيرة في مراهقتها"
البنت الصغيرة : عمي نحن نسكن ف بيت حرمه ابويه بس شردنا
........ عضت شفايفها : صغيرة ما تعرف شتقول
و قف عند مطعم : يلا ننزل
البنت الصغيرة : عمي انت لوين يايبنا ؟؟
منصور "صد صوبها" : المطعم عشان نتريق و امج تقولي شو سالفة
البنت الصغيرة : هاي أختي مو أمي
منصور : انزين يلا ننزل
و نزلنا و خذنا طاولة مسكرة
منصور شل البنت الصغيرة و يلسها جدامه : انتي شو اسمج ؟
سلمى : اسمي سلمى
باسها ع خدها : عاشت الأسامي
سلمى : عمي شو اسمك انته
منصور : اسمي منصور
سلمى : نفس اسم ابويه الله يرحمه "صدت صوب ختها" صح هندوه ؟
هند بصوت مبحوح : سلمى تعالي عندي
منصور : شقى بتاكلين و انتي متغشية
هند "يا ربي تساعدني" رفعت الغشوة
منصور نصدم من جمالها "كآنتت بيضآ ل درجة فضيعة وويها منور و شفايفها وردية و عيونها عسلية ورموشها كثاف و خشمها صغيرة بختصار كانت فتتنه "
منصور وخى : كلي
منصور كان ياكل و يشوف سلمى و هي تاكل ما قدر يرفع عيونه ل هند إلي كان ملاحظ ان ايدها ترتجف
هند بصوت طفولي : منصور
منصور : هلآ ؟
هند منزله عيونها : انا آسفه تعبتك و ياي
منصور يطالعها : هالرمسه لا تقولينها مره ثانية
هند رتاحت وايد و تذكرت أمس
هند : لا ترددني البيت مابا اررد
منصور : ما بردج لا تخافين
هند صاحت : مشكور
منصور صد صوب سلمى : شفيها أختج
سلمى خافت : ما اعرف شو فيها هي و عتني فليل من الرقاد و طلعنا
منصور يشوف هند : انتي يعني من فليل طالعه
هند : هيه
منصور : ليش ما تصلتي
هند : خفت ما عرفت شسوي و من فتحت فوني ما يا فبالي غير رقمك
منصور : مع انج تأخرتي بس زين تصلتي
.
.
.
سيف : شو هالرمسه ناصر وين تبى بعدك ترد لندن
ناصر : بتم اشتغل ف فرع شركتنا ف لندن هناك أحس أحسن بوايد
سيف : يالله تودر بلادنا و تسير بلاد الغرب
ناصر : فترة بتم هناك و برد
سيف : ما عرفت شي عن مزنة
ناصر : الله ياخذها و لا ابا اعرف شي عنها
سيف تنهد : إلي يريحك سوه بس امك و اختك
ناصر : سعيد موجود و اكيد ما بيقصر فيهم
سيف : إذا تشوف روحتك ل لندن بتريحك توكل ع الله
ناصر : إن شاء الله و باجر بسير
.
.
.
ف حصه العربي
مريم طالع حصه إلي فيها الرقاد و بتسمت بخبث صدت صوب طيف و تعمدت تعلي صوتها شوي : تدرين آمس آحمد أخوي سوى حادث
حصه تصد صوب مريم و بصوت عالي : شوووووووووووووه سوى حادث
مريم نصدمت : قصري حسج
الصف كله إلتفت و المس عصبت
المس "مواطنة": نعم حصه جنج مب ف درس
حصه ما هتمت لها ووقفت جدام طاولة مريوم و بخوف : شي ياه
مريم : لا بس انكسرت ريله حادث بدراجة كان بسيط
المس : حصه طلعي برع و لا تدخلين حصتي غير بولي أمرج
حصه فورا طلعت بدون ما تناقش
جواهر صدت صوب مريم و طيف : هاي أكيد تخبلت
طيف : ما توقعتها تحبه جذذيه
المس : بسسس و لا صصوت و انتتبهن
.
