سالفة:بسطة عبيد للبليله..قوافي

[محروم.كوم]

السلام عليكم ورحمة الله وبركاته
اسعدكم الله جميعاً بكل خير
اليوم بكمل لكم سالفه عن عبيد ولد ابو عبيد
عبيد كل يوم امه تملى له قدر من البليله ويبيعها لكل من مشى ودبى بالشارع من صغار وكبار واحيانن تأخذه الرحمه بكلب او حمار أعزكم الله فيطولهم جانب من المحبه البليليه.. ويضع لهم شوي جنب جدار او على ورقة اسمنت
اتفقو عليه عيال الشارع انه لازم يعزمنا على بليليه من غير ماندفع قروش ولا ترابنجاربه يعني نزاعله اونتخاصم معه !!
وعلموه العيال وذا المسكين بلش يرضي من ولا من ابوه ولا حنا قعد يفكر همن قال:
طيب وابوي وعقاله؟؟؟؟
قالو العيال:ندبرك ماعليك
وزع الضعيف عبيد البليله على كل اصدقاه اللي يبون ينعزمون وأخوانهم الصغار وخواتهم ..
اكلنا وما قصر عبيد ملى الصحن من الشطه والخل الاسود واكلنا لين صارت حبات البليله لين هجيت اثمك باينات من قربهن انتلت المعده والبلعوم ووصلت للسان..
يوم شبعنا تذكر الضعيف مسطة عقال الوالد وقعد يصيح اسكتوه العيال وفكرو بدبره بس وشششيييي؟؟؟؟
الشوارع اول تراب لازفلت ولا أرصفه وقعدنا نجمع حصا او بحص صغير بحجم البليله لين انتصف القدر وصار نفس الكميه اللي كانت بالقدر حق البليله..
رحنا للمسجد وغسلنا الحصااللي بالقدر وصبينا عليه شوي مويه

وواحد من العيال جاب تشكيله مائيه وأخذ القطنه اللي بسط التشكيله حقت اللون البني الفاتح وحطيناه بالقدر وخمراناه شوي لين صار القدر بني على ساس بليله
وشال عبيد قدره للبيت مثل ما اتفق هو والعيال وقال لأمه انه ما حد شرا منه اليوم..
ماش السالفه مامشت على ام عبيد ويوم فتحت القدر طبعاً تلعب على مين يابابا هذي ام عبيد !!!!
وعلى ابوه وانتشر الخبر بالبيت مثل زكمة خريف ولا امدى عبيد يمر عليه ساعه إلا والاجابه واضحه من الزعاق والصراخ اكيد تكفخ بالعقال بعد علم ابوه باللي صار
وبدت حالة الكر والفر مع ابو عبيد وعقاله لين مسط عيال الشارع كلهم وعاقبنا ان كل واحد عليه يوم يبيع بليله عقاب لنا مع عبيد
تحياتي
اختكم
..قوافي..

__DEFINE_LIKE_SHARE__