سالفة:رعب ومفزع..قوافي

محروم.كوم · #1 11-14-2012, 05:01 AM

السلام عليكم ورحمة الله وبركاته

مشرفينا،،أخواني،،أخواتي،،زوارنا

صبحكم / مساكم الله بكل خير

كنا بطلعه من طلعاتنا للبر مخيمين مجتمعين مبسوطين يارب لك الحمد..

بيوم كنا حول المغرب مرت علينا غنم نجد واجد كبار وصغار ومواليد منظرهم بصراحه جميل ومهيب مثل ما يقولون

سهرنا هاك الليله حول :f لين نص الليل تقريباً همن قلنا نكمل بخيمة الاجتماعات والقرارات اللي هي خيمة مجلس خاصه للحريم..

هدوء والبزارين كلهم نايمين وما نسمع إلا اصواتنا،، وشوي ما درينا إلا صوت غريب اول مره بحياتي اسمعه واللي معي كذالك ..

بدت العيون تلاقط وكل وحده تقول للثانيه هذا أنتي ترد الثانيه لا لين مر السوءال علينا كلنا ..

ومابين كل 10 دقايق نسمع الصوت ثاني وبدت حالت

الخوف

وكل وحده طارت آذانه وبدت تسمي على عياله اللي يسمع يقول جاينا ضبع ..

المهم قلنا مالنا إلا نعلم الرجال وشلون ما وشلون اتفقنا نروح كلنا او بعضنا ونصوت لهم من بعيد يسمعون:l

ردت وحده قالت لا ولاااااااا تروحون وان جا راعي هالصوت حنا ندري وشي

المشكله قريبين بس من الذراقه صارت المسافه كيلو:good:

قلت خلاص معي مفتاح سيارة اخوي وابوي وهن قدام الخيمه ابضرب لهم بوري يجون بس لازم وحده تناظر لا يجي شي قالو خلاص ..

طلعت ومعي المفتاح وما امدان إلا وطفى الماطور عشان تكمل السالفه..

وصلت لباب السياره وتوي بفتح إلا وطوطت السياره

طاط طاط طاط طاط طاط

واللمبات ولعت وانا اللي اجيك طايره على الخيمه واول ما تركت اللي جبته معي تجسرن من الخوف انصمت أذاني وانعمت عيوني وركض بلا انا ديهم بلا خرابيط..

وتفزعو البزران اللي نيمين من الصوت وجا اخوي يركض

اثري فتحت بمفتاح سيارة ابوي

وكانت الفشيله العظمى

قال :

من اللي يبي يفتح السياره هذا موب مفتاحه ،، وناظر لين الوجيه والعيون تقل لمبات زينون نورة الخيمه من الصفار اللي جانا من شد الخوف

طفى السياره وسأل وش بكم قلنا له فيه صوت وخفنا

اخذ الكشاف وراح حول الخيمه وأثر وحده من الغنم كانت خلاص تبي تالد

وما كملت مع الغنم وقعدت حولنا وجابت لنا أثنين صبيان الساعه 3 من الليل

وسميناهم رعب ومفزع..

تحياتي

اختكم

..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:فراق أبو علي..قوافي	محروم.كوم	منتدى أخبار المواقع والمنتديات العربية والأجنبية	0	07-31-2012 12:10 AM
سالفة:رسب ثمن سقط..قوافي	محروم.كوم	منتدى أخبار المواقع والمنتديات العربية والأجنبية	0	07-07-2012 01:20 AM
سالفة:عرس ليمونه..قوافي	محروم.كوم	منتدى أخبار المواقع والمنتديات العربية والأجنبية	0	05-20-2012 12:10 PM
سالفة:ضبع الحديقه..قوافي	محروم.كوم	منتدى أخبار المواقع والمنتديات العربية والأجنبية	0	12-12-2011 10:30 PM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM