مآ يطآوعَ طبعيّ قلبيْ آلعنيْد ولآ رضىَ بآلغدر قلبيْ يُوم صدّ♪ - الصفحة 17

مـھـآغـي · 02-13-2013, 08:19 PM

نترياااج الغاليه وان شاء الله ما بنقصر وياج بالردوود الطيبة والتفاعل __DEFINE_LIKE_SHARE__

♪ Sweera Alketbi · 02-13-2013, 08:19 PM

( البارت الثالث عشر )

.

.

.

بيت طيف

حصه : ههههههههههههههه الله يخسكن بسكن من الحش

مريم : طييف وين حجرتج أبا أشوفها

طيف : آول ما تركبين الدري ع ايدج اليمين

مريم : آوكي

قامت مريم عنهن و ركبت فوق تشوف الحجرة , كآنت حجرتهآ بلون التركوازي وآيد حلو و ديكورها عصري , تدمت ع التواليت و شمت عطورتها و كل شوي تتعطر "آوووه ستغفر الله أخرتي برد ويآ الدريول شقى نسيت" طلعت من حجرة طيف و فجأه سكرت الكهربآ و سمعت صريخ جواهر , لآن جواهر ع أي شي بتصرخ , ما حست غير بأيد ع ثمها و بطنها وسحبها ل دآخل الغرفة المجابله

.

.

.

منصور

" آتصل و لآ لا , لازم اتصل ابا أعرف أخبارها , و آسمع صوتها شتقتلها حييل , كيف متحملة ما تتصل و لا تسأل عني , آخخ ي حسنآ تعبتيني "

مسك فونه و آتصل عقب 3 رنات ردت عليه

منصور : السلام عليكم

حسنآ " فدديت الصوت إلي يرد الروح" : مرحبتين

منصور : شحالج عساج طيبه

حسنآ : الحمد الله يسرك حالي , آنت شخبارك ؟

منصور : بخير الحمد الله "يتنهد" مشتاقلج

حسنآ :...................

" بعدده يححبني مب معققوله الحمد الله , قلبه ما طاوعه ينساني "

منصور : تععبت و انا احاول اشيلج من بالي بس "يبتسم بحسره" ما قدرت لأنج أحلى حب ف حياتي انتي حبيبتي و روحي

حسنآ تعض شفايفها " آخخخ ي منصور ليتني اقدر أصارك بعد انا ليتني اقدر استوي قويه و اقولك عن إلي ف قلبي و ارتاح "

منصور : آنتي وياي

حسنآ بصوت كله حنية و حب : وياك

منصور : لا ترمسيني بهالنبرة اتعذب زيادة "يطلع زفير" آنآ الحين مرتاح عقب ما صارتحتج

عقب هدوء

حسنآ : منصور

منصور : ي حلآت آسمي ع لسانج , آمري

حسنآ بتردد : لا تتصل لي مره ثانية الله يخليك , تععذبني

منصور : حاولت ما قدرت

حسنآ : بتقدر إذا غيرت رقمي ما ابي اعيد أخطائي ابا اعيش طاهره و ربي يرضى عني غلط آني آرمسك

منصور : كلامج صحيح

حسنآ : آصلن جي و لا جي آنآ و انت مستحيل نكون ل بعض و انت عارف هالشي زين فمان الله

منصور بندفاع : حسسنآ

حسنآ : هممم ؟

منصور : بشو تحسين

حسنآ : أحس باللي تحسه و فوقه ندم و حسره مب طبيعية

منصور : حسنآ نسيني عشان أنساج

حسنآ : بنساك لا تخاف و انت كمل حياتك و أنسآني جنه ما صار شي

منصور : ................

حسنآ : منصور

منصور : هلآ؟

حسنآ : آنآ ابا اختارلك عروستك , هذا آخر طلب بختارلك أحسن وحدة إلي بتحبك و تسعدك

منصور تنهد : تقدرين

حسنآ بحماس : هييييه صددقني ذوقي بيعيبك و ثق فيني

منصور : و انتي شبتسوين ف حيآتج ؟

حسنآ : لا تخخاف آنآ بكمل حياتي بكل شي يرضيني و بغير الطريج إلي مشيت و فيه و بعد طمن ما بتزوج

منصور : ليش عشاني ؟

حسنآ : لا لا تخاف مب عشانك بس ما ابا ابلي ولد الناس بوحدة مثلي

منصور يبتسم : قصدج ما بتقدرين تنسيني

حسنآ عضت شفايفها : منصور حيياتي هاذي لا تدخل فييها , و انا الحين لازم أسكر , بكون بينا اتصال ثاني بس بكون فيه اخترتلك العروس

منصور : تحملي ع نفسج

حسنآ : لا تخاف فمان الله

" بيديني ضيعتك و أستاهل , المهم اشوفك مرتاح و مستانس , آخ ي قلبي ليش ما تنسى ترتاح و تريحني"

حسنا رفعت راسها

حسنا : انتي من متى هنييه ؟!

: آنا سمعت كل شي

" وآيد حزت فيني حسنا بقول في وحدة تقدر تختار زوجة ل حبيبها كنت أشوف ف عيونها علامات الحزن و الضيق و الحسرة "

حسنآ ما قدرت تمسك عمرها و صاحت يلست عدالها و حضنتها

: بس حبيبتي هدي نفسج

حسنا و هي تصيح : حياتي وقفت عققب هالمكالمة , انا مستحيل احب غييره كيف بنساه ما كنت احبه بهالزود بس من عترفلي بحبه حسيت أنه تملكني "تشاهق" كل ما احاول انساه يعلقني فيه زود

: بس مسحي دموعج الدنيا ماشيه

حسنا عدلت يلستها و مسحت دموعها و صدت صوبي : منو أختارله شو رايج ف منيرة بنت خالي ما شاء الله أدب و خلاق و جمال

"كسرت خاطري" : بس حسنآ خلي هالشغلة عنج

حسنآ : سلمى ربيعتي بعد ما شاء الله عليها من زمان ما تواصلت و ياها الحين بعرف معلومات عنها "تصد صوبي" هالمره ما بخيب ظنه فيني بيتشكرني ع العروس إلي خترتها له

"ابا اغير الموضوع ما تحملت أسمعها و هي ترمس جي" : منو غيري يعرف ؟

حسنآ : منصور و البنات "غمضت عيونها"و سيف

: و سييف شدرآه

حسنآ : سمعني مرره

و حكتلي شصار ف ذآك اليوم

سيف : منو ها إلي تكلمينه

حسنآ توترت : ربيعتي يعني منو

سيف بعصبية : يا سلام ربيعتج بتقوليلها أحبك و دير بالك ع نفسك تخرطين ع منو انتي

حسنآ : انتم منو عشان تحاسبني

سيف : حسنوه لزمي حدودج أنا و لد عمج

حسنآ : هه أقول مالك دخل و إذا تبى قول ل أبوي عادي أجلب اسالفة عليك "بتسمت بستهزاء" أنا مب ميرة و لا مريم عشان تمشي رمستك عليه

سيف بنفس الإبتسامة : طلعلج لسان ي الفقمة أنا هالمره ما بسوي شي , بس بدور الدنيا ي حسنآ و بتنكشفين و وقتها تدرين شبيستوي

.

.

.

حمدان حب نوف ع راسها : هاه اشوف الحلو تعبان اليوم

نوف طاف و تحاول تمسك نفسها

حمدان : شفيج حبيبتي

مسك ايدها و فورا سحبتها

نوف بعصبية : لا تلمس إيدي

حمدان عقد حياته : شفيج

نوف : آمررره مالك دخل فيني آنآ من اليوم جي بتم وياك لين تطلقني

حمدان عصب : شهالرمسه اليديدة بعد

نوف : آووف خلني بحالي قامت و طلعت من الحجرة و سارت ترقد عند بنتها فطيم

حمدان " بسم الله هاي شفييها متخخبله ججذآ " قام و دش غرفة الملابس شاف كل ثيابه مالت السفر مقطعه بمقص و مفروره ضرب اليدار بيده " ششششششت معقولة عرفت "

.

