رواية اماراتيه --كفاية يالغلا كفاية ...... كفاية منك تعذيبي

[! ĐįƠЯ ƒάṦђịǑη !]

الكاتبة عجيبة وغريبة -0 من منتدى فزاع
السلام عليكم ورحمة الله وبركاته


(الجزء الأول)
عائلة خليفة بو منصور
(خليفة ):شخص معروف في السوق وهو بسرعة ينفعل بس في بعض الاوقات يمسك اعصابه.عمره 45.
أم منصور(عائشة):حنونة وتحب عيالها وااايد وبسرعة تقدرون تقنعونها.عمرها 42.
منصور:وسيم وطموح ودايما يفكر بالمستقبل يشتغل في احدى شركات ابوه وطيب وعمره 24 سنة.
حمد:يشتغل مع أبوه ويموت على الرحلات والطلعات والمولا والسناترعمره 22 شعره لكتوفه وناعم ومبدع في المغازلة .
سيف: عمره 19 أول سنة في الجامعة ويهوى بنت عمه مهرة.
فاطمة :17 سنة ثاني ثانوي وخجولة وااايد وغامضة شعرها لنص ظهرها وعيونها عسليه وعندها غمازة ع خدها اليمين وحاطه تقويم فوشي .
وصلنا للدلوعة والملقوفة .
الريم:بنت حلوة ودلوعة وذكية وشاطرة وتفهم الشيء وهو طاير عمرها 16أول ثانوي ووااااايد ملقوفة وتحب تحرج الشخص وبسرعة تزعل شعرها خبااال لنهاية ركبها وسايح وعيونها سودة ورموشها طويلة.
ننتقل اللحين للعائلة الثانية (محمد أخو خليفة)
بو ضاعن (محمد):ابو تاجر وله مكانته في السوق وعنده خير ومايقصر على عياله لو يطلبون القمر يعطيهم بدون تردد وطيب لابعد الحدود .عمره 43
أم ضاعن(ميثه):تحب عيالها وحنونة زيادة وعمرها 40.
ضاعن :مهتم في دراسته وعمره26 يدرس في فرنسا وبسرعة يصدق بدون ما يفكر.يعني يقصون عليه بسرعة .
حمدان :عمره22سنة ويشتغل مع أبوه وهو دوم مع ولد عمه حمد ومغازلجي وراعي سوالف مع العيايز.
التوأم :
حارب :عمره18 سنة وثالث ثانوي يحب بنت عمه فاطمه حب صادق والكل يعرف من الشباب والبنات بس للاسف ان فاطمه ما تعترف له بهالحب .
مهرة : عمرها 18سنة ودوم مع فاطمة بنت عمها بس أكبر منها بسنة وعاشقة ولد عمها سيف عشق المهم هي صف ثالث ثانوي شعرها طويل ولونه بني فاتح .
ننتقل لعايلة بوسعيد صديق بو خليفة الروح بالروح
بوسعيد(سهيل):عصبي وبسرعة ينسى ويشتغل في الوزارة عمره 46 .
أم سعيد (مريم):دايما تخبي ع ريلها اذا اتخروا عيالها عن البيت عمرها 44سنة تحب تزور الناس وصلة الرحم ما تقطعها ابد.

موزة :متزوجة ولد خالتها عمار وعنها علي 5سنوات ووفاء 3سنوات.
سعيد:عمره22 مع حمدان وحمد يشتغل في دائرة الكهرباء بس غير عن الكل رومانسي ويموت على أخوانه ومطيع لامه وأبوه وما يعصيهم ويتضايق اذا شاف اخوانه متضايقيين .
ناصر :يحب يخاطر في حياته ومهمل في دراسته 24 ساعة نوم عمره 17سنة ثاني ثانوي بس طيب ودومه يحاول ينكت بس مايعرف كيف وهو الوحيد مايحب يسهر وهذا اللي محافظ على جماله وشعره طويل جسمه مخصر صحيح انه ما يسهر بس يناام واايد (ما يشبع لو ينام قرن كامل)وهو غرشوب العايلة .

في بيت بو خليفة (غرفة البنات )
الريم:فطوم دخيلج خليني أشوف المسج .
فاطمة : لا..هذا اللي ناقص بلا لقافة ..بعدين بقولج بس انتي اللحين اظهري.
الريم:أصلا أنا ملقوفة من زمان احم احم (فخورة البنت بنفسها) بس تعالي بظهر بس خبرين أول شي منو داز المسج لا يكون اللي في بالي ؟
فاطمة : اف اللهم طولج ياروح ..هي هي خلاص ارتحتي .
الريم : اهاا خلاص بظهر بس لاتنسين اذا ما راويتيني المسج راح أتصرف معاج تصرف ثااني خخخ.
فاطمة :حاااضر أوامر ثانية .
الريم :هيه لاتنسين منو بيي بيتنا اليوم قومي كشخي لا يهون ويرجع .
فاطمة :ريمووووووووه يلا ظهري .
الريم وهي ظاهرة من الغرفة :هههههههههههه.
فتحت فاطمة المسج :
ان كنت تعتقد اني نسيتك فانت غلطان
وان كنت تعتقد ان غيبتي طولت فانا ولهان
فاطمة :يا ربي منك ياحروب مادري متى بتيوز .


في الصالة
الريم وهي نازلة من فوق :بلاكم تضحكون خبروني بسرعة بسرعة .
منصور :بدينا بلقافتج .
بو منصور وهو يضحك ع لقافت بنته الزايدة:خلها ياولدي تزيد الضحكة في هالبيت تراها شمعة البيت .
سيف : بدينا بالتفرقة معناه نحن جبريت البيت مثلا .. خلاص أنا زعلت .
أم منصور وهي رايحة المطبخ :كلكم واحد ومحبتكم وحدة.
الريم تعيب على أخوها :ويييييييييييو قفطوه .
بومنصور : ريمووه عيب عليج هذا أخوج الكبير .
الريم باحراج : اسفة ابويه ماكان قصدي.
سيف يضحك وهو يقوم :يلا بسير حجرتي .
بومنصور : ايلس مكانك اللحين بيي عمك ومرته وعياله.
سيف : ماعليه أبويه دقايق وراجع .
بو منصور يوجه كلامه لعياله :عيل وين أخوكم حمد؟
منصور وهو كاتم ضحكته :حمد تلاقيه في السناتر والمولات اللي مضيع المذهب ولا بعد ازيدك من الشعر بيت .....(يهجم سيف ويسكر حلج أخوه )
الريم : ههههههههههههههههه .
سيف بصوت واطي لمنصور : تخبلت انته عسب بعدين يطول السالفة ويصارخ خله اللحين .
بومنصور :سيفو بلاك نقزت ع أخوك ناوي تكسر ضلوعه.
الريم ومنصور :ههههه
سيف وهة يتوعد لمنصور :ماعليه .

(الجزء الثاني)
عايلة محمد مقسمة وهي ياية لبيت خليفة .
بوضاعن وأم ضاعن في سيارة .
حمدان وحارب ومهرة في سيارة حمدان.
--في سيارة حمدان ربشة حاط أغنية كفاية يالغلا ---
حمدان :ياي حروب شوف شوف هناك.
مهرة وهي فاجة عينها على اخر حد: استح عويهك هذا ويدامي وجذي لو من وراي شوو.
حارب هب منتبه (متأثر بالاغنية ) بعدين انتبه : حمدانو.
حمدان : أصغر عيالك أنا ويا هالويه .يلا يهال اخر زمن.
مهرة : حروب اذا نحن يهال بس عاقلين هب شرات بعض الناس كبار ومخهم مخ نملة .
حارب : صح كلامج مهاري أنا عقلي يوزن بلد.خخخ
حمدان ومهرة :هههههه.

حمد وناصر كانوا يتمشون في دبي مول
حمد:نصور ما تكسرت من كثر ما تدور انا اول مرة ريلي تعورني .
ناصر : محد ضربك على يديك .
ناصر : اوووه رشود ياي .
حمد وناصر يوقفون يسلمون على ربيعهم : هلا والله هلا برشود .

راشد : هلا فيك ..بعدين تعالوا شو رشود لا يكون لاعب معاكم في السكة وانا ما دري .
ناصر وحمد وعمر :هههههه
حمد : ها الشيخ راشد منو معاك ؟
راشد:أعرفكم على عمر ولد عمي .
ناصر : أشحالك عمر .
عمر : يسرك حالي . شخباركم شباب .
حمد وناصر : تمام .
حمد : ليش واقفين يلسوا .
(طبعا أعرفكم على راشد ربيعهم يحب يخاطر بس يخاف خخخ وهو طيب واايد وعمره17 سنة عنده أخو أكبرعنه عمره 19سنة اسمه مايد والثاني عمره 26 اسمه فيصل يدرس في فرنسا مع ضاعن وما عندهم أخت ).
حمد وهو واقف : اويييييييه يلا شباب أنا أستئذن لازم أصك درب للعين يلا برخصتكم مرة ثانية ان شاء الله .
الكل : مرخوص.

ابا اجوف الردود عسب اكمل.. __DEFINE_LIKE_SHARE__

[! ĐįƠЯ ƒάṦђịǑη !]

السلام عليكم اللحين راح أكمل الرواية وأخليكم :
(الجزء الثاني) تابع
وصل بو ضاعن وأم ضاعن بيت بو منصور ودخلوا وسلموا ويالسين يسولفون ونزلت من فوق الريم
الريم : هلا والله بأبو ضاعن وأم ضاعن شحالكم .
بوضاعن يوقف عسب يسلم ع بنت أخوه : هلا فيج
أم ضاعن : يسرج حالي
أم منصور : ريموووه ما تستحين تكلمي شرات العرب اخ عليج.
أم ضاعن : خليها فديتج تونس .
الريم بدلع : احم احم صح خليني فديتج اونس .
(جافت أم منصور بنتها نضرة خلتها تسكت )
وبعدين كملوا سوالف نزل سيف عسب يستقبل مهرة يوم يوصلون سلم على مرت عمه وعمه وبعد نص ساعة وصلوا حمدان ومهرة وحارب اللي عيونه متلهفة من الشوق يدور على فاطمة سلموا وكملوا سوالفهم ماعدا حارب اللي سرحان ويفكر لا يكون فاطمة ما بتنزل عسب طرشت لها المسج وقطع حبل أفكاره صوت فاطمة وهي نازلة تسلم .
فاطمة : السلام عليكم .

الكل : وعليكم السلام .
بوضاعن : هلا والله بفطامي شيخة البنات
فاطمة وهي تسلم ع عمها ومرته ومهرة :هلا فيك
الريم ماقدرت تسكت ع طول : لا اذا هي شيخة البنات انا شووو
(مرة ثانية امها اطالعتها بنضرة غضب )
وفي نفس الوقت حارب في خاطره : انتي ملقوفة وحشرية ورزة ودفشة .....
(تقاطعه فاطمة)
فاطمة بابتسامتها الخجولة : شخبارك حارب .
حارب ويرد الابتسامة: تمام .
(ويدخل حمد البيت ويسلم ع عيال عمه وساروا كلهم يتغدون)

بيت بوناصر
الكل مجتمع ع الغدى بدون ناصر اللي ما ييلس في البيت
بوناصر :سعيد اتصل ف أخووك نصور جوف وينه هالولد متعبني الصراحة ماعرف متى بتوب وبييلس مع اهله حتى مدة 5دقايق ما يقدر.
سعيد : ان شاء الله أبويه .

دخل فهووود ع هنودة ونط ع شبريتها وزاعج في اذنها :هنووووووووودة قومي (وشرد)
هند:فهود وويع ان شاء الله خاايس افف
(قامت هنودة وجافت الساعة 7:30 الصبح )
هنودة:لهالدرجة رقادي ثجيل (توها تعرف خخخ)
(قامت لبست بسرعة ونزلت )
هنودة وهي تبوس راس أبوها :صباح الخير أبويه
بو فهد : صباح النور .
أم فهد وهي طالعه من المطبخ :لا جان كملتي رقااد بعده وقت.
هنودة : فديتج أمايه والله ,أنا قايمه من زماان بس ......
أم فهد : بس شوو
قامت هنودة من مكانها وباست راس أمها وردت يلست : حقج عليي الغالية ما عيدها .
أم فهد : انزيين
هنودة : وين فهود
بو فهد: والله أخووج سار ما بيترياج قومي خليني اوصلج في دربي.
هنودة : ان شاء الله ,يلا باااي أماية (وتبوس راسها)
أم فهد : الله يحفظكم شوي شوي في الدرب.
خلوني أعطيكم نبذة عن عايلة بوفهد
بو فهد : عمره 47 يشتغل في بنك من بنوك دبي يحب ولده وبنته الوحيدين .
أم فهد :عمرها 45 طيبة وما تشتغل يالسة في البيت بس متعلمة دايما حاطه دوبها في الخدم
فهد :عمره 22سنة دايما يلعوز أخته وحاط دوبه في دوبها ويشتغل في شرطة دبي .
هنودة :حبابة وتسولف ودايما تسوي أشياء جهنمية وعمرها 20سنة ثاني سنة في الجامعة وشطوووورة مثل الريم.
(أم فهد تستوي أخت أم ضاعن )

لا تنسون ابا رايكم بالردود
__DEFINE_LIKE_SHARE__

[! ĐįƠЯ ƒάṦђịǑη !]

بسم الله الرحمن الرحيم راح أخليكم اللحين :
(الجزء الثالث(
طرش حارب ل فاطمة :
ربما عجزت روحي ان تلقاك
وعجزت عيني ان تراك ولكن لم يعجز قلبي ان ينساك.
اذا العين لم تراك فالقلب لن ينساك .
احبك موت.... لا تسألني ماالدليل
ارايت رصاصه تسأل القتيل .
ربما يبيع الانسان شيئا قد شراه
لكن لا يبيع قلباً قد هواه .
لا تسألني عن الندى فلن يكون ارق من صوتك
ولا تسألني عن وطني فقد اقمته بين يديك
ولا تسألني عن اسمي فقد نسيته عندمااحببتك.
كنت انوي ان احفر اسمك على قلبي
ولكنني خشيت ان تزعجك دقاتقلبي.
أن يأست يوما من حبك وفكرت في الانتحار
فلن اشنق نفسي او اطلقعلى نفسي النار ولن القي نفسي من ناطحة

سحاب لاني اعرف وباختصار ان عينيك اسرعوسيله للانتحار.
لا ثقه لدي الا عينيك فعيناك ارض لا تخون
فدعني انظراليهما دعني اعرف من اكون.
لماذا لماذا طريقنا طويل مليء بالاشواك
لماذا بين يدي ويديك سرب من الاسلاك
لماذا حين اكون انا هنا تكون انت هناك.
لو كان لي قلبان لعشت بواحد وابقيت قلبا يتعذب في
هواك.
انااحبك حاول ان تساعدني
فإن من بدأ المأسا ينهيها
وإن من فتح الابواب يغلقها
وإن من اشعل النيران يطفيها.

في بيت خليفة (بو منصور)
في غرفة الريم
اليوم أول يوم في الاسبوع وكانت الريم متأخرة وقامت بسرعة بسرعة وهي نفسيتها خايسة , الريم : ريتا ريتا عنلاتج من خايسة بسرعة اكوي الشيلة وااايد اتاخرت افففف.
ريتا بلسانها الطويل : محد ايقول حق انته ما في نوم انته كله يسهر بعدين لا يسوي قرقر من صباح بابا يسوي جنجال حق انا (مشكلة).
الريم بعصبية: جب ويع سيري سوي اللي قلت لج عليه لا اطبع الجوتي ع ويهج .
الشغالة وهي سايرة يالسة تتحرطم.خخ
(نزلت الريم عسب تتريق ).
الريم : اففف صباح الخير.
بو منصور وأم منصوروحمد وسيف : صباح النور .
أم منصور : بلاج يالسة تتاففين هذا بدال ما تذكرين الله وتستغفرين.
(الريم سكتت لانها مب ناقصة اي كلمة يلست وكملت ريوقها وبعدين سارت المدرسة مع منصور )
أما فاطمة ناشة من الصبح وسارت في الباص (نشيطة )

أما ف بيت محمد (بو ضاعن )
هدووووووووء ع الصبح الكل يسير من وقت ماعدا مهرة .
مهرة وهي تتريق : ابويه تقدر اليوم تاخذني من المدرسة لاني ابا ارجع البيت من وقت لان الباص يتاخر وانا ابا اذاكر الامتحاان 6 دروس و....
بو ضاعن وهو يقاطعها : ما عليه اليوم الاجتماع ماراح ايطول .
مهرة وهي تبوس راس ابوها : مشكور أبويه يلا فمان الله .
بوضاعن : فمان الكريم .
.................................................. ......................
ضاعن وهو يتمشى مع فيصل في شوارع فرنسا حصل مطعم مفتوح يلسوا يسولفون .
ضاعن :فيصل .
فيصل:هلا.
ضاعن : نحن باقي لنا كم أسبوع ونخلص ونرد لبلاد الخيرشو ناوي تسوي بعد ما تخلص .
فيصل بتردد: تبي الصراحة ...لا تضحك ...ناوي اتزوج .
ضاعن :شوو ههههههههههههههههههههه.
فيصل بندم : ياربي قلت لك لا تضحك .
ضاعن :شو تبى اسوي انت متاكد من هالقرار.
فيصل: هيه ميه بالميه ليش.
ضاعن : البارحة يوم يلسنا مع الشباب تقول (ويقلد صوته :أنا ماراح اتزوج الزواج عوار الراس )وما عرف شو والحين تقول بتزوج لا اكيد السالفة فيها ....
فيصل يقاطعه: افف لا بس البارحة كنت امزح وبعدين انتي شو حارنك يالس تتحرطم تقول عيوز وماكلين عشاها.
ضاعن : ياربي قوم الكلام ضايع معاك اتاخرنا.
فيصل : لو ادري انا اني اذا قلت لك عيوز بتسكت كنت من زمان قايل.

الظهر الساعة 2:30 في باص الريم وفاطمة
الريم اليوم بكامله تعبانه تبا ترجع وتنام بالغصب حصلت لها مكان تييلس فيه وواقفات بنتين ع راسها يسولفون ويتفلون ويصرخون ويضحكون مثل الخبايل (اشك اليوم راسها بينفجر ) الريم : حمدالله لو ما وصلنا البيت اللحين كنت قايمة ومرتكبة في هالثنتين جريمة .
فاطمة :هههههههههههههه.

(انتهى الاسبوع وبداية الويكند )
الريم: فطوم شو رايج نسير بيت عمي عند مهاري ملل.
فاطمة : ماعليه بس اول بتصل ف مهرة يمكن تطلع .
(طلعت الريم واتصلت فاطمة ف مهرة )
فاطمة : ألو السلام عليكم .
.....: عليكم السلام والرحمة .
فاطمة : منو معاي .
......: افا ما عرفتيني يا فاطمة انا حارب.
فاطمة : ا..ا.السموحة ماعرفتك.
حارب : مسموحة الغالية.
فاطمة : عيل وين مهاري.
حارب: لحظه شوي .
مهرة : هلا والله ببنت العم شحالج فطامي.
فاطمة :يسرج حالي ومن صوبج.
مهرة : تمام .
فاطمة : بغيت اخبرج اني انا وريمووه بنييكم العصر اذا ما بتطلعين.
مهرة بفرحة: والله وناسة لان هنودة بنت خالتي بتيي بيتنا اليوم وناسة كلنا بنكون موجودين عندي سبرايز بعد.
فاطمة :واو اوكي بخبر الريم وبنييكم .
مهرة : اوكي الساعة 3:30 تطلعون من البيت .
فاطمة : بحاول يلا cu
مهرة :cu2
(قامت مهرة بتروح المطبخ تزهب الحلويات والفوالة مسكها حارب)
حارب :مهاري منو بيي .
مهرة : بنات عمي.(وسارت المطبخ)
حارب : الله فطوم بتيي بيتنا.

في بيت بو فهد (ف الصالة )
هنودة : فهوود دخيلك ودني بيت خالتي اليوم انت يالس في البيت .
فهد : لا ما اقدر سووري .
هنودة : الله يخليك بلييز.
فهوود : يلا انزيين سيري لبسي بسرعة ولا تتاخرين عندج 5 دقايق اذا تاخرتي ما بوديج.
هنودة : فديتك والله مشكور.
فهد : بس بس ترا استحي .
هنودة وهي سايرة غرفتها بصوت خفيف: من زينك هههههههههههههه.
---------------------------------------------------------------------
في بيت بو سعيد ( غرفة ناصر )
أم سعيد : نصووريلا قم من متى وانت ناايم ما تشبع .
نااصر : هاااااااااااااا افف شو ليش.
أم سعيد : شو بعد افف يلا قم صل الظهر الساعة 1:30
نااصر وهو ينقز : اويييه.
أم سعيد : ههههههه بلاك ماخذ الفراش معاك تبا تنام داخل يعني .

مهرة جهزت كل شيء ورتبته ودخلت المفاجأة في الغرفة .
في الصالة
بو ضاعن : شو رايج ميثاء نروح المزرعة نحن وأخوي خليفة والعيال.
ام ضاعن : والله ما اعرف الشور شورك وخبر اخوك وجوف شو رايه .
بو ضاعن : قومي انتي واتصلي في عائشة
ام ضاعن : ان شاء الله .
(خذت أم ضاعن التيلفون واتصلت في بيت خليفة وردت عليها الريم)
الريم : الو السلام عليكم
ام ضاعن : وعليكم السلام والرحمة هلا والله ببنتي شخبارج
الريم : بخير وسهالة ومن صوبكم .
ام ضاعن : الحمدالله اقولج فديتج عطيني امج .
الريم : ان شاء الله ثواني
ام منصور : هلابالملايين ولايسدن ف ذمتيه وان سدن لا باس
ام ضاعن : هلا فيج الغالية شحالج
ام منصور : بخير علومج انتي والعيال وبو ضاعن
ام ضاعن : تمام الا اقولج بو ضاعن مقترح اقتراح نسير باجر العصر المزرعة وانتو شو رايكم
ام منصور : مادري والله بشاور بو منصور وبرد عليج خبر
ام ضاعن : يلا عيل اخليج سلمي على العيال
ام منصور : يوصل ان شاء الله فمان الله
ام ضاعن : الرب حافظ
(وسكرت ام منصور عنها وبدت الريم تسال وتسال لين ما طفرت امها)

في سيارة فهد
فهد : يلا هنودي وصلنا نزلي
هند : وانته ما بتنزل اتسلم على خالتي
فهد : لا ما اقدر اللحين انا مشغول واايد وقت بخطف عليج بسلم عليها
هند : اوكي يلا باااي.
(نزلت هند ودقت الجرس وشوي انفتح الباب )
هند : مهروو ساعة كاملة عسب تفتحين الباب
حمدان : بلا جذب ساعة كاملة اونه
هند وهي حاطه ايدها على قلبها : بسم الله الرحمن الرحيم
حمدان : ههههههههههه جايفة يني
هند : لاا عفريت .. تعاال انت منو
حمداان : انا حارب
هند : هب عليه عرفتك حمدان
حمدان ويسوي عمره ما يعرفها: انتي عرفتيني بس انا ما عرفتج لا يكون ام الدويس اللي تطلع في النهاار يالساحرة.
هند : وخر زين خلني ادخل ريلي تكسرت من الوقفة
حمدان وهو يسد الطريج :لو سمحتيوين داخله يلسي برع اللحين اطرش الخدامة اتييب لج اكل و...
هند بعصبية :قالوا لك طرارة ويا هالويه
حمدان : شو اذا هب طرارة الخدامة اليديدة نزلوج وساروا
هند بعصبية اكثر : لا والله ..قم عن الباب (وتمسكه من شعره واذنه واتيره برع وتدخل البيت واتسكر الباب وهي هب مستوعبه اللي سوته انها مسكته حست بشعور غريب)
حمدان وهو اخس منها بس يدري انهاااا هب قاصدة تسوي هالحركة يحاول يغير الموضوع :شو سويتي خربتي كشختي .
هند وهي ترمسه من داخل والباب مسكر :تقصد كشتك هب كشختك
حمداان وهو يتظاهر انه معصب : ياربي فتحي الباب خل ادخل بسرعة .
(هند فتحت الباب من الخوف وحمدان حاول يمسكها بس هي كانت اسرع منه وشردت فووق )
هند وهي تدق باب غرفة مهرة بس الباب ما ينفتح مقفوول سمعت صوت حمدان وهو ياي فووق ما عرفت شو تسوي دخلت غرفة من الغرف وسكرت الباب بس بعدين انتبهت ان هالغرفة غرفة حمدان بسرعة حاول تطلع بس ماقدرت راحت وقفت ورا الباب دخل حمدان وهو يغني أغنية اكسجين لحمد العامري وصوته كااان يهبل وطلع )
هند من دخل حمداان الغرفة عسب يبدل وهي مسكرة عينها ويوم طلع ارتاحت بسرعة طلعت من الغرفة سارت المطبخ حصلت حمدان يشرب ماااي طلعت بسرعة قبل لا يشوفها وفي طريجها حصلت مهرة نازله
هند: مهروووو يالخايسة مسويه متاهة في بيتكم ساعة وانا ادورج
مهرة : هههههههه الناس اتسلم الاول
هند باحراج: السلام عليكم
مهرة : وعليكم السلام والرحمة
(وسلموا ع بعض وساروا فوق و راوت مهرة هند المفاجاة اللي مجهزتنها لبنات عمها )

(بعد ما فهد نزل اخته سار الموول متواعد مع ربعه )
---------------
سيف : فطوم ساعة لتلبسين يلا الريم يالسة من الصبح ف السيارة تتريا.
فاطمة وهي نازلة من فوق :خلصت يلا توكلنا
( وصلوا الريم وفاطمة وسيف اللي ما رضى يوصلهم بس بعدين فكر قال يمكن اجوف مهاري , نزلت فاطمة والريم وسيف يسكر السيارة )
فاطمة وهي اتدق الجرس : اففف ساعة
الريم : اويه نسيت الكيس في السيارة .
فاطمة : لادخيلج كله ولا الكيس سيري هاتيه
(سارت الريم وفتح حارب الباب )
فاطمة بخجلها المعتاد : السلام عليكم
حارب : وعليكم السلام
(وفي خاطره يهلي ويرحب بيها )
حارب : دخلي ليش واقفة مهرة فوق مع بنت خالتي هند
فاطمة بابتسامة : ان شاء الله ودخلت بعدها الريم ع طول وطلعت في ويهم مهرة وبعد السلام والترحيب : اقول فطامي وريماني سيروا فوق يايه وراكم بس بييب عصير وياية
الريم : اوكي
(سلم حارب على سيف وراح المول يتمشى مع ربيعه عيسى)
ركب سيف السيارة بس جاف شيء مغلف طاح من كيس الريم خذاه ونزل دق الباب
مهرة وهي طالعة من المطبخ ومعاها العصير سمعت الباب وراحت تفتحه
سيف بفرحة : السلام عليج مهرة
مهرة والابتسامة ع ويها : وعليكم السلام
سيف : شخبارج
مهرة : بخير الحمدلله شخبارك انته
سيف ف خاطره : الحمدلله يوم شفتج
سيف : تمام , بغيت اقولج عطي الريم غرضها لانه طاح من الكيس ف السيارة (ويمد يده)
مهرة : اوكي (وتاخذه عنه )
سيف : يلا عيل فمان الله
مهرة : الرب حافظ (وبخجل ) شوي شوي في الطريج
سيف بفرح :ان شاء الله
(دخلت مهرة وسارت الغرفة وهي مستانسة )
وكانت المفاجاة صديقة مهرة (ليلى) ومعاها اختها (شيخة ) وفي نفس الوقت صديقة فاطمة , يلسن البنات يسولفن واذن المغرب وصلن بعد صلاة المغرب وهن يالسات في الصالة يتابعن مسلسل دخلت حمدة أخت شيخة وليلى
حمدة : السلام عليكم
البنات : وعليكم السلام
(وقامن يسلمن عليها ويوم وصلت عند هند )
هند : حمدوووو
حمدة : هندو حبيبتي وينج
هنود : يدامج بالعميه لا يكون فقدتي عويناتج.
الكل : هههههههههههههههههه
(حمدة صديقة هند من سنين وفي نفس الوقت كانوا جيران بس ابو حمدة قرر يسكن في العين عند بيت أبوه لان حلاله هناك وكان فهد يحب حمدة وهي بعد تحبه بس ما يبينون لبعض من كانوا صغار)

في المول
حارب يتمشى مع ربيعه ,عيسى : حروووب انت اليوم هب طبيعي شو فيك طول الوقت سرحاان
حارب : اااااااااااه مافيني شيء خلنا ناخذ لنا شي تراني يوعان
عيسى : اوكيك تعال اييلس هني وانا بطلب لي ولك وبرجع
حارب : اوكيه
(انتبه حارب لولد خالته فهد وهو ياي صوبه وقف عسب يسلم عليه )
فهد : ها حروب شو تسوي بروحك هني .
حارب : هب بروحي انا وربيعي انت شو تسوي بروحك ياي العين
فهد : لا انا نزلت هنودة بيتكم وياي مواعد الربع
حارب : اوكيه ما باخرك
فهد : لااا هم ساروا وانا كنت بخطف بيتكم اشلها
حارب : اوكيه اييلس وبنروح البيت مع بعض
فهد : اوكيه
(يلسوا يسولفون وبعدين ردوا مع بعض البيت في سيارة فهد لان حارب ماعنده سيارة وهو يا المول مع ربيعه وأخوه اللي وصلهم )

عند البنات
مهرة : اقوول هنودة شو رايج تنامين عندنا اليوم
هند: لا ما اقدر ما خبرت امي
مهرة : واللي يقولج ان انتي اليوم بتنامين عندنا لأني خبرت خالتي وهي وافقت
هند : حلفي مهرووة وناسة
مهرة : هب انتي بس حتى فطوم والريم خبرت امكم وقالت عادي
فطوم والريم وهند : كشخة .
حمدة : اوووووووووووويه اخوي خلوود عند الباب تدرون بيذبحني
الريم : ههههههه اتصلي جوفيه
حمدة : اوكي
(اتصلت حمدة في أخوها خالد وخبرها انه يالس في الميلس مع حارب وفهد اللي استانس يوم شاف فهد لانهم كانوا اكثر من ربع )
حمدة : الحمدلله خلود يالس في الميلس مع فهد وحارب .
مهرة : زين يوم انه حصل له حد .. يلا بسير احط الاكل .
حمدة : انا بساعدج .
مهرة : اوكيه يلا .
(وفي المطبخ)
مهرة : حمدة طلعي الوجبات من الاكياس بسير المطبخ اللي برع لان في كيس نسيته هناك .
حمدة : لا خليني انا بسير .
مهرة : اوكيه بتحصلينه ع الطاولة .

(في الميلس )
فهد : حارب انا بسير البيت لان اختي بتنام عند اختك وبنات عمها
حارب بفرحة لان فاطمة بتنام في بيتهم بس ما بين: لا اييلس تعشى .
فهد :لا ماعليه مرة ثانية ان شاء الله تعرف بعد مسافة الطريج .
حارب : اوكيه
فهد وهو يقوم : يلا وداعة الله
حارب وخالد : الرب حافظ
(وطلع فهد من الميلس )
خالد : يلا انا بعد اترخص
حارب : وين اييلس هو رخصت له لانه بيتهم في دبي اما انت اييلس مكانك وتعشى بعدين اترخص
خالد : ههه اوكيه
(فهد وهو يتمشى بيطلع جاف حمدة وهي طالعه من المطبخ وقف منصدم في حلاة حمدة زادت من الحلا وتم يشكر ربه انه جافها بعد هالغيبة الطويلة).
عايلة حمدة
ابو خالد :يحب عياله و يشتغل محامي في العين عمره 57 سنة .
ام خالد : عمرها 56 سنة شوي شديدة على عيالها واذا قالت لهم شيء لازم يقوولون لها حاضر .
خالد: عمره 22 سنة يشتغل في دائرة الكهرباء مع سعيد .
حمدة : بنت حلوة و قمر,عمرها 20 سنة ثاني سنة في الجامعة وطيبة وشعرها طويل ولونه أسود وصابغة خصل حمراء طالع روعة .

ليلى : عمرها 18 سنة ثالث ثانوي وشعرها قصير واايد و كل ما يطول تقصه ما تحب الشعر الطويل وتحب تلبس بناطلين وجينزات .
شيخة : عكس ليلى في كل شيء عمرها 17 سنة ثاني ثانوي و شعرها نص ظهرها.
غيث :أصغر واحد فيهم كله برع البيت عمره 15 سنة وما يهتم في دراسته الا في نهاية الفصل عسب ينجح و يبا يستوي طيار.خخخخ

شو رايكم في العايلة اليديدة ؟؟؟
شو رايكم في هالجزء؟؟
(انتظر ردودكم وأراكم وتوقعاتكم )
__DEFINE_LIKE_SHARE__

[! ĐįƠЯ ƒάṦђịǑη !]

) الجزء الرابع (
تعشوا البنات وسارت حمدة وخواتها
(في الصالة )
الريم : نسيت أخبركم عندي لكم خبر بمليون .
فاطمة : بدت ام هلال.
مهرة : هههههههه انزيين شووو.
الريم : باجر بنسير كلنا ...ال....ال...المزرعة .
فاطمة ومهرة : وااااااااااو
مهرة : اثاريح هب هينة .
الريم : هيه فديتج شو قالوا لج عيل أنا ريماني الحلوة الشطورة ال....
تقاطعها فاطمة : بس خلاص , ريموه وين الكيس اللي فيه الافلام اليوم بنسهر مثل ما اتفقنا.
مهرة : خلاص قومي معاي ريماني بنجهز المكان فطوم حبيبتي سيري المطبخ بتحصلين ايس كريم وشوي حلويات ع الطاولة هاتيهم ولحقينا.
فطوم : اوكيه .
(وساروا فوق وراحت فاطمة المطبخ )
(عند باب المطبخ من برع )
حارب : اوكيه عيسى أخليك اللحين .
عيسى : يلا وداعة الله.
حارب: وداعة الرحمن.
(سكر حارب عن عيسى ودخل المطبخ بيشرب الماي بس وقف يسمع فاطمة وهي تغنيأغنية لشحد حبك لنجوى كرم )
ياعيني الحب لا لا خليك حبكربك حلله

كسر الملل بثوبك الدافي وعمي النظر عن طريق ضللو يا يا عيني

انا لشحد حبك من عند الله شحادة انا لعبد حبك من بعد اللهعبادة

عيني يوم الفرحة يوم ألمح عيونك لمشي ع دروبك حفا والله واناديلك

انا بتنفس غرام انا بدمي الغرام اه يا روحي ع الغرام

انا لحفظ عهدكواثبتلك اخلاصي انا لحلف بعدك لو قطعولي راسي

انا حبك حب ما يخيب ظنونكويهشد عليّ الوفا والله شهادة
بعدين انتبه حارب : احم احم
فاطمة : ا..ا ...انا بسير..بسير ...فوق
حارب : لحظة فاطمة .
فاطمة :..........
حارب : انا ...انا.....انتي ...انا
فاطمة : خلاص انا اللحين اتاخرت لازم اسير .
(وبدون ما يحس حارب لا شعوريا مسك ايدها بس بعدين انتبه لانه جاف ان فاطمة زعلت وما يستوي يمسك ايدها)
حارب : فاطمة انا اسف ماكان قصدي ازعلج و....
فاطمة :....
(سارت فاطمة فوق بسرعة ونست الكيس في المطبخ )
في الغرفة
مهرة : فطوم حياتي شو فيج وين الكيس.
فاطمة :...........
الريم فجأة صارخت في اذن فاطمة : فطوووووووووووووووووووووم
فاطمة : ويع ان شاء الله قولي امين انفجرت الطبلة اللي في اذني عنلاتج.
مهرة: هههههههههه شكلج يضحك والله قولي في منو تفكرين يلا اعترفي
الريم : هيه صح في شووو بسرعة تكلمي اذني تحك.
فاطمة : ياحبج للقافة يلاا سيري .
مهرة : براحتج المهم بسير اييب الاكياس وبرجع .
الريم : خذي راحتج
(سارت مهرة المطبخ )
الريم : ها فطوم لايكون تفكرين في اللي فبالي .
فاطمة : قصري حسج عن حد يسمعج ولسانج يبيله قص,بعدين تعالي وين شريط الطفولة المغلف.
الريم : عيبتني طريقتج في تغيير الموضوع المهم وراج .
(طبعا تسألون وين هند هند في سابع نووووووووووومة )
.................................................. ...........................................
بيت بوسعيد
أم سعيد : سعيد فديتك دق ع أخوك جوف وينه خل يرجع البيت بس حواطه.
سعيد :أمايه يعني ماتعرفين ولدج من الساعة 9:30نايم واللحين الساعة 11:00 .
بوسعيد وهو يقوم : اريح له من الحواطه اللي مالها معنى المهم يا أم سعيد لاتنسين باجر بنتج موزة بتيي ع الغداء.
أم سعيد : لا ما بنسى بزهب كل شيء من الصبح لوقت الغداء.
(سارت أم سعيد وبوسعيد الغرفة بقى سعيد بروحه في الصالة )
سعيد : خل اتصل ف حمد احسن لي .
حمد : هلا والله بالحبيب هلا بابو عسكور.
سعيد : هلافيك شخبارك .
حمد : تمام والله ومن صوبك
سعيد : بخير وسهالة , ما تقولي وينك غايب ولا كني ربيعك ما تسال ولاتتصل.
حمد: تدري ان كنت ناوي اللحين ادق عليك بس جفت عاد انته سبقتني , الا اقولك شو رايك نسير باجر نحوط .
سعيد في نفسه (هاللي فالح فيه ): لا اسمحلي ما اقدر باجر الرضيعة وريلها بيون وانا هب شايفنها مدة .
حمد: لامسموح الغالي برخصتك .
سعيد : مرخوص يلا سلم ع الاهل .
حمد: يوصل ان شاء الله .
(وسار سعيد ناام بعد ما اطمن ع اخوه )

في بيت بو فهد الكل ناايم الا فهد اللي كان مصدع من الطريج بس ما قدر ينام من كثر ما يفكر في حمدة
فهد: انا لازم ما افرط فيج يا حمدة مثل قبل لازم اكلم ابويه وااخذ الرقم من هنودة لاني تعبت هب قادر انام مثل قبل ااااااه ياحمدة خذيتي روحي وقلبي وعقلي معاج من جفتج .

في صبح يوم اليمعة فبيت بوحمدان الكل بعده نايم الا اثنين .
قامت هند عسب تتريق بس جافت محد قايم بغت ترجع تنام بس لمحت حد فالمطبخ وظنت انها خالتها وسارت وهي تغني أغنية شمس الغرام .
هند : صباح الخير خالتي .
حمدان : صباح النور يالعميه اللحين انا واقف يدامج طول وعرض ماتجوفين.
هند : حمداااان شو تسوي .
حمدان : شو اسوي يعني يوعان ويالس اعفس ف الثلاجة هب محصلي شيء اكله.
هند: حتى انا يوعانه قم خلني اجوف شو عندكم .
حمدان :لاااا ممنوع الاقتراب من ثلاجتنا ممنوع.
هند :ههههههه وخر زين .
حمدان : ههه الا اقول ليش ما قاموا العنزات الثلاث.
هند : ههههههههه سهرانين طول الليل وتباهم ينقومون من صباح الله خير
حمدان : اهاا وانتي ليش ماسهرتي معاهم
هند : البارحة كنت مصدعة ونمت قبلهم, وبعدين ليش كل هالاسئلة والتحقيق.
حمدان وهو يتعبث ف التيلفون : لاااا بس ملل ماعندي سالفة يالسة احقق.
هند : ههه اوكي تعال جهز الريوق .
حمدان : صراحة الاكل يفتح النفس.
هند : بالعافية .
حمدان : الله يعافيج وين سايرة يلسي تريقي توج تقولين انج يوعانة.
هند : هونت باكل مع البنات يلا بسير اقومهم.

دخلت هند الغرفة وقومت البنات بالغصب حتى كانوا بيصيحون لانهم يبون ينامون ما شبعوا رقااد
هند تبي تصيحهم :اخ عليكم قوموا بسرعة
(سارت تفتح الستارة والشمس ما قصرت ضوءها في عينهم يبرق ويلمع ).
مهرة وهي تصارخ : لااااااا دخيلج اكره النور.
الريم : هنود الله يخليج فتحي المكيف
فاطمة : وصكي الستارة
مهرة وهي تثاوب : وطلعي برع
الريم : وصكي الباب ورااج .
هند بعصبية : كيفكم انا اللي ماعندي سالفة ياية اقومكم افف
وفي نفس الوقت حمدان كان يسمع كل شيء من ورا الباب وضحك ع هند يوم عصبت ويوم سمع صوتها يتقرب من الباب شرد الغرفة .
طلعت هند ويلست ف الصالة ملاانة توقعت تتونس اذا يت بيت خالتها بس الصبح الكل ناايم ومحد وااعي غير حمداان قاامت بتييلس تسولف معاه من الملل نزلت تحت ما حصلته شلت الريوق وهي طالعه من المطبخ طلع حمدان في ويها .
هند : وين بتسير اللحين الساعة 8:30 الصبح بعده الصلاة .
حمدان : تستهبلين هنود جوفي شو لابس ثاني شيء شرات ما قلتي اللحين الساعة كم
هند : ههههههههههه ما انتبهت ع الساعة ولا اللبس.
حمدان ف خاطره :فديت هالضحكه شو يالس اقول انا استغفر الله
هند : انزيين وين بتسير
حمدان :بسير العب كرة طايرة.
هند: الله انا بلعب معاك ملانة.
حمداان: اخاف اذا خسرتي تصيحين شراات مهرو .
هند بدون ما تحس : لا حبيبي هب انا اللي اصيح انت اللي بتصيح هالمرة وبتركض وراي وتقول لو سمحتي ممكن توقيع واحد ع الاقل وانا اقولك لا هب اللحين مشغولة .
حمداان : هههههههههههههههههه حلفي.
هند : تتحداني بنجووف يلا.
حمدان : اوكي يلا.
سارو يلعبون ومن اول رمية للكرة طاحت هند :اااااااااااااااااااي
حمدان : ههههاي من اولها
هند وهي تقوم : هذي البداية .
(وكملوا لعب )
خلونا منهم اللحين خلونا انسير عند عايلة بو خالد
في الصالة الكل يتريق الصبح
حمدة : اليوم ملل ابا اطلع مليت من الحبسة ف البيت .
خالد : ابويه قول البارحة شو جفت .
ليلى : جني عفريت شبح ام الدويس....
شيخة وحمدة وبو خالد : ههههههههههههههههه
خالد : حلفي
بو خالد : شو جفت ياخالد
خالد : البارحة يوم سرت اخذ شيخو وليلو جفت فهد يارنا اللي ف دبي
بو خالد : هيه تذكرته للحين هم ف دبي ما ظهروا منها .
خالد : لا أبوويه حتى بنت خالتهم تستوي ربيعة ليلو وشيخو .
حمدة : ابوويه عاادي اسير بيتهم .
شيخة : دخيلك ابويه اختنقنا من البيت .
بو خالد : ان شاء الله
ليلى : منو بيوصلكم
شيخة ليش ما بتيين معانا .
ليلى تهز راسه بالنفي.
خالد : خلاص انا بوصلكم .
حمدة : خلاص بتصل ف هند وبخبرها.
خذت حمدة المبايل ودقت ع هند بس ماردت عليها .
حمدة باستغراب : غريبة هب من عوايدها تنام الصبح احيدها نشيطة .

شيخة : طولتي السالفة وهي قصيرة خلاص بعدين دقي عليها.
00000000000000000000000000000000000000000
خلونا ناخذ لفة ع كل بيت بسيارتي المجهولة (أخاف ما تكفينا )خخخ
في بيت بو راشد (صديق حمدان والمغازلجيه )
راشد :ميوود.
مايد : خير.
راشد : ما اتصل فصوول فيك
مايد : اتصل وسلم ع الكل .
راشد : الله يسلمه
ماايد : تعرف شو بسير انام يا اخي هب قادر اوقف من التعب بسيراطيح وارتاح واتنعم بالجو البارد والظلمة ياااسلام
راشد باستهزااء : خلني اكمل عنك وتسمع ضربات الاموااج والموسيقى الخفيفة والهادية مسكتك يالرومنسي .(وشررررررررررررد)
ماايد : حماااار .

وفي بيت بو منصور(ف الصالة )
منصور :ابويه متى ناوين نسير المزرعة.
بو منصور :العصر ان شاء الله .
ام منصور : منصور قم ازقر سيف وحمد خلهم يتريقون عسب يستعدون للصلاة وياخذوون دش.
بو منصور : لا ما نروم عوااشي قامت تعرف دش بعد .
ام منصور بحيا: اقوول خل عنك هالسوالف وقم منصور.
منصور : ان شاء الله افا عليج الغالية بسير واخليهم ينزلون وريلهم فوق راسهم ويقولون امري يا مولاتي .
الكل : هههههههههههههههههههه.
ام منصور : حليلهم شو بتسوي فيهم اذا بتعفسهم اييلس مكانك احسن انا بوعيهم .
منصور : افا توعينهم وانا موجووود دقايق الا ثواني وهم نا زلين .
(قام منصور وسارالمطبخ وظهر وفي ايده ثلج وحط الثلج في حوض السمك القديم ومعاه ماي بارد من الثلااجه ودخل غرفة حمد اول شيء )
منصور : حمد حمد قوم حمد
وحمد لاحياة لمن تناادي
صب الماي والثلج ع حمد ونش حمد وهو يصاااارخ
حمد: يماااااااااااااااااااااااااااااااااااااااااااااااا ااااااااااااا ام الدويس
منصووور : هههههههههههههههههههههههههههههههههههههههاااي
وينش حمد وينزل بسرعة وينااام في حضن امه وهو كله ماااي.
ام منصوور : ههههه بلاك متخيس وتنتفض.
حمد : بردااااااااااااااااان
بومنصور : ههههههههههه الله يقطع سوالفك يا منصور وقم انت تغسل واسبح عسب تتريق.
ام منصوور : منصور شو سويت ف أخوووك .
منصور وهو فوق : هب انتي قلتي قوميه قومته واللحين دور الثاني .
ونفس الشيء سواه في سيف
سيف : يماااااااااااااااااااااااااااااااااااااااااااااااا اا مرت ابليس يدااامي .
منصور : هههههههههههههههههههههههههههههه عنلاتك
نزل سيف ركض وفتح الباب وركض بعدين استوعب وين انا ساير رد داخل البيت وسار المطبخ ورد وطلع وسار فووووق .
طبعا هالشي كله صار في دقايق وبسرعة وبعدين استوعب الكل : هههههههههههههههههههههههههه
00000000000000000000000000000000000 في بيت بو سعيد
سعيد : امايه متى مواااز بتوصل .
ام سعيد : ويدي عليك يا سعيد كيف تقوول لاختك مواااز خلاص اللحين ما شاء الله عليها غدت حرمة وام .
سعيد : ادلعها والله اني ادلعها .
ام سعيد : تستهبل حضرتك جوف الساعة كم 9 وماباجي غير 4 ساعات بالكثير ويوصلون .
سعيد : شو اسوي اشتقت لها فديتها.

خل نرجع للي خاسوا من الحر الظاهر يبون تصيبهم ضربة شمس
هند : هاا حمداان يلا قوول منو سكت الثاني .
حمدااان : والله انا اليوم تعبان وانتي من حسن حضج قررتي تلعبين لانج تعرفين اني تعباان .
هند : هههههه ضحكتني والله حلوة هاااي عيدها اعنبو دارك 5 صفر ههههههههههه
حمدان : اجووف هنودة طلعتي خطيرة .
هند : شو حسبالك يلا بسير اسبح .
حمدان : خل اتصل ح حمود احسن .
(اتصل حمداان في حمد ولد عمه بس ما رد اتصل مرة ثانية وشاله منصور)
منصور : الو
حمداان : السلام عليكم.
منصور : وعليكم السلام هلا هلا بالقاطع .
حمداان : هههه عيبتني القاطع انا ولا انت اللي ماتزورنا ولاتسال حتى اتصال ماتتصل.
منصور : يعني بتفهمني انك انت اللي حاشر بيتنا بسماعة التيلفون ولا انت اللي تتصل .
حمدان : حقك علي وان شاء الله المرة الياية تعال خذتنا السوالف ونسيت شو كنت بقول.
منصور : خير اللهم اجعله خير
حمدان : خير خير بس هذا مبايل حمد ولا انا غلطان
منصور : لاهب غلطان بس حمد ياخذ شور لاني مسبحنه الصبح بس ما ينفع معاه عنيد قام وخذا دش ثاني.
حمدان : هههههههههههههه صدق ولا تمزح انت مسبحنه.
منصور: هههه لا بس الصبح خيسته بالماي البارد والثلج عسب يقوم .
حمدان : ههههههههااي فاتني التشمت حسااافة.
منصور : انت بعد يبالك وااحد يسبحك الصبح مافي غير عمي.
حمدان : هههههه ف احلامك .
(وكملوا سوالف و مزح )

نسير بيت بو ضااعن
بو ضاعن :يا ام ضاعن زهبي الاغراض والحايات العصر بنمشي واتصلي ع ام منصور وخبريها يزهبون
ام ضاعن : ان شاء الله تامر
بو ضاعن : مشكورة الغالية .
ام ضاعن بحيا : العفو.
مهرة : اماايه حطي الريوق ميتين من اليوع .
ام ضاعن : مهرو شو الجذب هذا. تراج واقفة يدامي مثل الحصان وتناقزيين وما فيج الا العافية ليش تفاولين ع عمرج .
مهرة : لااااا يا الغالية ترا هذا تشبيه .
ام ضاعن : لافديتج اللحين ما اقدر سيري انتي وزهبي الرييوق انا مشغولة .
مهرة : ان شاء الله .
بوضاعن :اقول مهاري فديتج وين بنات عمج .
مهرة : بياخذون شور وبينزلوون.
(سارت مهرة المطبخ بالبجامه القصيرة و شعرها مغطي ظهرها و يديها ويالسة تغني )
مهرة :آه من قلب غدا حبه جنوني
و آه من خلٍ على بالي طرى
لي سطى فالروح وتملكشجوني
من صدوده يا ملا دمعي جرى
وفالمحبه ياعرب لاتعذلوني
لنه حبه فيفوادي قد سرى
حبه اللي صار لي عمري وكوني
مانسيته لو جراليماجرى

يابدر نور مابين المزوني
منزلك فوق الثريا والثرى
لو يهونالحب قدرك مايهوني
لنه عيني غيرك انته ماترى
من غلاك اتخيلك دومفعيوني
شوف حالي كيف عقبك مخطرى
لك غلى لك حب في دمي مخزوني
يالزيميحتى في نوم الكرى
بس رجوه لاتخيب لي ظنوني
لاتشمت بي عذولٍ مادرى
دخل سيف المطبخ عسب يشرب مااي وياخذ خواته وماكان يدري ان حد موجوود داخل ومهرة ع طوول شردت لما جافته وهو بعدين لمحها وضحك
سيف : وااا فديتج ياا مهااري رحتي وخذيتي قلبي معااج وكمل الاغنية عن مهرة اه من قلبن غدا حبه جنوني و ......
مهرة وهي تدخل الغرفة بسرعة : اوووووووه
فاطمة : شو فيج مهاري بلاج شو مستوي .
مهرة : ما مستوي شيء فديتج هيه تذكرت أخووج سيف تحت .
فاطمة بابتسامة لانها عرفت السالفة : اهاا .
مهرة تغير الموضوع : ليش بتروحون.
فاطمة : نسيتي بسير ازهب اغراضي عسب نسير المزرعة
مهرة : اهاا الا وين الريم
فاطمة وهي تلبس العباية : تسبح يوم بتخلص خليها تنزل.
(وطلعت فاطمة وسكرت الباب)
حارب : صبااح الخير.
فاطمة : صباح النور .
حارب : بتروحين فطوم ما يلستي.
فاطمة بحيا :ليش ما تعرف اليوم كلنا بنسير المزرعة .
حارب بفرحة : الله ونااسة يعني بنلتقي مرة ثانية .
فاطمة تهز راسها بالايجاب ونزلت تحت تربع وسلمت ع عمها ومرت عمها وسارت السيارة تتريا اختها .

اتمنى يكون البارت عيبكم وانتظر توقعاتكم والردود

__DEFINE_LIKE_SHARE__

[! ĐįƠЯ ƒάṦђịǑη !]

الجزء الخامس
طلعت الريم وهي تدندن : مهرو ويين فطوم.
مهرة : أصغر عيالج مهرو ولا لاعبه معاج ف السكة .
الريم : الاجابة الثانية فديتج.
مهرة : لاتسولفين ماشيء ريوووق سيري بيتكم تريقي وسيف وفطوم يتريوونج ف السيارة .
الريم :لااااااااا ريولي ما تخطي خطوة برع البيت الا وانا معبية بالاكل.
مهرة :كيفج والله (وطلعت برع)
الريم : شوو فيها هذي شكلها مضايجة ما كون انا الريم اذا ما عرفت (صج اللقافة تذبح )


هند وهي تتمشى ف الحديقة الخلفية :لا تستهبل فهوووود يلاعاد.
فهد : اوووووووووووووف انزيين خلاص بعد شوي بكون عند الباب.
هند : فديتك والله هذا الاخو اللي يسمع الشور.
فهد : ليش عندي غيرج ولاعندج غيري.
هند : لاااا حياتي مالي غيرك ومالك غيري.
حمدان وهو ساير المسبح يااخذ اغرااضه وقف منصدم : معقوولة هنووود ترمس لالالالا ما صدق .
هنودة بعد ما سكرت عن فهد يت صوب حمداان :حووو شو فيك وااقف تقوول بقرة جااايفة حريجة هههه.
حمدان والشرار يطلع من عينه : منو كنتي ترمسين قبل شوي
هند : بسم الله شو فيك معصب .
حمدان بعصبية أكثر : جاااوبي بسرعة.
هند : فهوود أخويه ليش.
حمداان بعد ما اتطمن انحرج ما عرف شو يقوول من الفشلة بدال ما يسير داخل مشى بسرعة صوب المسبح وما انتبه الا هو ف الحووض .
هند :هههههههههههههههههههههههههههههااي (وسارت داخل تتجهز عسب ترد البيت )
حمداان : اووويه شو سويت حراام ظلمتها فديتها شو اقوول لها اللحين اكيد زعلت انا لازم اجوفها واعتذر منها.


الريم وسيف ومنصور وحمد وفطوم وصلوا المزرعة بعد ما مر سيف البيت ياخذ اغراض خواته وكان منصور اللي يسووق .
منصور : سيوف وحمود تعالوا عاونوني .
سيف : محد قاهرني غير العنزتين اللي يدامي نحن نشل ونحط الاغراض وهم يتمشن .

الريم بدلع : اقووول فطااامي حبيبتي امشي ناخذ جولة و نتمشى.
فااطمة تضحك ع حركاات أختها:ههه اوكيك يا كيك.
سيف : اوووووووووووووووف.
منصور وحمد : ههههههههههههههههه.
سيف بقهر : بسكم ضحك وكرفو .


ف بيت بو سعيد
موزة وهي تدخل البيت : مرحبااا
سعيد : مرحبا الساع والله نور البيت.
عمااار وهو يخاشم سعيد : بوجوودي ادري فديتك ما يحتاي ترحب معرووفة المعزة .
سعيد : اللحين انت ليش دااخل عرض ياربي منك عموور داايما رزه.
مووزة : بسكم مصااخة ويين امايه فديتها مشتااقة لها.
سعيد : ونحن ما اشتقتيلنا.
عماار : صح رمسته ما اشتقتيلنا .
موزة : ويييييه توني معااك انا ومجاابله ويهك 3ساعات .
سعيد : يوم اقوول لج رزه ما تصدقين ياربي ع لقافتك يالنسيب تراني ارمس مع خويتي ليش ترز فيسك دايما ليش معرض نفسك للتهلكه والسخريه وانتي موزاان ما ادري كيف متحملتنه ووووووويع مااينطاااق.
مووزة : يلا بسك عاااد سعوود مصختها لا تيلس تتفلسف هب وقته ما ارضى.
عمااار : احم احم فديتج والله صح كلامها لاتتفلسف.
سعيد وهو قافط يحاول يغير الساالفة : وين العياال فديتهم مشتااق لهم .

علي : خاالي ثعيد تعال ببوثك.
سعيد : ههههههههه فديتك تعاال انا اللي ببوسك.
سارت موزة المطبخ تسلم على امها وسار معاها عمااار يسلم ع خاالته.
ف غرفة نااصر
بوسعيد: اخ عليك نصووور يالطفس يلا قم اختك وصلت قم سلم عليها واللحين امك بتنجب الغدا .
ناااصر لاااحياااة لمن تنااادي
بوسعيد : مااعليه انا برااويك .
طلع بوسعيد ورد دخل وف ايده خيزراانه وشاااط ناااصر ع ظهره مرة خلت راااسه يدخل ف السقف (مثل توم وجيري)
ناااصروهو ما سك ظهره : اااااااااااااااااااااااااااااااااااااااااااي
بو سعيد معصب : عنلاااتك قوم.
وطلع بوسعيد ورد ناااصر ناام بس خااف يرد ابوووه لان يكفيه شوطة وقااام .
بومنصوور وام منصوور وابوضاعن وام ضااعن في سيارة وحدة


حمدان : لحظة هند بكلمج .
هند تتظاهر بالزعل: بسرعة لان فهد تحت يتريااني .
حمداان بتردد : انزيين بغيت أقولج يوم انتي دخلتي داخل....
هند كاتمة الضحكة :مضيع شيء .
حمداان بخبث : هيه وانتي اللي خذتي الشيء
هند باستغراااب:انا ما اذكراني خذت اغرااض غيري بس شو خذت.
حمداان بجرأة: خذتي قلبي ودخلتي دااخل لامو بس قلبي تفكيري وعقلي وكل شيء.
هند مستحية : ...............
حمدان : انا ابا اقولج شيء اني احبج من يوم ما شفتج بس مادري كنت متردد بس اللحين انا متاكد وواثق بس ابا اعرف رايج ف.....
ومااقدر يكمل رمسته وماجاف الا غباار هند شردت بسرعة وركبت السياارة وقلبها يدق طيران خخخخ
فهد : بسم الله بلاج تتنفسين بسرعة شو فيج .
هند : اوووووووووه مافيني شيء جوف طريجك وانت ساكت اووووه.
فهد: ههههههههههههه شكلج تحفة.
طبعا نفس كل مرة ركب حارب ومهااري مع حمدان اللي يسوووق وحاشرنهم بالاغاني.


ف بيت بو خالد
حمدة : شواااخ عطيني الفون باتصل ع هنوودة يمكن ترد اللحين .
شيخة : اوكيك يا كيك.
حمدة : الو .
هند : الو هلا حمدوووة .
فهد : من سمع اسم حمدة تحرقص ويحاااول يسمع صوتها.
حمدة :هلافيج حياااتي شخبارج.
هنودة :تمام الا شحاالج انتي واشحال خواتج والكل.
حمدة : بخير ربي يعافيج بس بغيت اتاكد اليوم اذا ما بتطلعين من البيت عسب ايي عندج انا وشواااخي.
هند : لااا فديتج يالسة ف البيت حياااج البيت بيتج.
لا تسألون عن فهد اللي من سمع صوت هند الدنيا هب سايعتنه من الوناااسة بيطيررررر.


ف بيت بوخااالد
ام خالد بعصبية : غييييييييييييث ياربي منك بتخبلني وبتطلعني من طوري .
غيث : شووووووووووو تراني هني لا تصارخين .
ام خالد : ذاااكرت اليوم كل وقتك ف الشااارع اللي يجوفك يقوول ما عندك بيت ساكن في فندق تدخل تنام وتاكل وتطلع.
غيث : اللهم طولج ياروح .
دخل خالد البيت ع الحشرة المعتاادة : غيثو شو الرمسة اللي متعلمنها حد يرمس امه بهالطريقة قم بوس راسها يلا .
ام خالد : ما ابا حد يبوس راسي ولاشيء
وساارت المطبخ وهي مضايجة وشاله ف خاطرها.
خالد :اخ عليك جفت اللحين زعلتها اصلا تعال انت شو مسوي .
غيث بمكر : ما سويت شيء بس امايه الله يهداها يالسه تصارخ من الصبح تقولي لاتطلع .
خالد ويعرف حركاات أخووه : علينا العياره يعني كلامها صح لازم تعطينا من وقتك مثل ما تعطيه للغير ونحن اوله منهم .
غيث : امممم...ان شاء الله
قام وسار المطبخ ولقا امه يالسة ع الكرسي ومضاايجة وبهدووء تقرب منها وفجأة : ووووووووووووووووه
ام خالد : واااي بسم الله الرحمن الرحيم خوفتني عنلاتك زااد
غيث بدلع: ههههههههههههه فديتج امايه ليش يالسة بروحج يعني يوم فكرت اتنزل واقعد فالبيت تيليسن انتي فالمطبخ لايكون بس ما تبين تجوفيني خلاااص انا بطلع ورااي اشغاال ومعااملات .
ام خالد : ما دري شو من شغل ملهيك عني وعن البيت .
قام غيث وساار بااس راس امه وطلع معاها ويلس يسولف ونزلن حمدة وشيخة واستغربوا من وجوده ف البيت بس فرحوا وغيث ندم لانه ضيع احلى الاوقاات اللي يكون مع اهله ونسااهم وسار مع ربعه اللي ما بيفيدونه وفرح يوم جاف امه فرحااانه بيلسته من بينهم واليمعه الحلوة.
حمدة : خلووود يلا ما بتوصلني فديتك بيت بو فهد .
بو خالد وهو نازل من فوق : مرة وحدة كلنا بنسير بيت بو فهد لاني انا بعد بسير عند بو فهد .
ام خالد : وانا بعد ابا اروح عند ام فهد فديتها هب جايفتنها من سنين.
غيث : الا وين ليلى.
شيخة : شيء يديد يعني كل يوم نفس الحاله.
بوخالد : يلا انزيين خل نمشي عسب نلحق ولاتنسون مسافة الطريج .
غيث : انا ما بسير معاكم.
ام خالد : بدينا .
غيث : يعني امايه اسير عند منو محد قدي وفي نفس سني.
خالد : خلاص انت اييلس ف البيت مع ليلو ولا تنسى الباب مفتووح.
غيث : ان شاء الله.
قام الكل وتزهب وخبرت حمدة هند عسب تخبر امها وابوها وفهد انهم بيزورونهم كلهم .


ف بيت بو سعيد
ناصر يلعب مع علي بليستيشن وسعيد يالسة فحضنه وفاء ويلعب معاها: واااه فديتج وفوووي
عماار : أقوول موزان مابنسير.
نااصر : ليش اييلسوا تعشوا .
موزة : لا فديتك نصور لازم نسير بيت خالتي بعد .
ام سعيد : اها سلموا عليها عيل.
عمار وقف وشل وفوووي : يلا مع السلامة
بوسعيد :مع السلامة وشوي شوي فالطريج .
عمار : ان شاء الله
سعيد : يلا انا بطلع معاكم.
وطلعوا وعند الباب
موزة : سعيد حبيبي شو فيك احسك متضايج .
عمار: هيه قوليله حبيبي وانا ما اسمعها منج.
موزة فاااجة عينها ع وسعهم
عمار : لايعني انا اقصد بالغصب تطلع منج .
سعيد :ههههههه بسكم لا حياتي ما فيني شيء بس مضايج لانكم بتسيرون .
عماار : علينا العيارة نزل علو من الصبح معلقنه فيك .
سعيد : فديتهم بيروحون يلا باااي خالي.
علي :باااااي.
ودخل سعيد
موزة بدلع : عموووري حبيبي يلا نسير بنتاخر.
عمار : لاعمري ما بنتاخر اللحين يايج ليش مستعيله.
وفي داخل البيت وف الصالة
نااصر : يلا بنااام اكمل حلمي اللي خربتوه عليي الصبح.
سعيد : شو هالحلم اللي يالس ذليتناعليه .وبعدين تعال بعدها الشمس ف السما
نااصر : حلم لا مثيل له بعدين شهاللقافة خلك ف حالك انا اسير اكمل رقاادي احسن ما دري كيف مااييكم رقااد وعندكم القدرة ع السهر.
ام سعيد : سير ناااصر نام احسن من الهذربة .


وصلت عايلة بوخالد بيت بو فهد ودخل خالد وابوه الميلس وامه وخواته ف الصالة .
ام فهد : مرحبا الساع هلاوالله بام خالد .
ام خالد : هلا فيج .
ويلسن يسولفن وسارت حمدة وشوااخ مع هند فوق .
ف الغرفة
هند : اووووويه صدق ما استحي بسير اييب شيء نشربه ويايه اوكي.
حمدة : لا فديتج يلسي ما نبا شيء .
هند طلعت وما اهتمت وحطت الشيلة ع راسها وطلعت للمطبخ الخارجي تاخذ ثلج من الفريزر.
وبالصدفة خالد يرمس مع ربيعه جااف هند وهي تتحرك وترمس روحها وكيف اتيي صراحة هند كانت داخله خاطر خالد من زمان وكل ما يقول بيرمس امه ما يحصل فرصة وهالمرة قرر يرمسها سار المطبخ عسب يسمع صوتها ع الاقل.
خالد : السلام عليكم.
هند : وعليكم السلام .
خالد : شخبارج هند .
هند : تمام ومن صوبك.
خالد : بخير وسهالة الا اقولج وين الماي .
هند : اممم ف الثلاجة (وشلت صينية العصير وسارت )
خالد : حمدلله يوم شفتج وسمعت صوتج ياقلبي.


ف الغرفة
حمدة : شوااااخ سيري جوفي هنودة تاخرت .
دخلت هند وحطت الصينية ع الطاولة.
شيخة : يلا اعذرووني خل اروي عطشي.
هند : هههههههه ارويه محد ماسكج .
شيخة : لا في حد ما سكني عيون حمدو.
حمدة : بدا الجذب .
هند : الا وين ليلى.
شوااخ : خليها ع صوب يعني ما تعرفينها دوم يالسة بروحها وما يخصها ف حد وما تحب تطلع .
هند : عجيبة ليش ما تحب تطلع .
حمدة :ما ادري شو فيها انطوائية وما تحب تطلع بالذات الاسوااق .
هند : خاطري اعرف شو فيها ليش حمدة ما تفكرين تييلسين معاها وتسولفين يمكن تقدرين تعرفين شو فيها .
حمدة : يعني شو اقول حاااولت معاها واايد وكل ما ادخل مكان تطلع منه وهب انا بس كل اللي ف البيت تتعامل معاهم جذي حتى أماية وأبويه.
شيخة : ودايما تتأفف واذا عرفت ان في حد بيزورنا تيلس ف الغرفة ما تحب تييلس مع اي احد.
حمدة : خلونا منها ماخبرتج غيث .
هند : شو فيه ما تاب هالولد .
شيخة : هههه لا تاب وقام ييلس معانا واحسه فرحاان ويحاول يعوض الاوقات ويستغلهم معانا.
هند : حمد الله ربي هداه وان شاء الله يهدي ليلى .
حمدة : الله يهديها ويهدي الجميع.
شيخة وهند :امين .