.
.
فتحية : آخبارك إيه يا حجه
يدوه : زين يو يتي بتونسيني شوي
فتحية : فيكي إيه معصبة ليه ؟
يدوه : هالبنات يزايه و عويش و لا وحدة تعرف تطبخ أباهن يتعلمن " قالت جي عمدا عشان فتحية تعلمهن لأنها فنانة ف الطبخ "
فتحية : و زعلانننه علشان كدده و أنا موقودة
يدوه : عاد أنتي ضيفة و هالبنات ما يتعلمن سرعة
فتحية : ده أنا هخليهم طباخات
يدوه : أدلج فتحية ما تقصرين
و انا أسمع سوالفهن و انا فالحجرة " شي حلو أتعلم أطبخ ما بخلي سيف ياكل غير من إيدي "
.
.
.
حسنآ : كرهتييه ؟
نوف تبتسم بحسرة : يليت أقدر , رغم أخطائة إلا اني كل يوم أحبه بزيادة

حسنآ : انتي سيري هالفترة بيت أبوج عشان يتأدب
نوف : أبويه بيخليني أرد و بيقولي مالج رقاد غير ف بيت ريلج
حسنآ : بعد ابوج الله يهديه
نوف : هالفترة ببعد عنه بخليه ينندم
حسنآ : ههههههههههه شكلج ناوية تمشينه ع الصراط المستقيم
نوف : بس جد حمدان يقهر
حسنآ : لو انا مكانج ذبحته و رديت بيت أبويه و بكره كرره العمى
نوف : حمدان و فطيم كل حياتي ما اتخيل ف يوم أني أفارقهم
حسنآ : الله يخليهم لج
.
.
.
منصور يشوف سلمى تغفى ف حضنه
منصور : شكلها تعبانه
هند تطالعها بخوف
منصور يحط إيده ع راسها : حرارتها مرتفعة
هند قامت : هاه حرارتها مرفعة
منصور : لا تخفين "يقوم و يشلها" بنوديها المستشفى
تغشت و طلعوآ ووداها المستشفى
.
.
.
حصه تدق ع الخصائية الباب
حصه : مس لو سمحتي عادي أكلم أخوي ف تلفون المدرسة أباه ضروري
الخصائية : تفضلي "قامت" تصلي و يوم تخلصين طلعي و صكري الباب وراج
حصه : إن شاء الله
تمسك الفون و تكتب الرقم
أحمد : ألو
حصه : آحممد
أحمد "فديت الصوت" : انتي حافظة رقمي
حصه : هيه , المهم انت بخير
أحمد : مريوم ما تروم تسد ثمها
حصه تصيح : أحمد ليش ركبت الدراجة ما فكرت بعمرك ع الأقل فكر أن في حد يحاتيك
أحمد : بس هدي لا تصيحين أنا بخير
حصه : جذاب شقى انت بخير و ريلك مكسورة
أحمد : كسر بسيط, انت من وين متصلة فيني
حصه : من تلفون المدرسة
أحمد : ما عليج دروس
حصه : المس سخيفة طردتني
أحمد عقد حياته : ما وعدتيني تهتمين ف دروسج
حصه : ما أقدر ما أحب الدراسة
أحمد : تحملي هاي آخر سنه آبآ نسبة ترفع الراس
حصه : خلاص من عيوني
أحمد : تسلم عيونج غناتي , آلحين ردي الصف و اعتذري من المس
حصه : إنزين دير بالك ع نفسك
أحمد : و آنتي بعد , حصوه ؟
حصه : هااه
أحمد بصوت خقه : آحبج
حصه تبتسم : و انا بعد أحبك
و سكرت الفون و هيه شاقة الحلج
" الله لا يححرمني مننه فددييته "
و ردت الصف و دخلت
حصه : مس آنا آسفه
المس : إلي سويتيه غلط آنا أشرح و انتي ترفعين صوتج وايد عيب
حصه : آنا آسفه بس نفعلت شوي
المس : خلاص مو مشكلة تفضلي و آتمنى هالشي ما ينعاد
حصه بتسمت : إن شاء الله
طيف تصاصر مريم : مستوية مؤدبة
حصه يلست
مريم : شو ستوي
جواهر : هي شو ستوى ؟؟
حصه : اششش خلاف بقولكن
.