.

.

مريم ميتته من الزياغ حست روحها بتطلع

فجأه

........: طييفووه أنا زاييد آخوج و يا هالويه شقى تيلسين ربيعاتج تححت بدون عبايا و لا شيل من ساعة أبا اطلع اسير الدوام تأخرت ما لقيت غير أني اسكر الكهربا عشان أطلع الحين تعالي و يايه طلعيني بأمان آنزززين ؟

خوز إيده عن ثمها و سيدة عضته

زآيد : آخخخخخ

و نفتحت الكهربا

طيف تصارخ : مريييييييييييم آنتي وييين

زايد يطالعها مننصدم : آ آ آسف آسف

مريم ترفع عيونها و طالعه : لا تطالعني

كآنت لابسة جينز و فوقه قميص بني عليه ربطة عند الخصر و لامه شعرها

زايد يوخي و يبتسم : نزلي تحت و خليهم يسوولي درب

فورا رفع عيونه لقاها مختفية من جدامه

مريم نزلت تحت

طيف : وينج انتي الكهربا حد صكرها من فوق بس فجيتها من هنيه بسم الله لا يكون انتي الهبله صكرتيها

مريم طالعها بنص عين : لا فديتج هذا اخوج سوله درب يبى ينزل

زايد 22 سنة يشتغل ف المحاسبة طويل و أسمراني و مركب تقويم يحب المصخرة بس وايد محترم و جدي و ما له ف سوالف شباب هالزمن

.

.

.

سيف يطيح ع ريول يدوه فاطمة و يغمض عيونه : تعبآن يدووه

يدوه : سلامتك من التتعب فديت روحك

دخلت عليهم : السلام عليكم

سيف و يدوه : و عليكم السلام

سيف بدون ما يفتح عيونه : وين كنتي ؟

يلست ع الغنفة الثانية : عند حسنآ

سيف فتح عيونه و يلس : لا و الله و شو تسوين عند هاي

: ما شي نسولف

سيف : مره ثانية مالج سوالف و يا هاي فاهمة و لا لا

: لا و الله آنززين ليش

يدوه : وآ بويييه يوم ريلج يقولج مالج سوالف وياها يعني ما ترمسينها , مب جدالينه

ميرة دشت : مرحبآ

يدوه : يت مسودة الويه

ميرة : آونه يدوه و الله اني ابيض عنج

يدوه : عافان الله منج "تصد صوب سيف" ختك هاي ما تستحي

سيف : أدلها يدوه ما تتأدب

ميرة : خلاص يدوه من باجر بصبح ف ويهج و بمسي ف ويهج شو رايج ها كله بس عشان ما تزعلين

يدوه : لا لا مب زعلانه ها الي قاصر اصبح و امسي فيج اسميني بعيف الدنيا هاي

: هههههههههههههههههههههههه

ميرة : يدوه عآد ضحكتيها علييه

يدوه : ما عليج منها إلا بدله شراتج عيت و انا اسنعها بس البقرة بقرة

ميرة : هههههههههههههههههه صصدقج "تصد صوبي" البقر بقرة هههههههههههه

"صديت صوب سيف" : قول شي

سيف حاط ريل ع ريل و ما سك تلفونه : يوم بتسمعين رمست ريلج ذيج الساعة برد إن شاء الله "يرن تلفونه"

سيف : آلو هلآ حمدآن

حمدآن : آنت ف البيت ؟

سيف : هيه بغيت شي ؟

حمدآن : طلع لي ف الإستراحة برع برمسك ف موضوع

سيف : ما عليه دقايق و ياينك

و سكر عننه و قام حب راس يدوه

سيف : بسير انا عند حمدان تامرين بشي يدوه ؟

يدوه : لا سلامتك الغالي

ميرة صدت صوبي : قومي نسير الحجرة بخبرج شي

يدوه : رمسي هنيه ما فيها شي

ميرة : اسمييج ي يدوه ملقوفة انا أقول مريموه طالعة ع منو

يدوه : آسميج ما فيج مذهب قومن سيرن مالت عليكن و على سوالفكن

قمنآ أنا و ميروه و نحن فاطسات من الضحك و سرنا الحجرة

: هاه حكيلي شكله عندج سوالف وايد

.

