سالفة:غوزي نملاوي..قوافي

محروم.كوم · #1 12-23-2012, 12:40 AM

مشرفينا الكرام
اخواني .اخواتي.زوار خيمتنا
السلام عليكم ورحمة الله وبركاته

السفر يقولون له فوايد ومن ضمن الفوايد انك تستكشف مواهبك المدفونه وتعرف انك عبقري بس المكان لا يسمح بأظهار عبقريتك..

بشهر من شهور الربيع بامريكا كنا مستأجرين شاليه حول بحيره لصيد الاسماك وياسبحان الله على هذه الهوايه او المهنه تعلمك وش معنى الصبر يعني موب تشقق ثيابك من الغلقه:f:l ،،لا،، لازم تتعلم تصير اطرم واصقه وتوقف ثابت من غير ولا حركه وطويل البال ..يقولون:r ..

معنا رفيقه امريكيه توقف بالساعات بوسط البحيره يعني تمشي بالماء الين يصير خلاص بتغرق همن توقف وتجدع سنارة صيد السمك وخلاص تصير اشبه ماله بحرباء ولاااااا حركه

ولا صوت وتقول ان السمك يحس ويسمع ايه هين ..

وتصيد اللي وزنه 1كيلو واللي 2 واللي اربع المهم عجبتني وقلت لازم اصيد وانا بموت من الخوف لا ياكل رجليني كات فش سمك نهري مدري بحري ،،غير مدري وش اللي يسبح ببحيرتهم شين ما اعرفه..

وقفت مدري تحنطت بسط الماء احتري واحتري واحتري الين تحركت سنارتي ويااااااا فرحتي اخيراً تحققت الاماني والصيد صار بري وبحري ويوم طلعت سمكتي حسيت اني اتصفق

وش هالقعس اللي انا صايده ولينه سمكه الله العالم توه طالعه من الروضه بالضبط طوله 12سم تفشل ومادري هاك الساعه ابلعها ولا اغبيها ولا اجدعها من الفشيله(السمك المصيود يعلقونه بسلسله فيها مشابك ويترك بالماء عشان يبتل طازج ولين قضو حطوه بسطل خاص لصيد السمك ) ..

عاد ابي اغطي الكارثه واقول لرفيقتي انا بعلقها بالسلسله اللي لي وبأطبخها وتشوفين طعمها وش لون ،،وانا اقول يارب يصير شي وتنسى سمكتي وقعدنا هي تصيد كبار وانا اصيد اقزام البحيره ويوم قضينا ونبي نمشي اطلعت الامريكيه السمك اللي هي صايده ولين ما شاء الله يكفن عرس ويم اطلعت دخيخلاتي هن ثلاث لاغير ولا وحده منهن مأكوله مافيه إلا عظامته وآلباقي مدري وين راح ولقط ياملقط الفشايل والضحك على الصيد اللي بسوي فيه غوزي سمك...

تحياتي

اختكم

..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:رسب ثمن سقط..قوافي	محروم.كوم	منتدى أخبار المواقع والمنتديات العربية والأجنبية	0	07-07-2012 01:20 AM
سالفة:تيس الأصدقاء..قوافي	محروم.كوم	منتدى أخبار المواقع والمنتديات العربية والأجنبية	0	03-16-2012 03:20 AM
سالفة:كلو حنينيي..قوافي	محروم.كوم	منتدى أخبار المواقع والمنتديات العربية والأجنبية	0	12-10-2011 04:10 AM
سالفة:حطب الوالد..قوافي	محروم.كوم	منتدى أخبار المواقع والمنتديات العربية والأجنبية	0	12-03-2011 08:20 PM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM