| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
|
#1
09-29-2012, 02:16 AM
| |||
| |||
 الرواية وايد عيبتني حبيت انقلها لكم ^^ - - - - آول شي آحب آرحب بجميع الاعضآء والزوآر اللي دآخلين واللي بجوفون هالروآيهه اليوم آو بآجر او بعد شهور آو سنين .. هآي آول قصهه لي آنزلهآ طبعآ ف المنتدى كنت آكتبهآ بالدفتر ، اشكر تشجيع ربيعآتي ومسآعدتهم لي واشكر كل من بيحمسني على تكملتهآ .. ولو مآجفت متآبعه جيدهه ولآ حمآس على الروآيهه يمكن مآكملهآ ونسكر الموضوع  ، و اللي حآب ينقل الروآيهه يخبرني قبلهآ ومآينقلها الا بآسسمي .. آبي حمآآسسس بالقو & ملآحظهه اتقبل اي تعليق اي شي حوآل الروآيهه ولا بزعل واتمنى انتقاداتكم تكون من قلب مآتكون مجآملهه . . والسموؤحهه عآد طوؤلت وآيد . . ~ ثوآني وبنزل الشخصيآت مع البآرت الاول منقول رد الكاتبة ^^ __DEFINE_LIKE_SHARE__
 مدونتي ] ..~ آه من قلبٍ غدى حبه جنوني ] ..~  |
|
09-29-2012, 02:17 AM
| رقم المشاركة : [ 2 ] | |
| مشرفة  |  الشخصيات : ( في رآس الخيمه ) عآئلة آم فآرس / ام فآرس طبعآ طيؤنه وحنونه على عيآلهآ ولا تهزبهم وريلها نفس الشي - فآرس : البجر عمرهـ 21 ثآلث سنه جآمعه ، هآدى ومتفهم ويموت على شي اسمه يهآلو . . - سلآمه : 17 سنه ثآلث ثآنوي علمي نفس طببع اخوؤها هآديه وكتومه وعندها أخوهآ هو آقرب واحد لهآ في هذي الدنيـآ . . - فوآغي : 14 سنه صف تآسع شيطآنه وخبله وهمها الهبل والمقآلب مع ربيعآتهآ وآدمآن مسن . . - شمآ : عمرهآ 3 سنين - حمد : آخر العنقوؤد عمرهـ سنه وشوي . . عآئلة آم زآيد ،/ آم زآيد : شديده شوي مع عيآلهآ ووآيد متمسكة بالعآدآت والتقآليد و آقرب وحده لهآ هي آم فآرس ، ريلهآ انسان متدين ويخاف ربه حنون على عيآله وآيد . . - زآيد : بجر امه واعز آصدقاءه فروس . . عمره 21 مع فروس في نفس الجآمعه آطباعه انه عصبي ويحب حركآت المغآزل . . - ريم : 17 سنه ثآنويه عآمه هآديه وخجوله منطوية على نفسهآ وآيد تحب تقعد ويآ سلآمه أخت فروس وهي اقرب انسآنه لهآ لآنهآ تحس بالرآحه معاها . . - مهآ : 14 سنه في صف فوآغي ونفس صفآتهآ وكل يوم مشكله بالسكول هي ويا فوآغي .. - أحمد : 19 سنه انسان لعآب ومغآزلتي كل سهرآته برع مع ربعه مب مسوي سآلفه لاهله + انه بطآلي . . << من غير وظيفة - عفره : 4 سنين . . · للعلم آم فآرس + آم زآيد خوآت . . الشخصيات : ( في العين ) عآئله آم مآيد . . أم مآيد : ، كآن يتيمة وخذهآ أبو مايد يوم كانت صغيره وآيد هي مب كبيره في السن عمرهآ 35 سنه ريلهآ ميت وبجرها هؤ مآيد وهي تشتغل في مدرسة تدرس e ( انجليزي ) .. - مآيد : عمره 19 سنه من خلص المدرسه مآكمل جآمعه سيده اشتغل في الشرطة عسب يسآعد آمه من بعد موت آبوه [ رآعي سوآلف ويا اهله ومايزعل منهم مول ويسوي آي شي يبؤنه ] - عليـآ : 15 سنه آول ثانوي بنت دحيحه من الخآطر متفوقه في درآستهآ وكله تشآرك بالالومبيات وآيد متآثره بموؤت ابوؤها وكل وقتها في الدرآسه عسب مآ تفكر في ابوها واستوت انطوآئيه بعد تآثير موت اغلى نآسهآ عليهآ . . - عواش : 12 سنه صف سآبع خريشه ما تحسب تشوف حد متضايج كل حيآتهآ ضحك ومصخره ومستوآهآ في المدرسه امشيه حآلهآ فيه . . - فطوم : 12 سنه صف سآبع هي توآم عوآش ونفس صفآت عواش . . عآئلة آم سيف آم سيف : طيوبه تحب عيآلهآ لكن تخآف من ريلها عليهم لانه خمآري آبو سيف : خمآري مآيهمه عيآله ولا حرمته وبطآلي . . - سيف : البجر عمره 26 يصرف على البيت هو مهندس ومآسس له شركة صغيره ومآلج على وحدهه . - سهيل : 20 سنه شعآره بالحيآه ( الحياه حلؤه والمستقبل ضآيع ههه ) - حمدان : 19 سنه - نهيآن: 17 سنه ودآيم على لسآنه شعآره ( خشوني لا تنسوني ) - شيخه : 15 سنه في كلآس علآيه آخت ميوود عآئلة بو رآشد << ربع عآئله يوم بو مآيد رآشد : 18 سنه ، هو البجر ودآيمآ يغطي على منصور وذيآب على كثر اللي مايسونه من مشآكل ، يحبهم وآيد ويتمنى امه تيب له بنت صغيرؤنه . . - منصور : 12 سنه - ذيآب 13 سنه لكن اللي يجوف منصور وذياب يقول انهم توآم تفكيرهم وآحد ودآيمآ مع بعض والتفكير الاجرآمي وآحد نيآهآهآ . . عآئلة بو نآصر . . << ف رآس الخيمه مريوم : 23 سنه تشتغل في الاتصالات ، فكره الزواد ابدا مخوزتنها من بآلهآ ناصر : 18 سنه يعشق شي اسمه لاب توب / مآيحب يطلع مع ربعه روضه : 16 سنه . . تعشق المسلسلات الكوريه واليابانيه . مهره : 7 سنوآت تموت في التصوير وتصور كل صغيره وكبيره عآئلة آم خليفة . . هزآع : ثآني سنه روضه كي جي 1 الهنوف : 16 سنه في المعهد التكنولوجي هي ثآني ثآنوي تحب اليهالو وآيد العنؤد : 24 سنه متزوجه من وآحد برع العآيله من ربيع آخؤها وعندهآ بنت اسمهآ اليآزيه خليفه : 22 سنه آخر سنه جآمعه كشيخ يحب المغآزل ويآ ربعه دؤم بالموؤل وشكله بيبي فيس هآع . . آلبآرت الاول . . ( يوم الاحد ، الصبح ) في العين تبدآ الاحدآث و بصوت الاسعاف تنتهي المكآلمه . . كل آهل البيت غآيبين من الدوآمآت . . بدآيه المكآلمه : عليـآ : ألو ، هلآ ابوؤيه ؟ ابؤهآ : آهلين ، اشحالج !! عليـآ : بخير وانت ي الغآلي ؟ ابؤها : بخير الحمدالله ، بغيتي شي ؟ عليـآ : لا سلآمتك ي الغآلي بس حبيت آطمن عليك ابؤها : لآ تحآتين الغآليه آنآ بخير يلآ آنآ الحين بسكر مشغول شوي عليـآ : خلاص أوكيه آخليك [ ربي يحفظك ] وقبل لا تبند السمآعه تسمع . . طآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآخخ . . عليـآ تيود على قلبهآ وتنادي ابؤها / ابؤيه كلمني ابويه الله يخليك خبرني شهالصوت ؟ وينك ليش ماترد ابؤيه صآر لك شي ؟ ونزلت عليـآ تحت وهي تصيح و تنآدي آمهآ ، امهآ يآت تركض وهي خيفآنه : بلآج علآيه شفييج ؟ علآيه وهي تصيح تقول لآمهآ اللي صآر بالتفصيل . . الام ارتبكت بس ف النهآيه اتصلت لـ مآيد ،، وخبرته ب اللي صآر ورآح مآيد لموقع الحآدث وقآلوله آنههم نقلوه للمستشفى ورآح مآيد المستشفى وبعد سآعات طويله من التعب والخوف طلع الدكتور وقآل ل مآيد . . آنت شو تقرب له ؟ مآيد : هذآ الوآلد ، دخيلك طمني هؤ بخير عسـآ الاصآبه خفيفه !!! الدكتور : آنـآ آسف بس ابؤك عطآكم عمره ، البقيه ف حياتكم ، اسف واسترخص عندي حالات ثآنيه . . ميؤد منهآآآآآآآآآآر . . الآم خآفت لانه وآيد طول ودقت له مآرد ومآيد كل مآيشوف رقم امه ينؤح آكثر . . وصل البيت وكآنت عليـآ قاعده في الحديقه على الكرآسي تتريـآ ميود اي واول مايا ركضت صوب الباب ووترجى ميوؤد يخبرها شو مستوي ميود وكانه منتهي يقول لهآ باعصاب بآرده آبؤوج رآحح ابوج مات خلاص وخلااها ورآآح وهي نزلت دموعهآ على ابوها ضنآهآ اللي تحبه ، وركضت فوق غرفتهآ وقفلت على عمرهآ الباب آمهآ جآفتهآ ورآحت صوب مآيد وخبرهآ . . : ( بععد 3 آيآم من الحزن والتعب انتهى العزى على خير وحآله عآيله بو مآيد اببد مآتسر الحآل وعلآيه مآ طلعت من غرفتها وآيد لان صدق زعلآنه من فرآق ابؤها لانها كانت آقرب وحده له . . الحين بعد فرآقه حآسه بفرآغغ كبير في حيآتهآ نطلع من جو الحزن والغم / / ومن جهه ثآنيه صوب آهل رآكك . . فوآغي : آلو فروووووس وينك تعآل امي وآيد تععبآنه ؟ فآرس : شو آحلفي شو بلآهآ / خلاص بندي يلا انا يآي . . طوط طوط طوط وسكر فروس الخط في ويههآ آول مآوصل البيت فآرس جآف آمه قآعده تتقوي ويا الحريم وعصب من حركه فوآغي وهو متآكد آنهآ ملآنه وتبـآ تطلع من البيت وعنآدآ فيهآ روح ولا سوآلهآ سآلفه وفوآغي مأتعرف ان فآرس يآ البيت وروح ردت دقت له فوآغي : فروس انت غبي اقولك آمي تعبآنه تعآل لهدرجه مشغول عنهآ وهي جنتك ونآرك ؟ فروس : لا تفآلين على آمج آنآ توي يآي البيت وجفتها برع مع الحريم فوآغي : فروس حبيبي تعآل والله ملآنه الحقني ابا اظهر تعآآآآآآآآآآآآآآآل فروس : عن الحشره يلآ ببند أنأ وياي الشباب يلآ باي .. ورقع الخط ف ويههآ فوآغي : يآ كلب آنآ آرآويك لو آمي يايبه لي واحد آحسن عنك جآن ابرك بس ماعليه بتندم على اللي سويته فيني نيآهآهآهآ ركضت وتمت تصيح وتمثل لآمهآ حركه فارس اللي سوالهآ اياها وعقب قالت لآمهآ آنهآ بتروح عند مهآ وبتشل وياها شمآمي بس آمهآ قالت لازم سلآمه تروح ويآهم ، ، ركضت عآد فوآغي وسوت فلمهآ وقعدت تترجى سلآمه عسب تروح معآهم وسلآمه وآفقت ولبست عبآتها وتغشت وطلعت ، دخلو بيت ريم ( ترى بيتهم فيس تو فيس بس بينهم شآرع ) وكآن آحمد طآلع من البيت سلامه دخلت وهو يسلم على فوآغي بس فوآغي ما سوت له سآلفه وقالت له قبل لا تدخل "يوم بتكون مثل الريآيل ومثل هالنآس سآعتهآ بسلم عليك يآ ولد خآلتي " وروحت وهو مشى شوي جدام وهو مصدوم حز ف خاطره وآيد وآيد من كلآم فوآغي ودخلت فوآغي وسوت آزعآج وقآم زيود وقتها من الرقآآآآآآآآآد عصصب شوي على هالحشره اللي مسوينهآ . . لانه مآتهنى ف رقآده عقب طلع عسب يجوف مصدر الحشره وآنصدم بنآس وآيد عقب دقق من بعيد شآف آنهآ سلآمه وخوآتهآ وروح عنهم وتسبح وكشخ وسلم عليهم وسال عن فآرس وقالهم لو يبغو شي طبعآ مهوي طبعآ تبـآ حلآوه وتهمس فوآغي لـ سلامه /: هالاخو مب الثور اللي ععندي انا بالبيت وتضحك وتفسها سلامه فصها سكتتها عقب طلع عنهم زآيد . . وتموآ يسولفو البنآت للساعه 6 المغرب ورجعوآ لـ بيتهم / استآنسو لقعدتهم ويا البنآت بس آحمد اللي كآن يفكر بكلآم فوآغي ولا فوآغي مآ فتكرت فييه ولا اهتمت للي قآلته لاحمد . . × × × × × × × × × × × × × × × × × × × × × × ×× × × × × × من صوب ثآني في عآيله بو سيف . . سهيل : توه دآخل البيت ( السلآم عليكم ورحمه الله وبركآته ) نهيآن + شيخه : وعليكم السلآم ورحمه الله وبركاته سهيل : شحآلكم ؟ نهيآن + شيخه : منيحين بنشكر الله ومن صوبك ؟ سهيل : منيح شيخه : اقول سهيل أنت فآضي ؟ سهيل : هههه لا مليآن مآبوديج مكآن لا تحآولي . . شيخه : ونهيآن ؟ نهيآن : خير على وين تبغي بعد ؟ شيخه : هني بيت جيرآننآ آم مآيد ؟ نهيآن : أوكيك 5 دقآيق وكوني جآهزه شيخه : اوكيك تريآني . . بعد 5 دقآيق شيخه نآزلة السيآره / / . . نهيآن : في ضروره آنزل ؟ شيخه : هي تعآل وعطني فونك / وعطآهآ نهيآن الفون ودقت على بيت علآيه ورد مآيد شيخه : آلو مآيد : مرحب شيخه : لو سمحت آبي عليـآ . . !! مآيد : ويت دقآيق ، ونآدى عليـآ ويآت ترد على التلفون عليـآ : آلوو شيخه : تعآلي انا برع عليـآ : أوكيك بآي . . و طلعت عليـآ ل شيخه وفجآه تشوف وآحد اللي هؤ نهيآن وطبعآ نهيآن منصدوم وفآتح عيؤنآته ويطآلع عليـآ عقب شيخه ضربته على كتفه وقالت له خلاص مشكور يلا توكل ، استحى نهيآنو ونزل عيؤنه وقآل فمان الله وروح . . .. نهيآن ف السيآره ومطول على الآغآني وفكره ف البنيه اللي جآفهآ اللي هب ربيعه شوآخ " علآيه " بس عليـآ مآكآنت تفكر ف نهيآن اببد لان ابؤها ميت وهي مشتآقه له حححيل كان هذآ تفكيرها بس ، وشوي يقطع حبل افكآره رنه التلفون ، يرد نهيآن وهو يتآفف نهيآن : خير بلآك آنت جي آزعآج ؟ سهيل : شيخه يآبوك تبـآ تروح وانا مشغول ! نهيآن : وهي ليش مادقت لي ؟ ولا مآحآفظتنه بس حآفظه رقمك يعني ؟ سهيل : لا تعرفه المهم روح لهآ وآنآ بخليها تطلع برع اوكيه سكر عنه سهيل ونهيآن طب شيخه لآنهآ مآدقت له وقآل شغلها بالبيت وشوي تلفونه يرن ، ورد طلعت شيخه تقوله اي يآخذها هو مآعلق ولا قآل شي لانه بنفس الوقت استآنس آنه يمكن ولو آمل صغير آنه يشوف ربيعه شيخه . . بس ظههرت شيخه وعليـآ مآطلعت وروحوآ × × × × × × × × × × × × × × × × × × × × × × × × × × × × × × من جهه ثآنيه صوب آهل رآكك . . * آم فآرس قآعده مع آم زآيد وشوي ولآول مره تنزل سلآمه عند خآلتهآ وايد استانست خآلتها وقعدوا شوي يسولفو . . × × × × × × × × × × × × × × × × × × × × × × × × × × × × × × وآقين من جهه ثآنيه صوب آهل العين . . وبالححديد ف عآيله آم سيف . . آم سيف قآعده بآلصآله بروحهآ وملآنه ومحد وياها وشوي يدخل عليهآ ريلها الخمآرى وهو شآرب على الاخر وهي خآفت وقآمت وآقفه وهو يقول كلآم يجرحهآ يقول لهآ آن هو خذآهآ بسبب آهله وآنهآ وحده تآفهه وآنسآنه عديمه آحساس وهي سكتت عنه وصعدت فوق غرفتها . . دخل سهيل ونهيآن وسيف وآول مآجآفو ابوهم سآلوه عن آمهم / قالهم فوق وكلهم رآحوآ مآعآدآ نهيآن تم وابوه قعد وقآل نهيآن بعصبيه وشوي برود .. آشحآلك الوآلد !! قآل له ابوه وهو مآيحس باي شي حوله بسبب المشروب / ؟ : انت شو لك فيني انتم نو اصلن ؟ وليش في بيتي وفوق هآ قآعد بععد !! نهيآن بعصبيه قآم وعطى ابوه كفف قوي على ويهه عسب يقوم من الغفله اللي هو فيهآ بسبب اللي يآخذه ويشربه وقآله نهيآن . . نهيآن بعصبيه بحيث كل البيت نزل من صريخه ونهيآن بعصبيه تآمه ودوم مآيحس بشو قآعد يقول : آنت شو من البشر قوم من اللي انت فيه آنت حتى مآتعرف عيآلك وتقولي انا منو وليش دآخل بيتكك آنآ !! آنـآ ابويه ولدك نهيآن آنت اللي عديم آحساس تتحسب ماسمعت كلآمك اللي قلته لآمي آنـى كنت وآقف عند الباب ابا آدخل وسمعتك تزآعق عليهآ وسهيل وسيف كآنو بعدهم مآنزلوآ من السيآره خبرني انت شو من البشر . . وهو مآسك ابؤه من ثيآبه . . نهيآن لابؤه : شوف عيآلك سيف الحين بيعرس وشوف سهيل خلاص بآقي له كم سنه وبيتخرج . . وآنآ آخر سنه كل هآ مآهمكك . . سيف بعصبيه : نهيآن هد آبوك احسن لك . . / وتم يهزبه على هالحركه اللي سوآهآ ف ابوه نهيآن وهو معصب : آنآ لآ تتآملوآ آرجع البيت وآطآلع سيف وبنظره جآده نهيآن يرمس سيف ويقول له بحزم وبنظرآت جآده : هذآ اللي دآفعت عنه ونزل دموع آمي خله ينفعك ويعوضك بغيآبي وبتشوفون بععآد وطططططلع نهيآن من البيت وهو معصب ومتضايج والدمعه في عيؤنه بس حآول يكتمهآ ويخفيهآ كآن يمشي بسسرعه عسب يطلع من البيت ،/ وبجهه ثآنيه عليـآ جآفته لآنهآ كانت مبطله دريشتها وتطآلع بس مآقعدت تطآلعه وآيد وروحت عنهه . . __DEFINE_LIKE_SHARE__ | |
| ||
| |
|
09-29-2012, 02:18 AM
| رقم المشاركة : [ 3 ] | |