.

.

طيف : ههههههههههههههههههههههههههه الحين آسمييييه زيييود آحول

مريم : بس لا تضحكن مب منكن من الهبله إلي تقولكن السالفة

جواهر : اننزين شو سوى عقب ما فتحت الكهربا

مريم : ما ششي ما سوآ شي بس طالعني , آففف يا الفشله

تممن يضحكن علييها

مريم : استغفر الله و كنت متعطره بعد , كله منننج طييفوه جان قصيتي عليه اونه مداوم أخويه

طيف : هههههههههههههههههههه شدراني فيه قالي بيداوم العصر فديته زييود محترم ما بغى ينزل عليكن و انتن بدون عبايا و شيل سكر الكهربا اسميه ذكي

مريم : الحين شو بيقول عنني عضيته ع إيده

حصه : آخخخ بطني عورني من الضحك بعد عضيتيه حرام عليج

.

.

.

سيف : و انت شو مودنك عند هايلاك ما تكفيك حرمتك

حمدان حاط إيدينه ع راسه و موخي : مب وقت تعاتبني ادري علطان بس شسوي شسوي !!

سيف : حسبي الله و نعم الوكيل ما تخاف من عذاب ربك

حمدان : سسيف بسس انا نددمان و خلاص

سيف : انزين قالت لك شي ؟

حمدان : لا يليتها قالت بس تمت ساكته ما قالت ما عاتبت

سيف : شكلها ناوية ترد ل بيت أهلها

حمدان : حتى لو تبى ترد و تطلق حسبالك أبوها و خوانها بخلونها ع مزاجها مشددين وايد و ها إلي مطمني و مخليني مرتاح

.

.

.

: آسميج داهية

ميرة تبتسم : أعيبج لو لا روضة جان لين الحين ما رتحت

: آفآ ما توقعت مزون جيي

ميرة : هشان تصدقين و تعرفين ان إحساسي ما يطلع غلط

: حرام عليج يمكن تابت

ميرة : كانت لازم تقوله عن ماضيها قبل لا تاخذه و تبلاه فييها

: و انتي لين الحين تفكرين ف ناصر شرات قبل

ميرة : لا مب شرات قبل

بتسم : هي جي اباج

ميرة تشق الحلج : لأن اباه أكصر عن قبل

عقدت حياتي : يلا يلا فارجي فارجي يوم بتسنعين تعاليني

ميرة تقوم : أصلن انا مروحه ورايه دوم باجر

" حسبي الله عليج يا ميروه , حرام حليلها مزنة يمكن كانت مخططة تقوله ف وقت , بس متى تعقل هالبنت "

.

.

.

اليوم الثاني

أم حمدان : هلا بالغالييية هلا بفتحية

فتحية : آهلن فيكي يا أم حمدان

أم حمدان : آخبارج الغالية قربي داخل فديتج

فتحية تدخل : كويسه الحمد الله

يدخلن الصالة

أم حمدان : آفا يا فتحية سنتين و انتي لا حس و لا خبر قطعتي علينا

فتحية : آيوه ي حبيبتي أصل كنت في الشرقة عند أم فواز , و إن شاء الله انا هفضل عندك الأسبوع ده

أم حمدان " و الخيييييبة " تبتسم : يحححيج زييين أصلن آنآ بوني مب مخلتنج تروحين عنآ

فتحية : ما تخافيش يا حبيبتي مش رايحة

فتحية 44 سنة مصرية ربيعة أم حمدان و ف كل سنة تي و تيلس عندهم سبوع و لا سبوعين و ترد تروح شغلتها الأساسية الحش ف الأوادم و الأكل

.

.

.

