سالفة:ساحة الصفات..قوافي

[محروم.كوم]

السلام عليكم ورحمة الله وبركاته
هلابكم اخواني واخواتي المكشاتيه
وزوار خيمتنا الغاليه
ساحة الساعه كما كنا نسميها وحنا صغار او ساحة الصفات بالرياض وموقعها وسط الديره بجانب مسجد التركي بالديره..
كنا يوم جمعه ونزور احد اقاربي .. سوق الديره معروف للجميع .ارسلت راعية البيت اللي حنا زايرينهم ولدها يجيب لهم شي من هناك .بيتهم بالديره لذالك المشوار قريب.
وبيروح على رجليه عمر الولد هذا 14 سنه وانا وابنتهم صف اول ابتدائي واخواني واخوانه كلهم صغار واكبرنا هو طلبنا نروح معه ورحنا مع اخذ تعهد بان نمسك يدين بعض عشان مانضيع
وصلنا الساحه لين فيه ناس كثيرين وشرطه وعالم صافين وعرفنا ان الحين فيه قصاص قال شفتو خربتو علي قلنا اللي يخاف يقعد بعيد واللي ما يخاف يجي معك ..اكثرنا راح ووقفنا من بعيد بعيد من الزحمه كل شوي تجي رفسه ولا وطيه كلن بيشوف والعياذ بالله المهم صار القصاص وانا جاني ضحك وضحك وضحك واللي يسمي ويهوش الولد ليش تجيب اخوانك صغار وهومنذهل مارد ولا كلمه وشكله حتى هو اول مره يشوف يخرط علينا يوم يقول خربتو علي..
بتلت اضحك مشو وسحبون اناوضحكي وذا يصيح وذي ولا كلمه وصلنا البيت ما شرينا شي بس كلن على حاله
وبتلت معي حالة الضحك ولا أوقفت إلا شوي استريح همن اكمل يوم اذن العصر وعلى المستشفى اثر هذا انهيار عصبي من الروعه والحمد لله ولين الحين من هاك الايام ماطبيت وسط الديره ومستحيل..
تحياتي

اختكم
..قوافي..

__DEFINE_LIKE_SHARE__