عند ليلى
ياالسة ف الصالة وتاكل ايس كريم وتجوف فلم ع ام بي سي ماكس
دخل غيث :مرحبا ليلى.
ليلى : اووووف (وقامت سارت المطبخ)
غيث بحزن: شوفيها ارمسها تتافف.
حليله غيث تاثر وحط بخاطره لانها قفطته اما الباقين عادي عندهم متعودين ع حركاتها واسلوبها
اما ليلى لاول مرة يرق قلبها وتحس باللي سوته وتنتبه وتصحا من سخافتها: ياربي شو سويت انا حرام كسرت خاطره اكيد اللحين زعل واتضايج فديتك ياغيث ما تستاهل .
طلعت من المطبخ وفي ايديها كيس.
ليلى وهي تييلس عند أخوها:غيثو ليش ماسرت معاهم.
غيث باستغراب اول مرة تسال عن حالي بس استانس : ما حبيت اخليج بروحج قلت اونسج بس ما توقعت منج تسوين فيني جذي.
ليلى بحزن : وافديت اخوويه ادري انك ماتبا تخليني بروحي والدليل يالس مع ربعك ومخلني بروحي.
غيث : تراني ييت عندج اللحين بسوولف بس انتي صديتي عني الا تعالي شو في ايدج.
ليلى : لا تحاول ما بعطيك غير واحد اعبر فيه عن اسفي لك.
غيث : ياي اسكريم انززين يلا عطيني يالبخيلة .
ليلى : شكلك ناوي تخليني اهون
غيث : لادخيلج عطيني لا تهونين بعد ما شهيتيني .
ليلى : ههههههههه.


ف المزرعة بعد ماوصل الكل سار يرتاح عند البنات
مهرة :ريموووه سيري هاتي ماااي ميتة عطش .
الريم : لا فديتج ما اقدر تعبااانة فيني رقااد .
مهرة : فطووووووووم حبيبتي سيري هاتي مااي.
فاطمة : .....................نايمة
مهرة : ياربي اووووف.
طلعت مهرة وسارت المطبخ وشربت مااي وجذبها صحن الكيك ويلست تاكل وتغني مشتاق لك مووت ياللي طول غيابك يجيني الشوق...........
دخل حاارب المطبخ : مهااري شو تسوين ليش ما نمتي يالسة مثل القطوة وتاكلين .
مهرة : هههههه عيبتني القطوة بعدين انا ياية اشرب المااي جذبني الكيك وقلت اجربه .
حارب : ههه تجربينه ولا تبلعينه.
مهرة : خلني اتلذذ بطعمه.
سار حارب عند سيف لانه نايم معااه:قالت شو قالت اتلذذ.
سيف : هههه شو فيك ترمس عمرك تخبلت.
حاارب : ضحكتني مهرة يالسة فالمطبخ مثل القطاوة وتاكل كيك وتقول شو خلني اتلذذ (وغطى حااارب عمره ونااام وخله سيف برووحه )
سيف : اووووف شو اسوي ملان وماييني نووم حروووب قووم سولف معاي .
حارب لا حياة لمن تنادي.
قام سيف وسااارالمطبخ ولقى مهرة يالسة للحين .
سيف : عااادي اتلذذ معااج فالكيك .
مهرة حمرت وف خاطرها : الله ياخذ بليسك ياحرووب.
مهرة : ها هيه تعال.
وقامت ويلس سيف : ع وييين ابا اسوولف معااج مافيني نوم .
مهرة : ها لا بحط لك كيك .
ويلس سيف يسولف معاها ويضحك وما دروا الا انتبهت مهرة ع الساعة 3:30 سارت نامت ولحقها سيف وسار نام .
وع الصبح اتصل ضاعن ع امه وابوه ورمسهم .
ام ضاعن : اقووول ام منصور ما قامو العياال.
ام منصوور : قااموا فديتج كلهم ماعدا سيف ومهرة ناايمين .
ام ضاعن : مهروووة يبالها تهزيبه محترمة نايمة لهالوقت.
ام منصور : يلسي فديتج خليها نايمه يمكن ما نامت البارحة عدل .
فاطمة : عنج بسير انا وريمووه بنوعيها.
الريم : هيه صح .
وسارن عندها وحاولو بكل المحاولات بس ما قدروا الا لما وصلو للحل الاخير اللي اقترحته الريم.
الريم : 123 وصبت ع مهرة الماااي البارد وحاطه فيه ثلج.
مهرة : وااااااااااااي .
الريم وفاطمة ماقدروا يمسكون عمارهم: ههههههههههههههههااي.
مهرة يلست تصيح مثل الياهل لانها تعبااانة ورااسها يعورها البارحة مانامت والحين يالسين يلعوزونها.
فااطمة تشهق: مهاااري حبيبتي شو فيج ليش تصيحين ترا ما تسوى.
الريم : خلاص نحن اسفين ما ندري انج بتزعلين وتصيحين .
مهرة من العواار يالسة تصيح وتشاهق.
فاطمة :ريموو خلاص خليها تنام ويلا نطلع.
وطلعت ريم وسارت فاطمة سكرت الستاير وطفت الليت ويلست عندها لين ما نامت وطلعت .


ف بيت بو خالد
قام خالد الصبح ويلس ف الحوي لمح أخته ليلى من بعيد يالسة بين الشير وع غصن شيرة كبيرة سار عندها.
خالد : ليلى شو تسوين من الصبح يالسة هني.
ليلى بابتسامة : اتشمس.
خالد استغرب ف خاطره :عجيبة ما تتاففت ولا قامت.
ليلى : أدري انك مستغرب اني ما قمت بس مادري احس اني ندمت ع كل لحظة قضيتها بعيدة عنكم.
خالد : حبيبتي ليلى انا حاس بيج وبندمج .
ليلى : ...........
خالد : مثل ما رجع غيث ابيج ترجعين ليلى الاولية اللي تسولف و ما بييج تيليسين بروحج لان هذا الشيء اييب الهموم واذا يلستي معانا انا متأكد انج بتنسين همومج وبتحصلين الراحة والامان بين اهلج.
خالد يكمل : وانا مادري أحس يومي قريب وابا اتطمن عليكم .
ليلى : باسم الله عليك ليش تفااول ع عمرك .


نرجع للمزرعة .
عند البنات
مهرة : ههههههههههههههه اللحين انا سويت كل هذا.
الريم : لاوتشاهقين بعد.
فاطمة : ههه شكلج نمتي ونسيتي كل شيء ههههههه


عند الشباب
منصور : والله أنا تعبان مليت .
حمدان : أنا ندمان اني طاوعتكم وييت هني ملل.
حمد بصوت خفيف لحمدان : بعدونا عن الغرااشيب.
سمعهم سيف : لا والله يا أخوي الغراشيب موجوودة هني.
حااارب : بس انتو مغمضين وما تجوفون عدل.
حمداان بلهفة: وين وين .
سيف : ف الزريبة .
منصور وحارب وسيف : ههههههههههههههههههااي.


نرجع عند البنات
الريم : لاصرااحة صج ملل مليت بسير أكلم الشياب يمكن ايطيعون نرجع .
مهرة : من صجج البارحة وصلنا اليوم نرجع .
فاطمة : انا من الملل بسير أكلم ربيعتي شيخة .
الريم : مهروو تعالي معاي انا بقنع عمي وامج وانتي اقنعي اماية وابويه.
مهرة : اوكي.
اتصلت فاطمة ع رقم بيت ربيعتها شيخة.
......: ألو
فاطمة : ألو السلام عليكم .
....: وعليكم السلام.
فاطمة : منو معاي .
......: انتي المتصلة منو انتي.
فاطمة : أنا فاطمة وانتي.
......: انا ليلى .
فاطمة : هههه ليلى ماعرفتيني انا فطووم ربيعة شواااخ .
ليلى : هههههههه.
فاطمة : الا وين شواااخ اتصل عليها ما ترد .
ليلى : ههههه شوااخي ف المطبخ .
فاطمة : هههه شو تسوي.
ليلى ما ادري يالسة تعفس .
فاطمة : ع الاقل انتو تقدرون تطلعون اما نحن محبوسين كل ما قلنا طلعونا ما نحصل حد يطلعنا .
ليلى : ويييع ماحب الطلعاات مملة احس يلست البيت أحلى.
فااطمة : اول مرة اسمع وحدة ما تحب تطلع ولا تحب تيلس ف البيت بعد .
ليلى : هذا الصج والله انا احب البيت احس بالامان فيه.
فاطمة : انتي انسانة غريبة محد يعرف لج .
ليلى تغير الموضوع وبضيق:تبين شيخة اللحين بزقرها لج .
فاطمة وشكلها حست بضيقها: اوكي.
عند الشياب
الريم : يلا عمي حبيبي خل نرجع هني لوعة جبد .
بو ضااعن : لا هني احسن لكم.
الريم : لا عمي بلييز.
أم ضاعن : تبون تسيرون البيت عسب تطفرون وتطلعون ماشيء .
الريم : يلا عمي تراا بصيح .
أم منصور :بسج لا تلعوزين عمج ومرته وبلا دموووع التماسيح هب عليي.
بو ضاعن : يمكن الشباب يبون ييلسون .
الريم : لا انا كلمتهم وهم قالولي اكلمك. (يما ع العيارة والجذب).
بو ضااعن : كلمي ابوووج .
الريم : يس ...فديتك عمي .
عند مهرة ابتدت ف عمها لان مرت عمها كاشفة حركاتهم.
مهرة : عمي طلبتك.
بو منصوور : امممم عطيتج.
مهرة : نبا نرجع ملينا .
بو منصور : عجيبة كل مرة تطفروني عسب اييبكم وهالمرة جالبينها تبون ترجعوون.
مهرة : شو نسوي ملينا وهالمرة مالنا خلق لاي شيء.
بو منصور : يلا فديتكم كلمي مرت عمج وامج خل يزهبون الاغراض فالسيارة.
مهرة نطت ع عمها ويلست تبوسه .
رجعوا البنات مع منصور وسارت مهرة بيت عمها.
والشباب مع حمداان والشياب مع بومنصور.

__DEFINE_LIKE_SHARE__