|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
مشرفينا الأفاضل أخواني. أخواتي. زوارنا حياكم الله سالفه من سوالف كبارنا الغاليين كان فيه رجال اخوه متوفي وترك بنت وحيده بالمهاد، وتولى العم تربيتها وتنشئتها مثلها مثل عياله وبناته .. العم عنده ولدين والاثنين اكبر سن من البنت ،ويوم صارت شابه وصى العم زوجته تعلمها انه خاطبها للولد الكبير .. البنت ضاق صدرها وقالت : لأ، سئلوها ليه وماليه؟؟ قالت: ولدكم فيه عذروب والعذروب هذا انا ما اقدر اقوله إلا بشرط ان يجي اخوه وعمي ويقعدون بالمجلس وانا من الدريشه اقول وش العذروب اللي اشوفه وما اقدر اعرس عليه .. الولد والام والعم ضاقت صدورهم !وياولد وش فيه ؟ يقول :ابد ماخبرت ان فيني شي ، قال العم طيب علمين لحالي تقول ابد لين يجي اخوه .. المشكله ان اخوه مسافر ولا اهنا رجعه إلا عقب شهر ويمكن أزود.. رفضت البنت ومالهم إلا يصبرون ويوم جا الولد من السفر وعقب ما استراح من الطريق قال الابو لولده سالفة بنت عمه وعلى الشرط اللي حطت عشان يعرفون السبب.. ومن بكره وعقب صلاة الظهر اجتمعو العيال وابوهم بالمجلس والبنت وقفت عند دريشه بالحوش تطل على المجلس وهذا ايام البيوت الطين.. قالت :اول شي اوعدني ياعم انك توافق على طلبي ويعلم الله اني ما ابي اعصاك او اطلع من شورك .. وعدها العم وتكلمت: قالت خلهم يوقفون جمب بعض وناظرهم وش تشوف ؟؟ قال العم :ما اشوف شي غير عيالي .. قالت لا فيه انا أشوف قال وشي: قالت أنا أشوف بهدوء الصغير اطباع ابوي وانت ياعم اللي دايم تقول ،واشوف بوجهه شبه لأبوي وانت ياعم اللي تقول،وهو اللي يجمع أجار حلالي ويعرف كل صادر ووارد فيه وانت ياعم اللي اوكلته ،والكبير ماله أي صله لا بكبيره ولا بصغيره تخصن، وهذا هو عذروب الكبير،، أطباع اخوه الصغير اللي اشوف فيه كثير من أوصاف ابوي اللي سمعت عنه وما شفته، وانت ياعم قربته لي اكثر من الكبير يصير وشلون اعرس عليه !! على ما قالو ابرده الله بالعافيه لا صار هذا العذروب اللي تشوفه.. وزوجه العم للولد الصغير .. تحياتي اختكم ..قوافي.. |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة:ضب ابو عزيز..قوافي | محروم.كوم | منتدى أخبار المواقع والمنتديات العربية والأجنبية | 0 | 11-26-2012 08:50 PM |
سالفة:الــــشــــاهــــد..قوافي | محروم.كوم | منتدى أخبار المواقع والمنتديات العربية والأجنبية | 0 | 09-13-2012 02:50 AM |
سالفة:رسب ثمن سقط..قوافي | محروم.كوم | منتدى أخبار المواقع والمنتديات العربية والأجنبية | 0 | 07-07-2012 01:20 AM |
سالفة: ولد العم..قوافي | محروم.كوم | منتدى أخبار المواقع والمنتديات العربية والأجنبية | 0 | 03-31-2012 11:40 PM |
سالفة:طين جدي.قوافي | محروم.كوم | منتدى أخبار المواقع والمنتديات العربية والأجنبية | 0 | 10-11-2011 08:30 PM |