طيف تدخل البيت رادة من المدرسة

طيف : آخخخ من هالثانوية بطلعلي الشعر الأبيض

زايد : و انتي دوم تقولين لي هالرمسه ما مليتي

طيف تيلس عداله : شسوي أخويه لازم اتشكى لك , متى رديت من الدوام ؟

زايد : من نص ساعة , هي صح أبويه تصل من شوي يسلم عليج

طيف : الله يسلمه "تذكرت سالفة أمس" هههههههههههههههههههههههههههههههههههههههههههههههههه

زايد : بسم الله عافان الله من هالويه شياج

طيف : تذكرتك أمس أنت و مريييوم

زايد يبتسم : أسمها مريم

طيف تضربة بالخفيف ع جتفه : و انت شلك فييها

زايد قام : ما عندج سالفة أبرك لي أخذ غفوة و يا هالويه

طيف : انزين سير سير الله يحفظك " و ترد تكمل ضحك"

.

.

.

حمدان يبوس فطيم ع راسها : حبيبه البابا , شو سويتي اليوم ف الروضة ؟

فطيم : ما ثي بث المث نازعتني

حمدان : لا و الله عكيفها المس تنازعج

فطيم : عصبت منها

حمدان : و ليش ان شاء الله نازعتج ؟

فطيم : ضربت بنت ف الروضة

نوف : هئئئئئئئ عيب ليش تضربينها باجر بتيب أمها و بتنازعج

حمدان : ليش ضربيتيها

فطيم : تعرف قالتلي أنها أحلى مني تخثي "تخسي" (و بدلع) أنا أحلى وحدة فالروضة

حمدان : عيل تستاهل الضرب هاي , إذا يابت لج أمها أنتي قوليلها بتيبين أبوج

فطيم تبتسم : آوكي

نوف : حمدان ليش جي قلتلها ها بدال لا تنصحها تقولها جي

فطيم : بابا لا تثمع رمسه ماما انا الحين بثير الون

حمدان يبوسها ع خدها : سيري حبيبتي

فطيم روحت

حمدان صد صوب نوف : نوف آنآ

نوف قاطعته : انت مالك شغل فيني انا قاعدة وياك عشان بنتي و عشان أني مجبورة مب عشان أي شي ثاني

حمدان : احبج

نوف قامت و طالعته بكبرياء : هالكلمة ما عادت تأثر فيني

بشوف هالدرب وش له يوديك

ياللي بديت الظلم مالك نجاتي

نهر الوفا إلي كان بالأمس يسقيك

عنك قطعته يا مدمر حياتي

.

.

.

" من زمان ما رمست الوالدة خ أدق عليها أكيد بتكون زعلانة "

منصور : آلو هلا أمي

.......: نعم نعم

منصور "آخخخ آكيد غلطت ف الرقمم " : آسف آختي مغلط

.......: آونه مغغلط جب جب دوم أرقام غريبة تتصل و الله آنكم ما تستحون

منصور : عوذ بالله كليتيني مغلط كنت أبا أتصل للوالدة

.......: ليش ما تحفظ رقم أمك ف تلفونك

منصور : أنا حافظنه و كاتبنة بس يمكن لخبطت ف كمن رقم آسف حقج علي

.......: آسمميها حجتك ف لسانك

منصور : انتي ليش تجذبيني

.......: طبعا لأنك جذاب

منصور : الله يعينج ع نفسج و الله

.......: ها ها أشوفك تغلط لسانك بقصة اسميك قليل ادب و راعي بنات تف ع أشكالك "صكرت الفون ف ويهه"

منصور : هههههههههههههههههههههههههههههههههههههههههههه "عوذ بالله هبله الحمد الله و الشكر "

.

.

.

عواش : آفففف بآجر بيخطبوني رسمي من أخويه راشد

بتسم : ششي حلو

عواش تبتسم : تتوقعين بيكون زين ويآي

: إن شاء الله انتي ليش مب متفائلة

عواش : خلاص بتفائل "تاخذ نفس" بيكون زين بيعاملني زين و بنعيش حياة حلوة

: ههههههههههههههههههههههههههههههههههه , اسميج خبله عافان الله

عواش : خالتج انا

: مسوية فييها أنج أكبر مني بعشرين سنة ترى الفرق سنتين بس

عواش تحيس بوزها : انززين ولو

.