| مشرفة | البآرت الثآني . . نهيآن طلع من بيتهم معصب ومنهآر ويفكر ف آمه و آخوآنه وده يرجع لكن كرآمته اعلى من جي بوآيد . . يسوق وهؤ مايدري وين يروؤح وماعنده ليسن .. رآح اقرب فندق وحجز له لمده 3 آيـآم دخل الفندق و خلص حجوزاته ودخل البيت ، . . همسهـ ( ترى سهيل مسوي له بطآقه ويحط له رصيد فيهآ وجي وسيف بعد يطرش لهم ) دخل الشقه نهيآن وهو منهد حيله سيد حط رآسه بالفرآش ونآم . . اما بجهه عليـآ مسكت الدفتر وتكتب اللي ف خاطرها لابوها وجدآمهآ صوره ابوهآ مآسكتنها وهي تنوووح بصوت خآآفت عسب محد يسمعها ، وتمسك الصوره وترمس ابوها وتحكي له عن كل يوم مضا وهو ماموجود فيه .. فجآه ينفتح الباب بشويش وسيده تخش الدفتر والصوره وتمسح دمؤوعهآ بس ميود لاحظ عليهآ و تم وآقف على الباب . . ميود : ممكن ادخل ؟ علآيه : هي اكيد تفضل ميود : شفيج ليش تصيحين ؟ علآيه : ههه مافيني شي بسم الله عليني تغار مني ميود يحس بشي قاعد علي يقوم ويشل اللحاف ويجوف صوره ابوه والدفتر تم سآكت علآيه : اووه هذول من متى هني يبهم بفرهم ف السده ميود مآرمس : سحب عليـآ لحظنه وتم يهديها ويقولها عن احساسها وان هو حاس فيها ومقدرنها وواعتذر عن الليله اللي قالها عن موت اغلى نآسهآ بببرود تآم علآيه يوم سمعت ميود يرمس بهالطريقه حست انه بعد حد عايش معاها وناااحت وتشهق في صدر ميود بهدوء وهو يهديها لين مآنآمت ميود غطاها ويقول ف خاطره ( شوفيني انا يمنآج لعنبو دنيـآ تذلج وانا حي ) : اوعدج آحآفظ هالعايله مثل ما ابوي حافظ عليهآ وبحاول قد مآقدر اني اسعدكم يا آهلي وعزوتي ××××××××××××××××××××××××××××××××××× آم سيف منهآره تصيح وتضرب ابو سيف وتقوله وهي تععبانه من الوضع اللي عايشه فيه آم سيف : والله يآ بو سيف لو ولدي مارجع لي ماتلوم الا نفسك لهني وبس بو سيف : ههه روحي زين مـنآآآآآآآآآآآآآآآكك سيف عصب : مآعليه يابوي اهدى اتركك عنك هالخياس مب زين والله ياخوفي يهدون الملجه والعرس ولا يزوجوني لبنتهم وانت السبب بو سيف : انت منو قآلك انك بتتزوج ههه تعال وياي بعلمك اشياء حلوه سيف : ابوي خلاص الله يرحم وآلدينك سهيل يود غرشه المشروب وكسرهآآآ ويود ابوه وطلعه برع البيت وقال لابوه سهيل : يوم بتغدي ريآل تعرف حقوقك على حرمتك وعيآلك ادخل هالبيت بو سيف : والله لطلب لكم الشرطه سهيل : هههههههه روح روح يا عمي اوونه شرطه خلهم انا اباهم ايون ودام نهيان مب هني ريلك ماباها تعتب على هالبيت مره ثآنيه وبنظره تهديد وحزم : ولا درب الشرطه والسجون تبـآه يالوآلد .. بو سسيف مب حآس بعمره مشـآ بالشارع ودبر حآله وسهيل دخل دآخل سهيل : اهدي يالغاليه اهدي رآح هالخايس ومابيرجع مره ثآنيه سيف : سهيل وين ابوك ؟ سهيل : ماشي بس رآآح وقرر لا استوى ادمي يرجع البيت سيف مصدوم : سهيل شو قلت له !! سهيل خبر كل شي ل سيف // بس سيف ماعلق ابدآ وندم وهو يتذكر نهيآن وكل اللي صار ب البيت آم سيف وقلبها يتقطع على ولدهآ : الله يخليكم ولدي دقوله ابي اسمع صوته ؟ شيخه : امي الله يخليج اهدي انسي خلاص نهيآن بخير هو حلف مايدخل البيت آم سيف : انتي خبله والله انج خبله هب صاحيه حد ينسا ضناه حشاشه يوفه ؟ دقوووووووووله الحين ابا اسمع صوته ولا انا من طالعه من هالبيت ورآه سهيل دق لنهيآن نهيآن بصوت مبحوح : الو نعم سهيل : نهيان انت وين ؟ نهيآن : سهيل هذا انت ؟ شو صاير آمي فيهآ شي !! سهيل: انت قول انت وين بي باخذك امك تعبانه تباك نهيآن : انا حالف مادخل هذاك البيت وسيف وابوي فيه سهيل : يا ريال سيف راضي بامر ابوك خلاص تعال اميه مب راضيه تيوز عنك نهيآن : ما كاسر حلفاني خله يمر يوم على الاقل عقب برجع سهيل : انزين بس رمس امك .. ورمس نهيآن آمه وآرتآحت انه بخير وبيرجع ضنآهآ البيت وشيخه وايد استانست ان نهيآن بيرجع لانها مالها غير خوانها ف هالدنيا تعتمد عليهم ونهيآن هو الوحيد اللي يكون فآضي لهآ دؤوم . . توقعآتكؤوؤوؤوم ! تتوقعون عليـآ وميود شو اللي بيتغير بينهم ؟
__DEFINE_LIKE_SHARE__
بو سيف : بيوز عن حركآته ولا بيكمل هالشغله اللي بتوديه للموت !! احمد يحب فوآغي ولا مجرد نغزه وتوبه ولا بيكمل على الطريق اللي هؤ فيه؟ ووتوقعون بيكون فيه قصه حب بين شخصين ولآ ؟!! عليـآ بتطلع من العزله اللي هي فيهآ ؟ وسلآمه بتغير وجهه نظرهآ وبتتآقلم وبتسولف مع الكل ولا بتم على حآلهآ ؟ نهيآن : نظرته لعليـآ اعجآب وبيتحول لحب ولا مجرد صدمه من جمآلهآ ؟ | |
| ||
| |
|
09-29-2012, 02:19 AM
| رقم المشاركة : [ 4 ] | |
| مشرفة | البآآآررررتتت الثآلث , ] ! * بعد مرور يوم كآمل على آم سيف من التعب وعدم النؤم وقلة الاكل تعبت آم سيف عليهم وودوهآ المستشفى وحطوآ لهآ مغذي عشآن تقدر تقؤم وتمشي ومايغمى عليهآ مره ثآنيهه سيف عند الدكتور يرمسهه & سهيل يرمس نهيآن فون بس بعآد هالثنين عن بعض سهيل : نهيآن عن خفهه الدم غبي انت نهيآن : لا استغبى شو تبابي آنت متصل فيني 24 ساعهه قالولك حرمتك وضآيعه عنك يعني سهيل : اوففف الله يطولج ي روؤح يالغبي وقبل لا سهيل يكمل كلآمهه نهيآن : غبي انت دآق وتسب لا تخليني ارقع الفون في ويهك سهيل عصب : يالثوووووووور آمك ف المستشفى مرقده محطيلهآ مغذي يلعن خفهه دمك انا الغلطآن المتصل بك اقولك نهيآن سسسسآكت ومآيسمع غير صوت ضحكككه شوي وبتطر طبله اذنه بعد التلفون شوي عنهه سهيل : قلعت عينك الحين هآآآه اخيرآ قلت كلآمي وخلصصت يالله تعآلنـآ خلنا نكون وياها نهيآن : خلاص الحين يـآي ، سهيل : آقول نهيآن حيآتي انت نهيآن : هلآ ي عمري سهيل : هههههه طآع هذا عن الشذوذ حبيت اقولك شوآخ بالبيت بروؤحهآ مر خذهآ ويبها ويآكك نهيآن : اوف منكم جآن خذيتوهآ سهيل : فكنا زين امي كانت تعبانهه خسرت رصيدي يلا آنقلع لا تنس مر عليهآ ورقع الخط في ويهه نهيآن : يالحمآر آنآ آرآويك فر الفون على السيت اللي صوبهه ورآح البيييت وخذ شيخه ورآحوآ المستشفى كلهم تموآ عند آمهم عقب طلعوؤها ورجعوآ وياها البيت سيف من الشخصيآت امم صح العصبيهه بس بعد الهآديهه ، اتصل لحرمته عسب يسلم عليهآ سيف : السلام عليكم ورحمه الله وبركآتهه ميره : وعليكم السلآم والرحمه سيف : اشحآلج ميره ؟ ميره : بخير وآنت سيف : الحمدالله ميره سآكتهه سيف : فيج شي ؟ ميره : لآ يا سيف مآفيني شي سيف : بس صوتج يقول غير جي ميره : مآشي بس شوي تعبآنه امم اجهز للعرس واشتغل هني آسآعد آمي سيف : الله يعطيج الصحه وآلعآفيهه ميره : الله يعآفيك سيف : مب مشكله حبيت اسلم عليج الحين اخليج تبين مني شي محتآيهه شي ؟ ميره : سلآمتك يآلغآلي دير بآلك على حآلك سيف انصدمم اول مره تقوله الغآلي : ان شاء الله وانتي بعد وبندو عن بعض وسيف يحس بآحسآس غريب آول مره ميره جي تقولهه ، انزين ليش مكبر الموضوع عآدي آنآ ريلهآ الحينن . . لالا انزين انا ليش عمري مافكرت اجبر بخآطرهآ من هالكلآم ولا شعوريآ سيف طرش مسج حق ميره [ سلآمتج يالغآآلييه من التعب ،، آحببج ] ميرررره وقققفففف قلبببببهآ من متى تتريـآ هالمسج من سيف وتمت مستآنسه لدرجهه آنهآ صآحت وسيده وصله مسج منهآ [ الله يسلمك حيآتي ، وانا بعد آحبك ونستني من متى اترياها منك ] سيف استحي وآآيد مآتوقع آن ميره جي بتلين قلبهه وهو بعد استآنسس وتمم شآق الحلج وطببعآ سهيل & نهيآن لآحظوآ هالشي سهيل : هههههههه هآ هآ سوآف شو الطآري شآق الحلج اشووف نهيآن : آنآ المغرم آنآ الهآوي سيف ضرب نهيآن وقعد عنهم سيف : آحترموني انا اكبر عنكم نهيآن يرفع حيآتهه : ههههه خف علينآ يالكبير انزين خبرنآ ليش مستآنس شوآخ نآزله من فوق وسآكتهه سهيل : والله لو قلت لنـآ ليش مستآنس بنخلي شوآخ تغني لك صوتها خرى بس بتستآنس عليهه هههههه وكل بنغني معاها شيخهه : اصلا انا كنت بشآرك بالبرنامج مال الاصوآت بس استحييييت ههه نهيآن : خفي علينـآ انتي بس من زين صوووتج يزيغ هههه تقول واحد من الشبآب سهيل : لا بسك خرط هههه مصختها وآيد سيف استحي طبعآ يقولهم السبب .. ف عسب يسمع شيخه تغنى تعلث سيف : اوك يعني شوآخ بتغني لو قلت لكم السبب نهيآن & سهيل : اكيييييييييييييد شيخه : نععم نعععم على كيفكم سهيل & نهيآن : يغمزون لشوآخ ويقولوهآ بنوديج اي مكان لمده يومين شوآخ استآنست قالت موآفقهه سيف : مآشي والله توني مرمس حرمتي وقآلت ان العرس جرب واستانست يعني من زمآن هب سآمع حسها سهيل & نهيآن : يا حيوووووووووواننننننننننن سيف ميييييييييت ضحك نهيآن : يبعتلك حممممممممى شو مآصخ سهيل : هي والله سيف ياشر على شيخه يلا ابدآي وقآلولهآ ان يبون شششلهه وجي سهيل : غنيها كآملهه وشسمه بدون مآتوقفييين شوآخ : اوك آختآرو شو تبون نهيآن : آنآ بختآآآررر شوآخ : اوك نهيآن : شلي لنـآ شلهه بوصيك يآ صآح شوآخ : اوكيه بس آمآنه لا تضحكون ولا تخلوني اضحكك عسب لا اقطعهأ عليكم ههه وبتندمون عقب سهيل : خلي خريطج يلا ابدآي شوآخ آوك .. بعد دقيقتين كحت شوآخ وبدت بالششلهه . . مـــــــدامني ما شفت الأفــــــــراح وأثر الحزن مع كل راحــــــه بنـــــــام يمكن باجر أرتـــــــــــاح الصــبح للمــسلم فلاحــــــــــه بـنـــــــــام بس بوصــيك يا صاح بكل جــــــــرأه وبــصـــــراحه أخاف لا من نمت بجـــراح لاأشــوف صبــحي ولا ربــاحه العمــــــر ما هو مـلك الأصحـاح ما بالك إلي يشــــــــكي جراحه الطـير لا من طار ثم طـــــــــاح أكيد عوقه من جـناحـــــــــه يعـني لو الطــــــاير بلا جـناح مسمـعت تغريده ونـواحــــــه ومـدامني ما شفت الأفـــراح وأثر الحزن مع كل راحـــــه سيف & سهيل & نهيآن صآخييين ومبطلين حلوجهمم صوت آختهم طرر وهم مآيدرون عنهه وشوآخ استحت شوآخ : حووو شفييييكم هههه سيف : خلاص 3 يوم علي انا اللي بطلععج سهيل : وآآآآآآآآوو عيل انا بشل وطلعؤني على حسآبكم سيف & نهيآن بنفس الوقت : مع نفسك هههه شيخه قعدت تضحك نهيآن : آختي العزيزه بخصوص صوتج وينه عنا من زمآن شوآخ : وآلله مآكو خآشتنه عن تآكلوؤنه هههه سهيل : شت والله صدمتينا طرر صوتج بالشلآت عنلآت هالشيفهه شوآخ : لا تنسوآ وعدكم من بآجر بنبدآ وانتوا ححددوآ منو بيبدآ سهيل & نهيآن يطآلعون بعض : نهيآن انت سهيل انا كل مره الاول سهيل : خسأت يا حيوآن انت اللي بتبدآ نهيآن : مآببـآآآآآآآآآآآ شيخه تطآلعهم : صدق حمييير عيل انا على الفاضي شليت لكم مآيخصني وعدتوني ترآكم سيف يضحكك : خلاص ي آوختي العزيزه آنآ آول واحد عقب سهيل عقب نهيآن وهآ كلامي اللي بيتنفذ جان الا بخلي لكم الشور بتبطين لي تطلعين شوآخ وفي خآطرهآ ( دؤوم يارب مستآنس وجي ويانا ) : علني ماذوق حزنك يآ خوي سيف استرخص منهم وهو طآلع وفي خآطره وآيد آشيآءء . . [ معقولهه آنآ مآكنت مع اختي واخوآني وآيد . . كله ملتهي بشغلي حتى حرمتي يعني مآتصل فيهآ وآيد =( تم سسآكت وتم يسسسوق وهو سسسسرحآن عقب حآط شويهه ورجع البييت ] آممم توقعآتكم : سوآف : بيغير اسلوبهه مع ميره وشو اللي تتمنونه حق هالاثنين ؟ نهيآن ينكت وآيد بس شو تتوقعون بيحب ولا لا وابي توقعاتكم منهو اللي بيبحهآ ؟ ميره : تحب سيف ولا بس تجآملهه ؟ و مآضيهآ كآن حآفل بالشبـآب ولا مش من هالنوؤع !! سهيل : فوق مصخرته وضحكه وحبه لعآيلتهه معقوله مآفي حد شآغل قلبهه ؟ & آبي رآيكم في الروآيهه . . ولو مآجفت ردود جد تشششجع يمقن مآكمل الروآيهه ولا ارجع انزلهآ هؤن ولا في اي منتدى ثآني والسسسموؤحه من الكل .. " همسهه [ امم صحيح الروآيهه بالبدآيه كلهآ محآدثات بين آشخآص ومن هالاشياء بس ان شاء الله في البآرتتآت اليآيهه بتكوؤن كلهه اكشن وآحدآث تصييح هههه وشكرآ ] __DEFINE_LIKE_SHARE__ | |
| ||
| |
|
09-29-2012, 02:20 AM
| رقم المشاركة : [ 5 ] | |
| مشرفة | البببآرت الرآبع , ! لآ تتخيل ڳل آلنآس ملآئڳه فتنهآر أحلآمڳ . . ۆلآ تجعل ثقتڳ بهم عميآء لأنڳ ستبڳي على سذآجتڳ , * ! صوب عايلة يديده وهي عآيله بو نآصر مع فتحه البآب ورضه بدفآشه أكيد عرفها نآصر طبعآ هي ان هي مهآري < و جك جككك جكككك 3 صور وطيآره ركضت صوب البآببب نآصر : أوففففف منهآ وربي اخرتج على ايدي يالحمآره مهره : آنآ مهآري حبيبه ابوها ماتروم علي انت اصلا نآصر : بنجوف يآ حبيبه آبوؤج مهره بدلع وبرآءه : آفآ نصوري انا حبيبتك جي تقولي مآعليه وعلى صريخ هالثنين وضرآيبهم اللي ما تنتهي تدخل روضه وتتنازع نززآآآآعه رووضه : وين امييييه عنكم هآآآ صدعتوووووووني عنبوكم زآآآآآد مآخليتوني اتابع المسلسل اففف وترقع الباب وهي معصصصبه زين مآكسسسرته مهره & نآصر : ههههههههههههههههههههههههههههه غربلها الله نآصر : كله من الكوريين خربوها وخربوا مخها مهره : انزين انا بروح اوكيه وقبل لا تروح تدخل روضه عليهم وهي معصصصصصصصصصصصصصصصصصبه وتيووود اقرب شي وتشوووووته على اليدآآآر >< طبعآآآ كآنت المزهريه العزيزه على مهره كآنت من ربيعتهآ آيآم صف 5 مهره وهي تطالع الحدث عقب تلف عينها ببطى لتحت عسب تشوف شو اللي تكسسسر نآصر يعرف ان هالمزهريه عزيزه على قلب مهره وعصب من حركه روضه البآيخه روضه وهي تتنفع بصعوبه كان حد يركض ورآهآ وبشرآر يطلع من عيؤنهآ وتآشر عليهم : واللللله انتي وياه اقيييين لو سويتوآ حشره بالبييت موؤب بس بكسر الاشياء الغاليه على قلبكم لاكسرر كل شي يخصكم والله وانا حلففففت ومهره صآخه وعينها بعدهآ على المزهريه كآنت المزهريه وآيد حلوه وكانت من برع البلآد لمآ ربيعتها انتقلت هناك ف يوم يآت زيآرهه للعين يآبتها ل مهره مهره ودموعها شلآلآت نيآقرآ وماتشوف شي جدامها نآصر وهو يحس بغصه من روضه : خلاص مهآري حبيبتي حصل خير بيب لج غيرها , مهره : مابتيببب وهاي من اعز ربيعآتي وهي رآحت خلاص ماعندي من ريحتها غير هاي والورد اللي كانن فيها الاصطناعيات نآصر وأيد عصب من حركه روضه ف حب يغير الجو نآصر : اقول مهور حيآتي حذفي الصوره وربي انج غصه مهره طبعآ حاقرتنه مب مسويه له سآلفه ومروحه وهي تصيييح وتشآهق على اللي استوى نآصر : اللله يعطي خوآتي العقل والصحه وحده الا تصيح على مزهريه وتصور والثانيه معصبه وشوي وبتصيح على كوورين دخلت روضه عليه بس راسها صوب الباب وهي تضحك لان عرفت متى اعادة حلقتها وقالت له : سمعتك نآصر : شو فيج ليش يآيه ؟ روضه ماتدري شو سوت طبعآ : وليش ما اي غرفه اخوي حرآممم نآصر : المفروض تروحين تعتذرين ل مهور على هالحركه الخايسه اللي سويتيها روضه وتحاول تتذكر وتشوف قطع المزهريه المتناثره على الارض ومره وحده : هىىىىىىىىىىىىىىىىىىىىىئئئئئ روضه : نصور انا كسرتها ؟ نصور : هيه واختج ميته صيآح على هالحركه روضه شوي وبتصيييح ! نصور : يهاااااااا يا خوآتي الا انا بسكت وحده بتدخل الثانيه وبتصييييح تتادبين عسب تعرفين تعاملين اختج اوك مب عشآن كوريين جي تسوين روضه : خلاص نصور هب متحملتنك نصور وده يصيحها : قالها طز طلعي بررررععع روضه طلعت برع وراحت غرفتها وانسدحت وهي تفكر كيف تقدر ترآضي مهورر آمآ عن نصور ف رجع للاب مآله وعلى الفيس والمسن والمنتديآت طببعآ ! صوب آهل رآس الخيمه , * آم فآرس & آبو فآرس معزومين على غده في بيت الجيرآن وكانو محد وسلآمه تحت تلآعب حمد وفروس رآقد وكل البيت يفز بصرخه من فوآغي ! فوآغي : يالكلبه يالحيوااااااااااااااااانه يالحقييييره خوزي احسن لج والللله لضربببببج وشمآ صاخه وفوآغي صريخها مزلزل البيت بكبره سلآمه كانت تحت ولما سمعت صريخ فوآغي راحت فوق وشلت حمد وفآرس فز من رقآده ورآح تغسل وطلع دخلت سلآمه على فوآغي بس فروس كان وآقف على طرف البآب وشمآ لما جافت سلآمه دخلت قآمت تصيح مآتحملت سلآمه : فوآغي شو مسويه لهآ فوآغي بقمت العصبيه : انتي جببب يلآ برررع لا اطلع حرتي فيج واضربج واضربها فوووووووقج تفهمين لا تسويلي فيها الفاهمه العآقله الهآديه خلاص بس سلآمه طفرتيني ترآآآآآآآج ماحد فهم لج انزيييين سلآمه بهدوء تآم : آنآ جب ؟ ماردت طببعآ لان فروس دخل عليهم واول مادخلت طببعآ فوآغي بلعت ريجهآ تعرف كيف عصبيه اخوؤهآ ، , , فروس : شو صآير وليش تزاعقين عنبؤج مآتخلين الوآحد يتنهى برقآده شو صآير الكل سسآكت طببعآ شمآ تآشر على فوآغي وهي تشآهق فآرس : اللهم طولج يآ روح شو مسويه فيها فوآغي متى بتصخين عنا كلنا متتتى اوف منج ومن صدعتج فوآغي حز في خاطرهآ كلآم فروس بس تتظآهر بالقوه وهي تقول : هي اللي غلطانه وتستآهل واقلع عينهآ بعد انت شولك تراها مالغت شغلك انت ولا خربت لك بحثك صح ؟ فروس سآكت سلآمه يآيه بتطلع يودهآ فروس فروس : ورفجه عليييج ماتبطين برع هالغرفه قعدي سلآمه متضيجه : وليش تحولف يعني شو يعني ترى كنت تحت بعد مآبخلي البيت خلي عسب اقابل فوآغي وهي تهآزب شمو بشل شمو وحمد وبنزل بس دآمك رفجت ارمس قول اللي في خاطركك فروس اتضايج عشآن سلآمه فوآغي : فروس انا ماسويت شي عسب تضايج مني ها كله من اختك عآفآن الله منهآ فروس عصب وآيد : انتي جب ولا كلممممممممممممممه فوآغي خآفت وتمت سسآكته فروس يآشر على سلآمه : ليش سمعتيها هالكلام اللي يسم البدن انزين هي شو ذنبها ! فروس وبعصبيه تآم كان بي يصفع فوآغي بس سلآمه وقفت جدامه ويودت ايده ونزلتها فوآغي & فروس انصعآآآآآآآآآآآآآق تآآممممم على حركه سلآمه فروس : خوزي عني سلآمه سلامه : لو تبي مد ايدك علي قبل لا تمد ايدك عليهآ انا الاكبر وانا الاولى ان احميهم آدري انك تخآف عليهم بس بعدهآ فوآغي لا تضربها بعدهآ الكلام اللي قالته مب ف وعيها ادري انك سمعت كل شي وادري ان بعصبيه قالت هاك الكلآلآم اتحكم بعصبيتك لا تخسرها عشآن الشيطآن وقف بينك وبينهآ ولفت وتطآلع فوآغي سلآمه لفوآغي : اذا عن بحثج خبريني شو اسمه وانا بسويلج وآحد غيره وبخلصه لج اليوم حتى لو آوآصل عليهه سلآمه تكمل كلامهآ بهدوء تآمم وحب : انا بظهر وانتي ريحي بسير اسويلج البحث وبنزل عنج اليهآلو عن يصدعونج ولو عليج امتحان او شي درسي ولا تحآتين واذا عن فروس < وتطآلعه > ترآه يحبج بس تدرين دلوؤعته شمآ شبيهته مآيرضآ عليهآ فوآغي , وآيد تلومت وفآرسس في خآطرهه [ على صغر سنج يآ آختي وجي تعآمليني ي ليتها مثلج ومثل طبيتج بدل لا تعصب علي تنصحني ! من جهه ثآنيهه بعد مآغنت هاك اليوم لآخوآنهآ صآر الوضع عآدي وماتستحي منهم نزلتت وهي تدندن شوآآخ ! اشتتتقتتت لكك كثر البحححر كثرر النجؤوم الشوي اشتقت لك ومافي احرر من اشتيآقي شي ودي انسى الكووون كلهه بسسس آطآلع فيكك ونزلت وجآفت آمهآ متضايجه شوي وسيفو يتعدل بالمرآيهه يلست على حذآل آمهآآ وكملت الاغنيه وقآلت : ابتسسسم يآ عمري يالله وضمني في يديك آنسسسى اني اليوم جمبببك جوفني بعيوون قلبك يآ حبيبي تصدق آنننني بكل حآلآتك احبببببببك وبآست آمهآ خطآفي وسيف ميت ضحك من جرآه شوآخ سيفو : اقول شويخ انتي نآسيهه ان اليوم دوري شوآخ : ليه يآ رجآل له له عيب طيب يطلع من ذا الحكي سيفو : خفي علي يالسعوديه شوآخ : كح كح لغآت اختك عندهآ وانت مو دآري عن هوآ درآهآ يآ ريآل مآبآغي تطلعني سيفو : اخيييج كل ساعه بترمسيني لغه مره عماني ومره لبنآني انتي واخوانج هذيلاك المصرقع يل اسرعه عندج نص ساععههه بتريـآج بالسيآره شوآخ : طيب طيب لا تعصب كذا مو زين سيفو بغآ يضربها مال مصخرها شردتت وهي تقول : يآخي سيفوووو انت احلا جي سيفو انصدممم وشوآخ لما صعدت فوق انتبهت شو قآلت وشهقت : اوويه الله يقص هاللسآن اللي لج والله آني حمآره وصفعت عمرهآ وركضت تتلبس عسب سيفو مآيروؤح عنهآآ ! في سيآرته بنتظرهآ وصله مسج من ربيعه مكتوؤب فيهه ! ( هههه يآ ريآآل يآ سيفو وينك وين هالغيبه طمنآ عنك يالهرمم وحشتنآ اقولك تعآل بوآدي المهم شفت لك غرشوووبه مآتتطوف لا تفوتك جمعتنا وهني الغرآشيب يلا اخطف نتريآك نحن قآعدين ف ستآربكس ) سيف اول مافتح المسج : غبي يالحمار ههه مآتووووب خآطري مره تقولي تعال ابا اشوفك مشتآق لك مب جي غرآشيب ومادري شو وتم وتم يتحرطممم سيفو ومآسكت الا بدخله شوآخ للسيآره شوآخ بلوم : سيفو والله آسفه على الكلام اللي قلته مساعه سيفو تذكر : امم هي صح بسالج كيف يعني ياليت جي دوم شوآخ بجرآه تآآمه & صرآحه : مآدري حسيتك هاليومين مستآنس وادعي ان دوم تم جي ويانا سيفو : اها اوك شوآخ : اقول سيفو نهيآن وسهيل بيون تريآهم سيفو : اشتغل عندج انا يلآ الطلعه لج مب لهم شوآخ بحيره : هي صح يولون ههه اقول سيفو سيفو : هلآ شوآخ : وين بتوديني سيفو بعفويه : بوآدي يعني عآدي ! شوآخ : عآدي ان شاء الله البحر وماتخسر علي شي انا راضيه اهم شي تطلعني واستآنس ويآكك سيفو مستانس في خاطره وقآل : اها اوك وآيد مستآنسه الاخت مآبتطولين ترى شوآخ : سيفو لا تخليني اسبك توني امدح بكك سيفو : ههه قصورك عسب ارجعج البيت شوآخ : احبك انا اصلا يلا كمل دربك شوي ووتلفون سيف يولع وطبعآ المتصل ربيعه واول مارفع السمآعه صوت عآلي : سوآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآفي سوآف منصدم : امففف عليك يالخآيس قولي سيف يالحمآآر % : هههههههههههههههه حيآتي انت والله وينك يالسبآل وربي وحشتني سوآف بعفويهه : هي وانت وحشتني زين قلت انك وآحشني مساعه افكر فيها % : هههههههههه آوييييييييه سمعوآ شبآب اونه سوآف يتريآني اقوله اشتقت لك سوآف بصريخ : ايييييييييييييييييييييييييييييييييييييييييه ماعليه بنتفاهم الحين يآي ف الدرب وشوآخ ميوده ضحكتهآ على سوالفهمم البآيخهه وعلى ربيعه % : اقول عيب عليكك انت مآلج وجي تقول امفف وين حرمتك عنك هههه سوآف : بس جب عمووور < عمور طبعآ هو صديق سوآف من آيآمم الدرآسهه ومن زمآن مآتشآوفوآ والحين بيشوفون بعض اخيرآ في بوآدي سوآف من فآرق عمور وهو هآدي نوعا مآ عمور : يا عيون عمووور قالو متغير من بعدي سوآف ضحك من قلبك : هييييه وينك انت والله وآيد بقولك عمور : سوآف لآيكون انا اللي متصل سوآف : هيه ليش عمور : يالخسسسسسسسسسسسسسسسسسف ماعندي رصيد وانت اللي تشتغل جي تقول امففف يلا اترياك بآآآآآآآآآآآي وماسمع غير رقعه خطط من عمووور وهو يقول في خاطره [ يآآه شقد وحشتني ماعليك لك ] دخلوآ طبعآ الموؤل واخته رآحت تتشرى اغراض وتتمشى بعد مآيوهآ نهيآن وسهيل وغصصوآ بها ومشوآ وياها آمآ سيف وهو يآي بيقعد جآف عمور يآشر على وحده سوآف : عمور شو هالحركآت ودرهآ خلاص مب عليك عليك ريآل عرضك وطولك شطول وجي بعدك ! عمور : يآخي سوآف لا تسويلي فيها جوفها واشر عليها ولف عمور يكمل النسكآفيهه اللي طآلبه له ولـ سوآف كان شرآبهم المفضل طبعآ آمآ سوآف اول مآلف اطآلعهآ ودقق في ملامحها كانت بنت حلوؤه بدون حتى جحآل عيوؤنهآ وسآع كان شكلهآ وآيد حلو بس متضايجه وزعلآنه دقق فيها وشهق مره وحده وهو يجوفها مشلله اغراض ووحده حرمه تمشي وياها سوآف : عمور تعرف منو هآي ؟ عمور : لآ سوآف ماعرفها ليش انت تعرفها سوآف لمآ يرجع يطآلعهآ عرفها وتضآيج وآآآآآآآآآآآآآآيد ! عمور لآحظ التغير بس تم سآكت يعرف طبع سوآف ان لمآ بيهدآ بيقول اما هيه اول ماجافت سيف وعرفته على طول لفت وتغشت ورجعت كملت دربها وسوآف محمر على الاخرررررررر ومتضايج وآآيد من الموقف اللي جآفهه ! Caaat توقعآتكم لهالبآرت ! منو اللي فآرس يتكلم عنهآ ! آحمد لو دخل في حيآه فوآغي مثل ما هيه دخلت حيآته بيغيرها ؟! شو قصه الصدآقه القويه بين سيف وعمر , ! روضهه شو بتسوي عسب ترآضي مهور ؟ يآ ترى منو هآي البنيهه اللي جآفهآ سيف ؟ وهيه ليش لما جافت سيف تغشت وروحت ؟! __DEFINE_LIKE_SHARE__ | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| وانا مسافر صور غبار قبل الرياض وبعده واجواء الدمام يوجدصوره قبل وبعدوشتان الفرق بينهم | محروم.كوم | منتدى أخبار المواقع والمنتديات العربية والأجنبية | 0 | 03-19-2010 10:00 PM |
| الفرق بيـن عَرش الرحمـن وكرسيـه | سمرة وكلي دلع | الإسلام والشريعة | 5 | 02-26-2010 12:10 AM |
| الفرق بيـن عَرش الرحمـن وكرسيـه | نوره المملكه | الإسلام والشريعة | 20 | 02-10-2010 04:45 PM |
| الفرق بيـن الأفلام .الأمريكيه , المصرية , المكسيكيه , الهنـديه .. | شموع555 | الإستراحه العامة | 18 | 05-18-2009 02:54 PM |
الساعة الآن 09:16 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227