.
.
منصور شاف هند قاعدة ع الكرسي ف حديقة المستشفى
يا و قعد عدالها بدون ما يصد صوبها
منصور : هي نايمه الحين و حطولها مغذي نزلت حرارتها شوي الحمد الله
هند صدت صوبه : تقدر تروح لا تخاف بندبر نفسنا
منصور يصد صوبها يت عينها ف عينه " جمالها فتنة " : شو هالرمسه أنا مب ساير "تنهد" ليش طلعتي من بيت أبوج
هند تبتسم بحسرة : مش بيت أبوي هذا بيت مرت أبوي , آبوي توفى من سنه تقريبا و انا من توفى قطعة دراستي
منصور : شو كنتي تدرسين
هند : مدرسة , أنا عمري 16
منصور عقد حياته : و ليش تقطعين دراستج
هند : مرت أبوي خيرتني أنا أدرس و لا أختي
منصور : حرام عليج دمرين حياتج بيدج
هند تدمع عينها : مو بيدي و الله , تخيل الحين
منصور يبتسم : خلج قويه و مسحي دموعج
هند : أنا ما برد عنندها لو أموت ما برد
منصور : بس عشان دراسة أختج
هند : يليت عشان جي في شي ثاني
منصور : قولي طلعي إلي ف قلبج
هند تقوله إلي صار أمس
هند : خالوووه آمنه "مرت أبوها" إنتي يتي
يدخل محمد "آخو مرت أبوها آمنه" : لا حياتي هذا انا
هند خافت : محمد سير برع بغير ثيابي و بلبس شيلتي
محمد : ها حياتي لا تخافين أختي مطرشتني أتونس و ياج
هند ترتجف و محمد ييلس حذالها
هند تقوم : أطلع برع
محمد : إذا تميتي جي ما بتشوفين أختج مره ثانية "يأشر عداله" تعالي يمي
هند : آمنه تدري

محمد : ها كله خوف من أختي حسيت طمني تدري
هند بتسمت : دام تدري بنسهر ليش لا , شو تشرب ؟
محمد : هيه جي أحسن هاتي أي شي بآرد
هند من عيوني طلعت و قفلت الباب علييه
هند : بيبان البيت قوية يعني ما بيقدر يكسره بسهولة و عيت أختي و لبست عباتي و شيلتي و خذت جوازي و جواز أختي و هوياتنا تقريبا كل هذا خذ مني 5 دقايق طلعت من البيت و انا ما شي ف بالي غير أبعد عن البيت بوآيد
منصور : حسبي الله و نعم الوكيل
هند : كان الوضع شوي يطمن يوم كان محمد مسافر رغم اني ستويت خامة ل مرت أبوي و حبيبها
منصور : معقول شي جي ناس استغفر الله بس
هند تصيح : مرت أبوي بتكون مستانسة الحين فتكت من دفع مصاريفنا
منصور : وين أهل أمج و أبوج عنج ؟
هند : آنآ ما اعرفهم ما اعرف أي حد منهم و لا مره سألوا و لا أعرف وين ساكنين أمي توفت بعد ما ولدت أختي , منصور أنا كيف بلقى شغل ؟
منصور : أي شغل بتلقينه و انتي مب مخلصة الثانوية حتى
هند : بس لازم القى شغل
منصور : لا مش لازم
هند : منصور إنت لك حياتك و أهلك و أنا أكيد بسوي لك مشاكل بينك و بين أهلك
منصور : إنتي خايفة مني صح ؟ "يبتسم" لا تخافين ما بسوي فيج شي , يلا قومي نسير عند سلمى
.
.
.