.

.

حصة تنزل الصالة طالعت جسم فتحية "بسم الله شو عندنا"

فتحية شافتها : بننننتتتي حصصه "ققامت و لآوتتتها و باستها ع خدها" يا حبيبتي بصصي أنا مشتاقة إلك أوي أصل ما شاء الله تبارك الرحمان كبرتي و صرتي عروسه الله يحفضك إن شاء الله

حصه تبتسم غصب : هلا خالووه فتحية

فتحية : يسلم بؤك تعالي عودي قنبي

فتحية يلست حصه عدالها

فتحية : مرت أخوك ديه البنت نوف فيها إيه شيفاها مش على بعضها أصل انا استغربت منها

حصه " آكيد شافتج حليلها" : ما ادلها و الله شو فيها

فتحية : انا حاسه ان أخوكي مزعلها

حصه : لا لا حمدان يحب مرته ما يزعلها شيلي هالوسواس من راسج

فتحية : ضعفانة يا حبيبتي ليه كده , اصل البنت المربربه قميييله اوي كولي يا بنتي ما تبأيش كده

حصه : آممممم شوفي خالوه فتحية جان بتسويلي محشي باكل

فتحية : إن شاء الله هتتعشي اليوم محشي من إيديه

.

.

. __DEFINE_LIKE_SHARE__

مـھـآغـي · 02-13-2013, 08:45 PM

باارت قصيير بس احسن من لا شيئ
المهم حسناا شوو مينونه تضيع حبها بهالسهوووله ومنصووور ابد ماا عااارض شوو جيي بعد
دوااه حمدااانوه دام هاذي سواالفه

فتحيه خط احمر حبيييتها تسوي محشي 😍 ههههه بس شكلها بتسوي مشااكل وقيل وقال من هالكلام __DEFINE_LIKE_SHARE__

3shgana · 02-13-2013, 09:21 PM

ههههههههههه يسلمو ع البارت
احس زايد بياخذ مريوم هههههه والله الموقف عجييييب فنتك ههههههه

و حمدان حرام عليه و نوف عجبتني هههههه يالقو خخخخ
و و و بس مب مركزه شي ههههههههه احسس هههههههه
و لا تبطين حبوبه و يسلموو وايد __DEFINE_LIKE_SHARE__

forza alain · 02-13-2013, 10:35 PM

روووووووووعه اااااارت __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ حــآولت فيْ قلبيْ وأنــآ أقول بنسـآك . .~	الهاجسة	اناشيد وصوتيات ومحاظرات ومقاطع دينيه وصوتيات ويوتويب اسلامي,	9	06-10-2012 07:33 AM
[ أزياء ] قُآل لِيْ [ كَآ‘إْشخَه ] وٍشْ عِنْدكْ . !؟فِ [ قلبيْ ] قلت لعيوٍنك	غلا البحرين	الأناقة والجمال والموضه والطفل	6	05-31-2011 03:47 AM
يآلليْ بنظرٍِه حبيتكٍِ آررفقْ بـ قلبيْ ..~{ Mms }~	مسقطاوية وافتخر	هواتف , مسجات , وسائط , برامج , ثيمات , نغمات , بلوتوث	20	09-05-2008 09:33 PM
+_+تضحَ ـْكَ عَلىْ قلبيْ وٍأنـآ أقُـْولَ مَ ـسكــينَ+_+	..كلي دلع..	هواتف , مسجات , وسائط , برامج , ثيمات , نغمات , بلوتوث	14	04-09-2008 09:08 AM
+_+تضحَ ـْكَ عَلىْ قلبيْ وٍأنـآ أقُـْولَ مَ ـسكــينَ+_+	س™	هواتف , مسجات , وسائط , برامج , ثيمات , نغمات , بلوتوث	20	03-29-2008 08:44 PM